ابتعدو عن التراشق لو سمحتو، واصطفو خلف الشارع...يامعتصمين!

04:11 AM December, 13 2016

سودانيز اون لاين
Bashasha-California, Los Angeles
مكتبتى
رابط مختصر

*

للاسف الشديد هناك عدم انضباط من اعضاء هذا الفضاء!

من مساسكة بوستات اذلام نظام القتلة، والي التراشق حول اداء المعارضة بشقيها، وهذا خطأ، وخطأ فادح جدا، مثبط لهمم الشايلين التقيلة، في شوارع السودان. كفاية 27 سنة صراع سياسي ايا كان،

اما الان فلا ينبغي لنا التراشق بخصوص الصادق او عرمان او الشيوعي ولا البعث وماشابه.

ده ما وكت كلام زي ده اطلاقا، لانو المعادلة صفرية، وهذا واضح جدا في ردود افعال نظام القتلة الماعارف زاتو يعمل شنو!

بالذات طريقة كلام راس الحية اي العوقة بمعني المفردة القشير، اللي مرعوب جدا، جدا، لاول مرة بالطريقة دي من ليلة الانقلاب، وهذا يثبت ماتم انجازو حتي الان ضخم جدا جدا لو تعلمون.

لو ده حاصل، فاكيد ده ماحصل، بالتراشق والسجال عن ماذا فعل الصادق او ترك عرمان، وانما علي العكس تماما، ماتما كان بالتركيز علي النظام، نعم النظام، وفقط النظام!

للاسف الشديد احنا ماقادرين نقيم ماحدث تقييم صحيح، وهذا خطير حقيقة!

يا اعزائي ما مطلوب ولامتوقع اصلا العصيان بمفردو طوالي يسقط النظام مباشرة اليوم التالي، والكلام ده مامفروض اقولو ولكني مضطر!

المهمة الاساسية للعصيان هو ايجاد حد ادني من الاجماع من دون خوف او تردد، علي مستوي الشارع، نعم الشارع بالمعني الحرفي العريض، الغير فئوي او نخبوي، او طلابي،

وانما الامهات والاباء، ثم البنات والاولاد، انو خلاص ان اوان ذهاب هذا النظام، وهذا مهول جدا لو تعلمون، وكنتيجة نظام القتلة في حالة ربكة للمرة الاولي من 27 سنة، لانو اطلاقا زمن قريب ده ما كان متوقع كده.

اذن العصيان سلفا نجح نجاح اسطوري منقطع النظير، والنظام سقوطو مسالة وكت فقط لاغير، لانو الشارع اخير قرر كده واجمع علي هذا القرار والاعجاز هنا لما نضع في الاعتبار

سلاح الدين والجهوية كاساس لبقاء واستمرار هذا النظام اللي الان او بين يوم او ليلة، نعم في رمشة عين، اضحي كيس نايلو، الهوا شايلو، وهذا مرعب كما واضح في تخرصات العوقة البشير اللي بتكلم كاي مراهق من الرعب الجواهو، لانو ماعارف يسووي شنو!

ده السبب مرقو بيهو في كسلا او حشدو ليهو اهلنا الاريترين، كمان بي اعلامم، او هو يرغي او يذبد راسو ضارب.

اذن مهم للغاية نفهم طبيعة وحجم ما انجز، عشان نكون مهيئين للمرحلة البعدها ايا كانت، او مانفهم المطلوب من العصيان خطأ!

العصيان كسر الحاجز النفسي وللابد، بي اسلوب فريد معجز بحق، عطل جميع اسلحة النظام في رمشة عين، لدرجة يا للعجب، النظام الان بيدعو الجماهير الخروج للشارع وهذا مضحك!

يا اعزائي ده، ماشئ ساهل اطلاقا، اطلاقا، في زي عصرنا ده، ولايمكن يحدث خارج السودان، لانو الاساس فيهو هو البنية الاجتماعية المتراصة، من حيث العلاقات اللصيقة بين افراد المجتمع، وليس الاعلام الاجتماعي المتاح لاي سوري او عراقي او يمني، كمثال!

نعم رغم انف الدمار والخراب الشامل الناجم عن اخلاقيات نظام الراسمالية الطفيلية، الفاسدة، المفسدة، المسوقة كدين، اسلام، شريعة وماشابه من مخدرات، االمدمرة لشخصية السوداني التاريخية، والمفجرة لنسيجنا الاجتماعي الفريد بحق!

كلام رائع أنشالله الكل يسمع ويعي
تحياتي

بكل قوة اضم صوتي اليك يا العزيز بشاشا

زهير مرحب بيك.

خلونا نلكز البغفل مننا ونذكرو اللي الان في السجون، لاندري ماذا يجري هنا بالضبط الان واللحظة.

المناقرات والمشاحنات دي فيها عدم احترام للاسف للضحو بي حياتم من اجلنا.

عبدالله محمد احمد مرحب بيك،

نعم، كدي فكر معاي واسرح بي بالك، في اللحظة الدفعت بي رمزنا، بي اختنا، امنا، ام كبس، لاتخاذا مثل ذاك القرار المتمثل في مواجهة نظام بحالو ودولة بحالا مجرمة قاتلة، مش كحزب، وانما كفرد، مش كقبيلة، وانما كفرد، مش كطائفة، وانما كفرد، واحد احد!

نعم، قطع شك، اللحظة الحاسمة ديك ما كان منطلقا اعجاب مفرط بما فعلو الصادق، او مناوي او فاروق وماشابه، او غضبة عارمة من ايا منهم، والا لما خطر بي بالا اطلاقا تجازف بي حياتا او هي في الحالة السالبة دي

وانما مافعله النظام بحياتا هي، حياة اسرتا، كمواطنة سودانية عانت الامرين!

خلونا نركز باستمرار علي اللحظة المفصلية دي، ونبعد عن مواضيع وكلام مهما كان مهم، ملحوق، او ده ما وكتو اطلاقا، لانو مكلف جدا ومدمر جدا!

كلام عديل ...

نكون كضابين لو قلنا غير كده ...

تسلم اخونا كمال ...

و الغمة الي زوال ان شاء الله ...

سلامات يابشاشا
اقف مع مناشدتك. معا لدعم عصيان 19 ديسمبر
علينا ايضا ان نتذكر سجناء الضمير وفى مقدمتهم رموز العصيان ام كبس محمود واحمد الضى بشارة.
يجب السعى لاطلاق سراحهم من سجون النظام الارهابى
مع ودى

سلام يا يحي ومرحب بيك.

اها انتا من الناس، البشم ريحة الشارع في مواقفم، باعتبارك مازينا مهووس بي قضايا سياسية معينة كناشط، او علي كده موقف المنبر علي فد كراع، زي مابسووي علي الدوام لي روحي!

مهم جدا نركز علي النظام، علي الشارع او نكون صوتو، اذنو، او عينو.

دور امثالنا، من البكتبو في الاسافيرعكس مايتصور البعض، مهم للغاية ومفصلي للحد البعيد.

لانو الاعلام في عصرنا هو عصاية موسي بحق!

الرئيس الاميركي المنتخب وصل للبيت الابيض بالتوظيف الخلاق للاعلام المضاد ليهو او من دون ما يدفع مليم، اي باستخدام نظام الصعق الكهربي بتاعنا داك!

انا غايتو حاشتكي لانو سرق الفكرة مننا!!!!!!!!!!!!!!!!!!!

ابونورة تحاياي ومرحب بيك.

نعم، اطلاقا ده ماوكت مناقرات ومساجلات سياسية، وانما ده وكت رصد، كشف، تعرية مايدور داخل اروقة نظام القتلة.

نعم ده وكت التركيز علي الذي يجمع بينا، والابتعاد عن البفرق بينا لانو ده بعض اسرار نجاح ماتم حتي الان، او بي صورة غريزية او من دون تنظير، لانو الحراك الجماهيري لغتو رمزية، لغة اشارة، تعتمد كليا علي الحاسة السادسة، اي من القلب للقلب!

علم ي مواطن ي دغرى

يستمر النضال

ميه الميه


المنظر هنا بقي شييييين

تعظيم سلام يا معاوي، مرحب بيك.

دا الكلام

التركيز فقط يكون على العصيان..خطوة خطوة...والخطوة التي تليها
كلنا صف واحد وصوت واحد...لابد من هزيمة هذا النظام

قوتنا في كلمتنا الواحدة

الشجر الكبار فيه الصمغ ...... من الطبيعى يكون فى مناقرات ومطاعنات وكبير وصغير ..... وجود الكبير بيعدل الرصة...... ياهو المرق البيسند الرصاص ..... بعد دا ممكن نعرش على كده.

شكرا يا بشاشة
اي وقت ينفق او كلمات تطلق في غير موضعها الان هي تصب في مجرى اطالة عمر النظام
الهدف واحد وقد حدده شعبنا بداخل السودان وهو ازالة هذا النظام الغاشم الذي يتحدى رئيسه المواطنين الرافضين لحكمه ان ينزلوا له في الشارع لتحصدهم آلته الحربية

التحية لك يا بشاشا
لتتوحد الجهود من اجل اسقاط النظام

ده كلام عين العقل ، ويجب على الجميع أن تضع هذا الكلام نصب عينا
والنقطة المهمة والمهمة جداً التي أُثارها صاحب البوست مشكوراً هي
يجب على الجميع ألا يفهم أنه بمجرد بداية الإعتصام أن النظام ستغير
اليوم التالي طوالي ....!!!
دي نقطة مفصلية يجب الناس تركز عليها وذلك حتى لا يصاب الناس
بالإحباط في حال استمرار النظام بعد بداية الإعتصام لفترة من الزمن
لا أحد يعرف مداها ..
وعلى الجميع أن يعلم أن الإعتصام أدى دوره كاملاً في كسر حاجز الخوف.
وهذا في حد ذاته نجاح لا يضاهيه نجاح .

تحياتي صاحب البوست

كلام عقل
التحية ليك اخي كمال

تحياتي بشاشا

Quote: المهمة الاساسية للعصيان هو ايجاد حد ادني من الاجماع من دون خوف او تردد، علي مستوي الشارع، نعم الشارع بالمعني الحرفي العريض، الغير فئوي او نخبوي، او طلابي، وانما الامهات والاباء، ثم البنات والاولاد، انو خلاص ان اوان ذهاب هذا النظام، وهذا مهول جدا لو تعلمون، وكنتيجة نظام القتلة في حالة ربكة للمرة الاولي من 27 سنة، لانو اطلاقا زمن قريب ده ما كان متوقع كده.

تحليل ممتاز وواقعي
الناس الكانوا برددوا كلمات زي ديل أحسن على الأقل أكلوا وشبعوا مما يجينا واحد يبدا ياكل من جديد و النجحت فزاعة الغرابة و استباحة الخرطوم بعد الانقاذ في تخويفهم و البول ليك البشير كويس و الحواليه حرامية و الكانوا مخمومين بي المشروع الحضاري و الحصار نتيجة هي لله ديل هم فعلا وقفتهم اليوم وتأييدهم للعصيان كسلاح وبداية مشوار آخره زوال النظام بفزاعاته وحارميته وأكاذيبه دليل على نجاح العصيان قبل أن ياتي تاريخه حتى وأكبر هزيمة لمشروع الانقاذ وتعرية له, الآن ظهر وجهها الحقيقي مجرد دكتاتور و خلفه لصوص لا مبدأ او مشروع لهم و سقوطهم ضرورة حتمية اليوم بكرة أو بعده لا محالة ساقط

شكرا على البوست و على التوقيت المناسب و اتمنى ان يستجيب الجميع و يتعالوا على الشخصنة و الجراح و يضعوا الوطن فقط نصب اعينهم

شكرا الأخ بشاشا للفت النظر و لتفادي الغفلة و الإنسياق وراء الهوجات.
حتى البوستات القديمة الماعندها علاقة بالموضوع، المفروض أصحابها يجمدوها شوية
لمزيد من التركيز....و لعدم التشويش و تشتيت الكورة.
تحياتي للجميع

شكرا الأخ بشاشا للفت النظر و لتفادي الغفلة و الإنسياق وراء الهوجات.
حتى البوستات القديمة الماعندها علاقة بالموضوع، المفروض أصحابها يجمدوها شوية
لمزيد من التركيز....و لعدم التشويش و تشتيت الكورة.
تحياتي للجميع

وهذا هو المأمول
المرحلة الآن وكما أشرت لخلق الحد الأدنى من الإجماع والإحساس بالهم المشترك

لك التحية والإحترام

نعم

( ابتعدو عن التراشق لو سمحتو، واصطفو خلف الشارع...يامعتصمين! )

كل مودتي يا بشاشا

خلص الكلام
هذا ما اردده في القروبات .
بالرغم من استفزازاتهم - ودي نابعة من الخوف والهلع وتشتيت للكورة ايضا - ولكن يجب عدم مناقشتهم نهائيا
نهائيا نهائيا .. امسك اناملك عليك وبس .

بشاشا امبس .. سرن اقمي ؟
تحاياي ولضيوفك العزاز

لماذا عدم التراشق؟ إن جاز لي الشرح، يمكنني القول: إن السياسة الداخلية - سواء على المستوى النظري أو التطبيقي في الدول التي تمارسها بسلالة - تعتبر لعبة جماعية بمعنى أن وجود الخصم وبقاءه ضروري لقيام اللعبة واسمرارها. كما أن الاختلاف والتدافع من بين سماتها الرئيسة؛ والفوز الدائم فيها يفقدها معناها ومتعتها ويدفع الأطراف غير المعنية باللعب لدخول الملعب. عند النظر في أي فريق وطني رياضي يتضح أنه يتشكل من متنافسين (أعداء) على المستوى المحلي فكيف يتسنى لهم التعاون وتقمص الروح الوطنية؟ هنا تلتقي الإجابة مع ما يطرحه البوست.

كلام من ذهب

فوق حتي كنس زبالة النظام الفاسد إلي مزبلة التاريخ

حسين قاضي

تسلم يا عزيزي كمال بشاشا

دا الكلام التمام..


ياسر

رجاء يا باشمهندس بكري رفع هذا البوست فوق..

سلام يا وضاح او مرحب بيك.
علي قولك المظهر العام للمنبر ابتدا في اتجاه انو يكون شين وهذا عيب في حق اللي في خط النار اللي جعلو هذا ممكنا. اقلاهو ننضبط او نصوم يومين تلاتة عن المناكفات لانها مكلفة جدا في الوقت الراهن وبلا مردود.
زي ماقال الامام المهدي اللي كان عندو قدرة "لدنية" عجيبة علي التخاطب مع والنفاذ الي قلب الجماهير:

لكل مقام مقال!

شكراً بشاشا

ما طرحته هو بالفعل ما تتطلبه المرحلة

ليت الزملاء هنا يعون ذلك

تحياتي

كلام عقل .. فعلا الناس فى هذه الايام محتاجة لتوحيد الصفوف
لطرد البشير والكيزان من السلطة ..

شكرا بشاشا على التنبيه والنصح.

سلام يا حاتم هواري او مرحب بيك.

نعم قوتنا فعلا في وحدتنا وهذا ما جعل العوقة البشير، شخ يبول في لباسو الان.

نعم للمرة الاولي يتوحد الشارع خلف مشروع اذالة النظام.

اكرر هذه خلاصة ما حدث وتم انجازو حتي الان.

نعم الساس اترما تب!

نعم خلونا نقرط علي كده او نبدا البنيان!

مع انو وارد خطوة رمي الساس هذه لوحدها تخلي النظام يسووي الررروووب او يرفع البيرق!

وارد!

شلوم يا ايمن ومرحب بيك.

لابد من ايقاف هذه الملاسنات والمخاشنات ..

دا كلام صاح

اما الان فلا ينبغي لنا التراشق بخصوص الصادق او عرمان او الشيوعي ولا البعث وماشابه.

ده ما وكت كلام زي ده اطلاقا، لانو المعادلة صفرية، وهذا واضح جدا في ردود افعال نظام القتلة الماعارف زاتو يعمل شنو!

shaloom our hero

محمد ابراهيم تحياتي ومرحب بيك.
نعم المادلة صفرية لاشك في ذلك.
المدهش بالنسبة لي انو النظام من الهلع طرش الجواهو.
نعم ادانا تقرير كامل يضح ويثبت مدي الزلزال الضرب اركان هذا النظام كنتيجة للعصيان.
نعم علني كده الظام بسووي عوووك طلعتو زيتنا، تعالو مارقين، عشان نشوف لينا صرفة معاكم، لانكم شطبطو راسنا تب بي زي البتسوو فيهو ده!
المدهش بعضنا الي الان ماقدر يستوعب حجم ومغزي الحصل بينما النظام بسرعة فايقة نقش خطورة ما انجز حتي الان!

نعم في المرحلة دي مامطلوب نهاي الجهة المنظمة تكون معلنة او معروفة طول ما اللي انجز هو بعض ثمار هذا التكتيك اللي حير نظام القتلة بكل ما ملك من امكانيات من اجهزة او جيوش جرارة من العملاء!

وووين يا ابو زلومة
حمد لله على السلامة

خالد العبيد مشتاقين.
نعم والحدود الفاصلة هي تبقي عندنا مسؤولية.
نعم كل ز ول يحمل رسالة امينة صادقة بعيد مداها يعرف التاريخ بيحسب كل خطواتو المشاها.

والنقطة المهمة والمهمة جداً التي أُثارها صاحب البوست مشكوراً هي يجب على الجميع ألا يفهم أنه بمجرد بداية الإعتصام أن النظام ستغير اليوم التالي طوالي ....!!!


العزيز عثمان الحسن مرحب بيك.

نعم زي ما كررتا يجب ان نصحح الفهم المتداول الان للعصيان كاداة لاسقاط النظلم بي صورة الية ميكانيكية، مع انو وارد، لو كان العوقة اي القشير فيهو مثقال ذرة من بقايا مخ او تفكير سليم!

العصيان سلفا ادي مهمتو بالكامل وعلي اكمل وجه ممكن. نكرر المهمة هي كسر الحاجز النفسي، السياسي، الاقتصادي، والاجتماعي للمرة الاولي كمدخل وشرط اولي لي مشروع اسقاط النظام من دون الانزلاق في مزلقان الفوضي والفراغ السياسي، كما عول، وعمل النظام عمرو ده كلو، مسوقا لي كيف اسقاطو = الفوضي، رياضيا!

نعم الحد الادني من الاجماع علي قرار اسقاط النظام، هو المدخل للمعبر الامن لي بر السلام في عملية الانتقال الي نظام ديمقراطي جديد، ودولة جديدة لنج، سودانية بمعني المفردة الحرفي، للمرة الاولي من سنة 1956م، لكل السودانيين كبديل لدويلة الاحتلال الثنائي الحالية اللتي صممت كجرثومة حروب اهلية، سرمدية لاتنتهي ابدا الا بتفتيت السودان وبقية الدول المحيطة كنتيجة، كما يحدث الان في الجنوب الحبيب بالكربون!

لو القايمين بامر هذا النظام كان فيهم ذرة مخ، لقامو بتسليم السلطة فورا، ولكن المحرك الاساسي لي سلوك راس النظام، هو الرعب، وبالذات من المحكمة الجنائية، مع انو عسكري وبالتالي مفروض تجي لحظة في حياة هذا المخلوق، انو كجندي يواجه الموت بشجاعة فيها وفاء لي شرف الجندية، وهو يفكر في امر بلدو، مال شعبو ليتقدم الصفوف او يقدم استقالتو بغض النظر عن مصيرو هو الشخصي كفرد، او بي كده يدخل التاريخ وربما يكفر بي كده عما اقترفت يداه بحق الملايين.

العزيز ادم شحوتاي يا الف مرحب...لي قدام.

الناس الكانوا برددوا كلمات زي ديل أحسن على الأقل أكلوا وشبعوا مما يجينا واحد يبدا ياكل من جديد و النجحت فزاعة الغرابة و استباحة الخرطوم بعد الانقاذ في تخويفهم

محمد البشري تحياتي،

نعم سر بقاء النظام يتلخص في كلامك اعلاه، بالذات الخطاب الجهوي بتاع الغرابة واستباحة الخرطوم وماشابه، والكلام ده سمعتو كتير جدا بي اضاني في الخرطوم او حتي في كالفورنيا من شماليين طبعا، بالدس او ماعلنا.

اها دي نقطة مهمة للغاية فاتت تماما علي الرافعين رايات قضايا التهميش في وجه المعتصمين!

نعم ما انتبهو نهائي انو الموضوع اتحسم سلفا علي مستوي الشارع من حيث المبدا كمدخل.

عشان الكلام ده يتفهم لازم الواحد في الاول يكون خريج معاهد محو الامية فيما اتصل بي خطاب الشارع في اللحظات التاريخية الذي دي، باعتبارها لغة رمزية زي ما قنا، نعم لغة جسد، غير منطوقة اصلا.

نعم الشارع سلفا وضمنا انحاز للهامش لما اجمع علي اسقاط النظام الحالي وهو يبصق علي خطابو الجهوي، وكنتيجة الهامش والمركز التحم في الشارع، لانو ده هو الاصل، المركوز في اعماق، اعماق كل منا علي مستوي اللاشعور البجي دارفور في لحظات مفصلية زي دي!

كلامنا ده واستنتاجنا ده، ما وليد اللحظة ولكن من كم طاشر سنة في هذا الفضاء، قتا بالقلب انا متاكد في اللحظة الحاسمة سنعبر هذا الاخدود، اما بالعقل فاشك تماما انو ده يحصل!

تاكدت تماما انو النقلة المطلوبة حدثت، ايام انتفاضة سبتمبر حيث كتبت في سبتمبر 2013 الاتي:

ماحدث حتي الان نقلة نوعية وقفذة تاريخية هائلة فوق جبال الفرز الجهوي!ماحدث حتي الان نقلة نوعية وقفذة تاريخية هائلة فوق جبال الفرز الجهوي!]

الاخ بشاشا وضيوفه الاعزاء
اعتقد ان هذا البوست من اهم البوستات الان في ظل ظروف العصيان الهدف هو اسقاط هذا النظام القذر والتوره فعل تراكمي لا تظهر ثماره الا رويدا رويدا
فلنتحد تماما كما اتحدنا في الدايره 27 الصحافه
واننا باذنالله لمنتصرون

Quote: المهمة الاساسية للعصيان هو ايجاد حد ادني من الاجماع من دون خوف او تردد، علي مستوي الشارع، نعم الشارع بالمعني الحرفي العريض، الغير فئوي او نخبوي، او طلابي، وانما الامهات والاباء، ثم البنات والاولاد، انو خلاص ان اوان ذهاب هذا النظام، وهذا مهول جدا لو تعلمون، وكنتيجة نظام القتلة في حالة ربكة للمرة الاولي من 27 سنة، لانو اطلاقا زمن قريب ده ما كان متوقع كده.

سلام ياحكيم ,,
قلنا ماهو فى هذا المعنى ,, قالوا علينا ,,هٌبٌل ,, وكيزان ومدسوسين كمان,

كلام تمام

ولا صوت يعلو فوق صوت العصيان

تحياتى

محمد عبدالله تحياتي ومرحب بيك.

نعم لازم الصفحة الاولي كلها تكون قاصرة علي البوستات الداعمة للاعتصام وهذا بيتم، بي اننا كلنا نتعمد نرفع البوستات المعنية كل راس ساعة ولو بي شولة بس.

كده الصفحة الاولي حتكون مخصصة لدعم العصيان. نعم سوو فوووووووق كل ماجيت ماري علي المنبر او بي كده البوستات القديمة حتحتل!

المرحلة الآن وكما أشرت لخلق الحد الأدنى من الإجماع والإحساس بالهم المشترك


محمد حامد مرحب بيك.

نعم وللمرة الاولي من 27 سنة، الساس الحنبي عليهو مشروع البديل ابتدءا باسقاط النظام، اكتمل بناؤو تماما!

هناك كلام منشور لغازي صلاح الدين يطالب فيهو علنا بالشروع في مشروع البديل كرد علي تخرصات العوقة المرعوب الخواف البشير.

غازي الان هو الممثل الفعلي في الميدان للجبهة الاسلامية اللتي اتت بهذا النظام وطرحها، وبالتالي عندو معلومات عن مايدور داخل اروقة نظامو باكثر مما نملك، وبالتالي كلامو كبوصلة ومؤشر، مهم للغاية، لانو بورينا الحاصل داخل اروقة النظام، والاهما داخل اروقة المتاسلمين!

محمد ابو زيد مرحب بيك.

مودتي.

مهم جدا يا اعزائي نرفع بوستات العصيان، عشان نقتس حجر بوستات اذلام النظام.

وو منتصر صلاح امبس، ار سي؟


اكرر وعبرك مرة اخري للزملاء، رجاءا ابتعدو عن بوستات ازلام القتلة!

لماذا عدم التراشق؟ إن جاز لي الشرح، يمكنني القول: إن السياسة الداخلية - سواء على المستوى النظري أو التطبيقي في الدول التي تمارسها بسلالة - تعتبر لعبة جماعية بمعنى أن وجود الخصم وبقاءه ضروري لقيام اللعبة واسمرارها. كما أن الاختلاف والتدافع من بين سماتها الرئيسة؛ والفوز الدائم فيها يفقدها معناها ومتعتها ويدفع الأطراف غير المعنية باللعب لدخول الملعب. عند النظر في أي فريق وطني رياضي يتضح أنه يتشكل من متنافسين (أعداء) على المستوى المحلي فكيف يتسنى لهم التعاون وتقمص الروح الوطنية؟ هنا تلتقي الإجابة مع ما يطرحه البوست



في السلك!

تحياتي محمد الامين موسي ومرحب بيك.

كلام من ذهب



تحيلتي زول واحد، او لي قدام.

عزيزي بشاشة،
كيف حالك؟
زمن!
أستميحك في إنزال هذا التنويه
باعتباره مساهمة في تعظيم المد
الثوري لكنس الفساد:

هنا تطور لافت، للمد الثوري، أرجو المساهمة في تمديده أكثرhttp://sudaneseonline.com/board/490/msg/%D9%82%D9%86%D8%A7%D8%A9-%D8%A7%D9%84%D9%86%D9%8A%D9%84-%D8%A7%D9%84%D8%A3%D8%B2%D8%B1%D9%82--%D8%B3...%A9--1481963366.html
قناة النيل الأزرق لها وضع خاص في الوجدان الجمعي للسودانيين ولا يجب أن نغفل عن إشاراتها الإيجابية. ويجب حثها على التوغل أكثر في فجاج الثورة!

أرجو المشاركة هنا في سودانيزاونلاين، وأرجو نشر هذا التنويه على أوسع نطاق في كل وسائل التواصل الاجتماعي التي تشاركون فيها لعلنا نقنع القناة لمزيد من الانحياز لنا، نحن الشعب!

محمد محمد قاضي يامراحب.... لي قدام.

عزيزي القارئي، ماذا سيكون رد فعل النظام اذا نجح الاعتصام كما اتوقع نجاح منقطع النظير؟

النظام سيلجأ لاحداث اكبر قدر من الفوضي عمدا ومع سبق الاصرار كمخرج كما يتوهم!ماهو المدخل لهذه الفوضي المتوقعة؟

قطعا السيناريو والاخراج سيجنح الي اشعال فتيل مركز في مقابل هامش، اي جلابة في مقابل غرابة!

نعم حيمشو المخزن او يجرو الكومر اياهو، او يحالو يشغلو بالمنفلة!

بل ربما يؤدي نجاح الاعتصام العارم باذنه كما اتوقع لاعتصام 19 ديسمبر، الي اندلاع صراع الاجنحة ما بين اذلام النظام، كبعد اخر للفوضي القادمة المحتملة!

طيب، علي كده، هل ستنجح هذه الاستراتيجية؟

اقولها بالفم المليان وانا اقيم في النصف الاخر من الكرة الارضية، في كالفورنيا، هذه الخطة المجرمة لن تنجح قط، وان نجحت مؤقتا، وسبب قناعتي، هو ما انجزو مشروع العصيان هذا المعجز بحق وحقيقة!

ياسودانيين، ماتم حتي الان، خارق بمعني المفردة وغير عادي علي الاطلاق، في بلد مولعة فيها نيران الحروب الاهلية منذ اكثر من 60 سنة يا جماعة، وكنتيجة ماتو ملايين!

الاعجاز كلو في مشروع العصيان يتمثل في الخلفية دي!

لا ادري كباحث متخصص في التاريخ، اي تجربة اخري في اي بلد اخري، نجح فيه عصيان اهلي، مدني، طوعي، شعبي، لافئوي، لاصفوي، بقيادة ربات البيوت،

في ظل نظام قاهرومضطهد لنوع النساء يستخدم افيون الدين في محيط هو كل شئ في ثقافتو تاريخيا، وهو من اخترع وقدم للبشرية مفهوم مايعرف بالدين اليوم،

نعم في ظل نظام فاسد مجرم انفرد بكل شئ علي مدي اكثر من ربع قرن، قسم السودانيين علي اساس عنصري نازي غاية في الخطورة، او بعد ده كلو، ورغم انف هذا كلو، يتسامي السودانيين كافراد فوق ده كلو، عشان يعلنو عن عصيان بواسطة افراد، مش زعماء طوائف، او نظار قبايل، او زعماء احزاب عقائدية، فهذا معجز بحق!

لو ده حاصل، فكيف تاني نرجع للصفر او ندورا في بعض كافراد علي اساس الجهة؟ كيف؟

هذا مستحيل مهما حدث!

بناءا عليه فلا امل اطلاقا انو نظام القتلة، ينجح في تشغيل كومر الجهوية هذا، الما عمروهو زاتو!

الدليل علي صحة استنتاجنا هو النجاح الباهر جدا وخارق لدعوة العصيان المدني، اللي بتمثل اكبر اشارة اننا بالفعل قفزنا بالزانة فوق اخدود الفرذ الجهوي، الذي صمم كجرثومة حرب بيولوجية في معامل غزاتنا علي مدي نصف قرن بل قرابة القرنيين لو رجعنا لبداية الاحتلال في 1821م!

النهار ده يوم 17 والعصيان القادم بعد 48 ساعة فقط، وبالتالي عايزك عزيزي القارئي ترجع هنا بعد يوم 19 الموعود او تشوف كلام فكي بشاشا ده، كان في محلو ام لا!

انا اراهن علي ارثنا الحضاري وانظر لللاشياء بعدسات لاصقة منحوتة من صخرة التراكم التاريخي لارثنا الحضاري!

نعم ادوات تحليلنا مختلفة تماما، ولهذا لي تاريخه، كلامنا تب ما وقع واطة، ولاحتي مرة واحدة!

سنعبر الي بر الامان، وان كنتا لا ادري كيف بالتفصيل! الكلام ده انا بديتو مع انتفاضة سبتمر السابقة، حيث تاكد لي حينها انو النقلة النوعية التاريخية، تمت، من الزمن داك، دعك من معجزة الاعتصام!

قول واحد:

قلبي ماكلني من يوم 19 ديسمبرقلبي ماكلني من يوم 19 ديسمبر]

خد عندك، اتنين:

المرجح أنها من إسرائيل..(18) جراراً محملاً بالسلاح لـ(الثورية) تصل يوغنداالمرجح أنها من إسرائيل..(18) جراراً محملاً بالسلاح لـ(الثورية) تصل يوغندا]

سلامات يا بشاشا

لبيقي هذا البوست عاليا ليذكر بالتركيز علي دعم العصيان المدني
وتأجيل النقاشات الأخري " يعني لا مثاقفة ولا فكر ولا يحزنون"
الموضوع دعم العصيان

تحياتي ياسر الشريف ومرحب بيك.

رجاء يا باشمهندس بكري رفع هذا البوست فوق

. حسين موسي يا الف مرحب،

بالنسبة لي بكري ابوبكر، فلا يمكن يرفع لي بشاشا بوست لو تنطبق السما بالارض، لانو لايطيق كلامنا اطلاقا كجلابي قح تقليدي، والراجل صاحبي جدا، وهو انسان نقي جدا او نضيف ولهذا احنا كسودانيين، متصوفين بالسليقة، فعندنا مشكلة حقيقية مع عالم اليوم!!

يعني بكري او من دون اي حسابات او اعتبار للبتكبو هنا، حصريا، وجعلو من هذا الفضاء ماهو اليوم داخل وخارج السودان، بشيل بي براءة شديدة، او يشنق في كلام لي ناس ما اعضاء ولابساهمو في المنبر ده ولا بي نقرة بل بستخدمو عرق الاخرين والسلام!

بل احدهم متافف جدا، بشوف الاشتراك هنا، بقلل من مقامو كزول اوبهة او كده، وبعد ده بكري بروح شاري كلامو المعتت، مسوس، او قديم جدا، السلفا منشور في كل المواقع بدون استثناء، فووووق او بالايام كمان، فقط لانو بتكيف من كلامو لاغير!

نعم بكري ما بحسبا حقيقة لله! سوداني للطيش!

سلام يا هيثم، مشتاقين