Post: #1
Title: اعـــــجــــــــــــــاز
Author: د.محمد حسن
Date: 12-17-2016, 12:44 PM
Parent: #0
11:44 AM December, 17 2016 سودانيز اون لاين
د.محمد حسن-
مكتبتى
رابط مختصر
كمين شارع
ومدرستين
وماك بتخجل
في عقدين
ومعاها كمان سبعة سنين
ياخ اتكامل
وعرض اكتافك ووفد منافق
للتثمين
نحن خلاص حزمنا الامر
انكم انتو ما قاعدين
ولسة تهلل
في
كمين شارع ومدرستين
قروش الشعب الكادح
كانت وين
سرقة وظلم
وكمان تكميم
ياخ ملينا ضلالكم فينا
ونحن الفينا مكفينا
ارحلو مننا
برضو كمان حنجيبكم
وحنضوقكم
ويلكم فينا
وناخد من عينيكم
كل مليم من لبن اطفالنا
بخاخ ازمة
وحقن السكري
وكل تعريفة اتشالت
من اموالنا
وبرضك تفرح
شان
كمين شارع ومدرستين
من غير طباشيرة
او حتى معلم
عايش كل ايامة يجر بالدين
ياخ اتلمو
كفانة ضلال
باسم الدين
نار عصيانا حتحرق
كل دقون الناس المأفونين
قال انجاز
والله حقيقة ده الاعجاز
في عقدين
وسبعة سنين
نفتح ليكم مدرستين
حاجة عجيبة يا انقاذ
بس اتاكدو
انا زمانكم ولى خلاص
وانت حتهربو
بس لي وين ؟
العالم اصبح قرية
وصدق جد
اصبح يعرف ايه الفرية
وبعرف ايضا زمن الكذبة الدين اتلاشت
واصبح واقع الناس العارفة حقيقة الدين الدين
وما ناسين
مين القتل لي اولادها
مين الصادر لي اصواتها
ومين الدس العيش
وفرتق جيش
عشان قطاع الطرق
المنبوذين
وبرضو حنطلع ليك في الشارع
ولمن نطلع
صدق جد انت
اكيد ما حتطالع
تبقى تقول
انا ما قاصد
قاصد اطمين ناسي اكيد
وكنت بليد
لكن نحن ناس شاطرين
ونحن بنحفظ كل كلامك
واصلو كلامك دايما شين
ونحن عصينا
وشلنا قلمنا
وليك كتبنا
نحن الشعب الواعي
وليك عاصين
|
Post: #2
Title: Re: اعـــــجــــــــــــــــــــــــــــــ
Author: د.محمد حسن
Date: 12-17-2016, 07:54 PM
Parent: #1
uldhx ;hgotha td ,qp hgkihv
id hgl]dkm
|
Post: #3
Title: Re: اعـــــجــــــــــــــــــــــــــــــ
Author: د.محمد حسن
Date: 12-18-2016, 12:43 PM
Parent: #2
عصينا عشان البلد الصار مطحون
عشان السرقة
وخربو
وخلو عيالنا تاكل طين
|
Post: #4
Title: Re: اعـــــجــــــــــــــــــــــــــــــ
Author: أحمد الشايقي
Date: 12-18-2016, 03:04 PM
Parent: #3
سلام الله عليك أيها الأستاذ الشاعر
وسلام الله علي شعبك العظيم
أحمد الشايقي
|
|