Post: #2
Title: Re: الواو الضكر
Author: عبدالحفيظ ابوسن
Date: 12-11-2016, 07:04 AM
Parent: #1
لذا يُفهم تماماً
كيف ان طبيبا مثل جعفر اب عوف يُفصل
وشخص مثل مامون حميدة يكون وزيرا للصحة
|
Post: #3
Title: Re: الواو الضكر
Author: عبدالحفيظ ابوسن
Date: 12-11-2016, 07:58 AM
Parent: #2
المثل السوداني المستهين بالعلم والمعرفة
أسأل مُجرِب ما تسأل طبيب
بعكس عقلية السلطة
كون انها تزدري وتستهين بالمعرفة والعلم
يظهر ذلك جليا في تحطيمها للتعليم
وتجريبها للمناهج دون رؤية استراتيجة
|
Post: #5
Title: Re: الواو الضكر
Author: محمد البشرى الخضر
Date: 12-11-2016, 08:03 AM
Parent: #3
هلا ود اب سن
مثال مامون حميدة لا ينطبق هنا فغض النظر عن أداؤه كوزير و نزاهته فهو طبيب وبروفيسر
لو ضربت المثل بأبي قردة كوزير صحة كان بكون أدق
|
Post: #4
Title: Re: الواو الضكر
Author: عبدالحفيظ ابوسن
Date: 12-11-2016, 08:01 AM
Parent: #2
|
Post: #6
Title: Re: الواو الضكر
Author: عبدالحفيظ ابوسن
Date: 12-11-2016, 08:16 AM
Parent: #4
تحياتي ود البشري
حبابك يا صاحب
لا أكذبك وودت كتابته ثم أحجمت لغرض ابعد
ثم خذ عندك نافع استاذ جامعي
وخد عندك
وخد عندك
فكان اداؤهم متواضعا لم ينفعهم علمهم لاستهانتهم بالعلم والمعرفة
ديلك خليهم تراهم في جهلهم
الرك علي العارف وحارف
|
Post: #7
Title: Re: الواو الضكر
Author: علاء سيداحمد
Date: 12-11-2016, 08:25 AM
Parent: #4
Quote: أكثر من مية نايب برلماني لا يعرفون القراية والكتابة
تصريح رسمي |
سلام اب سن
سياسة دولة ممنهجة فى تغييب الوعى الجمعى وتجهيل العقل ويمكننا الاستعانة ايضا بالتصريحات غير المسئولة على شاكلة ( قبل الانقاذ السودانيين كانوا شحاذين وما فى سودانى عندو قميصين
او الخرطوم كانت بلا كهرباء وماء او جنريتر او ثلاثة ارباع السودانيين حرامية - سعاد الفاتح - حتى لاننسى
واجابة المسئولين على بعض الاسئلة فى اللقاءات الاعلامية بطريقة غبية ممنهجة ..
|
Post: #8
Title: Re: الواو الضكر
Author: علاء سيداحمد
Date: 12-11-2016, 08:31 AM
Parent: #7
| Quote: هلا ود اب سن مثال مامون حميدة لا ينطبق هنا فغض النظر عن أداؤه كوزير و نزاهته فهو طبيب وبروفيسر لو ضربت المثل بأبي قردة كوزير صحة كان بكون أدق |
تحياتى ود البشرى حسب فهمى الواو الضكر المقصود بيهو ( الواسـطة )ابوقردة ليس طبيبا ولكن مامون حميدة طبيب ... والمقصود ان مامون حميدة لازال على راس عمله بالواسطة ( من الرئيس شخصيا ) ومع انه ليس اسلاميا وليس شخصا ذات ذكاء يذكر فى حين ان هناك اطباء ممتازين امثال اب عوف يتم فصلهم
لو ضرب ابو قردة مثالا لاختل توازن البوست ..
|
Post: #9
Title: Re: الواو الضكر
Author: عبدالحفيظ ابوسن
Date: 12-11-2016, 08:32 AM
Parent: #7
حبابك يا علاء
تراها حدود معرفتهم ووعيهم
دون قصد
فذلك سقفهم
شقيقي احمد جمهوري .. مرة بنتونس حول اطباء معرفة لنا فاشلين في مجالهم رغم تفوقهم الاكاديمي .. فقال لي
عاين انسانيتهم ناقصة
العلم نور من الله
من يطفئ نوره الداخلي سيظلم في خارجه
ليس اقتباسا منه ولكنها محاولة لتذكر منذ عشرات السنوات
شوف تصريحات ارتفاع الدولار
والغلاء
وحتي انقطاع الكهرباء
وتصريحات من اشخاص دارسين
|
Post: #10
Title: Re: الواو الضكر
Author: محمد البشرى الخضر
Date: 12-11-2016, 08:51 AM
Parent: #9
انا فهمتها يا علاء كمفارقة مربوطة مع متن المداخلة الأولى التي تتحدث عن امية اعضاء البرلمان
و بالمناسبة حميدة حركة اسلامية قديم وكان قائد غزوة احداث الجامعة ومقاطعة الامتحانات في بواكير الانقاذ كما انه كان راس رمح في موضوع التعريب
|
Post: #11
Title: Re: الواو الضكر
Author: جمال ود القوز
Date: 12-11-2016, 01:50 PM
والله يا حفيظ أمية المتعلمين وحاملي الشهادات العليا .. أضل ..
لانهم بيكونوا عارفين وفاهمين وبيضروا الناس ..
بي قرارات تعيق المواطن في رزقه وفي صحته ..
وتعيق المجتمع في أن يتقدم ..
والسبب هو ذاواتهم ومكاسبهم الشخصية ..
هسه شخصية زي مأمون حميدة ده ..
ما أخير منها زول أمي ولا يتصف بسوء النية والطوية ..
|
Post: #12
Title: Re: الواو الضكر
Author: عبدالحفيظ ابوسن
Date: 12-11-2016, 02:46 PM
Parent: #11
احكي ليك دي يا مهاجر
قبل تلاتة سنوات جاء تغير وزاري ولائي
ناس كوستي تجمعوا واوفدوا وفد للخرطوم للتمسك بتلاتة وزراء .. واعتصموا بالمحلية
عارف الحصل شنو
لم تلبي طلباتهم ابدا
لو تقدم مليون موظف لوظيفة سيادية وتم ترتيبهم من الاول للطيش
علي ثقة سوف يتم اختيار الطيش
|
Post: #13
Title: Re: الواو الضكر
Author: عبدالحفيظ ابوسن
Date: 12-11-2016, 08:08 PM
Parent: #12
حلحين
ميسرة
|
Post: #14
Title: Re: الواو الضكر
Author: عبدالحفيظ ابوسن
Date: 12-12-2016, 04:18 AM
Parent: #13
مرحب ود القوز
وحبابك
صحي كلامك
اخير منو بي مليون مرة
|
Post: #15
Title: Re: الواو الضكر
Author: اميرة السيد
Date: 12-12-2016, 05:16 AM
Parent: #14
هذا هو السودان الان يا ود ابو سن..
كل يجلس في غير مكانه....
...ونواب البرلمان المفروض يستجوبوا الوزراء
الحرامية واللصوص الذين يسرقون وينهبون قوت
الشعب جهارا نهارا ويحاسبوهم اميين لا يعرفون
القراءة ولا الكتابة...
وحتى اذا كان ما بيعرفوا القراية والكتابة على الاقل
حقو يعرفوا الصور...صور قصور الوزراء وكبار
المسؤولين خارج السودان...
والله يديك الصحة والعافية...
|
Post: #16
Title: Re: الواو الضكر
Author: عبدالحفيظ ابوسن
Date: 12-12-2016, 05:57 AM
Parent: #15
تعرفي يا اميرة
جيرانا واصدقائي د. كمال اب شمة و جمال ..
حكي لي جمال فوالدتهم امية .. ما شاء الله جميع بناتها واولادها خريجين جامعين
قال من نجي من المدرسة بتفتش الشنطة .تعاين للصاح والغلط .. زمان الصاح والغلط شكلهم واضح وكبير . بتحسب الغلط والصاح وتحاسب علي اساسو
وقال لي العقاب الاكبر لامن تلقي كتابة مافيها تصحيح
الداير يتابع بتابع لكن حكاية اختيار الامي هنا مقصودة . النقاش في البرلمان يحتاج سعة من المعرفة .. لذا وجب نومهم اثناء الجلسات
|
Post: #17
Title: Re: الواو الضكر
Author: عبدالحفيظ ابوسن
Date: 12-12-2016, 06:02 AM
Parent: #16
تشكر ود البشري
انت عندي من
الاذكياء
الذين يجيدون القراءة
مابين السطور والمدسوس منها
|
Post: #18
Title: Re: الواو الضكر
Author: عبدالحفيظ ابوسن
Date: 12-12-2016, 06:52 AM
Parent: #17
مرحب عز علي
الواو الضكر
حكوة شعبية
قالوا
رجل امي رسلو ليهو جواب . ولاقا ليهو واحد سألوا بتعرف تقرا .اجابه بي نعم
اداهو الجواب
مسك الجواب وعاين في الجواب واشر علي كلمة
وقال لي عمك
دحين ما دة الواو الضكر
عمك قال ليهو
لو انا بعرف الواو الضكر كان قريتو براي
|
Post: #19
Title: Re: الواو الضكر
Author: عبدالحفيظ ابوسن
Date: 12-12-2016, 12:02 PM
Parent: #18
مرحبا حجار
ودي بتعكس عقلية تاجر القرية
الثروة الحيوانية والزراعة والصحة
|
Post: #20
Title: Re: الواو الضكر
Author: MOHAMMED ELSHEIKH
Date: 12-12-2016, 12:57 PM
Parent: #19
وعلى العموم أهي دي الحياة
يغرق البعرف يعوم
ويرسب الحاضن الكتاب
وينجح الطول السنة عداها نوم
احلى الطيور مقفولة في اقفاص حديد
والحرة طايرة بلا شروط: غربان وبوم
|
Post: #21
Title: Re: الواو الضكر
Author: عبدالحفيظ ابوسن
Date: 12-13-2016, 05:08 AM
Parent: #20
نفى رئيس المجلس الوطني-البرلمان- السوداني، أ.د إبراهيم أحمد عمر، الإثنين، ما تناولته بعض الصحف حول أمية 109 من أعضاء المجلس. وقال إن هذا الحديث عار من الصحة تماماً، مستعرضاً في هذا الخصوص المستوى التعليمي للنواب . وأشار رئيس البرلمان عمر في تعميم صحفي، أن الوثائق بالمجلس تفيد أن 137 عضواً يحملون مؤهلاً فوق الجامعي، و193 يحملون مؤهلاً جامعياً، و41 ثانوياً، وسبعة متوسطاً وتسعة ابتدائياً. وأعرب عمر عن أمله أن تصحح تلك المعلومات . شبكة الشروق
|
|