Post: #6 Title: Re: الإمارات تطرد البشير Author: محمد البشرى الخضر Date: 12-02-2016, 06:55 PM Parent: #4
ما محتاجة رابط يا عمدة ياها بصمة حريات وبيجو المعتادة في الشتل و النجر
Post: #7 Title: Re: الإمارات تطرد البشير Author: عماد الدين الطيب عمر Date: 12-02-2016, 07:01 PM Parent: #6
ود البشرى يا صديق قلت ليك كدة خلينا من ناس حريات لو فعلا دا حصل ناس الإمارات موش معاهم حق ؟؟ الزول دا نحس يا أخي
Post: #9 Title: Re: الإمارات تطرد البشير Author: محمد البشرى الخضر Date: 12-02-2016, 07:09 PM Parent: #7
من يهن يسهل الهوان عليه, هو البشير يهبل بي نفسه ويقلل قيمته وقيمة المنصب براه لا أذكر متى آخر مرة زار فيها رئيس عربي - غير السيسي - الخرطوم ساي من باب ما بنمشي لي ناس ما بجونا حقو يحفظ كرامة المنصب و يقعد قبلو
لو فعلاً انت حابي الضيف الجاك وعندك مناسبة بعد ساعات في البيت ... أقل شي بتحلف على الضيف يحضر المناسبة قبل م يمشي
الزول دا شكله كان ضيف تقيل
Post: #22 Title: Re: الإمارات تطرد البشير Author: عماد الدين الطيب عمر Date: 12-02-2016, 09:35 PM Parent: #10
هاني الزول دا استقبله شيخ من شئون الرئاسة و كان في وداعه وزير العدل يعني واضح انو مطرود
Post: #8 Title: Re: الإمارات تطرد البشير Author: عمر التاج Date: 12-02-2016, 07:06 PM Parent: #6
بغض النظر عن موثوقية المصدر من عدمه يا محمد البشرى يبقى السؤال المحير كيف لرئيس دولة يبقى في دولة أخرى لمدة خمسة أيام يحتفل معهم في برنامج سباق سيارات ثم يغادرهم فجأة في يوم احتفالهم بالعيد الوطني الذي تحشد له الفعاليات والرؤساء من خارج البلاد
Post: #11 Title: Re: الإمارات تطرد البشير Author: عماد الدين الطيب عمر Date: 12-02-2016, 07:12 PM Parent: #8
Quote: المحير كيف لرئيس دولة يبقى في دولة أخرى لمدة خمسة أيام يحتفل معهم في برنامج سباق سيارات ثم يغادرهم فجأة في يوم احتفالهم بالعيد الوطني الذي تحشد له الفعاليات والرؤساء من خارج البلاد
Post: #12 Title: Re: الإمارات تطرد البشير Author: عماد الدين الطيب عمر Date: 12-02-2016, 07:14 PM Parent: #8
مرور رااااائع يا ود التاج
Post: #13 Title: Re: الإمارات تطرد البشير Author: عبداللطيف حسن علي Date: 12-02-2016, 07:31 PM Parent: #12
الخبر لايحتاج ايراده في صحيفة ، اذا كان ذهب لحضور الفورمولا تكون مصيبة واذا كان ذهب
لحضور العيد الوطني ورجع قبلو ، برضو مصيبة ، اما اذا ذهب للبحث عن دعم تكون مصيبتين !!
من الواضح ان (القيادة ) اصبحت غير مرغوب فيها في اي مكان ، نفس سلوك بشار، جاثم فوق صدر شعبه
خوفا من الحساب .....
Post: #14 Title: Re: الإمارات تطرد البشير Author: حيدر حسن ميرغني Date: 12-02-2016, 07:58 PM Parent: #13
مامحتاجة اجتهاد زول قبل زيارة الامارات زار المغرب وغينيا والبلد وراهو اتقلبت جرى على اولاد زايد عشان ينجدوه بحبة فكة يعالج بيها الازمة الحاصلة اكيد زيارة الشحاد ثقيلة خاصة وانه اصبح يسمسر بالبلد مرة السعودية ومرة قطر وقبلها ايران ماعارف بعد ده كله العنطزة فوق كم بلا يخمو ويخم المعاهو كلهم
Post: #15 Title: Re: الإمارات تطرد البشير Author: محمد البشرى الخضر Date: 12-02-2016, 08:08 PM Parent: #14
الحاجة المتعارف عليها في زيارات الرؤساء و البروتوكول انه منذ اللحظة الأولى البرنامج و المقابلات و الزيارات بتكون مدروسة ومبرمجة ومتفق عليها بين مراسم البلدين ولا يوجد شيئ يترك للصدفة أو الحليفة الشي التاني اذا كان مصدر اي خبر مصداقيته حولها كلام بالتالي العاقل لا يأخذ كل ما يأتي به على عماه حتى لوكان مريح وببسط و يتفق مع هواك !!
Quote: الحاجة المتعارف عليها في زيارات الرؤساء و البروتوكول انه منذ اللحظة الأولى البرنامج و المقابلات و الزيارات بتكون مدروسة ومبرمجة ومتفق عليها بين مراسم البلدين ولا يوجد شيئ يترك للصدفة أو الحليفة
الكلام ده يا ود البشرى مع الرؤساء المحترمين شوف الحصل في الفيديو ده هل كان مبرمج وفي البرتكول ؟
Post: #17 Title: Re: الإمارات تطرد البشير Author: محمد البشرى الخضر Date: 12-02-2016, 08:39 PM Parent: #16
البروتوكولات يا ايمن لا علاقة لها بشخص الرئيس وعمّا إذا كان محترم أم لا, تحبه أم تكرهه, طالما قبلت زيارة رسمية فهي رسمية من بدايتها حتى نهايتها امّا الفي فيديو فلا علاقة له بالبروتوكول ولا صدر من الدولة المضيفة, أشبه بحذاء خروتشوف
Post: #18 Title: Re: الإمارات تطرد البشير Author: حيدر حسن ميرغني Date: 12-02-2016, 08:41 PM Parent: #16
زيارات الرؤساء في الغالب يعلن عنها بفترة قبل القيام بالزيارة ممكن تحصل زيارات غير معلن عنها مثل زياراته المفاجئة ايام ازمة عاصفة الحزم عشان يشدوه من اضانو ويلحسوه في كم عسكري بحبة فلوس اكيد مشت لجيبه رئيسنا ماعندو الكاريزما اللي بتخلي الاخرين يحترموه باع هيبتو بعد البترول ذهب مع الجنوب وبقى يجقلب لاي فجة فيها كده ويكسر ركبة لدرجة انه الملك سليمان خلاهو قاعد وسافر مصر.. في مهانة اكثر من كده
فضحنا قدام الله وخلقه.. وين ما يمشى بس بالحالة دى.. ألهى وأنت جاهى تخلصنا من المصيبة دى..
Post: #30 Title: Re: الإمارات تطرد البشير Author: عماد الدين الطيب عمر Date: 12-03-2016, 08:09 AM Parent: #19
حباب بت تاور الزول دا كسر كل البروتوكولات الرئاسية و ما شاء الله عليه دغالة شديدة احساس مافي
Post: #25 Title: Re: الإمارات تطرد البشير Author: عماد الدين الطيب عمر Date: 12-02-2016, 09:47 PM Parent: #14
بعد كدة إلا يقول الروووووب
Post: #23 Title: Re: الإمارات تطرد البشير Author: عماد الدين الطيب عمر Date: 12-02-2016, 09:40 PM Parent: #13
عبد اللطيف النظام عايش في عزلة و يبحث عن مخرج و داخل في نفق مظلم جوة مرفوض و برة مرفوض
Post: #20 Title: Re: الإمارات تطرد البشير Author: عماد الدين الطيب عمر Date: 12-02-2016, 09:29 PM Parent: #4
عاصم زماااان برنارد شو قال في كتابه ARMS and THE MAN NINE OUT OF TEN SOLDIERS ARE BORN FOOL زولنا دا منهم
Post: #28 Title: Re: الإمارات تطرد البشير Author: Hassan Farah Date: 12-03-2016, 04:59 AM Parent: #20
عاصم زماااان برنارد شو قال في كتابه ARMS and THE MAN NINE OUT OF TEN SOLDIERS ARE BORN FOOL زولنا دا منهمعاصم زماااان برنارد شو قال في كتابه ARMS and THE MAN NINE OUT OF TEN SOLDIERS ARE BORN FOOL زولنا دا منهم عماد الدين الطيب لك التحية nine soldiers out of ten are born fools من مقررالادب الانجليزى لامتحان شهادة كمبردج عام 1960 الله يرحمك استاذنا ابن توتى عمر الصديق
Quote: قال مصدر موثوق لـ (حريات) ان دولة الإمارات ألمحت لعمر البشير بضرورة مغادرة البلاد قبل حلول اليوم الجمعة 2 ديسمبر الذي يوافق عيدها الوطني. وأضاف المصدر أن مسؤولين دوليين كبار وعدد من رؤساء الدول ربطوا مشاركتهم في الإحتفال بالعيد الوطني لدولة الامارات بعدم مشاركة عمر البشير، وأن وزير العدل الإماراتي سلطان بن سعيد البادي الظاهري قابل عمر البشير أمس وألمح له برغبتهم في مغادرته قبل حلول يوم الجمعة، لرفع الحرج عن الدولة التي تستضيفه، وأن عمر البشير غادر بعدها بساعتين.
الخبر أراه منطقي جداً إذ ليس هناك تفسير لسفر البشير للإمارات بغية حضور سباق السيارات فورمولا1 ومغادرته لها قبيل احتفال الإمارات بعيدها الوطني فالمشاركة باحتفالات العيد بالتأكيد أهم وأكثر وقعاً وتقييماً من مشاهدة السباق. لذا السبق الصحفي لصحيفة حريات الموقرة قد يجيب على التساؤل كالتالي: أن أحد الحضور -الذين يهم الإمارات أمرهم- قد تحرج بالفعل من وجود البشير أو حتى ظهوره ضمن فعاليات الاحتفالات وفقاً للحضور اعتقد أن الرئيس الفرنسي فرانسوا هولاند هو من رفض أن يجتمع ويتصور في مكان واحد مع البشير أو حتى ظهوره ضمن فعاليات أخرى للعيد الوطني الذي يشارك فيه رسمياً. فغادر البشير مسرعاً, والذي يعضد التغيير في أجندة البشير هو أن حرم الرئيس مازالت موجودة في الإمارات وقامت بالمشاركة رسمياً في إحدى فعاليات الاحتفال حسب صحيفة البيان الإماراتية. https://goo.gl/foAXaQ
الله يغثه القبيح الزول دا فضحنا شايل قرعتوا ويشحد حيام فى الخليج ياخى خلى عندك اخلاق وعزة لى شعبك وكرامة نشوف فيك يوم اسود من السواد
Post: #26 Title: Re: الإمارات تطرد البشير Author: ناصر حسين محمد Date: 12-02-2016, 09:49 PM Parent: #24
ياعماد مساء الخير
اعتقد قبل كم يوم كان البشير هارب للملاذ الآمن العرضتو ليهو الامارات
راتب 10 الف دولار
واعتقد انو ده برضو حسب حريات
اليوم مطرود من الامارات
وانا اقول البتبظ عين المعارضة منو ..!!
Post: #34 Title: Re: الإمارات تطرد البشير Author: عماد الدين الطيب عمر Date: 12-03-2016, 08:28 AM Parent: #26
كتب ناصر ياعماد مساء الخير
اعتقد قبل كم يوم كان البشير هارب للملاذ الآمن العرضتو ليهو الامارات
راتب 10 الف دولار
واعتقد انو ده برضو حسب حريات
طيب يا ناصر يا اخي الحقنا باالكلام دا عليك الله انا دورت عليه ما لقيته
Post: #33 Title: Re: الإمارات تطرد البشير Author: عماد الدين الطيب عمر Date: 12-03-2016, 08:22 AM Parent: #24
الله يغثه القبيح الزول دا فضحنا شايل قرعتوا ويشحد حيام فى الخليج ياخى خلى عندك اخلاق وعزة لى شعبك وكرامة نشوف فيك يوم اسود من السواد
وضاحة الزول دا ضاقت به الواسعة اها يعمل شنو غير يشيل قرعتو و يشحد
Post: #32 Title: Re: الإمارات تطرد البشير Author: عماد الدين الطيب عمر Date: 12-03-2016, 08:14 AM Parent: #21
ود العوض بالله عليك شوف الصورة شوف البرستيج و نظام الاستقبال ناس ليها هيبة ما زي اخونا ....
Post: #27 Title: Re: الإمارات تطرد البشير Author: محمد حيدر المشرف Date: 12-02-2016, 10:00 PM Parent: #1
يقيني التام انه لا توجد دولة خليجية واحدة قد تراهن على عمر حسن البشير في مقابل الشعب السوداني !!! الا أن الموقف المتقدم حقيقة هو موقف الشعب السوداني الذي لا يراهن الا على نفسه .. وسيكسب الرهان عنوة وإقتدار !!
باشمهندس محمد البشرى كيف الحال
انت اكثر حصافة من الحاح المواقف المسبقة .. وليس لهذه الملاحظة علاقة بصحة تحليل حريات او خطله.
Post: #29 Title: Re: الإمارات تطرد البشير Author: سيف اليزل سعد عمر Date: 12-03-2016, 07:34 AM Parent: #27
ياخي بشة ده قرادة مص دم الشعب السودانى 27 سنة.. فلازم ينطرد من الإمارات.. زيارة إسبوع؟ دي زيارة شنو؟ وعمل فيها شنو للسودان؟
Post: #31 Title: Re: الإمارات تطرد البشير Author: أسامة العوض Date: 12-03-2016, 08:10 AM Parent: #29
لسان حال الإمارات للبشير: يا بشير "سير" بعيد, الليلة الوقفة وبكرة العيد ... :)
Post: #36 Title: Re: الإمارات تطرد البشير Author: عماد الدين الطيب عمر Date: 12-03-2016, 08:36 AM Parent: #29
هل تصدق يا سيف الراجل لو امهلوه شوية كان ح يدخل موسوعة جينيس للاقرام القياسية ح يحطم الرقم القياسي في اطول مدة زيارة رئيس دولة
Post: #35 Title: Re: الإمارات تطرد البشير Author: عماد الدين الطيب عمر Date: 12-03-2016, 08:33 AM Parent: #27
يا دكتور سعدت بمرورك
ود البشرى بس ما يثق في مصدر حريات
Post: #37 Title: Re: الإمارات تطرد البشير Author: Hassan Farah Date: 12-03-2016, 08:38 AM Parent: #1
الرقاص.. أطفال الورضة.. والعصيان الفاشل ........ حلف بى أغلظ الإيمان إنّو الشعب ... كل الشعب... لا شاف ...... لا سمع عصيان!! ....... وحلف بى دينو شقيش تمشي تلقى الناس دي مزدحمي كان فى السوق وكان جامع محل رقشات أو أفران ..... حلف إنّو البلد ماشية زاهية وكل يوم تزدان وانو الشعب كيف مبسوط يصحالك من الآذان لافي صفوف.... ولا أزمات.... لا شكو لافي زول غلبان ....... يشيل يحلف.... ويقول صادق.... لا رمشة عين ولا خجلان إنّو شبابنا.... عجايزنا ومع النسوان مبسوطين.... عايشين.... دون نكد أو دين ويحلف تاني ياهن ديل ما فيش زول صبح عيان .... عليكم الله يا الحبان تقولو شنو... ما دام يرغي فى الفارغي دلاهي ...... وكيف غبي وسجمان تقول حاكم بلاد الواق تقول ما حاكم السودان ...... يرقص بالنهار والليل ما هاميهو ايش ما كان يبرطع بس تقول ده أسد لكين فى الحقيقة جبان يخاف من شفع الروضة وهن مارقين... طالعين من بيوت الطين عريانين.... يملو شوارع الخرتوم.... ما فيش نوم.... سأل بى بلاهه ديلا منو؟! قام ردولو كنداكات ديل شفعنا كيف حلوين مارقين من بيوت الطين يا هُن ديل بكشوكا لمان يدعمو العصيان ..... يوم يتهزا كرسيك هز بتعرف إنّو ده السودان وبتعرف إنّو اولادنا حلفو بأغلظ الإيمان يكنسو أباسة الإنقاذ سلاحن حاد وكيف بتار سلاح الثورة والعصيان ..... ابراهيم الكرسني فجر الجمعة 2016/12/2 [email protected]
Post: #38 Title: Re: الإمارات تطرد البشير Author: محمد البشرى الخضر Date: 12-03-2016, 10:22 AM Parent: #37
الحمدلله يا دوك كيف حالك انت و الأسرة لا المسألة بالتأكيد ما مواقف سابقة كل ما في الأمر قليل من إستخدام العقل كما لا أحبذ فكرة إختلاق نصر وهمي و الإبتهاج به و الإحتفال على الرغم من كونه مريح و يبسط و(بفش )
Post: #39 Title: Re: الإمارات تطرد البشير Author: عماد الدين الطيب عمر Date: 12-03-2016, 10:49 AM Parent: #38
ود يا البشرى يا عزيز الناس ديل شغالين فيهم طرد من الداخل و من الخارج انت شفت كيف نافع طردوه من عزاء سنهوري كيف شوف الفيديو و ناس فداسي طردوا ايلا دردة حااااااااااااااارة شوف بوست ابو روضة عجبتني ليهم المارقوت
Post: #40 Title: Re: الإمارات تطرد البشير Author: محمد البشرى الخضر Date: 12-03-2016, 11:17 AM Parent: #39
هههه يا عمدة يا عزيزي وفي طردة تاني افتكر للمتعافي و طرد الكيزان من البركس في الواحد وتسعين وطردالإمارات دي زاتها للسفير السوداني زمان وفلم طارد الأرواح وجهاز الطرد المركزي وغيرها وغيرها لكن كل هذا وغيره و حريق مرقوت الدنيا كلها لا يعني ولا يثبت نجرة حريات أن الإمارات طردت البشير أول امس!!
