تخيلوا ناس عارفين غضب الله ورسوله واقع عليهم وبعملوا في البعملوا فيه !!!!!!!! طيب يا بت الغبشاوي وقت غبشتوها علينا قدر دا لما الله ورسوله بحاربوا فيكم المقعداكم شنو ؟؟
Post: #2 Title: Re: يا خواني عائشة الغبشاوي دي نصيحة ؟؟؟؟؟؟ ص� Author: مني عمسيب Date: 12-01-2016, 09:06 AM Parent: #1
فعلآ غضب من الله والرسول واضيف لو سمحتي الشعب الحا ينفذ الاحكام عليكم ..
Post: #3 Title: Re: يا خواني عائشة الغبشاوي دي نصيحة ؟؟؟؟؟؟ ص� Author: HAIDER ALZAIN Date: 12-01-2016, 09:12 AM Parent: #2
سلامات الحبيبة بت عمسيب..
دي يا غلطة مطبعية يا عنوان إثارة يا نجرة
او وهو الأقرب للصحيح تكون الزولة دي شغالة بمكنة جمال الوالي بتاعت الله قال العارف عزو مستريــح!
لانو هل في زول عاقل بيقول الله والرسول بيحاربوا فيني؟
وطيب وقت الحرب العليك من الله والرسول انت منو.. الكيزان ديل ديل بقوا مستنيرين والا شنو ؛)
Post: #4 Title: Re: يا خواني عائشة الغبشاوي دي نصيحة ؟؟؟؟؟؟ ص� Author: مني عمسيب Date: 12-01-2016, 09:16 AM Parent: #3
صباح الرضا والنصر .. حبيبنا الكلس ود الزين .
وطيب وقت الحرب العليك من الله والرسول انت منو.. الكيزان ديل ديل بقوا مستنيرين والا شنو ؛) والله يا زينو قدر ما حاولت القي اجابة لي كلامك دا غلبني وعزاي الوحيد لا اندهاش في تصريحات الكيزان ..
وتسلم يا ود الزين .
Post: #5 Title: Re: يا خواني عائشة الغبشاوي دي نصيحة ؟؟؟؟؟؟ ص� Author: Abdalla Gaafar Date: 12-01-2016, 09:54 AM Parent: #1
بت عمسيب
يعني بت الغبشاوي مفتكرة الازمة الاقتصادية دي جزء من حرب الله ورسوله ... غايتو الكيزان ديل عندهم مقدرة علي التصريحات (والباسها لباس ديني) بي صورة تدهش ابليس زاتو
اها بس ما قالت الحل شنو عشان الحرب دي تقيف... بعدين جهجهونا ..حسبو بلكات قال انو ما حتجيهم عوجة لانهم فاتحين خط مع الله واسي بت الغبشاوي قالت غير كدا ... وسعاد الفاتح ما عارف قالت شنو والرئيس يقول العصيان فاشل مليون في المية (ماعارف جاب مليون في المية دي من فين) والمؤتمر الوطني يقول العصيان نفذوهو 10 في المية حقو بدا الجقلبة دي يشوفو طريقة مخارجة
Post: #6 Title: Re: يا خواني عائشة الغبشاوي دي نصيحة ؟؟؟؟؟؟ ص� Author: kamal omer Date: 12-01-2016, 09:59 AM Parent: #5
عائشة الغبشاوي دَرسَت في العديد من الجامعات و لعشرات السنين لها برامج و لقاءات تلفزيونية و إذاعية فما أظنها تقع في خطأ زي ده ------------------- كوزنتها و دعمها للنظام ده شيئ تاني
Post: #7 Title: Re: يا خواني عائشة الغبشاوي دي نصيحة ؟؟؟؟؟؟ ص� Author: مني عمسيب Date: 12-01-2016, 10:01 AM Parent: #6
صباح النصر .. يا جعفر ..
اها بس ما قالت الحل شنو عشان الحرب دي تقيف... ما عندها حل الحل عند الشعب هي صرحت بس ههههههه .
ولك الشكر ,,
Post: #8 Title: Re: يا خواني عائشة الغبشاوي دي نصيحة ؟؟؟؟؟؟ ص� Author: مني عمسيب Date: 12-01-2016, 10:07 AM Parent: #7
صباح النصر .. اخي كمال عمر ,,
عائشة الغبشاوي دَرسَت في العديد من الجامعات و لعشرات السنين لها برامج و لقاءات تلفزيونية و إذاعية فما أظنها تقع في خطأ زي ده ------------------- كوزنتها و دعمها للنظام ده شيئ تاني لو درست في جميع جامعات العالم القلم ما بزيل بلم حكومة معظمها دكاترة وبروفوسيرات اوصولنا بجهلهم و بلمهم لهذه المرحلة . بعدين انا ذاتي متابعة برامجها لم اري فيها غير المرأة البسيطة الساذجة التقليدية لدرجةالازعاج !!! حتي طريقة كلامها يخلو من الجازبية والطعم للمتابعة . بالمناسبة الكيزان اكدوا العلم عكسه الامية والوعي عكسه الجهل وفعلآ دا الحاصل .. انهم المتعلمون الجهلاء !
ولك الشكر اخي كمال .
Post: #9 Title: Re: يا خواني عائشة الغبشاوي دي نصيحة ؟؟؟؟؟؟ ص� Author: محمد مجيدو Date: 12-01-2016, 12:14 PM Parent: #1
منى ... سلام ..
عرفنا غضب الله .. ونعم بالله ... غضب الرسول دا كيفنو ...؟؟؟
عااالم بطااالـــــــــــــــــــة
Post: #10 Title: Re: يا خواني عائشة الغبشاوي دي نصيحة ؟؟؟؟؟؟ ص� Author: حسن ادم محمد العالم Date: 12-01-2016, 12:29 PM Parent: #9
الجسورة بت عمسيب تحياتي شكلها بت الغيشاوي لسع مركبة مكنة المشروع الحضاري وكمان دكتورة دي محن اخر الزمن علي حد قول امي رحمة الله عليها
Post: #11 Title: Re: يا خواني عائشة الغبشاوي دي نصيحة ؟؟؟؟؟؟ ص� Author: منتصر عبد الباسط Date: 12-01-2016, 01:12 PM
دي حرب من الكيزان على الله ورسوله وعلى أمة الله ورسوله نظام شمولي وعامل برلمانيين بالآلاف !! في المركز والولايات 18 ولاية وعشرات المحافظات وترهل وصرف ومص دم ....وفساد إداري .... والله سبحانه وتعالى سمى المفسدين محارين لله ورسوله (إنما جزاء الذين يحاربون الله ورسوله ويسعون في الأرض فسادا)
Post: #12 Title: Re: يا خواني عائشة الغبشاوي دي نصيحة ؟؟؟؟؟؟ ص� Author: سيف النصر محي الدين Date: 12-01-2016, 02:16 PM Parent: #11
درست و درست في عشرات الجامعات و هسه خرفت و مقدراتها العقلية تراجعت و كمان يحركها الغرض و يعميها الغضب عشان كده تغلط الف مرة و ما تعرف الفرق بين حرب من الله و رسوله و حرب على الله و رسوله عليها لعنة الله و رسوله. ______________________________ سلامات يا منى.
Post: #13 Title: Re: يا خواني عائشة الغبشاوي دي نصيحة ؟؟؟؟؟؟ ص� Author: عماد الدين الطيب عمر Date: 12-01-2016, 03:00 PM Parent: #1
انا من زمااااان قلت المراء عندها فيوز ضارب أو سلك عريان يا بت عمسيب يمكن تكون البرمجة بتاعتها اتغيرت
طيب يعني اشي المليشيات الوصل الخرطوم و الجماعة البدربوهم في المدارس الثانوية دي تجهيز للحرب دي و لا شنو !!! قالت حرب من الله و رسوله يا سجمانة يا رمدانة وقت الله و رسوله بحاربوا فيكم القاعدين ليها شنو قلعكم البلاء ...
Post: #14 Title: Re: يا خواني عائشة الغبشاوي دي نصيحة ؟؟؟؟؟؟ ص� Author: د. بشار صقر Date: 12-01-2016, 07:03 PM Parent: #13
الكنداكة بت عمسيب الجماعة وصلوا مرحلة الهضربة
الله و الرسول البحاربوا فيهم ان شاء الله يسقطوا حجرهم.......
******************************** العصيان ضد الطغيان
Post: #15 Title: Re: يا خواني عائشة الغبشاوي دي نصيحة ؟؟؟؟؟؟ ص� Author: فردوس جامع Date: 12-01-2016, 07:30 PM Parent: #14
كوميديا و تحف كيزانية نادرة ! تستاهل تتجمع في كتاب مع الدفاع بالنظر , لحس الكوع و الهوت دوق و باقي الإبداعات ههههه! أو كتاب كاركتيري و فيه الشخوص ديل بإبداعاتهم دي.
امبارح جيت في البوست دا كتبت لي رد .. جاني تلفون مهم مشيت عليهو وجيت والرد ضاع قبل ما أرسله
هي الدكتورة عائشة الغبشاوي لسع في غباشيتها القديمة !؟
طبعا هي إحدى أمثلة الخطاب الديني الممجوج .. ولي معها قصة في ثمانينيات القرن المنصرم (أمسكوا الخشب كنا في حينها شباب صغار) ما تقولوا الزول دا من الزمن داك ؟!
المهم أتت إلى مصر في عهد الديمقراطية الثانية طبعا للمشاركة في الأسبوع الثقافي للطلاب السودانيين بجمهورية مصر العربية حينها
وكانت تقام الندوات .. الغريب في الأمر كان عنوان الندوة التي يجب أن تقدمها الغبشاوي __ الوضع السياسي الراهن __ ولكن بقدرة قادر تحولت إلى موضوع آخر ليس له علاقة بالوضع السياسي الراهن حينها
تحدثت الغبشاوي عن عمل المرأة
وكان حديثها بصراحة ربنا (كما يقول المصريين) ما يصلش لمستوى سمعتها وتأهيلها الأكاديمي الذي يملأ الآفاق حينها ومن قبل حينها منذ أن كانت إحدى كوادر الأخوان المسلمين في الجامعات
المهم تحدثت بأن المرأة يجب أن تدرس مجالات محددة ويجب أن لا تدرس هندسة وطب .. وضربت مثالاً بأنها إذا رأت الدماء في غرفة العمليات يغمى عليها (هذا عن نفسها طبعا) ولذلك تبرر بهذا المثال عدم تناسب الطب كمهنة مع طبيعة المرأة وكذلك وصفت الهندسة بأنها خشنة أو بما يوحي بذلك .. وأخيراً أمنت على سلك التعليم (يعني تخيلوا فات على بالها إنه ممكن الطبيب والمهندس يكون أكاديمي ويمارس التدريس في الجامعات ويمكن له أو لها كإمرأة أن تكتفي بذلك دون الممارسة الميدانية للمهنة) وطبعاً كان إستشهادها على ذلك بنص حديث أو كما قالت (رفقاً بالقوارير)
الأغرب من ذلك دون أن يسألها أحد تطرقت لجواز سفر المرأة بدون محرم نظراً لتطور وسلئل النقل وتطور الأمن والمطارات والإجراءات التي تضمن للمرأة الأمان أن تسافر بدون محرم
حينها طلبت فرصة للرد عليها بعد أن تأكدت من معلومة حضورها بدون محرم من السودان لمصر لتقديم تلك الندوة .. وقلت لها بالحرف الواحد ما يلي:
إذا كان التطور أتاح للمرأة السفر بدون محرم فذات التطور يتيح للمرأة أن تعمل طبيبة وأن تعمل مهندسة لأنه مافي مهندس قاعد يشيل ليهو آلة فوق ضهره ولا أسمنت وخرسانة على أكتافه
أما بخصوص إغماءتك من رؤيا الدم فهذه نقطة ضعف شخصية فيك ولدينا زميلات دراسة في الجامعات يدرسون كليات الطب ويدخلون المشرحة ويمارسون التشريح ولا يرتجف لهن طرف
ولكن يبدو أنك بررتي للسفر بدون محرم لأنك حضرتي من السودان بدون محرم ولم تبرري للطب والهندسة كمهنة يمارسنها النساء لأنك لا طبيبة لا مهندسة
المهم بعدها كانت آخر كلمة قلتها إستشاهدك بالحديث (رفقاً بالقوارير) لا يمت للموضوع بصلة .., فصرخت صرخة جللت الحضور صائحةً أنظروا هذا يستهزىء بحديث الرسول صلى الله عليه وسلم .. فكبر الكيزان وهللوا وللأسف كثير من الحضور من غير الكيزان وقفوا في صفها وإعتبروني فعلاً إستهزأت بحديث الرسول صلى الله عليه وسلم.
وبعدي لم تواصل الندوة ورفضت المواصلة في إشارة تحريضية منها للكيزان لكي يقوموا بواجبهم العنفي تجاهي
المهم هذا الموقف آخذ فيه ضد كثيرين حينها أنهم لم يقفوا معي في صف الحق وهذا ليس وقته لذكر مزيد من التفاصيل
ولكن هؤولاء هم الإسلامويون وخطاباتهم الهشة وهروبهم المعتاد
الخطاب الديني للإسلامويون خطاب ضعيف وعاري ومرواغ
مع تحياتي
عاصم فقيري
Post: #17 Title: Re: يا خواني عائشة الغبشاوي دي نصيحة ؟؟؟؟؟؟ ص� Author: Ahmed Yassin Date: 12-02-2016, 01:30 PM Parent: #16
منى عمسيب وشركاها
في الثانية (51) قالت : (كأن الله سبحانه وتعالى منحه شيء من العلم اللدنّي) تتحدث عن الترابي كانها تشير الى نبي من انبياء الله الصالحين سبحان الله في اللقاء دا كانت (حبوبتي ) الله يرحمها كانت موجودة وبعد رجعت البيت قالت لي (عشة قالت .. الترابي اتعلم في الاردن ؟) وقالت بكسر النون ولم افهم الا بعدها بسنوات ان (اللدني) هي الاردن اما عن (حرب الله ورسوله علينا) يبدوا انها قاصدة ان الين استفادوا من سعر صرف الدولار في البنك المركزي وهم شركات الادوية الــ (32) اشتروا الدولار بـ ( 6.5) جنيه وباعوه بـ 18700 جنيه ولم يستوردوا حبة اسبرين واحدة فهي الحرب اذن
Post: #18 Title: Re: يا خواني عائشة الغبشاوي دي نصيحة ؟؟؟؟؟؟ ص� Author: مني عمسيب Date: 12-04-2016, 09:59 AM Parent: #17
العجيبة واكتر من غريبة طعنوا في السن وعارفين البعملوا فيهو تمرد وانهم خوارج وما براجعوا انفسهم ولا برجعوا لي لربهم!!
عليهم اللعنة .. ومنهم من الله ما يستحقون . اللهم عليك بهم . اللهم خذهم من مأمنهم اخذ عزيزي مقتدر انهم لايعجزونك . امييين .
Post: #19 Title: Re: يا خواني عائشة الغبشاوي دي نصيحة ؟؟؟؟؟؟ ص� Author: منتصر عبد الباسط Date: 12-04-2016, 12:29 PM Parent: #18
