Post: #1
Title: بعض الناس شغالين دلالة و كل واحد يحرر بكاهو
Author: مامون المعتصم أحمد
Date: 12-13-2016, 04:22 PM
03:22 PM December, 13 2016 سودانيز اون لاين
مامون المعتصم أحمد-دبـــــى - الإمــارات
مكتبتى
رابط مختصر
قلت لى صاحبى المكرهنى القعاد بى جاى ... سقطت و سخنت
و قطركم قام ... و ســوقكم نام .... و كلام كتيييييييييير ...
قال لى ياخ ناسكم يقولوا العصيان فشـل بيقصد بتاع نوفمبر
القريب دا ... مش بتاع نوفمبر 2011 ... و لا بتاع نقد
الله يرحمو و يغفر ليهو .... حضرنا و لم نجدكم ........
لا هو قاصد بتاع الإسبوع القبل الفات دا ..... قال لى
العصيان نجح بدرجة مليون في المية ... بينما سيادة الرئيس
المشير البشير ربنا يديهو الصحة و العافية و يثبت حكمو
قال العصيان فاشل مليون في المية .... قلت ليهو
طيب إنت رايك شنو فى الموضوع ؟؟؟ يا عمك ؟؟؟؟
قال لى كلام رئيسكم ما صاح لأنو العصيان نجح بى
نسبة مليون في المية .... قلت ليهو داير نقاش و للا غلاط ؟؟؟
قال نقاش ..... قلت ليهو طيب هسه الليلة دى الرئيس
الله يديهو العافية قاعد ؟؟؟ و الحكومة قاعدة ؟؟؟ قال لى آآيى
قاعدة ..... قلت ليهو ليييى قاعدين ؟؟؟؟؟ قال لى لأنو في
ناس متخاذلين زيك كدا أبوا يتجاوبوا مع دعوة الأسافير ....
قلت ليهو طيب ليه ما إتجاوبوا ؟؟؟ قال لى ما عارف ...
قلت ليهو طيب يكون نجح كيف ؟؟؟ قال لى شــوف البوسطات
المالية المواقع دى .... كلها بتأكد كلامى دا .... قلت ليهو
يا أخوى أحسن أجيب ليك شاهى كرك و سندوتش بيض
بالطماطم ... ضحك شديد و قال لى و الله كلامك صاح ياخ
مع إنك عواليق و مع الإنقاذ بس أقنعتنى .... الفيلم الجميل
الأقنعتو بيهو كان الصفحة الأولى في سودانيز أون لاين
الهسع أنا بكتب في موضوعى دا فيها ... قلت ليهو شوف
ديل الشرفاء والشــريفات فاتحين ليهم خمسمية بوست
مش بوسط .... و عاملين دلالة علينا جاى علينا جاى
يوم 19 ديسمبر الجايى .... و الله تعالى أعلم بالبيحصل ....
صاحبى بعدما ما رشينا الشاي و سندوتشات البراتة
ظبط سفتو الماكنة .... و دخل ليهو موقع في الفيس بوك
و بعد شوية قبل على قال لى شوف رئيسكم جايبين ليهو
ناس المعسكرات يستقبلوهو في كسلا .... الضحك كتلنى
قلت ليهو طيب في دارفور و كردفان جابو ليهو ناس الحركة
الشعبية عشان يستقبلوهو ؟؟؟ ضحك لامن سفتو عشرقت ليهو
و قال لى ياخ و الله الغلاط زاتو كرهتونا ليهو ... قلت ليهو
يا أبوصحبو الإمور دى إمور إلهية بحتة .... و سيد السماء
و الأرض و ما بينهما هو وحدو المختص بى منو البيحكم و منو
البيفوت لأنو هو مالك الملك يؤتيه من يشاء و ينزعه ممن يشاء ...
و عندو حكمة لا يعلمها إلا هو في منو البيحكم بلد معين في وكت
معين لأنو هو عاوز كدا .... دحين يا أخوى خلينا نتفق إنو موضوع
نوفمبر القريب دا لحق موضوع نوفمبر 2011 بأمر الله و تدبيره
و إنو حق 19 المحمسين طارو الشرفاء و الشريفات دا برضو
أمرو عند الله .... أخيراً قال لى برضو دااااك نجح و الجايى حا
ينجح .... قلت ليهو ياخ دا كلام الزول الغالاط القال لى الصقر
و الله لو طار برضو سخلة ؟؟؟ الحكم حكم الله و ربنا مخير
فيهو و أنا ضــد الخروج على الوالى .... و ضد العصيان
طوالى .... صاحبى أفلس بعد الكلام دا و جاب كلام ما بينقال
هنا .... و بعد فاصل من السب المتواصل منو و ضحك متواصل
منى و من القاعدين معانا قلت ليهو ربنا يحفظ البلد و أهلها
و يطفىء الفتن في ديار المسلمين و يصلح الأحوال إن شاء الله ....
قول آمييين .... قال لى لو قلت بتدينى 20 درهم أدخلهن في
بطاقة المترو حقتى .... قلت ليهو دى العشرين بعد قبضها
قال آمييييييين .... و هو طالع قال لى لاكين برضكم حرامية
و لغافييين .... ههههههههها ... قلت ليهو خيراً تعمل شراً
تلقى .... و مشى مع وعد باللقاء يوم 25 ديسمبر إن شاء
الله عشان يورينى النتيجة ... و لله الحكم من قبل و من بعد ....
|
Post: #2
Title: Re: بعض الناس شغالين دلالة و كل واحد يحرر بكاه
Author: ود الباوقة
Date: 12-13-2016, 04:25 PM
Parent: #1
و مشى مع وعد باللقاء يوم 25 ديسمبر إن شاء
الله عشان يورينى النتيجة ... و لله الحكم من قبل و من بعد ....
..............................................................................
اخونا المامون
فرز العصيان يوم كم ؟؟؟؟
مع الود
|
Post: #3
Title: Re: بعض الناس شغالين دلالة و كل واحد يحرر بكاه
Author: doma
Date: 12-13-2016, 04:47 PM
Parent: #2
.
|
Post: #4
Title: Re: بعض الناس شغالين دلالة و كل واحد يحرر بكاه
Author: kamal omer
Date: 12-13-2016, 04:53 PM
Parent: #3
مع إنك عواليق و مع الإنقاذ بس _______________________
هههعههها
عاد بعد شهد شاهد من اصحابك !!!!! اعداءك يقولوا عليك شنو؟؟؟!!!
--------------------------------------------------
و الله يا دوما خطيرة نكتيها من ياتو سطر
كنت أتوقع مناصري ( الإنقاذ ) يستحو على دمهم شوية بعد كلام قاتل المتظاهرين في كسلا
و يتضايرو لي كم يوم كده
|
Post: #5
Title: Re: بعض الناس شغالين دلالة و كل واحد يحرر بكاه
Author: doma
Date: 12-13-2016, 04:54 PM
Parent: #3
الرياله بتزلق
|
Post: #6
Title: Re: بعض الناس شغالين دلالة و كل واحد يحرر بكاه
Author: doma
Date: 12-13-2016, 04:59 PM
Parent: #5
يلغفكم ا لهام
دي هواده من عندي
|
Post: #7
Title: Re: بعض الناس شغالين دلالة و كل واحد يحرر بكاه
Author: مامون المعتصم أحمد
Date: 12-13-2016, 05:00 PM
Parent: #3
Author: ود الباوقة
و مشى مع وعد باللقاء يوم 25 ديسمبر إن شاء
الله عشان يورينى النتيجة ... و لله الحكم من قبل و من بعد ....
..............................................................................
اخونا المامون
فرز العصيان يوم كم ؟؟؟؟
مع الود
الأخ العزيز ود الباوقة
سلامى و تحياتى
بتاع 11/11/2011 و بتاع 31/1/2012 إتفرزن شهر عشرة الفات ..
و بتاع 27 نوفمبر الفات بتفرز يوم 19 ديسمبر الجايى دا
و بتاع 19 ديسمبر الجايى دا صاحبى قال لى يوم 25 ديسمبر ..
نشوف كان الله مد في أيامنا .. و الإرادة و التدبير عند الله ...
مع تحياتى الطيبة
|
Post: #8
Title: Re: بعض الناس شغالين دلالة و كل واحد يحرر بكاه
Author: مامون المعتصم أحمد
Date: 12-13-2016, 05:15 PM
Parent: #7
مع إنك عواليق و مع الإنقاذ بس _______________________
هههعههها
عاد بعد شهد شاهد من اصحابك !!!!! اعداءك يقولوا عليك شنو؟؟؟!!!
واحدة إسمها دوما بالإنجليزى
مخففة دمها شديد و تضحك بالعين بين التلات هاءآت ..
دا صاحب مصلحة ما صاحب طويلة ... من الشرفاء زى الهنا ديل ..
الحمد لله ما عندى عدو عندو قيمة ... بس بعض الشرفاء ...
|
Post: #9
Title: Re: بعض الناس شغالين دلالة و كل واحد يحرر بكاه
Author: مامون المعتصم أحمد
Date: 12-13-2016, 05:32 PM
Parent: #8
Author: kamal omer
مع إنك عواليق و مع الإنقاذ بس _______________________
هههعههها
عاد بعد شهد شاهد من اصحابك !!!!! اعداءك يقولوا عليك شنو؟؟؟!!!
--------------------------------------------------
و الله يا دوما خطيرة نكتيها من ياتو سطر
كنت أتوقع مناصري ( الإنقاذ ) يستحو على دمهم شوية بعد كلام قاتل المتظاهرين في كسلا
و يتضايرو لي كم يوم
كويس يا شريف إنت .... نشوف لينا دم زى حقكم الخفيف دا
و نتضاير كم يوم ....
|
Post: #10
Title: Re: بعض الناس شغالين دلالة و كل واحد يحرر بكاه
Author: مامون المعتصم أحمد
Date: 12-14-2016, 09:52 AM
Parent: #9
Author: doma
و هو طالع قال لى لاكين برضكم حرامية
و لغافييين ..
________________________________
النصيحه اداك ليها صره في خيط.
هسه هنا شايفة ليك نصيحة ... دا كلام بيقولوهو ناس الهوا
و بيمشى في الهوا ساكت .... زى وهمة الشرفاء و الشريفات
الهنا دى ... هوا في هوا ....
|
Post: #11
Title: Re: بعض الناس شغالين دلالة و كل واحد يحرر بكاه
Author: مامون المعتصم أحمد
Date: 12-14-2016, 09:58 AM
Parent: #10
Author: doma
يلغفكم ا لهام
دي هواده من عندي
إن شاء الله الهام يلغفك قبالنا .... و ســمو ما يتلقى ليهو ترياق
هوادتك أديها للشرفاء و الشريفات ...
|
Post: #12
Title: Re: بعض الناس شغالين دلالة و كل واحد يحرر بكاه
Author: doma
Date: 12-14-2016, 10:38 AM
Parent: #11
|
Post: #13
Title: Re: بعض الناس شغالين دلالة و كل واحد يحرر بكاه
Author: عبد العزيز محمد عمر
Date: 12-14-2016, 10:50 AM
Parent: #12
| Quote: ضحك لامن سفتو عشرقت ليهو |
دا ولا بيعرف يسف زاتو ....
|
Post: #14
Title: Re: بعض الناس شغالين دلالة و كل واحد يحرر بكاه
Author: مامون المعتصم أحمد
Date: 12-14-2016, 02:07 PM
Parent: #13
Author: doma
إن شاء الله الهام يلغفك قبالنا .... و ســمو ما يتلقى ليهو ترياق
ههها كدي يا يابا من صلاحك ولا من فلاحك لما الله يستجيب ليك .
الحمد لله على فلاحى و صلاحى ... الله عالم بيهو ...
و كويس إنك ضحكتى .. خلاس لغيت الدعوة إن شاء الله الهام
ما يلغفك ...
شفت المسلم الحقيقي جلالدونا
يشهد بالحق ولا يخش لومه لائم .
انت تكتم الحق .
لا ما شفت جلالدونا ... بس الحمد لله لقيتى ليك في المنبر واحد
مسلم حقيقى .. دى نعمة دى ...
|
Post: #15
Title: Re: بعض الناس شغالين دلالة و كل واحد يحرر بكاه
Author: مامون المعتصم أحمد
Date: 12-14-2016, 03:56 PM
Parent: #13
Author: عبد العزيز محمد عمر
Quote: ضحك لامن سفتو عشرقت ليهو
دا ولا بيعرف يسف زاتو ....
هههههههههها تصدق يا عبدالعزيز دا شدة ما بيعرف يسف
حكومة بعد الإنتفاضة فسحتو من وظيفتو .... لغاف لغف
شديد و سفاتو هبر هبر ....
|
Post: #16
Title: Re: بعض الناس شغالين دلالة و كل واحد يحرر بكاه
Author: مامون المعتصم أحمد
Date: 12-30-2016, 08:04 PM
Parent: #15
صــاحبى و الحمد لله جاتو شغلانة كويسة .... طلع منها
قبضة كويسة ..... ما شاء الله لا قوة الا بالله .. ربنا يبارك
ليهو و يزيدو .... ما جانى يوم 25 على حسب وعدو ...
ضربت ليهو تلفون أمس عشان أطمئن عليهو ... و وعدنى
بالجية الليلة بعد صلاة المغرب و نمشى ان شاء الله نتعشى
سوا .... و قد كان ... طبعا أنا ما فتحت معاهو الموضوع
بتاع يوم 19 .... لأنو اليوم داك قلت ليهو أحسن يتصل
بى معارفو و أهلو في الخرطوم و يسألهم عن الوضع مباشرة
و فعلا عمل الكلام دا و مشى منى زعلان شديد .. بعد داك كنا
اتكلمنا فيهو بعد يوم أو يومين كلام خفيف كدا و بعدين هو انشغل
بى مصلحتو و انقطع منى لغاية الليلة ... براهو الليلة أكد لى
و هو يحلف بالطلاق انو تانى ما يصدق كلام الفيس و المواقع
الاسفيرية أبدا أبدا ...
و قال لى حا يستعمل الطريقة الصحيحة و الأسرع .. و هي
الاتصال بأولادو و معارفو و يتأكد منهم مباشرة ...
قلت ليهو ياخ الراى رايك و على كيفك .... المهم ربنا يحفظ
البلد و يصلح أحوالها و يفرجها عليها من كرمو و فضلو ...
و دمتم مع التحية ....
|
|