لكن تشوها قدحة ----------------------------------------------------------------------------------------------------------------------------------- انت يا بق بق صحى عمشت ولا شنو؟ فوق (احمد) وهسع (تشوها قدحة)!!! يا زول التشاك شنو؟
Post: #22 Title: Re: علي اليمين نموت سوا ..... Author: عمر أبوعاقلة Date: 11-28-2016, 05:25 PM Parent: #1
يا شيخ عمر .. كدي هدي نفسك
انت قلت: ((تداعى اصحاب الفتن من كل حدب وصوب للنيل من الوطن وتحويله الى ساحة قتل وصراع وفتنه))
والناس (ناس حدب وصوب) قالت كلمتها من بدري (عصيان مدني) عارف يعني شنو عصيان مدني .. يعني أنا بلزم بيتي أها بالله ورينا كيف تكون ساحة قتل وصراع وفتنة ؟؟؟
أوع يكون دا زي العلاج بالرصاص في الرأس داك لأنه المعنى واضح واللبيب بالاشارة يفهم
الله كريم
Post: #24 Title: Re: علي اليمين نموت سوا ..... Author: محمد البشرى الخضر Date: 11-28-2016, 06:33 PM Parent: #22
كدي يا ود الباوقة اقرا الكلام * دا عن الاسباب الحقيقية لأزمة الدواء وشوف ديل ناس يستاهلوا تموت عشانهم
Quote: بالنسبة لقضية أزمة الدواء: للتوضيح لبعض المغردين خارج السرب و الخافيه عنهم الحقائق و الحاصل ليهم إلتباس في فهم المشكله و حجمها و السبب المباشر ليها .. وده بمعزل عن الزيادات اﻷخري وهي في النهايه برضو بتصب في نفس النهج و الفكر .. الدوله قررت تمنح 10 % من عائدات الصادر لدعم الدواء وده قرار كان صائب جدا لو أتبعت فيه اللوائح و اﻵليات المناط بيها المتابعه و التنفيذ و تحصيل النتائج .. بدأت المصيبه في إعطاء إمتياز اﻹستفاده من منحة ال 10% ل 34 شركه أدويه بطريقه أو بأخري كملت إجراءاتها و إستوفت الشروط لدي بنك السودان وبدأت تسحب الدولار بقيمة 6.5 ج في حين باقي الشركات بتشتري الدولار من السوق الموازي 15 ؛16 17 ج لغاية هنا كان ممكن تستمر اﻹمور مستقره و يتوفر الدواء و سعره في متناول اليد .. جات المصيبه التانيه لما إكتشفوا بعد تلات سنوات متتاليه إنه ال34 شركه كانت فيهم 32 شركه ما إستوردت فتيل دواء يعني شركتين فقط من أصل 34 شركه كانوا بشيلوا دولار مدعوم و يستوردوا دواء ال 32 شركه المتبقيه بتشيل الدولار تبيعه تخزنه تعمل بيه أي حاجه الا إنها تستورد دواء تلاته سنين عملت فجوه و أفقرت شركات جاده في استيراد الدواء ﻹنعدام المنافسه بسبب فرق سعر الدولار .. المصيبه التالته 9 شركات منهم لمصرفيين من بنك السودان و مدراء بنوك و إتأسست خصيصا للإستفاده من فرق سعر الدولار و اﻹلتفاف علي 10 % من عائد صادر إتخصص لعلاج غلابه و شعب المرض هداه .. إترتب علي فضح الفساد ده و رائحته النتنه إنه طلع قرار بوقف الدعم و كل الشركات تشتري الدولار بسعر السوق والحشاش يمﻷ شبكته و المواطن يرجي الراجيه و مصلحته آخر اﻹهتمامات للدوله .. اﻷدهي وأمر إنه الشركات موجووووده وممارسه نشاطاتها التجاريه الما فيها إستيراد دواء عاااادي ووصلوا معاهم ﻹتفاق تحلل يدفعوا نص المبالغ الاخدوها بالعمله نفسها و يسددوا الباقي علي شهرين و ماف محاسبه علي تصرفهم ولا علي تلاته سنين حرموا شعب كااامل من الدواء المدعوم فيها و 400مليون دولار سنويا أستثمرت في كل شئ إلا غرضها المحدد ليها و إتحاكم الشعب السوداني بجريمتهم وحرم من الدعم الدوائي و زادت أسعاره أضعاف و من سنه ماف اعتماد فتح لإستيراد دواء و دخلنا في نفق مظلم .. فساد ما عنده حد و حرمان من أبسط الحقوق ومال سايب ضاع و ضيع معاه شعب كامل في أثره . . لك الله ياوطني ،،
ذكرتني ديك العدة بالبوست ده كمان معاها يمين -------------
Post: #26 Title: Re: علي اليمين نموت سوا ..... Author: كمال علي الزين Date: 11-28-2016, 09:16 PM Parent: #25
(*)سلامات يا ودالباوقة ...أنتا أستشهدت كتير في المنبر ده ..أدي أخوانك فرصة يستشهدوا معاك ..العصيان المدني ممارسة راقية و متحضرة و سلمية التوجه و النتائج ..دعوتك إلى العنف و الموت و الإستشهاد هذه, ردة فعل غريبة على عمل سلمي ..
Post: #27 Title: Re: علي اليمين نموت سوا ..... Author: Deng Date: 11-28-2016, 09:17 PM Parent: #25
ود الباوقة هل تقصد أنو اذا قام الشعب باقتلاع الإنقاذ الفاسدة ، فستردون
بتنفيذ اغتيالات وتفجيرات مثلما يفعل إخوانكم الإرهابيين في مصر ؟
Post: #29 Title: Re: علي اليمين نموت سوا ..... Author: نيازي مصطفى Date: 11-28-2016, 09:42 PM Parent: #1
صحيح توجد اشكالات في معايش الناس لا احمد ينكر ذلك اطلاقا
احمد منو ؟؟
يابعثي احسن تنط قبل ما تغرق وتعود لمراحك .. يمكن يقبلوك مع شوية شلاليت :)
Post: #30 Title: Re: علي اليمين نموت سوا ..... Author: حمد إبراهيم محمد Date: 11-28-2016, 09:46 PM Parent: #1
كتب ودالباوقة : مافيها مجال نهائياتداعى اصحاب الفتن من كل حدب وصوبللنيل من الوطن وتحويله الى ساحة قتل وصراع وفتنهو لكن نقل لهم هيهات هيهات لن يحدث ذلك ما دمنا احياء صحيح توجد اشكالات في معايش الناس لا احمد ينكر ذلك اطلاقا ولكن معالجاتها ليست بالطريقة التي تدار الانطريقة فيها مكر ودهاء واستغلال للبسطاء من ابناء الوطنانتهى .....................
-----------------------------
السلام عليكم اخي عمر هذا كاتب هذا المقال يؤكد ما ذهبت انت اليه من فبركات البيانات والفيديوهات واختلاق شخصيات وهمية قبض عليها او قتلت انها دعوات مغرضة للتغرير بالبسطا من المواطنين ودفعهم ليس للتظاهر السلمي بل للتخريب لتحقيق مبتغاهم الشرير ! خاب فالهم.
مقال بقلم: زرياب صديق.... --------------- قلت إن الساسة المعارضون نجحوا في اعتلاء الحملة التي أطلقها ناشطون مستقلون مطالبين بإعادة الدعم للأدوية، ما جعل الحكومة ترى المطالبة تهديدا سياسيا وليس مطلبا خدميا.ساقني لهذه النتيجة ما أطالعه يوميا من نشرات محبوكة تشي أن وراءها مطبخ إعلامي يعمل ليل نهار على غرار وحدات التعبئة السياسية التي توظفها الدول آن الحروب لإرباك الخصم وتوجيه المواطنين (يظهر ذلك من البيانات الصوتية المفبركة واستدعاء صور وفديوهات من الإرشيف بعناوين جديدة وكتابات تضلل الناس وابتكار شخصيات وهمية ومن ثم إعلان اعتقالها…الخ)اليوم أسوق دليلا آخر على أن الناشطين فقدوا السيطرة على حملتهم الطامحة لبقاء أسعار الدواء كما هي على أن تتحمل الحكومة فرق تحرير سعر الدولار، وهو ما استجابت له الحكومة، يوم الجمعة. لكن حملة الناشطين انتقلت إلى طور آخر هو الدعوة إلى عصيان مدني. وقد حاورت بعضهم: ألا يكفيكم ذلك؟ فأظهروا عدم ثقتهم فيما أعلنه وزير الصحة الاتحادي بحر أبوقردة مقدرين إنها قرارات تخديرية لتثبيط دعوة العصيان. فأقول: إن كان وعد الحكومة ليس مضمونا فإن المعارضة التي تنشط معكم من وراء ستار لا عهد لها أيضا إذ تركب مسعاكم النبيل إلى غاياتها السياسية بإغرائكم لرفع المطلب كل حين بما يثير غريزة الحكومة في البقاء، وساعتها سيحدث الصدام وسيعلو غبار المعركة وستكون المطالب بإعادة دعم الدواء ترف مؤكد لأننا سنفتقد للهواء النقي وكل شيء سيتعطل ويخرب بلا عودة!فتبينوا وانظروا إلى أين أنتم ذاهبون وتساقون وإن بدا لكم من الحكومة لينا فلينوا ولا يغرنكم “المستثمرون السياسيون”. "بقلمزرياب صديق". (منقول)
Post: #31 Title: Re: علي اليمين نموت سوا ..... Author: ود الباوقة Date: 11-29-2016, 09:07 AM Parent: #30
وساعتها سيحدث الصدام وسيعلو غبار المعركة وستكون المطالب بإعادة دعم الدواء ترف مؤكد لأننا سنفتقد للهواء النقي وكل شيء سيتعطل ويخرب بلا عودة!فتبينوا وانظروا إلى أين أنتم ذاهبون وتساقون
Post: #32 Title: Re: علي اليمين نموت سوا ..... Author: وضاح عبدالرحمن جابر Date: 11-29-2016, 09:18 AM Parent: #31
موت براك يا زول
زماااان الماتوا عشان الترابي قالو عليهم فطيس
اها جرب موت انت وبعدين بنرسل ليك في الواتس نوريك رئيسكم قال عليكم شنو
Post: #33 Title: Re: علي اليمين نموت سوا ..... Author: وائل حمزه الزبير Date: 11-29-2016, 09:30 AM Parent: #32
Quote: زماااان الماتوا عشان الترابي قالو عليهم فطيس
وضاح بن عبد الرحمن
كيف حالك يا بُني .. هذا الحديث الذي تقولته على المغفور له بإذن الله الشيخ الدكتور حسن الترابي رحمه الله وطيب الله ثراه حديث مفترى .. يا بُني الاولى بك الإنتباه لثورتك وعصيانك خيرً لك من تداول الاكاذيب .. من أين لك هذا الكلام ومتى وأين قاله شيخنا الترابي ؟؟ افصح -------------------------------------------
المجاهد عمر ابن الباوقة الوفي ارمي قدام وتسلم يمينك يا أصيل .. والتحية لكل إخواننا المثابرين والرهان على الشعب .. نحن في انتظار نتاج هذا الحماس (حماس المعارضة).
Post: #34 Title: Re: علي اليمين نموت سوا ..... Author: ود الباوقة Date: 11-29-2016, 09:31 AM Parent: #32
اخونا وضاح
المسالة اكبر مما تتصور
نسال الله السلامة
Post: #35 Title: Re: علي اليمين نموت سوا ..... Author: امجد الجميعابى Date: 11-29-2016, 10:03 AM Parent: #34
صدقني رقم ان حزبكم ................................................................. من يكتب بباسوورد ود الباوقة لم نر للاخ عمر اخطاء املائية كالتي حدثت في هذا البوست اصحى يا بكري
Post: #37 Title: Re: علي اليمين نموت سوا ..... Author: وضاح عبدالرحمن جابر Date: 12-01-2016, 03:50 PM Parent: #35
وضاح بن عبد الرحمن كيف حالك يا بُني .. هذا الحديث الذي تقولته على المغفور له بإذن الله الشيخ الدكتور حسن الترابي رحمه الله وطيب الله ثراه حديث مفترى .. يا بُني الاولى بك الإنتباه لثورتك وعصيانك خيرً لك من تداول الاكاذيب .. من أين لك هذا الكلام ومتى وأين قاله شيخنا الترابي ؟؟ افصح
يا وائل انا بنيك من وين يازول .. انا الدك يا خوي .. بعدين منو الاتقول كلام على الترابي بالله يا وائل افهم المكتوب اول حاجه قبل ما تدى نصائحك الابوية دى