تمخض جبل الإعتصام فأنجب من جحره وريقة لقيطة

11:45 AM November, 30 2016

سودانيز اون لاين
عبد اللطيف السيدح-صرة الدنيا
مكتبتى
رابط مختصر

كالمعتاد دوما يخيب رجاء الشعب السوداني في معارضة سلمت زمام أمرها وقيادتها لمخلفات لينين

لذلك لم يكن مستغربا أن تمر الأيام الثلاثة في العاصمة كالنسمة على الناس في دواوين الحكومة

والأسواق دون هرج ولامرج . إنسيابية وانجاز سريع للمعاملات . والكل يأتيه رزقه رغدا بحول الله

المجعجعون جلسوا في البيوت مع الحريم "مكبرين عمامن قطعوا الطلة والزول أبعوارض لامن" على حد قول

الجد الطيب ود ضحوية .

المذكرة والوريقة اللافة بالواتس أب لاتغني ولاتشبع من نهم وكلاء عرمان في عاصمة السودان الحرة

وأقل شئ ممكن يقوله لهم الشعب الوفي " بلوها واشربوا مويتا"

الزول ده ودوهو الضل

الزول ده ودوهو الضل
ضل شنو ؟ بحشر بعمل في شنو ؟
الردحي دا جنون اخطر من جنون البقر !!!

ود التوم سلام .

ضل شنو يا الفاتح اخوى
ده زيو و زى اى خروف
يودوهو السلخانة

Quote: ضل شنو يا الفاتح اخوى ده زيو و زى اى خروف يودوهو السلخانة

ياخي بضحك لغاية قربت ابلع السفة
تعليق مبالغة لكن

قال مخلفات لينين قال ....!!!!!
طيب حزبك عامل توأمة مع الحزب الشيوعي الصيني الإسلامي ؟؟؟؟؟؟؟؟؟؟؟؟

سلام للجميع،
‘اصرت المنبر ردحا من الزمان ، كونت تقريبا صورة ذهنية لبعض الأعضاء الزملاء بالمبر، من بين هؤلاء الأخ الســيدح.
وضعت له فى ذهنى صورة العضو صاحب المشــاركات الإيجابية، هذا الإنطباع جاءنى لما رحب به كثير من الزملاء بعد عودته الأخيرة التى كانت بعد إنقطاع.

ســؤال لأخى الســيدح:
ما هو تعريفك للحاكم؟
أنا أعرفه كالتالى:
"هو شخص تنازلنا نحن (مواطنو الســودان كلهم بدون استثناء) ،تنازلنا عن جزء من حريتنا و فوضنا شخصا(فى هذه الحالة هذا الشخص هو الرئيس) ليستخدم هذه الحريات(التى هى ملك أصيل لنا) ليدير شــئون البلد.

نرجع لما حصل فى أيام الإعتصام:
من حق كل مواطن أن يرجع عن هذا التفويض إن رأى أن الرئيس لم يحسن إدارة شــئون البلد ، يعنى بإختصار شديد من حق أى مواطن أن يطالب بارجاع هذه الحرية (وهى حق أصيل له كفلته كل الشرائع و القوانين و الأعراف)

ما أود أن أقوله:
كما أنك لم تطالب بإرجاع نصيبك من الحرية(بدليل وقوفك مع السيد الرئيس) ، كذلك ليس من حقك أن تنكر على الآخرين مطالبتهم بحقوقهم.

دم أخا و زميلا برغم وقوفنا على جانبى نقيض
أخوك
أســامة صديق...

الزول دا نصرف ليهو رد علي دفع الله لوائل هععععاع ولا شنو
يارب صبر من عندك

أخي أسامة

الرئيس الحالي سيرأس حكومة وفاق وطني إنتقالية إلى حين إنتهاء أمدها وأمده

ونعلم جميعا أنه منتخب لأربع سنوات لم يتبق منها إلا القليل .

وما دامت الأجواء تفاؤلية فلا داعي لتعكيرها

ودمت .

يا ود الباهي
تصدق من زمن الجامعة بسمع انو الكيزان فيهم
نسبة كبيرة من الشواذ
والله كنت قايل الكلام دا تريقة ساي

تعيش كتير تشوف اكتر

اصرف ليه يا ود الباهي ولك الجنة 😂😂

يا الفاتح ود علي الضل بشبهكم إنتوا

أما نحن فحذرنا منه أمير المهاجرة ود ضحوية حينما قال

زمنك كلو تاكل باردة ما تضوق حارة
درق البازة جاك متل السحابة الشارة
حس أب جقرة والقربين صواقعاً كارة
أركز للتجيك اطره أم حمد والسارة

Quote: تمخض جبل الإعتصام فأنجب من جحره وريقة لقيطة

.

هههههههههههههههه
والله انت من عنوانك الكوجّن ده قاعد ترجف

بس أوع تكب لينا stool هنا

جماعة الـ stool

عارفين نفسهم يا ناصر

أنتبه الردم جاييكم

نردم جميع انواع مخلفات الاعتصام

كتب السيدح :

كالمعتاد دوما يخيب رجاء الشعب السوداني في معارضة سلمت زمام أمرها وقيادتها لمخلفات لينين

------------------------------------------------------------------------------------

السلام عليكم اخي السيدح ...

المحزن ان هؤلاء القوم لم يقرءوا تاريخ الماركسية وانهيارها في دولها او يخدعون انفسهم بان
ماركس ولينين لازالوا احياء وحديثهم يصبحهم ويمسيهم..؟!
وعلى الرغم من ان كثير من دول العالم تخلت عن هذه النظرية البائدة، حتى الحزب الشيوعي الصيني قبل
براسمالية - هونق كونق، كجزء من نمائه، الا ان بعض اخواننا في الوطن لازالوا متماهين فيها يعلوا من
راية الماركسية، ولم يتعظوا بحادث طالب كلية المعلمين، ورفض الشعب السوداني، لهذه الطروحات
الملحدة، ومن ذلك ما قاله عضو في المنبر: ( الاسلام هو كدين هلامي ، ومنتوج تجاوزه العقل الانساني الجمعي...
في اقصي تجلياته ! ). - عليه لعنة الله.

ارى انه اذا ارادوا ان يكون لهم موقع وذكر بين المواطنين؛ ان يترفعوا عن ازدراء معتقد السودانيين، او على الاقل
يقبلوا بطرح الحاج محمد ابراهيم نقد، بسودنة الاشتراكية بعدا عن الماركسية الملحدة.

تحياتي

الزي السيدح وحمد وكل البقية .... خلوهم ينبحوا على كيفهم .... خاصة في الأيام دي ... عشان بعد كل السنين دي ما نشوف واحد في آخر لحظة يقول عايز ينط من السفينة.

خلوهم ..... والكانوا لابدين برضو عايزينهم يظهروا في الأيام دي.

كملت

حاجة غريبة يا حمد انك تربط الموقف الشعب العارم ده بالشيوعيين
يعنى اى قرد اضانو حمرا شيوعى
حرام عليك البتسوى فيهو ده
بيع ذمّتك ..لكن ما قدر ده

حاجة غريبة يا حمد انك تربط الموقف الشعب العارم ده بالشيوعيين
يعنى اى قرد اضانو حمرا شيوعى
حرام عليك البتسوى فيهو ده
بيع ذمّتك ..لكن ما قدر ده

السيدح اقيف انسألك
انت ااااااااااااا زول نصيح

الرئيس الحالي سيرأس حكومة وفاق وطني إنتقالية إلى حين إنتهاء أمدها وأمده

ونعلم جميعا أنه منتخب لأربع سنوات لم يتبق منها إلا القليل .

وما دامت الأجواء تفاؤلية فلا داعي لتعكيرها


منتخب بتاع شنو يا داقس
الناس فس شنو و انت في شنو

Quote: الأخ الســيدح. وضعت له فى ذهنى صورة العضو صاحب المشــاركات الإيجابية، هذا الإنطباع جاءنى لما رحب به كثير من الزملاء بعد عودته الأخيرة التى كانت بعد إنقطاع.

يا أسامة صديق كيفنك يا أخوي
تعرف أنا واحد من الناس الرحبوا بعودته لأنه غشانا وظهر بنقد غريب قبل مدة للنظام ثم ظهر المرة الأخيرة وفال إنه عائد بعد ما جدد أفكاره
خلانا نفهم إنه ذي وذي الكثيرين إنقشعت الغمة من عيونهم وإختار خلاص وطنه وطريق شعبه
لكن معليش يا السيد ح وبقول ليك أمش أقرأ قصة محمود والنمر
فانت الخاسر الوحيد مما تفعل

Quote: رف أنا واحد من الناس الرحبوا بعودته لأنه غشانا وظهر بنقد غريب قبل مدة للنظام ثم ظهر المرة الأخيرة وفال إنه عائد بعد ما جدد أفكاره خلانا نفهم إنه ذي وذي الكثيرين إنقشعت الغمة من عيونهم وإختار خلاص وطنه وطريق شعبه

معليش يا جماعة .... أسمحوا لي ..

أي واحد إختار أن ينخدع للسيدح وأشباه السيدح غلطان ودي غفلة منو

ديل كيزان ..... كيزاااااااان ما ممكن نصدقهم بالسهولة دي

يا ود الباهي
تصدق من زمن الجامعة بسمع انو الكيزان فيهم
نسبة كبيرة من الشواذ
والله كنت قايل الكلام دا تريقة ساي

تعيش كتير تشوف اكتر
-------------------------------------------------------------------------------------

يا حبوب
الكيزان ديل شغاليين بنظرية النفس طيبة لكن الجسد فاسد هههههههههههه

اصرف ليه يا ود الباهي ولك الجنة
---------------------------------------------

يا ودفع الله هسع لو صرفت ليهو يقعد يشيل حالي ساااي السيد ح دا قبل كدة علي ما اتزكر
محمد عادل ذهب السعودية عمرة سكا ليك محمد عادل لمن قطع نفسو عشان يزورو
في بيتو في جدة واول مالبي ليهو الدعوة جاء هنا شال حالو الزول دا شيال حال ياخ
الله لا تاجرو الكوز

حمد والسيدح. ..انتو شابكننا شيوعية شيوعية شيوعية
طيب حزبكم عامل اتفاقية توأمة مع الحزب الشيوعي
الصيني .. !! بالله افتونا في هذه الاتفاقية ..
أي ازدواجية هذه التي يعيش في هؤلاء القوم ؟ ؟ ؟

حسبنا الله ونعم الوكيل ..
الله يلزمنا الصبر ..

ايها الانقاذي المفتقر للكرامة عبد اللطيف السيد ح،باستخدامه لهذا المثل القديم يكون هذا العمر الحاج موسى قد توج مسيرته المايوية بالخدمة الذليلة للطغاة الانقاذيين، هذه الكتل المترهلة من الصلف والفساد الذي فاحت عفونته فزكمت الانوف واسقمت النفوس وجعلت حياة الغالبية من السودانيين قطعة من الجحيم. لكن استخدام هذا المايوي -الانقاذي - ويالها من توليفة تقشعر بها الابدان- للمثل خاطيء ممايرتد به الى نحر القائل ونحر نظام الفساد والاستبداد الذي تصدى للذب عنه. فعندما يوصف الاعتصام المدني الذي ينكر نجاحه بالجبل فان هذا دليل على عظمة الموصوف لاحقارته!.

Quote: حمد والسيدح. ..انتو شابكننا شيوعية شيوعية شيوعية طيب حزبكم عامل اتفاقية توأمة مع الحزب الشيوعي الصيني .. !! بالله افتونا في هذه الاتفاقية .. أي ازدواجية هذه التي يعيش في هؤلاء القوم ؟ ؟ ؟

الإتفاقية خلها ما مشكلة الكلام كلام الملايين البقبضوها من الشيوعيين ويلبدو بيها دى!!!!
حاجة تحير والله,,

أى واحد يفلس ويغلبو اليقولو طوالى يجرى ليك لكلام فلول الشيوعية والماركسية ولينين
وستالين!! ياخ اصحووووا أفيقوا يا هؤلاء ,,