سؤال ياباشمهندس بكري أبوبكر ...ممكن ...؟!!

04:27 PM December, 13 2016 سودانيز اون لاين
Ahmed musa-
مكتبتى
رابط مختصرالصورة القاعد تظهر تحت في البوستات دي ...هل هي ملزمة للجميع ..؟!!

أنا أفترض أن هذا المنبر ديمقراطي
بمعنى انا غير ملزم بصورة تباريني كلما اكتب
حتى لو أنا ما مقتنع بالعملها أو بفكرتها
ولا شنو ..؟!!!
للرأي

معليش لعلنية السؤال
بس السؤال عام
وبحتاج نقاش

أحمد موسى.

أنت خايف ولا شنو يا مقرر لجنة حوار الكيزان؟

أحمد موسى.

أنت خايف ولا شنو يا مقرر لجنة حوار الكيزان؟


دينق اخوي انا مابخاف وانت مفروض تكون عارف كدة
بس مابحب يتفرض علي وضع أيا كان قناعتي او عدم قناعتي بيه

رائك فى العضيان شنو ؟عاصى وللا ما عاصى

رائك فى العضيان شنو ؟عاصى وللا ما عاصى

ماعاصي
من حقي ولاديمقراطيا (مفروض) اكون عاصي ..؟
كن بخير

نعم
طال ما ثابتة فى كل المداخلات
ده بكرى و دى حكمتو
غايتو انا حرقتنى و بقيت ما بخش المنبر الا للشديد القوى
لامن ايام العصيان دى تعدّى
غايتو بالنسبة لى ده احسن حل

جلالدونا أخوي
انا فهمي للمنبر إنو مكان حر وديمقراطي
وفيه آراء مختلفة
فماممكن الصورة دي تباريني بدون رضاي

إلا لو كانت تلك دعوى لمغادرة المنبر لكل من لا يرغب في العمل على نشر تلك الصورة

ملزمة في شنو يعني ؟
مجرد رأي سياسي لصاحب المنبر مافي اي زول ملزم بيهو
الماعاجبو العصيان يكتب ويوضح رايو المشكلة شنو ويعمل ليهو رسمة في بوستو كمان ، نعم المنبر حر
غايتو حساسين بشكل ، الاطفال في جباال النوبة بمشو كداري 20 كيلو هربا من القصف ، الناس بتموت من سوء التغذية و وغلاء الادوية ، الصحف بتتصادر سااااي بدون اي سبب سوى ان فلانا يكتب فيها او انها انتقدت فلان الفلاني ود خالة حبوبة محمد عطا ! والرئيس يتوعد المناهضين بالقتل في الشوارع !
ويجو ناس هنا يقولوليك الصورة دي ضرستنا !

غايتو حساسين بشكل ، الاطفال في جباال النوبة بمشو كداري 20 كيلو هربا من القصف ، الناس بتموت من سوء التغذية و وغلاء الادوية ، الصحف بتتصادر سااااي بدون اي سبب سوى ان فلانا يكتب فيها او انها انتقدت فلان الفلاني ود خالة حبوبة محمد عطا ! والرئيس يتوعد المناهضين بالقتل في الشوارع !
ويجو ناس هنا يقولوليك الصورة دي ضرستنا !

وعشان كدة انا مفروض اقبل اي وضع ...؟!!!
دي ديمقراطتك الجاي تقنعني بيها ...؟!!!

عشان كده انت و الاخوة و الاخوات المدكورين ادناه حقو تعملو زيى
كبر و المنصور ميادة و ود الباوقة
حمد و عبادى و تاج الدين و شيخنا مامون المعتصم
و اخونا على الكرار وبشير احمد و مهندسنا الشفيع
اخونا فرانكلى اخدا من قصيرا و بطّل يكتب نعمل زيّو و لو الى حين
حتى برعوى بكرى و يترك انحيازايتو الفاضحة دى

مشكلتكم يا كيزان تتبجحو بالاسلام والدين
وما عارفين الفرق بين سورة وصورة
لما تعرف الفرق تعال اطلب من بكري

مشكلتكم يا كيزان تتبجحو بالاسلام والدين
وما عارفين الفرق بين سورة وصورة
لما تعرف الفرق تعال اطلب من بكري

انت قاصد منو ؟؟

كمان يا عبد الله يا اخوى ما ممكن اكتب لى مداخلة و تكون قاعدة فوق عود
الحاجة دى بتذكرنا القذافى يااخ

معقولة يا د / محمد
عشان خطأ طباعى تعمل الغاغة دى كلّها
هسى عاجباك مدتخلتك القاعدة فوق عود دى
مالكم كيف تحكمون

يا جلال مافي فرق بين انو المنبر حر وفي نفس الوكت صاحب المنبر يكون عندو خط سياسي ، اي منبر اعلامي في العالم عندو خط أو رؤية سياسية ، بعداك مصداقية المنبر بتحددا علاقتو المباشرة مع الآخر المختلف ، انا لا اقمع رأيك لكني ارسم خطي بكل وضوح شنو المشكلة .
شخصيا لا افهم، وانت ايضا ، كيف لا يرى البعض القاتل قاتلا ؟ الموضوع حيودينا للعلاقة بين المثقف والسلطة ، التماهي والمعارضة ، الموضوع هو اختلاف في تفسير نقطة ما ، يعني اسي لو بكري ده رسم نخلة ساي كده زول واحد حيسألو مافي ، لكن لانو الرسمة عندها مدلول سياسي حينشأ خلاف بين بكري واي شخص يختلف معه في قراءة اللوحة او تفسيرها وده موضوع ما عندو اي علاقة بالحريات ، انها القصة الازلية ، الصراع السياسي. وانا متأكد لو بكري ده علق كاريكاتور يؤيد الحوار بتاع المؤتمر الوطني وازياله احمد موسى ما حيفتح خشمو ، لكن ناس تانين حيتكلموا .
ده فهمي للموضوع ..

شخصيا لا افهم، وانت ايضا ، كيف لا يرى البعض القاتل قاتلا ؟ الموضوع حيودينا للعلاقة بين المثقف والسلطة ، التماهي والمعارضة ، الموضوع هو اختلاف في تفسير نقطة ما ، يعني اسي لو بكري ده رسم نخلة ساي كده زول واحد حيسألو مافي

انت قادر تفهم مدلول الرسمة دي ؟؟؟

انتم قله ما تفرق كتير لو غادرت يا
احمد موسي احتجاجك نفسه بكون صك براءه ليك ممكن تصوره لمن يهمه الامره

كيف قلة يا الخالة دومة
يعنى ما عندنا وزن
معقولة الهوان وصل بينا للحتة دى
الله يسامحك يا خالة

هههها يا جلالدونا لكم العتبي حتي ترضوا انا قايلاك معانا

Quote: أنا أفترض أن هذا المنبر ديمقراطي بمعنى انا غير ملزم بصورة تباريني كلما اكتب‡

يا احمد موسى المنبر منبر ديمقراطى نعم .. لكن هذه الايام ايام فرقان بين الحق والباطل بين الشر والخير بين شياطين الكيزان وملائكة السودان
تعال كلمنا عن الديمقراطية بعد ازاحة الشر من جسد السودان وبعد معافاته .. الان لاتحدثنا عن الديمقراطية بل ابحث عن الديمقراطية حيث تقيم انت

الصوره الزعلت مولانا احمد موسي ياتها.....؟؟؟؟

فماممكن الصورة دي تباريني بدون رضاي
_______________________________
كلام صاح يا مولانا احمد موسي
تخيل نفس القصه عمر حسن البشير دا وجوقته
خالفين كرعينهم فووق رقاب الشعب من غير رضاءه .
الدكتانوريه سيئه تخيل دي صوره وهناك بنادق وموت

دى الصورة بتاعت الشومة المكتوب فيها 19 / ديسمبر التحت كل مداخلة دى

و يا الخالة اى حاجة بالتفاهم بتصل لى حل
نقول لى ود الباوقة انّو يشيل صورة عمر البشير من بروفايلو طال ما هي مؤذية
و بالمقابل بكرى يشيل شومتو دى
بالجد تخوّف و ما عندنا قلب للحركات دى

كلام صاح يا مولانا احمد موسي
تخيل نفس القصه عمر حسن البشير دا وجوقته
خالفين كرعينهم فووق رقاب الشعب من غير رضاءه .
الدكتانوريه سيئه تخيل دي صوره وهناك بنادق وموت


الاتنين بالنسبة لي مرفوضات
عشان في زول غلط مالازم انا اغلط او اتحمل غلط
ولو كان البديل هو بنفس ذهنية الراهن انا برفضهم الاتنين
العصيان ده قاموا بيه ناس عندهم قضية
الان الناس بتشوع فيه بدون فهم

انتم قله ما تفرق كتير لو غادرت يا
احمد موسي احتجاجك نفسه بكون صك براءه ليك ممكن تصوره لمن يهمه الامره

لو ده الفهم الجايين بيه الرمادة في خشم البلد

و ده الفهم الجايين بيه الرمادة في خشم البلد ______________________________
وانت قايل فضل رماد تاني الرماد كملتوا الانقاذ ست.

مولانا أحمد ود موسى
يا اخوي خلي اخلاقك رياضية
الحوش حوش بكري
بناه براااااااه
بي طوب بي حطب بي بعر
بي اسمنت بي بلوك
دا ما شغلك
بكري سمح ليك تدخل الحوش و تبرطع و ترقص زي بشة
لكن ما تهبش حاجة في الحوش دا
و بكري برضو اداك حرية انك تطلع من حوشه
تطفر بي فوق
تطلع بالباب عديييييل
بي راحتك
لكن ما تقعد تتكلم دا شنو و دا ليه

شنو يا عبدالله ادريس ياخى
يعنى ما نعبّر عن مشاعرنا معاكم
خلاص لقيتو ليكم فرقة عصيان و دايرين تحرمونا حتى شراب الموية
___
مولانا احمد موسى
شكلك عملت بالنصيحة و كبيت الزوغة
يعنى تخلينى براى وسط الاسفيريين ديل
ياخى حرام عليك
كان تكلمنى عشان انا ذاتى ازوغ

يا دوما.. الصورة المزعلة احمد موسى صورة الهراوة المكتوب فيها 19 ديسمبر ومرفوعة فوق ناس حرامية ولصوص سرقوا قوت الشعب وهاربين من البلد ،، ..
.. وبعدين كان تسألي جلالدونا: انت معانا ولا مع الخيانة""دي مقتبسة من مجيدو.... عالم بطاآآآآآآآآلة..
.وأظنه ما شاف قصور الجاز والفريق طه وقوش وصاحب البيت الأبيض الأمريكي.
. والله يديك الصحة والعافية
..تخريمة
صلحت العصاية لهراوة بناءا على نصيحة من ود المدير..

انت عارفه يا بت السيدانا عندي نظره قل ان تخيب واحسب ان جلالدونا مسلما ملتزما ومن صفت المسلم الحقيقي انه لايكتم الشهاده ولا يزين الباطل . واشهد الله ان الانقاذ سلطه ظالمه وباطشه وفاسده

يا ل "حر" او "ديمقراطي" علي لسان اذلام القتلة!

عوووووع!

حتي هنا زي ديل عايزين يفرضو اولوياتم هم الدمرت بلدنا!

يالهوانا بحق!

بالعدم لو ما ده فهم مثلك الاعلي نافع، فحر وديمقراطي يعني راي الاغلبية!

اذا ده حاصل عليك يا احترم ارادة الاغلبية يا فحط من هنا.

بشاشا انت كنت ومازلت وستظل زول ماعندك موضوع

يا أبو صلعة جيّب البِتاعة سريّع يأخ.

يا أميرة اللميرة دي هرآوة وليست عصاية.

جلالدونا يا مرتزقة ما فضليك إلآ تجي من ليبيا بس،
قلت لي أحمدون فكَّ البريق ؤ خلآك وسط الأشرار !.

سلآمات يا خالة، وِليدِك العاق السرآق خبرو شنو ؟...

اميرة السيد شفتيني يوم هنا او في اي مكان دافعت عن فساد ؟؟
او عن خطا ؟؟
الخطا عندي خطا لو من ده ولا من داك

(( فماممكن الصورة دي تباريني بدون رضاي ))

انتو قاعدين في راس الشعب السوداني دا برضاه ؟


ترضا و لا تابا
الصورة دي قاااااااعدة ..
الى حين ان ينتصر الشعب السوداني ..
طبعا مرورا ب 12/19 ..

شيل شيلتك ..

انتو قاعدين في راس الشعب السوداني دا برضاه ؟


نحن منو ؟؟؟؟

"انت قادر تفهم مدلول الرسمة دي ؟؟؟"

لا ما قادر فهمني انت ..
انت ما عاجباك الرسمة لسبب محدد بالله فكنا عليك الله خلاص يعني كاتلاك الحساسية و مؤمن خالص بالديمقراطية وحقوق الانسان ؟
جاوبني بصراحة ، هل كنت ستتخذ نفس الموقف لو كانت تدعو لحوار البشير المزعوم ؟

عبدالله منو كدة مابعرف لم تتكلم بشكل محترم بناقشك

دينق
معاوية عبيد
دوما
اميرة السيد

أولاً أنا ماضد أنه الناس تمارس حقها الديمقراطي بالطريقة الشايفاها صاح
ده حق انا بحترمه ومستعد ادافع عنه
بس كانت فكرتي انو حريتك بتنتهي عند بداية حريتي
وانا زي وزي اي سوداني متمني يحصل تغيير في البلد
جايز انا اخترت طريق مختلف
احترمت عدم قناعاتكم بيه
واحترمت خياركم
والبوصل لتغيير حقيقي يصلح حال البلد مافي زول برفضه
بس حتى الدعوات الإقصائية البتنطلف هنا وهناك مرفوضة بالنسبة لي
وما مقبول عندي انك سرقت انا اسرق كتلت انا اكتل غلطت انا انا اغلط
ده تلخيص لفكرتي لاحترامي ليكم وللقراء البتابعو البوست
كونو بخير

"عبدالله منو كدة مابعرف لم تتكلم بشكل محترم بناقشك "

يا نكرة لمن تقول لي " انت فاهم مدلول الرسمة دي ؟" انا بتعامل معاك بالاسلوب البتستاهلو ، خلاص صدقت انك مقرر لجنة عايز شنو كده في حوار الارزقية بتاع البشير وعايز تعمل لينا فيها فيلسوف زمانو ، اصحى ، لو انت زول محترم كان مفروض تاخد موقف من الانتهاكات الكانت بتحصل اثناء الحوار والحصلت بعد االحوار والبتحصل كل يوم .. والمرتبطة بالحوار ذاتو البتتحاورو فيهو ده ..
عليك الله ما بتخجل ؟ بتتكلم عن الاحترام وعن احترام الخيارات ؟

عبدالله الغر
اولا مرحب بيك في مرحلة المنابر .
.شكلك حديث عهد بيها
ولأنك غر بفتح الغين (عشان ماتفرح) أنا سقت للحتة الانا دايرها فأهنأ بيها
وأهنأ بقصة عندك باسويرد دي وكلم بيها أصحابك

عندما أسمع كوز أو مؤيد للإنقاذ يتحدث عن الديمقراطية وحرية الخيار أتحسس عقلي ثم أفتقد ياسر طيفور

"عبدالله الغر
اولا مرحب بيك في مرحلة المنابر .
.شكلك حديث عهد بيها
ولأنك غر بفتح الغين (عشان ماتفرح) أنا سقت للحتة الانا دايرها فأهنأ بيها
وأهنأ بقصة عندك باسويرد دي وكلم بيها أصحابك "
لا اعتقد ان كوني غرا او كهلا ستمثل لي او لأي شخص مشكلة ، انت لا تعرفني ولا تعرف سني ولا تعرف اي شيء عن علاقتي بالانترنت بشكل عام ، ولا يفترض ان يكون هذا موضوع حوار من الاساس ، الا ان كان حوارا مثل حوار الوثبة.
لو نظرت فقط لمربع البروفايل خاصتي لعرفت اني موجود في هذا المنبر منذ ستة اعوام وهذا قطعا لا يهم . يبدو انك شخص محدود الافق يظن ان منبر بكري هو بداية ونهاية عالم الويب !
يا عديم المسئولية سيبك من المواضيع الفاارغة دي وركز في بوستك ده مالك ومال علاقتي بالمنابر !