Post: #1
Title: تخفيض أسعار الدواء
Author: محمد أبوالعزائم أبوالريش
Date: 11-25-2016, 04:06 PM
03:06 PM November, 25 2016 سودانيز اون لاين
محمد أبوالعزائم أبوالريش-
مكتبتى
رابط مختصر
خطوة متوقعة .....
قرار بزيادة سعر الدواء 340% ............ يحتج الناس ......... تخفض الأسعار (بعد تطبيق الزيادة)
الحصيلة ..... الزيادة 150%بدلاً عن 340% ....... ينبسط الناس .... وعاشت الحكومة.
نفس الخطوات دي طبقها قبل كده سئ الذكر جعفر نميري ..... في النهاية أخد شلّوت.
|
Post: #2
Title: Re: تخفيض أسعار الدواء
Author: محمد أبوالعزائم أبوالريش
Date: 11-25-2016, 04:31 PM
Parent: #1
|
Post: #3
Title: Re: تخفيض أسعار الدواء
Author: قسم الفضيل مضوي محمد
Date: 11-25-2016, 04:43 PM
Parent: #2
تحياتي يا ابو الريش ...
الزيادة في اسعار السلع مستمرة وفي صمت وقبل زيادة الدواء بفترة طويلة ...
الرغيف كان 3 رغيفات بجنيه ...
قام ناس الافران وبدون مشورة اي مسئول عملوا 2 عيشة بجنيه ...
طبعا هم كبروا حجم الرغيفة فاصبح حجم 2 رغيفة هو نفسه حجم 3 رغيفة ...
شوية شوية بدوا ينقصوا في الوزن لغاية من قربت تتلاشى الرغيفة ذات نفسها ...
---------
اسعار المواصلات مثلا سوبا الحلة الخرطوم كانت بي 2 جنيه ...
ناس الحافلات بقوا يزوغوا وبقى ما في مواصلات فقاموا ناس الحافلات بتقطيع الخط الى 3 مراحل ...
المرحلة الاولى سوبا الحلة السوق المركزي 2 جنيه بالحافلات الروزا و3 جنيه بالحافلات الهايس ...
من لفة السوق المركزي الى جامعة الخرطوم 2 جنيه حافلات الروزا 3 جنيه الهايس ...
من جامعة الخرطوم الى السوق العربي 1 جنيه ...
اصبحت التكلفة من 2 جنيه الى 6 جنيه ...
وقس على ذلك خطوط الكلاكلة والحاج يوسف ... الخ ...
بعد صلاة العشاء توجد تسعيرة للحافلات الهايس
وهي 5 جنيه للراكب من لفة السوق المركزي الى سوبا الحلة ...
ملخص كلامي انه البلد في حالة فوضى وكل زول بسعر بمزاجوا والمواطن الغلبان هو الضحية ...
_______
طبعا (جنيه) دا اسم الدلع للالف جنيه ...
|
|