قبل العصيان بسويعات .. هكذا تنقسم فئات المجتمع !

06:09 PM December, 18 2016

سودانيز اون لاين
محمد عمر جبريل-
مكتبتى
رابط مختصر

1- مجموعات سياسية وحركات مسلحة تحلم في مجملها بإزالة هذا الظلم القابع على ظهر السودان بأي كيفية وأي وسيلة كانت .. سلمية .. عسكرية .. انقلاب أبيض .. انقلاب خاطف لونين .. المهم زوال الكيزان هو الهدف والغاية وبأي وسيلة .. بغض النظر عن الطريقة وكيفيتها وأسبابها ونتائجها وما يترتب عليها .. هذه الشريحة تمثل حوالي 10% من مجموع السودانيين ونصفهم تقريبا خارج السودان ، وهذه ليست مذمة أو قصور في أداء الدور المرسوم لهم كأشخاص اختاروا السياسة والنضال المسلح جزء من حياتهم أو كل حياتهم والعصيان بالنسبة لهذه الفئة نافذة أخرى وجذوة أمل جديدة ترى أن الإستعصام بها لا مناص منه مهما كان.
2- مجموعة من المثقفين ومن يتوفر لهم الحد الأدنى من الحياة الكريمة .. وهذه مجموعة سهل الله لها الحصول على وسائل اتصال اجتماعي فسنحت لهم فرصة الاستماع لدعوات العصيان المدني ورحبوا به ليس استيعابا لجدوي العصيان ولدوره .. ولكن كراهية في الإنقاذ وفي بؤس أيامها .. هذه الشريحة أغلبيتها – أكرر – أغلبيتها مع العصيان ولكن بدون إعطائها الحق في فهم جدوى العصيان .. بشفقة سودانية مقيتة تم تحديد تاريخ العصيان وتم التصنيف والفرز .. مع العصيان إذا أنت سوداني وقلبك على الوطن وما كوز .. ضد العصيان .. أنت نفعي متطفل ومتسلق يجب بترك .. أكاد أجزم بعدم معرفة معظم من نسخ هاشتاق العصيان على صفحته بالفيس بوك أو تويتر بدور العصيان وإلى أي مدى يمكن أن يسهم في مسيرة إسقاط النظام. وهذه الشريحة بالرجوع للعدد مستخدمي الإنترنت في السودان يمثلون 40%
3- البقية الباقية من السودان لم يسمعوا بالعصيان المدني ولا بالفيسبوك ولا الإنترنت ,, وهذه الشريحة هي فعلا من بيدها تعطيل دولاب العمل في السودان .. عمال .. مزارعين .. سائقين .............إلخ
أعمال على هامشيتها إلى أنها المؤثر الحقيقي وصاحب الدور الأكبر في شل حركة الحياة في الشارع السوداني ولكن من جهة أخرى هم أحوج ما يكون لقوت يومهم ومعظم أشغالهم تقوم على رزق اليوم باليوم ومسؤولية اطعام أفواه كثر تعتمد على هذا الرزق اليومي المحدود .. هذه الفئة لم تستشار ولم يؤخذ باعتبارها في خضم حرب الهاشاتقات الدائرة في أضابير الفيس بوك .

نواصل

سلامات ابو حميد
عساك بخير و الأسرة
واصل يا ابوحميد, اختلاف زوايا القراءة بوضح الصورة الكاملة أكثر

هلا بالشاب الوجيه محمد عمر
أتفق معك في كثير مما كتبته ولكن سؤالي هو ما دور الشائعة في كل هذا وانت تعرف نحن شعب اجتماعي جداً وتواصلي جداً وما اظن في زول ما عندو او في اسرته في جوال
ألا تعتقد أن هذه الخاصية تغطي عن النقص في التواصل عبر النت
لا سيما وأن الكل سيكون الآن قد سمع بالاعتصام الفات ومدى نجاحه وان الناس تعد لإعتصامات أخرى
أظهر يا زول

يعني بكلامك ده يا محمد عمر كل فئات الشعب السوداني
تكره هذا النظام الحاكم ومتضررة منه...ولكن تتفاوت
نسب مستوى تاثير كل فئة في الجهود المبذولة للاطاحة
بالنظام الحاكم...
واظن على حسب كلامك ان اكثر فئة يمكن ان تؤثر تاثير
مباشر في الاطاحة بالنظام هي فئة هؤلاء الذين يكسبون قوت
يومهم عبر رزق اليوم باليوم ..وهم المزارعين والباعة المتجولين
واخرين من الذين بمكنهم شل الحياة والحركة في العاصمة والمدن
الكبرى...
وهؤلاء بالذات هم اكثر الناس متضررين من الحكومة وواقع عليهم
الظلم الاكبر....ولذا لا بد من التركيز على توعيتهم باهمية التخلص
من اللصوص والحرامية الذين يسرقون قوت يومهم ليبنوا بها قصورهم
المنيفة....داخل وخارج السودان بينما مدارسنا ومستشفياتنا تبكي حالها
...والصور لا تكذب...
والله يديك الصحة والعافية...

يعني بكلامك ده يا محمد عمر كل فئات الشعب السوداني
تكره هذا النظام الحاكم ومتضررة منه...ولكن تتفاوت
نسب مستوى تاثير كل فئة في الجهود المبذولة للاطاحة
بالنظام الحاكم...

حياك الله يا أميرة .. كل الناس متفقة على وسخ الناس ديل وعفنهم .. بس صراحة الشباب محتاجين توعية أكتر .. وإرشاد وقيادة واعية
أنا حاسي إننا محتاجين فترة هدنة .. زمن كدا عشان الناس المثقفة دي تنزل من برجها العالي وتقعد مع الناس في الواطة عشان تفهما حاجة زي (عصيان مدني مفتوح) ممكن ل ياتو درجة تكون مؤثرة
وممكن الناس تستخدمها كأداة لإزالة النظام الجاثم على صدورنا دا ..
ياخ أقسم بالله لحدي هسي معظم الناس مسطحة وما فاهمة هي بتعمل شنو وقاعدة في البيت ليه

هلا بالشاب الوجيه محمد عمر
أتفق معك في كثير مما كتبته ولكن سؤالي هو ما دور الشائعة في كل هذا وانت تعرف نحن شعب اجتماعي جداً وتواصلي جداً وما اظن في زول ما عندو او في اسرته في جوال
ألا تعتقد أن هذه الخاصية تغطي عن النقص في التواصل عبر النت
لا سيما وأن الكل سيكون الآن قد سمع بالاعتصام الفات ومدى نجاحه وان الناس تعد لإعتصامات أخرى
أظهر يا زول

أهلين عبدالصمد .. حياك الله
أكيد سمعوا بيه .. وممكن أجزم ليك إنو الأغلبية سمعت بيه ..بس هل الناس فهمت دوره؟ هل الناس عارفة الفرق بين الإعتصام تلاتة يوم في البيت أثناء أيام العمل الرسمي وبين الإجازة بتاعت عيد الأضحى مثلا؟
والله ما أظن يا عبدالصمد .. ولا أظن في واحد من الناس الحددت تاريخ العصيان دا .. أو الناس الاختارت العصيان أو المظاهرات طريقة ودرب نضال .. فكرت في عموم الناس وفي كيفية توصيل المعلومة ليهم
إلا من بعض الإشراقات هنا وهناك .. كمثال لحملة التوعية التي قام بها البوشي في منطقة الحاج يوسف .. وأدت لدور ملحوظ وملموس

سلامات يا أبو حتوت .. عساك بخير يا صاحب
بتذكر كويس في أحداث 2013 لمن جات الدعوة برضو للمظاهرات وبعد الخطاب الكارثي للسيد الصادق المهدي .. انهالت الدعوات للنزول للشارع عبر منابر صفحات الفيس بوك بعد أقل من اسبوع واحد فقط من خطاب السيد المهدي !!
أسبوع واحد بس ! معقولة ؟! هل اسبوع واحد وللا شهر واحد كان كافي لنشر التوعية وتعبئة عموم الشعب .. مع ملاحظة إنو الإعلام في البلد كلو مسيطرة عليه الحكومة ؟ عشان كدا اندفعت مجموعات من الشباب بعمر الزهور وشباب زي الورد مشحونين بحب الوطن فقط لا غير .. مضوا إلى حيث أراد الله لهم أن يمضوا ولا نستكثرهم على خالقهم ونحتسبهم شهداء بإذن الله .. ولكن أحمل مسؤولية موتهم لدعاة المظاهرات ولمليشيات الحكومة بنفس القدر .. الجميع يتحمل المسؤولية بالتساوي ..

ولكن أحمل مسؤولية موتهم لدعاة المظاهرات ولمليشيات الحكومة بنفس القدر .. الجميع يتحمل المسؤولية بالتساوي
قوم لف بلا عباطة و هبالة معاك

الكيزان ديل في ايام الديمقراطية ما كانو كل يوم بطلعو مظاهرات في زول كتلهم؟

المظاهرات و الدعوه لها حق اصيل من حقوق الشعب
وكل الدول المحترمة تكفل هذا الحق

يقتلوهم ليه في الاساس و بأي حق، و جاي انت تتفلسف لينا بي أحمل مسؤولية موتهم لدعاة المظاهرات

بلا يخمك

قوم لف بلا عباطة و هبالة معاك
الكيزان ديل في ايام الديمقراطية ما كانو كل يوم بطلعو مظاهرات في زول كتلهم؟
المظاهرات و الدعوه لها حق اصيل من حقوق الشعب
وكل الدول المحترمة تكفل هذا الحق
يقتلوهم ليه في الاساس و بأي حق، و جاي انت تتفلسف لينا بي أحمل مسؤولية موتهم لدعاة المظاهرات
بلا يخمك


ناصر جامع ..
دا ياهو أدبك العلموهو ليك أهلك ؟؟ دي ياها تربيتك وأخلاقك ؟؟
عادي والله ممكن أملاك فارغة كدا عمر حياتك ما سمعت بيها .. بس المقام أكبر من الرد على حثالة وساقط زيك ..

عادي والله ممكن أملاك فارغة كدا عمر حياتك ما سمعت بيها
يا زول املاني فارغة زي ما عايز...لكن ابقي قدر كلامك و دافع عن المنطق الاعور بتاعك العايز تساوي فيهو جريمة قتل النفس بدون حق و الدعوة للخروج للمظاهرات؟

يا زول املاني فارغة زي ما عايز...لكن ابقي قدر كلامك و دافع عن المنطق الاعور بتاعك العايز تساوي فيهو جريمة قتل النفس بدون حق و الدعوة للخروج للمظاهرات؟

لمن تتعلم الأدب .. وترتقي لمستوى النقاش والرد ممكن أرد ليك على أي سؤال أو استفسار يخطر ببالك ..
وحتى ذلك الحين ستظل في وجهة نظري الخاصة شخص صفيق .. هايف .. لا أكثر ولا أقل

لمن تتعلم الأدب .. وترتقي لمستوى النقاش والرد ممكن أرد ليك على أي سؤال أو استفسار يخطر ببالك .. وحتى ذلك الحين ستظل في وجهة نظري الخاصة شخص صفيق .. هايف .. لا أكثر ولا أقل
اوكي لو غلبك ترد ابقي راجل و قول غلبني

اوكي لو غلبك ترد ابقي راجل و قول غلبني

بالله شوف جنس العوارة والهبل دا !!
أبقى راجل ؟؟ أبقى راجل بي ورا كيبورد يا صفيق !
عينتك دي في الغالب الأعم بكون عندها مشكلة في هرمونات الرجولة .. وجاية تفتش ليها بي ورا كيبورد


قال أبقى راجل قال

يا زول بطل لولوة و كلام فارغ و ورينا كيف تساوي بين القتل و الدعوة للتظاهر

يا زول بطل لولوة و كلام فارغ و ورينا كيف تساوي بين القتل و الدعوة للتظاهر

وجهة نظر خاصة بي .. إذا عايز تناقش فيها بي أدب واحترام أعمل reset لي فهم الرجالة في راسك المدوقس دا أول شي وتعال ناقش زي الرجال ..
غير كدا ها تفضل في نظري زول صفيق غير جدير بأكثر من برطوش على راسك ..

انا دخلت البوست دا عشان الكلام الفارغ بتاع الكيزان الإنت جاي هنا تروجو لينا و عايز تبرر قتل حكومة الجهل و الضلال للشعب البمارس في حق اصيل من حقوقوا اللي هي حق التظاهر السلمي...اوعي تكرر كلام فارغ زي دا تاني...نبلعك ليهو ناشف

لكن النبز المجاني بتاع يا صفيق و هايف و حثالة و ساقط و اهلك ما ربوك و ياها دي تربيتك وأخلاقك و الكلام الفارغ الزي دا ما مهم و انا عافيك لي الله و الرسول

بس اختي الكلام الفارغ بتاع تبرير قتل الشباب البطلع مظاهرات

انا دخلت البوست دا عشان الكلام الفارغ بتاع الكيزان الإنت جاي هنا تروجو لينا و عايز تبرر قتل حكومة الجهل و الضلال للشعب البمارس في حق اصيل من حقوقوا اللي هي حق التظاهر السلمي...اوعي تكرر كلام فارغ زي دا تاني...نبلعك ليهو ناشف


وين بررت أنا ؟؟!!
أقسم بالله أكدت لي أنك تستحق كل ما تم نعتك به عاليه