Post: #2 Title: Re: أم كبس إمرأة تقابل الإعتقال بالزغاريد (فد� Author: سيف اليزل سعد عمر Date: 11-25-2016, 05:28 PM Parent: #1
نشرت المواطنة أم كبس محمد الامين تسجيلا ناريا تعبر فيه عن سخطها ضد الانقاذ وتدعو فيه المواطنيين برفض بالنهوض وتغيير هذه الاوضاع السيئة وأحتجاجا علي سوء الأوضاع المعيشية.. الرجاء ممن يستطيع ان يرفع هذا التسجيل ان ينشره لنا هنا بالعدم سوف نفرغ مداخلتها كتابة من التسجيل... اليوم تعتقلها مليشيات أمنية في خسة وجبن لا تحسد عليه...
Post: #3 Title: Re: أم كبس إمرأة تقابل الإعتقال بالزغاريد (فد� Author: سيف اليزل سعد عمر Date: 11-25-2016, 05:35 PM Parent: #2
ما هذا أيها الأمنجية الجناء..؟
كيف تعتقلون إمرأة تشكو ضعفها وفقرها بسبب سياساتكم؟ كيف تعتقلون إمرأة لا حول لها ولا قوة سوى صوتها؟
أيها الجبناء لعنة الله عليكم...
Post: #4 Title: Re: أم كبس إمرأة تقابل الإعتقال بالزغاريد (فد� Author: سيف اليزل سعد عمر Date: 11-25-2016, 05:53 PM Parent: #3
أم كبس وبكل شجاعة فوق بوكس الأمنجية: اسمعوا هووي يا ناس الحلة أنا مرقت ولما مرقت جو ساقونى.
أحد كلاب الأمن واحد خسيس يقول ليها هدئ أعصابك..
أم كبس تجاوب : أنا أعصابي هادئة.
ثم تطلق زغرودة ااااااايوووووووووي
خسيئتم أيها الكلاب
Post: #5 Title: Re: أم كبس إمرأة تقابل الإعتقال بالزغاريد (فد� Author: سيف اليزل سعد عمر Date: 11-25-2016, 06:15 PM Parent: #4
في تسجيل سابق في الواتساب تحدثت أم كبس بكل شجاعة قائلة:
"أنحنا تعبنا يا أخوانا أنحنا تعبنا وإدمرنا أنحنا ما عارفين نسوي شنو.. أنحنا ما عارفين نأكل عيالنا شنو اولادنا دايرين قروش يمشوا الموصلات غلت البنزين غلا السكر غلا الزيت غلا الرغيف غلا الرغيفة بقي الإثنين بألف هسا بكرة تبقي الرغيفة الوحدة بألف وإحتمال تبقي نص رغيفة بألف نسوي شنو نحن يأخوانا رجالنا وينهم نحن ما عندنا رجالة رجالاتنا ماتت الحكومة ماتت المادايرين مظاهرات يقعدوا في بيتهم مافي زول يمشي الشغل. مافي زول يمرق يشتري بنزين وأنا إسمي أم كبس. البعرفني يعرفني والما بعرفني يكلم المابعرفني أنا ساكنة الشقلة مربع إتناشر إسمي أم كبس محمد الأمين الرجالة ماتت العزة لله وللوطن .......... دي بشتنة دي ده دمار يا أخوانا إنتو ما جايبين خبر قاعدين في البيوت الناس عندها قروش نحنا ما عندنا قروش ما عارفين نأكل ما عارفين نشرب ما عارفين نتوصل البشير نائم في بيته صحي الرجالة ماتت الرجالة ماتت صحي إسمي أم كبس الما عارفني يسأل منى في الشقلة مربع إتناشر"
Post: #6 Title: Re: أم كبس إمرأة تقابل الإعتقال بالزغاريد (فد� Author: احمد حمودى Date: 11-25-2016, 07:12 PM Parent: #5
التحية لهذه السيدة العفيفة والشجاعة / سلام سيف
Post: #7 Title: Re: أم كبس إمرأة تقابل الإعتقال بالزغاريد (فد� Author: سيف اليزل سعد عمر Date: 11-25-2016, 07:46 PM Parent: #6
Quote: التحية لهذه السيدة العفيفة والشجاعة
نعم يا احمد..سيدة شجاعة قالتها بقوة أقلقت منام البشير في قصور كافوري فارسل لها كلاب الامن لإعتقالها...
صرخت فيهم بزغرودة هزت قواعد الانقاذ المتهالكة....
Post: #8 Title: Re: أم كبس إمرأة تقابل الإعتقال بالزغاريد (فد� Author: صباح حسين طه Date: 11-25-2016, 07:55 PM Parent: #7
بالله اكتر من ثلاثة رجال جايين متخمخمين وراكبين بوكس ومكلفين الدولة بنزيين وزمن عشان يعتقلو ليهم مرا ...؟ ؟ ؟ والله لو كنت مكانهم وكلفوني بالمهمة دي كنت قدمت إستقالتي! ! يعني خلاص بعد اعتقال المرا دي امور السودان بتكون على أفضل حال ؟ ؟ والاقتصاد بستعيد عافيته ؟ ؟ ؟ ؟ يخس يخس يخس عالم قرف ياخ
Post: #13 Title: Re: أم كبس إمرأة تقابل الإعتقال بالزغاريد (فد� Author: سيف اليزل سعد عمر Date: 11-25-2016, 10:48 PM Parent: #12
Quote: أم كبس في وجه كل مقهور رافض للظلم والاستبداد
نساء ضد صلف وفساد الانقاذ...
عار أنت يا عمر البشير وامنجيتك...
Post: #14 Title: Re: أم كبس إمرأة تقابل الإعتقال بالزغاريد (فد� Author: سيف اليزل سعد عمر Date: 11-26-2016, 00:13 AM Parent: #13
Quote: بالله اكتر من ثلاثة رجال جايين متخمخمين وراكبين بوكس ومكلفين الدولة بنزيين وزمن عشان يعتقلو ليهم مرا ...؟
تبا لنظام يعتقل النساء تبا لنظام يعتقل الفقراء عندما يجأرون بالشكوي تبا لنظام يعتقل النساء من بيوتهن علي سطح بوكس
عندما تعرضت إمرأة لمثل ها العسف في رفاعة و إعتقلتها سلطات الاستعمار خطب الاستاذ محمود في الناس و قال لهم كيف ننام في بيوتنا و عرض من عروضنا في السجن.. اها دا يوم الاستاذ محمود! دا يوم عيالو خاصة المحامين منهم و الصحفيين.. أم كبس دي ما تنضام و إلا يكون كلامها صاح الرجال ماتت! الرجال وينهم؟
Post: #16 Title: Re: أم كبس إمرأة تقابل الإعتقال بالزغاريد (فد� Author: سيف اليزل سعد عمر Date: 11-26-2016, 08:46 AM Parent: #15
إعتقال أم كبس جديدة.. اعتقلت أمنجية الإنقاذ قبل قليل الطالبه صاحبة الفيديو الشهير الذى دار في كل مواقع التواصل الاجتماعي وشاهده الملايبن داخل وخارج السودان .
خسيئتم يا من تعتقلون النساء والأطفال من بيوتهم..
Post: #17 Title: Re: أم كبس إمرأة تقابل الإعتقال بالزغاريد (فد� Author: أحمد محمد عمر Date: 11-26-2016, 09:05 AM Parent: #16
القهر والاعتقال لن يجدي مع وسائل التواصل الاجتماعي كل ما تعتقل صاحب تسجيل بظهر تسجيل جديد سلطة التواصل الاجتماعي تفوق سلطة القمع والاستبداد
الحكومة بقت حيرانة تسيبهم يلهبوا الحماس في الشارع .. تعتقلهم تصنع منهم ابطال في عين الشارع
Post: #19 Title: Re: أم كبس إمرأة تقابل الإعتقال بالزغاريد (فد� Author: سيف اليزل سعد عمر Date: 11-26-2016, 10:30 AM Parent: #17
Quote: القهر والاعتقال لن يجدي مع وسائل التواصل الاجتماعي
يا أحمد القهر والاعتقال لا يجدى عدم فى عدم وجود وسائل التواصل الإجتماعى...خروج الناس الان واصوات النساء هذه هى تعبير رافض للظلم وستنفجر بدون وجود قنوات التواصل الاجتماعي حتى.... "الارض تلد ثائر" بيت شعر اتقال قبل وجود قنوات التواصل الإجتماعي....
Post: #18 Title: Re: أم كبس إمرأة تقابل الإعتقال بالزغاريد (فد� Author: Hassan Farah Date: 11-26-2016, 10:30 AM Parent: #1
ام كبس كنداكة من نساء السودان الاصيلات وطالما توجد بيننا مثيلات ام كبس معناها الدنيا بخير ولا خوف على السودان
Post: #20 Title: Re: أم كبس إمرأة تقابل الإعتقال بالزغاريد (فد� Author: ombadda Date: 11-26-2016, 10:37 AM Parent: #18
عار علينا ان لمن نسقطها هذه المرة...
Post: #21 Title: Re: أم كبس إمرأة تقابل الإعتقال بالزغاريد (فد� Author: جمال ود القوز Date: 11-26-2016, 10:39 AM Parent: #18
التحية لهذه المناضلة الجسورة .. والله الواحد يخجل ليهم .. حتى وهي يلقى القبض عليها بتزغرد ... ربنا يفك أسر هذا الشعب ..
Post: #22 Title: Re: أم كبس إمرأة تقابل الإعتقال بالزغاريد (فد� Author: امجد الجميعابى Date: 11-26-2016, 11:03 AM Parent: #21
Post: #23 Title: Re: أم كبس إمرأة تقابل الإعتقال بالزغاريد (فد� Author: سيف اليزل سعد عمر Date: 11-26-2016, 07:05 PM Parent: #22
ورد إلى الآن مواطنو الشقلة مربع إتناشر يعلنوا تضامنهم مع المواطنة ام كبس وقرروا الانضمام للعصيان المدنى غدا من اجل حرية ام كبس و من اجل غد افضل.
Post: #24 Title: Re: أم كبس إمرأة تقابل الإعتقال بالزغاريد (فد� Author: احمد حمودى Date: 11-26-2016, 09:55 PM Parent: #23
Post: #26 Title: Re: أم كبس إمرأة تقابل الإعتقال بالزغاريد (فد� Author: اميرة السيد Date: 11-27-2016, 01:51 AM Parent: #24
والله والله والله والله والله يا ام كبس يا كنداكة انتي خجلتي الرجالة... ....وكمان والله خجلتينا نحن ذاتنا...الما قدرنا نسوي زيك...لو في ٤٠ نفر عندهم شجاعة زي شجاعتك وقادوا ونظموا مظاهرات الاحتجاج على غلاء المعيشة والمعاناة الحكومة دي ما كانت حتستمر يوم واحد... لكن نقول شنو...الناس تحب الحياة تحب الدنيا الفانية وكانهم سيعيشون للابد..
التحيات النواضر لام كبس....المراة الشجاعة التي علمتنا الشجاعة.. والله يديها الصحة والعافية..
Post: #27 Title: Re: أم كبس إمرأة تقابل الإعتقال بالزغاريد (فد� Author: شهاب الفاتح عثمان Date: 11-27-2016, 09:06 AM Parent: #26
التحيات النواضر لام كبس....
المراة الشجاعة التي علمتنا الشجاعة.. والله يديها الصحة والعافية..
Post: #28 Title: Re: أم كبس إمرأة تقابل الإعتقال بالزغاريد (فد� Author: سيف اليزل سعد عمر Date: 11-27-2016, 07:26 PM