Post: #1
Title: محاكم دبي تُكرِّم عدداً من القضاة السودانيين
Author: محمد بشير عبادى
Date: 11-28-2016, 06:12 PM
05:12 PM November, 28 2016 سودانيز اون لاين
محمد بشير عبادى-السودان/ولاية الخرطوم/أمبدة
مكتبتى
رابط مختصر كرَّمت محاكم دبي، الاثنين، القضاة العرب أصحاب الأداء المتميز للعام 2016م ، وذلك بحضور رئيس القضاء ومدير عام المحاكم ورؤساء المحاكم الابتدائية والاستئنافية وعدد كبير من القضاة والإداريين، حيث تم توزيع شهادات التكريم لهم.
وقد شمل التكريم عدداً من القضاة السودانيين وهم د. عصام الدين حسن لقمان، محمد عبدالحميد محمد، عبدالكريم محمد خير، محمد الفاتح حسن بشير وآدم محمد أحمد إبراهيم.
ويُعدُّ ذلك امتداداً لتميُّز القضاء السوداني.
شبكة الشروق
|
Post: #2
Title: Re: محاكم دبي تُكرِّم عدداً من القضاة السودان
Author: وهبه الشبلي احمد
Date: 11-28-2016, 06:34 PM
Parent: #1
يا ربي البوست دا انا شايفو وين ؟؟؟؟ وبنفس العنوان بس باسم واحد تاني!!!!
|
Post: #3
Title: Re: محاكم دبي تُكرِّم عدداً من القضاة السودان
Author: محمد بشير عبادى
Date: 11-28-2016, 06:37 PM
Parent: #2
نزلو الزميل غريبة .. معذرة للتكرار..لم الحظ ذلك.. ولكن قضاتنا يستاهلوا اكثر من بوست ..شكرا وهبة على المرور
|
Post: #4
Title: Re: محاكم دبي تُكرِّم عدداً من القضاة السودان
Author: وهبه الشبلي احمد
Date: 11-28-2016, 06:39 PM
Parent: #3
ههههههههههههههه
المرة الجاية ركزوا شوية ......
نفس العنوان ...........ونفس المضمون....ونفس الضمة والكسرة
غايتوا ...ممكن توارد خواطر ...كل شي جائز في عهد (الانخاس)
|
Post: #5
Title: Re: محاكم دبي تُكرِّم عدداً من القضاة السودان
Author: محمد بشير عبادى
Date: 11-28-2016, 06:49 PM
Parent: #4
الظاهر اللانخاس نخستكم نخس شديد لدرجة انك ماشفت الشدة على الكاف يا وهبة.. اطمئن ده توارد خواطر.. اخير انت في واحد فاتح بوست لذات الموضوع.. القصة دي ذكرتني نكتة بتقول انه واحد مهجس عندو خوفة من ناس الامن بفتكر انه براقبوه في كل حركاته وسكناته.. مرة لا حظ جارو بتاوق من الباب وبرج لما يشوف صاحبنا المهجس .. المهم لما اتكررت العملية صاحبنا قبقب جارو وقال ليهو انا عارفك تبع الامن ومكلف بمراقبتي .. جارو ضحك وقال ليهو امن شنو يا خينا انا بتاع(كبنقة) بجي واحد يجيبها لي لما شوفك بدخل البيت تاني.. اها يا اخوانا خبر اتكرر عن موضوع واحد شبكتونا جضاضة وشنو ماعارف وواحد منبهل بي غادي في بوست كامل.. والله عافي منكم يا الكيزان زهللتوا بالمعارضة زهللة عجيبة
|
Post: #6
Title: Re: محاكم دبي تُكرِّم عدداً من القضاة السودان
Author: وهبه الشبلي احمد
Date: 11-28-2016, 07:07 PM
Parent: #5
| Quote: عافي منكم يا الكيزان زهللتوا بالمعارضة زهللة عجيبة |
كدي شوف كويس يا كوز ...منو هسي المزهلل بالتاني !!!!!
دي مشكلتكم فعلا عدم الشوف الكويس الخلت رئيسكم مخلي البلد وهي في حالة عصيان ومشي يحضر الفورملا ون .!!!
فرقة الجضاض الالكتروني كمان دخلتها الزهللة وبقيتوا تتداقشوا وبراكم تردوا لبعضكم وبعدين تفتشوا في المبررات..
اصبر شوية لسة دا اليوم التاني بس للاعتصام والجاي اكبر ..وسع كسلاويك وخليك جاهز.
كسرة كدة ...نكتتك بايخة .جنس بوخ..وقديييمة
هالك النديك النكتة الجديدة دي طالما بتحب الفرفشة...وبرضو في كلاب الامن
قاليك (كلاب الامن) ما لاقين ناس في الشارع عشان يدقوهم قام الكوز الكبير تاجر الدين طلع ليهم فتوة قال فيها
البطلع مظاهرات بموت شهيد
یلا کلنا علي الجهاد ي قوم الجنه الجنه....ههههه
|
|