Post: #1 Title: ملكة جمال مهرجان جبال النوبة الرابع 2016 (صورة) Author: محمد كابيلا Date: 12-19-2016, 11:01 AM Parent: #0
10:01 AM December, 19 2016 سودانيز اون لاين محمد كابيلا- مكتبتى رابط مختصر
التعديل لإضافة نبذة تعريفية:
الملكة صفاء توتو جابر من منطقة كاتشا بجبال النوبه
مواليد مدينة عطبرة
مراحلها الدراسية: الاساس والثانوى بكادقلي
الجامعة: جامعة الأحفاد للبنات
Post: #2 Title: Re: ملكة جمال مهرجان جبال النوبة الرابع 2016 (صو Author: طه جعفر Date: 12-19-2016, 11:29 AM Parent: #1
بنتنا الجميلة رائقة الملامح و أصيلة شكراً لأهلنا النوبا العظماءالذين يحتفلون بتنصيب ملكات الجمال وهذا درس في التمدن و الحضارة لعموم السودانيين
شكراً كابيلا
Post: #6 Title: Re: ملكة جمال مهرجان جبال النوبة الرابع 2016 (صو Author: محمد كابيلا Date: 12-20-2016, 10:57 AM Parent: #2
طه جعفر
تحياتى وتقديرى ..
Post: #3 Title: Re: ملكة جمال مهرجان جبال النوبة الرابع 2016 (صو Author: محمد كابيلا Date: 12-19-2016, 11:33 AM Parent: #1
Post: #4 Title: Re: ملكة جمال مهرجان جبال النوبة الرابع 2016 (صو Author: محمد كابيلا Date: 12-19-2016, 11:54 AM Parent: #3
الملكة نتالينا يعقوب
ملكة المهرجان الثالث
Post: #5 Title: Re: ملكة جمال مهرجان جبال النوبة الرابع 2016 (صو Author: nour tawir Date: 12-19-2016, 01:56 PM Parent: #4
كابيلا... صباح الخير...
الكاركو و المنطقة الشمالية تحديدا.. فيها جمال يعجز أى شخص عن وصفه.. فى تفرقة فى اختيار الجميلات.. و منو اصلا لجنة التحكيم ؟
Post: #7 Title: Re: ملكة جمال مهرجان جبال النوبة الرابع 2016 (صو Author: محمد كابيلا Date: 12-20-2016, 11:00 AM Parent: #5
يا مرحب
بالملكة نور تاور
Post: #9 Title: Re: ملكة جمال مهرجان جبال النوبة الرابع 2016 (صو Author: محمد كابيلا Date: 12-20-2016, 11:10 AM Parent: #7
الكاركو و المنطقة الشمالية تحديدا.. فيها جمال يعجز أى شخص عن وصفه.. فى تفرقة فى اختيار الجميلات.. و منو اصلا لجنة التحكيم ؟
نور تاور ....
تحياتى .
لا أعرف شىء عن لجنة التحكيم والصدفة اننى كنت
فى زيارة اسرية تزامن مع اليوم العالمى للشعوب الاصيلة
17 ديسمبر 2016 وكانت مناسبة لحضور المهرجان فى دار النوبه
بالبحيرة (ام بدة).
علمت فيما بعد أن معايير الاختيار حسب ما وافقت عليه اللجنة
العليا للمهرجان (لجنة الاختيار) هى:
١/ عدم استخدام الكريمات ٢/ عدم استخدام الشعر المستعار ٣/ التحدث بلغة القبيلة (الام) ٤/التحدث باحد اللغات الاجنبية (الانجليزية) ٥/ ان تتميز بمهارات قيادية ٦/ ان يكون المستوى التعليمي متقدم (مهم جدا) ٧/ ان تتمتع بقيمة جمالية ( ابعاد روحية واخلاقية ونقاء)
Post: #20 Title: Re: ملكة جمال مهرجان جبال النوبة الرابع 2016 (صو Author: مدثر صديق Date: 12-22-2016, 08:54 AM Parent: #9
سلام الاخ محمد كابيلا ماذا تعنى اليوم العالمى للشعوب الاصيلة .......اعتقد (ان كان ما فهمت صحيح )........ انه تعنى سكان السودان الاوائل .......؟؟؟
Post: #24 Title: Re: ملكة جمال مهرجان جبال النوبة الرابع 2016 (صو Author: محمد كابيلا Date: 12-24-2016, 10:39 AM Parent: #20
مدثر صديق
تحياتي ..
ماذا تعنى اليوم العالمى للشعوب الاصيلة .......اعتقد (ان كان ما فهمت صحيح )........ انه تعنى سكان السودان الاوائل .......؟؟؟
اليوم هو من إبداعات الأمم المتحدة وهم عدد من الشعوب حول العالم (النوبه، السودان + الدينكا، جنوب السودان +الاشولي يوغندا +
الماساي، كينيا + الباكا، غانا + الطوارق، مالي + الأمازيق ، ليبيا + الزولو ، جنوب افريقيا بالاضافة للهنود الحمر فى امريكا وشعب فى
استراليا لا استحضر اسمه)
تقديري ..
Post: #8 Title: Re: ملكة جمال مهرجان جبال النوبة الرابع 2016 (صو Author: أحمد الشايقي Date: 12-20-2016, 11:02 AM Parent: #5
جميلة بتنا ولنا الاعتداد بهذا والدفع به في عمل ثقافي يعزز الفخر بما لدينا من صفات انسانية
أحمد الشايقي
Post: #10 Title: Re: ملكة جمال مهرجان جبال النوبة الرابع 2016 (صو Author: محمد كابيلا Date: 12-20-2016, 11:15 AM Parent: #8
احمد الشايقي
تحياتى ..
أسعدني مروركــ ..
Post: #11 Title: Re: ملكة جمال مهرجان جبال النوبة الرابع 2016 (صو Author: عبدالله ود البوش Date: 12-20-2016, 11:21 AM Parent: #8
كل الجمال والروعة جمال سوداني اصيل بدون تزييف اتمنى من بنتنا الجميلة ان تستفيد من هذا التتويج وترسل رسائل هامة للعالم لتلفت النظر لمنطقة جبال النوبة وتوضح جمال المنطقة واهميتها ومن ثم توضح معاناة مواطن هذه المنطقة المهمشة شكرا الحبيب محمد كابيلا تحياتي
Post: #12 Title: Re: ملكة جمال مهرجان جبال النوبة الرابع 2016 (صو Author: محمد كابيلا Date: 12-20-2016, 11:27 AM Parent: #11
عبد الله ود البوش
تحياتي ...
وشكرا للمرور الجميل ..
Post: #13 Title: Re: ملكة جمال مهرجان جبال النوبة الرابع 2016 (صو Author: محمد كابيلا Date: 12-21-2016, 11:22 AM Parent: #12
عبد الله ود البوش
تحياتي ....
اتمنى من بنتنا الجميلة ان تستفيد من هذا التتويج وترسل رسائل هامة للعالم لتلفت النظر لمنطقة جبال النوبة وتوضح جمال المنطقة واهميتها ومن ثم توضح معاناة مواطن هذه المنطقة المهمشة
علي اللجنة العليا للمهرجان أن تضع النقطة أعلاه فى الإعتبار والاستفادة
من وسائل الاعلام المشاركة فى إحتفالاتها القادمة لعكس هموم ومشاكل المنطقة.
شكرا الزميل عبد الله ود البوش مع مودتي وتقديري
Post: #14 Title: Re: ملكة جمال مهرجان جبال النوبة الرابع 2016 (صو Author: ماجد كباشي Date: 12-22-2016, 06:26 AM Parent: #13
لك التحية المبدع محمد كابيلا وانت تنقل الوجه الاخر لشعب جبال النوبة الذي أخذت الحروبات منه الكثير ونتمنى ان يعود السلام والاستقرار وتعود جبال النوبة لسيرتها القديمة لوحة جميلة تعبر عن المازج والمحبة والسلام.
Post: #15 Title: Re: ملكة جمال مهرجان جبال النوبة الرابع 2016 (صو Author: عبدالعظيم مكى Date: 12-22-2016, 07:17 AM Parent: #14
دا جمال طبيعي اصلو ما مزور. مبروك للملكة التتويج ومبروك لأهنا النوبة هذا الثراء الثقافي. فأنتم اهل الحضارة قبل الالاف السنيين. لكم التحية.
Post: #16 Title: Re: ملكة جمال مهرجان جبال النوبة الرابع 2016 (صو Author: ودقاسم Date: 12-22-2016, 07:36 AM Parent: #15
مبروك التتويج للملكة .. مبروك لأهلنا النوبة هذا الرقي وقد أعجبتني المعايير التي أخذتبهااللجنة وهي تخااطب الروح والأصالة والذكاء آمل أن تقدم الملكة عملا يفيد أهلها ووطنها باستثمار هذه المناسبة شكرا كابيلا ..
Post: #28 Title: Re: ملكة جمال مهرجان جبال النوبة الرابع 2016 (صو Author: محمد كابيلا Date: 12-24-2016, 10:52 AM Parent: #16
ود قاسم
تحياتي ..
مبروك لأهلنا النوبة هذا الرقي وقد أعجبتني المعايير التي أخذتبهااللجنة وهي تخااطب الروح والأصالة والذكاء آمل أن تقدم الملكة عملا يفيد أهلها ووطنها باستثمار هذه المناسبة
مودتي وتقديري ..
Post: #17 Title: Re: ملكة جمال مهرجان جبال النوبة الرابع 2016 (صو Author: أيمن نواى على Date: 12-22-2016, 07:44 AM Parent: #15
انت يا محمد كابيلا الوداك ام بدة شنو ..... الناس يدسدوا فى ام بدة انت كمان لمن تصورهم وتنشر فى الانترنت...... بعد دا تانى الا نلبسوهم انصار سنة . مالك علينا يا الملكة نور .....لمن كمان توصفى ليهم انحنا عملنا ليكى شنو ....اخر الجزاء ازاء ....... يا جماعة الجلابة ديل قلبهم خفيف وشعرهم سبيبى وعينهم حاره ويدهم خفيفة يقوموا يختفوا بناتنا.
Post: #18 Title: Re: ملكة جمال مهرجان جبال النوبة الرابع 2016 (صو Author: MOHAMMED ELSHEIKH Date: 12-22-2016, 08:22 AM Parent: #17
اوافق الأستاذه نور تاور ان المنطقة مليئة بالجميلات من كل النواحي وليس جمال المنظر فقط بس يمكن لم يتقدمن للمسابقة
مبروك التتويج للملكة الكنداكة
Post: #19 Title: Re: ملكة جمال مهرجان جبال النوبة الرابع 2016 (صو Author: عادل عبدالعزيز عبد الرحيم Date: 12-22-2016, 08:52 AM Parent: #18
جميله بنتنا والاجمل انه شعب جبال النوبه يعتز بنفسه ويصر على تقديم الجمال على القبح والكراهية والحروب جميل ان نخاطب العالم بجمالنا الطبيعى الذى وهبنا له الله رسالة راقيه هذه الاحتفاليه بانننا شعب يريد الحياة الحرة الكريمة
شكرا لهم مرة اخرى
Post: #21 Title: Re: ملكة جمال مهرجان جبال النوبة الرابع 2016 (صو Author: جمال الباقر Date: 12-22-2016, 09:43 AM Parent: #19
جميل ان يكون هناك بوست عن الجمال
التحية لاهلنا النوبة وجميل اكثر الاعتزاز بالاصل حيث اجادة اللغة الام شرط لدخول المنافسة
*١/ عدم استخدام الكريمات ٢/ عدم استخدام الشعر المستعار ٣/ التحدث بلغة القبيلة (الام) ٤/التحدث باحد اللغات الاجنبية (الانجليزية) ٥/ ان تتميز بمهارات قيادية ٦/ ان يكون المستوى التعليمي متقدم (مهم جدا) ٧/ ان تتمتع بقيمة جمالية ( ابعاد روحية واخلاقية ونقاء)*
هذه شروط جيدة ان وجدت لجنة محائدة
شكرا لك ولهم ....
Post: #22 Title: Re: ملكة جمال مهرجان جبال النوبة الرابع 2016 (صو Author: محمد كابيلا Date: 12-24-2016, 10:28 AM Parent: #21
جمال الباقر
تحياتي ....
جميل ان يكون هناك بوست عن الجمال
التحية لاهلنا النوبة وجميل اكثر الاعتزاز بالاصل حيث اجادة اللغة الام شرط لدخول المنافسة
شكرا لك ..
Post: #23 Title: Re: ملكة جمال مهرجان جبال النوبة الرابع 2016 (صو Author: محمد كابيلا Date: 12-24-2016, 10:30 AM Parent: #19
عادل عبد العزيز عبد الرحيم
تحياتي ..
جميل ان نخاطب العالم بجمالنا الطبيعى الذى وهبنا له الله رسالة راقيه هذه الاحتفاليه بانننا شعب يريد الحياة الحرة الكريمة
شكراَ جميلا
Post: #27 Title: Re: ملكة جمال مهرجان جبال النوبة الرابع 2016 (صو Author: محمد كابيلا Date: 12-24-2016, 10:49 AM Parent: #18
محمد الشيخ
تحياتي ..
اوافق الأستاذه نور تاور ان المنطقة مليئة بالجميلات من كل النواحي وليس جمال المنظر فقط بس يمكن لم يتقدمن للمسابقة
مبروك التتويج للملكة الكنداكة
تقديري ..
Post: #29 Title: Re: ملكة جمال مهرجان جبال النوبة الرابع 2016 (صو Author: محمد كابيلا Date: 12-24-2016, 10:58 AM Parent: #17
أيمن نواى
تحياتي ..
انت يا محمد كابيلا الوداك ام بدة شنو
جنس الجمال دا ما بودي (وش ضاحكـ )
أوع تكون صدقت كلام نورنا أو أحسن
تراجع المعايير ..
مودتي وتقديري .
Post: #26 Title: Re: ملكة جمال مهرجان جبال النوبة الرابع 2016 (صو Author: محمد كابيلا Date: 12-24-2016, 10:46 AM Parent: #15
عبد العظيم مكى
تحياتي ..
مبروك للملكة التتويج ومبروك لأهنا النوبة هذا الثراء الثقافي. فأنتم اهل الحضارة قبل الالاف السنيين.
تقديري ..
Post: #25 Title: Re: ملكة جمال مهرجان جبال النوبة الرابع 2016 (صو Author: محمد كابيلا Date: 12-24-2016, 10:43 AM Parent: #14
ماجد كباشي
تحياتي يا ميدي ..
ونتمنى ان يعود السلام والاستقرار وتعود جبال النوبة لسيرتها القديمة لوحة جميلة تعبر عن المازج والمحبة والسلام.
مودتي وتقديري ..
Post: #30 Title: Re: ملكة جمال مهرجان جبال النوبة الرابع 2016 (صو Author: محمد كابيلا Date: 12-24-2016, 11:09 AM Parent: #14
ماجد كباشي
تحياتي ...
الوجه الاخر لشعب جبال النوبة الذي أخذت الحروبات منه الكثير
دا الوجه الحقيقي يا كنترول و الحروبات وغيرها
أوجه مصنوعة ....
تقديري ..
Post: #31 Title: Re: ملكة جمال مهرجان جبال النوبة الرابع 2016 (صو Author: Kabar Date: 12-24-2016, 01:29 PM Parent: #30
ههههه.. ول ابا ايمن..دندنق يا قُص..! ومالها ام بدة؟.. زمان ابونا فليب ، عليه الرحمة ، نقينا وقلنا امبدة وما ادراك ما امبدة..!! قالينا: اديتكم امبدة عشان تبنوا من هنا (العاصمة) لغاية كردفان ، ونحن يا مؤمن يا مصدق نشيل ونبني ، لمن نمرق ليكم العاصمة في الأبيض..وبعدين تقعد لحكاية لا ما قاصدين وشنو كده ما عارف..!! عينك نجيضة يا عمك.. زي عين بت ابا نور تاور ، لكن شنو..!!..تبكوا بس.. علي بالحلال ياايمن ..ول ابا كابيلا يصاقر البحيرة تلاتة اسابيع بس ، ونسويهو مك ولا على كيف الحيكومة ذاتها.. انت خليك في حاج منفى بتاع ناس بشاشا ولا اي كان اسمو..!! حصل شفت بنات طبق يا ايمن؟.. انصار سنة بتاع فنلتك يا ايمن..!! السمح بيعجب الله يا قريبي ، اها انصار السنة كمان عندهم كلام مع الله..!!!! يقعدن كده زي شعاع الشمس ، والبيحرقو شعاع الشمس يتداري في ضل يا قريبي ، وتاني يرجع يتفرج ، وشوف العين ما بيكتل غزال..!! نحن وصلنا يا عمك ، ولو مكضبني اسمع غنا اليومين ديل: أي فنان ولا فنانة عندو كسرة/صولة في نص الغنا..ايقاع كرنق لمن يخلي صوفك يقوم صوفاية صوفاية..!! تحياتي.. كبر
Post: #32 Title: Re: ملكة جمال مهرجان جبال النوبة الرابع 2016 (صو Author: Kabar Date: 12-24-2016, 01:37 PM Parent: #31
بت ابا نور..حبابك يا صديقتي العافية درجات يا الملكة.. زمان يانور ، في الدلنج مباراة بين منتخب كادقلي والدلنج ، اها ناس كادقلي امضرعية ساكت غلبونا اتنين واحد.. ومرقنا من الأستاد كل واحد مبوز بوز مترين عديل.. عندنا عمنا مشجع رياضي كبير من ناس قبيلة الدلنج اسمو توفيق (توفيق عمو) وزول طرفة ودمو خفيف شديد..وبيعرف كيف يقلب الحزن فرح..يعني زول لو عندك خبر شين تديهو لتوفيق ده وبيعرف كيف ينقلو بصورة سلسلة ولطيفة..!! قام سألنا ، ولاحظي هو كان معانا في المباراة: مالكم مبوزين كده يا شباب؟.. قلنا ليهو : ناس كادقلي غلبونا..!! ضحك ضحكة طويلة ، لمن نحن ذاتنا ضحكنا معاهو ، وقال لينا: يا شباب ، ناس كادقلي ديل على الهبشة ، هسع نقوم نغلبهم بكرة يدقشوا الغابة ويتمردوا ونقعد نحن في حكاية معليش يا جماعة وشنو كده ما عارف..!! قلتي لي الكاركو؟ ياخي عينك نجيضة شديد.. واضيفي عليهم بنات طبق والدلنج والكدر والكواليب..ثقافة وفهم وجمال الله الواحد ده ، والعيون اسكتي ساكت خليها..!!
ولي قدام..
هل تصدق يا ايمن انا فاهم كلمات غنا القص رمضان أكر..!!
كبر
Post: #33 Title: Re: ملكة جمال مهرجان جبال النوبة الرابع 2016 (صو Author: Kabar Date: 12-24-2016, 01:41 PM Parent: #32
ول ابا كابيلا..حبابك يا صديقي والتحية عبرك لبتنا الملكة صفاء ، وامنياتنا ليها بالتقدم وألإزدهار.. وعين الحسود فيها عود يااااااااااااااااخ..! والتحية للشباب القائمين على امر مثل هذه الفعاليات ..! تفاكرت من قبل مع بعض الصديقات والأصدقاء ، عن ضرورة المهرجانات وكنت اركز على التراث والأغاني والإيقاعات ، واهو بحمد الله الفكرة تطورت اكثر..! ومن هنا ، ومن هذا الخيط ، اقترح ان تكون هناك انشطة بحثية يكون مدارها الكتابة عن الثقافات هناك ، ولنبدأ ببحوث عن الآلات الموسيقية وطرائق الغناء واغراض الغناء.. فالغناء هناك ذاكرة لا تتوقف فقط في الغزل والحنين ، وانما هناك وظائف عديدة للغناء: بداية الزرع ، التيراب ، الحش (تنظيف الزرع) لغاية الحصاد..ومثل هذه الأشغال وثقتها من قبل فرقة والي التي كانت تعرض فنونها في اوربا في ثمانينات القرن الماضي..يعني قبال ناس مالي وغرب وافريقيا..!! وزي ما بتقول امهاتنا: خيرا دام لي قدام..!! كبر
Post: #34 Title: Re: ملكة جمال مهرجان جبال النوبة الرابع 2016 (صو Author: حسن ادم محمد العالم Date: 12-24-2016, 02:00 PM Parent: #33
كابيلا ياحبيب تحياتي والله مشتاقين والتحية عبرك لاهلينا بجبال النوبة علي هذا الابداع والتحية لبتنا الملكة صفاء
Post: #35 Title: Re: ملكة جمال مهرجان جبال النوبة الرابع 2016 (صو Author: فضيلي جماع Date: 12-24-2016, 03:38 PM Parent: #34
التهنئة الحارة لبنتنا صفاء - ملكة جمال جبال النوبة للدورة الجديدة. والشكر لك اخي الأستاذ محمد كابيلا على نقل هذا الخبر الثقافي الإجتماعي المفرح. تابعت هذا التقليد الثقافي الجميل منذ اختيار الملكة السابقة - وهي أيضاً طالبة بجامعة الأحفاد. بهذا المشروع الثقافي يكون شعب جبال النوبة قد علمنا درسا في تكريم المرأة والنظر إلى الجمال بمعايير أكثر تحضرا وأعمق إنسانية. أعجبني جدا أن من شروط لجنة الإختيار أن تجيد المتقدمة للمنافسة لغتها الأم وواحدة من اللغات واسعة الإنتشار عالميا. وأطربني أكثر أن يكون من ضمن الشروط عدم استخدام مساحيق التجميل والشعر المستعار. وفي ذلك إشارة واضحة للحفاظ على هوية هذا الشعب من شعوب العالم الأصيلة. هنالك احتفاء ببعض التقاليد للشعوب الأصيلة في اميريكا اللاتينية (المكسيك والبرازيل وبيرو وغيرها). كما إن الأمم المتحدة وبعض الدول المتحضرة تشجع شعوبها الأصيلة على الإحتفاء بعاداتها وعلى إحياء لغاتها الأصل..بينما يقوم نظام القتلة الحالي في السودان بإبادة شعب جبال النوبة الأصيل محاولا طمس هويته التي هي رصيد إنساني وثقافي صخم نضيفه لدفتر ثقافتنا - لا .. بل هو قيمة مضافة لعناصر الوحدة التي تقوم على التعدد Unity within diversity. ولعل من شواهد حيوية التمازج الخلاق ما حكاه لي الأخ المناضل كوماندر التجاني تيما أن القبائل العربية (قبائل البقارة) التي تجمعها الجغرافيا والرحم بقبائل جبال النوبة استعاروا فن الصراع من النوبة وبرعوا فيه . يقول كوماندر التجاني أن هناك مهرجانا سنويا تقام فيه منافسة في فن الصراع بين فريق من النوبة وآخر من قبائل البقارة . ومن المدهش أن المنافسة الأخيرة فاز بها فريق القيائل العربية (البقارة). وأضاف كوماندر التجاني تيما لدهشتي قيمة أخرى حين أكد لي وهو يبتسم أن مصارعي القبائل العربية ابتكروا فنون إضافية في فن الصراع الذي هو من أميز فنون الرياضة عند قبائل جبال النوبة.
وأخيرا..نرجو من الإخوة والأخوات في لجنة التحكيم أن يجعلوا من ضمن مهمات (ملكة جبال النوبة) أن تقوم بطواف لبعض دول العالم تشرح فيه ثقافة شعبها الأصيل وأثر هذه الثقافة على المحيط الكبير لثقافة وطنها السودان كعامل من عوامل وحدة شعوب وإثنيات الوطن السوداني. إضافة إلى دعوة المنظمات الثفافية والإنسانية العالمية كمنظمة اليونيسكو لكي تساهم في تطوير الثقافات الأصيلة لبلادها في جبال النوبة والأنقسنا ودار فور وعند قبائل البجا في شرق السودان وعند شعبنا النوبي ذي الحضارات عميقة الجذور في الشمال النيلي والتي يحاول لصوص نظام الإنقاذ جاهدين لإغراق تراثها الإنساني الضخم متى أقيمت سدود الشؤم هناك.
كسرة أولى: اختنا الصحافية القديرة نور تاور.. بلاش "جهوية" معاكي .. خلي ناس الكاركو يجوا ينافسوا. ونشوف حسان الكاركو والمناطق التانية. ويا نور يا ريت لو تدخلي اللجنة أو تزوريهم زي ما عمل اخونا محمد كابيلا وتنشري تقرير صحفي شامل عن المناسبة دي قبل الخبر الطازج دا يبرد - بلغة مهنة الصحافة.كسرة تانية: الأستاذ محمد النور كبر.. أعجبني تعليقك حول المناسبة ومحاولة كتابة وإعادة كتابة التراث - وطبعا أفضل في السودان كله. وبعيد عن الضرب تحت الحزام يا كبر فإن حزام النزوح المحيط بالعاصمة كلها صار حقيقة واقعة لوجود سوداني متعدد الأعراق خلقته الظروف القاسية وليس منحة من أحد. ضحكت كتير لطرفتك عن منتخب كادقلي اللي غلب منتخبكم يا ناس الدلنج .. وحكمة عمك اب دم خفيف القال ليكم : ناس كادقلي ديل تغلبوهم يقوموا يتمردوا ويدخلوا الجبال وتمحنوا فيهم! ياخ دا راجل دمو شربات!
Post: #36 Title: Re: ملكة جمال مهرجان جبال النوبة الرابع 2016 (صو Author: Mahjob Abdalla Date: 12-24-2016, 04:05 PM Parent: #35
المنطقة الشمالية تحديدا..فيها جمال ============ اها يا نور احنا النوع البنفسر اي كلام علي كيفنا. ده كلام شنو؟
Post: #37 Title: Re: ملكة جمال مهرجان جبال النوبة الرابع 2016 (صو Author: Mannan Date: 12-25-2016, 00:52 AM Parent: #36
سلام اخوى محمد كابيلا هذا بوست جميل جمال أهلنا فى جبال النوبة أعجبت بشروط الجمال وعلى رأسها إجادة اللغة الام والثقافة ويا ليت ملكة الجمال النوبي تصير سفيرة للجمال وتصل الى منظمة اليونسكو كما اقترح بعض الأصدقاء لنشر ثقافة الجمال والحب وتلقن أنظمة القهر والقبح درسا فى الجمال والحب والسلام... أحيي صفاء ملكة جمال النوبة وأدعو الإخوة الى عمل حملة ترويج لملكة جمال النوبة حتى تصل الى منظمة اليونسكو وذلك باعداد مختصر عن شعب جبال النوبة ... شكرا كابيلا.... إهداء: صورة الملكة تيي زوجة أخناتون
نورالدين منان
Post: #38 Title: Re: ملكة جمال مهرجان جبال النوبة الرابع 2016 (صو Author: الامين جبارة الله التوم Date: 12-25-2016, 06:32 AM Parent: #37
١/ عدم استخدام الكريمات ٢/ عدم استخدام الشعر المستعار ٣/ التحدث بلغة القبيلة (الام) ٤/التحدث باحد اللغات الاجنبية (الانجليزية) ٥/ ان تتميز بمهارات قيادية ٦/ ان يكون المستوى التعليمي متقدم (مهم جدا) ٧/ ان تتمتع بقيمة جمالية ( ابعاد روحية واخلاقية ونقاء)
تحياتي كابيلا
دي معاير جمال حقيقية
تسلم
Post: #42 Title: Re: ملكة جمال مهرجان جبال النوبة الرابع 2016 (صو Author: محمد كابيلا Date: 12-25-2016, 11:30 AM Parent: #38
الامين جبارة الله التوم
تحياتي ...
وشكراَ للمرور ..
Post: #44 Title: Re: ملكة جمال مهرجان جبال النوبة الرابع 2016 (صو Author: محمد كابيلا Date: 12-25-2016, 11:38 AM Parent: #37
نور الدين منان
تحياتي ...
أعجبت بشروط الجمال وعلى رأسها إجادة اللغة الام والثقافة ويا ليت ملكة الجمال النوبي تصير سفيرة للجمال وتصل الى منظمة اليونسكو كما اقترح بعض الأصدقاء لنشر ثقافة الجمال والحب وتلقن أنظمة القهر والقبح درسا فى الجمال والحب والسلام... أحيي صفاء ملكة جمال النوبة وأدعو الإخوة الى عمل حملة ترويج لملكة جمال النوبة حتى تصل الى منظمة اليونسكو وذلك باعداد مختصر عن شعب جبال النوبة ...
مودتي وتقديري ..
Post: #45 Title: Re: ملكة جمال مهرجان جبال النوبة الرابع 2016 (صو Author: محمد كابيلا Date: 12-25-2016, 11:42 AM Parent: #36
محجوب عبد الله
تحياتي ...
المنطقة الشمالية تحديدا..فيها جمال ============ اها يا نور احنا النوع البنفسر اي كلام علي كيفنا. ده كلام شنو؟
Post: #41 Title: Re: ملكة جمال مهرجان جبال النوبة الرابع 2016 (صو Author: محمد كابيلا Date: 12-25-2016, 11:26 AM Parent: #35
الدكتور الأديب
فضيلي جماع
تحياتي وتقديري ...
وأخيرا..نرجو من الإخوة والأخوات في لجنة التحكيم أن يجعلوا من ضمن مهمات (ملكة جبال النوبة) أن تقوم بطواف لبعض دول العالم تشرح فيه ثقافة شعبها الأصيل وأثر هذه الثقافة على المحيط الكبير لثقافة وطنها السودان كعامل من عوامل وحدة شعوب وإثنيات الوطن السوداني. إضافة إلى دعوة المنظمات الثفافية والإنسانية العالمية كمنظمة اليونيسكو لكي تساهم في تطوير الثقافات الأصيلة لبلادها في جبال النوبة والأنقسنا ودار فور وعند قبائل البجا في شرق السودان وعند شعبنا النوبي ذي الحضارات عميقة الجذور في الشمال النيلي والتي يحاول لصوص نظام الإنقاذ جاهدين لإغراق تراثها الإنساني الضخم متى أقيمت سدود الشؤم هناك.
أسعدني جداَ مروركــ ...
مودتي ..
Post: #43 Title: Re: ملكة جمال مهرجان جبال النوبة الرابع 2016 (صو Author: محمد كابيلا Date: 12-25-2016, 11:32 AM Parent: #34
حسن ادم محمد العالم
تحياتي ..
وشكرا جميلا
Post: #40 Title: Re: ملكة جمال مهرجان جبال النوبة الرابع 2016 (صو Author: محمد كابيلا Date: 12-25-2016, 11:21 AM Parent: #33
تفاكرت من قبل مع بعض الصديقات والأصدقاء ، عن ضرورة المهرجانات وكنت اركز على التراث والأغاني والإيقاعات ، واهو بحمد الله الفكرة تطورت اكثر..!ومن هنا ، ومن هذا الخيط ، اقترح ان تكون هناك انشطة بحثية يكون مدارها الكتابة عن الثقافات هناك ، ولنبدأ ببحوث عن الآلات الموسيقية وطرائق الغناء واغراض الغناء.. فالغناء هناك ذاكرة لا تتوقف فقط في الغزل والحنين ، وانما هناك وظائف عديدة للغناء: بداية الزرع ، التيراب ، الحش (تنظيف الزرع) لغاية الحصاد..ومثل هذه الأشغال وثقتها من قبل فرقة والي التي كانت تعرض فنونها في اوربا في ثمانينات القرن الماضي..
مقترح جيد ويستحق النظر ومن ثم العمل به
تسلم حبيبنا كبر ..
Post: #39 Title: Re: ملكة جمال مهرجان جبال النوبة الرابع 2016 (صو Author: محمد كابيلا Date: 12-25-2016, 11:17 AM Parent: #32
ول أبا كبر ..
تحياتي يا زول يا سمح
ناس كادقلي ديل على الهبشة ، هسع نقوم نغلبهم بكرة يدقشوا الغابة ويتمردوا ونقعد نحن في حكاية معليش يا جماعة وشنو كده ما عارف..!!
تعرف يا كبر لما تحكي عن الدلنج تجدني أقرأ كلماتكــ صورة وصوت
لأنك حكاي بشكل ما عادي وتسوق الزول مع كلماتك !!
مودتي وتقديري ...
Post: #46 Title: Re: ملكة جمال مهرجان جبال النوبة الرابع 2016 (صو Author: أيمن نواى على Date: 12-25-2016, 06:14 PM Parent: #39
وال ابا كبر الكنز الحقيقى الذى نملكه هو هؤلاء المليكات ...... المرأة السودانية هى تراكم معرفى منذ أقدم حضارة بشرية على الارض ....... عرفت إدارة الممالك وإدارة الأسرة فى احلك الظروف وهى التى انجبت هذا الإنسان السودانى الفريد الذى هو فخر الأمة السودانية اين ما ذهب . وال ابا كبر الموسوعة نرجو أن تتحفننا عن بنات تلس السمحات وملس .......وال ابا كبر منذ ان كنت صغير شايل كراس وقلم كل ما اشوف وحدى من بناتنا السمحات اسجلها فى الكراس تعاين دى ألقاها سمحة اشوف ديك القها اسمح من دى لمن احترت والكراسي اتملاء .......قلت مالوا نعرسهم كلهم زيادة الخير خيرين ... ....لمن كبرت شوية اتصدمت مافى طريفة الاتعرس أربعة .......قلت لمن اتخرج من الجامعة يحلها الحلال.... .. اها منتظر متين اتخرج من الجامعة ....... بعد اتخرجت من الجامعة بقت المشكلة فى اختيار الأربعة ...... كل ما احاول ادبرها يطلع الكشف فيهو زيادة ..... اعيد الكره تانى مره....... الشغل دا غلبنى ولض امى كى وحيات الكتاب .......لمن لقيت بت خالتى كسرت فينا ضلعة .....قلبت ليلى نهار ......لمن بقيت نعد نجوم القيلا اخوك أبى العيش طار الكلام منى.
Post: #47 Title: Re: ملكة جمال مهرجان جبال النوبة الرابع 2016 (صو Author: عمر عبد الكريم علي Date: 12-26-2016, 01:42 AM Parent: #46
التحيه لعموم أهلنا النوبه الحنان جاورناهم وزاملناهم فما وجدنا منهم إلا صدق المشاعر والشجاعه والنبل شعب نبيل جداً وصاحب موروث ثقافي وحضاري يستحق أن يجد أكبر إهتمام ممكن عدد ضخم جداً من أهلنا النوبه تشتتوا في المنافي (أستراليا وأمريكا وأوروبا) ومنهم من ينتظر بمصر ربنا يرد غربة الجميع ويصلح حال البلد
Post: #48 Title: Re: ملكة جمال مهرجان جبال النوبة الرابع 2016 (صو Author: Sudany Agouz Date: 12-26-2016, 10:49 AM Parent: #47
الإبن الحبيب محمد كابيلا ..
قد ذكرتنى ب " كاتشا " .. التعديل لإضافة نبذة تعريفية: الملكة صفاء توتو جابر من منطقة كاتشا بجبال النوبه
والدى كان يُدرس فى منطقة " كاتشا " وهيبان .. وسلارا .. وعبرى ..
مَن يدرى فقد يكون والدى قام بتدريس جد الملكة صفاء ..
يا حليل جبال النوبة .. وناس زمان .. وسودان زمان ..
