دراسة حالة : لماذا يكرهون الشيوعيين الى هذه الدرجة ؟؟؟؟

06:55 AM December, 14 2016

سودانيز اون لاين
اسماعيل عبد الله محمد-
مكتبتى
رابط مختصر

لاحظت ان بعض الناس يبغضون الشيوعيين بغضاً يماثل بغضهم للكيزان
ما هي الاسباب؟؟

مِنْ هؤلاء اناس لهم جهدهم الواضح في مسيرة التغيير و ازالة الطغيان ويؤمنون بالعلمانية !!!

ام هو سلوك ممارس بين الكيزان و الشيوعيين فقط ؟؟

افتونا يا جماعة الخير..

سلآمات يا إسماعيل.
لا علآقة لي البتة بالشيوعية، لكن شئ ملآحظ والله !...

لانهم وجهين لعملة واحدة جات من مصر لتفسد الديمقراطية في السودان عبر الانقلابات والثورات المزيفة
شوف الناس الطلعت لي جون قرنق وشوف الكيزان والشيوعيين ديل عمرهم جو بالانتخابات حقيقية
هم ادوات رخيصة للمخابرات المصرية
انقلاب 1969
انقلاب 1989
وجعلتهم صوت العرب كلاب حر ينبحون في الانجليز ويعضون الرموز الوطنية ويحتقرون حاجات اهلنا الختمية والانصار وهم من اهل العهر الاكاديمي والعلم الذى لا ينفع
والكيزان والشيوعيين بضاعة ما سودانية وتاريخ طويل مشين ومجلل بالعار وهم من شوه احزاب السودان الحقيقية
الكيزان شوهو حزب الامة
والشيوعيين شوهو الحركة الشعبية
والسودان ختمية وانصار وجمهوريين وجنوبيين حتى ولو دينكا نقوك وديل ما شايفين نفسهم لا في مرايا الشيوعيين ولا الكيزان
ومافي زول يكره الشيوعيين لم الزول يكتب عنهم هو لا يسء لهم بل يصفهم وفي بوست وطويل عريض موثق عن بضاعة مصر الردئية والزين يشعرون بالدونية حيال مصر ويعتنقوها في السودان قراها 22000 زيارة وانت عايز تسال هسة سوال ساذج ذى ده

شكراً اسماعيل لطرح سؤال
أعتبر الغرض منه المعرفة
السؤال ده أنا شخصياً كان في راسي زمااان (ما عاوز أقول السنة عشان ما أطلع عجوز)
اشتريت زمان كتاب أصل العائلة والملكية الخاصة والدولة
الكاتب فريديرك أنجلس
كنت صغير في السن و كنت سامع انو الجعليين جدهم النبي و عاوز القي دليل
أغرتني الدقن و قلت في سري مولانا اللابس البدلة ده اكيد خطير و عارف اي شيء عن أصل العايله
كنت عاوز القي في كتاب أصل العائلة الاجابة (والله صحي زي ما بقول معاوية المدير)
شيوعية و ماركسية أصلوا ما كانت في بالي اطلاقاً و لا سمعت بيها
لمن جيت شايل الكتاب و داخل البيت حصلت حاجات كتيرة ممكن اتحدث عنها لاحقاً
لكن باختصار تعرضت لتوبيخ شديد وصل حد الضرب
لمجرد اني اشتريت كتاب عاوز أبحث فيه عن معلومة
و من الكلمات التي لا أنساها عاوز تبقي شيوعي ....
عاوز تبقي كافر ...... الخ الوكت داك يا اسماعيل انا شيوعية ذاتها ما عارفها شنو
و بدأت اتلقي دروس عن الشيوعية و الالحاد و ماذا قال ماركس (الدين افيون الشعوب و كلام زي ده)
عشان ما أطول عليك يا اسماعيل .... سألت أكتر شخص من الاهل كان بتكلم معاي
عن خطورة هذه الكتب و هو شخص متعلم .... و يتحدث عن الماركسية و الشيوعية بثقة
سألته هل قرأت هذه الكتب؟؟؟؟؟؟
كان رده ابداً و مستحيل اقرأ كلام فارغ زي ده.

هنا وقفت ,,,, و قلت الفكر للاقتناع و ليس للتلقين
من يحدثني عن خطورة الشيوعية و الماركسية لم يكلف نفسة بالاطلاع عليها
و قررت الخوض في عناء البحث
من ضيوف بوستك الاخ عادل أمين الذي قال
لانهم وجهين لعملة واحدة جات من مصر لتفسد الديمقراطية في السودان عبر الانقلابات والثورات المزيفة
شوف الناس الطلعت لي جون قرنق وشوف الكيزان والشيوعيين ديل عمرهم جو بالانتخابات حقيقية
هم ادوات رخيصة للمخابرات المصرية


عادل ما قادر يفرق بين الشيوعي و الكوز و هذا ليس اساءة له بقدر ما هو اعتراض علي فكرته
اتمني أن أجد وقت للحديث الهادئ المثمر معه لأني لا أشك و لا أشَكِك اطلاقاً في وطنيته و حبة للسودان
شأن كثير من أصدقائي الاتحاديين.

بوست جميل اتمني أن يتواصل في جو غير جو العصيان عشان نلقي زمن

لك أخي اسماعيل و عادل و معاوية كل الود

كل زول عاجبو الصاريهو يا سمعه ..
الكراهية دي أعتقد أسس ليها جعفر نميري ..
مابين 1970 م - 1971 م ..
ولم يجد الشيوعيين منها فكاكا حتى تاريخه ..

الشيوعيين السودانيين بالمجمل نزيهين وموسوعيين وعندهم حس الدعابة..
لكن الناس بتكره الفكر الشيوعي..لأنو بهدد معتقداتا..
كلما كان الشيوعي السوداني بعيد من (حذافير ) الفكر الشيوعي،كلما كان محبوب من السودانيين المستقلين والمتحزبين ،والعكس صحيح..

سلام
اسماعيل لعلك بخير
اعتقد والله اعلم التخويف من او كراهية الشيوعية وسط عامة الناس غير المسيسة اسس لها جماعة الاسلام السياسي (الاخوان) اعتقد الاخيرة اتخذت بعض اخطاء الفكر الشيوعي مبررا وجوديا لفكرها و بصورة غير نزيهة استخدمت المنابر غير السياسية ساحة للصراع و ضخ اكبر قدر من المعلومة المفخخة لعقول الناس باسلوب السير باتجاه واحد اعتقد نقل الصراع السياسي الفكري للمنبر الديني كان خصما علي الحزب الشيوعي واكيد مقرؤ بمسائل القوانين وحرية العمل الحزبي
الاسلام السياسي استفاد في تدميرو بعنف وبصورة غير نزيهة للشيوعي (اليسار) بسبب اكيد مشاكل التعليم وارتفاع نسب الامية والة اعلامية شغالة طوال اليوم (٢٤ ×٧) جامع زاوية خلوة حصة دين خطبة جمعة الخ بالاضافة للنشاط السياسي لهم
واصلا فكرهم يعتمد كما البكتريا (للشيوعية) لينمو اظن ما لم تتحسن امور التعليم واكيد بعض المشكلات الفكرية والتنظرية لفلسفة الشيوعي ستاخذ زمن الترسبات السالبة جدا الزرعها الاسلام السياسي عن اليسار عموما

حضرت ندوة للترابي وبعض اهل الاسلام السياسي قبل حوالي عشرة سنة عن الفكر العلماني في نشاط النيلين بكل اسف تزيف وقلب للحقائق بصورة مقصودة و متعمدة الشي الذي يصعب مهمة التنوير ويوضح حجم التاثير السالب البخلقو الخطاب غير الامين
ودوورد

اسوا شيء في الوجود ان تأسس فهم لكراهية اي فكر دون المعرفة الكافية به
ليت الكارهون يحددون أسباب الكراهية بموضوعية .

ول ابا سماعين..حبابك
على قول قريبي البقاري : يا ديجانقو افرز يااااااااااااااااااااخ..!

على مستوى العالم: نحترم بعضهم ، ونقدر تجاربهم..ونتعلم منهم بعض الأشياء..!

على مستوى امسودان ، فهم:

يمارسون فقه التقية بصورة تفوق اعظم شيعي على وجه الأرض..!!
حاقدون ،
عنصريون ،
نرجسيون ،
كذابون ،
ادعياء ،
سطحيون ،
متآمرون ،
نسناسون ،
حمقى ،
على استعداد ان يهدروا تسعين في المية من طاقتهم في اغتيال شخصية فرد ما (لمجرد انه يختلف معهم او يفوقهم قليلا في الفهم) ، والعشرة في المية الباقية ، يهدرون ثمانية في المية منها في خصوماتهم الشخصية وتحقيق انتصار على بعضهم البعض ، والإثنين في المية الباقية يمارسون فيها نرجسيتهم ليقولوا بغم عن القضايا العامة في امسودان..!!


فهم اوباش ، باشبوزك ،جندرمة..يمارسون الحقد عنفا متواربا (طبعا باللف والدوران بتاع فقه التقية) ولا يجرؤون على المواجهة..!!

عادل امين قال عنهم ذات مرة قولا حق ، والأغرب ، صدق عادل امين (حتى لو صنفه البعض كعنصري) ، فهو جاب اخرهم..!!!

هم حثالة يا صاحب ، ويعيشون في هامش التأريخ ولا يعترفون ان زمن ما بعد الحداثة قد تجاوزهم كثيرا..!!!
لو كنت مكانهم ، سيكون امامي خيارين: يا اما الزم الجابرة ، ويا اما انتحر..!!

امسودان اليوم مافيها شيوعي يا سماعين ، وهذى الخلاصة تقوم على مقارنة الشيوعية نظريا وسلوكيا بمافي عالم الشيوعية بعالم الوهم الحايم في امسودان اليوم..فهم كضابين يا صديقي ما بيعرفوا عن الشيوعية التكتح..ولو العالم جاملهم ، ذات غفلة ، وقال ليهم الحزب الشيوعي السوداني واحد من اخطر واعرق الأحزاب الشيوعية في افريقيا ، فدي مجرد ذكريات يا صاحب.. ذكريات ساكت..لأنو شيوعيين وشيوعييات امسودان اليوم ، ما هم الإ مسخ حاقد ومعقد وما عارف عن الشيوعية التكتح..!!

الكراهية فعل العاطفة يا صديقي ، ونحن نربأ بانفسنا من العاطفة ، ولكنا نستخدم العقل ، وبالعقل: العالم دي يا قريبي ما عندها سالفة..!!


كبر*
ــــــــــــ
• واحد شيوعي على طريقتو الخاصة

اسوا شيء في الوجود ان تأسس فهم لكراهية اي فكر دون المعرفة الكافية به
ليت الكارهون يحددون أسباب الكراهية بموضوعية .
ـــــــــــــــــــــــــــــــــــــــــــــــــــــــــــــــــــــــــــــــــــــــــــ
غايتو الموضوعية مابعرفا...لكن هو حدد ليك أسبابو ،قاليك أنا ضد الفكر الشيوعي لأنو هو ضد ديني...
بعداك مفروض إنت تقوليهو الفكر الشيوعي ما ضد دينك وتشرح ليهو..
وطالما الشيوعية ما عندها مشكلة مع الشريعة المحمدية،وبعد دا السودانيين ـــ لمختلف الأسباب ـــ فاهمين إنو عندها مشكلة مع الحكم المحمدي،
فيبقى التقصير من الشيوعيين وحدهم مامن حزب تاني..

Quote: وطالما الشيوعية ما عندها مشكلة مع الشريعة المحمدية

يعني شنو الشريعة المحمدية ؟؟؟؟؟؟؟؟؟

يعني مثلا مافي قيود على الملكية الفردية،والزول بعد يطلع زكاتو تاني مامفروض الحاكم يشيل منو درهم..
لكن هناك حوافز ووعيد رباني من كنز المال..

سجمك يا عليش دي ما الشريعة ...دي الاشتراكية ذات نفسها الخلت ابزر ينطرد من قبل الاروستقراطي عثمان ..

سجمك يا عليش دي ما الشريعة ...دي الاشتراكية ذات نفسها الخلت ابزر ينطرد من قبل الاروستقراطي عثمان ..
ـــــــــــــــــــــــــــــــــــــــــــــــــــــــــــــــــــــــــــــــــــــــــــ
أولا ياأستاذ علي ــــ وعذرا إن كنت معك صريح جدا ــــ أنا أتوقع أن يتحدث معي الناس بمثل الطريقة التي بها أتحدث معهم...
يعني سجمك دي بقبلا من ودالمدير ــــ حسب مابيننا ــــ لكن منك أنت لا...

ثانيا بالنسبة لموضوعنا..
أرجو في استشهادك على الفكر الإسلامي تجنيب زمن الفتن ،كل الصحابة رضوان الله عليهم لنا قدوة..
لكن الأفضل أن نتحدث عن الفكرة وتطبيقاتها في زمن الرسول صلى الله عليه وسلم..

*لدي مشوار وسأعود لاحقا إن شاء الله..
تحياتي

و انت فاكر لمن قلت ليك سجمك يعني رفعت الحواجز والكلفة وخليتك صاحبي ابدا ..انت لا صاحبي وكل النوافذ البينا رسمية لكني استخدمت اللفظ لانك فعلا مسجم ولسع منتظر شخص يجي يطبق ليك الشريعة المحمدية التي في مخيلتي كالخل الوفي والعنقاء ...
اما بخصوص قدوتك لك مطلق الحرية بالاعتقاد لهم بالقدوة ..ولكني في حل مما تعتعقد ...
عثمان بن عفان هو من اسس لبنو امية سلطانهم ودي قصة طويلة يكفي انها انتجت اول كوز قي تاريخ الاسلام الا وهو معاوية بن ابي سفيان ...
قال زمن الفتن يجب ان نتجنبه هههههه هو في التاريخ الاسلامي كلوووووووو ممكن تطلع لي سنة واحدة من غير فتنة ...
لقيتك زول كلاسيك ههههه كنت قايل القبة تحت اي حاجة لكن ارجع واقول سجمي انا ...

و انت فاكر لمن قلت ليك سجمك يعني رفعت الحواجز والكلفة وخليتك صاحبي ابدا ..
انت لا صاحبي وكل النوافذ البينا رسمية لكني استخدمت اللفظ لانك فعلا مسجم
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ

في الحالتين ياعلي مابقبلا منك..

*يوم بسمع لشيخ أحمد حسن الشايقي في التلفزيون،كان بتحدث عن (إن الله لايحب المعتدين)..
بعد ما شرحا تمام،آخر حاجة قال :حتى لو في زول شتمك قاليك ياحمار،ودرت تاخد حقك،قوليهو ياحمار وبس..يعني مافي داعي تقوليهو حمار وغنماية وككو..في الحالة دي تؤثم..

عشان كدا يا علي دفع الله :إنت فعلا مسجم..لاحمار ولا غنماية ولا حتى ككو..

مسجم ومطجم كدة كيف معاك ...
---------------------------------------
الاخ إسماعيل عبد الله اسف لكعبجة دراسة حالتك..
واصل يمكن نعرف السبب شنو ..
تحياتي

مسجم ومطجم كدة كيف معاك ...
---------------------------------------
الاخ إسماعيل عبد الله اسف لكعبجة دراسة حالتك..
واصل يمكن نعرف السبب شنو ..
تحياتي
ـــــــــــــــــــــــــــــــــــــــــــــــــ

إنت ياعلي دار تشتم الزول وراجي منو يقوليك شكرا وللا كلامك دا كيف؟
إسماعيل مابحلك..وإنت ماكعبجت الدراسة بالعكس دعمتها..
وبصفتك شيوعي يلا ورينا الشيوعية هي ذاتا شنو؟
وكيف مابتتعارض مع الإسلام؟
تحياتي

المواطن عليش الريدة
انت عليش دا رائك شنو فى الحزب الشيوعى السودانى


تحياتى ...

انت عليش معهد الموسيقى والمسرح وللا عليش تانى ..فى الحالتين تحياتى

أقرأ مداخلاتي من البداية بتعرف رأيي..
أنا شكرتكم ،لكن علي طماع دايرني أشكر ماركس ولينين برضو..
أكضب يعني؟

أقرأ مداخلاتي من البداية بتعرف رأيي..
..................

جزاك الله خير

...........لماذا يكره البعض الطائفية ـ ويكره البعض الصادق المهدي ـ الميرغني ـ الحركات المسلحة - الغرابة ــالجلابة ؟ ------ الكراهية ـ أوقل الآختلاف والصراع الفكري ـ يقوم علي أسس الإنسان الواعي هو من يختلف ويصارع - من فرط في التراب والسيادة ومزق النسيج الإجتماعي -من دمر وعذب وشرد وسرق ونهب الموارد من عزل الوطن وربطه بالأرهاب من يمارس الهيمنة والأقصاء ........ لا أعادي الشيوعين ولا أكرهم بل أثبت علي إيجابياتهم وأرفض سلبياتهم ـ لا أكره ولا إعادي من يصارع الإنقاذ ويعمل علي إسقاطها * أقدر كل من يمارس حقه في الإختلاف مع الشيوعين ولكني أعي تماما إنه كل أقترب البعض مع الإنقاذ وتماهي مع خطابه بدأ يعادي الشيوعين ـ ظنا أن التقرب من الكيزان يمر عبر بوابة العداء للشيوعيين @ * هناك بعض السذج والمخمومين بإسم الدين الذين تمت برمجتهم للعداء مع الشوعيين إستغلالا للعاطفة الدينية * أما إختلاف بعض المثقفيين والعلمانيين واليساريين مع الحزب الشيوعي ــ فكريا فهذا من طبائع الأشياء ومن الظواهر الصحية فعبر الإختلاف يحدث التطور والفرز ...........

جيد يا أستاذ كمال..نحن كدا في التراك الصحيح..
أولا كلمة (يكره ) دي نتخطاها زي ما إنت أشرت..وانا استخدمتها فقط لأنو صاحب البوست استخدما،ومابقصد بيها المعنى تماما..
نجي للحاجة المهمة ..
هل لايوجد تعارض بين الفكر الشيوعي والتعاليم الإسلامية؟
أعني الأفكار في حد ذاتها،أو النظريات الموجودة في الكتب...بغض النظر عن التطبيق..
أنا يهمني ليه الشيوعيين السودانيين ما اجتهدوا فكريا عشان يخاطبوا المسلم السوداني العادي؟

الاخ عليش كدي اقرأ المداخله دي و نواصل

منقول من الحوار المتمدن

في العام 1954م اصدرت مجموعة معادية للشيوعيين بيانا مزورا ممهورا بإسم الشيوعيين السودانيين ،
يدعو فيه إلي مهاجمة الدين الإسلامي وإسقاطه، وحاولت إثارة فتنة في الجوامع ،
ودعت إلي مهاجمة الشيوعيين عقب صلاة الجمعة، أخمدها الإمام عبد الرحمن المهدي في جامع ود نوباوي ،
إلي عدم إيقاظ الفتنة النائمة، وأشار إلي أنه يعرف الشيوعيين السودانيين عن كثب ، وهذه ليست لغتهم واسلوبهم:
وكتب عبد الخالق محجوب مقالا نشر في الصحف يرد فيه علي هذه المجموعة بعنوان

" كيف اصبحت شيوعيا"،
عبد الخالق محجوب .. كيف أصبحت شيوعيا؟
* الرجل الشريف يحارب الفكرة بالفكرة..


هذا جزء من المقال يا عليش

الشيوعية والإسلام
هل صحيح إن الفكرة السياسية الشيوعية في السودان تدعو لإسقاط الدين الإسلامي؟ كلا أن هذا مجرد كذب سخيف.
إن فكرتي التي أؤمن بها تدعو إلى توحيد صفوف السودانيين... ضد عدو واحد هو الاستعمار الأجنبي وبهدف واحد
هو استقلال السودان وقيام حكم يسعد الشعب ويحقق أمانيه،
وان القوى التي تقف حائلا دون إسعاد وحرية السوداني المسلم أو المسيحي... لا يمكن أن تكون الإسلام
لأننا لم نسمع أو نقرأ في التاريخ إن الجيش الذي غزا بلادنا عام 1898 هو القرآن أو السنة
ولم نسمع أو نقرأ في بوم من الأيام إن المؤسسات الاحتكارية البريطانية التي تفقر شعبنا جاءت
على أساس الدين الإسلامي أو المسيحي. إن الفكر الشيوعي ليس أمامه من عدو حقيقي في البلاد
سوى الاستعمار الأجنبي ومن يلفون حوله، فأين هذا الهدف من محاربة الدين الإسلامي؟
إن الفكرة الشيوعية تدعو في نهايتها إلى الاشتراكية حيث يمحي استغلال الإنسان لأخيه الإنسان.

أين هذا الهدف من محاربة الدين الإسلامي؟

إن الفكرة الشيوعية تدعو إلى إخضاع العلم والمعرفة لحاجيات البشرية من بحوث علمية وطبية وأدبية
وتشذيب الإنسان من الخوف والحاجة بإنهاء الظروف الاقتصادية والفكرية التي تنشر الخوف من المستقبل
وتدفع الإنسان تحت ضغط الحاجة إلى درك لا يليق بالبشر من سرقة ودعارة واحتيال وكذب.

أين هذا الهدف من محاربة الدين الإسلامي؟

بقي أن أقول للدوائر التي أصدرت هذا المنشور: إن الرجل الشريف يصارع الفكرة السياسية بالفكرة السياسية
ويعارض فكرة معينة بالحجة والمنطق. إن محاولة تزييف أفكار أعدائكم - أو من تتوهمون إنهم أعداؤكم -
بهذه الطريقة الصغيرة لا تليق، فوق أنها عيب فاضح.
أما أساليب الدس فهي من شيم الصغار جداً
حتى ولو كبرت أجسامهم وتوهموا في أنفسهم علو المقام.

الاخ اسماعيل
تحيه واحترام
لا اريد الخوض في هذه الدراسه لان اولةيات النضال الان هو العصيان المدني ولكن اقول باختصار شديد لم يصل معظم السودانيين الي مرحله واعيه الي فهم ماهي
الاشتراكيه وما هو معني الدوله الديمقراطيه وماهي الوله المدنيه وماهي علمانية الدوله وهل هناك دوله دينيه
هذه الاسئله نؤجلها لحينها
مشكور لطرحك لهذا السؤال
مع تحياتي وتقديري

اول مرة اسمع بالشيوعية كان سؤالي لمحدثي: ما هي الشيوعية او بلهجتي المحلية الشيوأية ياني شنو؟
الشيوع يعني انهم يتشاركون زوجاتهم.
بعدها درست اللغة الانجليزية و عرفت ان الشيوعية تعني Communist
و معناها التكافل المجتمعي يعني هي فكرة اقتصادية و ليست عقائدية.
فيما بعد تقابلت و عشت مع افراد كثر من شرق اوربا (رومانيا, هنقاريا , يوغسلافيا و روسيا ذاتها) و وجدتهم محافظين اكثر من غرب اوربا بعشرات المرات.

الاعزاء:
معاوية المدير
عادل أمين
حامد الصاوي
جمال ود القوز
عليش الريدة
حامد عبد الله
حيدر حسن
كبر
علي دفع الله
معاوية عبيد
كمال عباس
محمد عبد الجليل

مشكورين على المرور و المساهمة ..

معلوم ان الفكر الشيوعي عالمي وصل حتى امريكا الاتينية ..
وعموم الافكار و الايدلوجيات منتوج انساني في المقام الاول و ليس بالضرورة ان يكون مفصل فقط على الجغرافية التي ولد فيها ..
الرسالة المحمدية انطلقت من الجزيرة العربية و عمّت العالم..
ظهور الكيزان و الشيوعيين في مسرح الحياة السياسية السودانية جاء نتاج للبوار الفكري الذي لازم الطائفتين ..
الختمية و الانصار ليس عندهم ما يقدمونه للناس سوى بركات الزعماء و كانت العلاقة بين عضو الحزب و الرئيس تماماً مثل علاقة المريد و الدرويش بشيخ الطريقة ..
جاء فكر الاخوان من مصر وهذا ليس عيباً لان الافكار و الايدلوجيات كما قلنا كسب بشري لا يرتبط بالجغرافيا ..
الكيزان كما تفضل اخوتي في ما سلف من مداخلات في هذا الخيط وجدوا ارضية خصبة في المجتمع السوداني و هي التدين ..
السوداني بطبعه وفطرته ينزع الى التدين و التصوف فكان حظهم اوفر من الشيوعيين في اختراق المجتمع ..
الشيوعيون كانوا صفوة ونخبة وحتى في استقطابهم لكوادرهم كان يرتكز على الطلاب اكثر من عامة الناس الامر الذي تفوق عليهم فيه الكيزان ..
اما مقولة ان الشيوعيين شوهوا الحركة الشعبية هذا الحديث يجافيه التاريخ فجون قرنق كان ماركسي الهوى ويقال ان الامريكان كانوا مترددون في بداية دعمهم له بسبب هذا الانتماء الفكري ..

اخي حامد الصاوي ما اوردته حقيقة لقد كان اخي الاكبر عندما يريد ان يغيظ الوالد و الوالدة يقول لهم و الله امشي ابقى ليكم شيوعي فكانت تثور ثائرتهم لبساطة وعيهم و لتمكن الة الاعلام الرسمي و الشعبي من اغتيال الشخصية الشيوعية الجمعية ..

كلامك سليم يا ود القوز الشيوعيين بعد فشل انقلاب هاشم العطا اعلام نميري عمل على تشويه صورتهم الى اقصى ما يكون وجا حسن الترابي تم الناقصة ..

يا عليش تصدق من اكتر الصداقات التي افادتني شخصياً صداقة هؤلاء الشيوعيين , مريحين ياخ ..

الترابي ده يا حامد اشتغل بذكاء و خبث كبيرين ضد الشيوعيين ..

فن ادارة الكراهية يا حيدر اجاده الكيزان و عندك امثلة حية من واقع اعلامهم - اسحق و الطيب ..

يا ولد ابا كبر الناس ديل ناس كويسين ياخ ما تحمل عليهم اكثر مما يجب , حيكون ليهم دور ايجابي كبير في سودان ما بعد البشير واهم شيء الواحد مطمئن منو فيهم هو عدم ايمانهم بالدولة الدينية و الكهنوتية ..

يا ود دفع الله رجلك شوية من الابنص خلي الاشياء تنساب بتلقائية ..

المواطن معاوية عبيد بما انك (شويعي) منتظرين مشاركتك في عملية العصف الذهني هذه ..

ازكاء نار الكراهية يا كمال له مصانعه ومطابخه التي يتم فيها هذ الطبخ السام و كل هذا يحدث بتدبير مع سبق الاصرار و التخطيط و سوء النوايا ..

هذا البوست يا محمد عبد الجليل ايضاً يدعم لعملية الحراك الثوري هذه الحاصلة هذه الايام(ركّز شوية في ما وراء السطور)..

الاخ إسماعيل عبد الله محمد،
السلام عليكم،

إذا سألني أحدهم لماذا يكرهونك يا عثمان إلى هذه الدرجة؟ فسوف ارد على سؤاله بالاتي : لست ادري عم تتحدث. ولن احيب نيابة عن معلوم او مجهول. عليك قبل كل شيء تعيين هؤلاء الكارهين؟. ولماذا لاتسألهم بأسمائهم لتحصل منهم على الجواب الشافي. وقس على ذلك فيما يتصل بالحزب الشيوعي السوداني.

معليش ياعلي دفع الله ..أنا نسيت حاجة : إنت مطجم..
كدا 2/2..يعني تعادل..مسجم ومطجم قصاد مسجم ومطجم..

أما دي
لقيتك زول كلاسيك ههههه كنت قايل القبة تحت اي حاجة لكن ارجع واقول سجمي انا ...
ـــــــــــــــــ
كلاسيك ما اعتبرتها شتيمة...وكوني خذلتك في القبة برضو مااعتبرتها شتيمة...
وسجمك لنفسك..اعتبرناهو ليك هدف عكسي في شباكك..عشان كدا ماحسبناهو...
لكن قايضناهو ب (طماع)..الأنا قلتها في مداخلة معاوية..
يعني بالمجمل تعادل..
بس رجاء لو عندك شتيمة تاني احتفظ بيها لنفسك..مابقدر برد عليها،شتمت كتير الليلة وعندي كوتة محددة
اما لودار تناقش في الفكر الشيوعي ـــ وما أظن ـــ حبابك..

اخوي اسماعيل
انا مركز بس طبعا خايف من بعض الاختلافات في وجهة النظر قد تؤدي الي تباعد الشرفاء من بعضهم
هذا ماقصدته
الموضوع لبير وقابل لاثراء النقاش عموما انصح الاخوه بقرائة كتاب اليمين واليسار في الاسلام للكاتب عباس احمد صالح
تحياتي وتقديري

"بعض الناس" ديل يا سماعيل القلت عليهم في مطلع بوستك هذا اسباب كراهيتهم للشيوعيين
السودانيين سببها هو الصراع السياسي و اللي هو في الغالب في الحالة السودانية يبدأ في المدارس
و الجامعات. "بعض الناس" هؤلاء يعبرون انفسهم اصحاب مشاريع سياسية بديلة لما هو في الساحة
و لكنهم و لاسباب مفهومة يصطدمون في الممارسة الفعلية بعدم قدرتهم على حشد الجماهير
و كسب اعداد كبيرة من العضوية بسبب قدرة التنظيمات العقائدية على الحشد و لخبرتها التنظيمية
الهائلة في الجوانب المتعلقة بالدعاية و التجنيد. بعض "بعض الناس" ديل بكونوا فكريا على الخط
الفكري و السياسي الداعم لليبرالية و العلمانية - بمفهومها العربي الاسلامي - لذا فهم ينظرون لبعض
عضوية الحزب الشيوعي كعضوية محتملة لتنظيماتهم او منظماتهم السياسية و تزعجهم جدا فكرة خسارتهم
لتلك العضوية المحتملة و التي هي في رأيهم لا تعي مصالحها جيدا للدرجة التي تجعلها تنضم
للحزب الشيوعي بدون توفر قناعة فكرية كاملة بالفكرة الشيوعية فقط لأن اللافتة الشيوعية اكثر بريقا
من لافتات التنظيمات التي يجتهد "بعض الناس" هؤلاء في التأسيس لها.

الحزب الشيوعي السوداني نشا نشاة مشوهة في حاضنة القوميين العرب المصرية وكوادره عنصرية وعروبية الهوى
اهان رموز السودان الوطنية وفكر السودان "الجمهوريين " وقناعات السودانيين الروحية ختمية وانصار وكانو ادوات رخيصة ولازالو للمخابرات المصرية من زمن الصاغ صلاح سالم واسالو بابكر عوض الله
ياسر عرمان الشيوعي المستيكع ظل يسمع ويستشير كوامر الحزب االشيوعي وهو داخل الحركة الشعبية ونقلو لها ايضا غسيلهم القذر واخر الاثافي حولها الى جبهة ثورية وجاب كيزان الهامش تلاميذ الترابي في العدل والمسااوة يزحو مالك عقار ويقعدو في راس ناس جبال النوبة والمنتطقنين
وهرول من من اتحابات 2010 حتى بعد دعمه الجنوبيين بي 3 مليون صوت -رجاع موقع المفوضبة
قالو في عبود ما لم يقله مالك في الخمر وهبي هبي يا كتوبر1964 ..وبعدك نفسهم عملو انقلاب مايو 1969 مع القوميين العرب الساقطين ادوات عبدالناصر الرخيصة
ومسخو
العلم والشعار والتعليم والخدمة المدنية والاقتصاد وقنلو الازهري والهادي المهدي..
ومن ايام حستو والجبهة المعادية للاستعمار لحدي الحزب الشيوعي الان ...ادمان للفشل المستمر وهسة ينسنسو في البورد ده ضد الختمية والانصار
وهم جلهم من نفس المكونات الاجتماعية في المركز التي تغذي ايضا الاخوان المسلمين
وشيوعيين السودان بضاعة مصرية ما عندها علاقة بي ماركسية جون قرنق ..لان جون قرنق من مدرسة اليوجاما"الاشتراكية الافريقية" بتاعة جلويوس نايريري لذلك من مات جون قرنق اتوهم الشيوعيين انهم ممكن يرثو الحركة الشعبية بعد انفصال الجنوبيين وهم اصلا ذى الكيزان منافقين وما عندهم حرص على الجنوبيين كانو شغلاين في عمال السكة الحديد والنقل النهري ومشروع الجزيرة
بكرهو منصور خالد لانه شاهد اثبات حقيقي لك اتواع الفشل المؤدلج في االسودان وعبر كتب نعنبر رفرنس
والدكاترة النرجسيين الان من الشيوعيين في ارزل العمر يلهثون ذى الدكاترة الكيزان في الاسافير ... واعجز من مواجهة تاريخهم الطويل والمجلل بالعار كادوات رخيصة للمصريين عبر العصور كما هم الاخوان المسلمين الان
والفدرلية والديمقراطية والاشتراكية اصلا موجودة في المجتمع السوداني القبلي وبنا عليها الانجليز الاشتراكيين الاشتراكية السودانية من مجانية التعلم للعلاج للسكن للترحيل للمؤسسات وللمراجع العاام وسيادة القانون والاحزاب الحقيقية والادارةالاهلية وكل احزاب السودان الوطنية ليبرالية واشتراكية ومصر دولة راسمالية لا تنتج
الديمقراطية
ولا الفدرالية
ولا الاشتراكية
والفرق بين جون قرنق وايدولجيات مصر المقبوحة هي قيامة الساحة الخضراء واتفاقية نيفاشا ودستور 2005
كل الورجغة في المركز دي بما في ذلك عصيان 19 -12...خالي من اي مشروع يساوي 1% من رؤية جون قرنق المظبوطة في الاتفاقية ودستور 2005
وقايلين نفسهم بمسكو السودان بي وضع اليد على قاغدة هبي هبي يا اكتوبر والشهيد المزيف القرشي..الذي مات جوة البركس جمب داخلية السوباط واتشعبط به الترابي الى السلطة في 1964 بي تمثيلية الميدان الشرقي وركب لينا الكيزان ذى ذب الجمل بي المقلوب الي يوم الليلة ومعاه ناس قريعتي راحت الشيوعيين وجبهة الهيئات
ما تقارن اشتراكية جون قرنق الشاملة كل السودان بي ترف الشيوعيين في المركز ده ابدا وما تستخفو بمن هم اوعى منكم يا قرود بافلوف نحن 2017 وليس في 1964
وامرقو لي في البوستات االمفتوحة والمدججة بي الوثائق عن الايدولجيات المصرية في السودان في طار
الاقتصاد السياسي
وعلم النفس الاجتماعي
ويبدا لاستقلال الحقيقي في السودان بان ننزل مصر دي من راسنا اول حاجة ومافي زول قاعد في مصر الان برجع ديمقراطبة في السودان وبقدر يتحرك عشان يغير النظام البشع العاجب مصر ده ...
ولسه انا ما نزلت اللريكس في الوست ده "الصور "

قرأت لعادل أمين الآتي

والشهيد المزيف القرشي..الذي مات جوة البركس جمب داخلية السوباط

حتي كلمة استشهد شايفها كتيرة عليهو
لا تبصق بقلمك يا عادل علي تاريخ أمه
و تكتبوا زي ما عاوز.

قائمه شرف شهداء اكتوبر 1964
1 أحمد القرشي طه جامعة الخرطوم
-2 مدني التيجاني المرضي المعهد الفني backslash جامعة
السودان
-3محمد حسن مختار جوار حديقة القرشي
-4 عبدالمولى عبدالرازق مرجان مستشفى الخرطوم
-5 مصطفى محمد متولي العتباني امام القصر
الجمهوري
-6 عزالدين محمد خالد التنقاري ساحة الشهداء
-7 النور علي التنقاري امام القصر الجمهوري
-8 محمد عبدالعزيز احمد امام القصر الجمهوري
-9 ضوالبيت محمد بيلو الخرطوم جنوب
-10 لورنس ديمتري ساحة الشهداء
-11 عبدالرحيم حمد محمد حران امام القصر الجمهوري
-12 مبيور شول ساحة الشهداء
-13 بابكر حسن عبدالحفيظ مستشفى الخرطوم
-14 ميرغني علي احمد نمر امام القصر الجمهوري
-15 احمد عثمان سعد " " "
-16 صالح عثمان مبروك " " "
-17 حسين محمد خير "" "" ""
-18 بخيتة المبارك الحفيان مستشفى ام درمان
-19 عوض ابراهيم عبدالرحمن سوق ام درمان
-20 حسن احمد عبدالله يسن ودمدني backslash دردق
-21 يوسف علي الحاج الدويم backslash مستشفى الم درمان
-22 كمال محمد إبراهيم كسلا
-23 محمد الخليفة احمد بورتسودان
-24 محمد عباس التيجاني الابيض backslash مستشفى كردفان
-25 صالح عبدالله احمد الفاشر backslash مستشفى الفاشر
-26 احمد الامين الشريف اسحق الفاشر backslash
المسنشفى
-27 عوض عبدالقادر بابكر امام القصر الجمهوري
-28 عوض حسين محمد الحسن مستشفى الخرطوم
-29 ابراهيم محمد نور "" "" ""
-30 فرح عثمان صالح ضرغام "" "" ""
-31 عبدالرؤوف محمد سيد احمد """ """
-32 محمد الامين ابوالقاسم احمد المصطفى طريق
الخرطوم backslashالحصاحيصا
-33 ابراهيم عمر حسن الخرطوم
-34 علي احمد عمر "" ""
-35 ادريس عبدالله "" ""
-36 خضر محمد ابراهيم "" ""
-37 محمد هارون "" ""
-38 دقين ماجوك "" ""
-39 مهاجر يعقوب
القائمة من بوست زميل المنبر محمد علي عثمان 2014
المجد و الخلود لشهداء اكتوبر
المجد و الخلود لشهداء الشعب و الوطن

اقتباس-قرأت لعادل أمين الآتي

والشهيد المزيف القرشي..الذي مات جوة البركس جمب داخلية السوباط-انتهى الاقتباس

التعقيب اي زول كان في البركس بعرف اليافطة السوداء المكتوب فيها هنا سقط الشهيد القرشي...
وهو تحديدا عملو بيه تمثيلية الميدان الشرقي لتلميع الترابي بتاع جهاد الفطايس الساقط والمستهبل
وبعد ما مشا الانجليز من السودان فير 1يناير 1956 لم يقوم السودان اي حرب حقيقية ضد عدو خارجي او دولة خارجية صراع قبيح دموي بين السودانيين على السلطة والثروة واكتوبر جزء من هذا الصراع المريض المزيف
وبعد داك السؤال ليه الشيوعيين الرفضو انقلاب عبود جو مع القوميين بي انقلاب مايو 1969 بمساعدة المخابرات المصرية وعبدالناصر ضد الديمقراطية في السودان ؟؟
والشهادة بحددا رب االعالمين مش الناس والتنظيمات السياسية كما فعل شيخ الترابي عن جهاد الفطايس والدجل الاخواني
والثورة تغيير وليس اعادة تدوير وما شرط يكون عندها تعريف ومظهر واحد
انا بعتبر الاستقلال ثورة
اتفاقية اديس ايايا ودستور 1973 ثورة
اتفاقية نيفاشا ودستور 2005 وقيامة الساحة الخضراء ثورة

اقتباس-عادل امين قال عنهم ذات مرة قولا حق ، والأغرب ، صدق عادل امين (حتى لو صنفه البعض كعنصري) ، فهو جاب اخرهم..!!!-انتهى الاقتباس
الاخ كبر
العنصرية عندها تعرف محدد
لمن زول يهيين حبايبي "الجنوبيين " في المركز عبر العصور بعروبة مستعارة ومزيفة ولحدي ما حردو السودان ومشو ويقول عليهم عبيد ويرفع شعار الفشل بعد الانفصال 2011 "سودان جديد من غير عبيد
برجع افتش اصل وفصل الزول عقدوا قعدو ضد الجنوبيين دي طلعت من وين وبشعر بالدونية حيال مصر ليه ويعتنق العفن بتاعا ليه ويحط من قدر الختمية والانصار ليه ؟؟
هنا مافي عنصرية والدفاع عن الجنوبيين شرف عظيم يفوت على الكثيرين

الجنوبيين قبائل سودانية زينا كده مش عبيد ولا حاجة ...لكن ناس المركز ديل بروز وخدم ونجلت وكعوك ساكت لا يشكلون ولالا 4% من المجتمع السوداني ولو عايز نفصل ليك المركز ده اتكون كيف من دخول الاتراك 1821 لحدي 2016 ممكن
وبعد ده نستعمل اللاركس والصور
الرشايدة ايضا قبيلة سودانية وتستعدي المركز لنفس الاسباب التي شرحها جون قرنق وهم عرب اصليين

لا نقاش حتي بعد يوم 19 ديسمبر
الحوار الان مع الشرفاء في الحركة الاتحادية
حول مستقبل السودان الذي لا يعرف التمييز
بين المواطنين حسب النوع (ذكر, أنثي) او حسب
الدين أو اللون , الانتماء الاثني.....
لا حوار مع من يعجز قلمه ان يكتب شهيد
في حق شهيد الامة القرشي
و ان مليت الصفحة الاولي ضجيج
نتناقش بعدين معاك لو لقينا زمن
كل الاسف لصاحب البوست العزيز اسماعيل
ح أرجع للبوست عشان نكمل حوارنا المفيد
و عشان أقول ليك ما حاولت تخفيه الآلة الاعلامية
عن تاريخ القرشي و تفاصيل استشهاده
استشهد في البركس صاح لكن الندوة كانت في البركس برضو
و عندما اطلق البوليس القنابل المسيلة للدموع توجه اغلب الحضور
للحمامات بحثاً عن الماء لتخفيف اثر القنابل و ليس للاستجمام أو الاستحمام
أطلق البوليس الرصاص عليهم و ليس في الهواء كما يردد الكيزان
و ردد المحامي الذي دافع عنهم في الجلسة المخصصة لذلك
القرشي كان في المقدمة نعم
و كان خارج من الحمام ليخفف بالماء قسوة
الغاز المسيل للدموع (البمبان) علي عينيه
و لم يكن في يده غير حجر
و لم يكن في فمه غير هتاف
كما ذُكِر في القصيده
و عندما جاء يوم المحكمة حبك محامو الدفاع القصة
انو القرشي كان في الحمام و البوليس اطلق الرصاص في الهواء
و بالصدفة اصابت القرشي الكان نايم و ماشي الحمام أو طالع من الحمام
و الطلقة صادفتوا بالصدفة و البوليس بتاع أبارو ما قاصد.
بالطبع لم يحضر اهل القرشي الجلسة لانهم ما عاوزين
تعويض و اكتفوا بتكريم الشعب للقرشي.
الذي تنكره انت اليوم يا عادل
و ليتهم حضروا .
علي الاقل لاثبات ان هيئة الدفاع ليست علي حق
و عشان كلام هيئة الدفاع ما يبقي حقيقة أنا واحد من الناس كنت
مخدوع بيها لحدي ما سمعت القصة من عمنا البعمل لينا الاكل في الجامعة
و أنا طالب في الجامعة و أنا متأكد انو في ناس ما عارفة التفاصيل و ممكن
يكونوا أول مرة يسمعوا الكلام ده عشان كدة أنا طولت الحديث لهم و ليس لك يا عادل
(انت الفيك اتعرفت ) مذيد من التفاصيل لي قدام للناس الجادة في البحث.
و يا اسماعيل شكراً لاستضافة قلمي في
البوست بتاعك و آسف اذا تجاوزت الفاظي
السقف الأخلاقي المسموح به
في هذا البوست.
لك و لضيوفك الود ....

هل الشعب السوداني ـ كره أو يكره الأستاذ محمد إبراهيم نقد ؟
هل الشعب السوداني ـ كره أو يكره الأستاذة سعاد إبراهيم أحمد ؟ آذهب وأعرف مكانتها
وسط المراة ونوبة الشمال تحديدا؟
* هل الشعب السوداني ـ كره أو يكره ـ الإستاذة فاطمة أحمد إبراهيم؟
هل يكره حميد ومحجوب شريف ومصطفي سيد أحمد (وهولاء مبدعون ـ أعلنوا الإنتماء وعبرو عنه
عبر الشعر والغناء والفن ؟
*هل ملحمة تشييع نقد وحميد ومحجوب شريف تعبر كراهية وبغض أم حب وتقدير؟
خروج قطاعات هادرة ـ من أبناء شعبنا صوفية وشباب ونساء وشيبة في تشييع نقد
بالإغنية والشعار والقصيدة والمدائح وبيارق المتصوفة وآهات الحب هل دليل محبة
والتقدير أم الكراهية واللامبالاة ؟

يا اخي اسماعيل، قل لي من كره شيخ الامين محمد الامين و هو رئيس اتحاد مزارعي الجزيرة و المناقل، و من كره الشفيع احمد الشيخ و هو رئيس اتحاد نقابات عمال السودان و نائب رئيس اتحاد العمال العالمي. و من كره نقد و هو يفوز في قلب الخرطوم و الديوم نائبا في البرلمان؟ و من كره الشيوعيون و هم يفوزون بدوائر الخريجين عقب ثورة اكتوبر؟ و انا كعضو في لجنة الانتخابات في عام 1986؛ كانوا بالنسبة لي الشيوعيون فائزين في دوائر الخريجين لو لا التزوير الذي حدث في السعودية، و الذي سجل فيه الرعاة حملة لدرجة الكلاريوس.

الشيوعية والإسلام
هل صحيح إن الفكرة السياسية الشيوعية في السودان تدعو لإسقاط الدين الإسلامي؟ كلا أن هذا مجرد كذب سخيف.
إن فكرتي التي أؤمن بها تدعو إلى توحيد صفوف السودانيين... ضد عدو واحد هو الاستعمار الأجنبي وبهدف واحد
هو استقلال السودان وقيام حكم يسعد الشعب ويحقق أمانيه،
وان القوى التي تقف حائلا دون إسعاد وحرية السوداني المسلم أو المسيحي... لا يمكن أن تكون الإسلام
لأننا لم نسمع أو نقرأ في التاريخ إن الجيش الذي غزا بلادنا عام 1898 هو القرآن أو السنة
ولم نسمع أو نقرأ في بوم من الأيام إن المؤسسات الاحتكارية البريطانية التي تفقر شعبنا جاءت
على أساس الدين الإسلامي أو المسيحي. إن الفكر الشيوعي ليس أمامه من عدو حقيقي في البلاد
سوى الاستعمار الأجنبي ومن يلفون حوله، فأين هذا الهدف من محاربة الدين الإسلامي؟
إن الفكرة الشيوعية تدعو في نهايتها إلى الاشتراكية حيث يمحي استغلال الإنسان لأخيه الإنسان.

أين هذا الهدف من محاربة الدين الإسلامي؟
إن الفكرة الشيوعية تدعو إلى إخضاع العلم والمعرفة لحاجيات البشرية من بحوث علمية وطبية وأدبية
وتشذيب الإنسان من الخوف والحاجة بإنهاء الظروف الاقتصادية والفكرية التي تنشر الخوف من المستقبل
وتدفع الإنسان تحت ضغط الحاجة إلى درك لا يليق بالبشر من سرقة ودعارة واحتيال وكذب.

أين هذا الهدف من محاربة الدين الإسلامي؟
بقي أن أقول للدوائر التي أصدرت هذا المنشور: إن الرجل الشريف يصارع الفكرة السياسية بالفكرة السياسية
ويعارض فكرة معينة بالحجة والمنطق. إن محاولة تزييف أفكار أعدائكم - أو من تتوهمون إنهم أعداؤكم -
بهذه الطريقة الصغيرة لا تليق، فوق أنها عيب فاضح.
أما أساليب الدس فهي من شيم الصغار جداً
حتى ولو كبرت أجسامهم وتوهموا في أنفسهم علو المقام.
ــــــــــــــــــــــــــــــــــــــــــــــــــــــــــــ

شكرا باشمهندس حامد الصاوي..
قبل كل شئ أقول، لم يسبق لي أن قرأت لعبد الخالق ،لكني أعلم أنه من كبار المفكرين السودانيين..
قرأت من قبل مقال أو مداخلة هنا في المنبر للخاتم عدلان ..
ويبدو لي الآن ،فرق القدرة الكتابية شاسع بين الرجلين ــ لصالح الخاتم ـــــ
كيف تنظرون في الحزب لمقدرات الرجلين الفكرية والقيادية؟
هل أفضل عبد الخالق أم الخاتم؟
دا يعني عشان نعرف لينا ولي زمانا،الناس ديل مش سودانيين؟ يبقوا تبعنا برضو..
تحياتي

عبد الخالق كتب كلامه المقتبس هنا في الاربيعنيات من القرن الماضي حيث كان الناس
يكتبون كما يكتب المنفلوطي و مصطفى صادق الرافعي و طه حسين. و الخاتم كتب
في هذا المنبر في عصر يكتب فيه الناس كما يكتب ميشيل فوكو و مهدي عامل و نصر
حامد ابو زيد و عابد الجابري فلا وجه للمقارنة اطلاقا.

طيب خليها الكتابة ..وجاوب على السؤال

عبد الخالق زي حسن البنا عند الاخوان مؤسس و صاحب مقدرات قيادية
هائلة صنعت حركة سياسية مؤثرة من الصفر و الخاتم قيادي صاحب
مساهمات فكرية و تنظيمية زيو و زي قيادات اخوانية كتيرة اعقبت حسن البنا.
المؤسس عادة يضع البذرة الأولى و من يأتون بعده يتعهدون شجرة كثيرة الفروع.

هذا و ربما للاخوة الشيوعيين رأي اخر.

طيب اتلاقو الناس ديل ؟يعني هل الخاتم تلميذ لعبد الخالق؟
وللا ماشافو بعض ؟

هذا و ربما للاخوة الشيوعيين رأي اخر.
.........................................................


الراى راى عليش الما كوز عليش المحايد
يعنى يعقل عقل غير عقل عليش يعقل به!!!

والله يامعاوية إتخيلي الكيزان ديل لو فاتوا، ح تكون عندك مشكلة وجودية كبيرة جدا..
يعني (أنا أهدد بالكوزنة إذن أنا موجود)

ايوة اتلاقوا و الخاتم كان قيادي واعد و لذا تم تصعيده للجنة المركزية عقب احداث يوليو 71
التي انتهت باعدام بعض القيادات بما فيهم عبد الخالق نفسه و انقسام و فصل عدد اخر لاختيارهم
الخروج على اجماع الحزب الشيوعي و دعم سلطة مايو.

الكوزنة سلوك نظرى برضو موش ؟
شايفك شغال سين وجيم
اها حارة الشطة وللا بعيدة الابيض

الكيزان راحلين راحلين ماف حاجة اسمها(لو)فهمت ؟

الكيزان راحلين راحلين ماف حاجة اسمها(لو)فهمت ؟
ــــــــــــــــــــــــــــــــــــــــــــــــــــــــــــــــ
غايتو البشوفك تسأل من الفهم،يقول إنت فاهم حاجة..

اها حارة الشطة وللا بعيدة الابيض
ـــــــــــــــــــــــــــــــــــــــــــــــــ
دي غلبني أفسرا،أوع بس ياتوربيت تكون شتيمة سوقية..
لكن للضمان كدا : لك أيضا حارة الشطة وللا بعيدة الأبيض...و (إن الله لايحب المعتدين)...

بس ياتوربيت تكون شتيمة سوقية..
........................................................................................

بطل قلة ادب لو سمحت....

أوكي جدا..تاني لاتجيني لا أجيك..

أوكي جدا..تاني لاتجيني لا أجيك..
....................................................

انا بتكلم عن قلة ادبك .لانو قلة الادب ساهلة جدا وممكن المنبر دا يبقى ليك زى خرم الابرة فاهم وللا ؟
انا اسمى معاوية عبيد

الراى راى عليش الما كوز عليش المحايد
يعنى يعقل عقل غير عقل عليش يعقل به!!!
ـــــــــــــــــــــــــــــــــــــــــــــــــــــــــــــ
دا مدخلك الجيت خاشي بيهو..
انا جاملتك يامعاوية عبيد والله صحي
إنت لو مابتحمل الطعن ماتجي محل الشوك..

،الأخ عليش الريدة
إن كنت تبحث عن حقيقة أو طالب معرفة فعليك الإطلاع علي الباب الخاص بالدين في برنامج الحزب الشيوعي وتثمينهم لدور الدين في حياة الفرد والمجتمع -ورقة الحزب الشيوعي عن الدين الإسلامي ـ الدين والسياسة تجدها في موقع الحوار المتمدن وهناك ورقة أو دراسة للأستاذ نقد حول ذات الموضوع * وهناك كتاب بعنوان إصلاح الخطأ في العمل بين الجماهير ـ عبد الخالق محجوب وتجد فيه نقدا لسلوكيات بعض الأفراد الشيوعيين حول الدين والعادات الإجتماعية إنتهي ***موضوع تاني العلمانية أو وقوف الدولة علي مساحة واحدة من الأديان فهذا هوالطرح الذي نافذا في بلادنا في عصر دولة الفونج والعهد التركي والإنجليزي وكافة العهود الديموقراطية الوطنية ـ بل وفي حكم عبود وأغلب حكم نميري *الشريعة والخطاب الإسلامي لم يطبق إلا في عهد الحكومات العسكرية ـقهرا وقسرا علمابأن شعب ثار مطالب بإستقلاله وبالديموقراطية مرتين ولكنه لم يثور مطالبا بتطبيق الشريعة! ------لماذا فصلت موضوع الحزب الشيوعي من العلمانية؟ لإن الحزب الشيوعي ينادي بدولة مدنية ولايستخدم مصطلح العلمانية،،،،،،،،،،

الراى راى عليش الما كوز عليش المحايد
يعنى يعقل عقل غير عقل عليش يعقل به!!!
ـــــــــــــــــــــــــــــــــــــــــــــــــــــــــــــ
دا مدخلك الجيت خاشي بيهو..
انا جاملتك يامعاوية عبيد والله صحي
إنت لو مابتحمل الطعن ماتجي محل الشوك..

نرفع ليك تاني يمكن تكون ماقريت..
*******
انا بتكلم عن قلة ادبك .لانو قلة الادب ساهلة جدا وممكن المنبر دا يبقى ليك زى خرم الابرة فاهم وللا ؟
انا اسمى معاوية عبيد
ــــــــــــــــــــــــــــــــــــــــــــــــــ
شتيمة ماعندي ليها قدرة ولا بعرف ليها..
لكن دار أسألك
إسماعيل كاتب بوست عن الشيوعيين،دخلت أنا قلت رأيي،إنت مشكلتك شنو؟
إنت مفتكر الحزب الشيوعي ملكك وللا شنو؟
لا أبدا،دا حزب مسجل وعندو برنامج دار يحكم بيهو السودان،شنو السب اليخليني ما اتكلم فيهو؟
بعدين أنا مادار احبطك ،لكن يامعاوية الله أعلم إنت تنفع في الحاجات دي..
بصراحة مستواك ضحل شديد..ودا رأي قديم جدا..
أنا شايف لو تابعت معايشك أفضليك،وللا ممكن غايتو ناسك ديل يخلوك للهتافات والكتابة في الحيط..
شئ أخير،التهديد خليهو خش في الموضوع طوالي،وريني خرم الإبرة..

اقتباس-(انت الفيك اتعرفت ) مذيد من التفاصيل لي قدام للناس الجادة في البحث. -انتهى الاقتباس
يا اخوي ما انت البتحدد لي الناس يعملو شنو في البورد ده
ونحن قاعدين من 2001 هنا ما محتاج لي زول زيك يحدد لي موقفي من ثورة اكتوبر المزيفة ابدا
وما عايز تتكرر ثورات مزيفة وتخلينا مع -نفس الوعي - ونفس الناس0 ونفس قلة الحيا كمان
الثورة عندي معرفا وطارح برنامج عريض كبير في بوستاتي البكتبا ولازال الشيوعيين يظنون انهم هم الاذكى في السودان حتى الان
والعصيان المدني اداة فرض للوضع القائم
ولكن يتجه الى اين
دي مسؤلية المعارضة الديمقراطية الحقيقية في السودان والمتواضعة اتي لا تتخطى حدود الدولة السودانية 1 يناير 1956 عبر برنامجين حقيقيين
محمود محمد طه- الحزب الجمهوري - اسس دستور السودان 1955
الحركة الشعبية نسخة جون قرنق- اتفاقية نيفاشا ودستور 2005
في صناعة دولة سودانية حقيقية
فدرالية ديمقراطية اشتراكية مكونة من ستة اقاليم فقط ودي ما موجودة ابدا في برنامج عوانس قوى الاجماع الوطني حتى الان ..عايزن يقعدو في راسنا في المركز بعد زول النظام ثلاثة سنة ويورجغو ذى جبهة الهيئات ونحن عايزن بديل جاهز اتوماتيك ما يترك فارغ دستوري يتسلل عبره التتار المستهلبين العالميين ..

والقرشي تاجر بيه الاخوان المسلمين والترابي ودخلو به الحلبة السياسية في السودان من 1964 ولحدي هسة واكتوبر ثورة مزيفة -انيمال فارم
والثورات الحقيقية برنامج
اديس ابابا ودستور 1973
ونيفاشا ودستور 2005
وانقرع يا مهبب..عايز تعمل لينا فيها الفا
في السودان
الديمقراطية والفدرالية والاشتراكية والمحكمة الدستورية العليا الفاعلة هي الحل وهي موجودة في السودان مع الانجليز وفي الاحزاب الوطنية ولم ياتي بها الشيوعيين اطلاقا في السودان وانت هسة عامل لينا فيها طاغية في البوست ده كمان



عرفنا القرشي
من قتل الازهري ؟؟؟

سلام مربع أخونا اسمعيل عبدالله وضيوفه بدون فرز

بالبلدي كدا يا اسمعيل سؤال دراسة الحالة سؤال بخلي الناس تقفز فوق حقائق كتيرة عشان تجاوب


لأني شايف المسألة تحولت إلى أولا علاقة الحزب الشيوعي السوداني بالماركسية أو الشيوعية كمفهوم

ثانيا تحول الى علاقة الحزب الشيوعي السوداني بالدين والناس ابتدت تجيب اثباتات

المفروض أولا نعرف هل الحزب الشيوعي اسم فقط أم أنه شيوعي ماركسي أو ماركسي لينيني أي نحدد منهجه؟

هل هو حزب عقائدي أم لاء ؟

بعد دا نجي نشوف هل يمكن أن يكون حزب ديمقراطي أم لاء ؟

بعدين نجي نشوف هل هو حزب يحتلف عن الناصري والبعثي وهل هو يميني أم يساري ؟


مع تحياتي

عاصم فقيري

أحب أن أشكر الدكتور سيف والأستاذ كمال على اهتمامهما بالرد على تساؤلاتي..
عندما قلت أنا بأن هناك تعارض بين الإسلام والشيوعية،عنيت فقط ـــ دون أي شئ آخر ـــ النظرية الاقتصادية
القائمة عليها الشيوعية مقارنة بالمفهوم الاقتصادي في الإسلام....وكل مداخلاتي اتجهت لهذا النحو..
ومازلت على رأيي.. في وجود التعارض النظري بين الاقتصاد الإسلامي والشيوعي..
أما بالنسبة لمنهج الحزب الشيوعي السوداني وماهي محاولات تأقلمه وريادته في المجتمع السوداني المسلم،فهذا ما أردت معرفته،
لكن لم أحظ بإجابة حتى الان..
ومتابع