Post: #1
Title: وانكشف المستوووور
Author: زهير عثمان حمد
Date: 11-26-2016, 00:17 AM
Parent: #0
11:17 PM November, 26 2016 سودانيز اون لاين
زهير عثمان حمد-السودان الخرطوم
مكتبتى
رابط مختصر
...
الطبيب الصيدلى هيثم العاص .. يرسل رسالة بالخطأ إلى قروب (حضارة السودان) كان يود توجيهها الى زميله...
وانكشف المستوووور👍👍👍
🙈🙈🙈🙈🙈🙈🙈🙈
[٢٦/١١ ١٢:٤٠ ص] +249 91 251 6388: يا رفيق أنتت كدا بتتكلم بلسان الوزير والوزير كلامه ما كويس معانا واصلا الارباح حتقل اقل من الاول والشارع حيهدا عشان كدا قلت ليك امسكو فى خط ناس دكتور عمار والشباب المعاهو ولازم نجهض كلام الوزير اعلاميا لحدى الأحد وزولك البغالطك دا كان ماسك توكيلات سمرة الطبية و anti abiotic المستوى التانى والمدررات وكل مستلزمات القلب والشرايين حتجى مجانية بى كلام صحبك دا وانت عندك منها كراتين ومخازن عشان كدا ما تفهمنى غلط انا بتكلم عشان مصلحتكم وخلو قصة مواطن والشعر البتقولو فيهو دا لى ناس الحملة الاعلامية
نحن همنا يكون موقفنا موحد ضد الاتحاد والوزير اعلاميا فاهم وجهة نظرى ؟؟؟
المنطق حيجيب خبرك مع ناس شعيب البقو مؤتمر وطنى ديل هههه
تصبح علي خير
|
Post: #2
Title: Re: وانكشف المستوووور
Author: محمد البشرى الخضر
Date: 11-26-2016, 08:45 AM
Parent: #1
السلام عليكم يا ابو الزهور
حتى لو كان الكلام صاح وما مفبرك فانه يخدم خط الأمن و الحكومة ابلتشكيك في مواقف الصيادلة و غرضهم و يجهض التضامن الحاصل و يبث الفتنة بين مكونات الحرك الشعبي ضد قرارات الحكومة
ما كان لأعضاء القروب ان يروجوه
|
Post: #3
Title: Re: وانكشف المستوووور
Author: Munir
Date: 11-26-2016, 09:03 AM
Parent: #2
ودالبشرى سلام يغشاكم إنت وزهير ..
ممكن تشرح لى الحاصل شنو فى الكلام ده؟ ما فهمت حاجة وأخوك ما متابع .. وزهير طبعاً بجى يفتح البوست ويشتت ما عنده زمن للردود .. لكن للأمانة زهير بوستاته نوعية ومتنوعة مهما طالت اللستة ..
وبعد دااك أدونا موجهات عامة نعرف الفبركة من عدم الفبركة كيف؟؟
|
Post: #4
Title: Re: وانكشف المستوووور
Author: محمد البشرى الخضر
Date: 11-26-2016, 02:04 PM
Parent: #3
وعليكم السلام منير
الكلام اعلاه يقول ان احد الصيادلة بالخطأ نشر رسالة في قروب و الرسالة موجهه لزميل صيدلي يبدو انه داعم لتضامن الصيادلة ضد رفع الدعم عن اسعار الأدوية و عايز ينبهه ان ترحيبه بقرارات وزير الصحة بإرجاع الأدوية للأسعار القديمة ستضر بعمله و ارباحه و مواده المخزنة و ستجهض العصيان المدني
الشخص النقل منه زهير و ضع المقدمة التالية (وانكشف المستور)
فهمت الحاصل يا قريبك
|
Post: #5
Title: Re: وانكشف المستوووور
Author: زهير عثمان حمد
Date: 11-26-2016, 02:15 PM
Parent: #4
تفسير رهيب جدا يا ود البشري تحياتي لكما
|
Post: #6
Title: Re: وانكشف المستوووور
Author: Munir
Date: 11-26-2016, 02:35 PM
Parent: #4
شكراً محمدالبشرى .. لخبطة شديدة .. الحقيقة أنا مافهمت صدر البوست وكسلت من قراءة تانية😐 .. يعنى بصيغة أخرى أن هناك صيدلى ظل متضامن مع الإضراب، وفى نفس الوكت عنده أدوية مخزنة كان ممكن يستفيد من إرتفاع سعرها... وبعدين فى الآخر قام رحب بقرارات وزير الصحة ـ وذلك يعنى تخليه عن التضامن مع الإضراب .. قام زميله إنتقد ترحيبه بقرارات الوزير ونبهه بأنه سيخسر فرق السعر المخزون الذى سيرفعه الإضراب وتخفضه قرارات الوزير .. وهذا الترحيب ــ الذى يعنى التخلى عن التضامن مع الإضراب ــ سيؤدى لإجهاض العصيان المدنى القادم ..
إن شاء الله أكون فهمت ..😀
طيب الزوول القال إنكشف المستور ده تابع لياتو فريق؟؟ مع الإضراب أم ضده ...
وأخيراً سؤالى الأخير الطرحته فى الأول .. نفرز الفبركة من عدم الفبركة كيف ؟؟..
|
Post: #7
Title: Re: وانكشف المستوووور
Author: محمد البشرى الخضر
Date: 11-26-2016, 04:14 PM
Parent: #6
| Quote: طيب الزوول القال إنكشف المستور ده تابع لياتو فريق؟؟ مع الإضراب أم ضده ... |
دا المستفيد من البلبلة الح يعملها البوست و التشكيك في نوايا الصيادلة المتضامنين مع رفض القرارات الأخيرة
بالنسبة للفبركة الاسافير و اللفحي و التزوير المنتشر علمونا يا منير عدم تصديق اي هراء معروض و شراء الهجايص من الوهلة الأولى, قليل من التريث و اعادة القراءة تفيد و ومراعاة المفارقات غير المنطقية و تاريخ مصداقية المصدر و الناقل أو المنسوب لهم الخبر
الأمن و الحكومة لا تتورع عن استخدام هذا السلاح - اختلاق و ترويج الأكاذيب - وللأسف بعض معارضيها كذلك و اضف سبهللية السودانية وعدم تركيزه وحبه لترويج الأخبار و الظهور بمظهر العارف البجيب من جوة و الأول البجيب الخبر
دا وغيره من العوامل تساعد في معرفة الفبركة - أو على الأقل الإحساس بها :)
|
Post: #8
Title: Re: وانكشف المستوووور
Author: أحمد محمد عمر
Date: 11-26-2016, 04:31 PM
Parent: #7
| Quote: نفرز الفبركة من عدم الفبركة كيف ؟؟ |
في رقم فوق مرفق مع الرسالة الشخص المهتم ممكن يتصل عليه يتأكد
بالنسبة لي أنا فتشت على الرقم في النمبر بوك وجاني مسجل بإسم مكي (Makki)
وفتشت بالاسم عن هيثم العاص جاتني 5 أرقام ما فيهن الرقم الفوق
أشك في إنه رسالة بالحساسية دي ممكن تترسل في الواتساب
|
Post: #9
Title: Re: وانكشف المستوووور
Author: زهير عثمان حمد
Date: 11-26-2016, 04:38 PM
Parent: #7
(بمظهر العارف البجيب من جوة و الأول البجيب الخبر )
يا ود البشري كلمة حق أنا لا عارف ولا عندي زول جوه
عنقالي ساي وحايم وكمان في سوق المناضلين غواصة
وقع ليك الكلام
والتصحيح الشديد ممكن يكون حاجة مللة في بعض الاحيان
عشان نصل الي كلمة سوا هي الحق والباطل للجاهل والعالم أوضح من شمس النهار
لكم كل الود
|
Post: #10
Title: Re: وانكشف المستوووور
Author: محمد البشرى الخضر
Date: 11-26-2016, 04:55 PM
يا ابو الزهور ما تتحسس كلامي بصفة عامة ولم اخصص
ولو عايز اعنيك بوجه ليك الكلام مباشرة ما قاعد الف وادور واطاعن ولا اخشى شيئا
|
Post: #11
Title: Re: وانكشف المستوووور
Author: زهير عثمان حمد
Date: 11-26-2016, 05:11 PM
Parent: #10
نعم المطاعنة والملاعنة من شيماء الضعفاء
|
Post: #12
Title: Re: وانكشف المستوووور
Author: محمد البشرى الخضر
Date: 11-26-2016, 05:38 PM
Parent: #11
حاضرين
|
Post: #14
Title: Re: وانكشف المستوووور
Author: عبد الصمد محمد
Date: 11-26-2016, 05:50 PM
Parent: #12
ود البشرى تحياتي
في الأول أثمن على جهودك في كشف التزييف على علم بأن أول المتضررين من أي تزييف هو العمل المعارض وإن بدا الخبر المزيف في أول الأمر فاضح للنظام
ثانياً أبوالزهور دا وأنا متأكد بتوافقني الرأي إنه أكتر الناس بياضة ضمير بس إنفعالي . يعني انت هسة مداخلاتك الأولى دا لا تغمط حقه أبداً لكنه تسرع وإتخيل غير ذلك
أتمنى لو تحذف تعديلك للخطأ الإملائي حتى لا تزيد من إنفعال حبيبنا أبوالزهور وواصل في دورك الإيجابي في البورد يا حبيب
أعترف انني ظلمتك من قبل فالسماح
|
Post: #15
Title: Re: وانكشف المستوووور
Author: محمد البشرى الخضر
Date: 11-26-2016, 06:06 PM
Parent: #14
مشكور على الكلام الطيب يا عبد الصمد
مع انو الموضوع بسيط انا لا اخوّن احد فالمطلّع على النوايا هو الله وحده
و المسالة بالنسبة لي ليست دورا في فضح التزييف وكدا بقدر ما هي شعور بالضيق من الاستحمار, فا من يفبرك خبر او صورة او فيديو وحتى لا يهتم باتقان ما يفعله هو فقط يستخف بالمتلقي و يفترض فيه الغباء
و عدّلت المداخلة اكراما ليك مع اني كان قصدي منها تخفيف الحدة و جرف الموضوع نحو الهزل
|
|