"محاورة النظام والتراضي معه علي السلام والتحول الديمقراطي افضل من مجهول العصيان الذي يرجح ان يكون انقلابا !! .. بقلم: أبوبكر القاضي المقال منشور بسودانايل
السلام والتحول الديمقراطي السلام والتحول الديمقراطي الغول والعنقاء والخل الوفي الغول والعنقاء والخل الوفي............مع احترامي للاستنارة .. مقال بهذا العنوان لا يستحق البحث عنه وقراءته
هو طبعا أي حوار للتحول الديمقراطي السلمي أفضل و اقصر من اي طريق آخر و لكن السؤال يبقى، هل هذا النظام على قناعة بأنه لا يمكن له الإستمرار بهذه الطريقة و لابد من تحول؟ شكرا لك يا ابا بكر و اي تفكير في إتجاه مخرج من هذه الازمة فمرحب به بالضرورة لان العصيان ليس هدفا في حد ذاته!
غايتو يا وضاح، ما دام المقال لا يستحق القراءاة، ما عندي ليك رد على مشاركتك غير كباية شاي عاطف عركش السادة
Post: #5 Title: Re: مقال أبوبكر القاضي andquot;محاورة النظامandquot; Author: علاء الدين صلاح محمد Date: 12-10-2016, 06:17 PM Parent: #4
تحاور من ؟ الانقاذ التي تحاور وتشاور وتفعل ما تريد ام انقاذ اخر الانقاذ لها ربع قرن تحاور من مؤتمر الحوار الوطني موديل 89 الى المؤتمر موديل 2016 الاخير ولا تنسى تلك اتفاقية عقار نافع الكنسلها البشير بعد صلاة جمعة في مسجدو
الحوار للانقاذ وسيلة لمزيد من التمكين وعزل الاخر لو الانقاذ جادة في الحوار فالحوار افضل وسيلة واقصر الطرق لكن منو بيقنع الانقاذ بالحوار ومنو البيصدق الانقاذ انا شخصيا عندى قناعة مطلقة كل حركات الاسلام السياسي من داعش وانت نازل لا يؤمنون بالاخر ولا بالديمقراطية بمناسبة كل حركات الاسلام السياسي فيهم شي من داعش يحكمون باسم الله وظل الله في الارض او ترق كل الدماء ولا لدنيا قد عملنا وانت جاي تقول لهم حوار
Post: #6 Title: Re: مقال أبوبكر القاضي andquot;محاورة النظامandquot; Author: علاء الدين صلاح محمد Date: 12-10-2016, 06:18 PM Parent: #5
يا علاء، الذي فهمته من مقال القاضي ليس الحوار القديم؟؟؟ لو في الشغل يا علاء، فصلت ليك موظف بغضب دون شهر انذار واجراءات تسليم وتسلم حقيقية، سوف تخسر كثيرا نتيجة فش مغصتك منو
يا منتصر، دفاعي عن الغوصنة: أنا أصلا ما ممكن أقتنع بالساهل انو في زول بفهم أحسن مني عشان اتناقش معاهو خلي كمان أقوم أوصل الخبارات لعرب الجزيرة والغرابة بالجامعة؟!! يا أخي، جدنا الكبير قالوا ليهو خبارك ما بتصلي؟ قال ليهم: الركوع والسجود ديل ما بحبهن وقال ذلك بلغة دارجة فشنو؟ خلينا من عبط جادات والصائم
Post: #9 Title: Re: مقال أبوبكر القاضي andquot;محاورة النظامandquot; Author: علي دفع الله Date: 12-10-2016, 06:28 PM Parent: #4
يا مستنير كنت عاوز ارشحك وزير تخطيط استراتيجي في دولتنا الديمقراطية ..واصلا ما فكرت ارشحك وزير ثروة حيوانية كتنقراط... لكن بعد تأمينك على مقال ابو بكر قاضي ولا وزارة الثروة الحيوانية البرضو بيها المتحولين دي ما عندي ليك ... يا مستنير عليك النبي انت لسع بتصدق الحاجة الاسمها التراضي والحوار والعوارات دي ... يا اخي عصيان وبعدو عصيان ثم تنظيم صفوف ثم ثورة واذا ابت علي الطلاق نكتلهم زي الكلاب الضالة اموت البموت ونصل معاهم الميس يا وطن يا كل قرد يطلع شدرتو... بكة يا اخي ايمان زيتنا طلع وانا عارف انو هؤلاء الاوغاد ما بستسلموا بي اخوي واخوك لكن دا مش معناتو نستسلم ونرضح ونقول ليهم تعالوا نفاوضكم . تتصور نكون نحن ناس مجانين واتفه منهم عارف لي شنو لانهم غير مؤتمنين يديروا دفة لعبة سيجة خليه وطن... بكة يا اخي والله لو شفت الوجع بكرة القريبة دي ترجع السودان على اسواء الفروض تنتظم في اي لجنة من لجان العصيان او الانتفاضة واحتمال كبير تشيل سلاح... عليك التوم ود بانقا ما تفقع مرارتنا حاكم نحن بنحبك يا اخي.
سلام يا بكه و اشواق، قريت مقال عمك القاضي و ضحكت حتى بانت نواجدي من تقلبات الناس فى هذا الزمان العجيب. عمك القاضي دا من مؤيدي حركة العدل و المساواة التى دخلت العاصمة بقوة السلاح لازاله النظام. و الان داير يمنعنا من العصيان كسبيل لازالة النظام؟ ديل شعبيين جبرتجية ساكت. بعدين التراضي الوطني دا بحصل كيف؟ ما الناس دي ليها ٢٧ سنة بتحاول تصل لتراضى مع هذا النظام، ما هى النتيجة؟ ياخي قالوا من جرّب المجرّب حاقت به الندامة و الخسران.
اها عملت لجان عصيان فى حلتكم؟
انا شاركت فى عمل اتنين لجان عصيان و متقدم على التالته. لجنة مع شباب السويد و هى تحضر لمظاهرة و مسيرة و مذكرة للبرلمان و الخارجية السويدية و كذلك الاعلام و ناس البلد سااااكت. و كذلك مستعدين للدعم المالي. لجنة مع ناس بيتنا و كل الموظفين فى الاسرة لحث الناس تتفق على المشاركة فى العصيان. و اللجنة التالته فى الطريق مع زملاء عمل سابقين في واحدة من الهيئات الحكومية. شايف الرش دا كيف؟ تقول لي ابوبكر القاضي و حنك التراضي؟
Post: #13 Title: Re: مقال أبوبكر القاضي andquot;محاورة النظامandquot; Author: علي دفع الله Date: 12-10-2016, 06:51 PM Parent: #11
دي لغة لوطية جدا البتختنا بين خيارين يا الفراغ والانهيار يا عمر البشير وشلة الاوغاد ديل ... يا اخي دي فزاعة مللناها من الناس الافقهم ضيق ..فما تفجعنا فيك بلييييز ..
عمر البشير غير موجود في اللغة "اللوطية" الموجودة في لغة حوار القاضي المقصودة يا علي.
يا أبوبكر، انت زول سياسي، ورينا كيف نستفيد من العصيان دا في احداث تغيير ايجابي؟ اكتب لي سيناريو يقود لبر الأمان وخلينا من تغيير الاحوال السياسية والتي هي سنة الحياة في هذا العالم المتتغير بسرعة مجنونة
أوكي محاولاتنا ايجاد مخرج "لوطية"، قولوا لينا مخرج متكامل لا يكون سقفه الانتقام من الكيزان؟
Post: #56 Title: Re: مقال أبوبكر القاضي andquot;محاورة النظامandquot; Author: عماد الدين الطيب عمر Date: 12-11-2016, 11:16 AM Parent: #16
أوكي محاولاتنا ايجاد مخرج "لوطية"، قولوا لينا مخرج متكامل لا يكون سقفه الانتقام من الكيزان؟
ابوبكر عباس خياراتك كلها صعبة لكن مسالة الانتقام من الكيزان دي مفروغ منها و اصبحت في حساباتنا مسالة زمن ليس الا انت عايز 27 سنة من التنظير و النهب و السلب و الاعتقالات و الخطط الوهمية ... دي كلها تمشي ساااااااااااي بدون حساب لا عفا الله عما سلف و عايزين يجوطوها بنجوطها معاهم ... لكن مسامحة ماااااافي
Quote: دي لغة لوطية جدا البتختنا بين خيارين يا الفراغ والانهيار
Post: #52 Title: Re: مقال أبوبكر القاضي andquot;محاورة النظامandquot; Author: على تاج الدين على Date: 12-11-2016, 08:55 AM Parent: #4
لم اكن اتوقع من احد الغلاة (ابوبكر القاضى) هذا الطرح العقلانى فى النظر السياسى لحل اشكالية السلطة والاجتماع وتقديم رؤية نوعية تتميز على الادبيات الكلاسيكية فى مفهوم التغيير السياسى الذى دأبت عليه القوى السياسية المعارضة بمعنى اخر ان القوى السياسية المعارضة يغيب عن خلدها دوما فى مثل هذه الاوضاع المأزومة الحلول الوسطية المعتدلة باجتراح التعديل والتحوير للنظام بدلا من التثوير والفوضى والارتجال والارتباك التى لايستطيع احد التكهن بالكونسيكونسس المترتبة على الافعال المتهورة حين وقوعها سيما وتجاربنا فى التاريخ القريب والبعيد فى ادب الثورات والانتفاضات تنبئ بخيبات حصادها الحسرة والضياع وهكذا يستمر فشل العقل السياسى السودانى بعد كل هذا التراكم التاريخى فى الثورة والتغيير ينتهى الى عبث وتدور الساقية مرة اخرى.
Post: #15 Title: Re: مقال أبوبكر القاضي andquot;محاورة النظامandquot; ي� Author: Osman M Salih Date: 12-10-2016, 07:02 PM Parent: #1
سلام ياابابكر عباس،
قرأت المقال في ضوء الخلفية السياسية لكاتبه المؤيد للجماعات المسلحة وفهمت منه ان يستحث المسلحين على الإسراع في التفاوض مع النظام الذي يصفه بالنمر الهرم قبل ان ينقض عليه نمر فتي وثاب عندما يتغير المشهد السياسي بحدوث انقلاب يقطع الطريق على المفاوضات حارما بذلك الجماعات المسلحة من فرصة الاستقواء بحالة العصيان الحالي لتحسين وضعها التفاوضي لممارسة الضغط على النظام الموصوف بأنه يمر للضعف أحواله لمنفعة المسلحين .وقد علمتنا تجارب الاتفاقيات السلام التي ابرمتها الحركة الشعبية لتخرير السودان وغيرها من جماعات دارفور المسلحة ماهي منفعة المسلحين والام يفضى كل اتفاق سلام يبرمون مع الانقاذ: إطالة عمر الانقاذ وفقا الطريق امام التتحول الديمقراطي واقتسام السلطة والثروة بين المسلحين.
حاكون صريح معاك : مقال ابي بكر القاضي دا زي الوقع ليك في جرح. زي العايز تقول للسودانيين الغاضبين ارضوا بقسمتكم، واقبلوا بمانتم فيه من الفقر ولاتعتصموا وحاوروا النهابة والقتلة.
ورب المجرات يا منّة، كان عندي احساس انو علي دا، ح يرتد كنت حاب أقول ليهو زمان: انك لن تستطيع معي صبرا
Post: #21 Title: Re: مقال أبوبكر القاضي andquot;محاورة النظامandquot; Author: علي دفع الله Date: 12-10-2016, 08:02 PM Parent: #19
بصراحة يا بكة انت النفسك قصير ...يا اخي كل الاستعديتهم قلتها ليهم لا تقولبوا المستتير يعني ما تختوه في قالب اتركوه loose ممكن يملاء فراغات البورد بجرعات استنارة ممكن تجلي الطرطشة لكن انت اليوم بخشمك قلت لي عليش الريدة انك ما قريت المقال بخبث سياسي لكن علي الحلف لم تقل الحقيقة ..وبنتيجة وقراية سياسية عميقة انو مافي خيار غير الحوار او اللادولة ... شفت انت كيف الارتديت .... يا اخي انا صابر علي بلاوي الانقاذ ما اصبر عليك انت ...ولا بس بتدور الشكر فقط ...وانت بي عضمة كيبوردك بتكره ثقافة القطيع شوية فندرة لا تضر..
يا عليش، سيبنا من المكاجرة القديمة انت رجل دياشي قول لينا رايك حول السيناريوهات المحتملة من خلفيتك العسكرية ورايك في كلام القاضي دا؟ ــــــــــــــــــــــــــــــــــــــــــــــــــــــــــــــــــــــ في داعي للإحراج دا؟ يعني الزول مايخش يسلم وللا شنو؟ طبعا ماقريت كلام القاضي.. بالنسبة للسيناريوهات ،يقلقني صراحة السلاح اكثر من أي شئ آخر.. وأيضا الحدود المفتوحة مع الدول التي تعاني من الحروب الان.. وكذلك أطماع جيراننا لآمنيين في أراضينا لكني مع ذهاب الأنقاذ بأي وسيلة كانت.. إذا ذهبت الإنقاذ هناك احتمالات للنجاح وللفشل..أما إذا لم تذهب فليس هناك سوى احتمالات الفشل.. بعدين جدك دا ،ماوصلتك منو أي حاجة بخصوص تخوفك المطروح في هذا البوست.. البلد محروسة يامستنير،الله في ههه
ولّ فعلا محروسة؟ ـــــــــــــــــــــــــــــــ خليهو الكلام المباشر في الدين (عشان ماتزعل) هه من ناحية مادية بحتة،هل بتفتكر إنو النظام دا مؤهل لحراسة البلد داخليا وخارجيا طوال هذه الفترة؟ من ناحية مادية بحتة،مش كان مفروض البلد تتفرتق زمان؟ خليييك أمين وفكر برواقة ههه
كدي خلينا من الجدية الما خايله فيك دي، جدك قال الفنقيس و شنو؟
Quote: يا أخي، جدنا الكبير قالوا ليهو خبارك ما بتصلي؟ قال ليهم: الركوع والسجود ديل ما بحبهن وقال ذلك بلغة دارجة
أنا ما قريت مقال القاضي، لا لسبب سوى إنو الكتابات بقت كتيرة جدا زمان وقت انتفاضة أبريل كانن كلهن جريدتين ولّ تلاته، لا تواصل اجتماعي لا غيرو رغم ذلك السودان كلو هبّ وانتفض هسع أي مكان أبيض فاضي تلقاهو اتملأ كتابات ولا ترى طحينا يذكر طبعا الملاحظة دي تنطبق على كل المجالات وخاصة الثقافة معليش لقيت نفسي جادي معاك غصباً عني
في فرق بين خارطة الطريق والسيناريوهات المحتملة.. بالنسبة لي رؤيتي كالآتي: فترة إنتقالية لمدة 10 سنوات من دورتين بانتخابات للمستقلين فقط.. فرض حاجة قريبة من الكونفدرالية من قولة تيت،أوإعطاء أي ولاية سلطات ذاتية واسعة جدا.. تعويضات ومعالجات لولايات الحروب.. إلغاء الأحزاب القديمة وتحريم ممارسة السياسة فوق عمر ال65 ترتيبات لجمع السلاح البلد تكون معتمدة بشكل كبير على الدعم الخارجي المباشر والاستثمار.. فرض وضع تنفيذي بسيط جدا ومتقشف بعد 10 سنوات استفتاء عا م من المواطنين على شكل الوطن
يا أبوبكر، انت زول سياسي، ورينا كيف نستفيد من العصيان دا في احداث تغيير ايجابي؟ اكتب لي سيناريو يقود لبر الأمان وخلينا من تغيير الاحوال السياسية والتي هي سنة الحياة في هذا العالم المتتغير بسرعة مجنونة
----------------
اظنو مافي شئ اطال عمر هذه النظام غير توهم الناس بانه ممكن يتفاوضوا معه. عليك الله شوف كم المعاهدات و الاتفاقيات التى تم توقيعها مع هذا النظام و انظر لاثرها على الواقع. كان شئ ايجابي واحد مرق من الاتفاقيات دي قولوا لينا؟ مافي شئ، الاتفاقية الوحيدة التى نفذوها الي اخرها كانت هى اتفاقية نيفاشا و التى افضت لفصل الجنوب بسببهم هم زاتهم. غير كده مافى شئ نفذوه بصدق.
بالنسبة للكيزان التفاوض او التراضى ليس لاحداث تغيير جذري فى طبيعة النظام. او يصنع نظام لخدمة الشعب. ما عندهم حاجة لكلام من النوع دا. اقصى شئ ممكن يدوك ليهو من التراضى معاهم انو يقسموا ليك. شغالين رشاوي بس. داير قروش؟ بدبروا ليك. داير مناصب و مالو؟ بألفوا ليك مناصب. هسة بي الميزانية الخربانة و صراخ الناس من نار الغلاء اعلنوا عن اضافة منصب رئيس وزراء و مواقع اضافية لاعضاء برلمان، 18 عضوا زيادة فى برلمان الزور حقهم دا. دي رشاوى ما يسمى بالحوار. لا استبعد ان تجد تراجي عضو فى البرلمان بعد ايام. دي شغلتهم، مزيد من الاعباء على كاهل الناس.
الحل فى العصيان المدني. الحل هو تكوين الناس للجان عصيان فى الاحياء و اماكن العمل عشان الناس يسندوا بعض. اذا الناس نظموا انفسهم مافى شئ بقيف امامهم. و فكرة لجان العصيان دي فكرة خطيرة و بديعة و تجرد الحكومة من كل اسلحتها. لانها شغل لا مركزي و مافى قيادة معينة عشان يمشوا يقبضوها. لكن اللجان دي بتنسق فى ما بينها و بتتفق على الخطوات الجاية باستخدام مختلف وسائل الاتصالات. و الحكومة عاجزة عن فعل اي شئ.
كل ما نفذنا عصيان قوى كل ما انعزلت السلطة و قعدت فى الصقيعة. و بالناحية الاخرى كل نجاح عصيان هو مزيد من المساحات و الانتصار للشعب السوداني. ممكن نصل بالعصيان المدني الي نقطة توقف دولاب الدولة كله.
عموما مافي زول عندو معرفة هسة فى اللحظة الراهنة عن الكيفية التى سوف يسقط بها النظام. ولا اظن فى اي من الثورات الشعبية السابقة كان واضح للناس من البداية الكيفية التى سوف ينهار بها النظام. كانوا بيعملوا بالمراحل. تظاهرات، اضرابات، عصيان مدني و سياسي الخ. و فى كل مرة بقيموا النتائج و بحددوا الخطوة القادمة. نحنا هسة ممكن نعمل على ذات المنوال. ننظم انفسنا و نتحرك متحدين خطوة للامام و نقيمّ و نحدد الجاية و هكذا.
حتى المحاورة ياخي البتكلم عنها القاضي دا، ما ممكن تنجح بالتحنيس. لازم تكون خانقهم من رقبتهم و بعدين تتفاوض معاهم. لو مشيت مدلدل يديك ساي بتلقى نافع يقول ليك الحس كوعك!
Quote: "محاورة النظام والتراضي معه علي السلام والتحول الديمقراطي افضل من مجهول العصيان الذي يرجح ان يكون انقلابا !! ..بقلم: أبوبكر القاضيالمقال منشور بسودانايل
يا النبى نووووووووووووووووووووح .. تـــــــــــــــــــــــــاااااااااااااااااانى حـــــــــــــــــــوار !!! عليك الله يا مستنير من 1989 وحتى تاريخ اليوم ومع كم مؤتمرات الحوار والاتفاقيات مع الاحزاب .. يوم متين المؤتمر الوطنى كان صادق مع نفسه وقام بتنفيذ مخرجات تلك المؤتمرات او الاتفاقيات ؟؟؟ ياخ ديل اكذب من مشوا على الارض .. نور وانطفأ .. خزلتنا ياخ ..
Post: #30 Title: Re: مقال أبوبكر القاضي andquot;محاورة النظامandquot; Author: سيف الدين بابكر Date: 12-10-2016, 10:04 PM Parent: #29
فليذهب نظام الاخوان المسلمين ، و ليكن البديل الشيطان نفسه
فليذهب نظام الاخوان المسلمين ، و ليكن البديل الشيطان نفسه
فليذهب نظام الاخوان المسلمين ، و ليكن البديل الشيطان نفسه
فليذهب نظام الاخوان المسلمين ، و ليكن البديل الشيطان نفسه
فليذهب نظام الاخوان المسلمين ، و ليكن البديل الشيطان نفسه
فليذهب نظام الاخوان المسلمين ، و ليكن البديل الشيطان نفسه
يا حليلك يا بكورى استنارتك طلعت زى بول الجمل ___ عليك الله امش اقرا لى استاذنا حسين احمد حسين او استاذنا فضيلى جماع ياهى كل حرف قاعد و محكّر فى بكانو و شايل دلالتو و معناهو و اشارتو سلاسة الكلمة وسبر غور المعنى و استبصار المقصد حاجة كده تقعد قداما مرّبع ايديك .. و تقرا فى سكون و الخشم فاتح من فعل الدهشة و أول درس طلعت بيهو .. انو البلد لسه بى خيرا و الحمد لله شكرا فضيلى شكرا حسين و شكلى لو باريت كتاباتكم ح اكون مستنير
Post: #32 Title: Re: مقال أبوبكر القاضي andquot;محاورة النظامandquot; ي� Author: Osman M Salih Date: 12-10-2016, 10:39 PM Parent: #1
سلام يامعاوية الزبير،
كشيوعي لايجوز لك اتخاذ الكذب وسيلة لايجاد مخرج لابي بكر عباس في موقفه من العصيان المدني في السودان وهو موقف اختاره ابي بكر بنلء ارادته وبادراك تام لتبعاته. لقد كذبت مرتين لانتشاله. اولى الكذبتين عندما خاطبته متعمدا الهزل لتصور للآخرين عدم جديته فيما يكتب وهذا غير صحيح فهو لم ينقل المقالة محتفيا بها الا بسبب انها قالت ماعجز هو عن قوله حتى وجدها فاطلقت عقدة من لسانه المتردد حول مسألة الاعتصام. و ثانية الكذبتين نفيك الاطلاع على المقالة موضوع الجدال. ولتحرجك الظاهر من اطلاق الكذبة الاخيرة جئت بحكاية باهتة اللون عن عدد الصحف ايام زمان وذلك حتى لاتكتب رأيك فيما يدور .
Post: #33 Title: Re: مقال أبوبكر القاضي andquot;محاورة النظامandquot; Author: سيف الدين بابكر Date: 12-10-2016, 10:48 PM Parent: #32
وليس كما يحض كاتب المقال على ضرورة التعامل مع شيطان الإنغاذ (الهرم) هو أفضل لنا نحن السودانيين .. أفضل لنا من الدخول في مقامرة مع نظام مجهول!!!!! ((( علماً بأن المقال مبتور في آخره وله تمامة لم ترد من المصدر الناشر للمقال)).
بل فقد أثت تاريخ نظام الإنغاذ ...أن التعامل مع الشيطان نفسه وعقد اتفاقية معه ، أفضل للسودانيين من الدخول في حوار أو اتفاقيات مع نظام الإنغاذ الفساد المتعهر منتهي الصلاحية... هذا النظام ينبغي أن يصبح من مخلفات الماضي ولا ينبغي أن يكون بأي حال من الأحوال جزءً من مستقبل السودان.
فهل يقرأ السودانيون ما نكتبه هنا بعين البصيرة قبل البصر؟
غايتو يا بكة بقيت دايماً مزرور ومقبقب وكمان منطقك في البوست دا تعبان جداً فكرة انو حا تحصل فوضى دي فكوها ناس الانقاذ زاتم وما بصدقوها الا البسطاء الما عندهم علاقة مع السياسة وبصدقو كلام اعلام الحكومة وانت كمستنير لمن تصدق كلام زي دا وتفتح بيهو بوست كمان اكيد دا شي حا يسعد اهل النظام وياكد ليهم انو مساعيهم الاعلامية نجحت ليس على مستوى القواعد البسيطة وانما على مستوى المستنيرين زاتو
غواصات الطرور ابوبكر وابوبكر - ها ها ها - البوست ده بوضح منو العبيط .. انت وكاتب المقال عبطكم عجب وفعلا الكوز مابخجل - زمان قلنا وكررنا ان ابوبكر القاضي غواصة وله ضلع كبير في اغتيال خليل ابراهيم وهاهي الايام تثبت - ابوبكر القاضي كتب مقال عن طرده من قطر وبكري ابوبكر فتح به بوست وكان بنزل رد القاضي علي المتداخلين - وعندما تداخلت انا وفضحت كذبه هرب ولم يرد ابدا ( وكنت في ذالك الوقت في قطر وكانت لي صولات وجولات مع ابوبكر القاضي ) - وهاهو مفتعل العنصرية للتقرب من الجهلاء ظهر اليوم علي حقيقته وبالامس رديت علي الغواصة الصادق اسماعيل وقلت له : الغواصة عندما يبقي كرت محروق الكيزان بشغلوا في العلن لانو اصبح ماعندو فائدة وضربت مثال بتراجي - بالامس الصادق اسماعيل واليوم ابوبكر وابوبكر ... ده انا جادات - قلت لي مافي افهمك منك ... يا اخ انت دائما بتهرب مني ( مداخلة وتهرب ) كسرة : قول لمفتعل العنصرية عاوز تحاور الطغمة النيلية واولاد البحر مع العلم هو مفتعل العنصرية للتقرب من العنصريين ولقد كتبت عن ذلك واثبت ذلك
المستنير اجمل حاجة فيك استقلاليتك دي حتى لو جابت ليها عبط بتاع جادات الامنجي خلي بالك جادات الايام دي نجم كبير وكبييير اوي لو هبشته ساكت حتكون انت الامنجي مش هو الامنجي القايم بدوروه على وجه اكمل ضارب قروش الامن مصاريف ومرتب عشان يواصل كتابة اربعة وعشرين ساعة في النت. انا شخصياً مما قمت بعمل الدايرو وبكتب الدايرو وما بيهمني كتير وجهة نظر الناس فيني شنو.
لكن خلينا في المهم وفي مقال القاضي في مآلات الحال طرح ابكر ادم اسماعيل مسألة المساومة التاريخية (يكتب الاستاذ ابكر: "إن لم يتيسر قيام كتلة تاريخية ناضجة وقادرة على إنجاز فعل الثورة لأي أسباب أو تداخلات أخرى، فتبقى المسألة مرهونة بمقدار التنازلات التي يمكن أن تقدمها النخبة الإسلاموعربية (يمينها ويسارها) واستعداد قوى الوعي والمهمشين للتضحية للاتفاق على برنامج حد أدنى مثل (ميثاق أسمرا للقضايا المصيرية) والالتزام به مما قد يؤدي ـ على المدى الطويل ـ إلى التحولات الضرورية، وإنجاز ما كان يمكن أن ينجزه فعل الثورة." دي اطروحة ابكر
وجماعة بكري علوم ومعاوية الصايم قالوها عديل مبدئياً نحن مع الحوار والتفاوض مع النظام كل الطالبينو مجموعة شروط اسمها اجراءات تهيئة المناخ لو النظام عملها كان حتلقاهم (اساسي قبل الكراسي) في قاعة الصداقة.
الجديد هسع موضوع العصيان وانه النظام ممكن يسقط عشان كدا لمن تجي بكلام زي دا ما في زول حيديك كلام اقل من كلام الامنجي جادات الفوق دا. ة عشان اللغة اليومين دي اسمها عصيان وبس وغير كدا انتا برة اللمة اتمنى انه ينجح العصيان ويغير زي ما اتمنيت انه انتفاضة مارس تسقط النظام وتزيله لكن لو لا قدر الله والعصيان دا ما اسقط النظام مقال القاضي دا بيكون هو المنفستو بتاع الفترة الجاية مش برضو كان المنفستو بتاع كل القوى السياسية بين قاعة الصداقة واديس اببا وامبيكي وهلمجرا. شفتا السياسين ديل صعبين كيف
يجيك يملا ليك البورد دا كواريك عن مشروعية اجراءات تهيئة المناخ ودا كله عشان يقعد (ويا للهول) يفاوض نظام الانقاذ
التجمع الوطني الديمقراطي قال انه حلوله هي: العمل العسكري، الانتفاضة، الحل السلمي المتفاوض عليه واخد بال سيادة حضرتك ايها المستنير الاعظم
فشنو؟ الكلام البيقول فيه ابو بكر القاضي دا، التنظيمات الداعمة للعصيان طبقتوا بيان بالعمل وبكرة حتطبقوا برضه لو فشلت خياراتها التانية والنفس الحار الهسع دا الجاب الامنجي جادات ذات نفسه طاير هنا كله لان السماء ملبدة بغيوم العصيان والذي يمكن ان ينتج عنه تغيير كبير وربما يُسقط الانقاذ فلو انتفى المسبب دا فال (بزنيس آز يوشوال)
Post: #37 Title: Re: مقال أبوبكر القاضي andquot;محاورة النظامandquot; Author: Tragie Mustafa Date: 12-11-2016, 02:38 AM Parent: #36
يا اخي انتو اظرف ناس يا ناس سودانيز اون لاين
يغيب الزول و يجيء يبقاكم و اقفين مكانك سر.........
هههههههههههههههههههههههه
قوموا الي عصيانكم يرحمكم الله وجه غامز.
Post: #38 Title: Re: مقال أبوبكر القاضي andquot;محاورة النظامandquot; Author: Tragie Mustafa Date: 12-11-2016, 02:52 AM Parent: #37
شكرا يا ابوبكر عباس
لم اطالع مقال ابوبكر القاضي
ولم اطالع هنا منذ شهور
ولكن اشكرك ان لفت انتباهنا.......لانه هنالك مقال مثل هذا
ابوبكر القاضي رجل صادق
ويا جاذات الكذاب ابوبكر تم ابعاده عن طريق النظام من قطر
ولعلمك امثاله يمنحوا الحماية في لحظة في دول مثل بريطانيا
ولا يكدبوا امثال هندوسة بتاعتك و غيرها.
الصادق اسماعيل التحية لك
صادق كالعادة و حريص علي الوطن.
لعلمك يا جادات الصادق اسماعيل و قلة من ناس امريكا في الموءتمر السوداني علمت انهم الوحيدين المتلزمين بمبالغ شهريه لدعم ايجار دار الموءتمر السوداني الذي ياويء شباب دارفور
اما ابراهيم الشيخ ابو الملالين يبخل عليهم.
وانت يا منافق تقول الصادق اسماعيل غواصة
اريتك تغوص في داهيط ايها المنافق.
Post: #39 Title: Re: مقال أبوبكر القاضي andquot;محاورة النظامandquot; Author: أبوبكر عباس Date: 12-11-2016, 02:56 AM Parent: #37
كتب ابوبكر علوم الشهير بأبي بكر النيجيري: "حتى المحاورة ياخي البتكلم عنها القاضي دا، ما ممكن تنجح بالتحنيس. لازم تكون خانقهم من رقبتهم و بعدين تتفاوض معاهم. لو مشيت مدلدل يديك ساي بتلقى نافع يقول ليك الحس كوعك!" دا يا أبوبكر يا هو عضم مقال ابوبكر القاضي: "التفاوض مع النظام في أضعف ايامه" فكرة أبوبكر القاضي وأنا أبوبكر المستنير انو العصيان يضعف النظام، علينا استغلال هذا الضعف لتفكيكه دون فش المغصة عشان زي ما قال التصادق الكبير: "الفشّ غبينتو؛ فرتق قبيلتو"
Post: #40 Title: Re: مقال أبوبكر القاضي andquot;محاورة النظامandquot; ي� Author: Osman M Salih Date: 12-11-2016, 03:32 AM Parent: #1
ليس ابي بكر عباس وحده هو الذي وقعت له مقالة ابي بكر القاضي ضد الاعتصام المدني في جرح وفرجت حيرته وحلت عقدة من لسانه. غدا اذا تغير الظرف السياسي سيتغير معه مذاق اي حديث يدلي به نفس ابي بكر القاضي هذا من العسل الشهد الى الحنظل. بحديثي هذا أعني اخوينا الصادق اسماعيل وتراجي مصطفى.
ياجماعة الوقوف مع الاعتصام ليس فرض عين بل هو اختيار طوعي يقوم به كل المرء بقدر احساسه بمعاناة الناس في السودان الذين يستخقون أفضل من نظام الفساد والاستبداد. هو موقف يتخذ دون فرض او إملاء او خوف من عقاب الجماعة صاحبة الرأي المهيمن.
الانسان هو رأيه المعلن وموقفه المعروف فاذا غاب الرأي والموقف فان هذا يعني موت الانسان حتى وهو حاضر بيننا حضور الاشباح. فالانسان يمنح حياة واحدة لاتتكرر فليعشها بوجه واحد ورأي واحد لايحيد عنه حتى لو وضع على صدره حجر بلال. رأي يعلنه بصريح عبارة لاالتباس فيها ولا ازدواج معنى، رأي يعلنه ولايتذرع لاشهاره بمقالة نشرها سواه .
Post: #41 Title: Re: مقال أبوبكر القاضي andquot;محاورة النظامandquot; Author: أبوبكر عباس Date: 12-11-2016, 03:43 AM Parent: #40
إذا كان الإنسان يعيش برأي واحد؛ لماذا تخليت عن الشيوعية وأصبحت مناهضا لها يا أستاذ عثمان؟
نحن كل يوم في شأن زي الله
Post: #42 Title: Re: مقال أبوبكر القاضي andquot;محاورة النظامandquot; ي� Author: Osman M Salih Date: 12-11-2016, 03:57 AM Parent: #1
أما معاوية الزبير فامره عجيب. هو مع الاعتصام المدني لكنه هنا يكذب ليجعل لأبي بكر مخرجا. معاوية الزبير الذي يغض النظر عن موقف أبي بكر عباس الذي أخذ في السفور من وراء درقة مقالة ابي بكر القاضي هو نفسه معاوية الزبير الذي شارك في محاصرة الصادق اسماعيل في بوست أنزله الصادق نفسه عن الاعتصام . حاصره حتى ابتلع لسانه الصادق اسماعيل الذي يمتدح استقلال أبي بكر عباس بالرأي هنا. (وجه ضاحك ).
(سلام يامعاوية الزبير، كشيوعي لا يجوز لك اتخاذ الكذب وسيلة لإيجاد مخرج لأبي بكر عباس في موقفه من العصيان المدني في السودان وهو موقف اختاره أبو بكر بملء إرادته وبإدراك تام لتبعاته. لقد كذبت مرتين لانتشاله. أولى الكذبتين عندما خاطبته متعمدا الهزل لتصور للآخرين عدم جديته فيما يكتب وهذا غير صحيح فهو لم ينقل المقالة محتفيا بها إلا بسبب إنها قالت ما عجز هو عن قوله حتى وجدها فأطلقت عقدة من لسانه المتردد حول مسألة الاعتصام. و ثانية الكذبتين نفيك الاطلاع على المقالة موضوع الجدال. ولتحرجك الظاهر من إطلاق الكذبة الأخيرة جئت بحكاية باهتة اللون عن عدد الصحف أيام زمان وذلك حتى لا تكتب رأيك فيما يدور . ) معليش اضطريت لتعديل بعض رسم الكلمات في مداخلتك على الأقل الواحد لما يتشتم، يتشتم بي لغة صحيحة هو الواحد بتشتم كل صباح يا عثمان هههه آخر شتمة كانت يا كرور لصاحبها بريمة (بالعربي) قبال كم شهر كدا
يا عثمان كيفك انا زول مناضل اسفيري وما بعتصم لانه يوم الاعتصام والعصيان المدني دا انا بمشي شغلي لاني ما قاعد في السودان وكل البعملوا اني اقول انا بدعم العصيان المدني من بعيد التنظيمات السياسية المعارضة طارحة الحل السلمي المتفاوض عليه من سنة حفروا البحر ومبدئياً موافقة عليه ودا خلاصة دعوة القاضي ودا درب ماشين فيه حتى الناس الرافعين السلاح هسع العصيان المدني مطروح بشدة ومن شباب الداخل وهو خيار من ضمن خيارات اسقاط النظام انا بقول وجهة نظري بوضوح وما بيهمني تصنيف اي زول لي خيار المساومة التاريخية داخلين فيه كل التنظيمات المعارضة ودي النقطة بتاعتي لو فاتت عليك وهي النقطة الطرحها ابو بكر القاضي
فلا تخف يا ابا بكر .. لا وضع كارثي اسوأ من الحاصل ..
Post: #46 Title: Re: مقال أبوبكر القاضي andquot;محاورة النظامandquot; Author: أبوبكر عباس Date: 12-11-2016, 07:35 AM Parent: #45
مرحب بالأستاذة تراجي، "يا ريت نسمع منك" رأي حول كيفية الحل بعد جديد العصيان أعتقد حوار قاعة الصداقة تجاوزه الواقع الحوار المقترحو القاضي أقرب للصفقة "نسمع منك يا تراجي"
Post: #47 Title: Re: مقال أبوبكر القاضي andquot;محاورة النظامandquot; Author: أبوبكر عباس Date: 12-11-2016, 07:42 AM Parent: #46
يا معتصم، بعد السلام، الإنقاذ وصلت لطريق مسدود والاعتصام هو دابة الأرض فكرتنا نستفيد من خيال مآتة مؤسسات سليمان وعلى رأسها الأمن والجيش
Post: #49 Title: Re: مقال أبوبكر القاضي andquot;محاورة النظامandquot; Author: أبوبكر عباس Date: 12-11-2016, 08:06 AM Parent: #47
يا جادات، أنا عندي دليل تاني ما كنت كوز: لمان دخلت الجامعة كنت عارف انو صوفيا لورين اخدت جائزة أوسكار ودكتور علي بشير سألني في المعاينة: بتعرف البغل؟ قلت ليهو تزاوج بين الخيل والحمير قال لي حصل شفت بغل؟ قلت ليهو : نعم قال لي: اتا من مدني شفتو وين؟ قلت ليهو شفتو في gunsmoke
Post: #50 Title: Re: مقال أبوبكر القاضي andquot;محاورة النظامandquot; Author: محمد إبراهيم علي Date: 12-11-2016, 08:43 AM Parent: #49
المقال جيد وشجاع و كما اطلق عليه صاحبه (سباحة عكس التيار) فعلا هناك مخاطر حقيقية موجودة على ارض الواقع مثلا كيف ستتعامل القوى المؤيدة للعصيان المدني مع اكثر من عشرة الف مسلح من الجنجويد يحيطون بالعاصمة وهناك ايضا مسلحي الامن الشعبي من اعضاء الحركة الاسلامية الذين من المؤكد انهم لن يسلموا اسلحتهم ويقدموا رقابهم للعدالة الثورية هناك القوة التابعة لجهاز الامن وهي قوة عمليات مدربة على حرب المدن وهي ايضا قوة مؤدلجة ولن تسلم رقابها لثورة ناعمة كل هذه حقائق على ارض الواقع مقابل افتراض هو ان الجيش (قد) ينحاز الى الشعب ويقاتل بدلا عنه هذه القوى وطبعا الجميع يتهرب من الاجابة على السؤال (واذا انحاز الجيش الى الانقاذ فما العمل ؟) العصيان البعض ينظر اليه انه (غاية) في حين انه (وسيلة) لتحقيق هدف وهو الاقل كلفة في كل وسائل التغيير الاخرى اظهر العصيان الاخير في 27 نوفمبر النظام مجردا من اي شرعية جماهيرية وتركه عاريا ويتوقع ايضا للقادم في 19 ديسمبر ان يؤكد على هذه الحقيقة اذن وماذا بعد ؟
Post: #51 Title: Re: مقال أبوبكر القاضي andquot;محاورة النظامandquot; Author: وضاح عبدالرحمن جابر Date: 12-11-2016, 08:52 AM Parent: #49
ياخى في مشكلة عند بعض المستنيرين وهى المدخل المناسب لكتابة الموضوع والزمان المناسب لكتابة الموضوع
..............................
ووقعوا فيها في اليويمن الفاتوا مجموعه من الناس بي طريقة فعلا حيرت حتى (جادات)
يا مستنير يا ابوبكر .. يا اخى الأحزاب والتجمعات وحتى الحركات المسلحه معظمها تحاور في الحكومه - ومن غير فايده تذكر
عارف ليه ؟؟ لانو يا مستنير المفاوضات عبارة عن نقاط قوه ونقاط ضعف بتستغل دى وبتغطى على دى عشان تصل لى نقطة التقاء باقل الخسائر وافضل المكاسب
ونقاط القوة 90% في يد الحكومة فقط .. و ال 10% في يد الحركات المسلحة .. والبقية اباطك والنجم
عشان كده ده حوار يفضي الى (الحاجه الاباها جدك )
الان التجمعات والأحزاب والمواطنين ظهرت ليهم نقطة قوه وحيده مثل ضوء شمعه اخر نفق مظلم طويل عشان يقدروا يفاوضوا بيها النظام وفى افضل واكبر اخلام المتفائلين تفضي الى (تنازلات) من النظام .. على مستوى القياده .. او تسريع التغييير الكلي
الاعتصام .. او تحرك الجماهير .. هو السلاح الأكثر فتكا وقوه ... ولاتملكه الحركات المسلحه .. ولا تستطيع تحريكة الأحزاب
الهدية الجات من (رب المجرات) دى ... انتو ما عاوزين تحتفوا بها وتدعموها بى قوة ؟ تكتبوا في كتابات مشاترة .. انت وحبيبنا الصادق .. وناس أمريكا .. منان وخالد كودى ومحمد سليمان ؟؟؟
الحاجه الوحيده البتدعم موقف الأحزاب التفاوضي !! الحاجه الوحيده البتدعم موقف المسلحين داخل المدن السودانية ؟ الحاجه الوحيدة !!
قوموا الى عصيانكم وبطلوا الحاجه القالها على دفع الله دى
Post: #53 Title: Re: مقال أبوبكر القاضي andquot;محاورة النظامandquot; Author: وضاح عبدالرحمن جابر Date: 12-11-2016, 09:08 AM Parent: #51
اذن وماذا بعد ؟
ماذا بعد دى يا هندسة انت جاوبت عليها في بنفسك
الغرض من العصيان تعرية الحكومة .. واضعاف مواقفها التفاوضية .. وإيقاف فسادها وتخويفها وتركيعها للاستجابة للتغيير تغيير داخلي وتغيير مع المنظمات والأحزاب
وليه الناس اتحمست للعصيان .. لانه الأفضل في ظل وجود العسكرة الانت ذكرتها ولتجنب الانهيار الخايف منو ابوبكر لماذا العصيان لانه سلاح لن يترك لك الا التراجع او .. ادخل بيوت الناس اقتلهم داخل منازلهم
ثم كيف نواجه تهديد العسكرة الشامله دى ؟ نخاف منها ونقول ما نتحرك لانه العساكر محيطين بينا ؟
يا جماعة الافضل اننا ما نضيع وقتنا فى الجدال و التحليل. و الله يا ما حللنا و ملينا السايبر دا بالبوستات و المداخلات. الكتابة و التحليل وحدهما لن ينجزا شئ. انا شايف انو الافضل الناس تتحرك على العمل المفيد. كلنا نعمل في اتجاه انجاح العصيان و بناء لجان العصيان. اتكلم مع اهلك، ناس حلتكم فى الداخل و اصحابك السابقين فى العمل من اجل تكوين لجان عصيانهم. لانو دا عضم الشغل زاتو ان اردنا اي تغيير فى السودان.
خلونا نركز لمرة واحدة فى انجاز عمل.
Post: #55 Title: Re: مقال أبوبكر القاضي andquot;محاورة النظامandquot; Author: سيف الدين بابكر Date: 12-11-2016, 10:50 AM Parent: #54
يا هؤلاء ويا أولئك:
لقد جرب شعب السودان (العصيان المدني) مرتين وأزال نظامين عسكريين أقوى بكثير من هذا النظام الذي هو نمر من ورق ولا تغرنكم كثيرة مليشياته وقواته وأسلحته، إنما هم تحسبهم جميعاً وقلوبهم شتى يتصارعون على كراسي السلطة وخزائن الثروة..
ولقد أمرنا رسولنا الكريم (ص) - إن كنا مسلمين حقاً - بأن (يعتزل الناس) مثل هؤلاء الحكام الظالمين فقال في الحديث الصحيح الذي رواه أبو هريرة رضي الله عنه : [[إن أول من يثلم الاسلام غلمان من بني أمية يعتلون المنابر، فقال: (لو الناس اعتزلوهم).]]
ووالله وتالله إن بني أمية كانوا أفضل من الجالسين على رؤوسنا اليوم، بل إن عرب الجاهلية قبل الإسلام أفضل من هؤلاء اللصوص القتلة بكثير.. لأن هذا النظام لا أخلاق ولا دين له أبداً .. وعندنا فيه من الله برهان .. وبرهان لا يقبل الجدال.
إذن فليطبق السودانيون (المكتوون بالجمر) في الداخل والخارج .. سياسة الاعتزال .. (لو الناس اعتزلوهم).. والتي هي سياسة مجدية جداً وسلاح فعال ضد الظالمين بالأمس واليوم وفي قادم الأيام كذلك ...
فالعصيان مأمور به شرعاً وعقلاً في مثل هذه الحالة التي يعيشها السودانيون .. (اطيعوني ما أطعت الله فيكم، فإن عصيته فلا طاعة لي عليكم).
يا هؤلاء ويا أولئك:
إن مجرد بقاء (الناس) أي معظم السودانيين داخل بيوتهم والكف عن ممارسة أي نشاط صغر أم كبر .. لهو بركة تحل عليهم تطبقاً لأمر الدين .. رفضاً للظلم وحرباً للظالمين..
فلنعتزل النظام في كل شؤوننا ... حتى يسقط .. فما هم إلا شرذمة قليلون... لن يستطيعون ممارسة السلطة وتدوير الثروة إلا من خلال السواد الأعظم من شعب السودان.
طبعاً الدعوات بتاعة لا صوت يعلو فوق صوت المعركة دي جابت لينا الكيزان
يا جماعة اعتصام يوم تسعطاشر دا ما حيسقط الحكومة في نفس اليوم يعني ما حنصحى يوم عشرين ونلقى الحكومة سقطت عشان كدا التفكير والتنظير والحوار والنقاش مطلوب وبيمشي جنباً على جنب مع العصيان وتطويره وتصعيده
ابريل دي نحن صغار حضرناها وكنا واعين وشوفنا ميثاق الدفاع عن الديمقراطية وجوا الكيزان اهو مطلعين دينا ليهم ٢٧ عام
كله بيمشي مع بعض العصيان والنقاش في المآلات التانية والعمل المسلح والانتفاضة والتفكيك عبر التفاوض والتفكير في كيفية ترسيخ الديمقراطية في المستقبل وكيفية تشكيل فترة انتقالية
لانه الكيزان والكوزنة دي مش حكومة وبس تسقطها وتعمل انتخابات وتجيب حكومة تانية، الكوزنة عقلية ونمط تفكير وللاسف حتى كتير من المعارضين بيفكروا بنفس طريقة الكيزان
ودايرين الناس تتابعهم بعقلية القطيع، عشان كداطوالي بتتشتغل العقلية التصنيفية عشان تريح نفسها من التفكير
مقال ابو بكر القاضي لو كتبه او ما كتبه، دا الحل الماشة فيه كل قوى المعارضة من ايام التجمع الوطني، ومطروح كواحد من الحلول لكن لانه اتقال الايام دي بتاعة العصيان، طوالي العقلية التصنيفية والرغبوية بتشتغل وتبدأ تصنف في الناس وهاك يا اتهامات كوزنة وتخوين
انا شخصياً بقولها هنا وفي اي مكان انا مع استعمال كل الادوات من عمل عسكري لانتفاضة لعصيان لحل سلمي متفاوض عليه والحلول دي كلها ممكن تمشي مع بعض
وبعد داك الشايفني كوز او مناضل او رمادي
بقول ليه بصراحة دي مشكلتك انت انا ما شغال بيك تعتبرني ابو النضال او ابو الكوزنة
غايتو دافعنا عن حقك في انك تمشي للحوار رغم اني ضد الحوار بتاع قاعة الصداقة وانه ما بيوصل لشيء لكن اتمنيت حتى الاحزاب تمشي وتقعد وتجينا طالعة تقول الناس دي كضابة كانت بتعمل حراك جماهيري لانها بعيد عن الجماهير وعن الفعل السياسي، دي كانت وجهة نظري ايامها.
على العموم الكلام عنك ومعاك الايام دي طوالي بيدخلنا في التصنيف
كوز وغواصة وربما أمنجي لكن كله ما بيهم كلام اسافير وناس عايشة في وهمة بتتماسك بيها فانا ذاتي بحن عليهم، يعملوا شنو غير يخلقوا وطن افتراضي ويعيشوا في الاوهام بتخفف عليهم ليل الغربة الطويل دا.
ان شاء الله الاولاد بخير وعافية وتسلمي وبالمناسبة ابراهيم الشيخ بيساعد بالملايين برضه ونحن البندفعوا فتاتيت والله وخجلانين من. ذاتو عشان كدا ما بنجيب سيرتو خليها مستورة وربنا يعينهم شباب دارفور وشباب السودان كلهم ظروفهم صعبة لكن صامدين، هسهع شوفي شغل العصيان دا حيروا ليك الناس المنظمين والعاملين فيها قادة واحزاب ما لقوا طريقة غير يجوا يلحقوا السوق وينقادوا لقيادة هم ذاتم ما عارفينها منو زي ما عبّر عنهم الاستاذ كمال الجزولي.
Post: #59 Title: Re: مقال أبوبكر القاضي andquot;محاورة النظامandquot; Author: صلاح جادات Date: 12-12-2016, 00:11 AM Parent: #58
ها ها ها - تراخي بتشكر في الصادق الحرامي وهو بقول ليها مشتاق للمناقرة والدشمان شفتو غباء الغواصات - تراخي يا غبية ارجعي للارشيف وشوفي التحدي مع ابوبكر القاضي طلبنا منو طلب بسيط وهو ان يبرز خطاب الابعاد قال الوزارة طلبت منو مغادرة قطر معقولة يطلبو منو مغادرة قطر شفاهة يا غبية - انا حاافتش البوست الفتحو بكري ابوبكر وكان القاضي برد فيهو علي المتداخلين وعندما تداخلت انا هرب والبوست موجود وانا الختمت البوست يا غبية ما تدخلي نفسك في حاجات انت ما عارفاها جادات قال عنك زمان انك غواصة وهاهي الايام اثبتت ذلك اما الحرامي الصادق ده بوست فيهو توثيق لكذبه وغوصنته : Re: غواصات المنبر كذبكم كتر فلابد من التوثيق .Re: غواصات المنبر كذبكم كتر فلابد من التوثيق .
بقية الغواصات لا تستحق الرد عليها
Post: #60 Title: Re: مقال أبوبكر القاضي andquot;محاورة النظامandquot; Author: صلاح جادات Date: 12-12-2016, 00:42 AM Parent: #59
ده البوست يا تراخي الغبية : ( وفي بوست تاني عن اغتيال خليل ابراهيم سوف افتشو ) :
مشكور الامنجي صلاح جادات اهو محمد النور كبر شكرك واداك حقك المهم كويس انك مستمتع بقروش الامن اهو سكن وسفر وتصرف في القروش لا شغلة لا مشغلة ومصاقر الانترنيت
غايتو بعد النظام دا يسقط بنلقى شغلة ما تخاف الغواصة للامنجي رحمة استمتع يا امنجي ايامك
Post: #63 Title: Re: مقال أبوبكر القاضي andquot;محاورة النظامandquot; Author: أبوبكر عباس Date: 12-13-2016, 04:26 AM Parent: #61
يعني يا كيشة، داير يطلبوا منو مغادرة قطر في أمر سياسي بخطاب؟! فعلا كيشة! هسع اتا لو كان طلبوا منك مغادرة قطر بخطاب، كنت عملت بيهو مناضل وفضحتهم والدنيا كلها كان شافت الخطاب. بنادوك وبقولوا ليك رتب حالك غير مرغوب فيك
اهو ردك دا بالذات بيثبت انك غواصة بتاع كيزان وربيب تنظيم العالمية كيف عرفت انهم بينادوهو ويقولوا ليه رتب حالك؟
Post: #65 Title: Re: مقال أبوبكر القاضي andquot;محاورة النظامandquot; Author: صلاح جادات Date: 12-14-2016, 00:43 AM Parent: #64
ابوبكر غواصة الطرور : - انت الكيشة وغبي كمان - القال منو ما بدو خطاب .. بدوك خطاب وبحددوا ليك مدة ترتب فيها امورك - بعدين يا كيشة يا حمام يا ميت ده ابعاد عارف يعني شنو ... كنصلة الاقامة .. يعني بكل بساطة زولك ابوبكر القاضي كان ممكن يبرز الاقامة المكنصلة .. شفتا انت وهو اغبياء كيف - القال ليك منو انا ما ادوني خطاب كدي اسأل ناس قطر خلي واحد يجي يقول ما ادوني خطاب - بعدين يا رمة انا اموري الشخصية ما قاعد اكتب عنها الا لضرورة - زول قيادي في حركة سياسية ومهندس منبر الدوحة معقولة يتم ابعاده شفاهة .. احترموا عقول الناس - وهو قال الابعاد جاء من الوزارة اي ليس ابعاد اداري من الكفيل .. معقولة وزارة تبعد شخص شفاهة .. قوموا لفوا يا غواصات يا عفن
Quote: يعني يا كيشة، داير يطلبوا منو مغادرة قطر في أمر سياسي بخطاب؟! فعلا كيشة! هسع اتا لو كان طلبوا منك مغادرة قطر بخطاب، كنت عملت بيهو مناضل وفضحتهم والدنيا كلها كان شافت الخطاب. بنادوك وبقولوا ليك رتب حالك غير مرغوب فيك [quote/]
ول ابا ابكر الطويل..حبابك يا صديقي نعم يا صاحب في ناس شوية بتفهم اكتر منك..!!!! النخبة السودانية لا ثقة فيها يا حبيب.. ودونك هاتيك الهجايص.. يعني ممكن امبارح تكتب ليك حكمة وكلام عقل ، والليلة تكتب ما يجب نصاعة تلك الحكمة الباهرة ، مثلا حكاية التحاور مع النظام القال بيها ابوبكر القاضي ، هي خيار وليست فرض عين تجب على الكافة فعلو..ولكن ..الناس جاطت ، وجابوا ليك حكاية انو القاضي جمهوري وشعبي وعدل ومساواة وشنو كده ما عارف ، يعني مافي زول قال ليهو يا زول كلامك خطأ عشان كيت وكيت ، والمعالجة كيت وكيت.. وده كلو مش مهم.. المهم تناقض المثقف السوداني ، الذي يكتب الحكمة اليوم ثم ينسفها تاني يوم ، ويجهجه ليك الخلق.. يعني شغال بحكاية (قدر ظروفك)..مثلا..
كتب عثمان محمد صالح:
Quote: ياجماعة الوقوف مع الاعتصام ليس فرض عين بل هو اختيار طوعي يقوم به كل المرء بقدر احساسه بمعاناة الناس في السودان الذين يستخقون أفضل من نظام الفساد والاستبداد. هو موقف يتخذ دون فرض او إملاء او خوف من عقاب الجماعة صاحبة الرأي المهيمن.
وهذه حكمة تنطوي على مبدأ ديموقراطي واضح : حرية الإعتقاد والإختيار..ولكن..!
وفي بوست كبر (عصيان جمهورية الحناكيش وامسودان الأخرى)
كتب عثمان ، مخاطبا كبر العندو رأي في عصيان على بياض:
Quote: انك في واقع الأمر لاتنتظر مايتمخض عنه العصيان المدني كأسلوب للمقاومة لتقدم بعدها الإيواء والحماية للبشير بل انك تحارب مع البشير الآن بقلبك وقلمك وسلاح الميليشيا هناك . انك تصطف الآن إلى جانبه وتذب عنه بحمية ذلك انه زولك وقد استفاد قسم من عشيرتك عزيز عليك من وجود الانقاذ وصاروا في الخرطوم من علية القوم ولذلك لايعنيك مايتعرض له عامة الناس في السودان من قهر السلطة والجوع الذي تصفه باستهانة محيرة بالمقدور عليه( ومتى كان الجوع مقدورا عليه وهو الطريق الى الموت؟! ولكنه موت الحس وموت الضمير الذي يقودك لاسلتطاف طاغية كالبشير
.ما أنت الا نسخة معدلة من حميدتي نالت قسطا من التعليم الذي يسخر الآن للوقوف ضد طموحات السودانيين في سبيل الحرية والعيش الكريم.
يعني نفس الحكيم البيقول للناس : العصيان ليس فرض عين وانما خيار ، هو نفسو الحكيم البيحوم في اطراف المنبر عشان يقمع ليهو واحد غرابي مسكين عشان قال: لا اتفق مع عصيان علي بياض وعندي محاذير بتشكل خطر على امن العصيان والمظاهرات والتغير برمته..!!
تفتكر عثمان ليه اتناقض قدر ده؟..
تفسيري الوحيد : ما عثمان الإ عنصري قاصر الرؤية مثله ومثل الجهلول الــجـــرذ معاوية المدير ، كليهما حظهما من الدنيا انهما، ولمجرد صدفة ، اتولدا في بقاع بعضها في الوسط وبعضها في الشمال..عشان كده عاملين فيها انصاف آلهة..!!
وان طرت او ركيت يا عثمان: الناس البتعرف الحق والتأريخ ح يشكروا محمد النور كبر ، الذي توصمه بانه نسخة معدلة من حميدتي ونال قسطا من التعليم ، فهذا القسط من التعليم هو الذي دفع كبر ان يكتب عن تجربتك القصصية ، وهي الكتابة الحقة الوحيدة في تقيم تلك التجربة ، وفي غيابك عن المنبر..!!
ويا ترى ماذا سيقول سيدنا عثمان ان عرف قبيلة ابوبكر القاضي والمنطقة التي ينحدر منها؟..
صدقني بكرة ح يجي يقول ليكم القاضي عنصري وستين عنصري وعشيرتو مستفيدة من الإنقاذ ورحلوا من دارهم وشكلوا حزام حول الخرطوم..!!
هل هذا ابتزاز؟.. بالطبع لأ يا عثمان ، وانما تذكير لك ، ولأحكامك التي تطلقها كلما تبصق على الأرض ..!!
كل المطلوب منك يا عثمان ان تتسق مع ذاتك وعبارتك.. واٍلأ يا اخوي هوي اخير تلزم الجابرة..!!
شكرا يا ابوبكر عباس ، وهذه هي النخبة التي ينتظر منها السودان بعض الأشياء..!!
انا لا اثق في النخبة السودانية والمثقف السوداني.. لأنهم بلا اخلاق..!!
ما قاله ابوبكر القاضي ، هو الأقرب للحقيقة والواقع وفقا للمعطيات التي يتجاهلها الكثيرون هنا ، وصدقني يا ابوبكر عباس بكرة ح يصفقوا لنفس المنفستو وينسوا ليك ابوبكر القاضي..!!
Quote: تفتكر عثمان ليه اتناقض قدر ده؟.. تفسيري الوحيد : ما عثمان الإ عنصري قاصر الرؤية مثله ومثل الجهلول الــجـــرذ معاوية المدير ، كليهما حظهما من الدنيا انهما، ولمجرد صدفة ، اتولدا في بقاع بعضها في الوسط وبعضها في الشمال..عشان كده عاملين فيها انصاف آلهة..!! وان طرت او ركيت يا عثمان: الناس البتعرف الحق والتأريخ ح يشكروا محمد النور كبر ، الذي توصمه بانه نسخة معدلة من حميدتي ونال قسطا من التعليم ، فهذا القسط من التعليم هو الذي دفع كبر ان يكتب عن تجربتك القصصية ، وهي الكتابة الحقة الوحيدة في تقيم تلك التجربة ، وفي غيابك عن المنبر..!!
هههههههههههههههههههههههههههه، كبر العنصري المأزوّم صاحب الأزمات النفسيّة، إزيّك يأخ. يشكرولك شنو يا طيرة إنت !، إنت حكاية مسقط الرأس دي عاملة ليك وجع رأس مالك ؟، عشان تعرف إنّك إنت زول خبوّب ساكت ؤ عنصري قذر، مِنو اللِطاول عليك بمسقط رأسه ؟. يأخي إنت بسبب الناس الجو قالوا رايهم في معاوية المدير في بوست جلآلدونا حا تقعد تباري معاوية المدير دا لآمن لِباسك ينصُل مِنّك من الغيظ يا حاقد يا عنصري. أجيبلك عبد العظيم كودي. الليام ديّل شكلك خليّت النخجي، شايف طالقِلّك اللآب توب...
Post: #69 Title: Re: مقال أبوبكر القاضي andquot;محاورة النظامandquot; Author: كمال علي الزين Date: 12-14-2016, 08:23 AM Parent: #68
Quote: عثمان.. اراك تضيق بالرأي كثيرا ، وتكشف عن بؤسك في مواجهة الحجة وتتخبأ خلف الإيحاءات الغير كريمة في حقي وفي حق اهلي.. ويؤسفني ان اعلن لك وامام الكافة هنا باني لن اتحاور معك.. وصيتي لك ان كنت صادقا مع نفسك: ارجوك الأ تظلم اهلي وتسئ اليهم لأنك ببساطة لا تعرفهم ولا تعرف كيف يعيشون..ولا يملكون حق الرد عليك هنا..! انت تنحو نحو الشخصنة ، وهذا الخيط مهم للغاية ، ولا يسمح بالشخصنة فارجو ان تحترم هذه الحقيقة..! كبر
سلامات يا ابوبكر,, مقال لعبدالوهاب الأفندى قديم ولكن المهازل ى تزال تكرر والأزمات تتعقد أكثر وأكثر,,,,,
Quote: *عندما يتكرر التاريخ ينتهي الي مهزلة، ما أشبه الليلة بالبارحة*..
الحكومة ـ الأزمة في السودان 📝د. عبدالوهاب الأفندي
Dec 13, 2013
عندما تتعرض البلدان لأزمات، يتجه القرار لتشكيل ما يسمى بـ ‘حكومة أزمة’، يكون محور اهتمامها معالجة تلك الأزمة، ويكون من خواصها أنها تتكون من كفاءات عالية في المجال المعني، إضافة إلى القبول من الشعب، أو على الأقل من القوى السياسية الفاعلة. فإذا كانت الأزمة اقتصادية، يسند الأمر إلى خبراء الاقتصاد والمتمرسين في مجاله، وكذلك الحال لو كانت الأزمة أمنية أو دبلوماسية. أما في السودان، الذي ظل منذ الاستقلال أزمة مجسدة، ومنذ الإنقاذ كتلة أزمات، فإن الحكومة التي تم تشكيلها بعد أن بلغت الحلقوم هي في حد ذاتها ازمة مركبة. الأزمة التي دفعت لإعادة تشكيل الحكومة كانت اقتصادية، نتجت بدورها عن أزمة سياسية-أمنية مركبة. ولكن الأزمات تعقدت بأزمة داخل المجموعة الحاكمة تمثلت في التراشق حول الإصلاح والصراعات حول السلطة. وقد وقع الفرز في هذه الصراعات بين أنصار الإنغلاق والتمترس من جهة، ومن جهة أخرى أنصار الإصلاح والانفتاح الذين تم طردهم وتكريس نهج الإنغلاق. وعليه كان من المفترض أن تجسد الحكومة الجديدة هذا النهج، وهو ما حدث. ولكن يبدو أن الرئيس وحلقته التي طفقت تضيق باستمرار، قرروا ضرب أكثر من عصفور بحجر واحد، فاختاروا الإنغلاق حتى ضد أنصار الإنغلاق. وعليه فقد جاء التغيير على شكل مجزرة تخلص فيها البشير من كل أساطين ‘السوبر تنظيم’ الذين ظلوا يحكمون البلاد منذ الإنقلاب، وقرر أن يصبح الحاكم بأمره. عندما وقع انقلاب البشير عام 1989، أخبرني أحد الصحافيين الشباب وقتها أن الصدمة الأكبر بعد الانقلاب كانت الكشف أن كثيرين ممن كان ينظر إليهم على أنهم ‘قادة’ الحركة الإسلامية ورموزها ظهر أنهم كانوا خارج دائرة صنع القرار تماماً، وكان كثيرون منهم لا يعلمون شيئاً عما يجري. أما انقلاب البشير الأخير فلم يكشف حقيقة مثل تلك، وإنما صنعها، حيث جرد معظم من كانوا أهل الحل والعقد في النظام من كل سلطانهم، وأخرجهم تماماً من اللعبة . ولعلها عظة وعبرة لهؤلاء ليدركوا ماذا سيحدث لهم عند سقوط النظام الوشيك، حيث لن يقتصر الأمر على فقدان الجاه والسلطان، بل سيكون أسوأ بكثير. الحكومة الجديدة فجرت إذن أزمة جديدة داخل المؤتمر الوطني والمنظومة الحاكمة لأنها مثلت انقلاباً ثالثاً على الانقلابيين، وذلك بعد انقلاب البشير-علي عثمان ضد الترابي عام 1999، ثم انقلاب نافع-البشير على علي عثمان عام 2007. ولعل هذا هو الانقلاب الأخطر، لأنه انتهى عملياً من حكم السوبر تنظيم، وأصبحت شلة البشير الممثلة في عبدالرحيم محمد حسين وبكري هي التي تحكم البلاد. وهذه فئة معزولة حتى وسط التيار الموالي للإنقاذ ومكروهة من الجيش. ويمكن أن يقال أن هذه أكثر حكومة في تاريخ السودان تعاني العزلة منذ أيام النميري الأخيرة. هذه الحكومة إذن لن تحل الأزمة السياسية، لأنها أكثر انغلاقاً من سابقتها، ولن تجد القبول من المعارضة. وهي لن تعالج الأزمة الاقتصادية لأنها تفتقد الكفاءات في مجال الاقتصاد وغيره، كما أنها أكدت عزمها على تنفيذ برنامج التقشف الذي فجر الأزمة في الأساس. وعلى كل فإن الأزمة الاقتصادية هي سياسية في الأساس، تنبع من الفساد والتوظيف السياسي للمال العام أولاً (يكفي التأمل في عدد الوزراء الذي فاق الستين في حين أن الولايات المتحدة يحكمها خمسة عشر وزيراً)، وثانياً من الحروب والصراعات، وثالثاً من عزلة السودان الدولية، وهي مرتبطة بما سبق. وهذه الحكومة لن تحل الصراعات ولن تحسن توظيف المال العام، وستزيد البلاد عزلة.
ولكن لهذه الحكومة ميزة مهمة، وهي أنها ستسرع بسقوط النظام. ذلك أنها بتعميق الأزمة داخل المنظومة الحاكمة وتفجر الصراعات داخلها، وإدخال اليأس في قلوب من كانوا يحلمون بالإصلاح والانفراج، ستجعل من الصعب على أنصار النظام قبل خصومه الصبر على هذا الوضع. وكما ذكرنا مراراً من قبل، فإن من نعم الله على العباد أن أهل الطغيان والبغي هم في الغالب أعدى أعداء أنفسهم، لأنهم بتجبرهم في الأرض يستعدون كل الخلق، حتى أقرب المقربين. ويتميز الحكم الدكتاتوري بعمى البصيرة، حيث لا يتنبه الدكتاتور المستعصم بأسواره العالية إلى معاناة عامة الناس، ولا يحترم حتى نصائح المخلصين، حتى تقع الواقعة. يذكرني هذا الوضع باتصال هاتفي كنت تلقيته من العاصمة السودانية الخرطوم من إعلامي مرموق في مطلع عام 2000 عندما احتدم صراع الترابي والبشير، وتم إقصاء الأول. وكان ذلك الإعلامي من محبي الشيخ الترابي ومريديه المقر بين، وقد أعانه الشيخ بالمال حتى تبوأ مقاماً رفيعاً من الناحية الوظيفية والمالية وليس بالضرورة الأخلاقية- في مجال الإعلام، ولكنه قرر لنفس السبب الانحياز الكامل لجماعة البشير، لدرجة أنه كان يحدثني وقتها باسم معسكر البشير. تساءل الرجل: ما رأيك لو قرر البشير التخلص من الحركة الإسلامية والحكم منفرداً؟ ألم يحن الوقت لذلك، خاصة وأن الحركة أصبحت عبئاً؟ قلت للرجل: على حسب ما أذكر، فإن الرئيس النميري، وهو قد جاء إلى السلطة بدون سند من الحركة الإسلامية وظل يحاربها، بقي في السلطة ثلاثة أسابيع فقط بعد الإطاحة بالاسلاميين عام 1985. أما البشير فأنا أعطيه ثلاثة أيام. أعتقد الآن أنني كنت على خطأ في ذلك الزعم، لأن الصحيح أن التخلص من الحركة الإسلامية قد تم بالفعل في عام 1989، وقد أثبتت التطورات المتعاقبة أن ذلك الكيان قد ‘استشهد’ ودفن، ولم يبق له أثر أو وجود. ولكن هذا لا يعني أن النظام لم يبق له أنصار لهم ‘أعذارهم’ (فهذا هو الاسم الحقيقي لدوافعهم، لأنه يعلمون أنهم آثمون بدعم هذا النظام). ولكن قيادة النظام وجهت ضربة قاصمة لهؤلاء الأنصار وعزلت نفسها عنهم. وعليه فإنه لا ينبغي علينا عد الأيام حتى يسقط هذا النظام، بل يجب أن نعد الساعات. والواجب على الجميع الاحتياط كما يحتاط الناس عندما تأتيهم توقعات الإرصاد بإعصار قوي قادم
(((( يا حيدر الشين، حديثي عن حداثية وتطور انسانية الأخوان، دا شعرا ما عندك ليهو رقبة؟؟ خليك في معافرة جادات، دا ملعبك البتجيد اللعب فوقو )))))
Post: #75 Title: Re: مقال أبوبكر القاضي andquot;محاورة النظامandquot; Author: حسن ادم محمد العالم Date: 12-15-2016, 04:11 PM Parent: #73
مقال ابوبكر القاضي ممتاز والاسئله التي طرحها مشروعه في ظل واقع مأزوم لكن السؤال الذي يطرحه نفسه ليس رؤية ابوبكر القاضي والتي طرحها بشكل او اخر كثيرين منهم محمد النور كبر السؤال هل النظام علي استعداد لقبول مثل هذه الاطروحات في ظل الضغف الذي يعشه الان كما ذكر ابوبكر القاضي اعتقد ان العقلية التي تتحكم في النظام حتي كتابة هذه السطور تنسف فكرة المقاله نفسها والتي بنيت علي ضغف النظام والجلوس معه في هذه اللحظة التاريخية ولكن النظام مازال يري انه الاقوي بدليل دعوته للجميع بالمنازلة علي قارعة الطريق وكل الذي يحدث في السودان شوية مناضلي كيبورد لن يلقي لهم بال هذه الرؤية التي ينظر بها النظام واعوانه تجعل من العسير العبور الي الضفة الاخري من النهر وان الطوفان في ظل هذه المعادلة يظل حتمي والمخاوف التي ذكرها القاضي وغيره ستظل قائمة
اتفق مع كلامك لحد كبير، وواحد من مشاكل النظام العصية هي أنه اصبح يتكون من مجموعات ذوات مصالح مرتبطة ببقاء النظام بشكله الحالي حتى تمارس فسادها الاقتصادي والسلطوي دون ازعاج.
فمن الصعوبة أن تتنازل الإنقاذ أكثر من ذلك، وستصر على بعض التجميل بإضافة أوجه جديدة وتبيع لنا نفس البضاعة القديمة في صناديق جديدة
Post: #77 Title: Re: مقال أبوبكر القاضي andquot;محاورة النظامandquot; Author: صلاح جادات Date: 12-18-2016, 00:35 AM Parent: #76