Post: #2 Title: Re: الكوامِر المقرَّشة جابوها . والله صحي ... Author: معاوية المدير Date: 11-28-2016, 11:11 AM Parent: #1
النعام آدم الله يرحمو، عندو غنوة اسِما (شِتيلة قُريرا) لواحدة الظاهر كانت مدرسة في القرير ؤ نقلوها لمنطقة تانية، بما إنوا زمان المواصلآت بالدوآب ؤ ما بيكون في عربية غير عربية مُفتش المشروع والتي غالباً ما تكون كومر، فالمُدرِسة دي نسبتاً لمكانتا الرفيعة لآمن نقلوها وصلوها بالكومر، أها الغنوة دي فيها بيّت بيقول، (ربنا مالك الممالك يحرق الكومر الشالك.) الكوامر دي نسيناها لدرجة إني تساءلت، يا ربي الكوامر دي تكون لِحقت كومر النعام آدم واللآ شنو ؟...
Post: #3 Title: Re: الكوامِر المقرَّشة جابوها . والله صحي ... Author: جلالدونا Date: 11-28-2016, 11:14 AM Parent: #2
تصدّق .. الكومر ده الاوتوميزرات بتاعتو شغّالة !! بس العوجة في طرمبة الجاز
Post: #5 Title: Re: الكوامِر المقرَّشة جابوها . والله صحي ... Author: مني عمسيب Date: 11-28-2016, 11:19 AM Parent: #3
صاحبي ود المدير سلام واحترام وللعزيز جلجل .
غايتو ياود المدير لو قالوا دايرين ايقونة اللذاذة والتريكة العصيانية ضد الحكومة بختارك انت هههههههههههههههه . يا زول نحن المنظمين لينا مجندين في الداخل ما تجينا صور زي دي ههههههههههههههههههههههههه !
تسلم يا مبالغة .
Post: #6 Title: Re: الكوامِر المقرَّشة جابوها . والله صحي ... Author: معاوية المدير Date: 11-28-2016, 11:20 AM Parent: #3
خلآس دفروك جيّت طاير !...
Post: #4 Title: Re: الكوامِر المقرَّشة جابوها . والله صحي ... Author: أيمن الطيب Date: 11-28-2016, 11:19 AM Parent: #2
سلامات يا مدير..
Quote: الكوامر دي تكون لِحقت كومر النعام آدم واللآ شنو ؟...
دى الكوامر المتخصصة في عمليات مناطق نواحي سودانيزأونلاين !!!!
راجع بوست حبوبة صلاح غريبة
تحياتى يا صديق..
Post: #7 Title: Re: الكوامِر المقرَّشة جابوها . والله صحي ... Author: معاوية المدير Date: 11-28-2016, 11:30 AM Parent: #4
غايتو ياود المدير لو قالوا دايرين ايقونة اللذاذة والتريكة العصيانية ضد الحكومة بختارك انت هههههههههههههههه . يا زول نحن المنظمين لينا مجندين في الداخل ما تجينا صور زي دي ههههههههههههههههههههههههه !
تسلم يا مبالغة .
أووووووووه، بت عمسيب يا صديقة سلآمات. بالله حتي الكومر الخُردة المسمي نفسو الخبير دفروهو ياااااااااااااااااالله حتي وِصِل والغريبة قاطر ترلتو معاهو، أقصد حبوبتو. هسّع بالله في داعي يتلتِلوهو بعد العُمُر دا ؤ كوم الأمراض المعشعِش جواهو ؟، عالم ما بترحم. والله صحي...
Post: #8 Title: Re: الكوامِر المقرَّشة جابوها . والله صحي ... Author: محمد البشرى الخضر Date: 11-28-2016, 11:39 AM Parent: #7
يا شيخ الله يهديك سيب اللفحي, دا اسمه سفنجة الكومر ياهو زي دا
Post: #9 Title: Re: الكوامِر المقرَّشة جابوها . والله صحي ... Author: معاوية المدير Date: 11-28-2016, 11:43 AM Parent: #8
أقبض، ود البشرى يحاول تجميل صورة الحكومة المتمثلة في الكوامر الخُردة الوصلوها هنا بالدفرة !...
Post: #12 Title: Re: الكوامِر المقرَّشة جابوها . والله صحي ... Author: معاوية المدير Date: 11-28-2016, 11:51 AM Parent: #9
Quote: دى الكوامر المتخصصة في عمليات مناطق نواحي سودانيزأونلاين !!!! راجع بوست حبوبة صلاح غريبة تحياتى يا صديق..
ههههههههههههههههههههههه، يا أيمن يأخي والله مشتاقين. يا أيمن يأخي الكوامر دي بيملوها بنزين من عرق الغلآبا ؤ بعد دآك تنقل زبالة ولا علي كيفا. يحُكوها كِدا لآمن تغلّب المكنيكية زاتو. يعني الوآحد يكون حُر فيما يكتب، يفتح الله يأخوي...
Post: #10 Title: Re: الكوامِر المقرَّشة جابوها . والله صحي ... Author: جلالدونا Date: 11-28-2016, 11:44 AM Parent: #8
خلاص دفروك و جيت راكب داف الكومر ياهون ده
Post: #11 Title: Re: الكوامِر المقرَّشة جابوها . والله صحي ... Author: محمد مجيدو Date: 11-28-2016, 11:46 AM Parent: #1
يا ود المدير .... سلام
زمان كان في كومر للشرطة في الخرطوم القسم الشمالي مكتوب عليه من الخلف ( التونسية ) ... اها الكومر دا كان مخصص لناس الكشه وكدا .... اوع يكون كومرك دا لنفس الغرض ... ؟؟؟
عااالم بطااالــــــــــــــــــــــــــــة
Post: #13 Title: Re: الكوامِر المقرَّشة جابوها . والله صحي ... Author: معاوية المدير Date: 11-28-2016, 11:59 AM Parent: #11
Quote: زمان كان في كومر للشرطة في الخرطوم القسم الشمالي مكتوب عليه من الخلف ( التونسية ) ... اها الكومر دا كان مخصص لناس الكشه وكدا .... اوع يكون كومرك دا لنفس الغرض ... ؟؟؟
عااالم بطااالــــــــــــــــــــــــــــة
ههههههههههههههه، سلآمات يا مجيدو. عالم بطالة ساكت !. تعرف، جاتني فِكرة، التونسية دي نكتبا للسيدح بالخلف لأنوا بصراحة إسمو دا بيديني إحساس إنو حاتي البِلِي والشمبر بعدينك عندو قابلية مبالغة لحمل اوزار الغير علي ظهره. عالم ما بتخجل يأخ، يشتغلوا بالدفر !...
Post: #14 Title: Re: الكوامِر المقرَّشة جابوها . والله صحي ... Author: حمد عبد الغفار عمر Date: 11-28-2016, 12:34 PM Parent: #13
Quote: في كومر مستورد اتعمر قريب دا ونزل الخط ما سامع ليهو صوت أبنص ولا كوز
يا حمد يأخي الكوامر دي أكتر حاجة فيها ظاهرة صوت الكوز، غايتو كومرك دا إلآ عايز يقلب كورلآ. الليلة في كومر دفروهو تعبانين فيهو اليوم كُلو لحدي ما وصلوهو، قبل يرجعو عمل حادث صاحب الورشة طوالي لجنو...
Post: #24 Title: Re: الكوامِر المقرَّشة جابوها . والله صحي ... Author: عبداللطيف حسن علي Date: 11-28-2016, 05:22 PM Parent: #23
ههههههههههههههه، سلآمات يا مجيدو. عالم بطالة ساكت !. تعرف، جاتني فِكرة، التونسية دي نكتبا للسيدح بالخلف لأنوا بصراحة إسمو دا بيديني إحساس إنو حاتي البِلِي والشمبر بعدينك عندو قابلية مبالغة لحمل اوزار الغير علي ظهره. عالم ما بتخجل يأخ، يشتغلوا بالدفر !... ــــــــــــــــــــــــــــــــــــ
في واحد جا هسع قبل دقيقة ركز يا ود المدير ، المنبر الكان زي بص الجريف ، هسي ماشي زي الطلقة ، عشان كدا الكوامر الغاتسة بجوه ح تفوتك ، دي بتقوم بالمنفلة هههههه
Post: #25 Title: Re: الكوامِر المقرَّشة جابوها . والله صحي ... Author: كمال عباس Date: 11-28-2016, 05:23 PM Parent: #23
الكوامر مشت تعمل عمرة ـ دايرة إسبير وموية وزيت ـ عند المكانيكي الغلط !ما ظنيتها "تطلع "الشارع" تاني! الشارع حار وغبار وثوار ! ـ والمكانيكي زاتو- اليومين ديل - عندو أزمة ونفسو قائم ويفتش في مخرج "ودايرلو "عمرة !أها كوامر الجن تتقرش واللا تتشلع واللا كمان فيها أمل نوديها الشارع تاني ! أنا طبعا ماقاصد الكوامر الظهرت فجاءة (الطابور التاني ) ـ تعظ وتخطب وتحل محل العربات "المحروقة" واللي أحيلت للمعاش الإجباري ! ـ أنا قاصد كوامر تانية خالص !
Post: #26 Title: Re: الكوامِر المقرَّشة جابوها . والله صحي ... Author: محمد مختار جعفر Date: 11-28-2016, 05:44 PM Parent: #25
Quote: دا كيف
مبااااالغة الرأفة يا ود البشرى ... ده شقل داعش زاتو
Post: #27 Title: Re: الكوامِر المقرَّشة جابوها . والله صحي ... Author: معاوية المدير Date: 11-29-2016, 09:06 AM Parent: #26
Quote: كومري دا أمس خش المحطة لقى الجو ما ياهو دق خلف و شتت طوالي الكومر دا فيهو رترتة و دايرنضافة بلقات.. لو جا تاني ما تقعدوا تسوطوا فيهو يقوم يقطع كتينة .. فبالله مافي زول يهبشو إلا أنا أجي
سلآمات يا حافظ..
تصدق كومرك دا من البوهية الحمرا دي أنا عرفتو، بس كلّم السواق ما يوقفوا لينا في خشم الباب. غايتو أنا الكهربا دي ما حريف فيها، لكن لو داير سمكرة قوّل عوّك...
Post: #28 Title: Re: الكوامِر المقرَّشة جابوها . والله صحي ... Author: معاوية المدير Date: 11-29-2016, 09:23 AM Parent: #27
Quote: ههههههههه .. بالغت يا مدير والله .. الكوامر ديل منو ..
يا ود القوز، أعمل حِسابك دي كوامِر مصدية...
Post: #29 Title: Re: الكوامِر المقرَّشة جابوها . والله صحي ... Author: معاوية المدير Date: 11-29-2016, 09:28 AM Parent: #28
Quote: هووووي من تجيبوا سيره الكوامر بتحسس افرزوا في كوامر كويسه
الزوّل السمِح فات الكُبار والقدروا كان شافهوا ناس عبد إلله كانوا يعذروا.
مرحبتين حباب السمحة نوارة فريقنا الخالة دومة. قوّم يا ولد جيّب إتنين جبنة بِسرآع...
وفي كومرين خشوا الخدمة جداد؛ واحد دخل القاعة؛ والتاني اتمنى لو كان معاهن....
صمتوا قليلا؛ عمروهن اليومين ديل؛ ونزلوا الخدمة؛ القاعي ما زال في ضلاله القديم؛ يرفل؛ والمتمني ضغط شوية؛ وقال كلام؛ حمال اوجه....
الكومرة الكبيرة بتكون بتجهز في شريط اليومين ديل؛ فيه هجوم على ياسر عرمان؛ وصديق الموج ربما؛ والمعارضة عموما؛ التي خدعت الشباب فاعتصموا؛ وهن لبدوا؛ ......................... وولع لي النحرقوا؛
فى بحرى يا ود المدير فى كومر مركون فى واحد من الشوارع الجانبية و ليه سنين لدرجة انه قامت فيه نجيلة .. اها ايام موضوع المحكمة الجنائية ديك مسخن الشباب جابو ليهم زول خطاط و كتبوا فيه بالالوان و بخط جميل" اوكامبو و الغسيل بالشامبو" و حياتك ناس الأمن جابو بوهيه و بكونوا لحدى بفتشوا فى سجلات الحركة على مالك الكومر و هو عمنا شاويش و الذى غادر الفانية فى سبعينيات القرن الماضى ، فالكوامر عندها حوبه برضو يا قريبى ما تستهينوا بيها .. لك و لضيوفك خالص التحايا.
Post: #34 Title: Re: الكوامِر المقرَّشة جابوها . والله صحي ... Author: محمد على طه الملك Date: 12-07-2016, 00:38 AM Parent: #33
يا ود الناظر في كومر ملبس اسعاف نزلو من تالاكم أعمل حسابك.
Post: #35 Title: Re: الكوامِر المقرَّشة جابوها . والله صحي ... Author: معاوية المدير Date: 12-07-2016, 09:31 AM Parent: #34
Quote: سلام يا مدير وضيوفه الكرام
حباب ود البوش، نوّخ وابقى لا دآخل...
Post: #36 Title: Re: الكوامِر المقرَّشة جابوها . والله صحي ... Author: معاوية المدير Date: 12-07-2016, 09:35 AM Parent: #35
Quote: انتو الكوامر خلوها , اصلو دخنتها جايبة السما والقومة يا الله الله .. الكلاااام في البربنسات المطلوفات سااااي دي !!
هههههههههههههههههه،
يا مشرف أنا كنت قايل البرينسات دي فيها عمّار ؤ بتسبت في الخط، لكن طلعت فالصو. يا ربي تكون صينيّة واللآ شنو !؟...
Post: #37 Title: Re: الكوامِر المقرَّشة جابوها . والله صحي ... Author: معاوية المدير Date: 12-07-2016, 09:43 AM Parent: #36
Quote: دا كيف
هههههههههههه، يأخي حقو يدفروا المدفع ؤ يختوا البتاع دا فوقوا، فيهو شبه من الخبير...
Post: #38 Title: Re: الكوامِر المقرَّشة جابوها . والله صحي ... Author: معاوية المدير Date: 12-07-2016, 09:52 AM Parent: #37
Quote: في واحد جا هسع قبل دقيقة ركز يا ود المدير ، المنبر الكان زي بص الجريف ، هسي ماشي زي الطلقة ، عشان كدا الكوامر الغاتسة بجوه ح تفوتك ، دي بتقوم بالمنفلة هههههه
ههههههههههههه، بتاع المنفلة دا بيكون فيهو دخنة. بالله بس غفلت من البوست شويييييية، الكوامر كولها ودوها النقل المكنيكي، قالوا، عايزين يعمروها ليوم 19. يا عبد اللطيف ضربة المنبر كانت مقصودة، لكن الضرورات تبيح المحظورات، عشان كِدا كان لا بُد من الضو اللخدر...
Post: #39 Title: Re: الكوامِر المقرَّشة جابوها . والله صحي ... Author: معاوية المدير Date: 12-07-2016, 10:27 AM Parent: #38
Quote: أنا قاصد كوامر تانية خالص !
كمل عباس، وضّح أبِن أفّصِح...
Post: #40 Title: Re: الكوامِر المقرَّشة جابوها . والله صحي ... Author: mohmmed said ahmed Date: 12-07-2016, 03:12 PM Parent: #39
أها .... ختّاها ليك دزززززز .... لا مدسدس ولا مغتغت.
Post: #42 Title: Re: الكوامِر المقرَّشة جابوها . والله صحي ... Author: معاوية المدير Date: 12-08-2016, 06:50 AM Parent: #41
Quote: وولع لي النحرقوا؛
الكومر دا،
ترم، ترم...
Post: #43 Title: Re: الكوامِر المقرَّشة جابوها . والله صحي ... Author: معاوية المدير Date: 12-08-2016, 06:57 AM Parent: #42
Quote: الكوامر عندها حوبه برضو يا قريبى ما تستهينوا بيها .. لك و لضيوفك خالص التحايا.
حياك الغمام يا دكتور. يا دكتور الكوامر دي لآمن مرقوها مرقوها مصدية وتفوح منها رائحة الرطوبة ؤ قايمة فيها الطحالب من كل الإتجاهات ؤ دفروها بي عفنا دا، تقول لي نجيلة !...
Post: #45 Title: Re: الكوامِر المقرَّشة جابوها . والله صحي ... Author: معاوية المدير Date: 12-08-2016, 07:01 AM Parent: #43
Quote: يا ود الناظر في كومر ملبس اسعاف نزلو من تالاكم أعمل حسابك.
هههههههههههههه، يا ملك حوالينا ولا علينا. يعني عامل فيها أندر كفر، مُش !؟، خليهو يلعب غيرا...
Post: #44 Title: Re: الكوامِر المقرَّشة جابوها . والله صحي ... Author: kamal omer Date: 12-08-2016, 06:57 AM Parent: #42
يا ود المدير طفشت البلوم ياخ ، طار كلو
Post: #46 Title: Re: الكوامِر المقرَّشة جابوها . والله صحي ... Author: معاوية المدير Date: 12-08-2016, 07:08 AM Parent: #44
Quote: ميادة ظهرت بعد غياب طويل وكتبت
ما يسمى بالعصيان المدنى
يا محمد سيد أحمد مسعُوّل من الخير، دحين دي مُش بتاعت التلفاز القالت لي بكري، يا بكري أبعد هذه الهرآوة عن وجهي فهي لا تمثلني ؟. يأخي دي ذبحتنا ذبح، كُلُو مرّة شوفوني في التلفزيون التركي عاملة فيها عز الدين الفحل. قُلت لي قالت ما يُسمى !، نسوي شنو عاد تربية شيخ علي عثمان...
Post: #47 Title: Re: الكوامِر المقرَّشة جابوها . والله صحي ... Author: معاوية المدير Date: 12-08-2016, 07:13 AM Parent: #46
Quote: أها .... ختّاها ليك دزززززز .... لا مدسدس ولا مغتغت.
هههههههههه، غتيّت لآكين، عارفا شرانيّة...
Post: #49 Title: Re: الكوامِر المقرَّشة جابوها . والله صحي ... Author: معاوية المدير Date: 12-08-2016, 07:20 AM Parent: #47
Quote: يا ود المدير طفشت البلوم ياخ ، طار كلو
يا كمال رجعوها الحوش ليوم 19. غايتو يوم 19 الكوامر دي إلآ تجي دآقة خلف وش يقابلوا بيهو إرادة الشعب مافي...
Post: #48 Title: Re: الكوامِر المقرَّشة جابوها . والله صحي ... Author: عمر السلمة Date: 12-08-2016, 07:20 AM Parent: #1
زماااااااان في النشيشيبة كان كومر مكتوب عليه
التراب ولا الركاب ...
Post: #50 Title: Re: الكوامِر المقرَّشة جابوها . والله صحي ... Author: معاوية المدير Date: 12-08-2016, 07:23 AM Parent: #48
Quote: زماااااااان في النشيشيبة كان كومر مكتوب عليه
التراب ولا الركاب ...
ههههههههههههه، يا عمر ديّل اللِتنيّن كويسات، الكوامر بتاعتنا دي تخصص زبالة...
Post: #51 Title: Re: الكوامِر المقرَّشة جابوها . والله صحي ... Author: mohmmed said ahmed Date: 12-09-2016, 06:31 AM Parent: #50
يا معاويةعندما يتصدى للدفاع عن الانقا ذامثال ميادة بقدراتها المتواضعةهذا مؤشر على قرب الانتصار
Post: #52 Title: Re: الكوامِر المقرَّشة جابوها . والله صحي ... Author: معاوية المدير Date: 12-09-2016, 06:59 AM Parent: #51
Quote: يا معاوية عندما يتصدى للدفاع عن الانثقاذ امثال ميادة بقدراتها المتواضعة هذا مؤشر على قرب الانتصار
والله يا محمد أخوي كتّر خيرك علي المجاملة، وإثبات قُدرات حتي ولو كانت متواضعة لميادة، والإنقاذ أصلاً ليست في موضع إتهام حتي تدافع عنها ميادة أو غيرها من ذوي القدرات العالية، الإنقاذ بؤرة فساد ومستنقع عفن من وقع فيه لا يسلم.
مودتي لك...
Post: #53 Title: Re: الكوامِر المقرَّشة جابوها . والله صحي ... Author: معاوية المدير Date: 12-10-2016, 09:31 AM
في كومر مكتوب في الكرتونة العاملنها نظام قزاز خلفي الشفيع وراق دفرهو جابوهو...
