عبد الطيف السيد ح ود عمي بي وين ما تلصق فينا ساي الحمد لله اولاد عمى رجال شغالين بضرعاتن ما ظلموا ولا اكلوا حق زول وبنوموا عينن قريرة وضميرن مرتاح زولكم دا انصحوا يتوب لى الله ويرجع السرقوا وهو وشلة الكيزان والحرامية رجعوا لينا سودانا زى زمان نعتز بي وسط الناس ونقول نحن سودانين ربنا بسالكم من البتعملوا فيه دا والله وتايدكم لى حاكم ظالم لى شعبوا
بشة كل ما يمشي بلد يقعد بالاسابيع والايام ما سمعتا رئيس دولة بزور دولة اكثر من يومين والمصيبة كمان شعبوا حزين وتعبان وعامل عصيان وكمان طوالي مادي قرعتو غير الشحدة والدناوة ما عندو شغله ما شافع مرقه كلو كلو زي ما بتقول جدتي محل ما يسوقوهو يحرجنا ويجرجر كرامتنا بالارض مره يجي جاري من نيجريا ومرة شارد من جنوب افريقيا السعودية منعتو يعبر اجواها مجرد عبور واول ما اشروا لي قالوا لي تعال جاء مد قرعتوا للشحدة رخصة السواد والواد و الياباني والتاباني على قولة معاوية ود الصايم مش كده وبس بقى كل شهرين يزورهم الملك سلمان مشى المغرب استجمام ويزوج الولد بشه ما صدق شال قرعتو وجرى عليهم اسبوع في المغرب انتو الولد دا ما عندو ولي امر يمسكو ويعلمو ويقول لي البتعمل فيهو دا عيب وين ناس المراسم والمستشارين السياسيين وناس الخارجيه جاتكم داهية تاخدكم وتريحنا منكم
المشكلة يا وضاحة التصرفات التي يقوم بها البشير من القبول بكل تلك المهانة وأن يرتضى أن يستقبل أو يعامل معاملة موظف في بلاط هؤلاء الأمراء والشيوخ في سبيل مصالحه هو الشخصية إذا كان في الإمارات أو السعودية أو أي دولة يزورها
ده في النهاية طال الزمن أم قصر سينعكس على أوضاع والمعاملة التي يتلقاها المواطنين السودانيين المقيمين بتلك الدول
والمصيبة يا وضاحة ناس المراسم والمستشارين،اذا كان الرئيس نفسه بيستشير زول، وناس الخارجية ذاتهم ما بيعرفوا يقدموا النصيحة الحسنة للرئيس...وما بيعرفوا نبضات الشعب واحتياجاتهم لانهم عايشينةفي بروج عاجية.. وليست لديهم خبرة في اجراءات زيارات الرؤساء لدول اخرى وماذا يجب على الرئيس ان يقول وما لا يقول....هم ياخذون مرتباتهم المهولة دون ان يفعلوا شئيا....ويحرجونا مع الدول الثانية......مصيبة السودان كبيرة...وما بتروح الا بقدرة الله الواحد الاحد...وبارادة شعب صبر صبر سيدنا ايوب.. عندي فيديو حانزله في بوست حسن ادم ...قريب...شوفيه وعلقي.. والله يديك الصحة والعافية..
Quote: والمصيبة يا وضاحة ناس المراسم والمستشارين،اذا كان الرئيس نفسه بيستشير زول، وناس الخارجية ذاتهم ما بيعرفوا يقدموا النصيحة الحسنة للرئيس...وما بيعرفوا نبضات الشعب واحتياجاتهم لانهم عايشينةفي بروج عاجية.. وليست لديهم خبرة في اجراءات زيارات الرؤساء لدول اخرى وماذا يجب على الرئيس ان يقول وما لا يقول....هم ياخذون مرتباتهم المهولة دون ان يفعلوا شئيا....ويحرجونا مع الدول الثانية......مصيبة السودان كبيرة...وما بتروح الا بقدرة الله الواحد الاحد...وبارادة شعب صبر صبر سيدنا ايوب.. عندي فيديو حانزله في بوست حسن ادم ...قريب...شوفيه وعلقي.. والله يديك الصحة والعافية..
اميرة يا حبيبة خبرة شنو وفهم شنو العند مستشارنو الطيور على اشكالها تقع مستشارنو ومراسمو كلهم كيزان بعد شردوا الكفاءات وشرط الكوزنة الاساسي تغييب العقل ونسيان التفكير الايجابي ومستشارين الرئيس زكروني قصة الفيل لما هرب من الغابه لما اصبح البغل ملكها وسألوهو ليه هارب قال ليهم الملك البغل اصدر امر بابادة الغزلان قالوا لي طيب انت غزاله انت فيل قال ليهم الملك اوكل تنفيذ المهمة للحمار ومخ الحمار عادي ممكن يصور ليهو اني غزالة والبغل عادي ح يقتنع بي تصور الحمار
Quote: الملك سلمان استقبل في الإمارات استقبال الملوك
والبشير استقبل في الإمارات برضو استقبال العلوق
المشكلة يا وضاحة التصرفات التي يقوم بها البشير من القبول بكل تلك المهانة وأن يرتضى أن يستقبل أو يعامل معاملة موظف في بلاط هؤلاء الأمراء والشيوخ في سبيل مصالحه هو الشخصية إذا كان في الإمارات أو السعودية أو أي دولة يزورها
ده في النهاية طال الزمن أم قصر سينعكس على أوضاع والمعاملة التي يتلقاها المواطنين السودانيين المقيمين بتلك الدول
الاخ العزيز الهادي كما قال ابو دلامة قد رمى المهدي ظبيا شك بالسهم فؤاده وعلي بن سليمان رمى كلبا فصاده فهنيئا لهما كل امرئ يأكل زاده كل واحد بياخد مقامو ومن يهن يسهل الهوان عليه والبشير دنئ من اجل الدولار مستعد يبيع نفسو عشان كده العرب ديل هايننو وزالنو لانو عارفين ديتو وانو رخيص وزي ما قلت المشكله انو بتدانى بي اسم السودان
Post: #18 Title: Re: **ناس يستقبلوها بالالوان وناس يكرشوها الس� Author: طارق عبد الله Date: 12-05-2016, 04:52 AM Parent: #1
عارفة يا وضاحة بشة ده شرط عينا عديل ما خلى شي للمغتربين كل يوم حايم في الخليج كايس الدراهم والريالات والجماعة ماشغالين بيهو وماعندو التكتح البخليهم يحترموه، وزي ما قالوا اخوانا المتداخلين ده كلو خصم من رصيد السودان والسودانيين، اصلو كن الحال كدي الزم بلدك ياخي وغيرك كان اشطر. حقو بالمناسبة يعمل تلاجة مافيها غير المويه زي ماقال السيسي مادام الأمور عاضة كده.
نزلت القصيدة في بوست حسن آدم.. وقلت اجيبها ليك هنا عشان ما تتعبي تفتشي... والقصيدة للشاعر النوبي النحرير عبد الإله زمراوي الله يديه الصحة والعافية والله يديك الصحة والعافية وضاحة...
Quote: عارفة يا وضاحة بشة ده شرط عينا عديل ما خلى شي للمغتربين كل يوم حايم في الخليج كايس الدراهم والريالات والجماعة ماشغالين بيهو وماعندو التكتح البخليهم يحترموه، وزي ما قالوا اخوانا المتداخلين ده كلو خصم من رصيد السودان والسودانيين، اصلو كن الحال كدي الزم بلدك ياخي وغيرك كان اشطر. حقو بالمناسبة يعمل تلاجة مافيها غير المويه زي ماقال السيسي مادام الأمور عاضة كده.
العزيز طارق عبدالله بشة وكيزانو زي نافخ الكير فما متوقع منهم غير النتانة والضرر للسودان ارض وانسان والشعب السوداني شعب عظيم تسلطت عليه مجموعة الكلاب الضالة الاسمه الانقاذ وديل ممكن يقدمو اي تنازلات لانهم ماعندهم نخوة ولا كرامة ولا بعرفو شنو يعني وطن صغار في كل شيئ في تفكيرهم واحلامهم واخلاقهم
Post: #25 Title: Re: **ناس يستقبلوها بالالوان وناس يكرشوها الس� Author: عمر التاج Date: 12-06-2016, 10:26 AM Parent: #24
ازيك يا ملكة .. وكل عيد وطني وكل أوطانك بخير طبعا جماعتكم ما قصروا مع ريسنا السابق بشة سلموهو عصاية ( مطرق) الكرامة لأنه شغال جلد في الشعب من طرف بينما الملك بتاعنا سلموهو سيف من ذهب لأنه يقدم لشعبه الذهب بالعدل
سلم أمير قطر الشيخ تميم بن حمد إلى العاهل السعودي "سيف المؤسس الشيخ جاسم بن محمد بن ثاني وهو أرفع وأعلى الأوسمة القطرية، ويحمله أمير الدولة ويهدى للملوك والرؤساء والأمراء"، وفقا لما نقلته وكالة الأنباء القطرية (قنا).
Post: #26 Title: Re: **ناس يستقبلوها بالالوان وناس يكرشوها الس� Author: اميرة السيد Date: 12-07-2016, 01:45 AM Parent: #25
وبمناسبة امير دولة قطر يا التاج... لازم تعرف ان والدته الشيخة موزة ووالده الامير حمد بن خليفة ال ثاني مقيمين في مدينة نيويورك في ارقى حي في منهاتن....وطبعا اختاروا نيويورك ولم يختاروا اي مدينة اخرى لان نيويورك في نظرهم اجمل وارقى مدينة في العالم... وبسمات تقول اذا الشيخة موزة كانت شافت عطبرة كانت اكيد حتختار زهرة المدائن...وكانت حتستثمر البلايين في عطبرة ....وتصبح زهرة المدائن كمدن نيويورك وطوكيو وباريس...وتصبح عاصمة السودان...وعاصمة العواصم...نفس تسمية نيويورك.. (بتحلم مش كده).. والله يديك الصحة والعافية
دكتور عمر التاج شوف كيف استقبلت الدوحة سلمان كبير الخليج استقبال الملوك استقبال يليق بالكبار بشة شنو البهدو لي سيف وبشة ذاتو بعرف قيمة رمزية السيف كهدية بشة قبل يسلم بمد قرعتو يرمو لي فيها ريالات ينطط نهارو كلو زي القرد
اميرة الحبيبة الشيخه موزه امرأه من ذهب وهي صاحبة بصمة واضحة في نهضة قطر وبصمة اوضح في مسيرة النهوض بالمرأة القطرية والخروج بها من قيود التقاليد البالية الى مصاف الريادة واهتمت بالعمل الخيري حول العالم وخاصة الطفولة هي امرأة مدرسة ومن معدن العظماء ويا ليت كل عقيلات البشير مثل موزة ولكن للاسف ناس وداد لا هم لهن الا كنز المال والذهب وبدل ان يساعدن في النهضة ساهمن بصورة واضحة في الفساد المالي والاداري السائد في البلد تحياتي لي بسمات وشوقتنا نشوف عطبره زهرة المدائن زي ما بتقول يا بسمات طالبنك دعوه واقامة في عطبره الاجازة الجايه
البوست دا سبحان الله كل مرة أعاين فيه وأرجع .. وأمشي وأجيهو راجع وكل مرة أجي بي فكرة مداخلة غير
الشاهد في الموضوع إنه يكفينا تمثيل منبرنا دا في هذه المناسبة العظيمة تمثيل سودانيز أونلاين وعلى المستوى الرسمي في اليوم الوطني لدولة الامارات ومشكور أخونا الفاتح ميرغني على هذا التمثيل الأنيق -كعادته دائماً- أما القشير وعصابته فهم لا يمثلوننا بأية حال:
الاخ عمر ابو عاقلة السودانيون المغتربون كانوا وما زالوا خير سفراء للوطن واينما حلوا شرفوا السودان والسودانيين تميزوا بالعفة وعزة النفس لذا عندما يأتي امثال البشير وزمرته وينبطحوا ويرضوا بالدونية من اجل الدولارات نحس بالغبن وعدم الرضا التحية للزميل الفاتح ميرغني ولكل سوداني يمثل الوجه المشرق للسودان
