أخطأت الحكومة في ....

11:22 PM December, 16 2016 سودانيز اون لاين
mayada kamal-إستنبول(مؤقتا)
مكتبتى
رابط مختصر" />">اولا: اعلانها على الصحف بان يوم 19 ديسمبر دوام رسمي.معناه اعتراف منها باللغط الحاصل في صفحات التواصل الاجتماعي والواتساب.وثانيا: ليت الحكومة اعلنت التاريخ اعلاه عطلة رسمية. عشان تقطع الطريق امام دعاة العصيان، بانو لو نجحوا واحدثوا فعل العصيان بالمكوث في البيوت(ودا مستحيل)، انها هي من اعطت موظفينها عطلة رسمية، وليس تاييدهم للعصيان هو السبب.وبي كده تكون (كتلت الدش) للجماعة. في الحشد البيعملوه تحت تحت للعصيان.

ميادة اقري قرايتك وادعي للحكومة دي سرك


لأنو موضوعها مستحمي ... والله صحي :)


وما تنسي لو لقيتي ليك عريس كوز ... اسمعي مني عرسيهو

Quote: وما تنسي لو لقيتي ليك عريس كوز ... اسمعي مني عرسيهو

وكت شايل همي وبتتكلم عن عرسي.
مالك داير لي كوز.(على اساس ما بتحبو الكيزان).
وتيييب ما تشوف لي زول ما كوز بالمرة.

تبا لانصرافيتكم 😂😂😂
------
تبا ما حقة الافلام التجنبية عشان ما تبقو لي في حلقي

يا ميادة كيفنك

تصدقي حتي لو أعلنت الحكومة ١٩ ديسمبر عطلة رسمية
برضو يعتبر اعلان للجرسة و البطبطة ...

ياخ ما تكبي الجماعة في مزابلهم الماشنها أصلا و خليك مع الوطن

يا مياااده انا خايفك تصحي تلقى الحكومة فاتت

Quote: مالك داير لي كوز.(على اساس ما بتحبو الكيزان). وتيييب ما تشوف لي زول ما كوز بالمرة.

صعبتيها علينا شديد ياخ!

انا داير ليك زول مجاهد زيك

المناتلين ديل في الأكل ما بقولوا بسم الله :)

Quote: المناتلين ديل في الأكل ما بقولوا بسم الله :)

اَي كلامك صاح يا بشاري ...
و أنا كمان بعرف منهم واحد بعد ما يأكل و يشبع يقول
أهو دلوقتي الحمد لله ...

Quote: اَي كلامك صاح يا بشاري ... و أنا كمان بعرف منهم واحد بعد ما يأكل و يشبع يقول أهو دلوقتي الحمد لله ...

الشفيف يحى قباني ... تحياتي

بذلت لها نصحي بمنعرج (منبر) بكري

وخايفها لا تستبين نصحي الا ضحى الغد

وبعدين ميادة طلعت (مسقفة) وبتعرف تباً لك (باللجنبي)

والمناضلين استعصى عليهم قول بسم الله ... فتأمل!

ميادة الكلام دا تناقشى فيهو ثوار الداخل ..ناس العصيان ولاد وبنات اعمارهم اقل من 25 سنة ..وحيات ركب بشة وجضوم وداد ..نحنا فراجة زيييك واحد ديل شباب فقر ياخ ..انا المستغرب ليهو من اين جاء هولاء الحناكيش
انقرة كييف ؟ اللهم شماااتة فى هكذا حالة اميييييييييييييين .

.ناس العصيان ولاد وبنات اعمارهم اقل من 25 سنة
غايتو جنس شلاقه يا معاويه . اسع يصدر قرار بحضور كل المواليد من1992 الي الطفل عصيان
الي مكاتب الامن بكل السودان

اخطأت الحكومة في.... كُل شيء

ال تلخبط غزلكم

بقيتوا ما عارفين تبقوا إجازة ول دوام ؟
يعني الشغلة لا استقلال ولا الله قال


ميادة نطي اجسن ليك بحر العصيان دا دميرة

Quote: وقطرك برضو فات ... غايتو جنس غايتو خيراً تعمل شنو كدا ما عارف ..

!!!!!!!!!!!!!!!!!!!!!!!!!!!!

السيدة ميادة كمال الدين،

حكومة الانقاذ غير شرعية لأنها وليدة تامر انقلابي عطل الدستور واطاح بالحكومة الشرغية المنتخبة وواد الديمقراطية وقمع الحريات وانتهك حقوق الانسان وفتح الطريق لذوي الذمم الخربة ليعتدوا على المال العام ويثروا على حساب العامة وهم طلقاء آمنين على أنفسهم من الحساب والعقاب فنشات بيننا دولة الأقلية الفاسدة. و كل من يدافع عن الانقاذ اليوم بعد ان تكشفت للانظار كل الحقائق فهو بلاشك منتفع بوجودها في نفسه او في آخرين اعزاء عليه.

ماقام على باطل فهو باطل.

اخي الامين موسى البشاري،
سلام .

لايجوز لك ولا لغيرك استخدام أسلوب الهمز والرمز ضد هذه السيدة الكريمة مهما بلغ اختلافك معها في القضايا السياسية. فحياتها الخاصة مصانة ومحترمة وخط احمر لايجوز تخطيه.

اخي الامين موسى البشاري،
سلام .

لايجوز لك ولا لغيرك استخدام أسلوب الهمز والرمز ضد هذه السيدة الكريمة مهما بلغ اختلافك معها في القضايا السياسية. فحياتها الخاصة مصانة ومحترمة وخط احمر لايجوز تخطيه.

شكرا عثمان محمد صالح للقسط في الميزان

Quote: فحياتها الخاصة مصانة ومحترمة وخط احمر لايجوز تخطيه.

عثمان .. وعليكم السلام ..


ولم نتعرض لحياتها الخاصة بسوء ... ولا ينبغي لي أن أفعل

قلنا ليها اقري قرايتك ... ويا ريت تعرسي وتنسي السياسة دي

ميادة منتظرة بعد تخلص ماجستير تجي وتمسك ليك شغلة في ظل حكومة الولاءات هذه

وليس هناك لمز او غمز ...


انتهى ....

د مياده
الاحظ تطورا ملحوظا في كتاباتك

شكرا لك اخ عثمان محمد صالح.
الله يجبر بي خاطرك يا اخ.

Quote: ميادة منتظرة بعد تخلص ماجستير تجي وتمسك ليك شغلة في ظل حكومة الولاءات هذه وليس هناك لمز او غمز ..

اووووف يا
القال ليك منو كده
وما من حقك تتكلم بي لساني يا اخ الامين.
الحمد لله لي قدراتي انا موظفة في مجلس الوزراء ما محتاجة الانت بتقولو.
ولو ما رجعت ليها بعد الدكتوراة زاتوو ما باقية عليها شديد.. لانو نفس مؤهلي بيوديني الحتة الانا عايزاها على حسب قدراتي.
عليك الله يا اخ الامين، لودا مستوى اسلوبك في مخاطبة الجنس الاخر... اعفيني من مداخلاتك معاي.
واعتقد دخول البوستات ما اجباري.

سلام يا ميادة كمال ...

عشان ماتعملي لي فيها مظلومة ولا عثمان يعمل لي فيها ابو العلا البشري

مداخلتي الأولى كانت انك تنسي موضوع الحكومة لأنها في طريقها للزوال

وعشان كدا قلت ليك شوف حياتك بدل تستعدي الناس بكتاباتك ودفاعك عن الحكومة

رصيد الانقاذ خلص خلاص .. والكثيرين قفزوا من السفينة ...

الكلمة او الكلمات الما عجبتك قوليها لي وانا بحذفها وكمان سوف اتبعها باعتذار إن رأيت فيها ما يمسك

ويا ميادة ما تنسي قبل كدا اتكتب ليك شنو هنا...

ويعلم الله وقتها زعلت ليك وما رضيتها ...

وعلى العموم دا طرفي من البوست دا

Quote: وقطرك برضو فات ... غايتو جنس غايتو خيراً تعمل شنو كدا ما عارف ..

ما عاملة فيها مظلومة... ولكن انت سوداني والقارئ سوداني.
إيحاءاتك الفوق دي في مجتمعنا عندها معنى واحد لا غير.. ان شاء الله وقع ليك قصدي.

.
.
.

الاعتذار فضيلة

Quote: ولا عثمان يعمل لي فيها ابو العلا البشري

الاخ عثمان عمل اللي بيمليه عليه ضميرة واخلاقه وتربيته.
ارجو ان لا تصيبه تراشقاتك بي سببي.





اعتذارك مقبول يا اخ الامين.
قد تكون مغبون من الحكومة. وكلنا كءلك.. لكن هنالك الحد الفاصل بين تصديكم لافعال الحكومة والتعدي على الخاص للمخالفين ليكم كاشخاص.

وانا ما غالبني ارد بالمثل. لكن والله لا الوقت ولا تربيتنا بتسمح لينا نقع في الضحالة دي.
تحياتي

التفكير المعطوب ..

ليست هناك من خيارات جيدة للنظام الفاسد المستبد ومنسوبيه ..
يعلنها عطلة .. او يعلنها دوام (ذلك الاعلان المضحك اذ لم اسمع في حياتي بحكومة تعلن عن يوم دوام رسمي) ..او لا يعلنها على الاطلاق كما كان من المفترض ان يحدث لولا التخبط وحالة الهيستيريا التي المت بهم/بهن

عموما تروقنا هذه الهيستيريا اذ تمثل في حد ذاتها اعلان نجاح مسبق للحدث الثوري العظيم في 19 ..

تم حذف ما اشرت اليه ...

ومن ثم اعتذار كامل غير منقوص ...

بالرغم من عدم اقتناعي بأي اساءة فيما كتبت وهذا لا ينقص من اعتذاري لك

يا ميادة اي زول شايل من الانقاذ دي لديه غبن وظلم وحقد الله لا يوريك ليهو

انا القدامك دا سبب خروجي من السودان كان بسبب تفضيل كوز وتفريغه من العمل لدراسة الماجستير

بالرغم من اني رئيسه المباشر في العمل .. شفتي كيف؟!

اضبطي حروفك وغالبية اهل السودان ضد الانقاذ وقلوبهم مليئة بالحقد والحنق

وكتاباتك استفزازية في هذا الظرف الزماني والمكاني

كل الاحترام والتقدير

يا اخونا الامين موسى البشاري،

ارجو الاتكابر وتتمادى في غلطك الظاهر. انا لا ادعي العلا البشري. كل ماهناك اني راجعتك فيمابدأ لي مطاعنة وتلميحا غير كريم في خق السيدة ميادة.
لاتبيح لك الخصومة السياسية مهمابلغت ان تجر الشوك على جلد هذه السيدة في أمر لايعنيك ولايعنيني ولايعني اي معارض اخر للانقاذ.

Quote: ارجو الاتكابر وتتمادى في غلطك الظاهر. انا لا ادعي العلا البشري. كل ماهناك اني راجعتك فيمابدأ لي مطاعنة وتلميحا غير كريم في خق السيدة ميادة.

فيما يبدو!

وقد لا يبدو لغيرك كذلك

اعرف ماذا أكتب

ومتى !

وأين !

وكيف!

ليس هناك مكابرة على الاطلاق يا عثمان

واعتذاري لميادة ليس بسبب ما كتبته انت

ولكن لأني حسيت انها تحسست من الكلام الذي قد يبدو .. وقد لا يبدو

عموما انا اعتذرت لها ... واي زيادات في الكلام قد تفسد هذا الاعتذار

تحياتي

يا اخ الامين البشارى ...
كلام اخونا عثمان صحيح ...
وهو اول من نبهك لخطأك ...
وليس عيبا ان نخطيء ولكن العيب ان نصر على ذلك الخطأ ...

رجاء عدم العودة هنا مجددا ...

ودي الذي تعلم ...

الامور الشخصية خط احمر وخطأ ان يتم تناولها في المنابر العامة ..
ميادة حكومتكم قالت الروب ورقاصكم ما لقي بكان يعرض فيهو ..
زيارته لكسلا ومدني كشفت عدم شعبيته وقرف الشعب منه ..
سفينة الكيزان اخير تتلبي منها قبل ما يجيها الطوفان يلحقه امات طه ...

Quote: ليت الحكومة اعلنت التاريخ اعلاه عطلة رسمية. عشان تقطع الطريق امام دعاة العصيان، بانو لو نجحوا واحدثوا فعل العصيان بالمكوث في البيوت(ودا مستحيل)، انها هي من اعطت موظفينها عطلة رسمية، وليس تاييدهم للعصيان هو السبب.وبي كده تكون (كتلت الدش) للجماعة. في الحشد البيعملوه تحت تحت للعصيان.

ميادة تحليلي انك بتأييدي العصيان لكن
ما دايرة ناس مجلس الوزراء يزعلو منك

Quote: ميادة تحليلي انك بتأييدي العصيان لكن ما دايرة ناس مجلس الوزراء يزعلو منك

حبابك الفنان الموصلي.
نعم انا مع حق الناس المطالبة بي حقوهم.
الحكومة يلزمها شعب واعي عارف كيف يطلب حقوقو(واشدت في مقابلتي مع تلفزيون تركيا بي شباب الحراك الفيسبوكي الاخير ووصفتهم بانهم شباب واعي/راجع الفيديو لو حبيت حضرتك)
لكن ان يستغل الشيوعين والجبهة الثورية الموضوع لاسقاط الحكومة زي ما بيحلموا ،، ودا بعدهم (ما بنسمح ليهم يحكمونا ).