هذا الرأي تقول به نسبة كبيرة من الشعب السوداني الما مسيَّس ومشكلتنا في المعارضة بنخاطب الناس المسيَّسين الأصلاً عارفين خطابنا وعندما ربنا يفتح علينا ونخاطب الشعب العادي، نقوم نستخدم معاهو خطاب المسيسين -- فقط ملاحظة عن عربية (فنقِّس تنقِّس): هي التي تمهد السكة للقطر ودايما سابقاهو بي محطة
ياخي يخربك مطنك يا النحس المكنوس..! ضحكت جنس ضحك في اخر اليوم الطويل في سودانيز اونلاين.. هل تصدق يا اللمين ، تسعين ساعة وانا بفكر كيف اجيب كلام قريبك ده!! التحية لأخونا ول ابا معاوية الزبير ، القام فطن لعربية (فنقس فنقس)..وهي بكلام الحناكيش بتاع اخونا محجوب شريف (شفتا عمال الدريسة في المحطات التعيسة).. معليش يا معاوية الزبير ، لكن ده تيار وموجود وعريض كمان..!! بس اقنع لينا حناكيش العاصمة وغيرهم..!! يا اللمين ، اخونا واستاذنا ادم الهلباوي..زمان قال لينا (عيال ام قطية دنقرهم واحد)..ونحن لغاية اليوم نؤمن بتلك المقولة..!!
نيابة عن اخونا بريمة..اهو زي قريبك ده يا ألأمين..جواب من الزريقة محمد ، وعينك ما تشوف الإ النور..ياخي داعش ذاتها ندخلها في علبها زي الترتيب..
وزي ما جبت كلام الهداي زمان: Cha cha يا امريكا Cha الحرين ابونا.. وشنو كده ما عارف ابونا,,,
الحكمة بقارية. عشان كده يا اللمين أخوي كل الناس بتقول الشعب السوداني ذكي..... وإلا لكان دقس وسقط الحكومة ( المكنوسة) دي وجاب ( أكنس) منها وبرضو الله يستر..........
Quote: عشان كده يا اللمين أخوي كل الناس بتقول الشعب السوداني ذكي.
ذكي ولماح ومثقف جدا
وعشان كدا الناس ما تتجاهل عامة الشعب فهم مدركين للحاصل كلو
تحياتي
Post: #6 Title: Re: بريمة ، كبر، واسماعيل وبقية عيال ابا تعال� Author: اسماعيل عبد الله محمد Date: 12-04-2016, 10:55 AM Parent: #4
ول ابا البشاري سلام عليك عيال ابا معاوية و كبر سلام يغشاكو..
سمعت هذه الر سالة الصوتية في قروبات الواتس زعلت عيال الخراطيم زعل شديد .. الزول طيبان .. و زي ما قال اخونا معاوية ده وعي غالبية الناس الغُبُشْ .. الناس ما جايبين خبر للجنة (منبزغة) ولا ليعني و إزي كان ولغة المصطلحات السياسية المغلظة و المترفة ..
المطلوب: نزول عيال ابا من لغة المثقافتية و مخاطبة اهلنا الطيبين بلغتهم ( كو , ولضمي , و..و... الخ)..
الذ حاجة ويا ود البشاري في كلام الزول الطيبان (الحكومة ذاتّه شغلات زي ده هي التجغجغ فيهن)..هههههههههههههههههههه
اخيراً اقول لول ابا صاحب التسجيل الصوتي القطر وقف و عضّ مكنة و سيّح سبيكة و قطّع قفايص و أكل وِِشْ .... ما عندك الا عربات (فنقس فنقس) يلعن ابو الفنقسة ذاتو ههههههههههه....
Post: #7 Title: Re: بريمة ، كبر، واسماعيل وبقية عيال ابا تعال� Author: عبد العزيز محمد عمر Date: 12-04-2016, 11:15 AM Parent: #6
.
من الطرافة أن يتم توليد المصطلحات بين فترة وأخرى ... أو من منطقة إلى أخرى
عربة الدريسة هذه في بيئة السكة الحديد العطبراوية اسمها ( دنقر قوم )..
من الجهالة يا (أهل السودان) .. التقليل من شأن الحركة الشعبية لتحرير السودان .. والاستخفاف بشأن حركات تحرير السودان في شرق أو غرب السودان...
يا (أهل السودان).. خلاصة القول .. لن يستطيع أحد أن يكتب (الخلود) لهذا النظام .. ففي نهاية المطاف هو زائل ولا خلود له سواء هذا العام أو الذي يليه أو الذي يليه..
من الخطل أن يصور النظام وأتباعه لأهل السودان أن هذه الحركات المسلحة ما هي إلا (عثرات) طارئة وستزول من أمام (سكة) النظام الذي يطمع في الخلود ولا خلود إلا لرب الوجود.
هذه الحركات المسلحة هي السودان الحقيقي وهي المعبرة عن أهله الحقيقيين وهي من سوف تأتي لتحكم السودان سواء تم اتهامها بالعنصرية أم بغيرها من الصفات المنفرة منها..
ففي نهاية المطاف هذه الحركات المسلحة هي (البديل الجاهز) الآن والتي سوف تشغل الفراغ بعد زوال النظام وهي التي سوف تأتي إلى الخرطوم لتحكم السودان شاء من شاء وأبى من أبى.. ولا بديل غيرها البتة.. مسألة وقت لا أكثر.
Quote: ياخي يخربك مطنك يا النحس المكنوس..! ضحكت جنس ضحك في اخر اليوم الطويل في سودانيز اونلاين.. هل تصدق يا اللمين ، تسعين ساعة وانا بفكر كيف اجيب كلام قريبك ده!!
يا ول ابا انا لي يومين بضحك ...
والذ حاجة وصفه لعرمان (الطير رايو ) ههههههههههههههههههههههههههههه
ياخ مبالغة عديييييل
غايتو لخص الموضوع بطريقة جميلة وعبر عن خوف غالية البسطاء من البديل
ولو الناس فعلا جادة في التغيير لازم نقنع الزي ديل وهم كتار شرقا وغربا وشمالا وجنوبا
هذا الرأي تقول به نسبة كبيرة من الشعب السوداني الما مسيَّس ومشكلتنا في المعارضة بنخاطب الناس المسيَّسين الأصلاً عارفين خطابنا وعندما ربنا يفتح علينا ونخاطب الشعب العادي، نقوم نستخدم معاهو خطاب المسيسين -- فقط ملاحظة عن عربية (فنقِّس تنقِّس): هي التي تمهد السكة للقطر ودايما سابقاهو بي محطة
سلام يا معاوية
يا معاوية رغم بساطة الكلمات ومحليتها الموغلة في المحلية
الا أنها كلمات بسيطة وتنم عن وعي كبير بما هو حادث
مشكلة المثقفين هي التعالي على البسطاء ...
كتير من المشاكل بين الاهالي كان يحلها العمد والشيوخ وبحكمة عالية جداً
كن بخير
Post: #14 Title: Re: بريمة ، كبر، واسماعيل وبقية عيال ابا تعال� Author: علي دفع الله Date: 12-04-2016, 07:58 PM Parent: #9
انت يا اللمين مبسوط بكلام الجتجويدي الاهبل دا ..هسي الفرق شنو بين كلامو وكلام حميدتي سراق الحمير ...انت انبهرت باللهجة ونسيت المضمون ..حاول اسمعا من غير تعصب للاكسنت.. حاول تاني بليييز برا فنقس فنقس ولا دنقر دنقر ..
شكرا يا حبيب.. انتظرتك ، كما ينتظر بولي ، طير البحر ، للطملة...!!
وكنت عاارفك ح تطل هنا...!!
سمت كلام ولد الجبوري في جخانين الواتساب ،
عصيان ..عصيان ..يا عمك..!!
ونحن الفي راسنا ح نسويهو...!
بس يا ريتك يا ألأمين تقنع حناكايش جمهورية الحناكيش ، وقول ليهم نحن احرص الناس عل العصيان المدني ، عشان كل قرد يطلع شدرتو..!!\
كتر خيرك يا حبيب..والداير يبكي..من هسع يبكي ، يبكي زي ما عايز..!!
فليكن عصيان مدني بالباب العديل ، ونحن ح نشيل الحرائر رغم رندزك باشبوزك الشيوعيين ، القاموا في غفلة اخترعوا ام كبس ولا شنو كده ما عارف..!!
ارقد قفا يا اللمين ، ولد الجبوري شنو..يا عمك..؟ ملاين من عينة ولد الجبوري ، راقدة تحت الشوك..!!
الحصل في سوريا ولا شنو كده ما عارف ...ما ح نسمح لان يحدث في امسودان..!!!
جبخانة لي جبخانة ما عندها فرق يا عمك....!!
غايتو الخرطوم انا ما عندي بيها شغلة / لكن بترول أبيي ويورانيوم جبال النوبة ، ما ح اقبل فيهو..تعملوا عصيان مدني ولا شنو كده ما عارف .. ما عندي بيكم سالفة تب؟؟
مرحب بالعصيان المدني عشان كل قرد يطلع شدرتو يااااااااااااااااااااااااااااااااااااخ...!