تحذير بخصوص نجاح هكرز باختراق مواقع سودانية

03:50 AM December, 08 2016

سودانيز اون لاين
Elfadil Sabeil- New Zealand
مكتبتى
رابط مختصر

هنالك رسالة متداولة وصلتنا في احد القروبات وهي تدعي نجاح مجموعة من الهكرز اختراق مواقع سودانية دعما للحراك الوطني , فا حذروا هذه الرسالة
"
عااااااااااااااااااااااااااجل وخطير
تمكن مجموعة من الهكر والمبرمجين من الحصول على بعض المعلومات السرية عن المواقع السودانية الحكومية
مثل السورس كود الخاص بنظام السجل المدني والسورس كود الخاص موقع وزارة الاتصالات وتكنولوجيا المعلومات
والسورس كود الخاص بموقع ببوابة حكومة السودان الالكترونية والسورس كود الخاص بموقع رئاسة قوات الشرطة
كما تم تهكير نظام السجل المدني الان يمكننك استخراج الرقم الوطني من اي مكان في العالم بدلا ان تذهب الى مراكز التسجيل
قم بستخراج رقمك من هنااا
http://reg.civil.gov.sd/pages/register.php
الهدف من هذا الهجوم تضامنا مع العصيان المدني
لمن يدرس مجال البرمجيات والشبكات ونظم المعلومات وهندسة الحاسوب وit
ان يعرف ما هو نظام إدارة المحتوى المستخدم في هذه الموقع ما هي اللغات البرمجيه التي تستخدمها وماهي قاعدة البيانات المستخدمة فيها
معرفة استضافة المواقع ، نوع السكريبت المركب على هذه المواقع
تعمل سكان وتقوم بالبحث عن الثغرات الموجوده فى سيرفر هذه المواقع
سورس كودنظام السجل المدني
تصفح السورس من هناا
https://ideone.com/FhOjBUhttps://ideone.com/FhOjBU
او قوم بتحميل السورس من هنااا
http://up.top4top.net/downloadf-340yseob1-rar.html
سورس كود موقع وزارة الاتصالات وتكنولوجيا المعلومات
"

سلامات كووولكم. الاحتمال الارجح هي هجوم معاكس من قبل الجداد الالكتروني لموبايلات النشطاء. لو افترضنا كما يدعي الهكر بأنهم يدعمون خط العصيان, ما هي الفائدة من هذا العمل؟ هل هناك معلومات مهمة تتحصل عليها النشطاء في هذه المواقع؟ لا أظن. الارجح هي هجوم بطريقة ذكية لايقاع أجهزة عدد كبير من المشتركين تحت المراقبة و خاصة مراقبة مواقع التواصل الاجتماعي التي اصبحت مشفرة. و التي تصعب مراقبة رسائلها المشفرة عندما تكون الداتا في حالة ارسال. في حالة الرسائل الغير مشفرة يمكنهم تسجيل ذلك عندما تمر عبر الوسائط التي بأديهم. اتصالات الواتسأب أصبحت مشفرة و المفاتيح مملوكة للجهازين المتصلين فقط. لان الاتصال تتم عن طريق ما يسمي بال peer to peer في نظام الشبكات, و التي لا تعتمد علي السيرفرات في الوسط. و انما الاجهزة المتصلة مع بعض تتبادل الرسائل مباشرة و ان كانت لدي المركز الرئيسي للواتسأب احتمالية عمل Backup. اما شركات الاتصالات تصعٌب عليها الحصول علي معلومات ذات فائدة لانها مشفرة بمفاتيح معقدة. أسهل طريقة هي الحصول علي المعلومات قبل تبادلها و ذلك عن طريق زرع تطبيقات في اجهزة المتصلين تكون هدفها الاول نسخ البيانات من جهاز المتصل قبل تشفيرها و ارسالها للطرف الاخر. في تقديري الجداد الالكتروني ضحوا بهذه المواقع و زرعوا فيها exe inject files تنزل مباشرة في جهاز كل من وقع في الفخ. اياكم فتح هذه الروابط فانها ملغومة و تكون اجهزتكم مصدر تجسس لأنفسكم و القروبات التي انتم أعضاء فيها.

أنا بتاع IT لكن وحاة الله ما فاهم التكتح
* أولاً الموقع المرفق دة هو موقع السجل المدني ذاااااتو في عضمو
وخدمة التسجيل الموجودة في الرابط دي عاملينها هم كتسجيل اليكتروني يسهل عليك الاجراءات .. يعني دة باعتباره ملء الاستمارة وانت تمشي تقوم بباقي الاجراءات هناك .. لا في اختراق ولا الصفحة دي بتطلع ليك رقم وطني
* ثانياً إذا عاوز تعرف الاسكريبت المستخدم ما بتحتاج الناس تنزل برنامج .. واحد بس بعمل اسكان ويجيب خبره .. بالنسبة لي أنا ما قاعد اعمل أي اسكان .. من متصفح الله والرسول دة بضغط الكليك الأيمن واشوف السورس كود واتتبع الملفات ومن اسماء المجلدات القاعدة فيها بعرف نوع الاسكريبت كان جوملا كان ووردبريس كان غيره
* ثالثاً معرفة استضافة المواقع لا محتاجة أي سورس كود لا برامج .. بتمشي موقع who.is وبتلقى بيانات الـ DNS قاعدة في السهلة
ولو كان سيرفر كبير بتمشي موقع webhostinghero.com/who-is-hosting/ ولا whoishostingthis.com وبجيبن ليك معلوماته في ثانيتين
* رابعاً راعي الـ IT في الخلا عارف إنه السجل المدني مستضاف في الداتاسنتر الحكومية التابعة للمركز القومي للمعلومات .. برنامج شنو كمان العاوزنا ننزله !!
* خامساً نزلت السورس كود من المتصفح للموقع المرفق وقال لي لغة البرمجة جافا بينما أنا شايف بعيوني نداء لملفات php فيه
* سادساً أنا أعمل شنو بالـ source code القال لي حملو دة ؟ طالما هو قدر يطلعه معناها هكر يبقى هو البقدر يتصرف موش المواطن الصالح الما عارف اسكريبت يعني شنو!

* سابعاً أنا كمواطن سوداني بهمني أحافظ على مكتسبات الوطن وتخريب السجل المدني والرقم القومي ما بسرني لأنه دي حاجة بتمس أي زول ما الحكومة .. لمن يمشي زول عشان يطلع رقم وطني ولا جواز ويقولوا ليه والله السيرفر خربان تعال لينا بعد شهر بتضرر المسكين دة موش الحكومة
* ثامناً وأخيراً أي زول بفهم في برمجة المواقع بعرف إنه مواقعنا الحكومية دي حارسها الله أي هكوري ولدوهو الليلة ممكن يتعلم الحلاقة في راس موقع ولاية الخرطوم القاعد في نص الداتاسنتر بتاعة السجل المدني دي

سلام صاحب النافذة
يابكرى ارفع هذا البوث التنويرى

مداخلة لاحد الاخوة في قروب واتسأب

"حاولت اعمل تنزيل للسورس كود بتاع وزارة الاتصالات. نزل معاي ملف صغير ما يصل 100 كيلوبايت و اختفى بسرعة.
اخاف يكون عمل هكر تلفوني"

إذن يا أحمد تحليلك يدعم نظرية دكتور الفاضل أنو الموضوع لا هكر لا حاجة فقط اصطياد للناس البضغطو على الروابط

شكرا الفاضل تنبيه مهم والله

أهلا أخي ود البشري

"إذن يا أحمد تحليلك يدعم نظرية دكتور الفاضل أنو الموضوع لا هكر لا حاجة فقط اصطياد للناس البضغطو على الروابط

شكرا الفاضل تنبيه مهم والله"

يا خوي الناس ديل لو صحيح هكر ويكيليكس يطلع أيه. ويكليكس اخترق الانظمة التي يراه مهمة له و زرع أكواد ساعده علي سحب كمية من الداتا و لم يقم بتدمير أي موقع هاجمه و الا انقطع مصدر المعلومات.
فحتي الان لا أحد يدري ماذا تم. دائما عندما يكون هدف الهجوم سياسي لا يستعرض المهاجم عضلاته نهائيا, فيظل متخفي و البيان بالعمل, تجد كل الاسرار بحوزته.

"
سلام صاحب النافذة
يابكرى ارفع هذا البوث التنويرى
"
شكرا الامير. نعم المسألة ممكن تكون مصدر تجسس

أهلا اخي احمد عمر
"
* سابعاً أنا كمواطن سوداني بهمني أحافظ على مكتسبات الوطن وتخريب السجل المدني والرقم القومي ما بسرني لأنه دي حاجة بتمس أي زول ما الحكومة .. لمن يمشي زول عشان يطلع رقم وطني ولا جواز ويقولوا ليه والله السيرفر خربان تعال لينا بعد شهر بتضرر المسكين دة موش الحكومة "

أوفيت و كفيت. لا أدري هل هنالك فائدة مرجوة من تهكير مواقع خدمية و تعتبر مدنية. بالعكس تعتبر تدمير لمقدرات البلد. و أيضا ممكن وصم من يقومون بهذا النوع من العمل بالمخربين. و لذلك هنالك هدف اخر و هو جذب المغفلين للضغط علي الرابط و ليصبحوا مغفلين نافعيين.

فنيا زكرت كيف يمكن الايقاع بفرائس في عالم الهكرز و هذه تسمي الهندسة الاجتماعية, بحيث تستخدم وسيلة ممكن تضلل به المستهدف لاستخلاص المعلومات المهمة أو تسهيل المهمة التي تجري و راءها الهكرز

نعم يا محمد البشرى
لكن غباء الرسالة دي ما حصل لاقاني
دي محتاجة زول قافل مخه بالطبلة والمفتاح .. وللأسف حماس بعض الشباب الصغار بخليهم ينفذوا أي حركة تضر الحكومة بدون ما يفكروا فيها

القاعدة الثابتة في الويب لا في زول بعلمك التهكير ولا بساعدك فيه .. أي هكر ود هكور مدرك تماماً إنه لو اتعرف بتسجن زيه وزي أي حرامي .. كلام إنه ناس الحكومة ينبهروا بي عبقريته ويدوهو مكتب في وزارة الدفاع دة بحصل في الافلام الأمريكية ما في الواقع
الداير يتعلم دة بشتري ليه كمبيوتر جديد فاااااضي ينزل فيه tor browser ويدقش عوالم الـ dark web وتكون لابس تقيل وعارف إنك قاعد وسط مجارمة ببيعوا أبواتهم الولدوهم خليك انت .. بتكون قاعد في تربيزة الهكر عن يمينك تربيزة تجار المخدرات وعن شمالك تربيزة تجار السلاح وقدامك تربيزة تجار البشر ووراك حرامية البطاقات الإئتمانية ومزوري الأوراق الثبوتية

خواجات الـ IT عندهم مثل .. بقولوا ليك لمن يدوك سلعة مجاناً أعرف إنك انت السلعة
عشان كدة لمن زول يهديك طريقة تهكير أعرف إنك انت المستهدف

بحصل يا احمد عادي ما كل الناس بتركز في التفاصيل واهو انت شايف مواسير الفيس و الواتساب و الصور الفوتوشبها ظاهر يكاديقول ليك هدا انا راعي لي بتمشي في الناس
تصدق لا يوم الليلة الاحتيال النيجيري بتاع راجلي مات وفي حسابه خرتمية مليون ساعدني اطلعها بديك نصها بمشي على بعض الناس!!
و الزول البعمل الشغل دا برسل لمية نفر لو واحدبس وقع فيها بخارج معاه.