Post: #1
Title: ياللاي تعالو نغني ليها
Author: د.محمد حسن
Date: 11-28-2016, 03:02 PM
Parent: #0
02:02 PM November, 28 2016 سودانيز اون لاين
د.محمد حسن-
مكتبتى
رابط مختصر شايفك بتقدلي في الخواطر
متوشحة النيل والضفاف
متجرتقة
بي سعيفات النخيل
وضريرة من طميا تشرب
كل اماني الكادحين
عايشين كفاف
اتمخطري
ديل العيال
راضعين حلال
شالوك فوق حد النجوم
خلو الكفيف الليلة شاف
اتوهجي
بعد الضلام
حيجينا فجر الحق بيان
برقت بروق قبلي وشلع
من تالا الصعيد عبادي
خلا العسس تلبد تخاف
اتمايلي
طربا جميل
وغردي
ارفعي صوتك هيبة وجبرة
بكرة جراح اولادك تبرا
وما بنخاف
شايفك
نديانة بالمطر البشارة
وتريانة بالفال والعديل
ديل العيال ماشين عديل
نمرق المسجون شريف
وندخل السجان ذليل
لا فينا رجعة ولا ارتجاف
نحن للعصيان رفعنا
حافظين ودادك وما بنخرب
ولا بنكسر
ونصون خدودك
وللعوين صاينين عفاف
دقو الدفوف
رصو الصفوف
ايدينا تتماسك عضد
ما فينا رجعة
ولا
تخاذل
حدنا القصر الجديد
والراي سديد
وطن لابس جديد
مطرا يبلل للجفاف
وايدينا ياولد
يلاك نخلص للبلد
حانت خلاص
ساعة الخلاص
نحلق الدقن الضلال
وتكبر تهلل
دي المساجد صيحة الحق
الحقيقة
مارقة من جوة الشغاف
وبس
|
Post: #2
Title: Re: ياللاي تعالو نغني ليها
Author: د.محمد حسن
Date: 11-29-2016, 01:24 PM
ليك شايلين الغناوي
واحلى ما في
مسامات الحكاوي
|
Post: #3
Title: Re: ياللاي تعالو نغني ليها
Author: Elmosley
Date: 11-29-2016, 01:34 PM
Quote: دي المساجد صيحة الحق
الحقيقة
مارقة من جوة الشغاف
وبس |
لا فض فوك
|
Post: #4
Title: Re: ياللاي تعالو نغني ليها
Author: د.محمد حسن
Date: 11-29-2016, 02:00 PM
Parent: #3
حبيبنا الموصلي
لو بيتلحن النص ده
هو لك
|
|