بالكيبورد بتسقط "قصيدة جديدة"

10:19 PM December, 14 2016

سودانيز اون لاين
معتصم مصطفي الجبلابي-ولاية فرجيينيا
مكتبتى
رابط مختصر

بالكيبورد بتسقط
مامحتاج مسيرة
طلعة شعب كامل
زاتا عليك كتيرة
من البيت بستقط
ووفر للزخيرة
العنف المدافع
والموت الجماعي
اسلوبك كلامك
ابدا ما اجتماعي
يارييس مخوزق
سكران ماكا واعي؟
قاعدين في بيوتنا
للسب مافي داعي
ماخربنا شارع
مابنحرق بيوت
سليمة الحكاية
ومالازم نموت
لو عصيانا عاجبك
الزم للسكوت
وياخ لو ماهو عاجبك
فارق دارنا فوت
زي ماقلنا اول
سلمية الحكاية
عصيان سلمي جدا
عصيان للنهاية
حر ياوطني واصل
هاشتاقات كتييييرة
بس نقطة بداية
جيل التكنلوجيا
مامحتاج وصايا
وسلميييية الحكاية
زعلان شان حكومتك
سقطت دون حروب؟
حارة عليك يعني؟
تسقط من قروب؟
ماقلناها بدري
ووصيناك تتوب
ماسمعت الوصايا
وضليت الدروب

امجد ديكور
#العصيان_المدني_السوداني_19ديسمبر