هدف الإعتصام تحقق بنسبة كبيرة ودا المهم .. نظام بكل جبروته وطغيانه وتعسفه وموارده الكبيرة المخصصة لبقاؤه سواء كان قوات أمن وإعلام تتحزم تتلزم وترفع درجات استعدادها لثوار الكي بورد هذه القوات التي كانت مكان تندر وسخرية ... تصنع مناسبات وترتجل امسيات وينتشرون في كل فج( ارض او سايبر )يحبسون انفاسهم وكبيرهم الرقاص يجوب البلاد يتحسس ويستجدي محبة كانت تجهز بواسطة سماسرة الحشد وخاب ظنه .. فعلا نحن في قمة السعادة لنشر الوعي الذي عم ارجاء الوطن وقد علم ناس ام دم حاج احمد وعين اللويقة والفرشاية وهجو الاحمر واقدي وروم البكري والكريدة وام شديدة وسقادي وصقع الجمل الغزالة جاوزت انو في عصيان وللعصيان ما بعده ... سعادتنا في مقالدتنا لي شعبنا و تجهيزو لما بعد هذا التمرين الصعب الخلى الكيزان يفقدوا لياقتهم وساعة المباراة الحاسمة ستخور قواهم من بداية الشوط الاول وربما يعلن الحكم نهاية المباراة من ربع الشوط نتيجة انسحاب الكيزان ويعلن فوز الشعب . يرونها بعيدة ونراها اقرب من حبل الوريد ... شكرا لمن ساند ودعى ونشر بهمة ..وشكرا لمن بادر واعتصم وشكرا لمن بادر ولم يعتصم ولكن قلبه معنا ... شكرا شعبي لهذا الموقف الذي يليق بكم ... وستتوالى المفاجاءات وسنربك الاوغاد .. اليوم عصيان وغدا عصيان وبعده حملات جاهزة وستعلن في حينها وكلها تصب في التطور الطبيعي للثورة التي ستكون تم التمهيد لها وساعة الصفر سيخرج المارد وسيهرب الاغراب... #ابتسم_افرح_تفاءل.. تم انجاز المهمة بنجاح...
اخيرا قلناها وسنقولها الشعب حا يكون في الموعد ...
Post: #2 Title: Re: نحن في قمة السعادة والتفاؤل ✌✌ Author: Yasir Elsharif Date: 12-19-2016, 01:26 PM Parent: #1
كلام تمام
شكرا يا أبو علوة
أفتكر يمكن إعادة اعتصام آخر في يوم الأحد الأول من يناير وأصلا اليوم إجازة..
ياسر
Post: #3 Title: Re: نحن في قمة السعادة والتفاؤل ✌✌ Author: كمال عباس Date: 12-19-2016, 01:32 PM Parent: #2
شكرا أخ علي دفع الله وليتواصل الطرق ولتتوالي الضربات والخلخلة ـ إما العصيان المدني فقد نجح ومنذ فجر نوفمبر الماضي وسيصبح سلاح ناجع وجرعة عند اللزوم ـ مؤكد أن العصيان سيتوج بالتظاهر وإستخدام وسائل أخري ـ تظهر لحظة المخاض وتعجل بإسقاط النظام ! * حدثت الهزة والبلبلة ـ وإرتعدت فرائص النظام وأهتز عرش الطاغية وخرجت الفيران من الجحور وأنكشف الأبواق والمأجوريين ومن يكتبون وينطقون بالأمر وتحت وقع رنين العملة ! ـ ونفس الجملة المكرورة ( ـ العصيان فاشل ! كنت هناك ! الزحمة شديدة - ضربت تلفون خالتي قالت الخرطوم بقت زحمة خالص الليلة !) ـ نشر صورة لجمع سلطوي محشود ! ما أتعس من مات ضميره ورهن قلمه وإنسانيته للجلاد ! .......
Post: #4 Title: Re: نحن في قمة السعادة والتفاؤل ✌✌ Author: Haytham Ghaly Date: 12-19-2016, 01:37 PM Parent: #1
تحياتي علي
فعلاً سعداء جداً ونحن نرى هذا الاستنفار غير المسبوق لكل امنجيتهم وسدنتهم ونرى كذبهم وتضليلهم يفضحونه لوحدهم دون تدخل منا فتراهم مرة بهددون بالارزاق وتارةً يهددون العاصين بجهنم
هههههههه
الليلة حسين ملاسي كاتب تلاتة بوستات مرة واحدة شفت الزعزعة دي كيف العجب بقية الهتيفة والصفاقين والزغرادات 🤣🤣🤣
نجح العصيان فعلاً ورسالتنا للعالم وصلت
تحياتي يا مان
Post: #5 Title: Re: نحن في قمة السعادة والتفاؤل ✌✌ Author: مني عمسيب Date: 12-19-2016, 01:55 PM Parent: #4
سلام ابو علوة ... وكل سنة وعصيان انتم بالف خير ,, ولضيوفكم الكرام .
اخيرا قلناها وسنقولها الشعب حا يكون في الموعد ... لو سمحتوا زيدوا لينا الجرعة شوية ويا ريت لو كانت قاتلة للكيزان .
عصيان حتي النصر ,,,
Post: #6 Title: Re: نحن في قمة السعادة والتفاؤل ✌✌ Author: علي دفع الله Date: 12-19-2016, 04:12 PM Parent: #5
الزملاءالعاصيين وناشفين كررررررررررررررررر يمين حبابكم الاخ ياسر الشريف الاخ كمال عباس الاخ هيثم غالي الاخت منى بت عمسيب
الغريق قدام والجايي احلى وانضر
شكرا شكرا لكم ولشعبنا منقبل
Post: #7 Title: Re: نحن في قمة السعادة والتفاؤل ✌✌ Author: اميرة السيد Date: 12-19-2016, 04:32 PM Parent: #6
بدون شك العصيان نجح ميه في الميه.. والدليل الصور الحقيقية التي أتى بها صلاح جادات من العاصمة والأقليم.... وكذلك الصور الغير حقيقية التي اتى بها عبد اللطيف السيدح وملاسي ومؤيدي النظام.... وخاصة صور التدريب العسكري للإحتفال بعيد الاستقلال في الصباح الباكر قبال الناس ما يجو يشاركوا في الاحتفال..... وضل العساكر يدل على ان الشمس في رابعة النهار... وبوست البث المباشر من الخرطوم... واتضح ان البث غير مباشر ولكن مسجل.... .. والمهم ان العصيان قد أدى المطلوب من من إنذار النظام الحاكم ورموزه من الحرامية واللصوص الذين سرقوا قوت الشعب ان هذه هي الخطوة الأولى وهي خطوة سلمية بحتة .. وانذار بأن الشعب قد نفد صبره وذا نفد صبره ستكون الخطوة الثانية مؤلمة لان الثورة اذا بدأت فلن تتوقف....ولن تبقي ولن تذر.... فإذا كان البشير صرح وأعلن انه سيرحل اذا طلب منه الشعب ذلك.... فإن هذا العصيان المدني دليل على رفض الشعب لحكومة اللصوص والحرامية.... فعليه الوفاء بما وعد ... والله يديك الصحة والعافية
Post: #8 Title: Re: نحن في قمة السعادة والتفاؤل ✌✌ Author: Nasr Date: 12-19-2016, 04:35 PM Parent: #6
المجد لشباب العصيان المدني المجد للشعب السوداني المعلم
Post: #9 Title: Re: نحن في قمة السعادة والتفاؤل ✌✌ Author: اميرة السيد Date: 12-19-2016, 04:39 PM Parent: #8
ملحمة اكتوبر تلتحم مع ملحمة ديسمبر..
Post: #10 Title: Re: نحن في قمة السعادة والتفاؤل ✌✌ Author: فيصل محمد خليل Date: 12-19-2016, 05:08 PM Parent: #9
http://GulfsUp.com
Post: #28 Title: Re: نحن في قمة السعادة والتفاؤل ✌✌ Author: علي دفع الله Date: 12-21-2016, 08:49 AM
الجميل فيصل محمد خليل.. مودتي يا سمح
Post: #11 Title: Re: نحن في قمة السعادة والتفاؤل ✌✌ Author: علي دفع الله Date: 12-19-2016, 05:09 PM Parent: #9
الاخت اميرة السيد الاخ نصر والله من غير مبالغة لولا خوفنا من فرحنا بالهسترة لإحتفلنا بنتايج آخر جولتين من للنظام 27 نوفمبر 19 ديسمبر .. لانو اهم نتيجة بنينا ارضية صلبة حا تكون ليها دور كبير في الجولات الحاسمة الجاية .. واهم حاجة اتصالحنا مع شعبنا .. شكرا ليكم ولدعمكم
Post: #12 Title: Re: نحن في قمة السعادة والتفاؤل ✌✌ Author: محمد عبد الجليل Date: 12-19-2016, 05:44 PM Parent: #11
الاخ علي وضيوفه الشرفاء لاشك ان العصيان ويكفي ارتفاع مستوي الوعي بين الجماهير والثوره فعل تراكمي تذكرني هذه الجولات بتكتيك عسكري معروف فلكي تهزم العدو اضربه بسلاح الطيران (العصيان المدني) ثم اجهز عليه بالقوات البريه (الهبه الجماهيريه) الي الامام فنحن حتما منتصرون
Post: #13 Title: Re: نحن في قمة السعادة والتفاؤل ✌✌ Author: امجد الجميعابى Date: 12-19-2016, 06:16 PM Parent: #12
حق لكم يا صديقي ان تفرحوا و انتم تروعون نظام المؤتمر الوطني بعصيان مدني جعلهم يتحسسون مواضع ارصدتهم و اخراج اسرهم من السودان. و حق لنا ان نفرح
Post: #14 Title: Re: نحن في قمة السعادة والتفاؤل ✌✌ Author: صلاح أبو زيد Date: 12-20-2016, 02:05 AM Parent: #13
بنينا ارضية صلبة حا تكون ليها دور كبير في الجولات الحاسمة الجاية ************************
شكرا لشباب الأسافير في الفيس بوك... وعلى أجنحة التغاريد كداري ...... في رواكبينا و أوضنا ...... أولاد وبنات ... وزعوا علقوا في الدروب. على الحيطان و على الشوارع. لقدام
Post: #15 Title: Re: نحن في قمة السعادة والتفاؤل ✌✌ Author: مامون المعتصم أحمد Date: 12-20-2016, 09:28 AM Parent: #14
الأخ على
سلاماً سلاماً
غالبية المواطنين السودانىين و لله الحمد في قمة السعادة
أن فألكم خاب و ظهرت البؤر السقيمة التي كانت خلف
الكيبوردات ... و كما هم دائماً الشيوعيون الموهومون
و معهم الموتورون و الملحدون من الجنسين يسعون بكل
ما يملكون من خبث ليضلوا الناس كما ضلوا هم ...
و لكن الله تبارك و تعالى ... من لا نستطيع شكره
و حمده على نعمائه كما ينبغي لجلاله و عظيم سلطانه ....
و هو وحده صاحب الأمر و النهى .... هو وحده الذى
يرد كيدكم و كيدهم و كيدهن في نحورهم ... و يأبى
الله سبحانه و تعالى إلا أن يتم نوره و لو كره الكارهون ..
فإن كان ما حدث من كسر خاطركم يسعدكم و تتفاءلون به ...
فمتى إذن تعودون إلى الوعى و تصحون من الأحلام ؟؟؟
Post: #16 Title: Re: نحن في قمة السعادة والتفاؤل ✌✌ Author: بله محمد الفاضل Date: 12-20-2016, 09:43 AM Parent: #15
لولا أنهم بلا ماء حياء على الوجوه فنظامهم مركب على خداع الرب وخلقه كما يظنون، يزعمون لكانوا صبروا على الأمر لم يحشدوا له لم يحاولوا كسر شوكته، كما يظنون، يزعمون.. ليروا انتخاباً حقيقياً لبقائهم أو عدمه ولكانوا سلموا السلطة للشعب واكتفوا ب 27 فشلٍ لا سابق ولا لاحق له وقدموا رؤوسهم الفارغة ليقتص منها الشعب أو يعفوا لكنهم، لكنهم، لكنهم
....
Post: #17 Title: Re: نحن في قمة السعادة والتفاؤل ✌✌ Author: Haytham Ghaly Date: 12-20-2016, 10:20 AM Parent: #16
هههههههه
مامون دا رشوهو بي جردل موية عليكم الله ياخ انت من زمن الشعارات الدينية الاستهلكتوها دي ناسك ديل اعلنوها دغري انو ربهم هو القروش وحاميهم السلاح يعني عصابة قلع على عينك يا تاجر وانت لسسسة شابك الناس شعارات شاكلة كيدهم ونحرهم اصحى يا سيد سيدك قال للشعب طالعوني الشارع في همبتة اكتر من كدا وهو كان من رجال الشارع مالو هههه الكيزان بلا سلاح زي الصراصير تنداس بالجزم وقول لي سيدك العاجبك دا اطلع الشارع بلا سلاح زي ما الشعب بلا سلاح وشوف شنو البحصل ليك يا خايب الرجال داهية تاخدكم بلا استثناء يا مجرمين
Post: #18 Title: Re: نحن في قمة السعادة والتفاؤل ✌✌ Author: مامون المعتصم أحمد Date: 12-20-2016, 11:57 AM Parent: #17
Author: Haytham Ghaly هههههههه
مامون دا رشوهو بي جردل موية عليكم الله
تضحك يا موهوم ؟؟؟؟
يرشونى بى موية ليييييه ؟؟؟ شـايفنى سـكران ؟؟؟
و للاَّ خاطرى مكسور من فشل العصيان ؟؟؟
ياخ انت من زمن الشعارات الدينية الاستهلكتوها دي ناسك ديل اعلنوها دغري انو ربهم هو القروش وحاميهم السلاح يعني عصابة قلع على عينك يا تاجر وانت لسسسة شابك الناس شعارات شاكلة كيدهم ونحرهم اصحى يا سيد
الشعارات دى لى يوم القيامة هي شعارات إسلامية ... و دايما
بتوجع الخاسرين ... إن شاء الله تكون حرقتك ...
يا ربى يكونوا كلموك في إضنيك بالكلام الكعب الكتبتو دا ؟؟
و للاَّ يكون جاك الوحى ؟؟؟؟ ما تبهت الناس بى جهلك ...
سيدك
سيدى أنا رب العالمين ... سيد كل حاجة ...
قصدك تقول رئيسى ؟؟؟؟
قال للشعب طالعوني الشارع في همبتة اكتر من كدا وهو كان من رجال الشارع مالو هههه
ما قال لى الشعب الكلام دا ... قال ليكم إنتو بتاعين الكيبورد
ما تلموا الشعب معاكم ... هو قاصدكم إنتو الطاقين ديل ...
و لو عاوز تقول ليهو كلام .. قولو ليهو مباشرة مش هو
رئيسك برضو ... يا بتاع الكيبورد ؟؟؟
الكيزان بلا سلاح زي الصراصير تنداس بالجزم
الكيزان ديل منو يعنى ؟؟؟ تقصد ناس الحكومة ؟؟
يعنى إنتو ممكن يسموكم جرادل لأنك أكبر ؟؟؟
وقول لي سيدك
تقصد رئيسى ؟؟ لأنو أنا سيدى الله تبارك و تعالى ...
العاجبك دا اطلع الشارع بلا سلاح زي ما الشعب بلا سلاح
يا هو داك قاعد هناك ... مع الشعب و كل يوم في مناسبة
... و ما عندو مشكلة مع الشعب ... لو إنت حارقك كلامو
أمشى ليهو هناك و قول كلامك دا ... ما تنفش ريشك معاى
هنا ... يا رعديد ..
وشوف شنو البحصل ليك يا خايب الرجال
قصدك من أرجل الرجال .. لأنو خلاك تتماحك هنا بى
جبنك دا ... و كلامو صاح إنت بتاع كيبورد و بس ...
داهية تاخدكم بلا استثناء يا مجرمين
الداهية تمسحك و الزيك من تراب الأرض ذاتو ... يا خسيس ...
Post: #19 Title: Re: نحن في قمة السعادة والتفاؤل ✌✌ Author: علي دفع الله Date: 12-20-2016, 08:34 PM Parent: #18
الأعزا الجملين محمد عبد الجليل أمجد الجميعابي صلاح ابو زيد بلة محمد الفاضل هيثم غالي تحياتي لموافقكم الناصعة لشعبنا شكرا شكرا
الحاج مامون ا لمعتصم بصراحة يا عمك انت زول طفبوع برغم ما ورثنا من تراتيبة احترام الموروثة الكبير الا اني مضطر ان اقول لك تبا لك
Post: #20 Title: Re: نحن في قمة السعادة والتفاؤل ✌✌ Author: علي دفع الله Date: 12-20-2016, 08:48 PM Parent: #18
الأعزا الجملين محمد عبد الجليل أمجد الجميعابي صلاح ابو زيد بلة محمد الفاضل هيثم غالي تحياتي لموافقكم الناصعة لشعبنا شكرا شكرا
الحاج مامون ا لمعتصم بصراحة يا عمك انت زول طفبوع برغم ما ورثنا من تراتيبة احترام الموروثة الكبير الا اني مضطر ان اقول لك تبا لك
Post: #21 Title: Re: نحن في قمة السعادة والتفاؤل ✌✌ Author: Haytham Ghaly Date: 12-20-2016, 09:14 PM Parent: #20
تقصد رئيسى ؟؟ لأنو أنا سيدى الله تبارك و تعالى ... -------- انت لو بتعرف الله بتباري زي المجرم الوسخان دا لكن لأنك وسخان زيو لازم تباريهو يا رمة اصلاً الديدان بتعيش على الفطايس والقمامة وانت عبارة عن دودة معفنة تعيش من فتات الجيفة البشير
Post: #22 Title: Re: نحن في قمة السعادة والتفاؤل ✌✌ Author: علي دفع الله Date: 12-20-2016, 09:22 PM Parent: #21
هيثم يا غالي
سيبو خليه بس قول ليه تبا لك وزي ما قالت الحيزبون ميادة مين كدة تبا له بالعربي فقط
صديقي عمك دا راي ليه في الدفيس
تبا له
Post: #23 Title: Re: نحن في قمة السعادة والتفاؤل ✌✌ Author: مامون المعتصم أحمد Date: 12-21-2016, 07:42 AM Parent: #22
Author: Haytham Ghaly تقصد رئيسى ؟؟ لأنو أنا سيدى الله تبارك و تعالى ... -------- انت لو بتعرف الله بتباري زي المجرم الوسخان دا
التافه جدا هيثم غالى ....
لأنى و الحمد لله أعرف الله و أعلم أنه من بيده الملك و هو
يؤتيه من يشاء و ينزعه ممن يشاء . و أعلم أيضاً أنه قد
أعطى الحكم للسيد الرئيس المشير البشير ... و اعلم ان الله
أمرنى و غيرى من خلقه بطاعته هو أولاً تبارك و تعالى
و طاعة رسوله صلى الله عليه و سلم ثم طاعة أولى الأمر ....
لذلك أنا أعمل بما أمرنى به الله الذى أعرفه و أنا و لله الحمد
و الشكر عبد ٌ لله وحده و أرجو أن يتقبل منى ....
كما أنى أعرف أننى ليس عبدك و لا عبد أبيك حتى تفرض
على أن أتبع البشير أو غيره ... كما أنى لم آمرك أن تكون
على غير ما أنت عليه ...
لكن لأنك وسخان زيو لازم تباريهو يا رمة
الحمد لله رب العالمين إنى نضيف و ما رمة ....
لكين إنت الوسخان و رمة و ريحتك تطرد التيس
من زريبتو يا سافل
اصلاً الديدان بتعيش على الفطايس والقمامة
الديدان ديل ما أنت و الزيك ... يا مفعن ...
نحن و الحمد لله على أحسن ما انعم به الله علينا ..
و نشكر الله وحده على نعمائه ...
وانت عبارة عن دودة معفنة تعيش من فتات الجيفة البشير
يا تافه يا زبالة الزبالة ... يا أبو العفين ... لا أعمل في الحكومة
و لم أعمل موظف حكومة في أي بلد في الدنيا و لله الحمد ...
و لا أتكسب من أي جهة لها علاقة بحكومة ... عشان كدا
ما عايش على فتات السيد الرئيس ربنا يطول عمرو عشان
يفتت كبدك الحسد ... يا حاقد .. و هو و الحمد لله زول نضيف
و وجيه و ليس جيفة .... و لكن الجيفة إنت يا أبو العفين ....
قال هيثم غالى ..... . إنت أرخص من بصل الــكــلاب يا حقـيــر ...
Post: #24 Title: Re: نحن في قمة السعادة والتفاؤل ✌✌ Author: مامون المعتصم أحمد Date: 12-21-2016, 08:27 AM Parent: #23
Author: علي دفع الله
الحاج مامون ا لمعتصم بصراحة يا عمك انت زول طفبوع برغم ما ورثنا من تراتيبة احترام الموروثة الكبير الا اني مضطر ان اقول لك تبا لك
أولاً : شكراً لك على تسميتى بالحاج .. رغماً عما تبعها من تهكم
و أسأل الله أن يكتب لى حجة ً مبرورة مقبولة ..
ثانياً: ما عرفت شنو يعنى طفبوع دى ... بس أكيد إنت قاصد بيها إساءة
فهى مردودة لك كاملة غير منقوصة زى ما جات منك ..
ثالثاً: و في بوست سابق قلت ليك لا داعى لذكر الإحترام لأنك لا تعرفه
و خليك في منهجك .
رابعاً: أسأل الله أن يتب يدك كما تب يدى أبى لهب و أن يبيد زرعك بإذنه.
هيثم يا غالي
سيبو خليه بس قول ليه تبا لك وزي ما قالت الحيزبون ميادة مين كدة تبا له بالعربي فقط
صديقي عمك دا راي ليه في الدفيس
تبا له
أسأل الله أن يتب يديكم كما تب يدى أبى لهب و أن يبيد زرعكما بإذنه
إن ربى على صراطٍ مـسـتقيـم .
Post: #25 Title: Re: نحن في قمة السعادة والتفاؤل ✌✌ Author: عماد الدين الطيب عمر Date: 12-21-2016, 08:37 AM Parent: #15
مامون شكلك في بيات شتوي و خرج التغطية نسأل الله لك السلامة ...
Post: #26 Title: Re: نحن في قمة السعادة والتفاؤل ✌✌ Author: عمر دهب Date: 12-21-2016, 08:42 AM Parent: #25
الان وفى منطقه البركل رجال الامن يمسحون الشعارات المننده بالانقاذ ويكتبواعبارات الترحيب
Post: #27 Title: Re: نحن في قمة السعادة والتفاؤل ✌✌ Author: عمر دهب Date: 12-21-2016, 08:45 AM Parent: #26
من الصباح امتلاء الشارع بين كريمةمروى بشعارات التنديد بالانقاذ والبشير
Post: #29 Title: Re: نحن في قمة السعادة والتفاؤل ✌✌ Author: معاوية المدير Date: 12-21-2016, 09:02 AM Parent: #27