Post: #1
Title: رسالة لأبي جودّة أو ملاسي
Author: أبوبكر عباس
Date: 12-01-2016, 05:14 PM
Parent: #0
04:14 PM December, 01 2016 سودانيز اون لاين
أبوبكر عباس-الإمارات
مكتبتى
رابط مختصر بحكم الزمالة هنا؛ داير واحد فيكم يتوسط لي.
يتوسط لي للكتابة بجريدة التيار.
دايركم تمدحوني عند عثمان ميرغني، وتقنعوهو يخصص لي عمود جنب سهير عبد الرحيم.
ما عندي مانع التلاتة شهور الأولى دي بكتب ليهم مجانا.
أرجو الاسراع، لأنو عقدي مع بكري بنتهي يوم ٢٣ اطناشر السنة دي.
|
Post: #2
Title: Re: رسالة لأبي جودّة أو ملاسي
Author: سيف النصر محي الدين
Date: 12-01-2016, 06:45 PM
Parent: #1
ههههههاي
كدي حاول رسل نماذج لكتاباتك لسهير عبد الرحيم ذاتها
يمكن تديك العمود بدون ما ترجع لعثمان ميرغني و جوطة كتيرة.
|
Post: #3
Title: Re: رسالة لأبي جودّة أو ملاسي
Author: معاوية المدير
Date: 12-01-2016, 10:25 PM
Parent: #2
أحسن حاجة،
عشان السخفاء كلهم يكونوا في مكان وآحد.
إن شاء الله يلِم فيك البنقالي يشطِفك يا بركة مِن
جعل محمد نبي...
|
Post: #4
Title: Re: رسالة لأبي جودّة أو ملاسي
Author: أبوبكر عباس
Date: 12-01-2016, 11:37 PM
Parent: #3
حضرت لسهير يا سيف، لقاء بالتلفزيون، هي النوع اللئيم الغاضب.
صحي دا النوع المحبب لي، لكن مدخل المراسلات المباشرة، لن يؤدي لصداقة معها؟!
لا بد تفرض نفسك عليها من البوس الكبير
زايد انو عثمان هو الكل في الكل
المهم، من أول يناير عاوز أكون انسان جديد، والواحد يبدل ناس سودانيز التعبانين الكحيانين المملين ديل.
|
Post: #5
Title: Re: رسالة لأبي جودّة أو ملاسي
Author: أبوبكر عباس
Date: 12-01-2016, 11:52 PM
Parent: #4
كيف كل السخفاء يتلموا في مكان واحد؟
أبو جودة وملاسي ما قاعدين يكتبوا في التيار!
|
Post: #6
Title: Re: رسالة لأبي جودّة أو ملاسي
Author: محمد المرتضى حامد
Date: 12-02-2016, 00:06 AM
Parent: #5
إنت؟
سبحان الله،
دع عنك تواضعك يا مستنير،
هم الذين يتقربون إليك زلفى،
والله هِملَت،
هملت شنو، ياخي دي تاجر البندقيه ذاتا..
أنت لا تطلب الإنتماء إليهم بل هم ( الطالبون)
أو كما قال مظفر النواب.. ( لايتبع البحر بوصلة ولكن تتبعه البوصلات)..
حرررم ما تقول شي...
-
سمعت بمصنع البرقدار للثلج؟
أيوا ، المصنع ذاتو، كنا بنمشيهو كداري،
ما بنكسر من الفريزر..
|
Post: #7
Title: Re: رسالة لأبي جودّة أو ملاسي
Author: أبوبكر عباس
Date: 12-02-2016, 00:22 AM
Parent: #6
طبعا يا مولانا، هِملت وهملت وتاجر البندقية دي، ناس منتصر وقسم الفضيل ما ممكن يفهموها.
شكرا يا مولانا على رفع روحي المعنوية
|
Post: #8
Title: Re: رسالة لأبي جودّة أو ملاسي
Author: أبوبكر عباس
Date: 12-02-2016, 00:56 AM
Parent: #7
كتاباتي بالتيار سوف تكون ادبية اجتماعية محمّلة بجرعات استنارة خفيفة تتناسب مع سكان قرية أم درمان.
لو الأشياء مشت معاي معدن، بعد سنة بشتري الجريدة وبغير الاسم ل:
التيار المستنير
|
Post: #9
Title: Re: رسالة لأبي جودّة أو ملاسي
Author: معاوية الزبير
Date: 12-02-2016, 01:22 AM
Parent: #8
ايه رايك تسميها (التيار المقطوع)
طبعا جيلكم مقطوع الطاري دا ما بكون حضر مسلسل (اللسان المقطوع) بتاع الراحل حمدنا الله عبد القادر
|
Post: #10
Title: Re: رسالة لأبي جودّة أو ملاسي
Author: حيدر حسن ميرغني
Date: 12-02-2016, 05:45 AM
Parent: #9
الصديق والصاحب العزيز ملاسي
خصمتك بالذي سواك إن وصلك مكتوب المستنير تعمل نايم 
-
تروح وين يابك وتخلينا للعنقالة ومطاريد الفـور اول
|
Post: #13
Title: Re: رسالة لأبي جودّة أو ملاسي
Author: طلحة عبدالله
Date: 12-02-2016, 07:47 AM
Parent: #10
المستجير أيها المتظارف بسماجة
أنسب حاجة ( من وجهة نظري) انك تكون جنبا إلى جنب مع
ناس سهير عبد اللطيف وفاطنة الصديق وسوق الكزبرة ..
لكن ناس زي البوس ملاسي والدوق أبوجودة ديل حمل تقيل ما عندك ليهو كتف.
استمر متشابيا متطلعا هكذا إلى حين ولله درك .
|
Post: #14
Title: Re: رسالة لأبي جودّة أو ملاسي
Author: أبوبكر عباس
Date: 12-02-2016, 08:06 AM
Parent: #13
يا هو الفضل، صحفي ميدان عقرب الما بفرزوا الواو الضكر!!
يا أخي، المنتدى دا فعلا منتدى (جامع)!
|
Post: #15
Title: Re: رسالة لأبي جودّة أو ملاسي
Author: أبوبكر عباس
Date: 12-02-2016, 08:25 AM
Parent: #14
ما بقدر يا حيدر،
كفاية مع ناس أطلع معاي الخلا ديل!!
|
Post: #17
Title: Re: رسالة لأبي جودّة أو ملاسي
Author: أبوبكر عباس
Date: 12-02-2016, 08:27 AM
Parent: #15
عملت تحسين لطريقة فرانكي
في ناس بديهم فقط مداخلة واحدة في بوستاتي
ما بزيدم ولا هللة
هي أصلا يا ها مداخلة واحدة بكرروها بعوارات مختلفة
|
Post: #16
Title: Re: رسالة لأبي جودّة أو ملاسي
Author: muntasir
Date: 12-02-2016, 08:26 AM
Parent: #14
عرفتها انتها يا رويعي الإبل صدق يا بك في المنبر ده ما فضلوا ليك إلا انا وعلي جع.....ك وحيدر الناس دي كلها شاماك وشايف معاوية الزبير ذاتو بقى واقف مخاوة فأي جريده حتى لو الدار ألحم فيها
|
Post: #18
Title: Re: رسالة لأبي جودّة أو ملاسي
Author: Khalid Basheer
Date: 12-02-2016, 08:28 AM
Parent: #16
قال محدثي....الهادي نصر الدين لقى واحد في الشارع
السلام عليكم ياخ...
وعليكم السلام ...
اسمك منو ؟ فلان
من وين يا فلان ؟ الحتة الفلانية
نحن قاعدين نجيكم هناك !
..............................................
دحين قريتنا دي دايرين بيها شنو الله يرضى عليكم.
غايتو زي ما قلنا أي استنارة ما من أمدرمان يلزمها امتحان معادلة.... ولا تصحح الورقة من 50
|
Post: #19
Title: Re: رسالة لأبي جودّة أو ملاسي
Author: أبوبكر عباس
Date: 12-02-2016, 08:31 AM
Parent: #18
يا خالد،
أم در دي مدينة في خيالكم بس
يظلها النيم والهجليج والعشر
|
Post: #20
Title: Re: رسالة لأبي جودّة أو ملاسي
Author: أبوبكر عباس
Date: 12-02-2016, 08:37 AM
Parent: #19
ما ممكن يا منتصر، تقول "يا رويعي الإبل"
عارف ليش؟
شوف عزة عمرو بن هشام لمان قال لإبن مسعود:
"لقد ارتقيت مرتقىً صعبا يا رويعي الغنم"
عليك الله، موش يشهيك في الكفر
|
Post: #23
Title: Re: رسالة لأبي جودّة أو ملاسي
Author: حيدر حسن ميرغني
Date: 12-02-2016, 08:51 AM
Parent: #20
قبيلة البياطرة مبدعين بالفطرة
الراحل عادل سجيمان يرحمه الله إستكتبته الصحف وفتحت له ابوابها عشان كتابته كانت ساخرة وجميلة
ليس بغريب أن يكتب المستنير في أي صحيفة ينشدها (ياريت بعيد من سهير دي)
-
ملاسي .. عفيتك من الحليفة
|
Post: #27
Title: Re: رسالة لأبي جودّة أو ملاسي
Author: معاوية عبيد الصائم
Date: 12-02-2016, 09:00 AM
Parent: #23
ياخ الكائن دا عمل 4 مداخلات وما رديت ليهو .اخر مداخلة سخيفة فى بوست تكريم صلاح جادات .لانو دا الملل يمشى على 14 ..وانا بفتكر انو الكائن دا ربنا خلقو عينة وما نفعت وفشلت وارهقت البشر وتم ايقاف انتاج المزيد منو . ..يعنى طلع موديل فاشل .غير مطابق لمواصفات البنى ادمييييين ..مفروض يفهم انو الظرافة جزء من طبيعة البنى ادم وكذلك السخف ...
عموما انا ...تقديرا لمعاوية الزبير خشمى عندى
|
Post: #29
Title: Re: رسالة لأبي جودّة أو ملاسي
Author: أبوبكر عباس
Date: 12-02-2016, 09:15 AM
Parent: #27
معقول دخلت أربعة مرات في بوستات حقتك؟
أنا مفتكر روحي ما قاعد أفتح بوستاتك وجادات
المهم المرات البكون دخلت فيها بكون بسبب تتبعي لبعض الكتاب هنا
تحديدا في بوستك المعني دخلت متابعا مداخلة آمنة مختار
وصدق حدسي وتوقعي لمشاركتها التي تخلو من المجاملة.
|
Post: #30
Title: Re: رسالة لأبي جودّة أو ملاسي
Author: معاوية المدير
Date: 12-02-2016, 09:17 AM
Parent: #29
إتعلمت تسمح واللآ لا ؟.
جاوب يا زِفِر إنت، جاوب سريع ...
|
Post: #31
Title: Re: رسالة لأبي جودّة أو ملاسي
Author: معاوية عبيد الصائم
Date: 12-02-2016, 09:23 AM
Parent: #30
حابت ليها نكريبة اركز
يشهد الله تقديرا لمعاوية الزبير ..اكان ما كدى الا اجيبلك فلايت فى اضنيك
دى اخر مداخلة تانى ما اشوفك فى بوستاتى نهااائى...
قال مستنير قال ..ياخ قوم لف واستخير
|
Post: #32
Title: Re: رسالة لأبي جودّة أو ملاسي
Author: معاوية المدير
Date: 12-02-2016, 09:24 AM
Parent: #31
إتعلمت تسمح واللآ لا ؟.
جاوب يا زِفِر إنت، جاوب سريع .
جاوِب، أكان ما جاوبت ما بخليك...
|
Post: #33
Title: Re: رسالة لأبي جودّة أو ملاسي
Author: أبوبكر عباس
Date: 12-02-2016, 09:28 AM
Parent: #32
ما ممكن "زفر" دي تكون اتعلمتها في الجلسات!
عارفك بتمشي عشان الشاي واللقيمات
ممكن نقول عليك:
قاعد في الجلسات ببطنو
|
Post: #34
Title: Re: رسالة لأبي جودّة أو ملاسي
Author: معاوية المدير
Date: 12-02-2016, 09:29 AM
Parent: #33
مهماً كان تظل أنت زِفِر.
أمسح عشان أخليك، أمسح يا رِمّة...
|
Post: #35
Title: Re: رسالة لأبي جودّة أو ملاسي
Author: معاوية عبيد الصائم
Date: 12-02-2016, 09:33 AM
Parent: #34
(((((أقترح تدوهو نجمة الانجاز للملل)))))
دا كلام المشبوه سياسا المدعو ابوبكر ظرافة فى بوست اقتراح تكريم جادات اسفيريا...
|
Post: #36
Title: Re: رسالة لأبي جودّة أو ملاسي
Author: حيدر حسن ميرغني
Date: 12-02-2016, 09:39 AM
Parent: #35
ود المدير ياصاحب
تباري المستنير ده بجيب ليك سكريك في صلعتك :)))
نحن داخرنك لحاجات تانية جايات
|
Post: #38
Title: Re: رسالة لأبي جودّة أو ملاسي
Author: أبوبكر عباس
Date: 12-02-2016, 09:46 AM
Parent: #35
يعني لازم نوافق على إقتراحك لمنح جادات وسام من المنبر؟
كتاباتك وجادات لا تقل دمارا من الكيزان
المتابع ليكم الإتنين لا يجد فرق بينكم وود الباوقة
أجد باوقة أكثر إتساقا منك
كتاباتكم كتابة سطحية لا تقدم رؤية بديلة مبعثها الأساسي غضب شخصي من الكيزان
تعابيركم، مفرداتكم هي نفس فكر الكيزان
يوم شايفك ساكي ود الباوقة في بوست له وتهدد فيهو بيوم الحساب!!!
دي كانت من أكثر المفارقات التي شهدتها بالمنبر
|
Post: #39
Title: Re: رسالة لأبي جودّة أو ملاسي
Author: معاوية المدير
Date: 12-02-2016, 09:53 AM
Parent: #38
Quote: يعني لازم نوافق على إقتراحك لمنح جادات وسام من المنبر؟
كتاباتك وجادات لا تقل دمارا من الكيزان
المتابع ليكم الإتنين لا يجد فرق بينكم وود الباوقة
أجد باوقة أكثر إتساقا منك
كتاباتكم كتابة سطحية لا تقدم رؤية بديلة مبعثها الأساسي غضب شخصي من الكيزان
تعابيركم، مفرداتكم هي نفس فكر الكيزان
يوم شايفك ساكي ود الباوقة في بوست له وتهدد فيهو بيوم الحساب!!!
دي كانت من أكثر المفارقات التي شهدتها بالمنبر |
ماشي كويس،
أيوا كِدا إتعلم رُد علي الناس ؤ قول رايك مُش تقعد تدلّع ؤ تتعلقن،
إنت الظاهر عليك مبطر ؤ مدلع، لكن يا زِفِر دا ما هنا، سامع.
كويس جداً لحدي الآن إتعلمت تمسح وِ أتعلمت ترد علي الناس.
أنا حا أخليك تمشي علي العجين ما تلخبطو يا زِفِر تاني...
|
Post: #40
Title: Re: رسالة لأبي جودّة أو ملاسي
Author: أبوبكر عباس
Date: 12-02-2016, 09:56 AM
Parent: #39
أوكي أنا آسف
أوافق على منح جادات وسام المنبر
وأوافق انو منصور المفتاح كضاب
|
Post: #42
Title: Re: رسالة لأبي جودّة أو ملاسي
Author: معاوية المدير
Date: 12-02-2016, 10:01 AM
Parent: #39
إنت وكِت عارف القرآن بيعلم الأخلآق
المنتشة العليك شنو ؟، تتريق عاملآ فلآحة يعني،
وإشمعنى مسحت مداخلتي بشأن القرآن ؤ تركت
الباقيات، عامل فيها شاطر يعني ؟.
أوعك أسمعك تقول لي حسّن لفظك عشان بتقرأ القرآن
لأنك إنت ما مُعترف بيهو، سامع. أنا بقرأ القرآن لكن
لآمن القى وآحد زي حالتك دي بديهو حسب مقاموا،
فهمت يا مساحة إنت...
|
Post: #41
Title: Re: رسالة لأبي جودّة أو ملاسي
Author: معاوية عبيد الصائم
Date: 12-02-2016, 10:00 AM
Parent: #38
يعني لازم نوافق على إقتراحك لمنح جادات وسام من المنبر؟
.........................................................................................
ي زول هووى انت حاسب روحك بشر ؟؟؟؟ات ما بتفهم ؟؟انت موديل ملغى لعدم الصلاحية شان كدى ربنا تانى ما خلق زيييك ..فهمت؟ ي ( المشبوه ) (سياسيا) ودى لامن افضى ليك فى الربع القادم بجى بفهمك ليها ..لانى مشغول بحاجات اهم ي ظررررريف ...
حسب علمى ومصـــــــــــــادرى انك مخلوغ وليوم الليلة ما مصدق انك بتكتب فى حوش بكرى وقااااشر ب الباسورد.....
|
Post: #43
Title: Re: رسالة لأبي جودّة أو ملاسي
Author: معاوية عبيد الصائم
Date: 12-02-2016, 10:08 AM
Parent: #41
كتب المستنو...المشبوه سياسيا
يوم شايفك ساكي ود الباوقة في بوست له وتهدد فيهو بيوم الحساب!!!...........
..............................................................................................................................................
وتانى كتب!!!!!
معقول دخلت أربعة مرات في بوستات حقتك؟
أنا مفتكر روحي ما قاعد أفتح بوستاتك.....
اركــــــــــــــــــز وركز
|
Post: #44
Title: Re: رسالة لأبي جودّة أو ملاسي
Author: جلالدونا
Date: 12-02-2016, 10:13 AM
Parent: #41
Quote: أوكي أنا آسف
أوافق على منح جادات وسام المنبر
وأوافق انو منصور المفتاح كضاب |
شنو يا مستنير شغل الرشاوى ده
هي حصّلت !!!
سؤال
الرشوة دى تكتيكية ام فكرية ؟
|
Post: #45
Title: Re: رسالة لأبي جودّة أو ملاسي
Author: أبوبكر عباس
Date: 12-02-2016, 10:18 AM
Parent: #44
لمان قبضوا الكوز المسؤول في " خلوة غير شرعية" وقدموهو للمحاكمة بسنجة؛
إبتهج جادات والصائم وفلقوا راسنا بأن الكيزان عديمي الأخلاق والدليل:
"الخلوة غير الشرعية"!!
أشرح ليك شبهك وجادات بالكيزان في الموقف دا؟
ولّ الإشارة دي تكفي؟
لو غلبك بشرح ليك، ما فيها حاجة
|
Post: #46
Title: Re: رسالة لأبي جودّة أو ملاسي
Author: معاوية عبيد الصائم
Date: 12-02-2016, 10:23 AM
Parent: #45
اشرح لى ي الشامل .الاوحد
|
Post: #47
Title: Re: رسالة لأبي جودّة أو ملاسي
Author: أبوبكر عباس
Date: 12-02-2016, 10:24 AM
Parent: #45
الأخبار الجاتنا من كندا إنك زول هراش؟؟
بعد تقول للزول أطلع معاي الخلا؛
بترسل اناس الصاوي الlocation بتاغ مكان الشكلة المحتمل بالواتساب عشان يجوا يحجزوك!!
يوم إتأخروا؛
جوا لقوك بتكفكف في البنطلون!!
|
Post: #48
Title: Re: رسالة لأبي جودّة أو ملاسي
Author: أبوبكر عباس
Date: 12-02-2016, 10:33 AM
Parent: #47
كتب ود الناظر:
"لأنك إنت ما مُعترف بيهو، سامع. أنا بقرأ القرآن لكن
لآمن القى وآحد زي حالتك دي بديهو حسب مقاموا،
فهمت يا مساحة إنت..."
طيب أطلع معاي الخلا القلتها لشيخك في التلاوة
مقام قرآني؟
|
Post: #49
Title: Re: رسالة لأبي جودّة أو ملاسي
Author: معاوية المدير
Date: 12-02-2016, 10:33 AM
Parent: #47
Quote: أوكي أنا آسف
أوافق على منح جادات وسام المنبر
وأوافق انو منصور المفتاح كضاب |
يعني كِدا إتأدبت ؟، الحمد لله.
عيّنك حِسك تاني تجيب سيرتي لا تلميحاً لا تعريضاً، لا تصريحاً
وأوعك تاني أشوفك ملآحقلك زول هنا ؤ بتتلآمض،
فاهِم ؟. يلآ غوووور رُد علي الناس اللِداخلو معاك يا عِلق...
|
Post: #50
Title: Re: رسالة لأبي جودّة أو ملاسي
Author: محمد أبوجودة
Date: 12-02-2016, 10:36 AM
Parent: #1
سلامٌ على الجمع البديع، والزمان ربيع،
ويا عزيزي المُستنير، (عمود جنبك تبـــيييع!)،
أو كما قال أدروبيٌّ، ذات طُرفة: يا ولاد، دِيك تبيييييع؟ .. ههه .. حاولتُ جهدي أن أدع المُكرَمة، وهي "ذات الرّد بالإيجاب أو الرفض" للأخ الزميل الأكرم الباشمهندس حسين ملاسي (وأناالسعيد باسمي لصق اسمه الرّنّان)، ولكني قرّرتُ فجأة أن أسبِقه؛ طالما إني لا ألحَقَه. بالمناسبة، الأستاذة سُهير، كنتُ زميلاً لها في Grouping whats Appـــينق لبُرهة من زمان النصف الأول من هذا العام، الذي كَثُرت إيقافات صُحفِه ..! يا مستنيراً عام، ولا ربط الحزام.
أما الأستاذ عثمان، فليس بيني وبينه إلّا "الحرف" دون الليل والنغم، وإنّ مودّتي له التي كانت واعدة، لــَ هيَ الآن على حَرفْ. فيا صديقي أبابكر عباس المستنير، وقيدو في وطنو، ألم تسمع بالحِكمة القائلة: إنْ أردتَّ أن تُطاع، فاطلُب ما يُستطاع ..؟! فكيفك بالله العلي، عليك تطلبني بمقدار (عمود جنب)، وأنا قد كَلّ متنــي، وساخ حَرفي، وشاخ جرفي والحصاد هشيم صحافي، وتذروه الرياح..!
ــــــــــــــــــــــــــــــــ
مع وافر الدّعاء الطيِّب لك، كونك - في ما يبدو - تحاول أن تقرِّر ووحيداً، أنّ " مسيخنا" ، في بعض نشرِه، "شــَــرْبات" فرح؛ وَ ها أنتَ تعنون اسماءنا حِجلاً بالرِّجل مع الرائدة (خلّي بالك من ال دال) كتاباتهم، ورائجة في قراطيس ناس السوداني، دال، زين، نَعَمَيْن وأبي العينين واتحاد الكُتّاب العائد عائد يا نميري! فلك شُكري وسأحتسبها لك (ههه) في زمن الجنيه بي دولارَين، فــ تخُم وَ تـَــصُر، تملأ " عِــبَّك " تقعد تساوِم!
|
Post: #51
Title: Re: رسالة لأبي جودّة أو ملاسي
Author: محمد البشرى الخضر
Date: 12-02-2016, 10:52 AM
Parent: #50
يا أبّكر معقول كم الأعداء دا؟
قاعد تهبب شنو انت قدر دا أصلك, ياخي وائل بي الـ هههههااااع الزعّاطة بتاعته دي عندو صليحين أكتر منك
|
Post: #52
Title: Re: رسالة لأبي جودّة أو ملاسي
Author: حيدر حسن ميرغني
Date: 12-02-2016, 11:04 AM
Parent: #50
الراحل جمال محمد احمد كان ملجأ الهائمين على سطح البسيطة بحثا عن عمل والزمان زمان اخضر
كان سفيرا للسودان في لندن حين استلم خطاب من الكاتب ابراهيم دقش يطلب فيه ايجاد فرصة في المنطمات الدولية لما لجمال من علاقات واسعة بالمنظمات
دقش استلم الرد في مظروف كبير ولما فتحه وجد ورقة مكتوب فيها " سأفعل يا ابن امي" وبالفعل كان له ما اراد
من كتاب "واحد من جيل الثلاثينات" لابراهيم دقش
-
هسع يا ابوجودة لو قلت سأفعل كنت فرحتنا ياخ
|
Post: #53
Title: Re: رسالة لأبي جودّة أو ملاسي
Author: محمد أبوجودة
Date: 12-02-2016, 11:16 AM
Parent: #52
مرحب عزيزي حيدر،
ولكن ال جبتو دا، هو عندي خبر آحاد ..!
وأعتقد أن أريَحيــّة المرحوم جمال، أرقّ من أن تتوغّل مثل هذا التّوَعُّك الماحل!
........................
وإن كان ليك، دحض، بالله عليك، جييييييبو .. جيبو جيبو (هههه)
|
Post: #54
Title: Re: رسالة لأبي جودّة أو ملاسي
Author: أبوبكر عباس
Date: 12-02-2016, 11:17 AM
Parent: #52
"فكيفك بالله العلي، عليك تطلبني بمقدار (عمود جنب)، وأنا قد كَلّ متنــي، وساخ حَرفي، وشاخ جرفي والحصاد هشيم صحافي، وتذروه الرياح..!"
كنت شغال ببلدية دبي قسم الخدمات البيطرية وإنتقلت لمكان آخر ولي بالبلدية علاقات جيدة
جاء صديق بيطري مؤهل جدا يبحث عن عمل
مشيت لرئيس القسم أديتو السي في وقلت ليهو:
الزول دا جايبو هنا موش لأنو بفتش في شغل
جايبو أبركم به
فشنو يا جودة، خليك حريف
المهم، في الأخير إن شاء الله عنوان عثمان البريدي الخاص
لك الشكر على تجشّمك الصِّعاب
والرد
|
Post: #55
Title: Re: رسالة لأبي جودّة أو ملاسي
Author: محمد أبوجودة
Date: 12-02-2016, 11:24 AM
Parent: #54
آل إيه: ( فشنو يا جودة، خليك حريف)
................
ياخوي مالي أراك ساعٍ بي إلى "دروب التسفيف" إن لم يكن التشطيف ..؟!
|
Post: #56
Title: Re: رسالة لأبي جودّة أو ملاسي
Author: خالد عبدالوهاب
Date: 12-02-2016, 08:30 PM
Parent: #55
يابكة
بقت عندك قدرة عجيبة على استقطاب العداوات
معقول تكون بتستمتع بالوضع ده؟
|
Post: #57
Title: Re: رسالة لأبي جودّة أو ملاسي
Author: AMNA MUKHTAR
Date: 12-02-2016, 08:39 PM
Parent: #55
Quote: قال إيه: ( فشنو يا جودة، خليك حريف)
................
ياخوي مالي أراك ساعٍ بي إلى "دروب التسفيف" إن لم يكن التشطيف ..؟! |
أول مرة أقرا لأبي جودة دا مداخلة لماحة ودمها خفيف ..!!
خخخخخخ
أوسكااار .
|
Post: #58
Title: Re: رسالة لأبي جودّة أو ملاسي
Author: محمد أبوجودة
Date: 12-03-2016, 02:10 PM
Parent: #57
آمنة،
إزّايِّك وكيف حالك، ومشتاقون (إذا بـِتْســادِئي) ههه
تقولين:
Quote: أول مرة أقرا لأبي جودة دا مداخلة لماحة ودمها خفيف ..!!
خخخخخخ
أوسكااار . |
وأقول:
أمّـــونة أحسن ليك*
...............
* أي نعم، أنّك أحياناً تدُقِّين المسمار على رأسه hit the nail at its' head، بس ده الرأس الخطأ ..!
ما هو رأس المستنير غزير الفروة، اعمليلو واحدة، الله يرضى عليك. ههه
|
Post: #59
Title: Re: رسالة لأبي جودّة أو ملاسي
Author: حيدر حسن ميرغني
Date: 12-03-2016, 02:26 PM
غزير الفروة
غايتو دي لايقة جنس لياقة في المستنير :))))
|
Post: #60
Title: Re: رسالة لأبي جودّة أو ملاسي
Author: قسم الفضيل مضوي محمد
Date: 12-03-2016, 02:38 PM
Parent: #59
اسأل الله الارشفة ما تحلك من ابي جودة دا يا ابكر ...
::::::::::
|
Post: #61
Title: Re: رسالة لأبي جودّة أو ملاسي
Author: علي دفع الله
Date: 12-03-2016, 03:16 PM
Parent: #60
لماذا كل هذه الغلظة والقسوة يا اصدقاء على المستنير ؟؟؟؟
يا جماعة الخير قلتها سابقا وسأكررها ..من صنف المستنير معارض او موالي فقد خاب ظنه..ومن صنف المستنير كشخص بكتب بردة الفعل فهو مخطيء..
المستنير شخص يكتب من قناعات غير مسنودة بصديقي وصديقك شلتي وشلتك .جماعتي وجماعتك..
اي ممكن مرات كلامو دبش ومباشر و عدييل لاي ظاهرة او حدث او شخص بقول كلامو وبتخارج ان ثبت غلطه بعتذر وان صح ما كتبه بعمل نقطة سطر جديد وبشوف البعدو ..
القبح ما اكثره في هذا العالم الافتراضي خسمتكم بالنبي خلونا نستمتع بقبسات المستنير الجميلة ..
#اتركوا المستنير ما ترككم#
|
Post: #62
Title: Re: رسالة لأبي جودّة أو ملاسي
Author: محمد البشرى الخضر
Date: 12-03-2016, 03:28 PM
Parent: #61
يا ابوعلوة السر في ما ترككم دي! هو بترك ليه زول لكن! مقابضة شديدة :)
|
Post: #63
Title: Re: رسالة لأبي جودّة أو ملاسي
Author: يحي قباني
Date: 12-03-2016, 03:44 PM
Parent: #62
كلما القى ابوبكر عباس فاتح بوست
حأذكره بي كلامي ده ... لانه جايز بفوت عليهو مرات في غمرة نشوته بالمناكفة
و طبعا لانه مأستكاتي من الدرجة الأولى فجايز يمسحه لكن على الأقل بكون قراهوا قبال المسح :) :
" الحبيب أبو بكر عباس .. او ( عم عكس ) كما ناديتك مرة ...
ما عارف ليه اخدت ليك خط هنا في المنبر ده ... و انحشرت فيهو ...
زي الممثل البمثل دور واحد ... لو بعد زمن ادوهو دور تاني برضه برجع لنفس الخط ...
مالك ياخي بقيت داير تغالط و تخالف أي موضوع من طرف ...
الظاهر انو حكاية المستنير دي البديتها هزار و الناس هازرت بيها معاك ... قمت صدقتها
و بديت ( تحلم ) ... على قولة الكتيابي و مصطفى ...
غايتوا حاول تلقى البوصلة من جديد ... لانك طشيت من الطريق ... و لانك زول كويس جدا ...
كفاية انك صاحب ود الزبير ...
"
* على فكرة ... نسختها بره في كمبيوتري عشان ما اتعب و اكتبها كل مره ... فقط كوبي اند بيست ...
|
Post: #64
Title: Re: رسالة لأبي جودّة أو ملاسي
Author: علي دفع الله
Date: 12-03-2016, 03:47 PM
Parent: #62
ههههههه هو من ناحية المقابضة دي قاباض خلاس ..
لكن حتى ماقبضتو ما بتحس فيها التلحة والتشفي و تصفية الحسابات ..
المستنير دا بأسس لطريقة حوار ما عادية واظن انو بدل ما يمشي بينا خطوة خطوة عملها بصورة مكثفة ... ودي مشكلتو الجايبا ليه الهوى...
هسي بيني وبيك يا ابو حتوت لو عملنا حسابات صغيرة عليك الله المستنير دا مش زول لذيذ وكتاب وعفوي وصادق وعميق ولايوق ههههه
|
Post: #65
Title: Re: رسالة لأبي جودّة أو ملاسي
Author: أبوبكر عباس
Date: 12-03-2016, 04:22 PM
Parent: #64
يا أمونة،
يا أخي، كتابات أبو جودة كلها فيها طرفة من نوع فريد، استمتع بكتاباته، إتّي بس أديها زمن وحب
هسع إذا بصدقي دي شفتيهو كتبها إزاي؟
|
Post: #66
Title: Re: رسالة لأبي جودّة أو ملاسي
Author: أبوبكر عباس
Date: 12-03-2016, 04:32 PM
Parent: #65
أنا لو عملت لي سجادة، بخلي عن يميني علي دفع الله وعن يساري حبيبي حيدر
ود البشرى بديهو دور سهيل بن عمرو
ود المدير ابو لهب
منتصر ابو جهل
جلال بحرمو من أي دور تاريخي، ممكن اخليهو مهندس صوت ، لكن ما بظهر في الشاشة لو نطط
المدعو قباني بديهو دور واحد من الناس البلفو حول الكعبة وبرددو نفس الدعاء
كوبي آند بيست
بغطي ليهو الصلعة بعمامة
|
Post: #67
Title: Re: رسالة لأبي جودّة أو ملاسي
Author: حيدر حسن ميرغني
Date: 12-03-2016, 05:17 PM
Parent: #66
url] [/url]
هسع دي ما دعوة مبطنة لضم بك :))
-
تسلم ياشيخي وتسلم سجادتك
|
Post: #68
Title: Re: رسالة لأبي جودّة أو ملاسي
Author: معاوية الزبير
Date: 12-03-2016, 05:40 PM
Parent: #67
يا حيدر، دي جلدنة من صاحبك
عايز يخلص جنيهاتو الأربعة، جنيه ينطح جنيه
--
اتنين من أصحابي في المنبر قالو لي ملاسي ح يلبد ليك
قلت احسن اكتّر من عمايلي معاهو
|
Post: #69
Title: Re: رسالة لأبي جودّة أو ملاسي
Author: shaheen shaheen
Date: 12-03-2016, 06:05 PM
Parent: #67
فى اتنين انا بحب كتبابتهم جداً .. جداً , فى هذا المنبر .
* محمد البشرى الخضر .. لانو مرات فى مواضيع ما بحب اخش اعلق عليها حفاظاً على شيبتى من مسح البلاط , بلقى محمد البشرى سبحان الله , طق ترق , البفكر فيهو هو البيكتبو .
* ابوبكر عباس .. بحب هرجلتو , الهرجلة نوع من انواع التمرد , زيها زى صرعة الهيبس , زيها زى نمط حياة الغجر (الحلب) .
* الكتابة الساخرة دايماً بتلفتنى , وبحب ما يجلب المرح .
* حاجة قبل اخيرة ما عندها علاقة بالبوست , بقرأ الايام دى بنهم عن تاريخ الاقباط فى السودان , مثلاً مُعانتهم فى حقبة " التعايشى " , فيها كلام بيخلينى اضحك رغم ان الكاتب بيكون جاد والكتاب بيكون جاد اكتر منه .
* حاجة قبل اخيرة , مار جرجس , ايقونة مسيحية باهرة , كان اشد الناس عداوة للدين المسيحى , ثم اصبح من اهم شهداء نفس الدين , عشان كده فى صيدليات كتيرة ومستوصفات بتاعت اقباط بتكون باسم مار جرجس .
* حاجة اخيرة , انا بحب كتابتك جداً يا ابوبكر , بحب تمردك , بحب سخريتك من نفسك ومن الاخرين , كارتون ساخر بالقلم بدون ريشة , المجتمعات المتزمتة بتكره السخرية , عشان كده واحد زى " ناجى العلى " كان العدو رقم واحد قبل الاسرائليين لسماسرة النضال فى منظمة التحرير الفلسطينية .
|
Post: #70
Title: Re: رسالة لأبي جودّة أو ملاسي
Author: محمد البشرى الخضر
Date: 12-03-2016, 06:20 PM
Parent: #69
إحراج شديد يا بكّور .. أضطريت اسعين بقوقل عشان اعرف عن سهيل بن عمرو, لقيتو هو الثبّت قريش على الإسلام و اثناهم عن الردة بعد وفاة النبي عليه الصلاة و السلام!
هههه انت يا زول ماخد قصة رسول الاستنارة دي بحرفيتها خلّي بالك
يا شاهين يا شاهين, الليلة كبّرت لي راسي كبّير جد! دا شرف كبير والله كونو تتوافق افكاري مع فنّان ومبدع وقبل هذا وذاك انسان باذخ الإنسانية ومتصالح معها مثلك
|
Post: #72
Title: Re: رسالة لأبي جودّة أو ملاسي
Author: muntasir
Date: 12-03-2016, 06:27 PM
Parent: #70
يا ودالبشرى يعني هسع بتوصيني أقوقل ابو جهل ده عشان أشوفه هبب شنو أما بخصوص مدح شاهين لك فحقوا تعتزل لأنه ما عندك طريقة صعود أكتر من كده و
|
Post: #71
Title: Re: رسالة لأبي جودّة أو ملاسي
Author: حيدر حسن ميرغني
Date: 12-03-2016, 06:27 PM
Parent: #69
ياسلام ياشاهين على الشهادة المجيهة دي
-
معاوية
ياسلام ياشاهين على الشهادة المجيهة دي
-
معاوية ياصاحب
ملاسي مامضمون :))
عشان كده كتر وكتر
لاعندو سبت لا أحد تقدموا
كله عنده صابون :))
|
Post: #73
Title: Re: رسالة لأبي جودّة أو ملاسي
Author: أبوبكر عباس
Date: 12-03-2016, 06:54 PM
Parent: #71
تعليقو يا معاوية القال فيهو:
"ما في زول حاول يلفت انتباهي ليهو أكتر من وضاحة إلا معاوية الزبير"
كان قمة المتعة
هسع منتظرو يجي يسخر مني، لكنو ما ببرد ليك بطنك
المهم، اتا ما بخليك ما بخليك
|
Post: #74
Title: Re: رسالة لأبي جودّة أو ملاسي
Author: أبوبكر عباس
Date: 12-03-2016, 07:07 PM
Parent: #73
إتّا يا معاوية الزبير، النزعة الدينية الجاتك الأيام دي، سببها الحادث؟ ولَ قبل الحادث؟
شايفك كمان مسكت صكوك الغفران ورافض تدي ملاسي واحد بحجة:
It is too late
غايتو الله لو كان فعلا مهتم بالأرض، كان قال ليكم:
ما داير
|
Post: #75
Title: Re: رسالة لأبي جودّة أو ملاسي
Author: أبوبكر عباس
Date: 12-03-2016, 07:11 PM
Parent: #74
العظيم شاهين
يا أخي، لو كان ختيتني في الترتيب قبل ود البشرى دا، ما لو؟
|
Post: #76
Title: Re: رسالة لأبي جودّة أو ملاسي
Author: يحي قباني
Date: 12-03-2016, 07:21 PM
Parent: #75
العظيم شاهين
يا أخي، لو كان ختيتني في الترتيب قبل ود البشرى دا، ما لو؟
|
Post: #77
Title: Re: رسالة لأبي جودّة أو ملاسي
Author: معاوية المدير
Date: 12-03-2016, 11:39 PM
Parent: #76
(ود المدير ابو لهب)
ههههههههههههههههههههههههههه،
والله العظيم رغم إني ممغوص منّك بالجد بالجد، ؤ لو طالعتني الخلا أخليك ما يفرزوك
من السحالي الهايمة في نواحيه، لكن قُدر ما مسكت نفسي ؤ قُلت ما أضحك في كلآم
الزول السغيل دا إنفجرت، ايّ وحات الله.
لكن صاحبي جلآلدونا دا ما كان تديهو رُتبة حتي لو كان شيبوب صاحب عنترة.
نرجع لي مشاكلنا...
|
Post: #78
Title: Re: رسالة لأبي جودّة أو ملاسي
Author: أحمد محمد عمر
Date: 12-04-2016, 04:36 AM
Parent: #77
الراجل مدحك يا منتصر
Quote: شوف عزة عمرو بن هشام لمان قال لإبن مسعود:
"لقد ارتقيت مرتقىً صعبا يا رويعي الغنم"
عليك الله، موش يشهيك في الكفر |
|
Post: #79
Title: Re: رسالة لأبي جودّة أو ملاسي
Author: معاوية الزبير
Date: 12-04-2016, 05:21 AM
Parent: #78
(تعليقو يا معاوية القال فيهو: "ما في زول حاول يلفت انتباهي ليهو أكتر من وضاحة إلا معاوية الزبير" كان قمة المتعة)
أوسكار طبعا ومعشرق لي في حلقي من شدة حلاوتو
أنا لا أنكر تجليات ملاسي في الكتابة أحيانا،ىمثلما لا أنكرها لحسين خوجلي. اللهم عِز المعارضة بأحد الحسينين
|
Post: #80
Title: Re: رسالة لأبي جودّة أو ملاسي
Author: محمد عبد الله الحسين
Date: 12-04-2016, 05:42 AM
Parent: #79
و الله يا جماعة من أمس متابع بكل استمتاع الحوار الفي هذا البوست.
أولا الحوار ممتع لأنه مشوّق زي الفيلم أو المسلسل الممتع. فهو يتراوح ما بين العداوة الظاهرة
إلى الملاطفة و من الهجوم إلى التهدئة و.
و شنو محور النقاش أو محرك النقاش( البطل يعني) شخص محوري واحد محرك لكل هذا النقاش
و لكل هذه المشاعر المتنافرة و المتغيّرة.
بعدين الحوار فيه إحالات متعددة و فيه تشبيهات كثيرة (شيء أو لهب و شيء رويعي الغنم) يعني
رغم الكفوف و الزعل و الرفس لكن بالبوست بيحتوي على كمية كبيرة من الدسامة.
و في الأخير شكله المسلسل حينتهي بنهاية سعيدة و لا في زول زعلان و لا في زول ماخد من التاني و الربحان منو؟
مش البطل بس ( طبعا هو ربحان)...لكن كلنا ربحانين ...المشاركين بالكتابة و القراء و المتابعين و المناصرين و المخالفين .
بوست سوداني كامل النقاش و الفائدة و الدفس و الرفس و المعارضة و المشاكسة( اوع تفتكروها شتيمة أو منقصة..... بالعكس)
بعدين أعجبتني ردود أبوجودة بقلمه الفخم و عباراته الودودة رغم العواصف و الغيوم.
احترامي لكم جميعا و إعجابي
|
Post: #81
Title: Re: رسالة لأبي جودّة أو ملاسي
Author: احمد التجانى احمد
Date: 12-04-2016, 06:55 AM
Parent: #80
يا ابكر اكتسابك لعداوات المعاويتين بيرجح انك تتارجح بين التشيع و الفكر الجمهورى والتارجح دة مؤشره انه فى معاوية اخر لا يكن لك العداوة بل يبذل لك المودة والتلميع
قراية بوستاتك قاعد تخربها لينا بعوارات كدة ما فى ليها اى داعى زى لو الله بيهتم بالارض او نحو ذلك , قاعد تكلفنا استغفار لا ايدنا لا كراعنا
يا طوربيد ياخ ابكر دة اصلو ما ح تستفيد من عداوته حاجة , ركز مع الحرامية وبعدين حلتهم قريبه من حجر الطيور حقتكم دى يعنى كلكم ربنا ابتلانا بيكم
|
Post: #82
Title: Re: رسالة لأبي جودّة أو ملاسي
Author: عبدالحفيظ ابوسن
Date: 12-04-2016, 07:37 AM
Parent: #81
البوست دة ما فرزت راسو من قعرو
شكلي واحد من اتنين
يا امتان فقدت روح المروح
ولا بقيت بليد
لفت انتباهي ردين
علي دفع الله وقريت ردو كقدح مرير
وشاهين واشارتو لناجي العلي كمقارنة بعيدة كل البعد
|
Post: #83
Title: Re: رسالة لأبي جودّة أو ملاسي
Author: عباس الدسيس
Date: 12-04-2016, 07:40 AM
Parent: #81
لا بد تفرض نفسك عليها من البوس
.............................................................
امسك في الاخيره زولة معوده علي التشطيف اطلع بيها درجة فوق بتلقي ليك ضفحة كاملة
|
Post: #84
Title: Re: رسالة لأبي جودّة أو ملاسي
Author: أبوبكر عباس
Date: 12-05-2016, 00:46 AM
Parent: #83
مروان حامد الرشيد يا أحمد التيجاني، استفاد من ثقافة الاسماء الاسلامية في روايته الرائعة "مندكورو"
جعل الخير عند الأخ اليساري واسماهو علي
الشر عند الكوز الشقيق الآخر واسماعو معاوية
والدة الشقيقين قالت عن أولادها:
"علي عمرو ما ممكن يكون معاوية، لكن مُعاوية ممكن يبقى شيء من علي"
ونطقت مُعاوية بنطق سليم اظهرت فيه الضم الواضح للميم
|
Post: #85
Title: Re: رسالة لأبي جودّة أو ملاسي
Author: أبوبكر عباس
Date: 12-05-2016, 00:56 AM
Parent: #84
يا محمد عبد الله الحسن، شكرا على المتابعة اللطيفة
أنا طبعا بحب الناس البشكروني حب شديد
|
Post: #86
Title: Re: رسالة لأبي جودّة أو ملاسي
Author: معاوية المدير
Date: 12-05-2016, 02:55 AM
Parent: #85
Quote:
مروان حامد الرشيد يا أحمد التيجاني، استفاد من ثقافة الاسماء الاسلامية في روايته الرائعة "مندكورو"
جعل الخير عند الأخ اليساري واسماهو علي
الشر عند الكوز الشقيق الآخر واسماعو معاوية
والدة الشقيقين قالت عن أولادها:
"علي عمرو ما ممكن يكون معاوية، لكن مُعاوية ممكن يبقى شيء من علي"
ونطقت مُعاوية بنطق سليم اظهرت فيه الضم الواضح للميم |
قصدك مُعاوية الزبير، مُش...
|
Post: #87
Title: Re: رسالة لأبي جودّة أو ملاسي
Author: معاوية عبيد الصائم
Date: 12-05-2016, 03:02 AM
Parent: #86
ي مشبوه سياسيا تعال منسل وكلم عزيزى القارى فى الجامعة كنت شنو ؟ قصدى موقفك السياسى
|
Post: #88
Title: Re: رسالة لأبي جودّة أو ملاسي
Author: معاوية عبيد الصائم
Date: 12-05-2016, 03:06 AM
Parent: #87
يا طوربيد ياخ ابكر دة اصلو ما ح تستفيد من عداوته حاجة , ركز مع الحرامية وبعدين حلتهم قريبه من حجر الطيور حقتكم دى يعنى كلكم ربنا ابتلانا بيكم
......................................................................
باهندسة ام الطيور غرب اتبرا وليس حجر الطير..لمزيد من التفاصيل اعزمنى فطور وغداء شان اشر ح ليك ياخ..والشرح كان طول ممكن نفكر فى العشاء ...مشتاااقون ي رجل
|
Post: #89
Title: Re: رسالة لأبي جودّة أو ملاسي
Author: احمد التجانى احمد
Date: 12-05-2016, 06:11 AM
Parent: #88
يا طوربيد لنا الشرف والله فى الاجتماع معاك فى اى صينية ان شاء الله صينية القندول بس ارخى لينا ابكر دة شويه والله فى الجامعة ما كان اى حاجة بس كان مستمع جيد لاركان النقاش
تكون السخته دى جاته بعد اتشابهوا عليه المعاويات
|
Post: #90
Title: Re: رسالة لأبي جودّة أو ملاسي
Author: أبوبكر عباس
Date: 12-05-2016, 08:47 AM
Parent: #89
يا أحمد، خلينا ندقل بيهو مع جلال وود الناظر
لو ما اتعلم الاقتباس، بمسح مداخلاتو
اتا يا معاوية، قريت الثانوي وين؟
نحن برضو عندنا معارف بالأمن، دايرين نتحرى عنك
التعديل: اضافة جملة التحري
|
Post: #91
Title: Re: رسالة لأبي جودّة أو ملاسي
Author: Hussein Mallasi
Date: 12-05-2016, 08:57 AM
Parent: #90
إقناع عثمان هين.. ولكن يلزمني الإقتناع أولاً!
|
Post: #92
Title: Re: رسالة لأبي جودّة أو ملاسي
Author: محمد عبد الله الامين
Date: 12-05-2016, 08:58 AM
Parent: #90
يا بكا اكان بعدتا لينا من معتقداتنا دي
اكتب ان شاء الله في السوداني جوار التأملات الملاسيه
هم البكتبو في العمدان ديل احسن منك بشنووو ...
ثم يا طوربيد المستنير ده بحب الشو فما تشهرو اكتر من كده (:
|
Post: #93
Title: Re: رسالة لأبي جودّة أو ملاسي
Author: أبوبكر عباس
Date: 12-05-2016, 09:16 AM
Parent: #92
كبداية، تكفينا ها الطلّة يا ملاسي.
معاوية الزبير ووضاحة يزحوا ليهم سنين ما لقوا زي الطلة دي!
|
Post: #95
Title: Re: رسالة لأبي جودّة أو ملاسي
Author: أبوبكر عباس
Date: 12-05-2016, 09:21 AM
Parent: #93
تصدق يا محمد عبد الله، أي مداخلة ليهو جديدة ح أمسحها
البوست غير فيهو شاهين جاهو ملاسي
يعني بوست بتاع كبار وكدا
|
Post: #94
Title: Re: رسالة لأبي جودّة أو ملاسي
Author: طلحة عبدالله
Date: 12-05-2016, 09:20 AM
Parent: #92
ههههههههههههههههه
بوست يدخل ليهو أبوجودة وملاسي ومعاوية الزبير
وقبل كدا تقريبا والله أعلم ان لم تخني الذاكرة رد عليك فخامة
وحش الأسافير كبر هيم سيلف
والله العظيم بديت أصدق انك ما بطال ..
اتا بالكتير يدخل ليك جرجير الفوق دا عشان يكتب ليك خمستاشر
ستاشر سطر ما يقول فيهن أية حاجة.. وترد ليهو انت بلا أية حاجة
وعلي كدا يستمر بينكم الهرجي والمرجي والمط والجر.
ما باقي لينا إلا نعتذر عن الإستمرار في الملجة دي .
|
Post: #96
Title: Re: رسالة لأبي جودّة أو ملاسي
Author: أبوبكر عباس
Date: 12-05-2016, 09:25 AM
Parent: #94
بخلي ليك المداخلة دي يا صحفي اللعب، أي مداخلة زيادة بوديها ميدان عقرب
قلنا بوست بتاع كبار يا صحفي دوري الليق
|
Post: #97
Title: Re: رسالة لأبي جودّة أو ملاسي
Author: معاوية المدير
Date: 12-05-2016, 09:29 AM
Parent: #94
Quote:
إقناع عثمان هين.. ولكن يلزمني الإقتناع أولاً! |
|
Post: #98
Title: Re: رسالة لأبي جودّة أو ملاسي
Author: حيدر حسن ميرغني
Date: 12-05-2016, 09:29 AM
Parent: #94
(يلزمني الإقتناع أولاً)
الإقتناع ده اوعا يكون مرهون بقيد صحفي كمان ياحسين
بكرة نطلَعوا ليهو
|
Post: #99
Title: Re: رسالة لأبي جودّة أو ملاسي
Author: علي دفع الله
Date: 12-05-2016, 09:39 AM
Parent: #98
| Quote: يلزمني الأقتناع اولا |
هههههههههه هيكل دا😂😂😂
|
Post: #109
Title: Re: رسالة لأبي جودّة أو ملاسي
Author: Elmoiz Abunura
Date: 12-06-2016, 01:42 AM
Parent: #69
سلامات ابوبكر و زوار خيطه
ياشاهين ياصديق مافى اى مقارنة بين الشهيد ناجى العلى الممكن يعرض نفسه للقتل فى اى لحظة من جراء مواقفه و ريشته وابوبكر . وفعلا تم اغتيال ناجى العلى فقد كان يحمل كفنه فى ريشته
مع ودى
|
Post: #100
Title: Re: رسالة لأبي جودّة أو ملاسي
Author: محمد أبوجودة
Date: 12-05-2016, 02:09 PM
Parent: #1
بالإذن، يا أبا بكــر مستنير،
كل التحايا والتقدير، للعزيزَيْن طلحــة عبدالله و محمد عبدالله الحســين،
وأرجو أن أكون عند حُسن ظنّكما الخيــِّر..
كما لا يفوتني، أن أحيي أخانا قسم الفضيل، بتاع كابتن ماجد، كأيلولة يرفعها بسبّابته
في كل حَدْرة..! لييييه ما عارف (ههه)
.....................
والله عاد يا مُستنير، بوستاتك بقت جامع)ـــة؛ وما فضـلّك إلّا ( لو عايز تغيزُم، تعال واضرب البوووري يا ناس).
|
Post: #101
Title: Re: رسالة لأبي جودّة أو ملاسي
Author: أبوبكر عباس
Date: 12-05-2016, 02:57 PM
Parent: #100
نموذج لإقناع ملاسي:
كدي يا حسين، شيل النموذج دا وأديهو لعثمان وشوف رأيو شنو.
أخترتو ليك عشان فيهو سخرية من الشيوعيين وإتّا ما بتريدم
"النبيذ الأحمر:
أجمل عشا يعزموك ليهو؛ يكون صاحب الدعوة شيوعي مقندل وراقي ويكون متزوج من أم درمان (ما ضروري هو من وين) وتكون معزوم مع شخصية معروفة. وكدي إتخيلو معاي العيزومة دي في دبي:
- بت أم درمان بترتب العشاء جيهه شديدة.
- اللحوم بأنواعها.
- السلطات والمقبلات.
- الشوربات.
- كل أنواع المحاشي.
- التحالي.
- الشوك و الملاعق والسكاكين ذهبية.
- كاسات النبيذ الأحمر -الرسلوا جابوهو من البراكودا في أم القوين- لا لون لها وذهبية الحواف.
- مكعبات التلج مع البتاع البشيلو بيهو التلج داك للداير الوسكي.
سيد البيت اللابس ترينق أبيض مع بجامة عنابية بطلب من الضيف المشهور التقدم نحو السفرة،
بدأ العشا وفي واحدة سريلانكية مخصصة لمتابعة مستوى النبيذ في الكاسات,
العشا أخد ليهو زي تلاتة *ساعات ونص، الضيف وسيد البيت بتكلموا عن لوحة تشكيلية معلقة في الصالون
أنا مشاركتي كانت بس كلمة ثانكس (شكرا) للسريلانكية لمان تتم لي الكاس!
يا أخي، الناس ديل لمان الواحد يقطع ليهو قطعة لحم، ويلحقها بسلطة وشرفة نبيذ، ويواصل الكلام عن اللوحة بفم مليات باللخليط الأحمر، والله، يكسر ليك كل الإرث الإكتسبتو عن سوء الكلام أثناء الأكل!
مقارنة:
* مرة في العيلفون عزموني عرس جابو لينا صينية مليانة وكان معاي في الصينية حيران،
خمسة دقائق نشّفوا الصينية و فكّوا لي أصبعي لمان مديتو للضلعة!
شفتو النبيذ بهذب الناس كيف؟"
|
Post: #102
Title: Re: رسالة لأبي جودّة أو ملاسي
Author: قسم الفضيل مضوي محمد
Date: 12-05-2016, 03:36 PM
Parent: #101
نموذجك دا يا بكري بنفع لحقبة ما قبل 1983 ...
متخيل رد عثمان مرغني بعد قراءة (النص) الفوق دا يكون ...
please try again
_______
ا
|
Post: #103
Title: Re: رسالة لأبي جودّة أو ملاسي
Author: أبوبكر عباس
Date: 12-05-2016, 04:51 PM
Parent: #102
يا قيم، بس ألقى الفرصة في التيار، شوف بعد شهرين ما أبقى نجم الشباك رقم واحد
وبعد رفع قيمة الجريدة؛ العداد بزيد، سنة سنتين ببني لي بيت في الصافية.
لاحظ لنجوميتي هنا، ٧٦٪ من الناس بتجي هنا عشان تقرأ كتاباتي
الله عرفوهو وما عرفوهو بالعقل!
بس كيف ألقى الفرصة؟
|
Post: #104
Title: Re: رسالة لأبي جودّة أو ملاسي
Author: Ahmed Yassin
Date: 12-05-2016, 06:52 PM
Parent: #103
ابوبكر عباس وشركاه
هسي وشركاه دي ما احسن ليك من الاستصحاف وسهر الليالي وشرب السجاير ومباراة سهير
وماعارف منو شاش ديك ....
لكن انت الظاهر عليك من جماعة الصيت ولا الغنى
من ناحية اخرى بصراحة كدة لو على المهارات الفردية لامتلاك عمود ساخر انت المعدل عندك مرتفع
|
Post: #105
Title: Re: رسالة لأبي جودّة أو ملاسي
Author: Ahmed Yassin
Date: 12-05-2016, 06:52 PM
Parent: #103
عموما ابوجودة او ملاسي فيهم الخير وزيد عليهم واحد اسمه احمد صلاح كنوز
اها دا قاعد جنب سهير الشهيرة بى سوسو
|
Post: #106
Title: Re: رسالة لأبي جودّة أو ملاسي
Author: معتصم الطاهر
Date: 12-05-2016, 07:10 PM
Parent: #105
أسع "ارتقيت" دى تتقال لى منو ؟
|
Post: #107
Title: Re: رسالة لأبي جودّة أو ملاسي
Author: Khalid Basheer
Date: 12-05-2016, 08:14 PM
Parent: #106
بل يلزمك وصل همزته أولاً.
|
Post: #108
Title: Re: رسالة لأبي جودّة أو ملاسي
Author: يحي قباني
Date: 12-05-2016, 11:42 PM
Parent: #101
Quote: ويلحقها بسلطة وشرفة نبيذ، ، ويواصل الكلام عن اللوحة بفم مليات باللخليط الأحمر، والله، يكسر ليك كل الإرث الإكتسبتو عن سوء الكلام أثناء الأكل!
______________________________________________________________________________________________________________
شــرفة نبيذ عديل كده ؟ و الله ياها الشرفة ... :)
بعدين الشفقة شنو ... ما تنقح الكتابة الداير تخش بيها الامتحان دي !!!
فضحتنا مع الأخوة الصحفيين ياخ ...
|
Post: #110
Title: Re: رسالة لأبي جودّة أو ملاسي
Author: حيدر حسن ميرغني
Date: 12-06-2016, 02:29 AM
Parent: #108
ود قباني وود الطاهر
دي مسؤولية المدقق اللغوي.. يصححها :))
باصوها ياخ
-
بوش مرة اضاف علامة الجمع "S" ل children ولا حصل ليهو اي شيء :)
بل إرتشف نبيذه وواصل ..
|
Post: #111
Title: Re: رسالة لأبي جودّة أو ملاسي
Author: يحي قباني
Date: 12-06-2016, 02:53 AM
Parent: #110
بعدين يا حيدر انت صدقت حكاية النبيذ دي ؟
النبيذ ما جا بي جنبوا و لا بعرفوا
علي اليمين مدنيهو دي غير عرقي دليب ما تلقي حاجة تشربها
|
Post: #112
Title: Re: رسالة لأبي جودّة أو ملاسي
Author: أبوبكر عباس
Date: 12-06-2016, 02:53 AM
Parent: #110
مطبقين يا حيدر برنامج بتاع جودة غذائية صارم.
زميلي المعاي دقيق لا يفوته شيء وبحب يجيب مية من مية
لمان يجينا المدقق الخارجي بحنس زميلي عشان نسيب حاجات صغيرة يلقاها المدقق ويكتبها كملاحظات.
لازم تريح المدقق أو قول المشارك يلقى ليهو حاجة غلط
هسع قباني بكون إرتاح
هو كيشة ما لاحظ التعديل العملتو في النص نتيجة ملاحظتو القديمة بتاعت:
النبيذ يشرب فاترا ولا يوضع به ثلجا
|
Post: #113
Title: Re: رسالة لأبي جودّة أو ملاسي
Author: أبوبكر عباس
Date: 12-06-2016, 03:12 AM
Parent: #112
القال ليكم منو يا أبا نورة وأبسن أنو أنا أقل شجاعة عن ناجي العلي؟
إتوا مفتكرين انو القتل لازم يكون بالبندقية؟
الكلام البقول فيهو هنا مفتكرنو هين؟
السخرية ممكن تكلفني حياتي الإجتماعية كاملة
كل يوم بجي وخاصة أيام الفيس بوك وبتخيل زول غاضب ألف ليهو قصة
زول زي معاوية الصائم دا، تنقدو نقد لازع زي العملتو ليهو في بوست جادات
كل ما أجي المنتدى بجي شايل كفني
ممكن يألف فيك أي قصة يتضرر منها من حولي
الكتابة الساخرة الجادة في المنتدى قايلنها هينة؟
يا هو نقدكم الخجول دا
حتى وانتو دايرين تقول الفرق بين أبوبكر وناجي فرق السما من الأرض
قلتوهو بصورة خجولة خوفا على مشاعري
أها أنا لو في محلكم كنت قلتو بجلافة وحضرت دفاعي.
|
Post: #115
Title: Re: رسالة لأبي جودّة أو ملاسي
Author: محمد البشرى الخضر
Date: 12-06-2016, 05:14 AM
Parent: #113
ناجي العلي!! ههههههه
بطّل دراما وحركات يا بكّور ياخ
ثم ما في داعي للخوف, أسخر سخريتك و اتظارف ظرافتك ساي الحبّة ما بتجيك - اللهم إلاّ كان رد أسخف أو أكثر سخرية عليك
قصة التخويف ومحاولات كسر العين بالكذب و الإفتراء و التعدّي الشخصي انتهت زماااان.
و بالطبع الفضل في ذلك من بعد الله يرجع لمجاهدات و صمود الآباء الاوائل
|
Post: #116
Title: Re: رسالة لأبي جودّة أو ملاسي
Author: Elmoiz Abunura
Date: 12-06-2016, 05:19 AM
Parent: #113
الاخ ابوبكر
انا لا امارس السباب والشتائم فى هذا المنبر او غيره. وانت لست عدو لى لانتقدك بعنف او بفظاظه. الارضيه المشتركه بيننا موجوده.
لا اعتقد انك تملك شجاعة ناجى العلى وذكرت ذلك بالشكل المقنع لشخصى. لا اظن ان فقدانك لبعض العلاقات الاجتماعيه من جراء كتاباتك يوازى الخوف والرعب اليومى لانسان على حياته من جراء كتابته او رسومه والتهديد بالاغتيال مثل الذى حدث لناجى العلى, وغسان كنفانى مثلا.
انت تعلم ان هجوم معاويه او صلاح عليك ليس مؤثر فهما ليس اصدقائك ولا يشكلان خطرا عليك فالمقارنه مفقوده بينك وبين الشهيد ناجى العلى. لذلك فاشارة العزيز شاهين هى مبالغه
مع ودى وتقديرى
|
Post: #117
Title: Re: رسالة لأبي جودّة أو ملاسي
Author: أبوبكر عباس
Date: 12-06-2016, 06:50 AM
Parent: #116
هي يا ود البشرى، محاولة مني لرفع الرهان، شاهين ضرب مثل تمثيلي ولا يقصد أن يضعني في مكانة واحدة مع ناجي العلي.
أعرف جيدا أنني لا أستطيع الكتابة هنا، لن يسمحوا لي بالكتابة
أعرف من اتفقوا تلفونيا لمتابعتي عبر البوستات، هزي للمسلمات الدينية أعتبره نضال لا يقل عن نضال ناجي العلي.
هذه الجراءة على المسلمات تفقدك الكثير وهي نضال حقيقي
|
Post: #118
Title: Re: رسالة لأبي جودّة أو ملاسي
Author: عليش الريدة
Date: 12-06-2016, 07:38 AM
Parent: #117
و بالطبع الفضل في ذلك من بعد الله يرجع لمجاهدات و صمود الآباء الاوائل
ــــــــــــــــــــــــــــــــــــــــــــــــــــــــــــــــــــــــ
ياكيشة ، شكلتك دي مافهمتا...
أعرف من اتفقوا تلفونيا لمتابعتي عبر البوستات،
ـــــــــــــــــــــــــــــــــــــــــــــــــــــــــــ
وأنا من زمان عارفك غواصة،لكن قايلك (ق)واصة أدبية..
يعني قايلك بتاع فوفوة ساكت..
أتاريك لابدلك فوق شيتا كتر
|
Post: #119
Title: Re: رسالة لأبي جودّة أو ملاسي
Author: وضاح عبدالرحمن جابر
Date: 12-06-2016, 07:38 AM
Parent: #117
أعرف جيدا أنني لا أستطيع الكتابة هنا، لن يسمحوا لي بالكتابة
أعرف من اتفقوا تلفونيا لمتابعتي عبر البوستات،
غايتو ده طريق لو خشيتو .. الرجوع منو صعب
|
Post: #120
Title: Re: رسالة لأبي جودّة أو ملاسي
Author: عليش الريدة
Date: 12-06-2016, 08:15 AM
Parent: #119
ماكنت دار أعدل ،لكن خفت ود البشرى يقرا غلط...
الصحيح شكلك بدلا من شكلتك ...عليه الخطاب موجه للمستنير وليس لود البشرى..
أيضا في قوسين حول فوفوة يعني المرجع منظمة الفاو...
*المحهود البنستخرمو فى التضحيح فى العنبر اكتز مب محهود المداخرة نفشها
|
Post: #121
Title: Re: رسالة لأبي جودّة أو ملاسي
Author: معاوية المدير
Date: 12-06-2016, 08:40 AM
Parent: #120
Quote: الكتابة الساخرة الجادة في المنتدى قايلنها هينة؟
يا هو نقدكم الخجول دا |
ها ها ها،
دي بتاعة جادات طبعاً.
يا حبيبي في فرق بين الكتابة الساخرة والكتابة السخيفة ومطاردة الناس حتي يضطر
بعضهم لترك المنبر. اوّع تكون مفتكر البتعمل فيهو دا كتابة ساخرة !، يا سيدي دا
إسفاف وسخف في مقدور ايّ صاحب باسويرد يمارسوا كان ماك عارف أعرف...
|
Post: #122
Title: Re: رسالة لأبي جودّة أو ملاسي
Author: معاوية المدير
Date: 12-06-2016, 09:29 AM
Parent: #121
Quote:
أعرف جيدا أنني لا أستطيع الكتابة هنا، لن يسمحوا لي بالكتابة
أعرف من اتفقوا تلفونيا لمتابعتي عبر البوستات، هزي للمسلمات
الدينية أعتبره نضال لا يقل عن نضال ناجي العلي. |
هههههههههههههه،
كيف ما نسمح ليك بالكتابة ؟، أها أكتِب شوّف كان زول يقولك عينك في راسك، ؤ ناضل يا
علي عبد اللطيف، لكن واضح جداً إنّك عِرفت إنّو السخف ما صعب ؤ ممكن ايّ زول
يمارسوا ؤ ممكن ببساطة شديدة جداً ممارستو تطفش الزول من المنبر زاتو، بالزآت لآمِن
يكون مصحوب بأُسلوب المطاردة ورصد الناس.
تعرف جيداً اللِتفقوا لمطاردتك !، عرفت من وين يا النجيّض يا وِلآدة النجاض ؟، إنت قايل
نفسك أرسيّن لوبين !، ما قلتها ليك أنا بالتلفون ؤ وريتك عملناها ليك مخصوص عشان تبطّل
السخف ؤ ترجع لكتابتك الجميلة البديت بيها ؤ تترك تقمُص شخصية المستنير الخصمت
كتير من موهبتك. هسّع بتجي تقول أعرف جيداً اللِتفقوا علي بالتلفون !، يعني عايز تعملك
ظيّطة ؤ ظمبريطة في الفارغة، ؤ يا مستنير ورينا، ؤ لا ما بوريكم !؟، ؤ تعمل فيها إنّك
مُستهدف ؟!، عجيّب والله إنت !. أها، أنا القلتها ليك بالتلفون، ؤ بعد عِرِفت إنّوا أُسلوب
المطاردات سخيف ؤ بايخ بعد دا شوفلك شغلة سويها، ؤ ما تعمل فيها إنّك مُستهدف
عشان إنت بارع في الكتابة اللآذعة ولا عشان إنت العقاد، بس عشان قاعد تستهدف
الناس ؤ تعملهم سافوتة، ووالله العظيم يا مُستنير كان للسافوتة أوجه الباسويرد بتاعي
ليك فقطاً عشان تعرف طعم البتعملوا للناس...
|
Post: #123
Title: Re: رسالة لأبي جودّة أو ملاسي
Author: عمر دهب
Date: 12-06-2016, 09:45 AM
Parent: #122
يا ابوبكر اخوانا الماقدروا يحبوك لا يوم الليله
اكيد بكره بيحلفوبك محبه وكده والواحد فيهم
يقول وحاة ابوبكر صاحبى
بس اصبر
|
Post: #124
Title: Re: رسالة لأبي جودّة أو ملاسي
Author: معتصم الطاهر
Date: 12-08-2016, 07:16 AM
Parent: #121
Quote:
يا حبيبي في فرق بين الكتابة الساخرة والكتابة السخيفة |
تستطيع ان تختلف مع بابكر فى اشياء كثر
لكن سخف الكتابة ليست من صفاته ( أو قل جلُها) ..
|
Post: #125
Title: Re: رسالة لأبي جودّة أو ملاسي
Author: حيدر حسن ميرغني
Date: 12-08-2016, 07:29 AM
Parent: #124
صدقت ياباشمهندس
أبوبكر يجادل بسخرية مُغلَفة بمحبة بائنة ليس فيها تقليل شأن من يختلف مهعم
|
Post: #126
Title: Re: رسالة لأبي جودّة أو ملاسي
Author: معاوية المدير
Date: 12-08-2016, 07:36 AM
Parent: #125
Quote: تستطيع ان تختلف مع بابكر فى اشياء كثر
لكن سخف الكتابة ليست من صفاته ( أو قل جلُها) .. |
شكراً أخي معتصم.
أستطيع أن أأتلف مع بابكر في اشياء كثيرة،
لكن هذا لا يمنع أن كتابته التي إنتهجها بعد
تقمصه لشخصية المستنير لا تخلو من سخف...
|
|
|