البنك المركزي والاحتجاج على الكتابة على أوراق العملة الورقية

12:16 PM December, 08 2016

سودانيز اون لاين
Elhadi-
مكتبتى
رابط مختصر

حرقوووواااا .. زي ما بقولوا ناس الكورة ..

غايتو يا البنك المركزي إلا تعلموا العملة كلها حديد..

لأنو حتى لو قررتوا تشيلوا العملة السميتوها تالفة دي وتطبعوا عملة جديدة، ممكن برضو يكتبوا ليكم فيها شعارات سياسية :) المافي شنو الأقلام راااقدة

وبعدين الكتابة في الورق الجديد ساهلة بتكون والحبر بمسك فيها :)

ممكن المرة الجاية الشعب ده لو زهج يكتب ليكم مطالبته بتسليم البشير للجنائية على أوراق العملة المحلية.. المافي شنو ؟؟

أصلاً العملة ما عندها قيمة..

فشنو يا السادة في البنك المركزي : أعملوا نائمين ساي..

انتو استخدمتوا أدوات السلطة والقمع لمنع الشعب من التعبير عن رأيه، وهاهو الشعب يبتكر وسيلة " مؤلمة " لكم للتعبير عن رأيه

من على البعد التحية لمبتكر الفكرة الرائدة..