ارجو ان يكون هذا الكاريكتير تزوير يا "ود ابو" والا فانها حسرتنا فيك

07:53 AM December, 20 2016

سودانيز اون لاين
Elmosley-Moterey, California, USA
مكتبتى
رابط مختصر

وانا متأكد من التزوير والفوتوشوب ومنتظر ردك

>

استاذنا الجميل موصلى

لاحظ التاريخ


تحياتى ى مواطن

دا اغبى مزور


تحياتى عبرك للراكز ود ابو

نعم استاذنا
قاموا بتزوير التعليق

تحياتي لكم وللمرور

تسلم حبيبنا محند

حبيبنا معاوية ايوه لاحظت بس داير الاصل
لانو الجماعة الطيبين هايجين بيهو في الفيسبون

تحية النضال لكم جميعا اينما كنتم
وصلتني بعض الإستفسارات من بعض اصدقائي ومتابعي اعمالي الكاريكاتيرية يسألوني عن ماذا اقصد برسم كاريكاتير مناوئ للعصيان المدني: الرسم يوضح: جنازة في المقابر مكتوب عليها (العصيان المدني) وبعض الناس حولها شايلين الفاتحة على المرحوم العصيان وهكذا.
هنا احد الامثلة لما كتب عن هذا الموضوع من احدى المتابعات لأعمالي في صحيفة الراكوبة:
ياأخوى ياود ابو‎ ,, إنت مع منو ؟؟ ورينا في الأول ,, أنا شايف ليك كاريكاتير ,, راسم فيهو االعصيان راقد في نعش ميت والناس بترفع في الفاتحه ,, يعنى مضمون الكاريكاتير بأن العصيان فشل ,,,
كدى فهمنا إنت جداده إلكترونيه ولاكيف ؟؟ ولاشنو؟؟؟ وخليك واضح ياجميل ,, ومافى داعى لى لخبطتة الكيمان !!! انتهى التعليق.
اسم صاحبة الرسالة [د. عزيزة بشير]
وبعد ان رايت الكاريكاتير بنفسي اتضح ان (الامنجي الذكي والمصحصح جدا) ترك التاريخ المكتوب على الكاريكاتير كما هو: خمسة وعشرون اغسطس سنة الفين وخمستاشر .. يعني الكاريكاتير اتعمل لموضوع آخر في ذلك التاريخ قبل أكثر من سنة. والعصيان اتعمل في نوفمبر وديسمبر الفين وستاشر . (يعني كلفتة وعدم مسؤولية حتى في شغلهم الأمني) !!!! واهو نجح في شئ واحد وهو ان يشغل انتباهنا بمعارك جانبية بعيدة تماما عن الهدف الاساسي وهو نجاح العصيان المدني واقتلاعهم، وبالمناسبة هم إجتهدوا ولحد ما، في ان يشغلونا بمثل هذه المعارك الجانبية الإنصرافية، ودا طبعا شغلهم وأكل عيشهم بغض النظر عما اذا كان اخلاقي ام غير اخلاقي، المهم هو ان يعملوا كل ما بوسعهم لفرملة السنوامي المتجه نحوهم، ولذلك علينا ان نكون مصحصحين والتكنلوجيا التي جعلت اعمالنا ونضالنا سهلا، ممكن جدا وبكل بساطة تستغل لعمل كلما هو قبيح و مناوئ لأهدافنا، يعني من السهل جدا ان تتحول اعمالي او أي اعمال اخرى عن طريق قطع ولصق الى …. اعتقد المسألة واضحة.




خوتي واخواتي الى ان يتم اقتلاع السرطان الجاثم على صدر شعبنا يجب ان نتوقع الكثير جدا من فرفرة المذبوح ومن المحاولات اليائسة لتعطيل نضالنا لأن المسألة بالنسبة لهم أصبحت مسألة حياة او موت. ولا احتاج لتوضيح موقفي من الحاصل الآن، أؤكد لكم ، اخوتي واخواتي، ان ما يجري الآن على الساحة من حراك جماهيري وعصيان مدني وتحدي سافر لأبشع دكتاتورية في عالمنا اليوم لا تستوجب، أي نوع من المواقف الضبابية، كما ذكرت الكنداكة شمائل النور وغيرها من أقلامنا الجسورة، الموقف الآن اصبح إما مع أو ضد، وأنا والحمد لله منذ ان وعيت وادركت ما يجري حولي كان موقفي
ولا يزال ضد كل ما له صلة بالإستبداد والجهل وبالتحديد ضد كلما له صلة بما يسمى “بالاخوان المتأسلمين” والحمد لله من قبل ومن بعد.
وهذا ما وجب توضيحه
محمد على ود ابّو

الحمد لله و ابو حبيبنا
----------------
لكن الحرامي بعد ما قرا كلام ود ابو صلح التوزبر شويه
لاحظ

http://www.up-00.com/"http://www.up-00.com/"

تعيش يا ادريس

ود ابو رمز كبير من رموز المعارضة يا محمد

تاريخ الكاراكتير 15/5
والعصيان في 19/1
هسي الجاب ام ضبيبينة على { الحشرو عباس } شنو ؟؟؟؟
وان لم تخني الذاكرة
فقد شاهدت هذا الكاراكتير او واحد شبيه
وكان عن هزيمة احد فريقي القمة في السودان


زولك دا ذكرنا واحد مسطول قام بتزوير الدولار الفئة تقريبا 100 دولار
ويقال ان عمك المصور في ورقة المائة دولار اصلع
لكن اخونا المزور ما { حلق ليهو } !!!!

حضرت مرة محاكمة تاجر شهير في ترويج البنقو في احدى محاكم ام درمان
اها يوم المحاكمة القاضي وضع المعروضات امام المتهم
وكانت عبارة عن { قندولين بنقو }

القاضي سال المتهم اها دا مش البنقو بتاعك ؟؟
المتهم قال ليهو دا { تفل } انا ما بستخدم بنقو سيء زي دا
بل وكورك في القاضي انه يستفزه بهذه الطريقة
وقال للقاضي بامكاني الآن ان اذهب معك عشان اوريك عينة من البنقو الأصلي الذي استخدمه
وهو البنقو المفضل لضيوفي العزيزين على نفسي !!!!

هنا توقف القاضي وتم رفع الجلسة
طبعا العساكر استخدموا البنقو المعروضات الأصلي واستبدلوه بالعينة التي تم عرضها للقاضي

استاذنا الموصلي

سمعت ببلادة البلادة؟؟؟

اهي دي زاااااااااااااتا


ههههههههههههه

مع ودي

اول ما شفت الكاريكاتير فكرت ان اللافتة الفوق الجنازة المكتوب فيها
" العصيان المدني" احتمال كان مكتوب فيها" الحوار الوطني" او قل
الخوار الغير وطني...
ولكن الآن وضحت الصورة والمكتوب كان" هيبة الانقاذ"..
واساسا هيبة الانقاذ دفنت العام قبل الماضي بعد ما شفنا قصور
الحرامية واللصوص من رموز النظام الحاكم في المنشية وكافوري والمجاهدين وفي ريبا
ومدريد والريفيرا ودبي...
وعجبا لهم كيف تأخذهم العزة بإثمهم...

والله يديك الصحة والعافية...
.
.
.
.

.
المهم..
وبالمناسبة دي وين ود شيخ الدين.... اختفى..

دا الكاريكاتير الاصلى



تحياتي