قبل سنوات ، لا ادري كم هي بالضبط ، لاقيت صديقنا بكري ابوبكر ، جانا زائر في مدينة كالقري بغرب كندا ، اي والله ، بكري الواحد ده.. !..اتلاقينا في مناسبة معزة لأخونا واحد (في الحسبة ، بكري خالو ، وجانا بكري ممثل لأسرة عريضة ..فكرة تعكس جمال امسودان السمحة سماحة بتعجب الله الخلق الوجود ذاتو..!!).. في طرف الونسة ، يعني نظام لمن الفنان يعمل بريك ، والناس تمرق بره شوية ، الداير يسجر سجارة بريئة (زينا كده) ، والداير يصلح ليهو سفة تنباك ، تشبه دقار التيمس ، والداير يجغم ليهو من قزازة مخفية ، يحرص صاحبها على حمايتها اكتر من حماية النظام وامسودان ذاتو..!! المهم ، الونسة جابت الونسة ، وبكري كان عندو نظرية/نبوءة عجيبة وغريبة .. وقال لي: رئيس السودان القادم هو عبد الرحمن الصادق..!! وان كان بكري يذكر ام لأ ، لكني متذكر كويس ، ركبت مكنة مناتل من الدرجة الأولى وقلت لبكري: فال الله ولا فالك..!!..عبد الرحمن شنو يا عمك..! ياخي عبد الرحمن ده لو حكم امسودان ،انا ذاتي ح اسوي لي امسودان واحكمها علي كيفي..!! فهل يا ترى هذا ما ينتظر السودان؟.. لعب الصادق المهدي للتنس ، في اليومين ديل ، خلي الفار يلعب في عبي..!! ثم.. خلونا في النجيض..!!
كبر
Post: #3 Title: Re: عصيان جمهورية الحناكيش وامسودان الأخرى... Author: يوسف الطيب احمد إدريس Date: 12-11-2016, 08:41 AM Parent: #1
سلام كبر ودينق
[[وقال لي: رئيس السودان القادم هو عبد الرحمن الصادق..!!]]
صديقي وابن الصحفي المخضرم المعروف حكى لي في العام 2011م ان البشير اتصل بالصادق المهدي قاليه عايزك بكره تصلي معاي الصبح عايزك في موضوع ضروري فعلاً مشى الصادق وصلى الصبح مع البشير بعد الصلاة قعدو براهم، البشير قال للصادق عايز ولدك عبد الرحمن يمسك الرئاسة بعدي عايز لي زول عسكري اثق فيه !! الصادق رد عليهو قاليهو ومالهم جماعتك ؟! البشير رد عليه : جماعتي ديل ما بثق في زول فيهم نهائي.
دا الحكى لي صديقي بالتفصيل
Post: #4 Title: Re: عصيان جمهورية الحناكيش وامسودان الأخرى... Author: Kabar Date: 12-11-2016, 09:02 AM Parent: #3
يوسف..حبابك يا صديق..
البوست ماشي في نواحي تانية وغريبة يا عمك...!!
اما اصحابنا ، بيت ألأشباح دينق اخوان ، لو فيهم بخور ينشم ، اخير يراجعو خيط كمال الزين عن تاريخ التم تم...!! ويا دينق ، الشيوعيين تاني ما عندهم مكنة بتقسم فينا يا عمك..!! فهم عندنا دواعش اظرط نطرفا من عمر البشير واالكيزان..وصدقني ، نحن لهم بالمرصاد...!!
Post: #5 Title: Re: عصيان جمهورية الحناكيش وامسودان الأخرى... Author: Kabar Date: 12-11-2016, 09:06 AM Parent: #1
ايام اضراب الأطباء ، كان نظام عمر البشير قد شعر بخطورة الوضع ، وحاول قدر الإمكان تجنب العنف ، ثم جاءت لحظة المظاهرات التي قادتها النساء واطفال المدارس في شوارع الخرطوم ، وحينما اشتد اوارها واصبحت خطر حقيقي على النظام ، كانت فكرة العصيان التي جاءت من جهة مجهولة تماما ، ولكنها نجحت واوصلت رسالة كبيرة ومهمة للنظام ، فقام باجراءات اشبه بالمسكنات ، مثل فصل بعض مسئوليه والإعلان عن تراجعه عن رفع الدعم عن الدواء والعلاج ، واخذ اهله يحدثون طوب الأرض ليؤكد لجمهورية الحناكيش ان الأمور لم تتغير كثيرا..
كبر
Post: #6 Title: Re: عصيان جمهورية الحناكيش وامسودان الأخرى... Author: Kabar Date: 12-11-2016, 09:08 AM Parent: #5
جمهورية الحناكيش هي العاصمة السودانية واحزابها العتيقة التي سكن العنكبوت في اعشاش ادمغة اهلها ، واصبحت تخترع معركتها الخاصة التي تسمى اسقاط النظام والتي تريد فرضها على شعوب السودان باعتبارها معركة مشروعة، نعم..معركة الحناكيش الآن هي اسقاط النظام وكفى ، ثم بعد ذلك كل مشكلة وسوف تحل بصورة سحرية..!
كبر
Post: #7 Title: Re: عصيان جمهورية الحناكيش وامسودان الأخرى... Author: Kabar Date: 12-11-2016, 09:10 AM Parent: #6
ومثل هذه القوى السياسية الحنكوشة ، لا تعرف الواقع والتاريخ ، ولا تريد ان تنبرى الناس وتذكرها بذاك الماضي المشين واهدار الفرصة تلو الفرصة لبناء دولة المواطنة والمؤسسات والحقوق والقانون والعدالة والتنمية..وانما طفقت تخوض معاركها الخاسرة التي تمثلت في صراعات ذاتية لا علاقة لها بالسودان ، فاضاعت تلك القوى فرصة الإستقلال ، وفرصة اكتوبر وفرصة ابريل ، وغيرها من الفرص ، ولم تعمل مطلقا لإصلاح حالها وترتيب نفسها لتبني مؤسسات تجعل المواطن السوداني العادي (طبعا غير مواطن العاصمة) بان يشعر بانه تعبر عنه وعن قضاياه..فان كان النظام سئ للغاية ولم يستوعب الدروس طيلة السبع وعشرين سنة الماضية ، فان القوى السياسية السودانية الكبيرة لم تستوعب الدورس طيلة الستين سنة من عمر الدولة السودانية الحديث ، والأنكى انها تحاول ان تتناسى كل ذلك الإرث المشوه وتريد ان تقود عصيانا مدنيا الآن..!\
كبر
Post: #8 Title: Re: عصيان جمهورية الحناكيش وامسودان الأخرى... Author: على تاج الدين على Date: 12-11-2016, 09:58 AM Parent: #7
ومثل هذه القوى السياسية الحنكوشة ، لا تعرف الواقع والتاريخ ، ولا تريد ان تنبرى الناس وتذكرها بذاك الماضي المشين واهدار الفرصة تلو الفرصة لبناء دولة المواطنة والمؤسسات والحقوق والقانون والعدالة والتنمية..وانما طفقت تخوض معاركها الخاسرة التي تمثلت في صراعات ذاتية لا علاقة لها بالسودان ، فاضاعت تلك القوى فرصة الإستقلال ، وفرصة اكتوبر وفرصة ابريل ، وغيرها من الفرص ، ولم تعمل مطلقا لإصلاح حالها وترتيب نفسها لتبني مؤسسات تجعل المواطن السوداني العادي (طبعا غير مواطن العاصمة) بان يشعر بانه تعبر عنه وعن قضاياه..فان كان النظام سئ للغاية ولم يستوعب الدروس طيلة السبع وعشرين سنة الماضية ، فان القوى السياسية السودانية الكبيرة لم تستوعب الدورس طيلة الستين سنة من عمر الدولة السودانية الحديث ، والأنكى انها تحاول ان تتناسى كل ذلك الإرث المشوه وتريد ان تقود عصيانا مدنيا الآن..!\ سلام يا كبر ده كلام عقل وكلام زول فاهم سياسة صاح ما مهرج
Post: #9 Title: Re: عصيان جمهورية الحناكيش وامسودان الأخرى... Author: ياسر منصور عثمان Date: 12-11-2016, 11:01 AM Parent: #1
فاضاعت تلك القوى فرصة الإستقلال ، وفرصة اكتوبر وفرصة ابريل ،
كتبت مشاركة بنفس المعنى في احد البوستات ..فأتهمنى احدهم بأنني كوز.. فتأمل يا رعاك الله..
بعد التحية والسلام للاخ كبر وضيوفه
Post: #10 Title: Re: عصيان جمهورية الحناكيش وامسودان الأخرى... Author: د.محمد حسن Date: 12-11-2016, 11:23 AM Parent: #9
الاخ الكريم كبر
رغم اني اتفق معك في اهدار القوى الوطنية لكل الفرص لكن هذا لا يعني ان نبخس الانتفاضة الصامتة حقها فلندفع بالعصيان وفي نفس الوقت نتدارس ونعمل على خلق دولة الموطنة بدلا من دولة الفساد دعنا نتفق ان حكومات ما قبل الانقاذ سلم تعي الدرس ولكن حكومة الانقاذ هي اس الفساد فلنجتث الفساد لتقوم دولة المواطنة
وألأخطر من كده يا علي ، نحن ناس لو مشت لعمر البشير وقالت ليهو جيب رقبتك نضبحك لأنو الشعب داير كده ، صدقني ، عمر البشير ح يوصي نسوانو و اهلو ويتوسد القبلة ، ويقول لينا وكتين شايفين كده ، اهو الشهادة لله ورسولو..!! ونضبحو في شان منو يعني؟ في شان الشيوعين ومخالبهم بتاعة قطاع الشمال وحركة تحرير دارفور (جناح عبد الواحد محمد نور)؟؟؟؟!! علي بالحلال يا علي ، رجالة ساكت نقيف معاهو ، وبعدما يمرق في السهلة ، ح نقول ليهو اقيف يا ولد هوي الحساب يجمع يا اخينا ، وألأغرب ح يركع ويقول حسابكم معاكم يا ناس والشايفنوا يصير..!! كبر
صديقنا ياسر..حبابك لاتحزن يا صديقي ، فما تقول هو وجدان خلق كتيرة للغاية ، والحناكيش يظنون ان السودان هو فقط الخرطوم..!! النخبة التي تدعم العصيان الآن فات عليها فهم بسيط للغاية: ان العصيان الذي يسقط نظام عمر البشير ، هو ايضا عصاة في وجه النخبة التي تظن انها البديل ، وصدقني لمن يفهموا المبدأ بكرة ح يرجعوا يتضامنوا مع النظام مثلما تضامنوا من قبل..!! كلهم يا صاحب اقتاتوا من فتات موائد النظام ، واليوم عاملين فيها انبياء الطهر...!! ما فات عليهم ، ان الذاكرة الإنسانية اصبحت مدونة ومبذولة للجميع...يعني حكاية الغش والحنك..ما عاد ليها جدوى..!!
صديقي محمد حسن..حبابك.. كتر خيرك على شجاعة المرور من هنا.. يا اخوي هوي انا لم ابخس اشياء الناس ، وانما اقولها بالفم المليان: نعم للعصيان المدني نعم للمظاهرات السلمية ، ونعم لإسقاط نظام عمر البشير ..!! واكتر من كده اناشد عمر البشير ان يقطع وشو من الشعب السوداني عشان نشوف شغلنا..!! يا صديقي العصيان الذي يدعو له البعض هنا لا يمثل خلق كتيرة في السودان ، وان اختارته اقلية ، بالتحديد حناكيش جمهورية الحناكيش في الخرطوم ، فليس لدينا مشكلة مع ذلك ، بالعكس نقول لهم امضوا في عصيانكم لأخر الشوط ، وتقبلوا نتائج ما يحدث ، ومنها ، اننا سوف نجيش جيوشنا الخاصة ، ونخوض معركتنا الخاصة ، حتى لو كانت فرزعة السودان حتة حتة ، فلا يمكن يا صديقي ان تسكت على من يقول :الشيطان افضل من النظام الحكام الآن..!! مافي مشكلة تب ، وأي سوداني ود مقنعة بيقول الشيطان افضل من النظام ، بنقول ليهو حبابك عشرة ونحن ابعد مسافة واكثر بؤسا من الشيطان في ذات نفسو..!! وبعدين ما تجي تملانا فقر في السهلة..!! المشكلة شنو يا محمد حسن؟..امشوا اسقطوا النظام / ما عندنا مشكلة معاكم ولا مع النظام ، لكن مافي زول بيقدر يمنعنا من تنفيذ الفي راسنا..!! نحن احرص الناس على ان يستمر العصيان المدني ، ونحن احرص الناس على سقوط النظام ،ببساطة لأنو بقاء النظام وقف مصالحنا.. فاشمعنا قوى تكون مصلحتها اسقاط النظام عشان تهندس ما تبقى من سودان على مزاجها ،و في نفس الوكت نحرم نحن من اختيار خيارنا الخاص؟
نعم للعصيان المدني ، ولو البشير بيسمع كلامنا اخير يقطع وشو، اللحظة دي، من السودان عشان نشوف شغلنا..!! كبر
Post: #13 Title: Re: عصيان جمهورية الحناكيش وامسودان الأخرى... Author: علي دفع الله Date: 12-11-2016, 12:42 PM Parent: #11
ههههههه وبرضو بي هنا مدور الضبح شخخخخ ها زول حرم عافي منك تب يا فارس الفراس
اضبح الشوايعة الباشبزك اولاد ام زقدة ...اكلو قروش المساكين وضيعوا البلد وكتلوهم بي الانتنوف وخلوهم جري وطيران من هنا لا عند اسراييل . اضبح الشوايعة يا كبر ولا تأخذك بهم رأفة .. #اضبح يا كبر_كل شوايعي السودان# المافي شنو
Post: #14 Title: Re: عصيان جمهورية الحناكيش وامسودان الأخرى Author: معاوية الزبير Date: 12-11-2016, 01:05 PM Parent: #13
بي إسم منو يكتب مولانا كبر من هم هؤلاء الذين سيفتحون ديارهم للكيزان لما يتزنقوا
Quote: عهر الشيوعيين العاملين فيها دايرين يركبوا موجة العصيان المدني ، ما عندنا بيهو شغلة.. فليسقطوا النظام في الخرطوم ، واهو ديك الخنادق محفورة حول ابار البترول في أبيي ، يعني لو الكيزان اتزنقوا بنفتح ليهم دارنا زي الترتيب ، كيتا في الوهم البتقول الشيطان ولا عمر البشير..ح نقيف يا دينق مع عمر البشير قصاد الوهم الشيوعي وهنجكة المعارضة السودانية ، وبعد ما تصفى ، بنعرف كيف نحاسب عمر البشير...!! واهو السكة قدامكم.. امشوا سقطوا عمر البشير في الخرطوم..!! وح نفتح مليون خرطوم..!!
بى اسم الامن يا ود الزبير مش قبل كده فتح بوست فيهو انه يعلم الكثير المثير عن تمويل الحركات المسلحة و بيعها للعملة فى جنوب السودان و وين كده ما عارف و هو جاهز لى تقديم تلك المعلومات بالاسم و التاريخ داير شنو تانى اكتر من كده
خسارة كبيرة للمثقفين والمؤرخين أن تكون هذا هو الموقف السياسي لأحد مبدعيهم والخسارة الأكبر له أن الناس لن يصغوا لإبداعه وهو يكتب بهذه اللغة مثله مثل منصور المفتاح الوصف منى بت نفيسة بـ
Quote: البرطاعه أم ضلاف
إذن ماذا سيكتب أعضاء البرلمان الأميين إذا قيضت لهم معجزة سماوية أن يكتبوا رغم أميتهم؟!
علي دفع الله.. تولشي شنو يا وهم؟..يعني عامل فيها بتعرف تولشي؟..على بالحلال حكيك عن تولشي الإ كن يقسم في حناكيش وحنكوشات الحزب الشيوعي ، ولو بيثقوا في شهادتي بقول ليهم على دفع الله من تولوشي ما عارف غير اسمها ، اما انا. فلقد سرحت فيها ببقري (برجوازي عديل) واكلت فيها الفقوس والسمسم المطحون.. مافي شيوعي عمل الحركة دي..!! وبرضك.. تولوشي يا على دفع الله مافيها ابيار بترول..!! وكتر خير اخونا وزير البترول في الحكومة اليومين ديل ، قام حفر خندق ، بملايين الجنيهات ، حول حقول البترول في أبيي، يعني يا علي دفع الله نحن جاهزين تب...اسقطوا الحيكومة في الخرطوم ، لكن أوعى تعتبتوا علينا في ابار البترول هناك.. ودويلة الجنوب لو ركعت لماركس في ذات نفسو ما ح تقدر تجينا هناك..شفت اللعب كيف نضيف يا صديقي..!! نعم للعصيان المدني يا علي دفع الله ، عشان نقطع وشنا من خرتوم الحناكيش..!! كبر
ول ابا معاوية الزبير.. صدقني كبر هو من يكتب باسمو في هذا الملأ.. الكيزان ، يمكن تكون واسعة شوية ، لكن عمر البشير كان حايم في ديارنا ، وناس كتيرة ممكن ترحب بيهو لو سقط نظامو..!! مش انت يا كا معاوية ، القبل يومين كنت حايم في بوست صديقنا ول ابا الأمين البشاري؟.. شفت الوعي البيوثق ليهو الأمين ، هو اتنين في المية من الواقع الحقيقي..!! وما عندنا مشكلة تب يا معاوية ، اذهبوا لعصيانكم ، اذهبوا لمظاهراتكم ، اسقطوا النظام ، اقتلعوا النظام.. كلو حقكم ومبروك عليكم..فاشمعنا زعلانين لمن نقوم نسيطر على حقول البترول؟.. واشمعنا زعلانين لمن نقول ليكم الحقيقة بانو سودان ما بعد العصيان واسقاط النظام ، ما بيلزمنا؟.. كبر
والعصيان المدني ليس برجس من عمل الشيطان ، وانما هو خصلة حضارية وسلمية وفعلتها شعوب كثيرة محترمة ونالت ثمارها ، ولكن..! حينما كانت الأحوال طيبة وفيها بعض من الإنفراج الإقتصادي ، كانت جمهورية الحناكيش تستمتع برغد العيش فتمطي الفواره ، وتملأ كروشها بالطعام المتوفر و تستغل البترول الذي قام انتاجه على دماء تسفك وتسفح في اطراف البلد..ولم تكن جمهورية الحناكيش تفكر في كيف تأتيتها مثل تلك الطيبات ، وانما كانت تظنها حقها السماوي والطبيعي ..اما الحروب التي كانت تدور في الأطراف ، ومعاناة اهالي الأطراف ، فهذه امور لم تكن من ضمن اجندة واولويات جمهورية الحناكيش..! حينما جاء نظام عمر البشير للحكم في اول مرة ، كان هناك حزب شيوعي واحد ، وحزب امة واحد ، وحزب اتحادي ديموقراطي واحد ، وحزب بعث عربي واحد ، وحركة شعبية واحدة ، والآن النخبة الحنكوش بدل أن تواجه ذاتها وتصلح اخطاءها ، فلقد انغمرت في تدمير ذواتها وتريد أن تهدم المعبد على روؤس الجميع..! في انتفاضة اكتوبر 1964 ، كانت الحرب موجودة ، ولكنها في اطراف البلد ، محصورة بين حركة الأنانيا والحكومة السودانية ، في انتفاضة مارس-ابريل 1985 ، نفس الحرب كانت موجودة ، وكانت بين طرفين فقط ، ولكن حينما سقط نظام جعفر نميري ، وجاءت الديموقراطية ، توسع نطاق الحرب الى وصل بقاع لم تكن الحركة الشعبية تحلم بالوصول لها..!
الأوضاع في السودان بلغت مرحلة من الضيق ، ولكنها ليست مرحلة تدعو البعض لليأس.. الضائقة الإقتصادية واقع ولا جدال فيها.. سيطرة الحزب الواحد على مقالد السلطة واقعة ، ومعها واقعة ان هناك احزاب ، شئنا ام رفضنا تشارك النظام السلطة.. النظام قدم تنازل يمكن ان يصلح اساس لبناء مستقبل السودان ، وهو ما سماه بالحوار الوطني والوثيقة الوطنية التي كانت نتاج ذلك الحوار..! الحوار الوطني كان فيه تمثيل واسع للغاية : احزب ، منظمات ، افراد ، حركات مسلحة ، شئنا ام ابينا هذا واقع..! وفق هذه المعطيات ، ومعطيات اخرى ، تجئ الدعوة للعصيان المدن و المظاهرات واقتلاع النظام ، وهي امور مشروعة وخيارات من حق البعض تبنيها..ولكن..!
كبر
Post: #21 Title: Re: عصيان جمهورية الحناكيش وامسودان الأخرى... Author: حمد عبد الغفار عمر Date: 12-11-2016, 02:23 PM Parent: #19
فاشمعنا زعلانين لمن نقوم نسيطر على حقول البترول؟..
يا كبر البترول دا ظهر جديد ؟ مالكم لما كانو الناس بمصوا فيهو مص ما سيطرتو عليهو وريني فائدة واحدة استفادتها منطقتك من البترول خلال الـ 10 سنوات الماضية أو لو عارف وين قروشو بتروح برضك ورينا
لم يعد السودان ملك حكر لجمهورية الحناكيش في الخرطوم فقط ، فالسودان ،حتى بعد الإنفصال ، لازال وطن مترامي الأطراف ، وان كانت النخبة التي تدعو للعصيان قد فرضت التغيير الفوقي من قبل (حقيقة قامت بسرقة جهود الشعب ) في تجارب اكتوبر وابريل ، فالآن الوضع مختلف تماما ، وكل الشعب السوداني من حقه ان يقول رأيه في التغيير وبكل وضوح..! الأغرب في الأمر ، ان من يدعو للعصيان المدني ، البعض منهم كأنما يريد ان يفعل امرا غير مشروع ويتلفت حوله مذعورا ، ويضرب اخماس في اسداس ، يعني حالة تردد تمامة ، وهذيان كهذيان من اصابته حمى الملاريا ، وطلعت ليهو في راسو وصار يهرف بما لا يعرف ويجوط يمين وشمال.. من ضمن التخوفات ، ان اهل العصيان المدني الآن ، يحاولون التبرير لفعلهم (وجلهم غير مقتنع بالفعل والتوقيت) بالشكوى من الأراء الأخرى ، الأراء التي تقول الواقع كما هو..! اقوال كثيرة عمت المنتدى ، وما جواره بان تشبيه السودان بحال بلدان اخرى هو نوع من التخويف والفزاعة التي يرفعها النظام خوفا على كرسي السلطة.. فهل هذه واقعة؟..
قبضنا كتير يا عمك في العشرة سنين الماضية..ولكن ده علاقتو شنو بالخيط هنا؟..
ياخي الخيط واضح: الداير يسوي عصيان مدني ، حبابو عشرة ، قشة ما تعتر ليهو.. لكن كمان ما يتعارض قدام خيارات الأخرين..!! دي دايرة ليها درس عصر كمان؟ خليك من قروشنا مشت وين ، وصدقني نحن عارفين ، امشى ادعم العصيان المدني للآخر ، ونحن بندعمك..انت اسقط النظام في الخرطوم ، ونحن ح نستولى علي صناعة البترول في دارنا..!!..يعني فيها مشكلة؟...ولا انت داير تسقط النظام في الخرتوم ، وبرضك تغنمنا فئ هامل زي ما حصل زمان في اكتوبر وابريل؟.. يا صاحب ، اعملوا عصيان مدني ، اسقطوا النظام في الخرطوم ، لكن خلانا ده ما عندكم بيهو شغلة ، ان شاء الله نأجروا لداعش..!! كبر
وصف الاستاذ كتابا ما قائلا: إنما هي الخواطر الفطيرة، الفجة، تسجل تسجيلا، وترسل إرسالا ، وللأسف لم أجد في كتاباتك أعلاه ما يحيد بها عن هذا الوصف و لو بقدر يسير. و لكن استوقفتني مقارنة عجيبة بين سنوات الاستبداد العجاف متمثلة في حكم الكيزان و بين تعثر الديمقراطيات وعدم رسوخها في هذا البلد منذ فجر الاستقلال. و العجيب أنها تقارن نتيجة (عدم رسوخ الديمقراطية) مع علة لذات النتيجة و هي الاستبداد ! الديمقراطية كما يقول إيليا حريق جذابة لذاتها و للرغبة فيها. و بهذا الفهم فهي مطلوبة دائما لمن رغبها و في كل وقت مهما تمنعت و غلا مهرها. فالرغبة في القيم الديمقراطية تظل وقادة . و لكن كلما تم اختزال أسباب تعثر الديمقراطية في خواطر سطحية لا تحيط بكل العوامل الفاعلة في هذا التعثر ، و تقصره فقط على ممارسات التكوينات السياسية ، كلما كانت القراءة ناقصة وأفضينا بالتالي إلى مثل هذه المقارنات العجيبة .
لا شك أيضا أن تعثر الديمقراطية فيما سلف لا يبرر أبدا النيل من هذه ال "لا" النبيلة في وجه من قال نعم و التي ارتضاها مواطن سوداني ومواطنة سودانية عصيانا و تعبيرا لرفض الاستبداد و هي حق لهم كامل غير مطفف ولا مشروط.
............................. أوصاف "حناكيش العاصمة ...و جمهورية الحناكيش...هنجكة ... و لا تعرف الواقع و التاريخ" و ما شابه ، بالتأكيد لا تستحق الرد عليها.
Post: #27 Title: Re: عصيان جمهورية الحناكيش وامسودان الأخرى... Author: سيف النصر محي الدين Date: 12-11-2016, 04:35 PM Parent: #26
يا كبر انت ضد عصيان الحناكيش بتاعين الفيسبوك و ضد نضال المهمشين المسلح في دارفور و كردفان و في النيل الازرق. يعني ببساطة انت ضد اي عمل لاسقاط النظام. الحكومة تسقط من الخرطوم بعصيان مدني، بمظاهرات، بانتفاضة مسلحة او باي طريقة. الحكومة في الخرطوم و تسقط في الخرطوم. هذا هو السودان. بعد اسقاط الحكومة و قيام نظام حكم جديد يبدأ العمل الفعلي لحلحلة بقية مشاكل البلد و الناس دي كللللها بتبقى امام الأمر الواقع المتمثل في وجود حكومة جديدة في الخرطوم. فيا كل ابنائنا الذين في معزل اركبوا معنا و لا تكونوا مع الفاسدين.
Post: #28 Title: Re: عصيان جمهورية الحناكيش وامسودان الأخرى... Author: حمد عبد الغفار عمر Date: 12-11-2016, 05:12 PM Parent: #27
كيف علاقتو شنو ؟ انت بتفتكر بعد ذهاب الإنقاذ حيكون مسموح لي زول يقول منطقتي ول قبيلتي ولا في زول تاني بسمح بالمفاهيم القديمة بتاعة النظار والعمد ديك الشباب القائم دا انقلب على ساحره ومافي شئ بثبتوا أبدا غير بناء سودان معافى خالي من أي فساد ودي أول حاجة يا كبر بتكتب من ذاكرة قديمة واركان النقاش والندوات السياسية الخ هسه سامع ليك صوت مكرفون ؟ ول حتى شايف ليك زول ول اسم زول ؟ تحس بالعصيان دا سايقاهو كائنات فضائية بس
Post: #29 Title: Re: عصيان جمهورية الحناكيش وامسودان الأخرى... Author: جمال ود القوز Date: 12-11-2016, 05:25 PM Parent: #27
متابعنكـ يا كبر .. ولو ما ردينا علي تجلياتك الأخيرة .. والأنا شايفها وقاريها بعيدة كل البعد عن كبر العرفناهو .. مافي مشكلة .. أهو الواحد يشوف كبر من وجوه أخرى خافية على الواحد .. طبعاً البتقول فيهو ده يا كبر هو رأيك وخياركـ .. وأكيد على العين والراس .. ومافي زول بيقدر يقول ليك تلت التلاتة كم في خيار انت شايفه صاح .. لكن الماعاجبني في كلامك ترديدك وبطريقة مستفزة جداً .. ( لحكاية حناكيش الخرطوم دي ) .. وليه الوصف ده أصلاً .. وأيه سبب غضبتكـ دي .. وهل العصيان ده قايمين بيهو ناس الخرطوم بس .. ولا ده عصيان لكافة أطياف الشعب السوداني .. وهل بالضرورة ناس الخرطوم حناكيش يعني ! .. وحنكشتهم دي علاماتها شنو ؟ .. يأخ ده كلام مفروض تقيف كتير مع نفسكـ قبل أن تردده وبالصورة الرتيبة دي .. ولازم تسأل نفسكـ هل تعميمك وتصنيفك ده منطقياً مقبول ولاّ لا ..
أنا غايتو شايف حملاتك المضرية دي ردود أفعال شخصية .. ليس الا والواحد بيحسك شغال بي نظرية الاتبلبل أخير يعوم .. لكن والله ياكبر أحسن تراجع نفسك وتقيف تتأمل ما كتبت في خاليات الأيام .. وتشوف هل نوعية الكتابة دي بتليق بكبر !! .. وهل أضافت ليك أم خصمت منكـ .. ولو لقيتها خصماً عليكـ .. لازم تعمل خط رجعة وتمسك دربك العرفوك بيهو الناس هنا .. وسيبك من اسقاطات محاولة رد الصاع .. كانتقام لنفسك لأنه لن يزيدك الا ترديا .. ودي حاجة ما أظن نرضاها ليكـ .. قول رأيك في العصيان .. أو غيره .. لكن ليس بهذه الطريقة التي آليت على نفسك ان ترد بها .. بعدين لاحظ .. انت لم توفر أحد أو اتجاه الا وهاجمته وبطريقة لا تليق بكبر ..
راجع نفسك يا كبر ..
Post: #30 Title: Re: عصيان جمهورية الحناكيش وامسودان الأخرى... Author: سيف النصر محي الدين Date: 12-11-2016, 05:43 PM Parent: #29
بترول شنو الركبوا بيهو الفواره or whatever و ملوا بيهو كروشهم و بطونهم؟ هذا دأب السودان مذ وعى اهله عليه..الحبوب و السمسم و العصارات و الصمغ في غرب السودان من تاجر فيها؟ و من اثرى و من بنى البيوت الكبيرة و المخازن الوفيرة و الدكاكين الكتيرة من ارباح تخزينها و نقلها و تصديرها و لا يزال؟ هي جات على البترول براهو؟
حزين جداً و انا اقرأهذه السطور يا كبر ... و انا ( حنكوش ) من أبناء الخرطوم ... ماذا جرى لكبر الذي كنا نعرفه ؟ ... ام هي الحقيقة التي نجهلها ...
يا كبر ... خليل فرح ... ( ابن الهامش ) و الاتي من اقصى شمال السودان ... فهم معنى عزة بعمق اكثر من وصفك الانشقاقي أعلاه ... خليل فرح حينما وصف ( عزة ) علمنا و قال لنا :
عزة في حذا ( الخرطوم ) قُبال و عزّة من جنان ( شمبات ) حِبال و عزّة لي ربوع ( ام دُر ) جِبال و عزّة في الفؤاد دوا يشفي الوبال
الم يعلم خليل فرح ان هناك جوبا و مدني و الجنينة و كسلا و حلفا .؟ بلى ... و لكنه كان اوعى بان يعلم ان البوتقة التي ينصهر فيها كل اهل السودان هي العاصمة ( عاصمة الحناكيش ) كما اسميتها ... اسفي ان أرى بعد قرب المئة عام من صياغة عزة ... ان نراك تصور السودان هكذا ...
يوما من الأيام تمنيت ان اقابلك في نواحي الدلنج او الجنينة لنجلس جلسة صفاء و اسمعك و انت تحكي بحكيك العميق عن تلك الربوع و عن غيرها و نحن ملتفين حول اقداح من ( دقة السمسم ) ... لأني حتما كنت سأعود للشرب فقط في تلك الجلسة ...
عُد يا صديقي ... وانا لم افقد الامل فيك بعد ...
Post: #31 Title: Re: عصيان جمهورية الحناكيش وامسودان الأخرى... Author: منتصر صلاح Date: 12-11-2016, 05:49 PM Parent: #29
Quote: فاشمعنا قوى تكون مصلحتها اسقاط النظام عشان تهندس ما تبقى من سودان على مزاجها ،و في نفس الوكت نحرم نحن من اختيار خيارنا الخاص؟
مساء الخير انتو منو يا كبر..تتحدث بلسان من؟
Post: #34 Title: Re: عصيان جمهورية الحناكيش وامسودان الأخرى... Author: أمين محمد سليمان Date: 12-11-2016, 06:34 PM Parent: #33
يا محمد النور كبر ...سلام يا رجل و لعلك بخير ... يبدو إنو مرت مياة كثيرة جدا تحت الجسر من آخر مرة الزول كتب في المنبر ... مياة كثيرة ...لكنها آسنة يا صديقي ..لانو والله الكلام الكتبتو ده أعتى الكيزان ما يجرؤو يقولوه !!!
ثم إنو المغالطات التأريخية و المنطقية الاستندت عليها أعجب من إتجاه كلامك نفسو ...يعني لمن تتكلم عن القوى السياسية الحنكوشة ..و إنت قاصد الأحزاب ... ديل مقابلهم القوى السياسية الما حنكوشة و ديل الحركات المسلحة اللي من ما إنت جيت المنبر ده واقف ضدهم ... المنظر هسي انك ضد كل القوى البتقيف لاسقاط النظام كان حنكوشة ولا لا !!!! ليه بتخش في مغالطات تاريخية و منطقية لاثبات إنو الاحزاب هم سبب نكسة الديمقراطية لمن هم بقو في فهمك القوى المهددة للنظام ألان ؟ القاسم المشترك بين الأحزاب ألان و بين الحركات المسلحة انهم بيسعوا لاسقاط النظام ...و إنت كتابتك كلها في نقد الاتنين ديل !! و طبعا من حقك تكتب ما تشاء ...لكن كمان نحن ذاتنا من حقنا نظن ما نشاء ...بالذات لمن يكون ظن مدعم بمنطق !!!
ثم تقول يا سيدي عن نفس هذه القوى الحنكوشة :
الماضي المشين واهدار الفرصة تلو الفرصة لبناء دولة المواطنة والمؤسسات والحقوق والقانون والعدالة والتنمية..وانما طفقت تخوض معاركها الخاسرة التي تمثلت في صراعات ذاتية لا علاقة لها بالسودان ، فاضاعت تلك القوى فرصة الإستقلال ، وفرصة اكتوبر وفرصة ابريل ، وغيرها من الفرص
و الكلام ده ما صاح لانو صورة طبق الاصل من منطق جماعة "انما قتلوه الذين أخرجوه من دياره " ...عمار و الفئة الباغية !! تتناسى العسكر اللي ما ادو الديمقراطية أي فرصة لتنمو و تزدهر كان بعد الاستقلال كان بعد أكتوبر و كان بعد ابريل و تلوم الاحزاب ؟! و انا لا أبرئ الأحزاب من سقطاتها و مشاركتها في وأد الديمقراطيات المتعاقبة لكن بالتأكد دورهم كان ثانوي جدا و متمثل في عدم عملهم على وضع الجيش بما لا يسمح بحدوث انقلابات عسكرية ... أما الممارسة السياسية ... فكيف يعني عايز احزاب طالعة من تجارب دكتاتورية طويلة المدى في تلاتة أربعة سنين هي كل الفرصة ألي العسكر و من معهم ادوهم ليها قبل ما يستولوا على الحكم مرة أخرى ؟!! ياخي خيطك ده على قول دكتور بدوي لو متذكر صاح عجيب و غريب ... اعملوا عصيان و سقطوا الحكومة من حقكم ...لكن كان سقطوا الحكومة ما تتجرسوا لمن نحن نحتل ابار البترول !!! ياخي ده أغرب و ألذ تهديد أنا أسمع بيه ... المشكلة إنو مافي شي لذيذ هنا يا محمد النور !!! أول حاجة انتو منو يا كبر ؟!! عموما يا سيدي ... الموضوع بالنسبة لي بسييييييط ...طاعم و قصير على قول أمي الله يرحمها : في عصيان يوم 19 ...العصيان ده خطوة في طريق اسقاط النظام ... أي زول بقيف ضد العصيان ده واقف مع النظام خليه البهدد كان سقطوا النظام بنحتل آبار البترول !!!
Post: #36 Title: Re: عصيان جمهورية الحناكيش وامسودان الأخرى... Author: MAHJOOP ALI Date: 12-11-2016, 07:20 PM Parent: #34
امين الياسمين مشتاقين وطلتك عيد . الحكاية دي اصبحت ديدن اخونا كبر في كل مرة تواجه السلطة مشكلة ففي ايام الاحتجاجات الطلابية كان رد كبر ، الاقتباس ادناه : ( te: كل مدن غرب السودان عندنا يا حبيب.. باقي ليك الجموعية بيلغبهم يمسكوا الخرتوم؟.. خلي تاني شيوعي ولا شيوعية يفتح خشمو.. السفاهة حدها بنعرف كيف نوصل ليهو..!! ويا عمر البشير ، خلي الله يقدرك تعدل خارطة طريق..!!)
Post: #39 Title: Re: عصيان جمهورية الحناكيش وامسودان الأخرى... Author: عبد الصمد محمد Date: 12-11-2016, 08:07 PM Parent: #36
تحية كبر
المسألة يا أخوي واضحة حاسمة ومصيرية وهي بإختصار مواجهة بين طاغية وحاشيته مع قوى عديدة تتقدم صفوف شعبها متحدية الطاغية طيب هدف الطاغوت في المواجهة شنو؟ بالطبع تحقير الجبهة المعارضة ليه وما هي أدوته للتصدي للمعارضين وتحقيرهم ومن يقوم بهذه المهمات وما مدى فعالية أسلحتهم في التشهير بخصوم النظام؟ ما فائدة الأقنعة والمسارات المواربة في الضرب تحت الحزام؟ أي الأشكال المواربة والغطاءات تستخدمها جبهات الدفاع عن النظام؟ كل يوم سلاح أو فرية جديدة والهدف واحد التصدي للطلائع الوطنية ودمغها بكل ما هو مشين ووصفها بأشنع الصفات مع شوية إنتقادات خجولة للنظام لا تؤثر في النهاية في الوصول لهف هؤلاء وهو إظهار خصوم النظام بكل المظاهر الكريهة
Post: #40 Title: Re: عصيان جمهورية الحناكيش وامسودان الأخرى... Author: doma Date: 12-11-2016, 08:53 PM Parent: #36
امونه ومحجوب علي يا ناس والله جيت اسالمكم ومحتاره للطيش يا كبر يا وليدي
أحسن ليك ما تبدل سقط كندا بالرهاب ..حتى لو السقط هرد عضمك .
المرة دي غيييير.. صدقني . الشعب معظمه عرف وتأكد إنه يا هو .. يا عصابة الإنقاذ . الوضع غير محتمل بتاتاً بتاتاً بتاتاً .. ومكنة الكيزان دي تاني ما بتمشي في زول حتى الأطفال بقو واعين بالحاصل . فأحسن تصون نفسك وقلمك وتاريخك من هذا الهراء .. وما حا أقول ضميرك لأنه واضح إنها كتابة من ورا القلب .
المرة دي الإنقاذ طيارتها قامت ..يعني قامت . والشعب بقى ما خايف من فوضى ولا غيره ..المسألة بقت مسألة ثأر بينه وبين الحرامية . ومسألة وقت..
-------
و غايتو يا شماتة أبلة ظاظا فيكم ...شرطتوا عيننا. أقعدوا باروا لي تطبيل الكيزان الوهم ديل ..يغشو فيكم بكلمتين وإنتو تصدقوا !! ليت الإنسان لا يفقد جوهره مهما حصل . فما قيمة الحياة بدون جوهر ؟!!
تحياتي كبر وضيوفه من كل الكلام الفوق دة طلعت بخلاصة تخص فهمي لا اكثر وهو تهديد مبطن من جهة لم اعرفها ضميرها انتم !! لو اسقطتوا هذه السلطة سننفصل بكامل الغرب
Post: #41 Title: Re: عصيان جمهورية الحناكيش وامسودان الأخرى... Author: عادل البراري Date: 12-11-2016, 09:23 PM Parent: #38
تدور الأيام كبر ويأتي الذي لا يتزحزحلماذا ثم لماذا قبضت خطواتك ان تمضي مع الوفد ذهب يحاورلماذا لم تذهب مع وفد تراجي أيها الأسمر مفتول الفؤاد ؟ليس هذا هو السؤال وتلك قضاياك أين كانت. هي ان كانت لها خطوات كنت أحيانا سعيداً بمحورتك رغبة في شئ ما انا لا أقول خطأ قد حسبتُ مثقفاً فهي أماني ربما ندركها جيداً لكن لا تمثلها لسبب ما يمكث بين ضلوعك وقد شاخ أكثر من قوامك دعني اسألك ماذا تريد اي بتحديد متى تطفئ هذا الدخان الذي ليس له أعواد نار او شي من ثقاب لتنفسه من رئة تختلس بعض دخان ليس من تبغ كمان ليس من الضروري أن يكن له في الواقع زنداً كمان فكمان هنا تكميلية ليس فرضية .. فربما تجوب خطواتك نحو عام او دونه فتنبه ربما حصر بين فكين بكري أبو بكر أو في مفارقت خطوات المنصوري فالعصيان أتي فلا تحمر عيونك فتبكي أماني بعاد باعدت خطواتك عنها أميال وأميال فأنت لم تعد غريب الوجه واللسان !!
عذراً ان ضاق صدر كيبورد الجوال لهذا عدلنا
Post: #42 Title: Re: عصيان جمهورية الحناكيش وامسودان الأخرى... Author: عادل البراري Date: 12-11-2016, 09:38 PM Parent: #41
لا تنزعج يا عزيز كبر فقادمات كثر فلا تدمن الكلام فرب حسيب وعتيب وحمر السهام
Post: #43 Title: Re: عصيان جمهورية الحناكيش وامسودان الأخرى... Author: MAHJOOP ALI Date: 12-11-2016, 09:44 PM Parent: #42
حبيبتي دوما سالت عنك طوب الارض في مواقع التواصل الاجتماعي بالاسم الحركي والاصلي ومالميت فيك ، يااختي شوق لايوصف
Post: #44 Title: Re: عصيان جمهورية الحناكيش وامسودان الأخرى... Author: عادل البراري Date: 12-11-2016, 09:53 PM Parent: #43
Quote: تهديد مبطن من جهة لم اعرفها ضميرها انتم !! لو اسقطتوا هذه السلطة سننفصل بكامل الغرب
يا أبو سن لك من الود تحيات عظام هذا آمال بعض من ليس بعظام
Post: #45 Title: Re: عصيان جمهورية الحناكيش وامسودان الأخرى... Author: أمين محمد سليمان Date: 12-11-2016, 09:56 PM Parent: #44
المداخلة دي رسلها لي عبدالرحمن عزاز لنشرها لانو فاقد كلمة مرورو
ما الذى يحدث يا صديقى؟ ما كتبته بالبوست يدعم خط النظام بشكل واضح لا يقبل مغالطة ؛ ياخى كيف تكون مع الجنائية الدولية و البشير مجرم حرب و(علي بالحلال يا علي ، رجالة ساكت نقيف معاهو ، وبعدما يمرق في السهلة ، ح نقول ليهو اقيف يا ولد هوي الحساب يجمع يا اخينا ، وألأغرب ح يركع ويقول حسابكم معاكم يا ناس والشايفنوا يصير..!! منو البقيف مع البشير يا ول أبا ؟ بعد كل ما فعل و لازال !؟ مالك يا كبر ؟ و الله غالبنى اكتب لشدة ما أحزننى البوست و لا املك الا احترام وجهة نظرك لكن أنت تدعم القاتل ؛ آبار بترول شنو يا أخوى و البترول حق الدولة لو الكيزان ظلموك تقوم انت تقول اظلم باقى الشعوب الحناكيش ديل و نحفر خندق؟ ياخى معقولة تفرح بخندق و تشكر عليه وزير البترول.. أتمنى صادقاً أن تقرأ المداخلات كلها بتمعن بعيداً عن اى حساسيات قديمة ففيها من محبة الاصدقاء ما يجعلك تعدل عن رأيك و فيها المفيد.. ما قادر اكتب و لك و لضيوفك الكرام التحايا. عبدالرحمن عزّاز
Post: #46 Title: Re: عصيان جمهورية الحناكيش وامسودان الأخرى... Author: Arif Nashed Date: 12-11-2016, 11:22 PM Parent: #45
يا سادة انه سقوط الاقنعة فكل وعاء ينضح بما فيه ..
Post: #47 Title: Re: عصيان جمهورية الحناكيش وامسودان الأخرى... Author: AMNA MUKHTAR Date: 12-12-2016, 00:03 AM Parent: #46
العزيزة دوما سلام من الله يغشاك وأسرتك حيثما تكونين .
كبر بهذا البوست جاي ياكل عيش على قفانا.. ونسى إنه نحن كشعب برضه من حقنا ناكل عيش في بلدنا وبكرامتنا . أكيد في سفرياتك في بلدان الله الواسعة تكوني شفتي السودانيين مشردين كيف ويعانوا من الغربة والمذلة ..وأحياناً التسول بسبب هذه المافيا التي سطت على البلد .
وجوه الوطن كذلك كم من سلوكيات منحرفة إنتشرت ..بسبب مشروعهم الخبيث في إعادة صياغة الإنسان السوداني كي يصبح مسخا مثلهم ..
* نقطة مهمة مفروض نوعي ليها : (هم العصاة وليس الشعب ).
هم الذين عصوا إرادة شعب وسطوا على بلد بحاله . ويجي كبر يقول ليك حناكيش وما حناكيش .. ياخي حرام عليك خلي عندك دم.. من حقنا نعيش بحرية وكرامة في بلدنا الفاضل لينا من عمرنا دا القضيناهو ما عارفين راسنا من رجولنا . ورغم تشدقك بهوامش أمسودان وإدعائك المعرفة الحصرية بها..طلعت ما عارف أبو النوم .. عايز تطلع المهمشين من مجد العصيان ..وتجعله صنيعة خرطومية فقط ..!!
مش كفاية أيام رفع الدعم عامل ليك بوست طويل عريض تلوم فيهو الحكومة على إنها بتدلع الشعب ؟!! خخخخخخ اليوم داك غايتو ما عرفت أضحك وللا أبكي . لكن حنيت عليك .. فما معروف الظروف الخلتك تكتب كدا وإنت قاعد في دولة ديمقراطية حيث الحكومة هي خادمة الشعب...وليس العكس !! لكن صدقني إنت وغيرك..مهما كانت الظروف الغيرتكم دي.. أنا شفت ناس بيعانوا أكتر منها وبما لا يقاس ..ومع ذلك لاكوا حبال الصبر وعضوا على المبادئ بالنواجز.. ومنهم من قضى نحبه..ومنهم من ينتظر وما بدلوا تبديلا .
* عشان الظواهر دي أنا لي زمن بنصح الناس المناوئين للإنقاذ إنه الواحد يقعد مع نفسه ويسألها : هل خلافي مع الإنقاذ خلاف مبدئي وفكري منهجي..وللا خلاف عاطفي وحاكو حاكو ساااي ؟! دا سؤال مهم جداً الزول فينا يسأله لنفسه ..عشان ما يتعب نفسه ساي ويقرش حلقومه ويشرد من بلده ويعاني الغربة والسقط ..حين أنه ما عنده خلاف كبير مع النظام الهارب منه .. وهم/ن كثر على فكره والبورد دا ملياااان بالنماذج .
Post: #48 Title: Re: عصيان جمهورية الحناكيش وامسودان الأخرى... Author: MAHJOOP ALI Date: 12-12-2016, 00:43 AM Parent: #47
* نقطة مهمة مفروض نوعي ليها : (هم العصاة وليس الشعب ). ـــــــــــــــــــــــــــــــــــــــــــــــــــــــــــــــــــــــــــــــــــــــــــــــ ماخليتي شي يا امونة يتقال ، شكرا
Post: #49 Title: Re: عصيان جمهورية الحناكيش وامسودان الأخرى... Author: Kabar Date: 12-12-2016, 02:06 AM Parent: #48
من ضمن التخوفات ، ان اهل العصيان المدني الآن ، يحاولون التبرير لفعلهم (وجلهم غير مقتنع بالفعل والتوقيت) بالشكوى من الأراء الأخرى ، الأراء التي تقول الواقع كما هو..! اقوال كثيرة عمت المنتدى ، وما جواره بان تشبيه السودان بحال بلدان اخرى هو نوع من التخويف والفزاعة التي يرفعها النظام خوفا على كرسي السلطة.. فهل هذه واقعة؟..
صديقنا عضو المنبر عزان سعيد ، تحدث في هذه الناحية حديث رومانسي وطيب ، وقد وافقه البعض ، ومجرد الحديث ليس بمشكلة.. وانما المشكلة هي الترميز التضليلي.. فعزان ابتدر موضوعه بصورة رومانسية تحكي حال مظاهرات اكتوبر 1946 ، ويمكن ان يضيف مواد الفيديو التي توضح ذلك الحراك وحراك ابريل 1985 ، ليثبت للناس ان الشعب متوحد ومتكاتف وحسم امره..كل هذا جيد.. فقط أنه نسى وقائع بسيطة.. هذه الصور هي من جمهورية الخرطوم ، ومرت عليها عشرات السنين..!!
هل السودان يختلف عن : الصومال ، سوريا ، اليمن ، ليبيا؟..
كبر
Post: #50 Title: Re: عصيان جمهورية الحناكيش وامسودان الأخرى... Author: Kabar Date: 12-12-2016, 02:11 AM Parent: #49
هل السودان يختلف عن : الصومال ، سوريا ، اليمن ، ليبيا؟..
بالطبع السودان يختلف اختلاف كبيرة عن هذه الدول والمجتمعات ، وقاد ثورات من قبل ، ولكن شروط اليوم وواقع اليوم مختلف..
في الصومال : ثارت الناس وتمردت على نظام محمد سياد بري ، توحدوا جميعا تحت هدف واحد فقط هو اسقاط نظام بري ، ونجحوا في ذلك ، ثم عادوا لحروبهم الخاصة ، فانمحى الصومال من الخريطة السياسية الدولية..
في ليبيا: توحدت المعارضة تحت هدف واحد فقط: هو اسقاط نظام معمر القذافي ، وقد نجحوا في ذلك واسقطوا النظام ، ثم تفرغوا فيما بعد لخراب البلد بخلق الفصائل التي تقاتل بعضها البعض..!
في سوريا: توحدت المعارضة وثارت ضد نظام البعث بقيادة بشار الأسد ، وحولت المعارضة المعركة من عصان مدني ومظاهرات سلمية الى مواجهة مسلحة مع النظام ، وكانت المواجهة المسلحة متحدة وانجزت الكثير ، فتمكنت من اسقاط كثير من المدن ، والسيطرة على جهات معينة من سوريا ، ولكنها ، قبل أن تحسم معركتها وهدفها الأساسي في اسقاط نظام البعث ، فلقد بدأت خلافاتها ، ومعاركها ضد بعضها البعض بصورة تحير المراقب ومن يشفق على سوريا التغيير ، فانقلبت الوضعية ، والآن الجميع يشهد ما يحدث في سوريا..دمار وتخريب واقتتال ولم يسقط النظام بعد.. والمرجح انه لن يسقط..!
هذه الأمور هي واقع وليست اساطير من نجر الخيال..
كبر
Post: #51 Title: Re: عصيان جمهورية الحناكيش وامسودان الأخرى... Author: Kabar Date: 12-12-2016, 02:16 AM Parent: #50
السودان يختلف عن تلك الدول في الآتي:
اولا: في التراب السوداني ، قوات دولية تفوق الثلاثين الف جندي اجنبي ، وموجودة لعشرات السنين ، ولن تخرج من السودان ، لأن مهمتها الأساسية تقسيم البلد وانفصال بعض اقاليمه للمرة الثانية والثالثة..
ثانيا: في السودان حرب اهلية تمتد على مسافة سبع ولايات من ولايات السودان ، وهي حرب خلقت واقع سوداني يحتاج الى عشرات السنين لإصلاحه..
رابعا: بالسودان ، انتشار للسلاح بصورة كبيرة للغاية ، السلاح ليس منتشر فقط في مناطق الحرب ، وليس منتشر فقط في ايدي النظام أو الحركات أو الأحزاب التي تعارض النظام ، وانما ايدي اخرى عديدة ، ولا احد يجزم ما هي اجندة حملة هذا السلآح ، الأجندة الحقيقية وليس الأجندة التي تظهر من باب فقه التقية..!
هذه ليست اساطير ، وانما وقائع ، كل من يفكر في التغيير او العصيان او المظاهرات او اقتلاع النظام فعليه ان يضع هذه المعطيات في اعتباره..! قلت من قبل بذكر اوضاع تلك الدول ومقارنتها بالسودان ، ولم اقل اني اخاف ان يحدث في تلك البلدان بان يحدث في السودان ، وانما قلت : لن نسمح بان يصير السودان مثل تلك البلدان..!! وقلناها من قبل ، ان النظام الموجود الآن ، لن يسقط من الخرطوم فقط ، فان سقطت الخرطوم هناك مواقع عديدة سيدير منها النظام معاركه ..فالسودان لم يعد هو جمهورية الخرطوم ، التي كانت تحدد مصير السودان كما حدث في اكتوبر وابريل..!!
ولماذا لا نسمح بان يحدث في السودان مثلما حدث في تلك البلدان؟..
كبر
Post: #52 Title: Re: عصيان جمهورية الحناكيش وامسودان الأخرى... Author: Kabar Date: 12-12-2016, 02:32 AM Parent: #51
ولماذا لا نسمح بان يحدث في السودان مثلما حدث في تلك البلدان؟.. وهذا يقود الى الحديث عن البديل..
البديل ليس قوى سياسية ، وانما فكرة واستراتيجية ، والوثيقة الوطنية التي انجزت في خاتمة الحوار الوطني ، هي اساس متين يصلح للبناء عليه ، والرافضين لم يرفضوها الإ لأنها سحبت البساط من تحت اقدامهم وعرتهم تماما امام الشعب السوداني وعرفوا احجامهم الطبيعية وهم الآن يريدون اعادة اختراع العجلة ليكون لهم وجود..وهيهات..!
القوى السياسية المعارضة ، سواءا كانت معارضة مسلحة أو مدنية مثل نداء السودان والإجماع الوطني ، رفضت هذه الوثيقة ، لأنها وثيقة وضعت كل حد في حدوده ، وكان يمكن لهذه القوى لو انها حريصة على حماية الشعب السوداني من الجوع والإذلال والإهانة والإبادة الجماعية وغيرها ، لكانت جلست مع الجميع وانهت الحرب وانخرطت مع الناس في خندق واحد موحد لمحاصرة النظام واسقاطه وتصفيته تماما ، ولكن تلك القوى لعبت دور الطابور الخامس واختارت العكننة واللف والدوران وهي تعرف جيدا بان الشعب السوداني لن يلتف حولها ، بالعكس ، مثل هذا السلوك الغير مسئول جعل الشعب يعيد النظر مليون مرة في امر هذه القوى السياسية التي لم تعي درسا واحد من دروس الماضي..!
كبر
Post: #53 Title: Re: عصيان جمهورية الحناكيش وامسودان الأخرى... Author: Kabar Date: 12-12-2016, 02:40 AM Parent: #52
ثم ما هو البديل؟ القوى السياسية:
الحزب الشيوعي السوداني: هو ما حاول القفز في سفينة العصيان المدني ، هذا الحزب اكتر حزب متآمر على السودان ، وتأريخه يشهد بالمحاولات الإنقلابية العديدة التي فعلها هذا الحزب في حق الشعب السوداني ، ومنذ تأسيسه ، في فترات الديموقراطية البسيطة لم يتوفق في ادخال عشرين نائب في برلمانات السودان المختلفة ، والآن يتحدث عن الديموقراطية..!
حينما جاء نظام عمر البشير للسلطة ، كان هناك حزب شيوعي واحد ، والآن هناك انقسامات عديدة وحركات خرجت من رحم هذا الحزب ، ولازال يصر اهله على ان يمشى السودان على هوى الحزب الشيوعي..!
من مؤامرات الحزب الشيوعي على الشعب السوداني ، ان الحزب دعم الحركة الشعبية ،الى ان وصلت مرحلة اقتسام البلد ، ولم يذهب الى الجنوب ليبني دولة على مزاجه (ببساطة لن يستطيع لأن انسان الجنوب ذكي للغاية) وانما ترك مخالبه هناك لتشارك في تخريب الجنوب..! اما تخريب السودان ، فلقد دعم الحزب الحركة الشعبية قطاع الشمال وحركة تحرير دارفور (جناح عبد الواحد محمد نور) ، فكان التعنت المستمر من هذه الفصائل ، ليس حبا في السودان وقضايا السودان ، وانما بحثا على أن يكون الحزب الشيوعي هو من يدير السودان..!
ونقول للحزب الشيوعي السوداني: السودان ليس كوبا ولن يكون كوبا ، ولا مرحبا بوجود الحزب الشيوعي في مستقبل السودان ، ببساطة لأنه مخلب قط وسوس طلع عين السودان..!
كبر
Post: #54 Title: Re: عصيان جمهورية الحناكيش وامسودان الأخرى... Author: Kabar Date: 12-12-2016, 02:44 AM Parent: #53
البعث العربي الإشتراكي: حينما استلم عمر البشير السلطة ، كان هناك حزب واحد اسمه (حزب البعث العربي الإشتراكي- قطر السودان) ، واليوم هناك اكثر من خمس احزاب وكل منها يدعي انه البعث..ولا يهم.. ! البعث شارك في انتخابات السودان 1986 ، وكان له مرشحين في اكثر من ستين دائرة جغرافية في السودان ، ولم ينجح في ارسال نائب واحد للبرلمان السوداني..! وان كان البعثيين يريدون خداع الشعب السوداني ، فعليهم ان يمحو من ذاكرة التأريخ تجارب البعث في العراق (الذي اشترك بعض من كوادر البعث السوداني ، ايام الحشد الشعبي ، كمتطوعيين للحزب في حرب العراق ايران) وتجربة البعث في سوريا ، وتجربة البعث في موريتانيا..وغيرها من التجارب الشمولية العاتية..! احزاب البعث في السودان لا تملك أي مؤهل ليجعلها قوى سياسية تقرر في مستقبل السودان ن اللهم الإ الحلاقيم الكبيرة والعكننة ، وهي احزاب شمولية تسعى لأن تحكم البلد بمزاجها والإ ستظل مخلب قط ضد مصالح السودان واستقراره..
كبر
Post: #57 Title: Re: عصيان جمهورية الحناكيش وامسودان الأخرى... Author: Kabar Date: 12-12-2016, 02:59 AM Parent: #54
حزب الأمة:
حزب شارك في ضياع السودان ، طيلة الستين سنة الماضية ، بالرغم من الزخم والقاعدة الجماهيرية الكبيرة التي يحظى بها هذا الحزب ، الإ انه لم يتمكن من تشكيل حكومة اغلبية ، وكان قادته في كل السنين اكثر حرصا على استرضاء جماهير جمهورية الحناكيش في الخرطوم ، اكثر من استرضاء جماهير السودان العريضة ..!ّ حينما جاء نظام عمر البشير في 1989 ، كان حزب الأمة واحد فقط (حزب الأمة القومي) واليوم هناك اكثر من ثمانية احزاب تحمل نفس الأسم ..!!..بعضها يساكن النظام وبعضها يدعي خصام النظام..! فان كان هو حزب لم يتمكن من اصلاح ذاته فكيف سيصلح السودان؟..
الحزب الإتحادي الديموقراطي:
هو الحزب السوداني الوحيد الذي لم يفكر في انقلاب عسكري ، وكان دوما اكثر الأحزاب السودانية سلمية ، ولكنه انجر وراء البعض في تجربة التجمع الوطني في النصف الأول من التسعينات ، وكان يمكن ان يكون الحزب الذي قد يقنع الشباب الحالي ، لكنه ارتكب بعض الأخطاء الجسيمة القاتلة..! حينما جاء نظام عمر البشير ، كان هناك حزب اتحادي واحد ، واليوم هناك اكثر من خمس احزاب اتحادية ، بعضها جزء من النظام ، ولآ اذكر وجه من وجوه الإتحادي خارج النظام اللهم الإ الوطني الإتحادي..وهو الآخر لا يملك القدرة على الإتساق وبناء نموذج ليبرالي (الإتحاديين اباء الليبرالية في السودان ..واباء فكرة النظام الرئاسي في السودان..!!).. نعم نختلف مع الإتحاديين في بعض التفاصيل ، ولكن لن نغمطهم دورهم التأريخي ، ونعيب عليهم فكرة تمصير السودان (الوحدة مع مصر) ، فالسودان ، وعلى مر ألاف السنين كان هو الأصل ، وما مصر الإ تابعا ذليل يدفع الجزية وينشد الحماية ، وأسألوا التأريخ..!!
كبر
Post: #58 Title: Re: عصيان جمهورية الحناكيش وامسودان الأخرى... Author: Kabar Date: 12-12-2016, 03:04 AM Parent: #57
الحركة الشعبية شمال: وحينما نتحدث عن هذا الخيار كبديل ، نأخذه بكل كلياته ، ولا نتوقف فقط في التفريعات التي حدثت فيما بعد..! هذا بديل ، بدا نضاله بمنفستو شيوعي واضح للغاية ، ولكنه اكتشف ان الواقع السوداني لا يحتمل مثل هذا البديل ، ليس لأن السودان لا يقبل اليسار ، وانما لأن السودان لا يقبل الإستبهال والتذاكي المغشوش ..! استفاد هذا التنظيم ، في بداياته ، من شيوعيته ، فنال الحماية من نظام منقستو في اثيوبيا ، ونال التدريب و التأهيل والخبرة من نظام فيدل كاسترو ، ثم انحنى للعواصف ، ليعود راكعا ولاعقا لبوت الإمبريالية الوقح سواءا كانت في امريكا او بريطانيا ، ونال الحسنات تلو الحسنات ، لتصل خلاصته الى حد الإنفراد بدولة خاصة كاملة الدسم ، دولة غنية بوجودها الحضاري وثرواتها التي يعجز الخيال البشري تعدادها ، ليعود اهله مجرد سودانيين عاديين ، يحكمهم وعي القبيلة ، واضاعوا ما يسمى بدولة جنوب السودان..!
ولكنا ، سنضيف المواد والصور ، التي تكشف عن حال دولة الجنوب اليوم ، فقط ليعرف اهل السودان الى أي وجهة يقودهم الحزب الشيوعي السوداني..!! الحركة الشعبية ، قبل اقل من عشر سنوات (2005-2010) كان اهلها يتقاسمون السلطة وفتات الموائد مع النظام الذي يتمنون اليوم سقوطه واقتلاعه (وهو الأماني بيشتروها بي قروش)..! وقطاع الشمال ، نال حكم ولاية بحالها عن طريق الإنتخابات الحرة ، الإنتخابات التي اعترفوا بها كشرعية جاءت بسيلفا كير ، واعني ولاية النيل الأزرق ، ثم خاضوا الإنتخابات في جنوب كردفان ، وحققوا الكثير الكثير ، ولكنهم رموا كل ذلك بعرض الحائط ، ليعلنوا حرب عنوانها (اسقاط النظام)..!!!..وكل ذلك في سبيل تحقيق اجندة الحزب الشيوعي السوداني الذي يشكل مخلب قط لمصالح لم يعرف عنها اهل السودان بعد ، ولن يعرفوا عنها الى ابد الدهر..! في 2011 ، كان هناك حركة شعبية شمال واحدة فقط ، واليوم هناك اكثر من خمس فصائل تسمي نفسها حركة شعبية ، وتدعي انها هي الأصل الذي يجب ان يستمع له الجميع..!! واليوم الحركة الشعبية شمال ، على الملأ تصرخ دعما للعصيان المدني ، وفي الخفاء تنتظر ان يبرها النظام بالتفاوض معها..!! نجح العصيان أو لم ينجح ، سقط النظام أو لم يسقط ، فلا مفاوضات مع قطاع الشمال ، مخلب الحزب الشيوعي السوداني ، ولا تفاوض مع الحزب الشيوعي السوداني ، ولآ وجود للحزب الشيوعي السوداني في مستقبل السودان..
كبر
Post: #59 Title: Re: عصيان جمهورية الحناكيش وامسودان الأخرى... Author: Kabar Date: 12-12-2016, 03:06 AM Parent: #58
حركات دارفور المسلحة: بدأت ثورتها بحركتين فقط: حركة تحرير دارفور وحركة العدل والمساواة ، ثم انقسمت وانقسمت الى ان فاقت المأئة حركة مسلحة ، وكل منها له اجندته الخاصة التي لا علاقة لها بمصالح السودان ، وان كانت هي لا تستطيع اصلاح ذاتها فماذا ستقدم في سبيل اصلاح السودان؟.. هذه الحركات لا تؤمن بالديموقراطية والمؤسسية ودولة القانون ، وانما تحترم بندقيتها فقط !
احزاب الحركة الإسلامية:
مثل المؤتمر الشعبي ، منبر السلام ، حركة غازي ، وغيرها من جماعات ، هذه المجموعات في لحظات الضيق والشدة ستنحاز للمؤتمر الوطني وتعمل معه في خندق واحد من اجل معركة البقاء ، فالصراع عندها سيكون صراع وجود في المقام الأول وهي المجموعات التي تملك مفاتيح ادخال الجماعات الإرهابية الى البلد لتخوض حروبها بدعوى الجهاد..
كبر
Post: #55 Title: Re: عصيان جمهورية الحناكيش وامسودان الأخرى... Author: خالد العبيد Date: 12-12-2016, 02:53 AM Parent: #53
عزيزي كبر قرأت ما خطته يداك مرات ومرات .. السطور وما تحت السطور ! لم اجد غير انحيازك وبوعي كامل منك الى حكومة القتل والفساد . ليس عيبا ان تعلن هذه الانحياز بدون لف او دوران .. ودونك باوقة والسيد ح والفكي اسحق . فقط تأكد ان جماهير شعبنا ستكسر ظهر هذا النظام طال الزمن ام قصر .. ويومها سنواجهك بكل ما كتبت يداك فهي في لوح محفظ .
Post: #56 Title: Re: عصيان جمهورية الحناكيش وامسودان الأخرى... Author: الصادق اسماعيل Date: 12-12-2016, 02:56 AM Parent: #51
يا كبر سلام انت لا تسمح ولا تستطيع ان تسمح
النظام الموجود دا هو الذي سمح ان يتدهور السودان وينتشر السلاح ويتدمر ويذهب في طريق البلقنة والصوملة والسورنة
وهسع يا حبيب اللجان في كل مكان ما يغرك ضجة الاسافير دي الشباب على الارض شغالين وناس الاسافير ديل دايرين يلحقوا المولد. مركب على تخوم دار حمر بي شارع عيال بخيت مشتركة في العصيان، حٓلّال وق رى ما سمعوا بيها السودانة مشتركة في العصيان
الدور دا دور الشعب كله
ايوه معاك اسئلة ما بعد العصيان دي مهمة لكن الاحسن نستعد ليها لكن ما بتعطل العصيان يوم تسعطاشر ما حيسقط النظام لكن حيديه شهادة الاخلاء لو داير يمشي من نفسه فكويس لكن لو داير يعمل فيها ابو عرام حيدخل نفسه والبلد في حيص بيص
فقصة دي نخبة الخرطوم يا كبر ما صاح والقصة دي اكبر من الاحزاب ومن النخبة النخبة جارين جري وراء العصيان دا عشان يلحقوا وما قادرين
Post: #60 Title: Re: عصيان جمهورية الحناكيش وامسودان الأخرى... Author: Kabar Date: 12-12-2016, 04:02 AM Parent: #56
الصديقات والأصدقاء.. دوما ، آمنة خالد بشير ، سيف النصر ، جمال ، يحي قباني ، منتصر ، حاتم هواري ،امين سليمان ، محجوب علي ، عبد الصمد ، عبد الحفيظ ، عادل البراري ، عزاز ، عارف ، خالد العبيد ، الصادق.. كتر خيركم جميعا على المرور.. كبر
Post: #61 Title: Re: عصيان جمهورية الحناكيش وامسودان الأخرى... Author: Kabar Date: 12-12-2016, 04:53 AM Parent: #60
امين..حبابك يا صديقي كتر خيرك على المرور والمفاكرة هنا.. تنبيه الناس عن الواقع الذي تتحرك فيه ليس خيانة أو انتماء للنظام الباطش الحاكم ، وترديد الخيبات السابقة هو تذكير للناس حتى تكون على بصيرة..! التوحد الذي انتاب القوى السياسية في هذه الأيام فقط ، هو من باب فقه التقية ، ومن حقي ان اسأل هذه القوى واذكرها باخطاءها وواطلب الضمانات على انها تجاوزت اخطاءها السابقة.. مد الشباب الهادر الذي يخوض تجربة مواجهة النظام الباطش هو نفسه المد الذي سيواجه القوى السياسية مستقبلا..فهل القوى تدرك هذا ام لأ؟.. التوحد تحت شعار اسقاط النظام هو توحد خلف شعار مرحلي ، وانا ابحث عن ضمانات استراتيجية لتساهم في مستقبل استقرار السودان..فماذا عند تلك القوى من ضمانات؟..اليست هي نفسها القوى التي تبحث عن حكومة انتقالية توكل ليها كل المهام الجسام من وقف حرب وصناعة سلام وحل قضايا الإقتصاد وصناعة دستور ثم بعد ذلك انتخابات ؟.. ما تظنه تهديد يا صاحب هو واقع وافكار تيار عريض الناس لا ترغب في الحديث عنه ، والخيط كان يقوم على فكرة اضافة مواد فيديو لترى الناس السودان الآخر البعيد عن حسابات النخبة السودانية.. حديثنا عن حركات دارفور ، الواقع اثبت صحته ، ودونك واقع تلك الحركات..! الناس الآن عاطفية يا صديقي ، وكل مشكلتها هي ذهاب عمر البشير ، وسوف يذهب عمر البشير ، ولكن النخبة بهيئتها الحالية لن تحسم قضايا السودان ، ببساطة لأنها تفتقد الجدية والمسئولية والتأهيل الأخلاقي ، وهذه امور يثبتها واقع وتاريخ هذه القوى..! حكاية الناس تخمنا بانو ارح نسقط النظام ثم نتفاهم فيما بعد ، فهذا خيار جربه الشعب السوداني من قبل في اكتوبر وابريل ، والآن من حقه أن يسأل عن التفاهم قبل اسقاط النظام عشان بعد داك الناس تكون عارفة بتسوي في شنو وماشة وين..! ولآن النخبة المعارضة لا تملك تصور واضح لما بعد سقوط النظام ، فهي تقود البلد نحو الفوضى ، ومرحبا بالفوضى وسوف نتحمل نتائجها..! الخنادق في مناطق صناعة البترول حفرها النظام القاعد ده ، والنخبة السودانية ما عندها فكرة لأنو ببساطة ما بتعرف السودان وما يحدث في السودان .. كتر خيرك يا امين ، وشفت كيف الناس مترددة وما عارفة هي بتسوي في شنو؟.. اهو مجرد صوت واحد ، الناس دي اتنرفزت وانهارت نفسيا للدرجة دي..! كبر
Post: #62 Title: Re: عصيان جمهورية الحناكيش وامسودان الأخرى... Author: Kabar Date: 12-12-2016, 04:57 AM Parent: #61
ول ابا الصادق..حبابك يا صديقي
كتر خيرك ، ولقد ادركت مرامي الخيط ، اسئلة ما بعد العصيان واسقاط النظام هي الأهم يا صاحب ، والناس اللحظة واقعة من طولها في عسل مبدأ مرحلي واحد فقط وهو: اسقاط النظام.. نعم يا صاحب النظام هو ما فعل كل تلك الأفعال من اجل ان يستمر ، والآن فقد كل المبررات يا صديقي ، يعني حتى لو فشل العصيان أو المقاومة بكل ادواتها واستمر النظام فليس لديه من مقومات الإستمرار ، ليس لديه فكرة عن اصلاح الإقتصاد ، وليس لديه فكرة عن ادارة البلد في السنوات القليلة القادمة ، لذلك كانت فكرة الحوار الوطني والترتيب للهبوط الناعم..! القوى السياسية ، ليس لديها أي تصور لما بعد سقوط النظام ، ببساطة لأنها لا تعرف الواقع الذي تتحرك فيه.. ما اراه يا صاحب هو الخيار الثالث في اطروحة ابكر ادم (خيار الإنهيار) الذي سيؤدي الى حال حرب الكل ضد الكل..لأني ببساطة حتى اللحظة لم أري اي تطمينات وضمانات من القوى السياسية بانها استوعبت دروس الماضي وانها مؤهلة لقيادة البلد نحو بر الأمان والإستقرار والتقدم ، كلهم يا صديقي يخبئ خناجره المسمومة خلف ظهره للإنقضاض على الأخرين..!
نفس لجان التعبئة ، عليها الأ تركز فقط في اسقاط النظام ، وانما عليها ان تتواثق على عدم انهيار البلد ، وعليها ان تتواثق بان لا تنجر لتكتيكات النظام في خلق حروب جديدة..وعليها ان تتواثق على خطة واضحة لجمع السلاح الهامل ، جمع جميع السلاح وان يحصر فقط في القوات النظامية السودانية ، حتى الحركات المسلحة عليها ان تقدم ضمانات بانها سوف تضع سلاحها وتعود للعمل المدني السلمي..مثل هذه الخطوات هي ضرورية للغاية والتفكير فيها لا يمنع أو يعطل حدوث التغيير واسقاط النظام الباطش..وهذا ما دعاني بان اقول:لن نسمح بانهيار البلد وفي اعتقادي هذا مطلب مشروع للغاية..! صحيح المعركة هي معركة كل الشعب ، والشعب يدرك جيدا انه لا يخوض مقاومة فقط لإسقاط النظام وانما اسقاط كل النخبة التي لم تستوعب اخطاءها ، يعني الشعب ح يبني احزابه الجديدة التي تلبي طموحاته وتعالج قضاياه..! نخبة الخرطوم يا صديقي يهمها التغيير الفوقي للسلطة ، وهذا امر لا نتفق فيه معها ، نريد تغيير جذري حتى لا نكرر نفس اخطاء الماضي..! اذن يا صاحب فلتستمر المقاومة بكل ادواتها السلمية ، وتذكير الناس بمعطيات الواقع هو باب من تبصير الناس حتى لا تقع في اخطاء قاتلة..!
كبر
Post: #63 Title: Re: عصيان جمهورية الحناكيش وامسودان الأخرى... Author: Kabar Date: 12-12-2016, 05:14 AM Parent: #62
من مظاهر امسودان الأخرى: هذا بعض من واقع ظاهرة انتشار السلاح في السودان..ولا احد يدري الى اين ستكون وجهة هذا السلاح ، هؤلاء ليسوا حكومة وليسوا حركات مسلحة وانما مواطنين سودانيين..
كبر
Post: #64 Title: Re: عصيان جمهورية الحناكيش وامسودان الأخرى... Author: سيف الدين بابكر Date: 12-12-2016, 05:31 AM Parent: #63
هؤلاء لا ينتمون إلى النظام ولا إلى الحركة
هؤلاء مسلمين أبناء مسلمين - بدو السودان المقاتلين بطبعهم - وهم رصيد وذخر وحاضنة للإسلام القادم بإذن الله.. فلا يغرن الحركة الشعبية انتصارها على الجعليين والشايقية فإنما نحن الملوك وهم الرعية... فصبراً فللإسلام صولات وجولات في هذه الأرض صبراً.
Post: #65 Title: Re: عصيان جمهورية الحناكيش وامسودان الأخرى... Author: عبدالحفيظ ابوسن Date: 12-12-2016, 06:09 AM Parent: #64
تحياتي كبر الاحزاب الذكرتها دي . دعنا نسلم جدلا بصحة قراءتك ولنتقدم خطوة للامام المحك التجربة ضع اي حزب ومدة حكمه للسودان ثم ضع فترة الانقاذ نعتبر السودان دة مؤسسة وتقدموا جميعا لك لادارة المؤسسة مصحوبين بال سي في حقتم فمن تختار
Post: #66 Title: Re: عصيان جمهورية الحناكيش وامسودان الأخرى... Author: Kabar Date: 12-12-2016, 06:21 AM Parent: #65
ولا واحد منهم يا عبد الحفيظ وسوف ابحث عن خيار ثالث وما اكثر الخيارات الأخرى التي يمكن ان تنفع..
كبر
Post: #67 Title: Re: عصيان جمهورية الحناكيش وامسودان الأخرى... Author: Kabar Date: 12-12-2016, 06:31 AM Parent: #66
ظاهرة انتشار السلاح :
كبر
Post: #68 Title: Re: عصيان جمهورية الحناكيش وامسودان الأخرى... Author: عبدالحفيظ ابوسن Date: 12-12-2016, 06:57 AM Parent: #67
تسلم كبر عشان تبحث عن خيار ثالث اول شيل الخيار القاعد دة
Post: #88 Title: Re: عصيان جمهورية الحناكيش وامسودان الأخرى... Author: على تاج الدين على Date: 12-12-2016, 10:49 PM Parent: #50
هل السودان يختلف عن : الصومال ، سوريا ، اليمن ، ليبيا؟.. بالطبع السودان يختلف اختلاف كبيرة عن هذه الدول والمجتمعات ، وقاد ثورات من قبل ، ولكن شروط اليوم وواقع اليوم مختلف.. في الصومال : ثارت الناس وتمردت على نظام محمد سياد بري ، توحدوا جميعا تحت هدف واحد فقط هو اسقاط نظام بري ، ونجحوا في ذلك ، ثم عادوا لحروبهم الخاصة ، فانمحى الصومال من الخريطة السياسية الدولية.. في ليبيا: توحدت المعارضة تحت هدف واحد فقط: هو اسقاط نظام معمر القذافي ، وقد نجحوا في ذلك واسقطوا النظام ، ثم تفرغوا فيما بعد لخراب البلد بخلق الفصائل التي تقاتل بعضها البعض..! في سوريا: توحدت المعارضة وثارت ضد نظام البعث بقيادة بشار الأسد ، وحولت المعارضة المعركة من عصان مدني ومظاهرات سلمية الى مواجهة مسلحة مع النظام ، وكانت المواجهة المسلحة متحدة وانجزت الكثير ، فتمكنت من اسقاط كثير من المدن ، والسيطرة على جهات معينة من سوريا ، ولكنها ، قبل أن تحسم معركتها وهدفها الأساسي في اسقاط نظام البعث ، فلقد بدأت خلافاتها ، ومعاركها ضد بعضها البعض بصورة تحير المراقب ومن يشفق على سوريا التغيير ، فانقلبت الوضعية ، والآن الجميع يشهد ما يحدث في سوريا..دمار وتخريب واقتتال ولم يسقط النظام بعد.. والمرجح انه لن يسقط..! هذه الأمور هي واقع وليست اساطير من نجر الخيال.. كبر رؤية واقعية لطبيعة الامور ومألاتها برسم التجارب البائسة والخيبات الماثلة تدحض كل هذه الهرجلة ولو كنت مكانك لما زدت شولة واحدة على هذا التنبيه ولكن العباقرة لا يستبينون النصح الا ضحى الغد ...حين تقوم القيامة ساعتئذ يتذكر الانسان وانى له الذكرى .
Post: #73 Title: Re: عصيان جمهورية الحناكيش وامسودان الأخرى... Author: Osman M Salih Date: 12-12-2016, 08:09 AM Parent: #47
بعبارة اكثر مباشرة ياكبر،
أنت معارض للعصيان المدني ليس خوفا على امسودان وان تظاهرت بذلك، بل لمصلحتك غير المباشرة في بقاء سلطة الانقاذ. واني لعلى ثقة بان هذا التحول الذي طرا على موقفك من معارض الى مؤيد مرده انخراط قسم من عشيرتك عزيز عليك في القاعدة الاجتماعية للمنتفعين من سلطة الانقاذ، قسم من عشيرتك هجر الريف واستقر بالعاصمة وصاروا في زمرة ملاك البيوت والاطيان ولهذا تجدهم مرعوبين من سقوط الانقاس خوفا على ما امتلكوه.
سودان اليوم منقسم انقساما حادا بين الحكام وأنصارهم المالكين لكل شيء والمحكومين المعدمبين الذين لايخيفهم شيء اذ ليس لديهم مايخسرونه عند ازاحة سلطة الانقاذ سوى الاستبداد.
Post: #75 Title: Re: عصيان جمهورية الحناكيش وامسودان الأخرى... Author: Osman M Salih Date: 12-12-2016, 08:21 AM Parent: #73
ياكبر،
بناء على ماذكرته في المداخلة السابقة اضيف بان الضمانات التي تطلبها من الأحزاب والقوى المعارضة بعدم تكرار اخفاقات تجارب الماضي انما هي في جوهرها الذي لاتستطيع ان تجهر به ضمانات الخائف على مصالح ذلك القسم من العشيرة المنتفع من بقاء الانقاذ.
فلاتسقِ نبتة الأوهام اذ لن يُقدَم اي ضمان يسمح لمن اعتدى على المال العام بالافلات من العقاب ايا كان مسيريا او نوبيا او جعليا او شايقيا او زغاويا او بجاويا إلى اخره.
Post: #71 Title: Re: عصيان جمهورية الحناكيش وامسودان الأخرى... Author: doma Date: 12-12-2016, 07:40 AM Parent: #43
الحبيب محجوب علي تسلم يا عزيزي كتير علي الايمان انت من الناس الفي النوم بهضرب بهم مشاركاتك ابدا لا تنسى. يسعدني وجودك هنا علي الدوام
Post: #69 Title: Re: عصيان جمهورية الحناكيش وامسودان الأخرى... Author: Osman M Salih Date: 12-12-2016, 07:05 AM Parent: #1
السلام لك يا كبر ولضيوفك أجمعين،
لاادري من أين أبدأ ولاكيف. سأبدأ بأول ماتراه العين: اللغة. ولغتك التي تتعمد استخدامها هذه الأيام أمرها عحب، بنحوها الى السوقية. هل قلت نحوها؟ كان ينبغي ان اسمي الاشياء بأسمائها الصحيحة فاقول بانحدارها انحدارا مؤسفا لايليق بمن يقدم نفسه للجمهور كمثقف مهتم بالأسئلة الكبرى وبالكليات وبرفعة البيان.
ثم آتي الى متن حديثك الذي هو محاولة يائسة لتبرير موقفك (واعادة تغليفه وتسويقه) من اكذوبة الحوار الوطني والترويج لخرافة الهبوط الناعم. لقد جرب سلوك هذا الطريق السيد الصادق المهدي الذي كافأته سلطة الانقاذ على انخراطه في حوارات ماراثونية عقيمة لم يجن منها الشعب سوى إستطالة معمار القهر والشقاء في حياته، كافأته الانقاذ بجزاء سنمار فطاله الاعتقال حتى خشي امام الأنصار على حريته وحياته من عواقب السجن في دولة تنتهك فيها حقوق الانسان فطلب الهجرة في مصر.
لقد أدرك العامة قبل السياسيين المحترفين ان الانقاذ إنما تشتري بمهرجانات ومؤتمرات سلمها الكذوب وحواراتها واتفاقاتها مع المسلحين الوقت لتراوغ. وهي لن تستسلم طوعا بل سترغم على ذلك ارغاما بقوة الانتفاضة الشعبية التي هي آتية إذا لم يستجب أهل الانقاذ لصوت العقل. ولا احسبهم فاعلين فهم عصبة من النهابة والقتلة تخشى من المحاكمة وفقدان العز الذي ترتع فيه بالمال الحرام، عصبة وجدت فيك مثقفا آخر درويشا لايعرف ماذا يقول.
لقد أدرك الناس في السودان ان في استمرار الانقاذ خطر ماحق على وجود السودان ككيان متماسك بسياساتها التي تورث الاحقاد والغبائن ليس العصيان هو ما سيدفع بالبلاد في طريق الصوملة التي اراك تلوح بها كفزاعة رثة مهلهلة توهما بقدرتها على كبح جموح العصيان الذي هو ماض إلى غايته وهي إزاحة الانقاذ وابدال دولة الحزب بدولة الوطن، ودولة الفساد والفوضى بدولة القانون والرقابة، ودولة الاستبداد والاعتباطية بدولة المؤسسات.
دعاة الاعتصام ماضون فيما قروا عليه العزم.وليس منهم مكترث لتهديدك بايواء البشير وتوفير الحماية والسند له إذا ماسقطت سلطته.
ياكبر،
انك تتراجع إلى القبيلة تراجعا يخيف احبابك. وفي آخر الأمر ستجد نفسك على الضفة الأخرى في الصراع بين أنصار الحرية وشيعة الاستبداد مصطفا إلى جانب خيول حميدتي. وهذه نهاية ماساوية لااتمناها لك. مشهد المثقف وهو يتنازل عن ادوات الاستنارة ويستعير لغة العشيرة ويصير فردا باهتا من القطيع ويأتمر بأمر زعيم ميليشيا.
Post: #70 Title: Re: عصيان جمهورية الحناكيش وامسودان الأخرى... Author: ياسر منصور عثمان Date: 12-12-2016, 07:26 AM Parent: #1
سلام ...
لم اطالع اي نقاش جدي لما طرحه الاخ كبر حول تداعيات ما بعد سقوط النظام.. ولكن تم التركيز على القشور دون النظر للجوهر...
مع ودي
Post: #72 Title: Re: عصيان جمهورية الحناكيش وامسودان الأخرى... Author: doma Date: 12-12-2016, 07:55 AM Parent: #70
كبر يا وليدي كان تلاته قالوا لك راسك ما فيك اتبنو. كان جاء الجان الاحمر بديلا للانقاذ فهو ملاك رحمه. لما لا تنخرط في مفاكرات لا يجاد البديل الافضل الناس في الداخل والله يا وليدي حالها يدمي القلب
Post: #74 Title: Re: عصيان جمهورية الحناكيش وامسودان الأخرى... Author: doma Date: 12-12-2016, 08:20 AM Parent: #72
امونه الصامده لك اجمل تحيه . لا اخفي عليكم ان للابن كبر في قلبي معزه عامره وتحزنني وقفته في صف الانقاذ حزنا عظيما . يكتب كبر فيدخل انقاذي يمتدحه فهذا امر جلل يتقاطر الحادبون علي كبر وهم من المشهود لهم بالنزاهه وسداد الراي كامين محمد سليمان ومحجوب علي وعثمان محمد صالح ولا يسمع لهم نصحا حقا امر مذهل ومخيف ومحزن
عبثا تحاولون يا كبر ..عبثاً تحاول أنت ومن خلفك من غرفة عمليات بائسة .
فهذه المرة ليس بوسع أحد مهما حشد..تخويف الشعب من الفوضى.. فهل يضير الشاة سلخها بعد ذبحها..؟!! وأليس ما نعيشه كل يوم تحت ظل الإنقاذ ذي الثلاث شعب ..هو الفوضى بعينه ؟!
العزيزة دوما..حبابك يا صديقتي.. هل تصدقي يا زينب ، انا كنت ماشي الكاريبي ، لحتة بعيدة عن النت وسودانيز اونلاين وغيرها من المنابر السودانية ، عشان انقط العصيان المدني بسكاتي وهذا افضل ما يمكن ان اقدمه للعصيان المدني ، قام واحد كجاني وكج لي سفرتي ، وطلع يجوعر هنا (غصبا عنك يا كبر ح تأيد العصيان) ، اها السفرة طرشقت ، وقلت النشوف ككيف يعني ح اقوم بتأييد العصيان غصبا عني..!
انا لست مع النظام يا زينب ، ولو كنت بسمع كضب النظام ومؤمن بيهو كان من سنة 2007 كنت حايم في السودان ، وبقيت حرامي كبير زي الحرامية الحايمين هبطرش في البلد..!
اربطعاشر سنة في المنبر ده يا زينب ، ولمن كنا بندعم المعارضة بالرأي والمال والفعل ، كنا نشتم ونسب ونهان في هذا المنبر ، يعني طوالي نحن ناس ما محل ثقة ، بل كنا محل حسد ومعارك مفتعلة من غير اي مبرر..واهو سكتنا من المعارضة وياهو اتجوبكت ولحقت امات طه ، والباقي الفضل برضك ح نسقط حجرو زي الترتيب..! امين محمد سليمان على العين والرأس ، ووقف هنا في هذا المنبر يدعمنا حينما كنا نقول للحركات المسلحة نرفض الحرب في ديارنا وعليهم نقل معاركهم الى الخرطوم ، وقف امين في صفنا ودفاعا عنا ، ونال ما نال من هذا المنبر ثم ترك المنبر طوعا ، وهو يعلم بان موقفنا هو نفس الموقف لا نظام يملك ثمن شراءنا ولا معارضة تملك ثمن شراءنا لأننا ببساطة اكبر من أي ثمن سوداني..! الناس الحايمة هنا فيها كثير من الكذب وعدم الإتساق والشفافية ، في هذا المنبر كانت اخبار عن عصيان مدني في مدينة سودانية صغيرة نائية اسمها لقاوة ، الإضراب استمر تسعين يوم يا زينب ..وطيلة التسعين يوم دي كان هناك عضو واحد في المنبر فاتح بوست عن اخبار ذلك العصيان وكان يكتب فيهو باستمرار كل يوم الى ان رفع العصيان في لقاوة ، وكان هذا العضو هو صديقنا صلاح جادات ، منذ تلك اللحظة احترمت صلاح واكبرت فيهو هذا الموقف ، وده الزول الوحيد لو قال لي زي ما دعمت عصيان لقاوة ، تعال يا كبر رد الأمانة وادعم معاي العصيان المدني في السودان ، كنت ادعمو كصلاح ..! العضو الثاني هو صديقنا الصادق اسماعيل ، وعندو صورة حتى الآن حايمة في المنبر فيها يرفع شعار مبسط مكتوب عليه (انا ادعم عصيان لقاوة)..ولقد اكبرتها فيه واحترمه مثلما كنت احترم الصادق دوما من قبل ان نعرف النت والمنابر والواتساب..! احترامي للصادق ، وهو ما يجعلني دوما اكبر واحترم تجربة حزب المؤتمر السوداني ، ويحز علي ان ارى المؤتمر السوداني في الوضع الحالي ولا اقول شيئا لدعمه وانا مؤمن تمام الأيمان بادواته وافكاره وثقتي في عضويته نساءا ورجالا وتضحياتهم من اجل وطن يسع الجميع ، المؤتمر السوداني هو الحزب الوحيد الذي يسعى لإسقاط النظام ، مثلما فعلوا في تجربة مايو ، ولا يسعى لمناصب او مكاسب غير رضاء الشعب السوداني عنه وعن مواقفه المشرفة ، مثل هؤلا ء يا صديقتي من اشعر باني خذلتهم ، وذلك لحسابات خاصة للغاية وصدقيني ليس من بينها السعي لكسب ود النظام واهله ، والنظام يعرفنا جيدا ويخاف منا اكثر من خوفه من الناس الشايلة سلاح ،ببساطة لأن النظام يعرف ان الكلمة الصادقة المسنودة ببينة وشواهد اخطر من البندقية..! هنا يا دوما انا اكتب حقائق ، يعني مسألة ان البلد مليانة سلاح هذه واقعة وليست اسطورة ، مسألة ابار البترول ، ده كلام مسنود بشواهد غايبة عن الناس الحايمة هنا كل مدن غرب السودان سوف تسقط في ايادي لا احد يعرف عنها الآن ولا يريدون ان يعرفوا..! الحركة الشعبية شمال ، في كل زوبعة العصيان المدني بترسل اشارات عليها علم الحركة الشعبية ، وفي نفس الوقت تشكل حكومتها القادمة ، وكل هذا غير مهم ، المهم الحركة الشعبية ح تسلم المناطق الثلاث لدويلة الجنوب ..! منطقة ابيي الغنية بالنفط ، لم تدخل في اجندة النخبة السودانية مطلقا ، والمعارضة كيتا في النظام على استعداد في التفريط فيها هي وبترولها وتسليمها للجنوب ، القوى السياسية الوحيدة المعارضة والتي تؤمن بسودانية منطقة ابيي هم ناس حزب البعث العربي الإشتراكي..! الأفكار الإيجابية في حق المعارضة قلناه هنا لعشرات السنين ، وهي لازالت موجودة ، فماذا حدث؟..لم يحدث شئ سوى الشتيمة والنبذ ، وهسع الناس بتستغرب على حدتنا التي يظنونها هبطت علينا بالصدفة..!! لا املك ما اقدمه للمعارضة ، وسوف اكشف اكاذيبها باستمرار ، من قبل كنت اظنها سوف تستوعب النصح وتصلح حالها ، ولكن معارضة لا تسمع الإ صوتها ، عشان كده ما نسلمها روؤسنا عشان تواصل فيها حلاقة اليتامى..! ودمت.. كبر
بت ابا امنة مختار..حبابك يا صديقة غرفة عمليات عديل كده؟.. ليه قايلاني تراجي المحروسة بدبابتين وعربية مصفحة؟.. انت زولة غير مبدئية يا امنة ، وياهو تراجي من السنة الفاتتة وانتي بغم ساكت ما قلتيها..عاملة نايمة وزايغة ، فاشمعنا ناس كبر؟.. هسع دي وقدام الناس دي كلها ، قولي بغم في تراجي (يعني تلاتة مقالات زي السم) وانا ح اسلمك الخرطوم ، واحمي ليك الإنتفاضة ، واحاسب ليك ناس النظام ، وارجع ليك قروش البلد المنهوبة ، ثم اتخارج وارجع لصقط البراري الكندية..اتفقنا؟.. الهامش وشنو كده دي ثقافة ناس الحركات المسلحة من ناس المعاردة ، نحن قاموسنا واضح بنقول الريف السوداني ، وريف غرب السودان بعرفو كويس يا امنة..وياهو الشواهد قدامك سلاح هبطرش ، بيشكل ظاهرة كبيرة للغاية ومحتاجة وضعها في الإعتبار اكثر من قضية التحول الديموقراطي البتشدقوا بيها ناس جمهورية الحناكيش ، وياهو ديك البلد مليانة جنود اجانب..ومافي واحد فيكم بيقول عنها بغم ، بل بعضكم بيدعم وجودها كيتا في النظام ، واهو داك البلد محاصرة لمدة سبع وعشرين سنة ، وبعضكم بيدعم الحصار كيتا في النظام..! اهو العصيان معلن ، لا قيادة معلنة ولا اسباب معلنة ، يعني عصيان من اجل العصيان.. ومش مهم..! المهم ليه صوت واحد فارق معاكم قدر ده؟.. امشوا عصيانكم واسقطوا النظام زي الترتيب ، ان شاء الله تشنقوا اهل النظام في الشوارع ، قشة ما تعتر ليكم ، لكن كمان ما بتقدروا تقيفوا ضد خيارات الأخرين..! باختصار يا صديقة ، اسقاط حكومة والحركات شايلة سلاحها ، ده كلام كبير شديد وبنعرف كيف نتعامل معاهو..! ايام عصيان لقاوة ، لو متذكرة ، ناس فريقنا رسلوا التيران عشان يضبحوها لغدا الشباب..اها انت لو معتصمة في السودان ح نرسل ليك تور الغدا..شفتي الدعم ده كيف؟.. ما تستعجلي يا امنة..في اطلاق الأحكام..! لو عندك وكت لقراية روايات رسلي لي ايميلك وح ارسل ليك رواية تقريها..! طبعا الإجازة ، زي ما قلت لي لصديقتي دوما ، كنت ماشي الكاريبي عشان اشطب الرواية الثالثة ، لكن اهو زي ما شايفة..الجماعة لموا فينا ح تأيد العصيان غصبا عنك ..واهو قاعدين نشوف التأييد البتم بالغصب ده نفرو شنو..! شخصنة للطيش..مش؟.. كبر
استاذي وصديقي عثمان محمد صالح..حبابك كتر خيرك على المرور.. واقول: حتى انت يا بروتس..!! عموما يا صديقي ارجو ان تنتبه للنقاط التالية: اولا: البلد مليانة سلاح ، واهو الفيديوهات امامك وسوف نضيف مواد اكثر حتى تعرف في اي واقع تتحرك وتعمل.. ثانيا: السؤال عن الضمانات نابع من سلوك القوى السياسية في تجربة اكتوبر وابريل ، ام تظن ان هذا نجر خيال واكاذيب يقول بها كبر؟..القوى السياسية ازدادت تشظي وانقسامات وخرابا ، يعني ليست مؤهلة لقيادة البلد وليست مؤهلة لأن تكون قدوة ديموقراطية.. ثالثا: ان كانت هي فزاعة ، فلماذا الناس منزعجة لهذا الحد؟..اما الناس تريد ان تدفن رؤوسها في الرمال وتخدع انفسها بالأماني؟..هذا واقع يا صديقي ، رابعا: حكاية اللغة يا عثمان ، صدقني هذه ارحم واكثر احتراما من المفردات التي قيلت في حق كبر في هذا المنبر والناس عاملة دي بعجينة ودي بطينة.. بالنسبة لحكاية نفتح دارنا لعمر البشير والكيزان ، سوف نفعل ذلك ان كان التغيير سيأتي بالشيوعيين والحركة الشعبية وحركة تحرير السودان جناح عبد الواحد..! لا تتردد يا صديقي ، انجزوا العصيان المدني كاملا واسقطوا النظام ، ودعوا للأخرين خياراتهم..! كبر
سلام وبعد ول ابا كبر يجدك بخير و عافية والاسرة وموفق انشاء الله بكان ما تقبل واينما تقف
المجد للسودان ولشعب ام سودان ولا لمحاكم التفتيش ولا للجان مكارثي الشعب وشبابو وقواه من يصنع التغيير
ودوورد وكل ما هو جميل ومشتهي
Post: #82 Title: Re: عصيان جمهورية الحناكيش وامسودان الأخرى... Author: doma Date: 12-12-2016, 07:17 PM Parent: #77
حترامي للصادق ، وهو ما يجعلني دوما اكبر واحترم تجربة حزب المؤتمر السوداني ، ويحز علي ان ارى المؤتمر السوداني في الوضع الحالي ولا اقول شيئا لدعمه وانا مؤمن تمام الأيمان بادواته وافكاره وثقتي في عضويته نساءا ورجالا وتضحياتهم من اجل وطن يسع الجميع ، المؤتمر السوداني هو الحزب الوحيد الذي يسعى لإسقاط النظام ، مثلما فعلوا في تجربة مايو ، ولا يسعى لمناصب او مكاسب غير رضاء الشعب السوداني عنه وعن مواقفه المشرفة ، مثل هؤلا ء يا صديقتي من اشعر باني خذلتهم ، وذلك لحسابات خاصة للغاية وصدقيني ليس من بينها السعي لكسب ود النظام واهله ، والنظام يعرفنا جيدا ويخاف منا اكثر من خوفه من الناس الشايلة سلاح :___________________________________________________________________________افهمك جيدا يا ابني ولكن لاجل الغايات الكبيره يمكننا ان ننسى اوجاعنا واختلافاتناالشخصيه .نحن داخرنك لزمن حوبه وحوبتك جات .الا يمكنك تجاوز هذه الحسايبات الخاصه جدا للغايه ومسانده المؤتمر السوداني وكل قيادته الان في سجون النظام الفاسدالباطش؟؟؟ الم تسمع ام كبس وهي تناديكم يا رجال السودان مما حاق بها فاعتقلها امن البشير؟؟؟؟ الا يحزنك حال الشعب الذي انهكته الانقاذ ؟؟؟؟. انا ما زلت اراهن عليك وكل الشرفاء سيقفون مع اي خيار تطرحه ينهي كابوس الانقاذ باسرع ما يكون فالوضع لم يعد يحتمل مراوغات الانقاذ. انت تتحدث كثيرا عن السلاح لدي القبايل لكن ما الذي يجعلك تظن ان السلاح لدي قبا ئلكم في منطقه جنوب كر دفان سيوجه الي صدر الشعب الاعزل في الخرطوم او اي من المدن السودانيه التي لا يحمل اهلها السلاح؟؟؟ اليس لكم واجب تجاه الشعب والوطن باجمعه؟؟؟ اتعشم ان تدعم الشعب والوطن برائك وبما تمتلكه من ادوات تخيف الانقاذ وتعيد الحق المسلوب وترفع البلد المنكوب واعلم جيدا انك اهل لهذه المهمه.
Post: #81 Title: Re: عصيان جمهورية الحناكيش وامسودان الأخرى... Author: محمود الدقم Date: 12-12-2016, 06:07 PM Parent: #1
ولد ابا كبر سلامات،،الخرطوم لم تعد دار حناكيش بل بل العكس اصبحت مدينة الاف وجه والف قبيلة، خصوصا بعد 2003 عندما اندلعت احداث دارفور وطوفان النازحين اجتاح العاصمة هروبا من الحرب، هناك احياء موغلة في الافريقاينية اصبحت لها شنة ورنة بالخرطوم، مثل حي انقولا، حي ابوجا، حي مايو،بارونا، الخ،،اما الاحزاب السودانية الخشبية الثلاثية الابعاد الان اصبحت في الخرطوم من تراثيات الماضي، باستثناء الشباب الشيوعي بصراحة هم الوحيدن القلبهم نار منقد وما خايفين، مع بروز حزب المؤتمر السوداني، قطاع الشمال في غيبوبة لم اراهم بالخرطوم، طلاب ابناء دارفور لسعة في خط المقاومة. اذن حدوتة عاصمة الحناكيش غير موجودة عشرات الالاف من النازحين من حروب الاطراف الان من ساكني قلب الخرطوم، راسمالية دارفورية جديدة اصبحت لهم عمارات شواهق في الرياض المنشية الخ، جولة في شارع النيل بعد ال 9 مساءا ستشاهد الالاف من المشردين ضحايا الحرب يتسولون الخبز، حبشيات قابضين الجو و سوريات الخ، وعصابات النيغرز موضوع اخر،،فعن اي حناكيش تتكلم ولض ابا،،؟ لا احد الان يريد الصادق او الميرغني او اركوي او عرمان كبديل للبشير، البديل صندق الاقتراع،،
ول ابا حامد عبد الله..حبابك يا صديقي كتر خيرك على المرور هنا.. العالم دي يا اخوي قاعدين في السهلة: بوست واحد والناس لافة صينية سبعة مرات وبوستات منبثقة ما تديك الدرب.. يعني ناس كايسة ليهو موضوع ونسة ، قالوا ليهم عصيان مدني عيييك وعاااك.. يجي واحد يجيب ليهم موضوع ينسوا ليك عصيانهم ويبدوا جكة جديدة..!! وبرضو بنقول ليهم: اكمل موضوع العصيان المدني عشان كل قرد يطلع شدرتو..! كتر خيرك يا صاحب.. كبر
ول ابا محمود الدقم..حبابك يا صديقي ولينا طولة.. عارف الناس كلها متحسسة من كلمة الحناكيش ، ولكن مافي زول استفسر عنها وعن استخدامها.. الخناشير المشت الخرطوم ، ضربت الضل البارد والموية الساقطة برضك صارت حناكيش..ياخي طلاب اولاد وبنات وبعضهم عامل ماجستير ، سألتهم عارفين شنو عن حرب دارفور ، وكل زول بينجر من طرف..! الشعب الذي يثور من اجل العيش والدواء ما مضمون يا صديقي ، يعني لو شبع واتعالج تاني ما بيفكر في تغيير حقيقي..عشان كده قلنا العوة دي ما بتلزمنا..!! فليكملوا مشوارهم في العصيان المدني وليتركوا للأخرين خياراتهم..! الصادق والميرغني ح يجوا بارثهم وثروتهم والبرستيج بتاعهم.. اركو وعرمان ح يجوا بسلاحهم وعضلاتهم التبش ومافي قوى بتقدر توقفهم في حدهم..! العصيان اتسرق من زمان يا صاحب.. عشان كده نحن بنفرنب..! كتر خيرك كبر
Post: #85 Title: Re: عصيان جمهورية الحناكيش وامسودان الأخرى... Author: علاء الدين صلاح محمد Date: 12-12-2016, 08:51 PM Parent: #84
الصادق والميرغني ح يجوا بارثهم وثروتهم والبرستيج بتاعهم.. اركو وعرمان ح يجوا بسلاحهم وعضلاتهم التبش ومافي قوى بتقدر توقفهم في حدهم..! ====================================== نورتنا جزاك الله خير جعلك المولى عز وجل من اهل الجنة وزوجك من الحور العين لكن يا اخوي محمد ما قلت لينا حضرة الافوكاتو - المثقف الكبير اوي محمد النور كبر جاي الخرطوم مع من : 1- محمد حمدان دقلو حميدتي 2- دعوة خاصة من قوات المشير البشير 3- اصلا ما جاي الخرطو ولا حاجة وماشي جزر ايه ما عارف
شيخ علاء الدين..حبابك كتر خيرك على الدعاء الطيب.. بالنسبة للخيارات: هو وكت زول كبير اوى اوي..يتابع الوهم ديل لي شنو يعني؟.. الخيار نمر اربعة: جمهورية خاصة ، خالية من الحناكيش والدواعش والشيوعيين واذنابهم..!
كبر أتى بخطاب واضح ووضع أسئلة ومعطيات حقيقية أراكم تقفزون فوقها وتتعامون عنها عمداً.. أتحدى أى واحد يقول أنه يضمن أن تلقى الحركات المسلحة سلاحها بمجرد سقوط النظام .. أتحدى واحد يضمن لى أن الحركة الشعبية شمال ــ والتى هى إمتداد للحركة الشعبية جنوب ــ ستلقى سلاحها ولن تعلن أن أبيي جنوبية ــ رأينا كيف أنها لم تعبأ بإنتفاضة أبريل واعتبرتها مايو٢.. فما الضمان أن تكرر نفس المقولة وتقول الإنقاذ٢؟؟ ــ وألريدى هناك أحد كوادرها من قال أن الحركة الشعبية يجب أن تحتفظ بسلاحها لمدة ٥٠ سنة قادمة لضمان عدم إستهبال الجلابة ..!! .. واحد يدق صدره ويضمن لى أن قوات حميدتى لن تتحول لجيش قبلى بحت ليدافع عن قبائله المحيطة به بتوجه قبلى صرف ، أسوة ببقية الحركات المسلحة حينما الحال يصبح ــ القوى يأكل الضعيف ــ ؟؟ أتحدى أى واحد يدينا فكرة عمن يقف وراء هذا الحراك .. ؟؟ ومن هو ذاك البطل الذى سينهض من بين أنقاض المجهول ليستلم البلد سواءً كان فرداً أو جماعة ؟؟ ويضمن أن جميع القوى ستقبل به بولاء سحرى من قولة تيت .. هل البطل طالب ثانوى؟ جامعة؟ كادر سرى؟ لجنة شعبية؟ مغترب؟ مهاجر كندى؟ أمريكى ؟؟ .. هناك مقولة ساذجة تنفع لدفن الرؤوس فى الرمال، وهى أن الشعب سيختلق قياداته من مافيش .. أين ذلك المافيش إن كان أى واحد يستثنى نفسه ويتكل على ذلك المافيش ؟؟ .. وأخيراً كبر ينبه أن التغيير فى العاصمة لا يعنى التغيير خارجها كما كان الحال فى السابق .. كبر يتحدث عن بيئة زوول نشأ فى أرض حرب ونزاع حدودى بين دولتين فيه تدخلات دولية تسعى لضم بلاده للجنوب بالقوة ويتشرد هو وأهله .. مشكلة البلد الرئيسية ليست فى العاصمة بل فى الحرب التى تنهش الأطراف .. محل ناس كبر حيث أصبح حمل السلاح بالنسبة ليهم أهم من الأكل والشراب .. أتفهم عبارة حناكيش فى هذا السياق حيث أن الكهرباء والموية والخبز هم الشاغل للناس وليس ضرب النار الذى تكتوى به مناطق الحرب .. الملخص .. فليقم العصيان وتسقط الحكومة ــ ولن تسقط بأخوى وأخوك مالم يتدخل الجيش ويستلم السلطة ، وتتكرر مقولة إستهبال جلابة ـــ .... فمهما حدث فلن تتوقف الحرب .. تماماً كما ازداد أوارها بعد إنتفاضة أبريل ، إذ أن الحركة اعتبرت أن البلد بدون حكومة تصبح جاهزة للسيطرة عليها .. كما ولن ينصلح الإقتصاد .. المعضلة الأساسية أن الحكومة عاجزة عن محاربة الفساد الذى يفاقم الغبن للمواطن الذى فاض به الكيل وقرر أن يقفز فى الظلام وزى ماتجى تجى..الحسنة الوحيدة لسقوط الإنقاذ أن العيشة تنفرز وكل قرد يطلع شدرته .. فقد بلغ الهوس والتعصب مبلغاً لا عودة منهما وبلغ السيل الزبى .. وآخر العلاج الكىْ ..
كلامى هذا ليس إصطفافاً مع كبر ، فهو قد إنمحى من إعتبارى منذ كلامه العجيب ذاك حين غزوة بيت العزبة .. وما تلاها من إتهامات لناس وكلام ساى أحياناً ..
ولكن الحق يجب أن يُقال ..
Post: #89 Title: Re: عصيان جمهورية الحناكيش وامسودان الأخرى... Author: سيف النصر محي الدين Date: 12-13-2016, 00:20 AM Parent: #87
جبال النوبة و النيل الازرق لها اهلها و ساكنيها و هم من يقرر مصيرهم و هم من يقرر من يمثلهم سواء اختاروا الحركة الشعبية او غيرها فهذا حقهم و لن يستطيع كائنا من كان أن يجبرهم على البقاء او الانضمام للجنوب او الانفصال. اما بالنسبة لابيي فما المطلوب؟ هل المطلوب أن نرهن مستقبل البلاد كله انتظارا لتحديد مصير ابيي؟ ابيي هذه فوتت على السودان فرصة الاستقرار عقب اديس ابابا و مرة اخرى عقب ما يعرف باتفاقية السلام الشامل و هي منطقة نزاع و هذا امر معروف. انا رأيي الشخصي أن ابيي ارض لدينكا نقوك و هم من يقرر مصيرها.
Post: #90 Title: Re: عصيان جمهورية الحناكيش وامسودان الأخرى... Author: كمال عباس Date: 12-13-2016, 00:42 AM Parent: #89
سلام أخ سيف النصر تقول..
Quote: ما بالنسبة لابيي فما المطلوب؟ هل المطلوب أن نرهن مستقبل البلاد كله انتظارا لتحديد مصير ابيي؟ ابيي هذه فوتت على السودان فرصة الاستقرار عقب اديس ابابا و مرة اخرى عقب ما يعرف باتفاقية السلام الشامل و هي منطقة نزاع و هذا امر معروف. انا رأيي الشخصي أن ابيي ارض لدينكا نقوك و هم من يقرر مصيرها. !
إبيي أرض شمالية بموجب حدود صبيحة يناير 1956 ـ حدود المديرات السودانية من فرط فيها هو الآنقاذ لا ا لأحزاب السودانية ـ الوجود التاريخي لدينكا نقوك في المنطقة يمكن أن يستمر وأبيي تابعة للشمال
ويعلم أهلنا البقارة جيدا بأن الإنقاذ هي من فرط في حقوقهم في أبيي وجعلهم مجرد ترانزيست حيث أقر بأن أبيي تخص مشائخ دينكا نقوك التسعة ! . أرجو أن تتمعن وبدقة في هذه الديباجة والمبدأ الاساسي الوارد في برتـكول أبيي ء بين حكومة السودان والحركة الشعبية لتحرير السودان ء المؤرخ في السادس والعشرون من مايو 2004 يقول البرتكول ........ ..
Quote: مبادئ الاتفاق بشأن أبيي : أ(أ) بصفة عامة : أ(أ)(أ) أبيي جسر بين الشمال والجنوب ، يربط شعب السودان . أ(أ)(ء) يعرف الاقليم كمنطقة نظارات الدينكا نجوك التسعة المنقولة لكردفان في أص0خم . أ(أ)(ع) يحتفظ المسيرية وبقية المجموعات الرعوية الاخري بحقوقهم التقليدية في رعي الماشية والانتقال عبر منطقة أبيي ... بروتكول أبيي .....................!
هذا ماوقعت عليه حكومة السودان وبصمت عليه بشهود أطراف خارجية **تلاحظ أن البرتكول يثبت أن ء أبيي نقلت نقلا لكردفان نقلا عامأص0خ أي أنها لم تكون تابعة كردفان! والأخطر أن البرتكول يثبت ويعرف منطقة أبيي بأنها منطقة نظارات الدينكا نجوك التسعة!! منطقة من ؟ دينكا نجوك !! ماهو وضع المسيرية في أبيي؟ يحتفظ المسيرية وبقية المجموعات الرعوية الاخري بحقوقهم التقليدية في رعي الماشية والانتقال عبر منطقة أبيي إذا فالبرتكول وهب المسيرية حق المرور عبر أبيي ء يعني ترانسيت!! وعبور ! أي أنه وبوضوح لم يكفل للمسيرية حق الإقامة "والمواطنة" بأبيي ** ما الخطورة في تثبيت حق دينكا نقوك في الارض والمواطنة والاقامة وحصر مصير المسيرية في الرعي والمرور ؟..
Quote: * الخطورة أن نيفاشا وضعت تقرير مصير نيفاشا في يد سكانها ء أي بالتصويت ء تبعيتها للشمال والجنوب يحددها التصويت ! فمن من حقه التصويت المقيم وصاحب المنطقة أم العابر ؟ ** هل كان الإحتكام لمحاكم لاهاي في ظل هذا الإتفاق القاطع مصيبا ؟ ** محكمة لاهاي بنت علي برتكول أبيي وأعطت البترول للإنقاذ والارض الموارد المائية للدينكا ! ..!
من فرط في أبيي هو الإنقاذ وعلي عثمان ومن هلل للموارد الناضبة (البترول) مقابل المياه والأرض هو الإنقاذ
Post: #91 Title: Re: عصيان جمهورية الحناكيش وامسودان الأخرى... Author: سيف النصر محي الدين Date: 12-13-2016, 00:53 AM Parent: #90
سلامات يا كمال شكرا على التنوير. اوافقك أنه في المفاوضات الاخيرة الحكومة لم تضع للمسيرية اي اعتبار في مسألة ابيي. و لكن هل توافقني أن موضوع تبعية ابيي للشمال او للجنوب تقرر حوله اجراء استفتاء في مرحلتين تاريخيتين منفصلتين؟ اذن تبعية ابيي للشمال او للجنوب ليست امرا محسوما. هل نرهن امرنا كله لرغبة قبائل بعينها في منظقة متنازع عليها؟ ياخي ممكن بعدين نمشي لاهاي و نرضى بحكم محكمة العدل الدولية كلنا حناكيش و مسيرية و دينكا نقوك، المشكلة شنو؟ في الوقت الراهن لابيي قوات دولية تحميها.
Post: #92 Title: Re: عصيان جمهورية الحناكيش وامسودان الأخرى... Author: Munir Date: 12-13-2016, 00:56 AM Parent: #90
دعونا يا إخوتى سيف وكمال لا نقفز لما وراء الحدث ونتحدث عن المصير .. كدى نخلى القيامة تقوم أول، وبعد داك نشوف الحساب.. هسه نحن فى اللحظة التى تلى سقوط النظام مباشرة .. واحد يرسم لينا سيناريو الأحداث.. والمعطيات هى أسئلة التحدى الذكرتها فى مداخلتى السابقة .. واحد يملأ لينا الفراغ بين تلك اللحظة لغاية ما تقوم حكومة إنتقالية ــ إن قامت ــ ومن سيقيمها ؟؟ ..
Post: #93 Title: Re: عصيان جمهورية الحناكيش وامسودان الأخرى... Author: كمال عباس Date: 12-13-2016, 01:19 AM Parent: #92
سلامات أخ سيف النصر .
Quote: اذن تبعية ابيي للشمال او للجنوب ليست امرا محسوما. هل نرهن امرنا كله لرغبة قبائل بعينها في منظقة متنازع عليها؟ ياخي ممكن بعدين نمشي لاهاي و نرضى بحكم محكمة العدل الدولية كلنا حناكيش و مسيرية و دينكا نقوك، المشكلة شنو؟ في الوقت الراهن لابيي قوات دولية تحميها. !
راجع حكم محكمة لاهاي وردود فعل الأطراف المختلفة علي الحكم العام نعم مصير أبيي مرهون بإستفتاء أهلها وذلك بموجب إتفاق ملزم ـ ولكن من سيصوت في الإستفتاء من يقرر مصير المنطقة ؟الإجابة المنطقية تقول أن أهل المنطقة من يفعل ذلك ولكن وللأسف فإن نظام الإنقاذ قد حدد سلفا أحقية من يصوت فيها حيث نص ( يعرف الاقليم كمنطقة نظارات الدينكا نجوك التسعة المنقولة لكردفان في 1905م .) وجعلت من المسيرية مجرد ترانزيت وعابرين حيث حفظت لهم ( يحتفظ المسيرية وبقية المجموعات الرعوية الاخري بحقوقهم التقليدية في رعي الماشية والانتقال عبر منطقة أبيي) تحياتي أخ منير .
Quote: دعونا يا إخوتى سيف وكمال لا نقفز لما وراء الحدث ونتحدث عن المصير .. كدى نخلى القيامة تقوم أول، وبعد داك نشوف الحساب.. هسه نحن فى اللحظة التى تلى سقوط النظام مباشرة .. واحد يرسم لينا سيناريو الأحداث.. والمعطيات هى أسئلة التحدى الذكرتها فى مداخلتى السابقة .. واحد يملأ لينا الفراغ بين تلك اللحظة لغاية ما تقوم حكومة إنتقالية ــ إن قامت ــ ومن سيقيمها ؟؟ ..!
أنا تدخلت هنا متحدثا عن مصير أبيي وما أفرزه إتفاق أبيي ! أما الحديث عن سقوط النظام وماسيخلقه من فراغ وتوقع مآلات الأحداث فلهذا وقته وبالتحديد مكانه فلكل مقام مقال....
Post: #94 Title: Re: عصيان جمهورية الحناكيش وامسودان الأخرى... Author: الصادق اسماعيل Date: 12-13-2016, 01:21 AM Parent: #92
يا كبر كيفك يا صديق
حرام عليك ما تتذكر آمنة مختار في اعتصام لقاوة والله هي الشجعتني وهي الوافقت على الفكرة والصورة سحبتها هسع أو ما بدأ العصيان بتاع نوفمبر عارف ليه، عشان ما زول يشوغفها وتشوش عليه ويفتكر دي قشرة. ما علينا، وكتّر خير مؤتمر الطلاب المستقلين الخلانا نتمتع باستقلالية فكرية وما نتبع القطيع، وأي حاجة نكتلها بحثاً. وعشان كدا أنا فاهم كلامك وبدعمك يا صديق وفاهم موقفك، التصنيفات ما بتخوفني، وعشان اكون واضح ما بتفرق معاي كتير لو زول اعتبرني مناضل ولا اعتبرني امنجي ولا سوي ولا مجنون. حياتي دي كلها بيهمني اكتب قناعاتي وامسي وراءها. أقرب صحباني الأنا جيت معاهم للتحالف طلعوا من التحالف وأنا أبيت عشان حسيت إنه حأخلي الناس الهناك ديل للنخب المستهبلة دي يتجاروا بيهم.
هسع شغال بنبه في الناس عشان يدفعوا (قروش) عشان العصيان، ينجح، ما هماني غير اقول فكرتي الداير يمشي معاها يمشي والداير يسيب الحمار ويقعد يتشطر على البردعة فله ما أراد.
ما علينا، (الأنهيار) يا صديقي يمكن أن يكون هو المآل، ولكن لا خيارات أخرى. أنا بعول على المساومة التاريخية أكتر، لكن النظام ما أدى فرقة للشعب عشان يساومه أصلاً التنظيمات الفوق دي كلها يا كبر بما فيها الحركات كلها وافقت مبدئياً على المساومة وفيها الانخرط في مقدمات (المساومة التاريخية) من تفاوض وغيره برعاية دولية او وطنيىة لكن المساومة التاريخية شرطها ("إن لم يتيسر قيام كتلة تاريخية ناضجة وقادرة على إنجاز فعل الثورة لأي أسباب أو تداخلات أخرى، فتبقى المسألة مرهونة بمقدار التنازلات التي يمكن أن تقدمها النخبة الإسلاموعربية (يمينها ويسارها) واستعداد قوى الوعي والمهمشين للتضحية للاتفاق على برنامج حد أدنى مثل (ميثاق أسمرا للقضايا المصيرية) والالتزام به مما قد يؤدي ـ على المدى الطويل ـ إلى التحولات الضرورية، وإنجاز ما كان يمكن أن ينجزه فعل الثورة."
مقدار التنازلات ودي ما متوفرة هسع، لكن بي هضربة البشير في كسلا دي ممكن فعل العصيان يؤدي للمساومة التاريخية دي، ونكون أنجزنا ثورة الياسمين بتاعتنا دي.
المهم أنا مريت هنا عشان أقول ليك (الدور دا ما جليتها وفهمتك ياصاحب)
لك كل الحب والدعم والتفهم تضحك أيامك كلها مش بس نهارك زي ما بيقول صاحبنا محسن خالد
Post: #95 Title: Re: عصيان جمهورية الحناكيش وامسودان الأخرى... Author: munswor almophtah Date: 12-13-2016, 01:24 AM Parent: #94
بين بداوة الحوار وحنكشة العصيان تختبئ الحقيقه التى سوف لا ولن ترى إلا بعينى زرقاء اليمامة ويقين العارفين بالله وضمير الصُلاح الأتقياء من أهل الوطنيه الخالصه النابته بروساً كخيرات هذه البلاد دون تأثير بأدلجةٍ موضوعه بعقول قاصره تبين عواراتها فى المحكات الحقيقيه كما التى نحن بصددها الآن، والوطن أكبر من إختلافات الإنتمآت العاجزه القاصره على أفق من هم خلفها إلا أن الوعى بحقيقة الوطن التى تستوجب قدسية القواسم المشتركه كتلك التى تجمع بين الجمهوريين والديمقراط لبقاء هيبة الدوله التى ناضل من أجلها الأوائل ووضعوا لها أسساَ أصبحت الدستور المقدس والذى لايمكن الخروج عليه فإذا لم نبلغ ذلكم الشأو والشأن فسنظل نقتتل إلى ما شاء الله وسوف لا ولن نخرج عن تلك البدائيه المشوهة خلاف ما ينبغى أن تكون عليه وفقاُ لفطرة الأشياء السليمه وستدور ساقية أنا وأخى على إبن عمى وأنا وإبن عمى على الغريب حتى يرث الله الأرض ومن عليها أو أن يبتلعها فكٌ مفترس حارص على إنتزاعها بشراسة تزلزل كيان الكل!!
منصور
Post: #96 Title: Re: عصيان جمهورية الحناكيش وامسودان الأخرى... Author: Kabar Date: 12-13-2016, 03:31 AM Parent: #95
العزيزة دوما..حبابك يا صديقتي فيما يخص انتشار السلاح ، هناك جزئية من العنوان وهي (وامسودان الأخرى) ، ونماذج السلاح التي وردت في الفيديوهات اعلاه ، فيديو في قرية في مناطق الأبالة في شمال كردفان ، والثانية في دارفور ، اما سلاح جنوب كردفان اخير ما نجيبوا هنا لأن الناس ح تقع من طولها.. ظاهرة انتشار السلاح يا صديقتي ليست قاصرة على مناطق الحرب ، الظاهرة منتشرة في اجزاء كثيرة من السودان ، والسلاح ده يا زينب ، اليوم اقول ليك بفم مليان مافي زول بيقدر يحدد وجهة السلاح دي ح تكون ، وصدقيني الشعب الأعزل في المدن ما بتجيهو اي عوجة اللهم الإ سلاح ناس الحكومة ، ولكن سلاح القبائل سوف يتوجه الى جهات اخرى ، وهنا اعطيك نموذج مبسط ، نزاع بين الرزيقات والمعاليا والإتنين اهل وجيران ومعرفة تمتد لمئات السنين..!
فالظاهرة هي واقع يا صديقتي وواقع يجب ان يضعه الجميع في الحسبان..!
اذا قررت دعم أي فصيل سوف افعل ذلك دون الحاجة لإعلان هنا ، لأنو غالبية الناس الهنا غير النقة وتخوين الناس في السهلة ما عندها شغلة..!
ولازلت يا صديقتي ، اؤمن بان الناس تكمل مشوراها للأخر ، لأن الوضع ضاق للغاية ، ولكن عليها ان تتحمل معطيات الواقع والنتائج للنهاية..!
كتر خيرك.. كبر
Post: #97 Title: Re: عصيان جمهورية الحناكيش وامسودان الأخرى... Author: Kabar Date: 12-13-2016, 03:39 AM Parent: #96
منير ..حبابك يا صديقي كتر خيرك على المرور هنا ، في البدء اعتذر عن أي اساءة طالتك سواءا في شخصك او في معتقدك الديني ، وما انا يا صديقي الإ بشر عادي وله حدود طاقة معينة ، والمنبر براك شايف الناس الحايمة فيهو ، عندها طرائق غريبة وعجيبة في تصفية الخلافات..عموما لك اعتذاري.. كتر خيرك وهذا الموقف الذي نرجو أن يسود ، ليس موقف الدعم ، وانما موقف ان ترى الحقيقة عارية كما هي حتى لو جاء بها شخص تختلف معاهو او هو خرج من حساباتك وبرضك كتر خيرك على هذا الأمر.. الحراك في نهاية نوفمبر ، كانت تقف خلفه الحكومة ، وهي حيلة لسحب البساط من تحت اقدام مظاهرات النساء والأطفال ، لأنو النظام عرف انه لا يستطيع ان يقتل أو يسجن (يعني شفع ح يوديهم وين) عشان كده كانت فكرة العصيان ، وبراك شايف الزمن القصير الذي تم فيه الإعلان عن العصيان وكيف اتنفذ بصورة ناجحة ، لدرجة ان القوى السياسية اخذت على حين غرة ..وفي نفس الوقت ، النظام اختلق بعض الناس الكانت بتصرح للأذاعات الدولية وبصورة منتظمة للغاية والتي تذهب الى أن العصيان مبادرة من ناشطين سودانيين (وهي عبارة فضفاضة لدرجة ممكن تحتوي ضباط امن ومخابرات).. نعم يا صديقي قوات حميدتي سوف تتحول لجيش قبلي وسوف تصفى حساباتها الخاصة ، اما الحركات المسلحة : قطاع الشمال سوف يفرض عملية شريان الحياة الثانية ، وعن طريق الإغاثة (تماما مثلما حدث في شمال سوريا) سوف يتم تسليح التنظيم ، وسوف يسلم المناطق الثلاثة لدويلة الجنوب لأن هذا ما تريده امريكا..! حركات دارفور ، العدل والمساواة سوف تذهب لخندق النظام (خندق الحركة الإسلامية) اما الحركات الأخرى فسوف تستمر فيما ظلت تفعل طيلة الطلطاشر سنة الماضية تقاتل بعضها البعض اكثر مما تقاتل النظام..! تركيبة الحركات المسلحة تركيبة اثنية اكثر من كونها تركيبة عقائدية وايدولوجية او برامجية وهناك يا صاحب عقيدة القبيلة اكثر تصلبا من عقيدة الدين والفكر..! كتر خيرك يا صديقي للإتفاق معنا في نقطة التغيير وان التغيير الذي يحدث في الخرطوم لن يؤثر كثيرا في البؤر الملتهبة ، وكل ما يوفره مثل هذا التغيير ان يمنح تلك المناطق فرصة اكبر من الحرية ، والناس هناك يا صديقي صارت في موقع من لا يعرف الأخلاق والأعراف والقيمة سواءا كانت قيم دينية او انسانية ، الناس هناك تؤمن بالبندقية فقط..! نعم الحكومة عاجزة عن محاربة الفساد وعاجزة عن الإصلاح السياسي والإقتصادي ، وصدقني فيها ناس لو ليهم مراد العصيان ده ينجح عشان يتخارجوا من الورطة..! وحتى الآن ناس المعارضة واقفين في نفس الموقع: خلونا نسقط النظام وبعد داك نتفاهم ، ولعمري هذا هو العجز والإستهبال..! ونكرر لهم القول: فليستمر العصيان وينجح ، عشان كل قرد يطلع شدرتو..! كتر خيرك.. كبر
Post: #98 Title: Re: عصيان جمهورية الحناكيش وامسودان الأخرى... Author: Kabar Date: 12-13-2016, 03:41 AM Parent: #97
ول ابا سيف..حبابك ولعمري هذا منطق غريب: يعني لمن تبقى حكاية جبال النوبة وابيي يبقى الموضوع تقرير مصير ومتروك لأهل المنطقة ، ولم تبقى حكاية الخرطوم تفرضوا على الناس فرضا انها قضية وطنية وتحددوا منو الخاين ومنو غير الخاين؟.. طيب حارق رزك في كم يا صاحب؟ ما قلنا ليكم خلي ناس جمهورية الحناكيش يكملوا عصيانهم وبعد داك كل قرد يطلع شدرتو..!! شكرا سهلتها علينا شديد: فيلقرر الحناكيش امر الخرطوم ، ويتركوا لينا مناطقنا نقرر مصيرها كما نريد ، بس اخطونا من المشوبرة والوعظ ودس السم في العسل..! مافي زول قال ليك اسجن مصيرك بقبيلة يا سيف ، والسلاح المنتشر ده مش منتشر في ارض قبيلة واحدة ، ده واقع في كل انحاء السودان ، وكلهم قبائل وصدقني ما فيهم حناكيش..! كبر
Post: #99 Title: Re: عصيان جمهورية الحناكيش وامسودان الأخرى... Author: Kabar Date: 12-13-2016, 03:43 AM Parent: #98
جدا يا كمال ، المؤتمر الوطني ارتكب خطأ وفرط في ابيي ، فاين كانت القوى السياسية؟ هل عملت اعتصام او مظاهرات لكي تثبت احقية السودان بالتراب السوداني؟.. طيب اهلك البقارة هم شوية مواطنين طرش والإنقاذ غشتهم ، اين كان دورك ودور كل الأحزاب السودانية التي تدعي الوطنية والبحث عن وطن للجميع؟.. بعضهم يا صديقي كان شمتان عديل على ما حدث للمسيرية في منطقة أبيي ، وبعضهم كان يبحث عن تجديد الولاء له حتى يدعمهم ، فقط البعثيين هم من وقف بوضوح ولم ينتظروا جزاءا ولا شكورا ، وقفوا موقفهم الواضح وهم يعرفون ان التراب السوداني ليس موضع مساومات وان الأنظمة تأتي وتذهب ، ولكن التراب ان ذهب فلن يعود..!! عشان كده قلنا ونكرر: اكملوا عصيانكم المدني عشان كل قرد يطلع شدرتو..! كبر
Post: #100 Title: Re: عصيان جمهورية الحناكيش وامسودان الأخرى... Author: Kabar Date: 12-13-2016, 03:45 AM Parent: #99
كبر ول ابا الصادق..حبابك يا صديقي ههههههههههه.. الغريبة حكاية امونة ولقاوة دي كانت حايمة في راسي ، بس القلم ليهو رافع ..المهم التحية ليها واشكرها كتير ، فعلا كانت قبالك وقبال اخونا جادات..المهم ليها العتبى حتى ترضي.. ولسع عند وعدي ، امونة لو شغالة عصيان في السودان ح نرسل ليها تور الغدا وهذا حدنا في الدعم..
وبعد..
مرحلة المساومة يا صديقي ، تعثرت في نيفاشا حينما توفرت لها ظروف عديدة: رعاية دولية ، وضمانات ، وتنازلات ، ولكن النتيجة كانت خطأ ، حيث انقسم البلد لدولتين فاشلتين وتمتلآن بالحروب والمشاكسات..! الفرصة الثانية ، كانت هي فكرة الحوار الوطني ، وداخل السودان ، وكنا نظن أنها كوة جيدة ، ولكن البعض رفضها لأن شروطه للتفاوض لم يتم استيفاءها..!
الآن ، العصيان هو ضغط نحو احداث المساومة ، ولكنه جاء بصورة غامضة..حتى اللحظة مافي زول عارف ماهي اهداف العصيان: هل هي لإجبار الحكومة للتنازل عن سياساتها الإقتصادية الأخيرة؟ هل هي للضغط على الحكومة لإطلاق سراح المعتقلين؟ هل لإسقاط النظام تماما؟..ام هي من باب الكحة ولا صمة الخشم؟..
غياب البرنامج والخطط لما بعد اسقاط النظام ، واعني البرامج التي تحقق نوع من الإجماع والإلتفاف حولها ، هو ما يجعل الوضع اقرب لفرضية الإنهيار التام ، لأن المعارضة الآن كل همها التعبئة لإنجاز العصيان ، اما البرامج فهي مؤجلة لمرحلة ما بعد اسقاط النظام ، وانت تعرف وانا اعرف ، ان مثل هذه القوى لا تملك غير المشاكسات والمشاجرات والمعارك الصغيرة..!
مقررات اسمرا تجاوزها الزمن ، واقرب تطبيق لها هو نيفاشا ، وهذا ما يجعلني اقول دوما ان السودانيين في الورق مبدعيين وخلاقين وعباقرة ،لكن حينما يأتي الأمر للأرادة الحقيقية لتنزيل الكلام لأرض الواقع ، فهنا يظهرون بمظهر غريب ومختلف..!
في كل الأحوال ، سقط النظام أو لم يسقط ، فان الحرب هي التي سوف تؤدي بالسودان الى مثواه الأخير..!!
كتر خيرك على التفهم..! كبر
Post: #101 Title: Re: عصيان جمهورية الحناكيش وامسودان الأخرى... Author: Kabar Date: 12-13-2016, 03:46 AM Parent: #100
ول ابا منصور..حبابك يا صديقي البداوة ، لو يعلموا يا صديقي ، سمحة وبتعلم الزول يشوف الحاجات من كل جوانبها.. واهو زي ما شايف ، بنجيب ليهم شواهد على ظاهرة انتشار السلاح في البلد والسودان الآخر الذي لا يعرفون عنه والجماعة بهناك شغالين تشريح سيكولوجي وسيوسيولجي وشنو كده ما عارف..يعني ناس بره الواقع والتاريخ والمستقبل ، كل همها النياصة والردحي الكتير..واحسب كم خيط انبثق عن خيط البداوة هنا..! واحدة من وجوه فقه التقية الشغالين بها الشيوعيين هي جاكة الشعب السوداني وشعبنا وشنو كده ما عارف ، وهم يقصدون زمرتهم الشيوعية فقط ، لأنو لو ناس الحزب الشيوعي حريصين على السودان واهلو ، كان الأفضل ليهم يلزموا الفروة ويهبطوا في التراب..! كتر خيرك على المرور.. كبر
Post: #102 Title: Re: عصيان جمهورية الحناكيش وامسودان الأخرى... Author: كمال عباس Date: 12-13-2016, 04:04 AM Parent: #99
..... كتب الأخ كبر . .جدا يا كمال ، المؤتمر الوطني ارتكب خطأ وفرط في ابيي ، فاين كانت القوى السياسية؟ هل عملت اعتصام او مظاهرات لكي تثبت احقية السودان بالتراب السوداني؟.. طيب اهلك البقارة هم شوية مواطنين طرش والإنقاذ غشتهم ، اين كان دورك ودور كل الأحزاب السودانية التي تدعي الوطنية والبحث عن وطن للجميع؟.. بعضهم يا صديقي كان شمتان عديل على ما حدث للمسيرية في منطقة أبيي ، وبعضهم كان يبحث عن تجديد الولاء له حتى يدعمهم ، فقط البعثيين هم من وقف بوضوح ولم ينتظروا جزاءا ولا شكورا ، وقفوا موقفهم الواضح وهم يعرفون ان التراب السوداني ليس موضع مساومات وان الأنظمة تأتي وتذهب ، ولكن التراب ان ذهب فلن يعود..!! عشان كده قلنا ونكرر: اكملوا عصيانكم المدني عشان كل قرد يطلع شدرتو..! كبر رأي الشخصي في وضعية أبيي وجريمة التفريط بل والخيانة الوطنية التي إرتكبتها الإنقاذ حيالها مبذول وموثق !! وظللت أردده في ظل تراخي قلة من بعض أبناء المنطقة ومغازلة من بعضهم لنظام الخيانة والتفريط في السيادة الوطنية ! * الأحزاب إعتبرت إن الإتفاق تم بإسم الدولة وهو ملزم لذا تراهم في إنتظار الإستفتاء وإن كان البعض إحتج وعموما فقد أصدر أبناء ورموز الميسيرية إحتجاجا علي قرار المحكمة الدولية * عموما نيفاشا كانت بها ثقوب ومسالب وقد قبلتها القوي السياسية علي علاتها لأنها تمت بضغوط دولية واليوم الضغوط متواصلة إستغلالا لقرار محاكمة البشير ـ والبشير مستعد لمزيدا من التفريط في السيادة والتراب مقابل كرسي الرئاسة والسلامة الشخصية لايهم بعضها وطن أو مواطن ! .....
Post: #103 Title: Re: عصيان جمهورية الحناكيش وامسودان الأخرى... Author: Kabar Date: 12-13-2016, 04:30 AM Parent: #102
كتر خيرك يا كمال ، خليك في موقفك الوطني ، وما تشتغل بالخونة البتغازل نظام الإنقاذ.. ودعنا نركز في موضوع الخيط الأصلي وحدوده: عصيان جمهورية الحناكيش ، وامسودان الأخرى.. امسودان الأخرى ياها السلاح الهامل هنا ، وسوف نضيف فيديوهات اخرى لتأكيد الظاهرة.. سؤال اول: هل تؤمن بوجود الظاهرة ، ام تظن انها اكذوبة وفزاعة؟ سؤال تاني: ماهي رؤيتك لجمع هذا السلاح وتحييده ؟ سؤال ثالث: ماهي رؤيتك بان ما حدث بعد اكتوبر وبعد ابريل لن يحدث مرة اخرى؟ بمعنى ادق ما هي ضماناتك الأ يتم سرق الجهد كما سرق من قبل؟..وهل تعتقد ان القوى السياسية الحالية تملك المؤهلات التي تجعلها تبني وطن؟..الجزئية دي لأنو نفس القوى فرطت في انتصارات اكتوبر وابريل ، وتغير الزمن ولم تتغير هذه القوى..! اتمنى ان اسمع منك حول هذه التساؤلات..
ما تغرك العكاكيز دي..الناس ديل عندهم حاجات اسكت ساكت خليها..!
كبر
Post: #104 Title: Re: عصيان جمهورية الحناكيش وامسودان الأخرى... Author: Kabar Date: 12-13-2016, 04:46 AM Parent: #103
المسيرية في جنوب دارفور
من مظاهر امسودان الأخرى : ظاهرة انتشار السلاح في ايادى لا احد يستطيع كبحها او جمع السلاح منها.. سلاح القبائل مشروط بسلاح الحركات المسلحة: الحركات وضعت السلاح ، فان القبائل سوف تضع السلاح..ويبدو أن الوقت غير مناسب الآن للحديث عن التخلي عن السلاح وكل متمسك بسلاحه ، هذه الوضعية هي التي يجب ان يضعها ناس جمهورية الحناكيش في حسبانهم.. وعليهم ان يتقدموا برؤى واضحة للمعالجات ، أو عليهم ان يعلنوا صراحة ان امسودان الأخرى ليست في حساباتهم واولوياتهم وان ليست جزء من الوطن الذي يتحدثون عنه..!
عرض هذه الحقائق لن يوقف العصيان ، وانما يضع الأمور في نصابها الحقيقي ، وعرض هذه الحقائق ليس لتوضيح بطش النظام وقوته ، وانما لنوضح للناس حقيقة الواقع الذي يتحركون فيه ..!
ديل ناس العدل والمساواة ، قال ليك عندهم سلاح موسيقى عديل ، ولاحقا سوف نضيف السلاح عند الحركات المسلحة..
كبر
Post: #105 Title: Re: عصيان جمهورية الحناكيش وامسودان الأخرى... Author: سيف النصر محي الدين Date: 12-13-2016, 04:55 AM Parent: #104
السلاح منشر و القبائل مسلحة و الحركات تقاتل و الحركة الشعبية شمال موحودة هذا هو الوضع و الحكومة موجودة و هو نفس الوضع اذا ذهبت. ما الفرق؟ هل الحركة الشعبية تنتظر نجاح العصيان لتسلم المناطق الثلاثة للجنوب؟ و هل حسابات الحركة مبنية على العصيان اصلا؟
Post: #106 Title: Re: عصيان جمهورية الحناكيش وامسودان الأخرى... Author: Kabar Date: 12-13-2016, 05:14 AM Parent: #105
ول ابا سيف..حبابك حكاية السلاح منتشر دي واقعة بنقول فيها من ما بدينا الخيط ده ، يعني شنو تكرارها؟.. المطلوب تصورك وتصور ناس جمهورية الحناكيش في امر هذا السلاح؟..الرؤية شنو لتحييد السلاح وجمعو؟..ولا برضك زي اخونا كمال والنخبة: ننجز فعل اسقاط النظام ثم بعد داك نفكر في امر السلاح الهامل؟.. المناطق الثلاث هي اغني اقاليم السودان الحالي ، والحركة الشعبية سوف تسلمها للجنوب لأن هذا هو مطلب امريكا..! نعم الحركة تبني حساباتها على امر العصيان ، لأن النظام اعلن بانه لن يتفاوض معها..وعسكريا ما عندها القدرة على فعل شئ ، فلم يتبقى لها الإ تحين الفرص والإصطياد في المياه العكرة..! ماهو تصورك لأمسودان الأخرى يا سيف؟ ام هي خارج حساباتك واولوياتك؟.. كن شجاعا وقلها يا صاحب ..! ومهما حاولنا الهروب ودفن الرؤوس في الرمال والإستكانة للأماني قصيرة الأجل ، فهذا الواقع موجود ، فماذا نحن فاعلون؟.. كبر
Post: #107 Title: Re: عصيان جمهورية الحناكيش وامسودان الأخرى... Author: Kabar Date: 12-13-2016, 07:05 AM Parent: #106
واحدة من سياسات الخم والتدليس التي يتبعها ناس جمهورية الحناكيش هي ضرورة انجاز العصيان بأي ثمن كان ، وهذا امر مشروع ، وندعم هذا الموقف لأننا احرص على سقوط النظام من جماهير الحناكيش..!
وهنا ليس السؤال عن بديل ، لأن البديل محسوم وموجود: ولكن السؤال عن ماهي القيمة التي تجمع الناس كوطن واحد خلافا للتدافع والتوحد من اجل اسقاط النظام؟..
وجود السلاح والحركات المسلحة والنخبة التي اضاعت انتصارات الشعب السوداني في اكتوبر وابريل ، تحتاج موقف واضح وحاسم ..!
العاطفية لن تبني بلد ، وانما العقل هو ما يبني البلد..!
كبر
Post: #108 Title: Re: عصيان جمهورية الحناكيش وامسودان الأخرى... Author: محمد البشرى الخضر Date: 12-13-2016, 07:28 AM Parent: #107
سلامات يا كبر
Quote: الحراك في نهاية نوفمبر ، كانت تقف خلفه الحكومة ، وهي حيلة لسحب البساط من تحت اقدام مظاهرات النساء والأطفال ، لأنو النظام عرف انه لا يستطيع ان يقتل أو يسجن (يعني شفع ح يوديهم وين) عشان كده كانت فكرة العصيان ، وبراك شايف الزمن القصير الذي تم فيه الإعلان عن العصيان وكيف اتنفذ بصورة ناجحة ، لدرجة ان القوى السياسية اخذت على حين غرة ..وفي نفس الوقت ، النظام اختلق بعض الناس الكانت بتصرح للأذاعات الدولية وبصورة منتظمة للغاية والتي تذهب الى أن العصيان مبادرة من ناشطين سودانيين (وهي عبارة فضفاضة لدرجة ممكن تحتوي ضباط امن ومخابرات)..
دي يا كبر قناعتك و قراءتك للحاصل ولاّ شغل مكاجرات سودانيزاونلاين ساي؟؟
Post: #109 Title: Re: عصيان جمهورية الحناكيش وامسودان الأخرى... Author: عبدالحفيظ ابوسن Date: 12-13-2016, 07:40 AM Parent: #108
تحياتي كبر ممكن اعرف تعريف مصطلح حناكيش
Post: #110 Title: Re: عصيان جمهورية الحناكيش وامسودان الأخرى... Author: Osman M Salih Date: 12-13-2016, 07:48 AM Parent: #108
سلامات ياكبر،
أكدت لي كتاباتك الاخيرة ضمن مااكدته انك تمارس السياسة كما يمارسها الهواة. تكتب كلاما فطيرا لافي السما لا في الارض يقضم من رصيدك قضمات هائلة ويقلل من شأنك وكل ذلك في حمية دفاعك عن سلطة متداعية فاسدة مستبدة ناصبتها من قبل العداء ثم فجأة انقلبت على عقبيك كأن السلطة المنبوذة قد تجلت لك كالقمر في حلة العروس المجلوة.
تارة تتوهم الاشياء مصورا الاعتصام كخطة من بنات أفكار السلطة وتارة اخرى تتلاعب باللغة مدعيا تأييد الاعتصام بينما تسخر من المعتصمين كما لم يجرؤ على ذلك جلاوزة الانقاذ انفسهم. واتبعت الهزء بالتهديد بايواء رأس السلطة اذا ما جاء دياركم مهزوما!. كل هذا الاضطراب والتناقض مصدرهما الخوف من ان يقود تنامي المقاومة الشعبية الى ذهاب الانقاذ فينتج عن ذلك ضياع الامتيازات التي حصل عليها قسم من عشيرتك جانبوا الانقاذ وسكنوا العاصمة ودخلوا في زمرة الملاك.
Post: #111 Title: Re: عصيان جمهورية الحناكيش وامسودان الأخرى... Author: الطيب رحمه قريمان Date: 12-13-2016, 08:04 AM Parent: #110
ول ابا كبر
تحياتى لك و تقديرى و اشواقى و شكرى .. و الله لو انك اكتفيت بالمداخلة اناه لكفتنا ..
ومثل هذه القوى السياسية الحنكوشة ، لا تعرف الواقع والتاريخ ، ولا تريد ان تنبرى الناس وتذكرها بذاك الماضي المشين واهدار الفرصة تلو الفرصة لبناء دولة المواطنة والمؤسسات والحقوق والقانون والعدالة والتنمية..وانما طفقت تخوض معاركها الخاسرة التي تمثلت في صراعات ذاتية لا علاقة لها بالسودان ، فاضاعت تلك القوى فرصة الإستقلال ، وفرصة اكتوبر وفرصة ابريل ، وغيرها من الفرص ، ولم تعمل مطلقا لإصلاح حالها وترتيب نفسها لتبني مؤسسات تجعل المواطن السوداني العادي (طبعا غير مواطن العاصمة) بان يشعر بانه تعبر عنه وعن قضاياه..فان كان النظام سئ للغاية ولم يستوعب الدروس طيلة السبع وعشرين سنة الماضية ، فان القوى السياسية السودانية الكبيرة لم تستوعب الدورس طيلة الستين سنة من عمر الدولة السودانية الحديث ، والأنكى انها تحاول ان تتناسى كل ذلك الإرث المشوه وتريد ان تقود عصيانا مدنيا الآن..!\
Post: #154 Title: Re: عصيان جمهورية الحناكيش وامسودان الأخرى... Author: Osman M Salih Date: 12-14-2016, 03:55 AM Parent: #103
Post: #112 Title: Re: عصيان جمهورية الحناكيش وامسودان الأخرى... Author: Osman M Salih Date: 12-13-2016, 08:19 AM Parent: #1
خطبة عثمان محمد صالح في اهل سودانيزاونلاين وماجاورها في الاسافير،
كالقدر، كالصاعقة هاقد جاءكم الطيب رحمة قريمان كبير الهواة في حقل السياسة مدججا بعدته وعتاده. وان مصيركم والله لكالح اشد ظلمة من سواد الليل: كبر من أمامكم وقريمان من ورائكم، فأين المفر؟!.(وش ضاحك ).
Post: #113 Title: Re: عصيان جمهورية الحناكيش وامسودان الأخرى... Author: حماد الطاهر عبدالله Date: 12-13-2016, 09:14 AM Parent: #112
ول أبا كبر .... تحياتي عام 2003م قلنا لمتمردي دارفور- حركتين ... الحرب ليست فسحة .. لم يصدقونا.. فتفسحوا وفسحوا معهم العالم كله. والعصيان المدني بصيغته الحالية وظرفه الآني لن يسقط طوبة ويهدر سلاح ممتاز للي يد الإنقاذ لتستعدل أو تذهب... وسيتم الأسف عليها في حالة فقد الحد الأدني من الأمن المتوفر حاليا.... فلو أستقبلت كثير من الدول ما إستدبرت لم ثارت شعوبها... ليس كمن رأى كمن سمع والبخيت يشوف في أخوه. في كل الأحوال سلاحنا موجود والباره ترعي على الماسورة. وأنت تنفخ في قربة مقدوده........
Post: #114 Title: Re: عصيان جمهورية الحناكيش وامسودان الأخرى... Author: محمد على طه الملك Date: 12-13-2016, 09:37 AM Parent: #113
سيبك يا كبر من البتعمل فيهو دا ؤ تعال ساعدنا نخت النقاط فوق الحروف .. عشان نعرف ننجز مستقبل مستقر للبلد بعد التخلص من عصابة الانقاذ بإذن الله .. هذا الحزام الجغرافي أو حزام التماس المناخي بين الصحراوي والسافنا الفقيرة .. الذي اطلق عليه اصطلاحا وفق مكوناته البشرية لفظ ( عرب وزرقة ) .. صدقني يتوقف عليه مستقبل استقرار السودان .. علينا ان نعي هذه الحقيقة وننظر إليها بتجرد وشفافية ونحن على أعتاب فواتح التغيير .. هذا المصطلح (عرب وزرقة ) الذي شاع في الأوساط الشعبية والثقافية .. وأخذ شكلا من أشكال الاصطفاف الإثني المصحوب بالعنف المسلح في غياب سلطة دولة متوافق عليها .. هو في جذره صراع على الثروة والموارد بين نمطين مختلفين لطرق كسب العيش .. نمط رعوي يعتمد على الحيوان ( أبالة وبقارة ) .. ونمط زراعي يعتمد على الأرض (الحواكير) .. الصراع بين النمطين على الموارد والثروة ليس بهذا المعنى المحدود .. إذ يأخذ شكلا آخر عندما يصير بين الرعاة أنفسهم (البقارة ).. حين يتعلق الأمر بأرض المرعى ومساراتها وفقا لتوزيعات التساكن القبلي .. في تقديري أفضل المداخل لتسوية الأزمة هو تحريرها وتسميتها التسمية الصحيحة .. تحريرها بابعاد المصطلحات ذات الحمولات الإثنية .. وردها لجذرها الاقتصادي ( الصراع حول الموارد ) .. إعادة تسمية الصراع ورد الأزمة لجذرها الاقتصادي .. يساعد الخبراء وأهل السلطة وقيادات الحزام الجغرافي .. في اجتراح الحلول العلمية الناضجة والمجربة المؤدية للاستقرار والسلام الاجتماعي .. ولن يتأتى ذلك إلا في ظل دولة ونظام حكم يجد الاحترام ويحصد القبول العام .. ولعل من نعم الله على المكونات السكانية في هذا الحزام الجغرافي .. خروج ما اختزنه أرضهم من ثروات باطنية إلى السطح ( البترول والذهب ) .. خروج هذه الثرة الباطنية فوق ما بين أيديهم من ثروات ظاهر الأرض .. يبشر بمستقبل إقتصادي وتنموي باهر .. قطعا سوف يعدّل في زمن وجيز .. أنماط الحياة المعيشية التقليدية بين السكان وسبيل كسبهم لعيشهم .. وستكون المنطقة جاذبة لانماط عمل وعمال وممارسات تجارية واقتصادية عديدة ومتنوعة .. وهجرة بشرية يذوب معها حدة الصراع بمفاهيمه الإثنية ودوافعه التاريخية القديمة .. غيروا ما بانفسكم يا أهل الحزام فلمستقبل أمامكم واعد .. غيروا ما بأنفسكم لكي تتغير بلادنا نحو الأفضل .
Post: #116 Title: Re: عصيان جمهورية الحناكيش وامسودان الأخرى... Author: الطيب رحمه قريمان Date: 12-13-2016, 09:47 AM Parent: #114
و الله لا نسعى الى سلطة و الى لا مال و لا الى جاه .. و انما نسعى الى استقرار السودان و ايقاف الحرب فيه و حفظ دماء اهله و استقرار اهله فى كل ربوعه دون فرز او تفرقة ..
و اما الذين يسعون و يتطلعون الى المناصب و لا يهمهم اراقة الدماء و يؤكدون ان لابد من دم من اجل الثورة فنقول لهم نحن قد شبعنا موتنا و افقدتنا الحرب شباب فى مقتبل العمر ..
و نقول لطلاب السلطة ان مناصبكم سوف لم و لن تكون على حساب اهلنا .. تلك هى اولوياتكم و هذه اولوياتنا ..
Post: #115 Title: Re: عصيان جمهورية الحناكيش وامسودان الأخرى... Author: Osman M Salih Date: 12-13-2016, 09:42 AM Parent: #113
حماد الطاهر عبد الله،
ماذا تقصد بعبارة" سلاحنا موجودة والبارة ترعى على الماسورة". وهل تهدد بها اهل المدن المنتفضين ضد السلطة التي أفسدت اقساما من عشائر السودان من بينها قسم من عشيرة كبر نزح الى العاصمة وصار جزء من الطوق الاجتماعي الذي يحصن سلطة الانقاذ. وبهذا النهج تسير الانقاذ في خطى خليفة المهدي المستبد عبد الله التعايشي الذي استقدم أهله وخاصته الى امدرمان ليجد في ظلهم الامن والحماية.
من تكون انت ومن يكون كبر لتتوعدا بالسلاح شعبا يثور في سبيل كرامته وخلاصه وقوت عياله المنهوب؟!.
من انتما وما وزنكما بالقياس الى تلك الجموع التي ضاقت ذرعا بسلطة الفساد والاستبداد؟!.
هي قراءة قامت على تمحيص الشواهد والبينات الظرفية المحيطة بالواقعة..
ولكن ما هو رأيك حول ظاهرة انتشار السلاح في اجزاء كثيرة في السودان ؟ وهل ترى انها تشكل تهديد للعصيان المدني ام لأ؟..وماهي الكيفية لحماية العصيان من هذا السلاح؟ ام ان كل هذا يدور في بلد بعيد عنك ولا تدخل في اهتمامك؟
عثمان..حبابك يا صديقي طيب وكدت انت متأكد وعارف انو كبر قابض وعشيرتو عاملة حزام اسود حول الخرطوم ، زعلان ليه وحارق رزك في كم؟.. وليه منزعج عشان تعرف وزن كبر وحماد هو شنو ؟.. كده بتأكد للناس انك كواحد من الحناكيش الفار لاعب في عبك ، وعندك تخوفات تمنعك كرامتك من الإفصاح عنها ، فلا تخف افصح عن نفسك.. نعم يا عثمان ، لم اتدرب في حزب سياسي حتى اكون سياسي محترف ، لذلك تجدني متمردا عن عقلية الدوغما والشمولية التي تغلق ذاتها في زواية واحدة للرؤية..وما اقوله هنا افخم سياسي محترف سوداني ما بيقدر يقولو ولا بيفكر فيه ..! الأمر واضح يا عثمان: عصيان جمهورية الحناكيش وامسودان الأخرى.. يعني لو متذكر علم السيوسيولوجيا هذه ظواهر اجتماعية ومن حق الناس تأملها وتحليلها..والتفاعل معها..! امسودان الأخرى هي انتشار السلاح الهامل ، وهذا وضع امني خطير للغاية.. وانت تريد الناس ان تدعم معك العصيان المدني ، فهنا السؤال:هل تريد دعم على بياض من غير سؤال ومقابل؟.. بمعنى اخر: انت وغيرك قضيتكم هي اسقاط النظام ومحاسبة رموزه وتعتبرون هذه هي الأولوية الأولى ، ناس امسودان الأخرى اولوياتهم الحرب الممتدة في تسعة ولايات سودانية بصورة مباشرة ، الحركات المسلحة التي يفوق عددها المأئة حركة وهي تمتلك حرية التحرك في التراب السوداني ، القوات الدولية التي تدنس التراب السوداني ، ثم تجارب اكتوبر وابريل التي سرقتها النخبة السودانية ..! فلماذا يعجز الحناكيش عن الإجابة على هذه الأسئلة ؟ ولماذا يتهربون وهم يهئيون المسرح للنخبة الحنكوشة التي سرقت جهد الشعب في اكتوبر وابريل؟.. بمنطق اخر يا عثمان : انتم تنادون لعصيان مدني ، وليس لديكم التفكير في تامين هذا العصيان.. أي انتم تريدون ان يكون عصيان من اجل العصيان ، ناهيك عن قضايا السودان..! كنت اتوقع منك بدل اللف والدوران والخطب العجيبة ، ان تنفذ لجوهر الموضوع وتتحدث وصدقني هناك اناس كثر يتابعون هذا الخيط وينتظرون لمحة ، مجرد لمحة لتتحدث عن العصيان بصورة ايجابية وتبعث على التطمين ، ولكن يا خسارة النخبة مشغولة بالإنتصار لذاتها وابراز قدراتها في الشتم والتقريع والإستهزاء بالناس اكثر من اهتمامها بالأمر الحقيقي..! زمن الهتافية ولى يا صديقي ، وها هي المحاذير هنا ، ولا تتوقع ان تبصم الناس فقط على العصيان دون ضمانات مباشرة ودون اشارات تؤكد ان السودان ليس هو الخرطوم فقط.. ودمت.. كبر
Post: #119 Title: Re: عصيان جمهورية الحناكيش وامسودان الأخرى... Author: محمد المسلمي Date: 12-13-2016, 03:18 PM Parent: #118
سلام ول أبا كبر وضيوفه حدود ولاية الخرطوم من الغرب شمال كردفان كل القبائل مسلحة وبصورة راعي الضان يمتلك رشاش كل الولاية مارايته بعيني يفوق التصور مجرد مشاجرة بسيطة الضحايا عشرات موت بدون مقدمات ياخ البلد لو دخلت في فوضي انسوا حاجة اسمها السودان
Post: #120 Title: Re: عصيان جمهورية الحناكيش وامسودان الأخرى... Author: محمد المسلمي Date: 12-13-2016, 03:18 PM Parent: #118
Post: #121 Title: Re: عصيان جمهورية الحناكيش وامسودان الأخرى... Author: سيف اليزل الماحي Date: 12-13-2016, 03:38 PM Parent: #120
.
امسودان دي وين؟
.
Post: #122 Title: Re: عصيان جمهورية الحناكيش وامسودان الأخرى... Author: Abdullah Idrees Date: 12-13-2016, 04:06 PM Parent: #121
والله يا كبر بتقول في كلام غريب جدا ! اذا ما هو تصورك لحل ازمة السودان ؟ نعم انتشار السلاح جزء مهم من الازمة ، مهم جدا جدا ولابد من حلها حلا جذريا ، لكن هل تعتقد ان النظام يملك الحل ؟ النظام متهم بتسليح المليشيات والقبائل وهو اتهام لا يرقى اليه الشك ابدا ، اذن حكاية انو النظام يمكن ان يكون جزءا من الحل دي ما اظن في زول عاقل ممكن يفكر فيها مجرد تفكير ، النظام محاصر من كل الجهات ولولا الكوة التي فتحتها له دول الخليج لقاء قطع علاقاته مع ايران لتهاوى من تلقاء ذاته .. الخطوة الاولى لحل مشكلة السلاح من جذورها ، مع المشاكل الاخرى ، هو اسقاط النظام وتفكيك منظومته من جذورها ، بعد داك ممكن نتكلم عن حل جميع المشاكل بكل روية ، مشكلة السلاح ليست وجودية في المقام الاول ، بعض من جوانبها ثقافي متجذر من قبل ان توجد الحركة الشعبية وبعضها فرضته ظروف ضعف وترهل الدولة المركزية وعجزها عن حماية حدودها وبعضها ما ذكره مولانا الملك حول اختلاف وتضارب النشاطات البشرية الاقتصادية وهي ايضا متعلقة بضعف الدولة وغياب التخطيط السليم والذي يمكن ان نرده برمته الى فترات الحكم الشمولي الطويل الذي جثم على صدر البلاد لمدة 43 سنة من عمر الاستقلال . لا احد ينكر عليك حقك في المطالبة بضمانات من حاملي السلاح ، كما ننكر على احد حقه في المطالبة بضمانات من القبائل المسلحة التي طالما قتلت بعضها واستولت على اراضي بعضها كما حدث في دارفور. لكن ليس من المنطق التمترس هكذا خلف البشير كأنما هو الضامن الوحيد للسلام وانه هو فقط من يستطيع العبور بالوطن الى الاستقرار ، يا اخي يكفي انه نظام مجرم فاسد لا يعترف بالانسان ولا بحقه في الحياه ، نظام يكافىء المجرم ويقتل البريء .. كنت ساتفهم موقفك لو انك دعوت جميع مناهضي البشير للجلوس حول مائدة للحوار و بيان ما يجب عليهم فعله حتى نحلحل مشاكلنا كلها .. لكن ... .... ... ، الا ان كنت ترى غير ما نراه في نظام البشير وحينها سيصبح الحوار معك مثل الحوار مع ود الباوقة آند هيز بارتنرز إن كرايم .
Post: #123 Title: Re: عصيان جمهورية الحناكيش وامسودان الأخرى... Author: كمال عباس Date: 12-13-2016, 04:43 PM Parent: #122
.......... كتب الأخ كبر له التحية . ..كتر خيرك يا كمال ، خليك في موقفك الوطني ، وما تشتغل بالخونة البتغازل نظام الإنقاذ.. ودعنا نركز في موضوع الخيط الأصلي وحدوده: عصيان جمهورية الحناكيش ، وامسودان الأخرى.. امسودان الأخرى ياها السلاح الهامل هنا ، وسوف نضيف فيديوهات اخرى لتأكيد الظاهرة.. سؤال اول: هل تؤمن بوجود الظاهرة ، ام تظن انها اكذوبة وفزاعة؟ سؤال تاني: ماهي رؤيتك لجمع هذا السلاح وتحييده ؟ سؤال ثالث: ماهي رؤيتك بان ما حدث بعد اكتوبر وبعد ابريل لن يحدث مرة اخرى؟ بمعنى ادق ما هي ضماناتك الأ يتم سرق الجهد كما سرق من قبل؟..وهل تعتقد ان القوى السياسية الحالية تملك المؤهلات التي تجعلها تبني وطن؟..الجزئية دي لأنو نفس القوى فرطت في انتصارات اكتوبر وابريل ، وتغير الزمن ولم تتغير هذه القوى..! مسألة إنتشار السلاح ـ وعشوائيته كتبنا فيه وقد حملت الحكومة مسؤولية إنتشار السلاح في بوست قديم وقد أمنت أنا علي ذلك ووضحت رأي في تلافي تلك المسألة وأضيف تصاعد وتائر التسليح والمليشيات وفوضي حملة السلاح وسط المدنين حتي وصل السلاح الناري لمساجد الجامعات ـ أضعاف الجيش والشرطة لصالح المليشيات وجهاز الأمن تم بواسطة النظام ** بقاء النظام يعمق أزمة السلاح ويفاقمها وفي إجتثاث مسببات الحروب وإزالة الإحتقانات والمرارات وإقامة تنمية متوازنة وعدالة في توزيع السلطة والثروة وصياغة تشريعات عادلة ـ وحل مشاكل الرعاة وتقنين مساراتهم ومواقع رعيهم وعودتهم وسرعة نزعة فتائل الفتنة والإستعانة بأهل الحكمة والرأي من رموز الإدارات الأهلية والمسارعة في التعويض ومجالس الصلح *ونفس أهل الحكمة والرأي من رموز الإدارات الأهلية والقوي التقليدية يمكن أن تساهم في نزع السلاح أو تحديده! تقول(( سؤال ثالث: ماهي رؤيتك بان ما حدث بعد اكتوبر وبعد ابريل لن يحدث مرة اخرى؟ بمعنى ادق ما هي ضماناتك الأ يتم سرق الجهد كما سرق من قبل؟)) في البداية يجب أن نقرأ التركيبة الإجتماعية ـ ستجد الأمية والجهل والتخلف والعصبيات الجهوية والقبلية والولاء الطائفي والإستغلال السلبي للدين وتغبيش الوعي ـ والجوع والمرض هذا الواقع سينعكس بالضرورة بالبناء السياسي الفوقي والوعي السياسي وحرية الإرادة والإختيار وهو ماحدث في تجارب سابقة * علاج هذه الأزمة يتطلب نفسا طويلا ـ وعمل دؤوب علي تجذير الديموقراطية ـ إجتماعيا والرهان علي الوعي والإستنارة والتعليم والعمل علي تحرير إرادة وخيار الناس ـ وتوفير حاجات الناس الأساسية ـ هذه العملية تحتاج لصبر وعدم تعجل وقفز علي المراحل أو ممارسة وصاية علي الشعب ! * في هذا الإتجاه أن الحروب والدمار والنزوح قد أفرز واقعا جديدا يخلخل الولاءات القديمة والتبعيات الصماء دون أن يكون بالضرورة رصيدا لحملة السلاح من جميع الأطراف ـ أفرزت الحروب والتشرد واقعا جديدا صقلته مرارة التجربة ـ لعقول أكثر إنفتاحا لتغيير الإنتماءات القديمة * وبمثل ماالقت العولمة والثقافة الكونية بظلها علي كل نجع وقوز وفريق ( سلاحه الناري العصري) فقد ذوته بهاتفه ووسائل إتصاله وقنواته الفضائية وأصبح يتابع ويتفاعل ويكون رؤيته ويشكل وعيه * ماحدث في أبريل ومع رهاني علي عامل التوعية والتنوير والتغيير ـ التحتي إلا أني سا أرضي بخيار الجماهير وساأعمل علي تغييره عبر آليات الديموقراطية ـ لا لن أقفز علي المراحل ـ ولن أتعجل ولن أمارس وصايا علي الجماهير ! * وتجدني أقول أن الديموقراطية الثالثة علي علاتها ـ - حافظت علي مجانية العلاج والتعليم -حافظت علي سيادة الوطن وترابه من التغول الأجنبي -لم تربط بالتطرف والإرهاب -لم تأتي للسلطة بخج أو تزوير -حافظت علي حقنا في التعبير وإبدأ الرأي والتظاهر -أضطر الصادق للإستجابة لمطالب ـ ثورة السكر وأضطر بعد تماطل أن يقبل إتفاق الميرغني وقرنق -لم يصادر أحد الوان والراية ولم يحظر أحد ثورة المصاحف الكيزانية الفاشلة ! -لتلك التجربة الديموقراطية سلبياتها وعللها ولكنها تفوق وبملايين ضوئية نظام الإنقاذ فهي وعلي الأقل حافظت علي النسيج الإجتماعي وصانت التراب والسيادة الوطنية!
استاذي وصديقي محمد على طه الملك..حبابك كتر خيرك على المرور هنا ، ودعني ابدأ باخر نقطة: ضرورة ان نغير ما بانفسنا ، فنحن لقد تغيرنا كثيرا يا صديقي ، وصراع القبائل الذي افتعلته الحكومة ، لم يعد هو صراع عرب/ام زرقة ولا صراع رعاوية ضد مزارعين ، الصراع كان حول ملكية الأرض لأن صناعة البترول دخلتها ، فهذه ازاحة كبيرة في مفهوم الصراع والذات والمصالح..شفت اتغيرنا قدر شنو؟ اضف لذلك ، طبيعة الصراع الدموي في السنوات العشرة الأخيرة ، هو صراع للتحكم على مصادر الثروة ، يعني ما تشوف عنقدة ناس الحركة الشعبية في جبال النوبة ، هذا امر لا علاقة له بقضايا السودان ، وانما له علاقة كبيرة بعمل لوردات الحرب الذين يسيطرون على مناطق ثروات ويريدون بيعها للسماسرة بابخس الأثمان..وهنا يمكن ان تلاحظ ازدواجية تخريب السودان سواءا بعوامل خارجية او بعوامل ابناءه..! نعم الحزام غني بثرواته ، ويشكل مدخل لمستقبل استقرار السودان ، والناس الحادبة على تطويره موجودة وعندها الإستعداد ان تبذل قصارى جهدها ان يكون منطقة سلم وتنمية واستقرار ، ولكن..! انت قلت مفتاح الحل نظام حكم يجد القبول من العامة ، أي يحقق اغلبية معتبرة وان كل السودانيين يجدون انفسهم في مثل هذا الحكم وبالتالي يدافعون عنه اذا دعت الضرورة..ومثل هذا الحكم يا صديقي هو محك النقاش ، لأنه لا يمكن يا صديقي ان ادافع عن نظام حكم ولا اشعر بانه يلبي حاجاتي ويستجيب لقضاياي ، يعني فكرة العصيان المدني الدايرة حاليا ، هو نوع من الإستهبال والغش ، ناس دايرنك تدعمهم بنظام شيك على بياض ، وحينما تشكو لهم محاذيرك من ارض الواقع تطلع انت الخاين والمعقد نفسيا والكائن المتوحش..شفت السطحية دي كيف يا صديقي؟.. ده مصير بلد ، ومحاذيري حول العصيان بان البلد مليانة سلاح والحركة المسلحة حرة بسلاحها والجيوش الأجنبية تدنس التراب السوداني ، وان النخبة السياسية منقسمة على ذاتها انقسامات جوهرية ولا استعداد لها ان تقدم أي تنازلات حقيقية من اجل السودان ، تنازلات فيما بينها وليس بالضرورة ان تكون تنازلات مع النظام..! حسابيا وواقعيا يا صديقي : عند لحظة سقوط النظام ما هي الخطوة التالية؟ ستقول لي تكوين حكومة انتقالية؟ واقول لك من يحق له تكوين هذه الحكومة (لاحظ نحن في لحظة فراغ دستوري تماما) ؟ بصورة ادق: لن تكون هناك حكومة انتقالية ما لم ترضى عنها الأحزاب المتشاكسة التي تسمي معارضة ، ومؤكد ستحاول قوى للسيطرة على مثل هذا التشكيل وذلك لحماية مصالحها..! ..لآحظ في هذا الفراغ الدستوري : عندك اكثر من مأئة حركة مسلحة ، وقبائل كثيرة تحمل السلاح ولن يستطيع احد كبح جماحها..! السلاح المتواجد حول ام درمان ، كما ظهر في نزاع الجموعية والهواوير ، هذا سلاح تجاوز الخطوط القديمة بتاعة عرب/ امزرقة ، والسلاح الحايم في مناطق الكبابيش ودار حامد ..هذا سلاح لا علاقة له بحكاية عرب/ام زرقة..! شفتا نحن اتغيرنا كيف يا صديقي؟ التفكير الواقعي اصبح عند البعض هنا هو دعم للنظام والعمل في خط النظام والتخوين المجاني.. فانا بالنسبة لي اقل حلقة هي فكرة اسقاط النظام..! بالنسبة لفكرة ان اترك ما افعل وانخرط معك او مع غيرك للعمل الخلاق.. فهنا يا صديقي مشكلة كبيرة للغاية: ناس جمهورية الحناكيش طموحهم صغير وهو اسقاط النظام و الإبقاء على بلد الحروب والحركات المسلحة السائبة ، ونحن طموحنا اكبر بلد خالي من الكيزان (او في الحد الأدني كيزان مدجنين ويقبلون بالعمل مع الأخرين ) والسلاح السائب والحركات المسلحة السائبة والجنود الأجنبية ، بلد كل مواطن يحس انو حر فيهو وسيد بلد ويعمل من اجل البلد..وهي صدقني سقوف وطموحات واقعية ولكن سنوات القهر جعلت السودانيين فاقدين الثقة في ذواتهم والقدرة على انجاز الفعل المفارق..! العقليات التي تستسهل التخوين ، ولا ترى ابعد من ارنبة انفها ، هذه عقليات يصعب معها انجاز مثل هذا المشروع ، فانا وانت نفرين فقط يا حبيب ، ومن يمالئنا ويشاركنا صدقني سيأتي بنية خبيثة الغرض منها الضرب تحت الحزام والإستحواذ على أي جهد..! لذلك الأفضل ان يستمر الشيوعيين وغيرهم في مشروع العصيان المدني ، ولكنهم لن يفرضوا علينا حركة شعبية او أي من الحركات المسلحة ، ولن نسمح بان يحدث في السودان ما حدث في دويلة مشروع الحركة الشعبية في الجنوب..! ودمت.. كبر
ول ابا الطيب رحمه..حبابك يا صديقي ولينا طولة.. كتر خيرك على المرور هنا..! اباءنا اتغشوا في اكتوبر ، ونحن اتغشينا في ابريل ، وكل الذي نقول باننا تاني ما ح نتغش باخوي واخوك..! عصيان مدني على بياض او اتفاق جنتلمن ما بيقسم معانا تب ، عشان كده قلنا ليهم امشوا تموا مشروعكم عشان كل قرد يطلع شدرتو..!! القوى السياسي المعارضة قبل شهر كانت متاخصمة لدرجة انها بتفصل بعضها البعض..يعني الجدة شنو؟ ومعقول الإنسان بتغير بالسرعة دي؟.. انتشار السلاح واقع ، وجود حركات مسلحة رافعة السلاح واقع ، وجود جنود دولية تدنس التراب السوداني واقع ، وجود حرب في السودان ، واقع ، وبالرغم من كل هذا الواقع تجد من يقول لك نسقط النظام ثم نتفاهم فيما بعد..! كنت اتمنى ان يقول احدهم كل هذا كذب ولا اساس له من الواقع ، ولكنهم جميعا يا صديقي يدركون الحقيقة ويكابرون..! ودمت.. كبر
ول ابا حماد الطاهر.. حبابك يا صديقي شايف اخونا عثمان صالح مندهشة من حكاية (سلاحنا موجود والباره تسرح في الماسورة) واعتبر ان ده تهديد لناس المدن..شفت العالم دي لذيذة كيف؟ هذا واقع يا صديقنا عثمان ، واقع ما يفول السبعطاشر مليون من تعداد السودان القاعد قدامك ده ، كل الملايين دي راقدة فوق اراء كثيرة..! فعلا يا صديقي الحرب لم تكن نزهة ، وانما واقع مرير للغاية وخلق اثار قاسية وعلاجها يحتاج اجيال واجيال..ولكن من يسمع ويعي..! ناس الإنقاذ انفعاليين زي الحناكيش ، يعني لو اتجاوزوا عقبة العصيان ح يعملوا بيها سالفة ، ولكن برضك فيهم ناس ممكن تدي بعضها العقل ، عسكا لناس المعارضة الكل واحد عامل فيها ضبان ضكر وما مستعد يسمع لأي نصيحة..! ان كان الأمن مدرج من عشرة خطوط ، فنحن الآن في اخر تلاتة خطوط ، حاجة صغيرة وح نقعد على الزيرو..! عارف القربة مقدودة ، لأنو الناس هنا الفي راسها فقط هو الصاح ، لكن حاري التاريخ ، عشان بعدين الناس تقول والله في واحد قصير كان بيقول كيت وكيت..! ودمت.. كبر
ول ابا محمد المسلمي..حبابك يا صديقي كتر خيرك على المرور.. اهلنا ناس جمهورية الحناكيش نفسياتهم منهارة وطوالي دايرين يسمعوا كلام سمح يدعم المد الثوري الهادر ، عشان كده أي كلام عن حقائق الواقع بيقوم يجهجه باكاتهم..! اخونا عثمان فوق بيقول لأخونا حماد يعني ده تهديد؟.. والتانين شابكننا دي فزاعة وده كلام ناس النظام ، ولمن تجيب ليهم البينات واضحة يقعدوا يشتموك..! وما هما قالوا ، في دواخلهم وفي قرارة انفسهم يعرفون ان هذا واقع ، وبدل ما يفكروا كيف اصلاح الواقع ، بيزوغوا ويعملوا فيها شغالين عصيان..! فلينجح العصيان ، عشان كل قرد يطلع شدرتو..! كتر خيرك كبر
عبد الله ادريس..حبابك يا صديقي كتر خيرك للمرور هنا.. نعم عندي تصور لحل ازمة السودان وبصورة خلاقة نتيجتها بلد خالي من الكيزان (او على الأقل كيزان يقبلوا بوجود الأخرين معاهم) والسلاح والحركات المسلحة والجنود الدولية والفوضى..! ما تراه غرابة هو واقع يا صاحب واخير نفكر فيهو بصوت عالي عشان نشوف ليهو صرفة..! السلاح اتوزع على القبائل بقنوات معينة ومحددة ، يعني في خلاصة الأمر يقوم على افراد محددين ومعينين: تقول لي كبر جيب سلاح ناسك ، ويجمع ليك سلاح ناسو ويسلمك ليهو..وهكذا ، هذا ما يخص سلاح القبائل..! هذا الأمر يتم بشرط واحد وهو ان تضع الحركات المسلحة سلاحها ، ونفس الآلية بتاعة سلاح القبائل موجودة عند الحركات (لأنها تقوم على الإثنيات وبناء الشيخ والعمدة والناظر ، طبعا عندهم رتب عسكرية بدل الرتب الإدارية الأهلية)..يعني كل حركة عارفة السلاح عند منو بالضبط وكيف تشيل السلاح ده..! بالنسبة للقبائل ، النظام يعرف من سلمهم السلاح ويعرف كيف يستعيد منهم هذا السلاح..!!! اذن يا صديقي مشكلة السلاح لن تحل جذريا باسقاط النظام ، لأنو ببساطة اول ما النظام يسقط الناس الوزعت السلاح ح تهرب وتدمر كل الداتا بتاعة توزيع السلاح ، وبالتالي ما ح تكون عندنا أي معلومة عن هذا السلاح ، اللهم الإ كان نغير على كل قرية وفريق وحي بيت ونفتش حتة حتة..!.. الأهم من كده الناس الوزعت السلاح عندها روابط (ليس من بينها رابطة الدين ، وياهو السودان وصل للمرحلة دي يا صاحب) ، وأي ناس تجي بعد اسقاط النظام بتكون فاقدة الروابط دي ، وحامل السلاح بينظر ليهم كغرباء وح يتعامل معاهم كعدو..! وهنا يأتي الإختلاف يا صديقي ، يعني مبدأك بتاع نسقط النظام ونفكك جذورو ثم بعد داك نتكلم عن الحاجات بروية وهدوء ، يعني داير عصيان مدني أو اسقاط نظام على بياض..وهذا صعب..! اكتر من كده ، نكون واقعيين: خليك من اسقاط النظام لأنو دي مسألة ممكن تتم في يوم او يومين او تلاتة ، يعني شغل ايام ، ولكن ماهو المدى لتفكيك النظام؟..يعني ح يكلفنا وكت قدر شنو عشان نفكك النظام (ممكن تقديرات بالزمن ، يوم ، شهور ، سنة ، سنين..الخ).. نعم يا صديقي ، هي اخطاء النخبة السودانية التي فرطت في كل الفرص سواءا كانت شمولية او ديموقراطية ، فهل تغيرت النخبة السودانية واستوعبت دروس الماضي؟..بالطبع لأ..! مسألة ضمانات السلاح ، مسألة بسيطة ومتبادلة ، زي ما نحن بنطالب بضمانات سلاح الحركات ، يعني باقي ليك ما ح نقدر نقدم ضمانات لسلاح القبائل؟.. انا لم اتمترس خلف البشير يا صديقي ، وكل ما فعلت هو تبصير الناس بالواقع ، وقلتها مرارا وتكرارا ، فليمضي امر العصيان الى نهاية شوطه ويحقق اسقاط النظام ، ولكن بعد ذلك كل زول حر ومخير في خياراتو..! الوكت تجاوز فكرة تقديم النصح لمناهضي البشير ، وهم لا يسمعون نصح ولا يريدون نصح وليسوا في حاجة لنصح..!! عموما يا صاحب هذا هو الواقع ، واقع السلاح المنتشر والحركات المسلحة والجنود الأجانب والحرب والعصيان المدني لإسقاط النظام في الخرطوم..! ودمت.. كبر
Post: #127 Title: Re: عصيان جمهورية الحناكيش وامسودان الأخرى... Author: Osman M Salih Date: 12-13-2016, 05:47 PM Parent: #1
لابقاء الجماهير رهينة ابدية للانقاذ يتساءل كبر عن ضمان للحيلولة دون تكرار ماوصفه بسرقة الجهد في ثورة اكتوبر 1964وانتفاضة مارس أبريل 1985 دون أن يتكبد عناء بيان المقصود بسرقة الجهد كيف حدثت ومن السارق ومن المسروق.
Post: #130 Title: Re: عصيان جمهورية الحناكيش وامسودان الأخرى... Author: منتصر صلاح Date: 12-13-2016, 06:10 PM Parent: #127
مداخلتي الاولي مع الاخ كبر كانت ..يعني انتا عايز الشعب يختار واحد من اتنين .. الكيزان .. او الفوضي ومداخلتي التانية هي ..بتقول السلاح منتشر والسلاح في كل حتة وما عارف الحركات وقطاع الشمال وبتخوف الحناكيش .. طيب ..حدثنا في حال سقوط النظام .. المجموعات القبلية التي انشاتها الحكومة .. جهاز الامن الشعبي وفرق الموت حتعمل شنو ؟ قادة النظام . القرون الكبيرة .. حتعمل شنو ؟ السيارات المفخخة في الخرطوم ومدني ودنقلا وكسلا .. مين الـ حتكون وراها ؟ العلمليات الانتحارية .. العبوات الناسفة .كلمة اخيرة .. الناس جاعت وتعبت ( الا الكيزان والمؤلفة قلوبهم ) .. انه خط نهاية الماراثون .تحاياي
شكراً كبر .. لم أشعر بإساءة منك لى أنا، لكنى استغربت كلامك ذاك ــ الذى حتى أنى لا أطيق كتابته الآن ـــ .. فلا يلزمك إعتذار لأحد، بل توبة وندم لأنه كلام كفر وردة ــ بالنسبة للفيديوهات الجبتها عن إنتشار السلاح فبالجد الأمر جلل .. الناس تظن أن كلمة قبيلة وحرب قبلية معناها رجال راكبين الحصين ويتقاتلون بالحربة والكوكاب .. ده إيحاء كلمة قبيلة .. لكن الحاصل كما هو ظاهر أن الشغلانة دوشكات راكبة تاتشرات .. واصل فى التنوير .. نحن بنستفيد .. كتِّر من الفيديوهات الزى دى مع نبذة تعريفية ، فالناس عموماً ماقاعدة تشوف المرارات دى مغيبين فى اليوتيوب مع برنامج أغانى أغانى ..
كان يمكن للحكومة إنقاذ نفسها بمحاربة الفساد وتقليص إنفاقها وظلها الإدارى .. ولكن بدلاً عن ذلك يحصل العكس بحماية المفسدين وبإستيعاب المزيد من آكلى أموال الناس وإفراد المزيد من الإمتيازات إلى مالانهاية على حساب جيب المواطن !!! هذه اللعبة الخبيثة تتفاقم ولا يبدو أن الحكومة ستتراجع عن هذا الطريق المؤدى للهاوية .. بل تحشد المزيد من المناصب والوزارات بالمزيد من إمتصاص قوت الغلابة الذين لم يتبقى لهم ما يدفعونه .. لذلك أنا أعترف أنى ماشايف أى حل ساهل لمشكلة البلد لأنها أوسع من أن تحتويها عبقرية أجعص منظراتى أحمق متعصب قاعد فى الداخل أو وراء البحار.. ولذلك يمكن الجوطة الـ حتحصل فيها خير ـــ علاج بالصدمة العنيفة ـــ يمكن يطلع واقع جديد ويتم فيه رص الورق من جديد .. وتستفيق الناس من الغيبوبة والهوس الحاصل ده ..
Post: #132 Title: Re: عصيان جمهورية الحناكيش وامسودان الأخرى... Author: doma Date: 12-13-2016, 07:34 PM Parent: #131
انت عارف يا منير انا وصلت لنفس قناعتك ان الانقاذ وصلت مرحله اللا علاج
سلامات دوما .. الناس لو كانت شايفة إنو شظف العيش منطبق على الجميع أنا أؤكد ليك إنو الشعب ممكن يأكلها كسرة بموية بكل رضا ويحمد الله .. الصحابة كانوا ربطوا الحجارة حول بطونهم من الجوع، وفى أحد المرات إنحسر قميص الرسول ــ ص ــ عن بطنه فرأوه رابط حجرين !!... دى القدوة الحسنة ــ الناس تجوع يجوع القائدمعاهم ــ.. مش الناس جعانة بينما دعاة التقشف يتطاولون فى البنيان ورغد العيش .. دى فقط بمقاييس الدنيا، فمابالك بمن طرح نفسه من حماة الدين .. هذا أكبر عامل لإستيلاد الغبن .. ذلك على مستوى الحنكشة .. أما على مستوى طرح كبر فى البوست ده فإنه ينقلكم للوجه الآخر من الصورة .. وهو المهددات الأمنية حين لحظة الإنهيار .. والحقيقة أنا كتبت تساؤلات أخرى من أمبارح ولكنى لم أرسلها هنا وعندما أردت أرساال المداخلة لقيت كبر كتبها بالظبط كما أردتها .. وهى عن الفترة الحرجة من لحظة سقوط الحكومة لحين قيام حكومة إنتقالية متوهمة .. من سيستلم البلد حين ذاك الفراغ حيث لاحكومة بل فقط حركات مسلحة وحركة شعبية على أأهبة الإستعداد للإستيلاء على السلطة والحناكيش كلهم عزّل جايين بالنية .. لاحظى أن الهدف المعلن لهذه القوى المسلحة هو حل الجيش القومى .. إختلاف الناس مع كبر هو إختلاف زوايا الرؤية.. الحناكيش بيعاينوا للعاصمة والموية واالنور والعيش بينما كبر بيعاين للصورة الكاملة من مناطق الحرب .. حيث الموت حالة يومية من أجل الأرض والمرعى والهوية والبقااء حيث أن وجود الجيش يمثل صمام أمان للبقاء.. فتأملى حين تتبخر الدولة ويتشتت الجيش وتستقوى الحركات المسلحة والحركة الشعبية ويتم دعمها خارجياً لتحل محل الجيش وتبدأ أولاً بتصفية أعدائها فىى مناطق التماس .. لذلك كبر له مليون حق فى القلق على إنهيار منظومة البلد ليتم فرتقتها لصالح حملة السلاح .. هل ترين الآن إزدواجية المناظير ؟؟ .. منظور الحناكيش ومنظور أهل الوجع؟؟ .. ورطة كبيرة ..
ملحوظة : عبارة حناكيش فى سياق البوست ده أنا أفهمها بمعنى من يثورون على الحكومة من أجل الأكل والشراب والكهرباء والموية، بينما هذه الأشياء تعتبر ترف بالنسبة لناس أمسودان حيث الأمر بالنسبة ليهم حياة أو موت ..
Post: #133 Title: Re: عصيان جمهورية الحناكيش وامسودان الأخرى... Author: سيف النصر محي الدين Date: 12-13-2016, 07:39 PM Parent: #131
اذا كانت المعادلة هي أن يستمر النظام او الفوضى، اذن الفوضى حبابها. ده لسان حال الملايين من ابناء الشعب السوداني الذين فاض بهم الكيل و بلغت روح سخطهم و قرفهم من الفساد و القمع و القتل و الاغتصاب الحلقوم. يسقط النظام و بعد داك كل من يفرفر و يحاول اللجوء لأي اسلوب خارج اطار الاساليب الديمقراطية او يجنح لاستخدام العنف و الفوضى فلا يلومن الا نفسه. لسنا وحدنا في هذا العالم.
سلام ياكبر.. جمع السلاح مباشرة صعب جدا..لكن ممكن تكون الخطوة الأولى الاتفاق على تقييد السلاح .. بمعنى أي زول أو قوة مسلحة تظل ثابتة في مكانا،لحدي ماتنبني الثقة... عندي ترجيح إنو القبايل المسلحة وكذلك الحركات ـــ عدا الشعبية ــ ح يستجيبوا لنداءات زعماء القبايل في هذا الصدد، ودي نقطة مهمة ،اللي هي يمكن جدا إنو الفراغ المتوقع ،يتم ملئه بواسطة زعماء القبايل في مناطق النزاع.. حميدتي ذاتو ممكن يخش في الحيز دا..ما أظنو يكابر لو زال النظام..عشان كدا مفروض تكون في محاولة استقطاب للزعماء ديل من هسّ..حتى لو كانوا مع النظام.. حسب تقييمي الحركة الشعبية أجندتا بتختلف شوية،عشان كدا مفروض هي بدورها تطرح تطمينات الان .. عموما نظرية السلاح هي :أي زول شايل بندقية بكون خايف من التاني..فلو الناس إطمأنت ووثقت ما حتتمسك بالسلاح كتير (قصدي السلاح المؤثر).. والكلام دا كلو طبعا في حالة سقوط الحكومة دون صراع ميداني،أو على الأقل دون صراع طويل.. لكن لو النظام تمسك بالحكم ولجأ للعنف والقتال ـــ ودا السيناريو الأقرب ـــ فالشغلانة ح تكون صعبة فعلا...
*من ناحية أخرى،خوف الناس من الفوضى،بدي إشعار للحكومة تستمر في عواستا.. مودتي
Post: #138 Title: Re: عصيان جمهورية الحناكيش وامسودان الأخرى... Author: doma Date: 12-13-2016, 09:25 PM Parent: #134
معليش يا معاويه ممكن اطلب منك طلب بسيط يا ابني واكون شاكره لو اكرمتني بقبول طلبي الرجاء عدم اللجؤ لاسلوب ااستفزاز كبر لانه لا يخدم القضيه الاساسيه وهي التشاور حول حلول تخرح الوطن من ورطته
اذا كانت المعادلة هي أن يستمر النظام او الفوضى، اذن الفوضى حبابها. ده لسان حال الملايين من ابناء الشعب السوداني الذين فاض بهم الكيل و بلغت روح سخطهم و قرفهم من الفساد و القمع و القتل و الاغتصاب الحلقوم.
........................................................................... كبر يحلل في واقع السودان اليوم حسب وجهة نظره وتقريبا كل المتداخلين بلا استثناء وانا معهم يتفقون معه في وصف الواقع المرير والذي ربما يكون في الحقيقة اكثر قتامة مما نتصور جميعا يبقي الخلاف في كيفية الخروج من هذا المازق الذي ساهمنا فيه جميعا بدرجات مختلفة هل ممكن لنظام الانقاذ حسب تجارب ال٢٧ سنة الماضية ان يكون جزء من الحل؟ ل اعتقد هل تملك للنخب السياسية التي شاركت في حكم السودان من الاستقلال وحتي اليوم رؤية للحل؟ ل اعتقدا طرحت هذا السؤال علي دكتور علي الكنين قبل يومين فكانت اجابته الحل هو ذهاب النظام وبرنامج البديل الديمقراطي هههههههههه الحل هو الطوفان خايفين ليه ما وسيلة مجربة ومضمونة غرق فرعون وريح صرر عاتية وطوفان نوح ونظرية داروين اصل الاشياء بعد ده كلوووو الم تكن الارض اكثر امننا ؟ قوموووووا الي عصيانكم يرحمكم الله
Post: #140 Title: Re: عصيان جمهورية الحناكيش وامسودان الأخرى... Author: محمد على طه الملك Date: 12-13-2016, 09:53 PM Parent: #137
ياعزيزي بقاء الانقاذ لا يعني الجوع والمسبغة فحسب .. بل دمار وزوال رسم السودان وبأعجل ما يكون .. الانقاذ طرف أساسي في الأزمة .. بل أسباب انتشار السلاح 80% منه بسبب الحكومة .. زوالها يعني تخلصنا من ثلثي المعضلة .. الإنسان السوداني بطبعة مسالم غير أنه لا يرضى الحقارة .. حتى لو بدا آخر النفق غير واضح المعالم إلى حد ماء .. غير أنه قطعا سيتضح عندما تبدأ عجلة العصيان في الدوران .
Post: #147 Title: Re: عصيان جمهورية الحناكيش وامسودان الأخرى... Author: Kabar Date: 12-14-2016, 00:10 AM Parent: #143
منتصر..حبابك لو راجعت بعض الكلام فوق كنت فهمت ، لكن برضك نوضح ليك بصورة ادق: انت معركتك محصورة في كيزان أوفوضى ، يعني يا انتا يا الكيزان (معليش ابعد الشعب السوداني لأنك ما عندك فكرة عن الواقع).. وهذا سقف قصير للغاية..يعني حدك تسقط النظام والحرب تكون مستمرة والحركات المسلحة تكون موجودة وشايلة سلاحها.. الخيار الثالث يا منتصر: بلد خالي من الكيزان (او كيزان مدجنين يقبلون بالآخر) والسلاح والحركات المسلحة والجنود الدولية التي تدنس التراب السوداني والفوضى..! طيب انت وناس جمهورية الحناكيش الحال ضاق بيكم وبتقولوا لازم النظام يسقط حتى لو البديل هو الفوضي ، يبقى مالك متحسس من وضع المليشيات وسلاح القبائل؟.. وليه خايف من فرق الموت وشنو كده ما عارف؟.. السيارات المفخخة والفرق الإنتحارية ده شغل الحناكيش في الموصل وحلب وبنغازي وطرابلس وبيروت والقاهرة ، في امسودان الأخرى التي لا تعرفها يا صديقي: الناس بتشوف السيارات المفخخة ده شغل الناس الخوافين ساكت..! لو الموضوع جوع ، فالجوع مقدور عليهو ، ويبقى السؤال: لو النظام اشبع الناس ووفر ليها حياة سهلة ، نفهم من كده انو الناس تاني ما ح تكون عندها شغلة بالنظام؟.. غياتو الحناكيش ديل تمنهم بسيط خلاص..! عموما يا ريت اسمع منك تعليق عن وضعية القوات الدولية المتواجدة في السودان ، ولو اجتهدت معانا شوية ونورت الناس هنا عن اعدادها واماكن تواجدها وقدمت شنو للسودان تكون ما قصرت ، لأنو ناس الديجتال ديل حاجات زي دي خارج حساباتهم تماما..! كبر
Post: #148 Title: Re: عصيان جمهورية الحناكيش وامسودان الأخرى... Author: Kabar Date: 12-14-2016, 00:11 AM Parent: #147
منير ..حبابك يا صديقي وكتر خيرك على المرور.. خطورة الأمر وانتشار السلاح ، اهديك حكوة صغيرة: قبل سنوات ، ايام الحدة بين بطون قبيلة المسيرية ، عمنا فضل الله برمة ناصر كان في زيارة لواشنطون والشباب عملوا ليهو ندوة ، اها من ضمن الأسئلة كان السؤال عن الحال في ولاية غرب كردفان والقتال المزعج الداير بين المسيرية في انفسهم.. فقام عمنا فضل الله (وهو رجل عسكري معروف) حكي وقال: اتكلمنا مع الوالي بتاع غرب كردفان (وقتها اخونا احمد خميس) وقلنا ليهو العرب ديل اديهم العين الحمرة اكتلوا منهم عشرة عشان الباقيين يرعوا بقيدهم ، فقام الوالي ابتسم وقال لعمنا فضل الله: ياخي الناس ديل السلاح العندهم الحكومة ما عندها منو عشرة في المية..! هسع نحن بنحدث الناس هنا عن انتشار السلاح ، وحتى اللحظة كلامنا في السلاح المقدور عليهو (يعني العند الحكومة ومليشياتها ، والحركات المسلحة) لكن هناك سلاح مافي زول بيقدر يصل ليهو بسهولة والسبب: الحرب في دويلة جنوب السودان (ياخي دي سلاح وعربات ومواتر وموبايلات ودولارات واشياء اخرى) ، والحرب في افريقيا الوسطى ، اضافة لحدود البلد المفتوحة والتي يصعب ضبطها..! الحكومة موقفة الناس ديل بالتحنيس يا صديقي ، يعني عديل كده مرات بيدفعوا رشوة..واظنك تذكر واقعة والي شمال دارفور السابق الكان بيشتري امن الولاية بالقروش ..وحاتك يا منير عربية بتمرق في المغرب وشاحنة شولات قروش عشان تقسمها على ناس الحركات وتجار اللحظة الذي يستثمرون في الأوضاع.. كل الكلام ده يا صديقي ، اهلنا الحناكيش ما عندهم عنو ادنى فكرة ، ولمن نقول ليهم تقوم نفسياتهم تنهار ويقعدوا للشتيمة..! مزاج الإنسان هناك ، ناس القبائل ، مافي نظرية حتى الآن بتقدر تشرحوا: خشم بيتين (مثال من المسيرية) ممكن يغيروا ويكتلوا بعضهم البعض ، لكن اول ما يقول ليهم ياهوديلك الجنوبيين جايين عليكم ، بينسوا كل خلافاتهم دي وبيخوضوا المعركة مشتركين مع بعض وكل واحد بيحمي ضهر التاني ، ومافي زول بيغدر او يستغل الظروف لأنو دي عندهم عيب وفضيحة ، وبعد ما يأمنوا ارضهم ، بيرجعوا تاني لدواسهم الداخلي..! صحيح الحال معقد للغاية ، ولكني لا زلت اثق في حكمة الإنسان السوداني ، ومؤكد ستخرج هذه الحكمة وتجنبنا الفتن والشرور..! ودمت.. كبر
Post: #149 Title: Re: عصيان جمهورية الحناكيش وامسودان الأخرى... Author: Kabar Date: 12-14-2016, 00:41 AM Parent: #148
انتشار السلاح في السودان: هذه المجموعة من السلامات ، وفي مدينة ام دخن في ولاية وسط دارفور
والمشهد احتفالا بالنظارة
هذا سيكون اخر مظاهر السلاح ، ويبدو ان الغرض من الإستشهادات قد وضح وان الرسالة واضحة: رسالة ان البلد مليان بالسلاح..
سوف نضيف فيديوهات اخرى ، وذات منحى مختلف للغاية ، حتى نوضوح صورة امسودان الأخرى..
كبر
Post: #150 Title: Re: عصيان جمهورية الحناكيش وامسودان الأخرى... Author: Kabar Date: 12-14-2016, 00:49 AM Parent: #149
العزيزة دوما..حبابك يا صديقتي كتر خيرك على المرور ، الأسوأ يا دوما ، بعد اسبوعين من تاريخ اليوم ، الحكومة لو قعدت او مشت ، البلد ما عندها موارد كافية..يعني حتى لو الحكومة اشتغلت بمبدأ المكاواة وقالت للناس اهو العصيان فشل ، صدقيني الحكومة ما ح يكون عندها أي حل للمشكلة..! المناورة الوحيدة الممكن تمرقنا شوية ، وبأسرع طريقة هي وقف الحرب ، وهذا مفاتيحه عند الحكومة والحركات المسلحة ، يعني أي صيغة او صفقة سلام ، ممكن تدينا نفس شوية ومنها الناس تنطلق..!
بعض من ملامح امسودان الأخرى..
ودمت كبر
Post: #151 Title: Re: عصيان جمهورية الحناكيش وامسودان الأخرى... Author: Kabar Date: 12-14-2016, 00:55 AM Parent: #150
عليش..حبابك يا صديقي كتر خيرك على المرور والمفاكرة.. نعم اتفق معك يا صديقي ، انو سلاح القبائل وسلاح حركات دارفور هو الأقرب للجمع ان او التقييد او التحييد لو الناس اتبعت الحكمة.. حميدتي ده زول الحكومة ، والحكومة بتقدر تقيدو وتوجه سلاحو لنواحي اخرى تنفع البلد..! الحركة الشعبية ، جيش اجنبي وتابع لدولة اجنبية وهو الأصعب في التقييد او الجمع ..ودي الحتة المحتاجة شغل كتير للغاية.. هل تصدق يا عليش ، اسهل حاجة هي اسقاط النظام ، ولكن النخبة السودانية حتى الآن لم تقنعنا بانها ممكن تكون امينة على البلد..والشباب اهو شايف البعض بيغش فيهم بكل رومانسية: الشباب يخلق بديلو والشباب يعمل حكومتو..والشباب معذور يا صاحب لأنو ما بيعرف من السودان غير المدن العايش فيها ، ياخي فيهم ناس طرف المدينة وراهو شنو مافي زول عارف..! اما ناس الريف ، فديل ياخي حتى النجوم ، عارفين كل نجمة بتظهر قصاد ياتو شدرة ، وده رصيد مغييب تماما وساقط من حسابات ناس المدن..! يا ريت اسمع رأيك حول القوات الدولية الموجودة في السودان وكيفية مخارجتها من التراب السوداني؟ كتر خيرك.. كبر
Post: #152 Title: Re: عصيان جمهورية الحناكيش وامسودان الأخرى... Author: Kabar Date: 12-14-2016, 01:23 AM Parent: #151
كتر خيركم على الحضور ، والتحية للقارئات و القراء ممن يتابعون هذا الخيط..
كبر
Post: #153 Title: Re: عصيان جمهورية الحناكيش وامسودان الأخرى... Author: Kabar Date: 12-14-2016, 01:46 AM Parent: #152
ول ابا سامي..حبابك يا صديقي كتر خيرك على المرور.. اها شفت العالم دي نفسياتها منهارة كيف: تحلل وتقدم شواهد ، وتوشك يجي واحد يشبكك انت داير تفرض حاجات على الشعب السوداني وداير تمارس وصاية وشنو كده ما عارف..! ودي خطوة للأمام يا صديقي ، لمن نتفق انو الواقع مرير وقاتم واشد قتامة مما نعرض هنا ، فهذا يعني اننا في بداية الطريق الصحيح: نعرف المشكلة وحجمها ، عشان ننجر ليها حل..! شكرا على المقص بتاع دكتور الكنين ، وزي ما شايف ناس اخونا سيف رامين طوبة اهلهم ديل وبيجوا بيناقشوا كأفراد..! ويظل البديل الديموقراطي هو حل حناكيش ساكت ، لأنو حل لأهل المدن فقط ، والمدن الكبيرة اوي ، اما ناس الريف فهم ابعد من هذا الرطين العجيب..!
واهو زي ما شايف الناس بنقول ليهم كملوا العصيان لأخر الشوط واسقطوا النظام وبعد داك كل قرد يطلع شدرتو ، وبرضو الناس زايغة: يعني نظام دايرين دعم عصيان على بياض ، عشان بعدين يقوموا يزغوا زي ما حدث في اكتوبر وابريل..!
ودمت.. كبر
Post: #155 Title: Re: عصيان جمهورية الحناكيش وامسودان الأخرى... Author: Osman M Salih Date: 12-14-2016, 04:13 AM Parent: #153
ياكبر،
تقول انكم ستأوون البشير إذا ما أتى التغيير بالشيوعيين والحركة الشعبية الى السلطة.. مع ثقتي بأن التغيير السياسي الذي يفضي إلى التحول الديمقراطي لن يأتي لا بالحركة الشعبية ولا بالحزب الشيوعي في اي انتخابات ستجرى بعد ذهاب الانقاذ. لكن لنفترض صحة ماتقوله به فهل هذه حجة تبيح لكم إيواء طاغية كالبشير يثور عليه شعبه الآن؟ !.
انك في واقع الأمر لاتنتظر مايتمخض عنه العصيان المدني كأسلوب للمقاومة لتقدم بعدها الإيواء والحماية للبشير بل انك تحارب مع البشير الآن بقلبك وقلمك وسلاح الميليشيا هناك . انك تصطف الآن إلى جانبه وتذب عنه بحمية ذلك انه زولك وقد استفاد قسم من عشيرتك عزيز عليك من وجود الانقاذ وصاروا في الخرطوم من علية القوم ولذلك لايعنيك مايتعرض له عامة الناس في السودان من قهر السلطة والجوع الذي تصفه باستهانة محيرة بالمقدور عليه( ومتى كان الجوع مقدورا عليه وهو الطريق الى الموت؟! ولكنه موت الحس وموت الضمير الذي يقودك لاسلتطاف طاغية كالبشير
.ما أنت الا نسخة معدلة من حميدتي نالت قسطا من التعليم الذي يسخر الآن للوقوف ضد طموحات السودانيين في سبيل الحرية والعيش الكريم.
Post: #156 Title: Re: عصيان جمهورية الحناكيش وامسودان الأخرى... Author: Osman M Salih Date: 12-14-2016, 04:17 AM Parent: #155
لابقاء الجماهير رهينة ابدية للانقاذ يتساءل كبر عن ضمان للحيلولة دون تكرار ماوصفه بسرقة الجهد في ثورة اكتوبر 1964وانتفاضة مارس أبريل 1985 دون أن يتكبد عناء بيان المقصود بسرقة الجهد كيف حدثت ومن السارق ومن المسروق.
Post: #157 Title: Re: عصيان جمهورية الحناكيش وامسودان الأخرى... Author: Osman M Salih Date: 12-14-2016, 04:38 AM Parent: #156
لأنك ياكبر تتعمد خم القاريء بالعبارات الفضفاضة التي توحي بموسوعية المعرفة بالسودان والتظاهر بالحدب على مايبذله عامة السودانين من جهد في مقاومة الانقاذ بانه معرض للسرقة طرحت عليك سؤالا لاسبيل إلى تجاهله عن سرقة الجهد المبذول في كل من ثورة أكتوبر1964وانتفاضة 1985. جهد من هذا الذي زعمت انه سرق وكيف سرق ومن الذي قام بالسرقة اهي الأحزاب اليمينية التي اختارها الناخبون طوعا في انتخاب حر ونزيه ام هي جهة اخرى انت تعلمها ؟
Post: #158 Title: Re: عصيان جمهورية الحناكيش وامسودان الأخرى... Author: عليش الريدة Date: 12-14-2016, 05:14 AM Parent: #157
يا ريت اسمع رأيك حول القوات الدولية الموجودة في السودان وكيفية مخارجتها من التراب السوداني؟ ـــــــــــــــــــــــــــــــــــــــــــــــــــــــــــ أنا ياكبر لي فترة مامواكب ،لكن انطباعي القديم ـــ ومعاي ناس كتار ـــ إنو (عناصر) القوات الدولية الفي السودان ماعندهم رغبة ولا حتى قدرة كبيرة على ممارسة العدائيات..لكن طبعا في حالة الفوضى قد يتغير الوضع..
Post: #159 Title: Re: عصيان جمهورية الحناكيش وامسودان الأخرى... Author: سيف النصر محي الدين Date: 12-14-2016, 05:40 AM Parent: #158
هل السودان الذي لا يعرفه اهل المدن هو غرب كردفان و المسيرية فقط؟ ماذا يعرف ابناء المسيرية عن دنقلا و عبري و دلقو و القرير و بربر و المتمة؟ هل ديل ما ريف و هل السكان هناك ساقطين في حساب اخونا كبر؟ هل المطلوب منا أن نحسب حساب الرزيقات و المسيرية و نسقط البقية من شعوب و قبائل السودان؟ تقام السدود و تغرق المدن و يتسرب السيانيد لمصادر المياه و تباع الاراضي لكل من هب ودب و تخرب المشاريع و تموت البهائم و المطلوب أن يسكت الناس و يخرجوا انفسهم من المعادلة بس لأنهم ما راكبين حصين و شايلين بنادق من ابو ريالين. برضنا عندنا ريف و عندنا قضايا و رؤية لحل هذه القضايا تتمثل في ذهاب هذا النظام كاولوية قصوى بعصيان او بغيره.
Post: #160 Title: Re: عصيان جمهورية الحناكيش وامسودان الأخرى... Author: محمد البشرى الخضر Date: 12-14-2016, 05:44 AM Parent: #157
Quote: ولكن ما هو رأيك حول ظاهرة انتشار السلاح في اجزاء كثيرة في السودان ؟ وهل ترى انها تشكل تهديد للعصيان المدني ام لأ؟
لو احسنت فهم منطقك يا كبر فانت زي العايز تقول ان الإنقاذ على سوئها دا فهي صمام أمان من وضع أسوأ بكثير ينتظر البلاد حال زوالها و تحديدا المناطق البعيدة و الخاضعة لتهديد الحركات المسلحة التي لا يمنعها من الإنقضاض على المدنيين و القبائل هناك سوى جيش الإنقاذ و سلاحها!! إن كان فهمي سليم لما تقصد فا ممكن اشبهه زي الورم السرطاني المتجذر ومنتشر داخل الجسد لدرجة أن محاولة ازالته بها احتمال اذية المريض و موته بنسبة كبيرة! لكن هل فات عليك أن بقاء الورم - الذي فاتت امكانية علاجه بالأدوية دون استئصاله - سيقتل المريض في نهاية الأمر بنسبة مائة بالمائة ! و أن اطاله عمرة بالمسكنات - تقرأ الحوار - لن تنجح او تستمر للابد ففي النهاية لا محالة قاتله. ما اوصلت له الإنقاذ البلاد و العباد و المصير الذي تقودها له لن يكون على أيّة حال بأسوأ من (إحتمالات) ما ينتظرها لو الحديث عن الفوضى فهي موجودة أولريدي لو عن فقدان الامن فهو مفقود لو عن النزوح و التشريد و اللجوء فدا برضو حاصل الفرق فقط أنه يحدث اليوم بعيد عن الخرطوم ودا البدي احساس الأمن الزائف الموفراه الإنقاذ للحناكيش يا قولك و يفتقده الماحناكيش في أطراف البلاد و بطريقة الإنقاذ السايقة بيها دي سيحدث في الخرطوم لا محالة. يبقى الناس تستسلم لمصير مضمون و ماشين عليه و يروه رأي العين خوفا من إحتمالات قد وقد لا تحدث!
الشي التاني قولة انتشار السلاح تهديد للعصيان, طيب ما هو اولريدي مهدد بسلاح الحكومة و امنها و جنجويدها! الرصاصة التي تقتل لا فرق ان انطلقت من فوهة بندقية يحملها جندي حركة شعبية او يحملها جندي دعم سريع هي الرصاصة ذات نفسها
Quote: ام ان كل هذا يدور في بلد بعيد عنك ولا تدخل في اهتمامك؟
صراحة يا صديق هذا ليس باسلوب يؤدي لحوار, لو كان فعلا البلد يعني لي الخرطوم فقط لرأيت مثلك أن الفوضى و الخراب و الحرب و النزوح مجرد احتمال متوقع حال سقوط الإنقاذ لا واقع يعيشه الناس في البلد يوم بيوم
Post: #166 Title: Re: عصيان جمهورية الحناكيش وامسودان الأخرى... Author: Kabar Date: 12-14-2016, 09:07 AM Parent: #160
ول ابا محمد البشرى..حبابك يا صديقي..! الإنقاذ ليست صمام امان يا صديقي..خلينا نمشي بمنطقك ، وما عندها التكتح..يعني فقدت كل مقومات بقائها..!! مشكلتي ليست الإنقاذ يا صاحب ، مشكلتي هي اسئلتي التي اظنها اساسية: يعني لا استطيع ان ابصم على عصيان مدني او مظاهرات او تغيير ساكت كده على بياض ، او خطط سرية كما يروج لها بشاشا، الجديد هنا يا محمد صوت بيقول للنخب السودانية الساعية للتعيير دي مشاكلي ومحاذيري ، حلكم ليها شنو؟.. اما حكاية يجي زول ولا زولة يقول لي انسى يا عمك وارح ادعمنا في اسقاط الحكومة ثم بعد داك ح نتفاهم.. فهنا انا عندي رأي ومليون رأي..!! سلاح الحكومة يا محمد بيهدد الناس البتمرق في مظاهرات في الخرطوم أو غيرها من المدن الكبيرة في السودان ، اما السلاح البتكلم عنو يا صاحب ، بيهدد وجود كيانات اخرى وبعيدة عن تفكيرك وتفكير غيرك: ببساطة يا محمد الفيديوهات المعروضة هنا فيها هجوم الرزيقات علي المعاليا ، وهناك فيديو عن المعاليا في مواجهة الرزيقات (لا اعتقد اني اضفت هذا الفيديو) وهناك فيديو عن هجوم المسيرية على السلامات ، والرد من السلامات للمسيرية..!! لا اصدق يا حبيب ان هذه الكيانات في حسابك او حساب غيرك..العصيان لو نجح يا صاحب: دي الخلق الح تضيع ، وكل مطلبي: شنو الضمانات البتحمي الخلق دي من الضياع؟.. حتى الآن الحكومة بتعرف توقف الناس دي في حدودها ، بتكتيك معين وصدقني ناس جمهورية الحناكيش ما عارفين عنو التكتح..!! زغت يا حبيب من حكاية الجنود الدولية التي تدنس التراب السوداني ، وركبت لي مكنة الشيوعية بتاعة الهجوم ،!! ومش مهم يا محمد ، مش ياهو انتا الكاتب شعارك: اعرف الحق تعرف اهله..!! سألتك ان كانت ان البلد تعني لك فقط الخرطوم ، وقمت عملت فيها مجنون وشيوعي ومركب مكنة اتهام في الفارغ..! نوم واصحي يا محمد البشرى ، وح تلقى السؤال قدامك: ماهو رأيك في الجيوش التي تندس التراب السوداني؟..خليك من الغرابة والسلاح المنتشر بينهم..!! عصيان على بياض يا حبيب ، ما بيقسم معانا ، وح نجيب العورات البتحاول الناس تدفن روؤسها في الرمال عشان ما تشوفها ، والحد: يا اما هم سودانين زي بقية الخلق ، و ياهم عالم تانية تقوم تشوف ليها سكة مخارجة..!! لذلك ، انا ادعم العصيان المدني عشان كل قرد يطلع شدرتو..!! كبر
Post: #161 Title: Re: عصيان جمهورية الحناكيش وامسودان الأخرى... Author: Kabar Date: 12-14-2016, 05:57 AM Parent: #157
استاذي وصديقي..محمد على طه الملك..حبابك السودان الجاي ده يا صديقي ماشي الى زوال سواءا بقيت الإنقاذ او ذهبت..لأن الناس ما عندها بصيرة تقود بيها البلد..! نعم الإنقاذ طرف اساسي في الأزمة ، وكذا القوى السياسية التي تمتطي صهوة العصيان الآن ، ويتساويان في مسئولية ضياع البلد وخرابها ، يعني اب سنينة بيضحك على اب سنيتين..ناس ما عندها رؤية وبتهرب من الأسئلة الحقيقية فهل هناك ازمة اكبر من كده..! نعم الإنقاذ سلحت القبائل ، ولكن هناك من قام قبلها بتسليح القبائل ، وهذه هي ازمة الدولة المركزية في السودان ، دولة بلا اخلاق وتختبئ خلف القبائل لتخوض لها حروبها..تسليح القبائل و بأي مبررات يا صديقي هو سقوط اخلاقي كبير للغاية ، وجمهورية الحناكيش لا تعرف مثل هذه الأشياء..! لا ادري عن اي انسان سوداني مسالم تتحدث يا صديقي ، والخيط ملئ بالإشارات التي توضح لك عنف انسان السودان.. ام هذا انسان من بلد اخرى؟.. لذلك حينما قلنا امسودان الأخرى ، الناس اتحسست واستغربت ولها الحق لأنو بصراحة السودان حاجة كبيرة وكل واحد بيشوفها من الزاوية البتريحو ويفتكر انو امتلك الحقيقة..! عصيان مدني على بياض يا صديقي ، لن يجد تجاوب كبير ..! سألت اخوة كثر هنا عن القوات الدولية التي تدنس التراب السوداني ، ولم يجب احد.. واتمنى ان اسمع منك اجابة..! ولازلت اؤمن بحكمة اهل السودان لتجاوز التحدي..! ولازلت ارحب بالعصيان المدني ، عشان كل قرد يطلع شدرتو..! ودمت.. كبر
Post: #162 Title: Re: عصيان جمهورية الحناكيش وامسودان الأخرى... Author: Kabar Date: 12-14-2016, 05:59 AM Parent: #161
عثمان.. اراك تضيق بالرأي كثيرا ، وتكشف عن بؤسك في مواجهة الحجة وتتخبأ خلف الإيحاءات الغير كريمة في حقي وفي حق اهلي.. ويؤسفني ان اعلن لك وامام الكافة هنا باني لن اتحاور معك.. وصيتي لك ان كنت صادقا مع نفسك: ارجوك الأ تظلم اهلي وتسئ اليهم لأنك ببساطة لا تعرفهم ولا تعرف كيف يعيشون..ولا يملكون حق الرد عليك هنا..! انت تنحو نحو الشخصنة ، وهذا الخيط مهم للغاية ، ولا يسمح بالشخصنة فارجو ان تحترم هذه الحقيقة..! كبر
Post: #163 Title: Re: عصيان جمهورية الحناكيش وامسودان الأخرى... Author: Osman M Salih Date: 12-14-2016, 06:29 AM Parent: #162
ياكبر،
مامن كلمة اوردتها عنك تقع الواطة. اما الاشارة إلى ان قسما من عشيرتك انتفع من وجود هذه السلطة الفاسدة المستبدة فليس فيه اساءة لاهلك الكرام بل هي واقعة بالنسبة لعشيرتك وكذلك بالنسبة لعشيرتي وللعديد من عشائر السودان. هي واقعة تفسر سر التحول الذي طرأ عليك من معارض للانقاذ الى ابتلاع مادبجته فيها من هجاء ثم صيرورتك في اخر الامر نسخة معدلة من حميدتي في صورة مثقف.
Post: #164 Title: Re: عصيان جمهورية الحناكيش وامسودان الأخرى... Author: Kabar Date: 12-14-2016, 08:28 AM Parent: #163
ول ابا سيف..حبابك اها شفت لمن تبقى امسوداني ، بعيدا عن فهم الحناكيش ، بتعرف تتكلم كويس:
Quote: هل السودان الذي لا يعرفه اهل المدن هو غرب كردفان و المسيرية فقط؟ ماذا يعرف ابناء المسيرية عن دنقلا و عبري و دلقو و القرير و بربر و المتمة؟ هل ديل ما ريف و هل السكان هناك ساقطين في حساب اخونا كبر؟ هل المطلوب منا أن نحسب حساب الرزيقات و المسيرية و نسقط البقية من شعوب و قبائل السودان؟ تقام السدود و تغرق المدن و يتسرب السيانيد لمصادر المياه و تباع الاراضي لكل من هب ودب و تخرب المشاريع و تموت البهائم و المطلوب أن يسكت الناس و يخرجوا انفسهم من المعادلة بس لأنهم ما راكبين حصين و شايلين بنادق من ابو ريالين. برضنا عندنا ريف و عندنا قضايا و رؤية لحل هذه القضايا تتمثل في ذهاب هذا النظام كاولوية قصوى بعصيان او بغيره.
متذكر زمان يا دكتور ، لمن كنت فتحت بوست هنا عشان توري الناس فكرة المنهج وكيف مفروض الناس تكتب بالإنجليزي (ولا انتا زي اخونا عثمان محمد صالح بتفك الحكمة الجميلة وتاني يوم بتنط منها وبتنساها ..!!..نحن يا اخوي ما بنتغش برادي الدندهوب بتاع الحي ووب ، وامدرمان تجوعر انتا شتلو يا القطار..!!)..ليه المنهج ده ما يكون شغال بيهو واحد سوداني زي ناس كبر ، البتعامل مع الحاجات ككل (هوليستك كما يفخر ابكر ادم)؟..
انا ما عندي حاجة مجانية يا سيف ، والفيديو الأشارة الذي ارفقتو في مفاكرتي مع العزيزة دوما ، هو بداية لعمل كبير ، عشان نوري الناس امسودان الأخرى.. فيديو نسوان بتعوم في بحر القلزم على انغام طمبور السماكة ، اها المسيرية وين لبحر القلزم؟..
وسوف استمر في الفيديوهات ، من اقاصي الشمال ، والشرق ، والوسط ، والجنوب ، والغرب ، عشان اقول للحناكيش ياهو ده السودان كده ، بعد داك الداير يسوي عصيان ولا شنو كده ما عارف ما عندنا بيهو شغلة ، لكن كمان عليهو يحتمل خيارنا..!!
الجبهة الإسلامية شنو يا سيف ، ونظام حكمها شنو؟ يا اخوي نحن بنتكلم في اطار بلد عمرها يفوق مئات الآلاف من السنين ..باقي ليك ح تكون مشكلتنا مشكلة جوع يومين ولا علاج يومين ولا بنزين ناقص في يومين فقط..؟..
اهو نديك هنت يا سيف : بدل تفتح ليك بوست ام جاعورة زي بتاع كضب محمد النور كبر وكلامو الساكت ، عشان تتاكد من انو منو متهم يكتب بباص ويرد منو ، كان ممكن تفتح بوست تنوير وتقول لي كبر: بتعرف شنو عن القرير ،أو أي منطقة تختارها من أي بقعة في امسودان الأخرى.. كبر يجيك ويحكي ليك وانت تحكي ليهو..لا دي معلومة خطا والصح كده ، ولمن تمشوا غرب بحر ابيض ، كبر يقول ليك لأ دي خطأ والصاح كده ، وانتو الإتنين تطلعوا بلوحة تدهش الدنيا..!!!
واهو الكلام بجيب الكلام يا سيف ، قرى ومدن وبلدات الشمال التي ذكرتها هنا ، وانتا تلبس توب الحماقة ، هي بعض من هواجسنا ، ودي امسودان الأخرى التي نحدث عنها الخلق هنا.. يعني الموضوع يا حبيب ليس قاصر فقط على غرب كردفان والمسيرية وشنو كده ما عارف..ياخ امسودان سمحة ، بعضها نعرفه ، وبعضها نجادل باننا نعرفه اكتر من الحناكيش الى ان ياتي من يصحح لنا الفهم..!
كلام قصير يا صاحب ، عشان تختبر كضبنا..هسع دي افتح بوست تنويري : قول لي كبر اكتب ما تعرف عن أي قرية في الشمال ، وكيف بتخلق علاقة روابط بيها ، وكبر ح يقول ليك اكتب عن أي منطقة في غرب السودان ، وسطه ، شرقه ، جنوبه ، ونشوف كيف شعوب امسودان ح تستفيد من مثل هاتيك حكي..!!
نعم يا سيف ماساة السيانيد موجودة في قرى وبلدات الشمال ، وبنفس القدر موجودة في كادقلي ، وكاودا وبقية المناطق البتسيطر عليها الحركة الشعبية شمال في جبال النوبة (قطاع الشمال ادخل تلك المواد في جنوب كردفان قبال حكومة الإنقاذ..وهو ما يعرف عندنا بتعدين الذهب العشوائي!!)..فماذا يقدم لنا العصيان المدني؟..
الحكومة والحركات ، شغالين معاهم تحنيس عشان يقعدوا في الأرض.. فماذا يفعل لنا العصيان المدني؟..
من الآخر يا حبيب: العصيان بيحل مشكلة ناس الخرتوم ، اها مشاكل الريف في الشمالية ، في النيل الأزرق ، في الشرق ، في جنوب كردفان ، في دارفور ،الخ..دي البيحلها منو بالضبط ومتين..!؟؟؟
لمن نقول ماذا يقدم لنا العصيان المدني ، هذا لا يعني انحيازا للحكومة ، وانما يعني اننا نملك القدرة على التفاوض ، و أي جهة تقدم لنا الأفضل سنكون معها..!!
يعني انسان الشمال البيعاني من مأساة التعدين وسمومها ، ومشاريع الكهربا وظلمها ، ما عندو شغلة بانو منو يحكم الخرطوم ، ياخي ان شاء الله يحكمها قرد ، لكن شنو البيحقق ليهو مصالحو ويوفر ليهو الحماية والسلامة ، وهي نفس اسئلة الزول الشايل ليهو سلاح في دار المسيرية ،جنوب كردفان ، شمال كردفان ، النيل الأزرق ، ضواحي الخرتوم ، دارفور..!!!!
لا تخف يا صديقي ، وح نجيب ليك كل امسودان ، بعد داك ان شاء الله ناس جمهورية الحناكيش تفهم المعنى..!
فانا املك الحكمة ، واقول لك: فليستمر العصيان المدني لأخر اشواطه ، حتى يطلع كل قرد شدرتو..!!
الخراب صاب كرمة ، نبتة ، نوباتيا ، مروي ، علوة ، وبعدها الناس نهضت بالصاح او بالكضب ، يعني باقية فقط على حكومة الجبهة الإسلامية؟ ياخي اسقطوها واشنقوا ناسها في الشوارع ، ولتبقى البقعة اياها ، البقعة التي يعرفها الخواجات من مجوس ونصاري ويهود ، اكثر مما يعرف عنها اهلها..!!
كل الحب لأمسودان الأخرى، وستبقى رغم انف الكارهين الذين يتبضعون في سوق الرهان الراهن ويسألون عن الرخيص الأرخص كثمن..!!
كبر
Post: #165 Title: Re: عصيان جمهورية الحناكيش وامسودان الأخرى... Author: doma Date: 12-14-2016, 08:50 AM Parent: #163
السلام عليكم جميعا عندي مشاكل في كيف اعمل كوت ومشاكل اخري . سؤال للابن كبر الذي يقول ان افضل مخرج هو ان تضع الحركات المسلحه سلاحها وان تخرج القوات الدوليه. وبذا سيكون اللاعب الوحيد المسلح هو جيش حكومه الانقاذ ان فهمتك صحيحا ماهو الضمان ان يتنازل جيش الاتقاذ عن سده الحكم وقد وضعت كل الحركات ا لمعارضه سلاحها وسلمت رقبتها لجيش الانقاذ
Post: #167 Title: Re: عصيان جمهورية الحناكيش وامسودان الأخرى... Author: doma Date: 12-14-2016, 09:37 AM Parent: #165
يعني انسان الشمال البيعاني من مأساة التعدين وسمومها ، ومشاريع الكهربا وظلمها ، ما عندو شغلة بانو منو يحكم الخرطوم ، ياخي ان شاء الله يحكمها قرد ، لكن شنو البيحقق ليهو مصالحو ويوفر ليهو الحماية والسلامة ، _______________________________________________________________________ هههها اسه ياكبريا ولدي ما ترا حاكمهم القرد الا ما سوي شئ من كلامك القلتوا دا غير ينطط متل بخيت قرد الحلب الزمان كان بمر باحياء المدن وصاحبه يامره ارقص يا بخيت ويعلم الله برضو كان عنده عصايه للرقيص
Post: #168 Title: Re: عصيان جمهورية الحناكيش وامسودان الأخرى... Author: doma Date: 12-14-2016, 09:39 AM Parent: #165
يعني انسان الشمال البيعاني من مأساة التعدين وسمومها ، ومشاريع الكهربا وظلمها ، ما عندو شغلة بانو منو يحكم الخرطوم ، ياخي ان شاء الله يحكمها قرد ، لكن شنو البيحقق ليهو مصالحو ويوفر ليهو الحماية والسلامة ، _______________________________________________________________________ هههها اسه ياكبريا ولدي ما ترا حاكمهم القرد الا ما سوي شئ من كلامك القلتوا دا غير ينطط متل بخيت قرد الحلب الزمان كان بمر باحياء المدن وصاحبه يامره ارقص يا بخيت ويعلم الله برضو كان عنده عصايه للرقيص
Post: #169 Title: Re: عصيان جمهورية الحناكيش وامسودان الأخرى... Author: على تاج الدين على Date: 12-14-2016, 09:49 AM Parent: #165
يا كبر ..سلام كثير من العقلاء يشاطرونك هذه الرؤية العقلانية وهى دعاة العصيان واعوانهم منطقهم...هو ان يقع تغيير مهما كانت كلفته باهظة اولا ثم من بعد البحث عن البديل وهنا المعضلة الحقيقة التى لم يحسب لها احد حساب ....لا ينكر عاقل ان النظام القابع فى المشهد السياسى الان من اسوأ النظم السياسية التى تعاقبت على السلطة ...وبما ان تاريخ المجتمعات المتاخرة والسودان واحد منها لا يسير فى خط مستقيم بفعل تكوين هذه المجتمعات وطبيعة النخب بمعنى اخر المجتمعات التى تعانى من نقص التكوين الوطنى وهيجان الغرائز العصبوية وفساد السلطة السياسية ينبغى ان يكون فعل التثوير لاجل التغيير مستصحبا هذا الكم ومدركا للكونسيكونسس سيما حالة الاحتقان والاستقطاب التى تشهدها البلاد منذ ما يربو على 15 عشر سنة..اذ ادت الى ظهور تيارات بنزعات عصبوية تخاطب قضاياها ومطالبها عن طريق السلاح والاخطر منه طرح رؤى ريدكالية بشان الدولة والمجتمع اى يدعون لعملية احلال وابدال لتاريخ سياسى وثقافى بتاريخ اخر لا طعم ولا لون ولا رائحة له ضرب من العبث لكتابة تاريخ جديد للدولة السودانية ليس على قاعدة عدالة السلطة والثروة وانما يتخطاها الى الثقافة والهوية التاريخية..تيار بمثل هذه الخطورة يستغل هذه التضحيات التى غرضها الاساسى اقتلاع النظام الى بديل عقلانى يقود البلاد الى مرحلة جديدة..السوال الجوهرى والمهم...هل اعد دعاة العصيان المدنى البديل العقلانى بخطوات مدروسة ومحسوبة صاح ام ترك مالات الاوضاع للصدف وخبط العشواء؟؟ وعندئذ تتحول الدولة الى سيناريو الصوملة وسيناريو ليبيا..ويبحث الناس عن نعمة الامن بدلا من لقمة العيش والدواء ..ومن تجارب تاريخنا القريب والبعيد اننا شعب يحب الارتجال ولا يفكر فى العواقب الوخيمة الا ضحى الغد...لذا يبنغى التفكير واعداد البديل قبل اقبل بعضهم على بعض يتلاؤمون...اى نسخة من نسخ المعارضة ترث هذا العمل والتضحيات المبذولة ستعم الفوضى والارتباك وتضيع البلا.
Post: #170 Title: Re: عصيان جمهورية الحناكيش وامسودان الأخرى... Author: Kabar Date: 12-14-2016, 11:20 AM Parent: #169
كل الحب ، والمحبة الصادقة لصديق خاص جدا تابع هذا الخيط ، واختار ان يهمس لنا في الخاص...!!! الرجل هو استاذنا ، وصحفي سوداني جميل..!!
حفظنا وحمانا في مجاهل لم تكن لنا القدرة علي الخوض في سوحها ومعاركها..!!
قبل سنوات ، كان خجولا ، وهو الذي يقف علي راس صحافة عاتية في امسودان ، فناشدنا في في الخاص ، في منبر بكري هذا ، وهو يسألنا الأذن ان ينشر بعض ما نقول في هذا المنبر ، وحينما قلنا له نعم ياعمك ، اوفى الرجل بعهده فنشر ما نقل في هذا المنبر، بكل حذافيره، نشره في صحافة امسودان زي الترتيب ، فكانت ساحة نحن نسينا المنشور ، و احتفلنا بالجكس الرايح مننا سنين وسنين في امسودان ، الجكس الضمير البيقول ليك ، بعد سنين ، شفناك في الصحف الفلانية ، الصحف الرئيس تحريرها صديقنا واستاذنا المحتفي بيهو هنا، كرمز من امسودان الأخرى.. امسودان الوجع الحقيقي..!!
اليه الرمز الذي يفهم :أن دويلة الجنوب هي سليفا كير ورياك مشار ، وما عداها هو الحق ، انسان الجنوب...!!!!
نعم يا صديقي في البعد والخفاء ، ساعمل للوحدة بطريقتي الخاصة ، ولكن اسمح لي بمسح النفاق والكذب.. فوحدة السودان لا تحتاج لشيوعيين او ياسر عرمان..! وبعد اذنك.. الريتم ده يا دومأ ، ناس امسودان بيقولوا عليهو ريتم حبش ، مع انو ريتم سوداني اصيل..والشاهد غنا النوير ، رغما عن انف صاحبي الخفي ـ المثقف السوداني الذي يتعامل مع الحقايق بانسانية ، وانسانية عميقة...!!
نعم يا صديقي في البعد والخفاء ، ساعمل للوحدة بطريقتي الخاصة ، ولكن اسمح لي بمسح النفاق والكذب.. فوحدة السودان لا تحتاج لشيوعيين او ياسر عرمان..!
طبعاً يا كبر حكوتك عن إنتشار السلاح في الغرب البتخوف بيها الناس دي.. بتضحكني لما تقولها زي كأنها حاجة جديدة ؟ ياخي لما كنت طفلة صغيرة وكنا نمشي الغرب علشان نشوف أهل أمي ياما شفت الناس حايمين بالسلاح عااادي جدا .. والكلام دا طبعاً قبل الإنقاذ وزيطتها وزمبريطتها .
أهلنا الرزيقات ديل حتى النسوان والأطفال كانوا بيعلمونا أسماء أنواع الأسلحة المختلفة وطرق عملها . يعني طول عمره السلاح منتشر في الغرب..ودي ما حاجة جديدة .
الجديد إنك عايز تقمع وتخوف تحرك مدني سلمي للغاية .. يعني لا عايز ترحم ولا عايز تخلي رحمة ربنا تنزل ؟!!
يعني هسه الشعب العامل عصيان دا حتى لو ما عمل عصيان..مش حا يجي يوم وما يلقى حتى حق المواصلات اليتحرك بيهو..ويمشي بيهو الشغل والمدرسة ؟! ومش حا يصل مرحلة من الجوع إنه ما حا يقدر يتحرك من بيته علشان يمشي يشتغل كأقنان للحكومة ؟! أها أسأل لي بالله الحكومة وناسها الأذكياء حا يتصرفوا كيف في الحالة دي ؟!! قول ليهم ياخي الحكاية ببساطة إنه الشعب دا لو كان دومة ..فالدومة دي كديتوها كديتوها لما ما فضل فيها شي .
.......
أما تراجي : فخليها تجي تكتب هنا وتهدد الشعب بالخنادق والمليشيات القبلية ، وبإنهم حا يحموا الكلب العقور البشير.. وشوف ردي ليها حا يكون شنو .
الكتبته في بوستك دا يعتبر تهديد سريس ..ما لعب عيال . وأنت كمثقف من تلك المناطق مفروض دورك يكون عكس كدا تماما .
حين في مثقفين كثر من قبيلة الرزيقات وغيرها من قبائل العطاوة يعملون بجد شديد لتحييد ميليشياتهم القبلية. فشوف هم وين وإنت وين ..وأين تضع قدمك إبان المواقف المبدئية الكبرى .. يا مولانا يا مثقف يا كبير .
بعدين حكاية إنك توهم الناس إنه في يدك ريموت كونترول لتحريك المليشيات فدي غايتو أقدر أقول ليك أمشي إتفسح فسحتك ساااي في الكاريبي.. وإتناول لي سي فود معاك .
فالجماعة ديل لا سيطرة فعلية لأحد عليهم.. لا مشايخهم القبليين...ولا حتى الحكومة السلمتهم السلاح بغباء تحسد عليه . فممكن عادي الليلة يكونوا تبع الحكومة.. وبكرة ضدها . بل حتى الحدود لا تعني لهم شيئاً ..فممكن عاااادي يمشوا يقلبوا الحكومة في دولة مجاورة ويرجعوا تاني .
أها نقعد نحنا نقعد نصاقر الإنقاذ و خلقتها القبيحة لمتين..خوفاً من مستقبل كاذب من يظن أنه يعرف مآلاته ؟!!
باختصار يا كبر وكل من يدعو دعواه : الإنقاذ لازم تتعاقب .. مهما حدث. ورجال ونساء الإنقاذ لازم يضوقوا الخوف من الشعب ..يعني لازم يضوقوا. فهذه هي سنة التاريخ في كل حكم ظالم ، ولن تكون الإنقاذ إستثناء بطبيعة الحال .
وبالمناسبة هذا الخوف الذي نشهده الآن يدل فعلاً على أن العصيان نجح قبل أن يبدأ .
حقيقة أنا ما بعرف معنى ( حناكيش) شنو؟ لكن المتأكد منه أن بعض أهل الإنقاذ ( مطاميس) بيتركوا حل اليد ويلجأوا لحل ( السنون).ودليل واحد لما ذكرته ، بأنه بعد قليل من بداية تمرد دارفور نصح الدولة نخبة من ابناء دارفور عام 2003م بعدم جدوى الحل الأمني، ويلزم ممارسة القليل مما يبرز هيبة الدولة ، مع ممارسة الكثير من اعراف دارفور في فض النزاعات وهو إرث لأكثر من ألف عام ويخضع له كل إنسان دارفوري. لم تستمع الإنقاذ للنصيحة وظنت أن الإفراط في إستخدام القوة سيردع الناس فإذا بمشكلة دارفور تتفجر وتشغل العالم كله وفي أعوام قليلة مقارنة بحرب الجنوب الطويلة لكون أن من تمرد من أهل دارفور كانوا جزءا من الإنقاذ ولعبية فريق واحد وأبونقدح بعرف محل بعضي أخوه.
Quote: هذا المصطلح (عرب وزرقة ) الذي شاع في الأوساط الشعبية والثقافية ..وأخذ شكلا من أشكال الاصطفاف الإثني المصحوب بالعنف المسلح في غياب سلطة دولة متوافق عليها ..هو في جذره صراع على الثروة والموارد بين نمطين مختلفين لطرق كسب العيش ..نمط رعوي يعتمد على الحيوان ( أبالة وبقارة ) ..ونمط زراعي يعتمد على الأرض (الحواكير) ..الصراع بين النمطين على الموارد والثروة ليس بهذا المعنى المحدود ..إذ يأخذ شكلا آخر عندما يصير بين الرعاة أنفسهم (البقارة )..
الأستاذ محمد علي طه المك، تحياتي.كنت ولا زلت أنت واحدا ممن أقرأ تعليقاتهم بهذا الموقع، لأنني ألتمس في تلك الكتابات بعضا مما يعبر عني، طبعا إختلاف الرأي لا يفسد للود قضية، قد أختلف معكم مثلما يحدث حاليا في مسألة العصيان المدني بظرفها الزماني والمكاني. وما أود التعليق عليه هو ( المكوت) عاليه من رأيكم في الصراع بدارفور وإختصاره كصراع موارد، مما تطابق مع رأي الإنقاذ والرئيس البشير تحديدا بأن مشكلة دارفور بسبب الجمل والزرع! والصحيح ليس كذلك فالمسألة اكبر من ذلك، ولم تبدأ بسبب التصحر! فصراع دارفور منذ الأزل ولم يزل صراع هوية؟ كيف ذلك؟ يقول تاريخ دارفور الشفوي وبعضه مكتوب بأنه منذ عام 1200م تصارعت الممالك بدارفور... مملكة الداجو.. مملكة الزغاوة... مملكة الفور... مملكة التنجر... مملكة وداي.. مملكة المساليتوممالك أخر... حينها كان السلاح تقليدي ثم تطور تدريجيا بدخول السهام والحراب والسيوف و العصي وكل أدوات الحرب التقليدية، وفي عام 1500م دخل الحصان والبعير كواحد من أدوات الحرب الفعالة، وأمتد هذا الصراع إلى نهاية الستينيات من القرن الماضي، فحدث تطور نوعي في الأسلحة مباشرة بعد حرب مثلث أوزو بين جمهورتي ليبيا وتشاد، فظهرت الكلاش وجي3 وجي4 مما جعل أم خمسة وأم عشرة التي كانت بحوزة شرطة السودان في المالحة ومليط وكرنوي أي كل شمال وغرب دارفور كأنها بلا سلاح، وكان السلاح الليبي والتشادي مكافأة لقبائل محددة شاركت في تلك الحرب، ثم إمتلكته القبائل العربية بداية بأهل الناقة ثم البقارة. بإختصار الأزمة قديمة وزادها تأزيما إمتلاك السلاح الحديث وضعف هيبة الدولة بسبب ضعف الوسائل أولا ثم دخول الدولة طرفا في الصراع بتسليح البعض. لذلك ليس للبعير أو الزراعة دخل بما يجري وتأسيس الحل على مبدأ خطأ جعل كل الحلول بعيدة جدا من الواقع. ولن يتم فض تلك النزاعات إلا بالتعريف الصحيح والحلول المنشودة. أما الأخ Osman M Salih....تحياتي
Quote: ماذا تقصد بعبارة" سلاحنا موجودة والبارة ترعى على الماسورة".
هون عليك يا اخي فأنت معذور في فهمك للعبارة، فأنت أكيد لا تعرف البارة؟ ولا تعرف الماسورة؟ لكونها ثقافة بعيدة عن ثقافتك ولا عيب في ذلك فالمرء إبن بيئته. وأبشر بالأمان. وخلاصة ما أرى بأن العصيان المدني سلاح فعال للي ذراع الإنقاذ ووضعها في قالب يحقق بعض مصلحة المواطن، وأنا أدعمه من هذا الباب، اما أن تسقط الإنقاذ في ظل الوضع الراهن فذلك دونه خرط القتاد.... إلا ان نعرف ما لنا وما علينا كملاك أرض وانعام. وتكرما سأجاوبك عن سؤالك أنت مين؟ أقول لك انا من يقول لك حبابك عشرة بلا كشرة في خط إمتداده من أم دخن غربا ... وإمتداد بحر العرب ووسط وجنوب دارفور ووسط وجنوب كردفان وووسط وجنوب النيل الأبيض والنيل الأزرق ... وشرقا لحدي مدينة بورتسودان لي بها اثر وتاريخ. وكمان أم درمان فوق البيعة..........والناقص شنو؟
Post: #173 Title: Re: عصيان جمهورية الحناكيش وامسودان الأخرى... Author: حسن ادم محمد العالم Date: 12-14-2016, 01:08 PM Parent: #171
الحبيب كبر تحياتي دعنا نتفق برهة ونختلف كثيرا فيما ذهبت اليه اولا اتفق معاك ان هناك اسئله مشروعة يجب الاجابه عليها فيما يخص العصيان ومرحلة ما بعد العصيان والاجابة عليها بصدق وشفافية وتخطيط سليم قطعا ستجنب البلاد والعباد عواقب ما بعد مرحلة التغير والتي اتفق معك تماما ان السودان يعيش في ازمة وان الخرطوم ما عادت هي التي تغيرالسودان قد تسقط النظام ولكن بلادنا مفخخه بسبب انتشار السلاح والتقاطعات الاقليمية والدولية بذلك نكون استفدنا من اخطاء الماضي التي اعقدت البلاد كثيرا بعد ثورتي اكتوبر وابريل ولكن اختلافي معك انك كتبت هذا البوست تحت تاثير اللذين دعوك لتايد العصيان وتلك سمة لا تشبة المثقفين وانت منهم وبمناسبة الحناكيش والمصطلح المتعارف عليه فانت صرت حنكوش بامتياز يعني بالدراجي الحناكيش حسب تعريفنا اولاد الراحات يعني ناس كندا والشهادة العربيه واذا عندك تعريف جديد هاتوا لينا ثانيا لماذا يا كبر تطلب من الشباب انجاز مشروع اسقاط النظام ثم تتوعدهم بالفوضي في الاطراف فالاحري بك ان تساهم مساهمه فعالة في مشروع التغير بالاجابات علي الاسئله الكبيرة التي طرحتها بخصوص التغير الشامل قبل وبعد سقوط النظام بدلا عن الفرجه وانت مثقف عضوي او احسبك ذلك صدقني يا صديقي ان العصيان لايؤثر علي النظام ولا يسقط النظام لكن النظام سقاط وفقد كل مبررات وجوده ويسقط بعجلة الدفع الذاتي كما درسنا في القيزياء فان الانهيار النسبي يؤدي للانهيار المطلق فنحن نعيش مرحلة الانهيار المطلقة ولا شي يسعف النظام اذا خرجوا او لم يخرجوا الناس عليه فغول الفساد والازمة الاقتصادية وانسداد الافق كفيله بان تذهب النظام ذاتيا ثاثا اري رهانك علي الحوار وانت ادري بان النظام ليس لديه ادني رغبة في الحوار وهو عملية اطالة وقت واعادة لانتاج الازمة فالنظام جرب في اكثر من اربعين اتفاقية وضاق زرعا بالاسلامين انفسهم ومن يسمون انفسهم الاصلاحين فكيف بالمعارضين وانت القانوني الذي تفقه اكثر منا في هذا المجال ختاما ياصديقي السودان في ازمة وهي ازمة بقاء فالاسلاميين جاهزين لهدم المعبد بما فيه انها غريزة البقاء لان التغير اقصائي وتلك كارثه لذا ادعوك ان نعمل سويا ونساهم في مسالة التغير لانه واقع اليوم او غدا فالمسالة مسالة وقت ورجل الارصاد الحصيف هو صاحب التنبؤات السليمة فنحن نحتاج لقلمك وفكرك وكل دعاة التغير الشامل فدع المعارك الجانبية مع اليسار والحركات المسلحه ودعنا نساهم بما نملك قبل ان يضيع الوطن ونحن نعيش حالة الاصطفاف هذه مع مودتي
بت ابا امنة ..حبابك يا صديقتي!! اتونسي ساكت يالسمحة ، هو الونسة كمان بيتشروها بي قروش..؟! من حقك تطمني الحناكيش زي ما تدوري ، وهل انتي صدقتي كلامنا لإستدعاء شهادتك؟؟ ياخي ان شاء الله تقولي تراجي رسول عديل ، ومعصوم عن الخطأ ..يعني قايلة ح تفرق معانا بي شيء؟.. امنة، نحن ناس خلأ وبنعرف الخلا.. وخلي الحناكيش يسوا الفي راسهم ، ونحن بنسوي الفي راسنا.. دي دايرة ليها درس عصر كمان؟.. خليهيم يصدقوك وانتي بتقولي ليهم كبر كضاب وموهوم ، ومافارقة معانا تب ، لأنو الأيام بتعرف كيف تميز بين الصفوف..!! اعملوا عصيان مدني ، والباقي ما عندكم بيهو شغلة..!! ولا انت قصدكم تعملوا عصيان وتسقطوا الحكومة ثم تزوغوا من النتائج؟.. سودانك الحايم اليوم ده ، نحن قاعدين فيهو بالبركة ، ساكت ، وأي عصيان نحن الكاسبين ، لأنو ح نقطع وشنا منكم زي الترتيب..!! حباب العصيان المدني يا امنة وبطلوا جرسة التلفت بتاعة ناس فلان ح يمشوا يخلونا..وناس فلان هددونا..!! ياخي ما دايرين معاكم ..دي فوكا حاجة يعني؟.. وعشان تعرفي وزننا الحقيقي: عبد الواحد برلومنا في الجامعة وعمل حركة وقفتكم بكراع واحدة..يعني باقي ليك السناير ما ح يقدروا يجهجوكم؟.. الكلام واضح يا امنة ، امشوا عصيانكم المدني ، وما تشتغلوا بالباقي..مش كل هدفكم اسقاط النظام؟ عادي ح ندعمكم في الحتة دي ، اما الباقي ، الجرسة فوق كم يعني؟ باختصار حارقين رزقكم في كم وانتو بتنادوا باسقاط النظام؟ اسقطوا النظام ، ولو غلبكم قولوا الروب وح نسقط ليكم النظام..اما الفي راسنا شغلتكم بيهو شنو يعني؟ كبر
ول ابا حماد..حبابك يا صديقي.. ياخي العالم دي حيرتنا في دقنوسنا ذاتو: عالم تقول ليك انت خاين وعشيرتك مستفيدة من النظام..! وتقول ليهم ، مافي مشكلة: امشوا سوا عصيانكم واكملوا المشوار واشنقوا عشيرتي في الشوارع.. يقوموا يزغوا ويقول ليك: ما انت الإ نموذج جنجويد يتخبأ خلف العبارات السمحة ، ثم يقولوا ليك ياخي انتا بتهددنا..!! في دينك يا حماد دي خلق عليها الرك؟.. يا اخوي يمكن الناس ديل حاتنيها معانا قرض وما بيسمعوا كلامنا.. فيا ريت تقول ليهم يا اهلنا واصلوا عصيانكم لأخر شوط ، اما النتائج فدي حاجة ما عندكم بيها شغلة..! حكاية الحكومة مطموسة وظالمة ، دي حقايق نحن عارفنها وبنعرف كيف نتعامل معاها ، لكن انطماسة حناكيش العصيان المدني دي تتحل كيف؟.. يا ناس العصيان المدني امشوا وتموا عصيانكم لغاية ما الحكومة تسقط ، وبعد داك اتحملوا النتائج ، وعشان نكون واضحين معاكم: الحاجة الوحيدة البتجمعنا في البلد هي نظام عمر البشير ، ونحن احرص على مفارقتكم.. دي فيها حاجة يعني؟ شكرا يا حماد.. كبر
Post: #175 Title: Re: عصيان جمهورية الحناكيش وامسودان الأخرى... Author: Osman M Salih Date: 12-14-2016, 02:43 PM Parent: #1
ياكبر،
اقرأ لك مؤخرا فتنقبض نفسي حسرة على ردتك من دور المثقف الى صورة باهتة من حميدتي. كأنك جندي من جنوده تطيع أوامره كالقرآن المنزل.
لقد ذهب هباء كل جهد بذلته للانتقال من ضيق التفكير القبلي إلى رحابة الوطن. ولم يبق من استنارتك سوى شبح لعبارات باهتة لم تعد تسد الرمق.
صرت تذكرني بموسى علي سالم زميلي في الدراسة الجامعية ايام بلغاريا سقاها الغمام. كنا نعز موسى وتحتفي به أيما احتفاء. وقد زاملته في قيادة الجبهة الديمقراطية ولم ندخر وسعا لتثقيفه حتى يعود الى بادية الكبابيش فيكون لنا فيها رسولا لليسار. ولكن هيهات ما ان اتم دراسته حتى قفل الى اهله في بادية الكبابيش وارتقى ظهر البعير بعد ان نسي كل ما تعلمه. وكأنك يازيد ماغزيت. قصة محزنة وجهد ضائع.
Post: #177 Title: Re: عصيان جمهورية الحناكيش وامسودان الأخرى... Author: محمد على طه الملك Date: 12-14-2016, 03:03 PM Parent: #175
Quote: الأستاذ محمد علي طه المك، تحياتي.كنت ولا زلت أنت واحدا ممن أقرأ تعليقاتهم بهذا الموقع، لأنني ألتمس في تلك الكتابات بعضا مما يعبر عني، طبعا إختلاف الرأي لا يفسد للود قضية، قد أختلف معكم مثلما يحدث حاليا في مسألة العصيان المدني بظرفها الزماني والمكاني. وما أود التعليق عليه هو ( المكوت) عاليه من رأيكم في الصراع بدارفور وإختصاره كصراع موارد، مما تطابق مع رأي الإنقاذ والرئيس البشير تحديدا بأن مشكلة دارفور بسبب الجمل والزرع! والصحيح ليس كذلك فالمسألة اكبر من ذلك، ولم تبدأ بسبب التصحر! فصراع دارفور منذ الأزل ولم يزل صراع هوية؟ كيف ذلك؟ يقول تاريخ دارفور الشفوي وبعضه مكتوب بأنه منذ عام 1200م تصارعت الممالك بدارفور... مملكة الداجو.. مملكة الزغاوة... مملكة الفور... مملكة التنجر... مملكة وداي.. مملكة المساليتوممالك أخر... حينها كان السلاح تقليدي ثم تطور تدريجيا بدخول السهام والحراب والسيوف و العصي وكل أدوات الحرب التقليدية، وفي عام 1500م دخل الحصان والبعير كواحد من أدوات الحرب الفعالة، وأمتد هذا الصراع إلى نهاية الستينيات من القرن الماضي، فحدث تطور نوعي في الأسلحة مباشرة بعد حرب مثلث أوزو بين جمهورتي ليبيا وتشاد، فظهرت الكلاش وجي3 وجي4 مما جعل أم خمسة وأم عشرة التي كانت بحوزة شرطة السودان في المالحة ومليط وكرنوي أي كل شمال وغرب دارفور كأنها بلا سلاح، وكان السلاح الليبي والتشادي مكافأة لقبائل محددة شاركت في تلك الحرب، ثم إمتلكته القبائل العربية بداية بأهل الناقة ثم البقارة. بإختصار الأزمة قديمة وزادها تأزيما إمتلاك السلاح الحديث وضعف هيبة الدولة بسبب ضعف الوسائل أولا ثم دخول الدولة طرفا في الصراع بتسليح البعض. لذلك ليس للبعير أو الزراعة دخل بما يجري وتأسيس الحل على مبدأ خطأ جعل كل الحلول بعيدة جدا من الواقع. ولن يتم فض تلك النزاعات إلا بالتعريف الصحيح والحلول المنشودة.
الأخ حماد الطاهر .. مشكور يا عزيزي على حسن ظنك فيما أشارك به من تعليقات متواضعة هنا وهناك .. وعلى تعليقك حول رؤيتي لتسمية النزاع .. ولا مندوحة مطلقا أن تختلف الآراء فالغاية في نهاية المطاف بحث و استشراف لأنجح الحلول .. أتفق معك حول الفذلكة التاريخية للصراع بين الممالك القديمة .. غير أن طبيعة الصراع وكما تفضلت تحورت لاحقا بعد ظهور الدولة المركزية وفرض هيبتها في العهد الاستعماري.. وتجاوز النزاع صراع السلطة الذي كان بين الممالك قديما وأصبح صراع حول الموارد .. ومع أكيد احترامي لرؤيتك .. لم يكن تغير نوعية السلاح وسهولة الحصول علية بسبب ظروف إقليمية ومناخية محيطة.. وحدهما الدافع لتأجيج حدة الصراع في عهد الانقاذ المشؤوم الذي بلغ به أسوأ مراحل الجريمة الإنسانية ضد المكونات الاجتماعية .. بل كان لاستغلال الهوية برافعها الثقافي الدور الرئيس في تحوير الصراع وإعادة تركيبه وتوزيعه على أسس إثنية .. على الرغم من أن الهوية برافعها الثقافي لم تكن في عهود الممالك المتنازعة قديما طرفا في الصراع .. إذن دخول الهوية برافع ثقافي هو الذي أعاد تركيب المحاصصات .. وعدل تسمية الصراع من صراع موارد بعد ظهور الدولة الحديثة إلى صراع ( عرب وزرقة) .. صراع الهوية برافعها الثقافي عادة ما يكون الأقسى والأعنف تدميرا في ظل ضعف الدولة ( رواندا ) مثال .. والذي زاد من حدته كما تفضلت موالاة الحكومة على ضعفها لطرف دون الآخر .. لذا تجدني موافق على توصيفك الموجز للوضع الآن الذي قلت فيه : ( بإختصار الأزمة قديمة وزادها تأزيما إمتلاك السلاح الحديث وضعف هيبة الدولة بسبب ضعف الوسائل أولا ثم دخول الدولة طرفا في الصراع بتسليح البعض.) .. لقد أستغرب الأستاذ كبر وصفي لإنسان السودان بالمسالمة .. غير أنه عاد وأقر بحكمة أهل السودان .. والمسالمة التي أعنيها لا تعني الرضوخ وقبول المهانة .. بل تعني تماما حكمته وإرثه وقدرته على تحكيم العقل وتجاوز المرارات بلوغا للسلام الاجتماعي .. عاملان في تقديري أججا الصراع دخول الدولة مع ضعفها كطرف .. وتسمية الصراع كصراع هوية .. وكما تفضلت لو التزمت الحكومة بالنصح الذي قدمه أهل الحل والعقد في دارفور لما بلغ الحال ما بلغ .. علينا يا عزيزي أن نغلق باب الهوية كمسمى للصراع .. فبسببه وقعت جرائم الإبادة .. علينا أن نبحث عن جذر الصراع الذي هو في واقعة صراع موارد مصحوب بصراع على السلطة والنفوذ القبلي .. وهما معضلتان يمكن حلهما بالتوزيع العادل للسلطة والموارد في ظل نظام حكم مقبول ومهاب الجانب .. ولن نبلغ ذلك ونحن تحت قبضة هذا النظام .. لأنه نظام يسعى لتعقيد الوضع وضرب السلام الاجتماعي وإفقار الشعب .. ليس في مناطق النزاع المسلح فحسب .. بل في كل أجزاء السودان .. باعتبار أن زعزعة الأمن وإرهاب المواطن وإفقاره هو الظرف الأمثل لبقائه على سدة الحكم .. وفي ظل نظام تلك هي استراتيجيته لن تحدث تسوية لأي مشكلة من مشاكل البلد كيفما كانت مهددة لوجودة .. تقتي في أهل مناطق النزاع في دارفور وج كردفان والنيل الأزرق وقدرتهم على تسوية النزاع في ظل نظام ديموقراطي .. أكبر من ثقتي في نظام الانقاذ الشمولي الذي يتغذي على جراحات أهل السودان والنزاعات المسلحة الداخلية. مودتي واحترامي.
حسن محمد العالم..حبابك يا صديقي.. دعني اتفق معك في نقطة واحدة وهي نقطة اولا..وهي اتفاق وتشخيص للحال,.,
كل ما نطلب يا صديقي هو عصيان وتغيير لا يدفعنا كسر رقبة على البصم المجاني ، يعني يا صاحب نحن دايرين عصيان وتغيير يستوعب اسئلتنا وقضايانا الحقيقة ، وزي ما شايف النخبة هنا زايغة بالباب العديل وبتقول ليك ما عندنا استعداد نقدم ليك ضمانات ، وما عندنا استعداد نوقف ليك حرب وما عندنا استعداد نطرد ليك الجنود الدولية التي تدنس التراب السوداني..!! اذا كان القوى السياسية والحركات المسلحة تضع شروطها المسبقة للتفاوض مع النظام فاشمعنا نحن المواطن العادي ما يكون ليهو الحق في شروط دعم العصيان؟.. انا لم اتوعد يا صاحب ، انما وضعت محاذيري التي كنت اظنها ، من باب الغرور ، اشياء غير مفكر فيها وتحتاج وضعها في الإعتبار ، والنخبة تجاوزت كل هذه المحاذير وطفقت تسومنا التخوين والتسفيه والتحقير ،يعني باقي ليك نقعد نربع ايدينا؟.. بالعكس يا حبيب ح نهددهم ونهدد سلسفيل اهلهم ذاتو.. وان كان ما نفعله من خطاب هنا هو شئ بسيط ، لأن في الواقع هناك ناس ما عندها استعداد للتفاوض والنقة ذاتو!! ومافي مشكلة ، فليتعبروه تهديد وكلام خارم بارم ، ولكن ألأيام وحده ستعرف وستحكم..! نعم يا صاحب ، ندعم العصيان المدني للأخر ، عشان كل قرد يطلع شدرتو..!! كبر
Quote: يا ناس العصيان المدني امشوا وتموا عصيانكم لغاية ما الحكومة تسقط ، وبعد داك اتحملوا النتائج ، وعشان نكون واضحين معاكم: الحاجة الوحيدة البتجمعنا في البلد هي نظام عمر البشير ، ونحن احرص على مفارقتكم.. دي فيها حاجة يعني؟
يا زول إنقرع، الكلام الشين ضرسا وراني. أنا شخصيا ما عايز أفارق زولا من السودانيين، شينهم وزينهم، مسلمهم وكافرهم وما بين ذلك، وأهلا بالعصيان المدني عشان يأدب الإنقاذ وما بعد الإنقاذ فهو سلاح ينفع ولا يضر في حالة إستخدامه بالطريقة المثلى. وهسي عليك الله يا أخي كبر واحد زي أستاذ محمد المك هذا الذي أنت تخاطبة بصديقي وأستاذي خطابا مبجلا أحس بمحبتك له وإحترامك له ينز بين حروفك هل يسهل لك أن تفارقه؟ وواحدة زي البت السمحة بت عمسيب دي المرأة الكلسة البتجدع حق المروة عبر البحار دي واحد يفارقها كيف؟ بت عمسيب يا أخي كبر لمن الرجال قالوا يا أبومرة، زاحمت بكتفها ويشهد بذلك صديقي عبدالله ودالبوش. لا لا ما فرز عيشة حتى لو سقطت الإنقاذ أو إستمرت.
تحية وسلام للاخ كبر ولكل العابرين والمشاركين في هذا الخيط جميعنا يا كبر نخاف ونجزع ان خامرنا الشعور بان هناك سوء سيمس اهلنا في اي بقعة من بقاع وطننا الحبيب وهو دأب كل مواطن سوداني يحب هذا الوطن ويحس اوجاعه منذ الاستقلال واول الاوجاع في جنوبنا الحبيب ثم ثم بدأ الوجع ينتشر الى ان جاءت الانقاذ ونشرته في كل بقاع وطننا الحبيب
اي نعم يا كبر السلاح منتشر ليس في في مناطق النزاعات فحسب بل حتى في المناطق التي تنعم بقدر من الامن والهدوء وهو ما سعت له الانقاذ من اول عهدها لا ادري ان كان ذلك بعلم وتكتيك من الانقاذ ام تم بجهالة وفق ما تتطلبه المرحلة ولعبها بنار القبلية بما ان الانقاذ لها اليد العليا في نشر السلاح والاقتتال بين القبايل فكيف تكون هي التي تسيطر على هذا السلاح المنتشر في ايادي الناس لا اظن يا كبر ان الانقاذ لها القدرة في السيطرة على هذه القبايل والدليل ما حدث قبلاً بين بعض قبايل المسيرية في بعضهم والرزيقات والمعاليا وغيرهم الكثير من الاحداث الدموية في المنطقة. انا كتدقير شخصي اعول كثيراً على تكوين الشخصية السودانية وعلى تكوينات مجتمعنا بعبارة اوضح على كبارنا ومشايخنا لا اظنك يا كبر تختلف معي في ان لكبار وزعامات القبايل كلمة امضى من كلمة الحكومة على افراد مجتمع القبيلة بل اجزم ان ليس للحكومة كلمة امام كلمتهم وكذلك اعول كثيراً على المعرفة المنتشرة بكل شاردة وواردة لدى الاجيال الجديدة عبر السوشال ميديا وغيرها من مصادر المعلومات فالناس اصبحوا يتابعون كل الاحداث في العالم بعد دقايق فقط من حدوثها ونحن في السودان تجرعنا الفشل وويلاته وكله بسبب الحروب فما الذي سيدعو الناس ان نلجأ للسلاح بعد زوال المصدر الرئسي للسلاح وللفتن (الانقاذ)
خلاصة الكلام اتفق معاك بان السلاح منتشر واختلف معاك في ان بوجود الانقاذ نستطيع ان نقنع اي جهة تحمل السلاح بتسليمه فالانقاذ تلعب على هذا الوتر يا صديقي
كسرة يا كبر اذا كان كل تلك المدن والقرى والارياف الجميلة التي ذكرتها في مداخلتك مع الصديق دكتور سيف هي امسودان الاخرى اذاً فمن اين اتى حناكيش الخرطوم ؟ الا تعتقد انهم اتوا من كل تلك الاماكن؟
تحياتي واحتراماتي للجميع
Post: #181 Title: Re: عصيان جمهورية الحناكيش وامسودان الأخرى... Author: عادل البراري Date: 12-14-2016, 05:02 PM Parent: #180
تناقضات المثقف هي التى تمنحه فرص عبادة الاصنام التى تفرز طغيانها فامل فقط ان يراجع كبر ما كتب في هذا البوست ما أكثر
Post: #182 Title: Re: عصيان جمهورية الحناكيش وامسودان الأخرى... Author: Kabar Date: 12-15-2016, 00:33 AM Parent: #181
الصديقات والأصدقاء.. كتر خيركم جميعا على المشاركة والمتابعة لهذا الخيط.. وامنياتنا للسودان بحياة افضل ومستقبل الإستقرار.. وامنياتنا ان تنجح خطوات المقاومة الآن وان يكون هناك وضع افضل.. سوف اتوقف هنا ونرجو العفو من الجميع عن أي بادرة حدة او عنف لفظي.. ودمتم.. كبر