لنا جعفر محجوب: أنا عاصية وشيوعية

06:42 AM December, 18 2016

سودانيز اون لاين
زهير عثمان حمد-السودان الخرطوم
مكتبتى
رابط مختصر

يارفاقي.. صباح الحرية والانعتاق من ابو دين الكيزان
وبعد……..
انا لنا جعفر محجوب بكامل اهليتي وحالتي المعتبرة شرعا وقانونا ح اقول الآتي
11/العصيان والاضراب والتظاهر حقوق دستورية وقانونية وطبيعية بتولد مع وجودك كبني آدم ومامحتاجين زول يكون معاها او ضدها او يرضى عنها او يباركا او يتفهما.
2/فكرة العصيان السارية هسا مع احترامي العميق وتقديري ومحبتي للقايمين بيها حتى لو كانو مؤتمر سوداني ودي في النقاش الح يثور لو ثار ح اوضحا لو استدعى الامر لكن لو اتناقشت في سرية بين الناس وفي حتاتا بكون اسلم واجمل عشان الجداد الحايم وعشان اصلا الصلاة فيها السر والجهر الفكرة دي محتاجة شوية سمكرة ياشبيبة اقصد فكرة العصيان
٣/انا ملتزمة بخط حزبي ايا كان تعقيبي وما انا العندي راي فوق راي الاجماع والناس اليفترض تاخد القرار وهي في الموضع بتاع اخذه+

٤/انا ح ادعم الارادة الشعبية وح ادعم موقف حزبي وموقف احزاب التجمع ايا كان رأيي لكن كمان عايزة التواريخ تحفظ لي حقي في النظرة الاعمق
٥/ كلامي ده السبب الرئيسي الكان مخليني اخد مواقف متحفظة تجاه العصيان وانا للآن متحفظة لكن لسببين ح اجمد تحفظي….الاول اننا امام واقع العصيان والتاني هو ان تكون ديمقراطي بيعني التزامك برأي الغالبية البتشكل تيار حتى لو التيار ده ماعايز يفرمل نفسو ويسمعك لانه لاصوت يعلو فوق صوت المعركة واساسا لايمكن حجم اختلافك وتناقضك مع ترتيب العصيان يكون اقوى واعمق واكبر من تناقضك مع الكيزان وارهابهم وتقتيلهم وتعذيبهم وفسادهم وجنونهم واستغلالهم للبلد والناس والموارد وحتى للرب.
٦/الصراع ياناس واضح وخاطي البختار الوسط
أنا مع العصيان وكلي ثقة في انه حزبي ح يضغط من اجل ترتيب وتشذيب الفكرة
7/أنا عاصية ومع جموع العصاة اقف ملتحفة بايماني العميق وقناعاتي الراسخة بالحزب الشيوعي السوداني وفي المقدمة ايماني وانتمائي لهذا الشعب الحبيب وكامل ثقتي في الجموع الهادرة للثوار اباة الضيم وكل زملائي الديمقراطيين الحالمين بالتغيير.
8/حرية سلام وعدالة والثورة خيار الشعب
بقلم
لنا جعفر محجوب
الولايات المتحدة الأمريكية