سكرتير الحزب الشيوعي في وضعية الصامت !!!!!

07:18 AM December, 05 2016

سودانيز اون لاين
Shawgi Sulaiman-
مكتبتى
رابط مختصر

منذ ترشيحه لخلافة الاستاذ محمد ابراهيم نقد ظل هذا الرجل في حالة صمت تام والله انا هسع اسموا منو ما عارف لكن مين كدا الخطيب
منذ خلافته للزعيم الدكتاتور نقد مرت احداث كثيرة على السودان لكن لم نسمع منه شي ولا تصريح ولا بيان صحفي ولا لقاء تلفزيوني علي اي قناة ولا شجب ولا اعتراض ، شو القصة يا معلم . (هل الحزب مخترق؟؟؟)

هذه الوضعية تطرح أسئلة كثيرة جدا جدا : السؤال الاول هل الحزب الشيوعي مخترق وهل هناك اجندة لتفكيك هذا الحزب الذي كان عملاق .
في اعتقادي بان السيد الخطيب قد دق آخر اسفين في نعش الحزب الشيوعي وقد سبقه في ذلك الزعيم الدكتاتور نقد رحمة الله عليه .
لعل البعض قد يزعل في وصفي للزعيم نقد بالدكتاتور نعم والله اكبر دكتاتور عرفه التاريخ هو محمد ابراهيم نقد ولعله بدكتاتوريته تلك انهك وفكك الحزب الشيوعي وشرد الكثير من ابناء الحزب المتمكنين .
للاسف احزابنا يدعون للحرية والديموقراطية وجميعهم يمارسون اقبح انواع الدكتاتورية ويريدون الشعب ان ينحاز الي صفوفهم ويخرج في مظاهرات بالله قوموا لفوا .
لقد تفاجأ الحزب الشيوعي بوفاة الزعيم نقد وسبب المفاجئة انه لم يجهز الخليفة منذ فترة طويلة هل كان يظن بانه سيظل الرئيس ابدا ، المرحوم نقد ان كان فعلا يؤمن بالديموقراطية كان عليه ومنذ فترة ان يتنحي ويعين شخص لخلافته ويكون هو بمثابة الاب الروحي لكنه لم يفعل ذلك مثله مثل بقية الدكتاريون الصادق المهدي ومحمد عثمان الميرغني والله هؤلاء هم الاسباب الحقيقية لدمار البلد بدكتاتوريتهم وتهافتهم علي الكراسي واخر همومهم البلد والمواطن السوداني ونسوا او تناسوا تماما بان الشعب السوداني واعي جدا جدا عشان كدا يظل الوضع علي ما هو عليه .
الحزب الشيوعي يلفظ انفاسه الاخيرة بسبب تلك الدكتاورية القبيحة ولكي يستمر هذا الحزب لابد ان يعود ابنائه الاوفياء الذين شردتهم الدكتاتورية .
والحاجة التانية ياخ غيروا الاسم سموا اي حاجة الشيوعية انتهت في كل العالم .
والله من داخل اعماقي اتمني عودة الحزب في ثوب جديد واسم جديد فهو من الاحزاب العريقة جدا ولديه كوادر مستنيرة تستطيع ان تقود الدفة بكل مهارة ودقة واتمني ان لا يكون هناك اي دور للخطيب في الفترة الجاية اعتقد الكل يتفق انه سلبي جدا جدا دا لو ما مؤتمر وطني .

الخطيب من القادة الثلاثة الذين سلموا للقصر العريضة التي تطالب بتنحي البشير. يحمد له انه لم يظهر في تلفزيونات الدولة، لانها متاحة فقط لمن يساند الانقاذ. بعض القادة يتكلمون الليل و النهار و من خمسين عاما و هم سبب البلاء.

Quote: الخطيب من القادة الثلاثة الذين سلموا للقصر العريضة التي تطالب بتنحي البشير

الأخ عبد الله تحياتي

والله ما قصر تب . بعدين ما قلنا ليهو يظهر في تلفزيونات الدولة هناك الجزيرة والعربية ووووو قنوات كثر كان يمكن أن يشرفنا بطلته عليها لكنه لم يفعل وظل في وضعية الصامت .

الاخ العزيز شوقي تحياتي مرة اخرى
قناة الخرطوم/ام درمان افضل من الجزيرة و العربية. الا تلاحظ مقاطعة الاعلام العالمي شبه الكاملة لتغطية اخبار الساعة في السودان؟

Quote: قناة الخرطوم/ام درمان افضل من الجزيرة و العربية. الا تلاحظ مقاطعة الاعلام العالمي شبه الكاملة لتغطية اخبار الساعة في السودان؟

يكونوا مؤتمر وطني.
ياخ أي قناة بس الزول دا يترك الصمت الرهيب ويطلع يقول انا هناء والرؤية كدا لكن الصمت كان ديدنه والله انا عرفت اسمه كاملا من خلال المداخلة الفوق دي .

سلام ياشوقي ،

اكتفي الآن بنفي التهمة الغليظة التي رميت بها الاستاذ محمد مختار الخطيب من انه مدسوس من طرف المؤتمر الوطني في صفوف الشيوعيين. اعرف الرجل وقد خبرت صلابته وعملت معه في فرع الحزب في حلفا وهو آخر من تعلق به تهمتك. بالطبع لست راضيا عن أداء القيادة التي يقف على رأسها الخطيب لكني لااقذفه بماليس فيه.يجب ان اخرج .سأعود لاكمال الحديث في وقت لاحق.

Quote: اكتفي الآن بنفي التهمة الغليظة التي رميت بها الاستاذ محمد مختار الخطيب من انه مدسوس من طرف المؤتمر الوطني في صفوف الشيوعيين. اعرف الرجل وقد خبرت صلابته وعملت معه في فرع الحزب في حلفا وهو آخر من تعلق به تهمتك. بالطبع لست راضيا عن أداء القيادة التي يقف على رأسها الخطيب لكني لااقذفه بماليس فيه

قريبي عثمان لك تحياتي واحترامي

لم نقل مدسوس بمعناها المطلق لكن كل الاحداث توحي بذلك من خلال الفتور الرهيب الذي يمارسه تجاه الحزب وتجاه البلد كان مفروض يكون عنده دور اكبر من كدا وخصوصا انه يمثل حزب عملاق عشان كدا قلنا وكأنه مؤتمر وطني .

وصفي للزعيم نقد بالدكتاتور نعم والله اكبر دكتاتور عرفه التاريخ هو محمد ابراهيم نقد


يارااااجل .. عرفه التاريخ مرة واحدة !!!!

Quote: يارااااجل .. عرفه التاريخ مرة واحدة !!!!

نعم

أعدت مرة اخرى يا شوقي سليمان لتمارس اثارة الغبار و خلق
معارك في غير معترك؟
قول وافقناك في كل ما تقول... ما هو رايك في ما تعج به الساحة السياسية
الان؟ ما رايك في العصيان و في إسقاط النظام و في الوضع الاقتصادي
و السياسي المتردي في السودان و ما هو رايك في الرئيس الذي اصبح
مرات محروقا يفر منه الجميع فرار السليم من الاجرب؟
الحزب الشيوعي عنده ناطق رسمي يتحدث باسمه و هو على أية حال مجرد
حزب ضمن احزاب اخرى تعاني القمع و المصادرة و ليس مهما إطلاقا
للناس في هذه الظروف ان يستمتعوا ببلاغة سكرتيره العام.. قاتل الله الغرض.

Quote: أعدت مرة اخرى يا شوقي سليمان لتمارس اثارة الغبار و خلق معارك في غير معترك؟

سيف النصر لك تحياتي واشواقي
العصيان كنت اتمني ان يكون ناجحا ويكون درس جديد يلقنه الشعب السوداني للشعوب الأخرى ، لكن وكالعادة المعارضة الهزيلة افسدته من خلال الكذب والتحريف واتي مشوها .
وبالنسبة للناطق بتاع الحزب الشيوعي دا يطرشنا ما سمعنا ليهو شيء يذكر . وهل الأستاذ نقد كان يخاطب الجماهير من خلال الناطق الرسمي اكيد لا .

لابد من وجود شخصية كاريزميا تخاطب الجمهور لانها لديها المقدرة لتوصيل المعلومة لكن الكلام دا ما في ما شفناهو في الخطيب ولا حتى الناطق الرسمي يا باشا العالم دا نائم .

والله ما شايف أي قمع يذكر ياهو مصادرة الصحف دي ولا حاجة تانية .

الناطق باسم الحزب الشيوعي ذاتوا اسموا منوا

اسمو الفريق طه هههههههههه

Quote: اسمو الفريق طه هههههههههه

هههههههههه حلوة

Quote: الناطق باسم الحزب الشيوعي ذاتوا اسموا منوا

لا بالله حقيقي اسمو منو ولا نشوف العم قوقل

نشكر العم قوقل اسموا الأستاذ يوسف حسين والله اول مرة اعرف المعلومة دي (المهم الحاضر يكلم الغائب ) يا جماعة سكرتير الحزب الشيوعي اسموا: محمد مختار الخطيب والناطق الرسمي للحزب الشيوعي اسموا: يوسف حسين

اعتقد في مجموعة كبيرة جدا عرفوا المعلومة دي شكرا قوقل

نشكر العم قوقل اسموا الأستاذ يوسف حسين والله اول مرة اعرف المعلومة دي (المهم الحاضر يكلم الغائب ) يا جماعة سكرتير الحزب الشيوعي اسموا: محمد مختار الخطيب والناطق الرسمي للحزب الشيوعي اسموا: يوسف حسين

اعتقد في مجموعة كبيرة جدا عرفوا المعلومة دي شكرا قوقل

عرفنا كذب الكيزان كمان عاوز تتبلى على قوقل

Quote: عرفنا كذب الكيزان كمان عاوز تتبلى على قوقل

هو عليك الله لو ما قوقل كان عرفنا سكرتير الحزب الشيوعي اسموا منو ولا الناطق الرسمي اسموا ( الله يخلي قوقل)

ما اسمو يوسف حسين

Quote: ما اسمو يوسف حسين

معقول والله قوقل قال كدا ، معقول حتى قوقل ما عارف الناطق الرسمي والله دي عوجة كبيرة

طيب يا جماعة ابن حلال يورينا اسم الناطق الرسمي هههههههههههه
معقول ياخ

فتش قوقل بطريقة صااااااح و هو يديك الأكيدة , بس ما تختف و تجي جاري

Quote: فتش قوقل بطريقة صااااااح و هو يديك الأكيدة , بس ما تختف و تجي جاري

هههههههههه والله ضحكتني طيب بدل ما اخطف واجي جاري ياخ انت ليه ما تورينا اسموا منووووو

و الرجل يمارس مهامة بمسؤولية


انت طلعت مااااا متابع و كنت غاااتس
لما صحيت و جيت طالع لقيت نفسك لسة في زمن يوسف حسين


ذي النكتة البحكوها عن زول غتس ذي غتستك دي اظنك عارفا

لك السلام مجددا يا شوقي سليمان،

يؤسفني جدا ألا اراك في خندق الشعب المقهور المنتفض ضد سلطة الانقاذ والتي هي أكثر السلطات فسادا واستبدادا في تاريخ مابعد الاستعمار . وقد صار من معلوم الحقائق في سودان اليوم انه لايناصر سلطة الانقاذ في خريف عمرها الامنتفع بوجودها سواء اكانت هذه المنفعة مباشرة تخص المرء في نفسه أو غير مباشرة اي تخص آخرين تربطهم به صلة دم او علاقة نسب. الحزب الشيوعي من يومه حزب صغير لكن تحيط به هالة من الضوء عظيمة. وهو يعاني اليوم الامرين أسوة ببقية أحزاب المعارضة من القمع والتضييق. ولاتتعجل رؤيته فسوف تراه قريبا في الساحات والميادين يتعالى صوته قريبا عندما تنتصر ارادة الشعب على طغيان الانقاذ ونحاكم مجرميها بالسجن والاشغال الشاقة. رجالا ونساء سيحمل الرجال من المجرمين الازاميل لكسر أحجار الجبل وأدوات حفر الترع والقنوات وشق الطرقات ورصفها وتشييد المباني العامة وحفر آبار المياه وآبار المراحيض العمومية. أما المجرمات من نسوة المؤتمر الوطني اي أخوات نسيبة فسوف نوكل لهن عملا هينا يناسب قوتهن وهو تنظيف قمامة الخراب المتراكم في المدن طوال سنوات الانقاذ.

لو كنت حريصا على الحزب الشيوعي الشيوعي لانتقدت قيادته دون ان تنسى في غمرة النقد الاشادة بوطنية موقفه المتماسك في خندق المقاومة و لآزرته ضد ممارسات جهاز الأمن الذي يضيف عليه الخناق ويصادر صحيفته ويعتقل كوادره ويرجمه بماليس فيه عبر حملات إعلامية منظمة تستهدف تشويه صورته، ويهاجم الأوباش من خدم أمن النظام داره بالهراوات وخراطيم المياه. ولكن حرصك للاسف قاصر على بقاء الأوضاع الراهنة في البلاد على ماهي عليه كما جرت عبارتك الدالة على باعث الكتابة والحنق والضيق عندك ظنا بأن الحزب الشيوعي الصامت هو الذي يقف وراء الدعوة للعصيان المدني المنفذ.

Quote: يؤسفني جدا ألا اراك في خندق الشعب المقهور المنتفض ضد سلطة الانقاذ والتي هي أكثر السلطات فسادا واستبدادا في تاريخ مابعد الاستعمار . وقد صار من معلوم الحقائق في سودان اليوم انه لايناصر سلطة الانقاذ في خريف عمرها الامنتفع بوجودها سواء اكانت هذه المنفعة مباشرة تخص المرء في نفسه أو غير مباشرة اي تخص آخرين تربطهم به صلة دم او علاقة نسب. الحزب الشيوعي من يومه حزب صغير لكن تحيط به هالة من الضوء عظيمة. وهو يعاني اليوم الامرين أسوة ببقية أحزاب المعارضة من القمع والتضييق. ولاتتعجل رؤيته فسوف تراه قريبا في الساحات والميادين يتعالى صوته قريبا عندما تنتصر ارادة الشعب على طغيان الانقاذ ونحاكم مجرميها بالسجن والاشغال الشاقة. رجالا ونساء سيحمل الرجال من المجرمين الازاميل لكسر أحجار الجبل وأدوات حفر الترع والقنوات وشق الطرقات ورصفها وتشييد المباني العامة وحفر آبار المياه وآبار المراحيض العمومية. أما المجرمات من نسوة المؤتمر الوطني اي أخوات نسيبة فسوف نوكل لهن عملا هينا يناسب قوتهن وهو تنظيف قمامة الخراب المتراكم في المدن طوال سنوات الانقاذ

لك تحياتي اخ عثمان
انا موجود في خندق الشعب ومنذ فترة طويلة جدا واعيش واقعهم يوم بيوم لكن للأسف الحزب الشيوعي وبقيت الأحزاب تبيع الوهم لهذا الشعب الجبار كل الأحزاب يجيدون كتابة الانشاء ذي بتاعتك الفوق دي ويبيعون الأوهام في الواقع وعلي الأرض لا شيء يذكر بالعكس ضررهم علي المواطن اكبر من ضرر الإنقاذ علي المواطن لانوا الشعب اعتمد عليهم لكي يمثلوه ويقاتلوا من اجله لكن أحزاب كلها طلعت مواسير ساكت لا يهمهم غير مصالحهم الشخصية فقط .

الحزب حزب عجوز تهالك وانتهي ما اظن في القريب العاجل تقوم ليهو قايمة فقط ابكوا علي اطلاله.

Quote: ظنا بأن الحزب الشيوعي الصامت هو الذي يقف وراء الدعوة للعصيان المدني المنفذ.

يا راجل دي بالغت فيها شوية ياخ حزب ما قادر يعقد المؤتمر بتاعه عصيان شنو ودعوة للعصيان شنو . دا كان زمان يا قريبي لمن كان الحزب حزب والله لا اخفي عليك وضع الحزب ما يقدر يدعو لاجتماع خلي عصيان .

Quote: لما صحيت و جيت طالع لقيت نفسك لسة في زمن يوسف حسين

ما اعتقد فارقة كتير يوسف حسين او اغيره كلهم لابدين

ما اعتقد فارقة كتير يوسف حسين او اغيره كلهم لابدين
------------------------------------------------------------


طيب يا اخي شوقي خليهم لابدين و صامتين يعني خليهم في لبدتهم نائمون و عشان نكسب الزمن كلمنا عن الغلاء و العلاج و حال السودان

Quote: طيب يا اخي شوقي خليهم لابدين و صامتين يعني خليهم في لبدتهم نائمون و عشان نكسب الزمن كلمنا عن الغلاء و العلاج و حال السودان

لكن يا صديقي الغلاء دا بقي في كل مكان مصر والسعودية ودول كتيرة لكن في اعتقادي الامن اهم حاجة .

ونخلي الجماعة نايمين نوم العافية ومتى ما يصحوا يصحوا ما فارقة ولا شنو

Quote: كلمنا عن الغلاء و العلاج و حال السودان

قول انت الأول

طبعاً يث الأخ شوقي تاريخك في المنبر بيقول إنك من أكثر الناس شراسة في التهجم على المعارضة ودفاعك عن النظام رغم إنك بسبب وجودك في إميركا أو ربما لأسباب أخرى إختفيت من الكتابة في المنبر وربما إكتفيت بالتهجم على الناس من بوابة الفيسبوك والآن بعدما قفلوها رجعت. رغم ما فعلته الحكومة وفساد النظام في قريبك بتاع البنك وتوريطه في تهم الفساد في صفقات التمويل المشبوهة إلا أن ذلك لم يغير موقفك الداعم للنظام كأنك لم تتعلم من دروس الحريات وحقوق الإنسان في البلد الهاجرت ليه.
أنا ما عارف ليه انت بتحاول الضرب تحت الحزام يعني مثلاً البوست دا كمية من العبارات المواربة التي تخدع من لا يعرفك كأنك بتتكلم من موقع الحادب على المعارضة. معقولة يا شوقي. أها هنا لقيت ليك دخلة بموضوع الحزب الشيوعي المرة الجاية حتتضاري بشنو

يا شوقي بك يا اخي ما معقولة و الله
انت عدم المذاكرة عادة قديمة عندك و للا شنو؟
هسه انت قلت "حزب ما قادر يعمل مؤتمره" مع العلم انو من شهرين تقريبا
البورد ده و البوردات المجاورة و الصحف كلها كانت تتابع اخبار مؤتمر الحزب الشيوعي
و تعرض صوره.
يعني انت جايي طاير عشان تعمل الفيها النصيب و بتعتقد انك بتساعد في الحكومة بدون
ما تذاكر او حتى تستعين بالانترنت..تفتكر راي البتابعوا كلامك ده فيك و في مصداقيتك
حيكون شنو؟

Quote: يا شوقي بك يا اخي ما معقولة و الله انت عدم المذاكرة عادة قديمة عندك و للا شنو؟ هسه انت قلت "حزب ما قادر يعمل مؤتمره" مع العلم انو من شهرين تقريبا البورد ده و البوردات المجاورة و الصحف كلها كانت تتابع اخبار مؤتمر الحزب الشيوعي و تعرض صوره. يعني انت جايي طاير عشان تعمل الفيها النصيب و بتعتقد انك بتساعد في الحكومة بدون ما تذاكر او حتى تستعين بالانترنت..تفتكر راي البتابعوا كلامك ده فيك و في مصداقيتك حيكون شنو؟

ممكن تورينا النتائج بتاعتوا كانت شنو . اساعد الحكومة بي شنو ودخلها شنو في الموضوع دا . الحزب الشيوعي يساعد الحكومة اكثر مني بسكونه وركوضه وتشتته .

Quote: طبعاً يث الأخ شوقي تاريخك في المنبر بيقول إنك من أكثر الناس شراسة في التهجم على المعارضة ودفاعك عن النظام رغم إنك بسبب وجودك في إميركا أو ربما لأسباب أخرى إختفيت من الكتابة في المنبر وربما إكتفيت بالتهجم على الناس من بوابة الفيسبوك والآن بعدما قفلوها رجعت. رغم ما فعلته الحكومة وفساد النظام في قريبك بتاع البنك وتوريطه في تهم الفساد في صفقات التمويل المشبوهة إلا أن ذلك لم يغير موقفك الداعم للنظام كأنك لم تتعلم من دروس الحريات وحقوق الإنسان في البلد الهاجرت ليه. أنا ما عارف ليه انت بتحاول الضرب تحت الحزام يعني مثلاً البوست دا كمية من العبارات المواربة التي تخدع من لا يعرفك كأنك بتتكلم من موقع الحادب على المعارضة. معقولة يا شوقي. أها هنا لقيت ليك دخلة بموضوع الحزب الشيوعي المرة الجاية حتتضاري بشنو

طبعا ولحدي بكرة بهاجم المعارضة لانها دائما فاشلة وعمري ما دافعت عن النظام خالص . نهاجم المعارضة علوا ينصلح حالها لكن كل يوم تثبت انها فاشلة . انا لا اضرب تحت الحزام بل كلام واضح جدا جدا عن سكرتير الحزب الشيوعي وانه في حال ثبات تام .

Quote: أها هنا لقيت ليك دخلة بموضوع الحزب الشيوعي المرة الجاية حتتضاري بشنو

المواضيع كثيرة جدا جدا المرة الجاية حزب الامة

برضو عاوزني انا اوريك نتائجه كانت شنو؟
انت يا شوقي ما كنت ما بتذاكر و بس..انت كنت بتشف عديييل ههههههه

Quote: برضو عاوزني انا اوريك نتائجه كانت شنو؟ انت يا شوقي ما كنت ما بتذاكر و بس..انت كنت بتشف عديييل ههههههه

ههههههههههههه ، والله مذاكر لكن اخر عهدي بيهم كان هناك اختلاف بين الخطيب والشفيع خضر وكان تأجل حوالي 5 مرات . لكن خلينا نرجع للب الموضوع وهو حالة السكون التي تلازم الحزب منذ فترة طويلة بعد رحيل نقد كل شي توقف . نقد كان لمن يتكلم او يصرح جميع القنوات والصحف تلتفت وتردد ما قاله دي حقيقة . لكن برضوا دكتاتورية نقد لم تتح الفرصة لاي شخص من بعده من الظهور وحمل الراية رحل نقد ورحل معه الحزب الشيوعي والكلام دا حا يحصل مع جميع الأحزاب الأخرى

كنت غاتس وين ي كوتش


السلام وعليكم


ممكن اشارك

Quote: كنت غاتس وين ي كوتش السلام وعليكم ممكن اشارك

يا معاوية كيف احوالك والله مشتاقين ياخ زمن .
يا زول انت سيد الجلد والراس تشارك بس

لكن يا صديقي الغلاء دا بقي في كل مكان مصر والسعودية ودول كتيرة لكن في اعتقادي الامن اهم حاجة .

ونخلي الجماعة نايمين نوم العافية ومتى ما يصحوا يصحوا ما فارقة ولا شنو

لن يتحرر السودان الا بعد الخلاص من الأحزاب الانتهازية الديناصورية الدكتاتورية

مع انو مافي فايدة في النقاش مع الكيزان الشبح ( في القروبات في برضو .. اتنين
تلاتة كدة من وسط 300.. وبجو يقول ليك .. البديل منوووو ) .. خليني ادلو بدلوي في بوستيك
دة .... ممكن تورينا الاحزاب الديناصورية دي منو ؟ طبعا غير البعبع ( الشيوعي ) .

2-
3-
4-
و .... الخ الخ

Quote: مع انو مافي فايدة في النقاش مع الكيزان الشبح ( في القروبات في برضو .. اتنين تلاتة كدة من وسط 300.. وبجو يقول ليك .. البديل منوووو ) .. خليني ادلو بدلوي في بوستيك دة .... ممكن تورينا الاحزاب الديناصورية دي منو ؟ طبعا غير البعبع ( الشيوعي ) . 2- 3- 4- و .... الخ

علي فكرة انت الأحزاب عارفة . وعلي فكرة انا لا اضع الحزب الشيوعي ضمن الترتيب في راسي لانوا لا رجاء منه حزب منهالك كوادره مختلفة ومشتتة هنا وهناك بالتالي ما حيكون عنده تاثير في أي شيء ومسالة وقت ليس الا لتلاشي هذا الحزب العريق الذي هلكته الدكتاتورية .

خليكم في نومكم لانوا عبادة

Quote: مع انو مافي فايدة في النقاش مع الكيزان الشبح

من زمااااان لمن الحاجة تحرقكم دي مكنتكم ههههههههههههه برضوا انتوا ذي الحزب ما بتتغيروا أصلا

Quote: في اعتقادي بان السيد الخطيب قد دق آخر اسفين في نعش الحزب الشيوعي وقد سبقه في ذلك الزعيم الدكتاتور نقد رحمة الله عليه .

Quote: لقد تفاجأ الحزب الشيوعي بوفاة الزعيم نقد وسبب المفاجئة انه لم يجهز الخليفة منذ فترة طويلة هل كان يظن بانه سيظل الرئيس ابدا ، المرحوم نقد ان كان فعلا يؤمن بالديموقراطية كان عليه ومنذ فترة ان يتنحي ويعين شخص لخلافته ويكون هو بمثابة الاب الروحي لكنه لم يفعل ذلك مثله مثل بقية الدكتاريون الصادق المهدي ومحمد عثمان الميرغني والله هؤلاء هم الاسباب الحقيقية لدمار البلد بدكتاتوريتهم وتهافتهم علي الكراسي واخر همومهم البلد والمواطن السوداني ونسوا او تناسوا تماما بان الشعب السوداني واعي جدا جدا عشان كدا يظل الوضع علي ما هو عليه .

بعيداً جداً عن السياسة
و عن موضوع البوست

انت شوقي صديقنا و جارنازمان في حي العمدة ؟؟؟

جيت هنا عشان اسلم عليك فقط
و اتمني ان تكون و الاسرة بخير

Quote: انت شوقي صديقنا و جارنازمان في حي العمدة ؟؟؟

اهلا وسهلا حامد الصاوي والله مشتاقين يا باشمهندس زمن طويل . في البداية اسمح لي ان اعزيك في الأخ المناضل الحبيب الصديق كامل وداعة رحمه الله رحمة واسعة واسكنه فسيح جناته . والله احزنني رحيله جدا كيف لا وهو من شرفاء هذه البلد .

و الله صمت السرو زي ما قال ود الصائم. الا تلاحظ ما يفعل الامن في دور الحزب الشيوعؤ في الخرطوم و كوستي و في مدني و عطبرة. احيانا السك ت من ذهب.

و الله صمت السرو زي ما قال ود الصائم. الا تلاحظ ما يفعل الامن في دور الحزب الشيوعؤ في الخرطوم و كوستي و في مدني و عطبرة. احيانا السك ت من ذهب.

البركة في الجميع يا شوقي
شوف الدنيا دي فرقتنا كيف حليل حي العمدة
الحي في جهة و العمدة في جهة تانية

الله يلعن ال كان السبب
و تحياتي لكل اصدقاء الزمن الجميل

الغريب يا شوقي كامل و معتز كانوا ساكنين مع بعض
في الدمام نهاية التسعينات

لهم الرحمة و المغفرة ......

Quote: البركة في الجميع يا شوقي شوف الدنيا دي فرقتنا كيف حليل حي العمدة الحي في جهة و العمدة في جهة تانية

هههههههههه والله اضحكتني يا حامد لكن نقول ربنا يجمع الشمل مرة اخري يا رب

Quote: عرفنا كذب الكيزان كمان عاوز تتبلى على قوقل

لسع ما عرفنا

لن يتحرر السودان الا بعد الخلاص من الأحزاب الانتهازية الديناصورية الدكتاتورية

شوقي يا صديقي
السودان مشكلتو ليست الاحزاب ولا
الشخصيات الصادق, الميرغني, الخطيب او غيرهم
السودان بلد فيهو ثقافات متعددة و نحن السودانيين فشلنا
في ادارة هذا التنوع عشان نخلق منو طاقة ايجابية و يكون
مصدر فخر لينا كلنا. و بالعكس تماما بقي التنوع و التعدد
مصدر شقاء و تعاسة و حروب و قتل و انقسام
الديمقراطية و سيادة حكم القانون و احترام حقوق المواطنه
و حرية الصحافة و الشفافية و المحاسبة هي الضمان لتطور
البلد.
شوف يا شوقي النهبوا البلد من؟ و الصادروا الحريات منو؟
الفصلوا الناس من العمل دون وجه حق منو؟ الفرتقو حلتنا
(حي العمدة) و خلونا نبكي علي اهلنا كامل وداعة و معتز و
مصطفي بشري و غيرهم و نحن في بلاد الله المختلفة شرقاً و غرباً
منو؟. شوف عمك صديق يوسف فوق ال ٨٠ سنة و في السجن
عشان عندو رأي
الكلام كتير يا شوقي
اتمني ان نتواصل في مساحات خاصة
لك تحياتي

هذا المقال منقول

صديق يوسف ... الليث الثائر كتب .. عبدالرؤوف طه
أى المشارق لم نغازل شمسها ونميط عن زيف الغموض خمارها أى المشانق لم نزلزل بالثبات وقارها
هكذا لسان حال صديق يوسف ونهجه في العمل السياسي..
صعب المراس لا يعرف الانكسار رغم الفجيعة تجده صامد كالطاود الأشم
هو صديق يوسف أبراهيم النور من مواليد امدرمان 1932م من اسرة دينية مشهورة
كان والده امام وموسسا لاحد مساجد الحي الامدرماني العتيق ..
بيد ان صديق كان مولعا بحراك الشبابي الثائر ساعتئذ ضد الاستعمار فالتحق بالجبهة المعادية للاستعمار
الحزب الشيوعي حاليا في شبابه قادة احد المظاهرات فاقتيد صواب السجن
ليتم اطلاق سراحه بعد تحذيره من المستعمر البريطاني بعد التظاهر وتغريمه مبلغ ماليا كبير حئنذاك
تكلف تجار امدرمان بدفعه. يرتبط صديق يوسف بعلاقة وشيجة مع القيادي الاسلامي الراحل يس عمر امام
حدثني صديق في احد المرات انه زامل يسن عمر امام في احد المعتقلات وكان كلاهما ينحدر من الحزب الشيوعي
ثم التقيا مرة اخرى في سجن كوبر ..فكان صديق شيوعيا ويس شعبيا بل اسلاميا متشددا كذلك
حدثني القيادي بالشعبي أبوبكر عبدالرازق بان صديق يوسف كان يؤم المصليين في سجن كوبر
ويحفظ الكثير من القران الكريم أخبار متوتر هذه الايام تتحدث عن تدهور وضعه الصحي
من خلف الزنازين جسده النحيل يتعرض ربما لهبوب الشتاء العاصف بيد ان شجاعة صديق المعتق تجعلة
لا يشكو من قوة الشتاء الافح وتجعله يناضل من اجل قضية دخل من اجلها الاقبية السرية
وهو شاب غض الاهاب ومازال يعمل من اجل قضيته ويدفع فاتورة نضاله السجن بعد ان تجاوز عمره 85 عام
سالته ذات مرات متي ينتهي المشوار ياعم صديق وقد اشتعل الراس شيبا وبلغت من العمر عتية
فاجابني بان نهاية مشواره هي القبر ولن يعتزل العمل السياسي مهما كانت الدواعي والاسباب
فالله درك عملاق اليسار الجسور وفرج الله كربتك اليوم قبل الغدا ابقى الصمود

Quote: شوقي يا صديقيالسودان مشكلتو ليست الاحزاب ولاالشخصيات الصادق, الميرغني, الخطيب او غيرهمالسودان بلد فيهو ثقافات متعددة و نحن السودانيين فشلنافي ادارة هذا التنوع عشان نخلق منو طاقة ايجابية و يكونمصدر فخر لينا كلنا. و بالعكس تماما بقي التنوع و التعددمصدر شقاء و تعاسة و حروب و قتل و انقسام الديمقراطية و سيادة حكم القانون و احترام حقوق المواطنهو حرية الصحافة و الشفافية و المحاسبة هي الضمان لتطورالبلد. شوف يا شوقي النهبوا البلد من؟ و الصادروا الحريات منو؟ الفصلوا الناس من العمل دون وجه حق منو؟ الفرتقو حلتنا (حي العمدة) و خلونا نبكي علي اهلنا كامل وداعة و معتز و مصطفي بشري و غيرهم و نحن في بلاد الله المختلفة شرقاً و غرباً منو؟. شوف عمك صديق يوسف فوق ال ٨٠ سنة و في السجنعشان عندو رأي الكلام كتير يا شوقياتمني ان نتواصل في مساحات خاصة لك تحياتي

الأخ والصديق والحبيب حامد لك تحياتي وشكرا علي مرورك الجميل دائما وابدا السودان مشكلته الحقيقية الأحزاب والديناصورات يا حامد هم راس البلاء وشقاء هذه الامة خلقوا نوع من التشويش لهذا الشعب البطل واصبح مقسوم بين الولاء والرأي الحر والأحزاب هي سبب رئيسي في تمكين حكومة عمر البشير وجلوسهم طوال هذه السنين ، لم مسكت الرؤوس الكبيرة لهذه الأحزاب تجد ان المراوغة هي ديدنهم لا جل كسب مصالح خاصة تارة مع الحكومة وتارة ضدها الأحزاب ما قدمت أي شيء للسودان ولا شيء فقط كلام ومراوغة خليهم يمشوا البلد حالوا بنعدل . والشعب مسكين ويجب ان يعلم ان الأحزاب ديل صفر كبيييييير علي الشمال . اذا اردنا اصلاح السودان يجب حلها نهائيا . ونعمل جرد حساب ماذا قدمت الأحزاب .

Quote: و خلونا نبكي علي اهلنا كامل وداعة و معتز و مصطفي بشري و غيرهم

ربنا يرحمهم رحمة واسعة ويسكنهم فسيح الجنان فعلا الموت يختار الزول السمح

كتبت

الأخ والصديق والحبيب حامد لك تحياتي وشكرا علي مرورك الجميل دائما وابدا السودان مشكلته الحقيقية الأحزاب والديناصورات يا حامد هم راس البلاء وشقاء هذه الامة خلقوا نوع من التشويش لهذا الشعب البطل واصبح مقسوم بين الولاء والرأي الحر والأحزاب هي سبب رئيسي في تمكين حكومة عمر البشير وجلوسهم طوال هذه السنين ، لم مسكت الرؤوس الكبيرة لهذه الأحزاب تجد ان المراوغة هي ديدنهم لا جل كسب مصالح خاصة تارة مع الحكومة وتارة ضدها الأحزاب ما قدمت أي شيء للسودان ولا شيء فقط كلام ومراوغة خليهم يمشوا البلد حالوا بنعدل . والشعب مسكين ويجب ان يعلم ان الأحزاب ديل صفر كبيييييير علي الشمال . اذا اردنا اصلاح السودان يجب حلها نهائيا . ونعمل جرد حساب ماذا قدمت الأحزاب

أخي و صديقي شوقي لو في ٣ اشخاص لابسين نضارات و الصحيح (نظارات)
و لكني اميل للكتابة باللَهجَه المَحَلِيه في المنبر بما فيها من أخطاء
لون النضارات اصفر و اخدر و ازرق. و امامهم حيطة و سالوهم
الحيطة دي لونها شنو؟ ح يتغالطو زي غلاطنا ده وما ح يصلو لي
نتيجة و ممكن يتكاتلو و تسيل دماء كتيرة زي ما حاصل في
بلدنا. لكن لو ال ٣ اشخاص ديل طلعو نضاراتهم ح تكون المفاجئه
ليهم ال ٣ كبيرة و كلهم يكونو غلط و يتفقو انو الحيطة لونها
لا اصفر, لا اخدر, ولا ازرق بل ابيض.....

المثل ده بنطبق علي كل التنظيمات السياسية بما فيها الحزب
الحاكم ال من اهدافه اعادة صياغة المواطن السودان و تشكيله
زي ما هم عاوزين. و دي واحدة من المشاكل التي سببت الحروب
و الانقسام و ما زال الناس بتموت و ٢٠١٧ السنة الجديدة استقباناها
بي موت و ضحايا منهم اطفال
محسن داوؤد (14 سنه)
كوثر ابرهيم آدم (13 سنه)
تيسير محمد آدم اسحق (16 سنه) .... وغيرهم
ديل اتحرموا من حق الحياة و الما بفكر فيهم
يتحسس انسانيتو ... و ضميرو
يا شوقي الحكومة بتصرف لينا النضارات دي
عشان نشوف الحاجت بشكل مختلف و نتشاكل
(المنبر دة مثال شوف المشاكل ال فيهو)
تعال نطلع النضارات و نشوف الحيطة لونها شنو
يعني نشوف الاساس ال ممكن ننطلق منو عشان
البلد تمشي لي قدام و يحصل استقرار و سلام
و تنميه حقيقية
مواصل معاك يا صديقي بهدوء
و دمت علي احسن حال

سلام يا شوقي و سلامات لضيوفك الكرام ووين كنت غاتس؟
طبعاً انا ما بقنع منك و ارمي طوبتك زي ناس كتار هنا في المنبر ده، لأنه انا عارف و متأكد انه جواك زول كويس
لكن مرات بيحصل ليك غباش في النظر وما بتقدر تفرق بين المعارك الجانبية و المعارك الرئيسية و بين العدو الرئيسي
و العدو الثانوي، طيب عشان اوضح ليك كلامي بصورة ادق خليني ابدأ بي كلامك التحت ده، وفي كلامك ده خلينا نبدأ
بآخر اقتباس و نجرد الحساب زي ما انت عايز

Quote: لن يتحرر السودان الا بعد الخلاص من الأحزاب الانتهازية الديناصورية الدكتاتورية

Quote: السودان مشكلته الحقيقية الأحزاب والديناصورات يا حامد هم راس البلاء وشقاء هذه الامة

Quote: الأحزاب ما قدمت أي شيء للسودان ولا شيء فقط كلام ومراوغة خليهم يمشوا البلد حالوا بنعدل

Quote: الأحزاب ديل صفر كبيييييير علي الشمال

Quote: اذا اردنا اصلاح السودان يجب حلها نهائيا . ونعمل جرد حساب ماذا قدمت الأحزاب

طيب يا شوقي السودان ده نال استقلاله سنة 1956 يعني قبل 61 سنة، اها في الـ 61 سنة دي الأحزاب الأنت بتحملها
فشل السودان حكمت 12 سنة بس، و الحكومات العسكرية حكمت 49 سنة، يبقى بالحساب البسيط الحكومات العسكرية
بتحالفاتها المختلفة بتتحمل 80.33 في المائة من الفشل و الأحزاب تتحمل 19.67 في المائة، و في الـ 19.67 الحزب
الشيوعي السوداني ما عنده فيها نصيب يذكر
دي واحدة من الزوايا الممكن الواحد يقدر يحدد بيها العدو الرئيسي من العدو الثانوي، وبتوري الزول من هو احق بسهام النقد
الحكومات العسكرية يا شوقي يا خوي خلال سنوات حكمها الـ 49 مارست تضييق شديد على حركة و نشاط الأحزاب السياسية
في السودان ابتداءاً من مصادرة الحريات الأساسية و انتهاءاً بالإعتقالات و التشريد و الإعدام، طيب يبقى من الطبيعي ان تضعف
هذه الأحزاب نتيجة الضغط و الملاحقة لما يقرب من النصف قرن، و لكنها بقيت رغم كل ذلك و لم تمت و إن شابها الضعف
كنت سأتفق معك تماماً اذا كانت الأحزاب لقيت حقها في ممارسة العمل السياسي دون تضييق
كنت سأتفق معك تماماً لو كانت هناك ديمقراطية حقيقية تكفل للأحزاب السياسية حق الترشيح و الإنتخاب و العمل العلني و التبشير ببرامجها
كنت سأتفق معك تماماً لو كان هناك جو سياسي معافى يتيح للاحزاب حق النمو الطبيعي و التعلم من الممارسة الديمقراطية،
يا شوقي ياخوي ما ممكن تمتحن ليك طالب و انت لا وديتو مدرسة لا اديتو كتاب ولا علمتو اي حاجة ولما يرسب تقوم تقول ليهو انت
بليد و ما نافع، كدي طلع النضارة و اكيد حا تشوف الحاجات بشكل طبيعي زي ما قال ليك حامد

اخي وصديق الصاوي لك تحياتي واشواقي
اتفق مع في جزئية واختلف في اخري ، الان نحن نركز علي الحاضر والمستقبل الأحزاب تلعب دور كبير جدا جدا في بقاء الإنقاذ وذلك من خلال مياعة مواقفها وعدم وجود أي خطة جميعهم يسعي نحو المناصب فقط اهتمامهم بالمواطن والوطن ضعيف جدا جدا ، عشان كدا يا اخوي خليهم يمشوا عشان الشعب السوداني دا يقدر يشوف حاله هم الموقفين حال الشعب السوداني والله ما فيهم أي رجاء .

Quote: نشكر العم قوقل اسموا الأستاذ يوسف حسين والله اول مرة اعرف المعلومة دي (المهم الحاضر يكلم الغائب ) يا جماعة سكرتير الحزب الشيوعي اسموا: محمد مختار الخطيب والناطق الرسمي للحزب الشيوعي اسموا: يوسف حسين اعتقد في مجموعة كبيرة جدا عرفوا المعلومة دي شكرا قوقل

لسع ما عرفنا

والله لو ركزت مع هالة
وتراجي انا شايف أفضل
لانها دي امكانيات رقبتك وشعرك
هههههههه
والتحية لضيوفك

Quote: والله لو ركزت مع هالة وتراجي انا شايف أفضل لانها دي امكانيات رقبتك وشعرك هههههههه والتحية لضيوفك

يا راجل

.

والله فعلا الحزب الايام دي هادئ
لكن نتمنى ان يكون الهدوء الذي يسبق العاصفة

Quote: والله فعلا الحزب الايام دي هادئ لكن نتمنى ان يكون الهدوء الذي يسبق العاصفة

صادق لك التحية
ما اعتقد تاني تكوني في عواصف هذا يا صديقي الهدوء الذي يسبق الموت . الحزب الشيوعي عصف بمخلصيه انها سكرات الموت
ان الأوان للتغيير البداية تكون بالاسم وهلمجرا ذي ما بقول الامام