هل مر بكم خطاب الضباط الوطنيين الأحرار إلى جهاز الأمن؟؟

01:40 PM November, 25 2016

سودانيز اون لاين
Yasir Elsharif-Germany
مكتبتى
رابط مختصر

هناك خطاب من ضباط أسموا نفسهم الضباط الوطنيين الأحرار إلى جهاز الأمن. هل مر بكم هذا الخطاب أو البيان؟؟
لم أشاهده في الراكوبة أو حريات مع أنه مكتوب بتاريخ 21 نوفمبر..


http://www.up-00.com/"http://www.up-00.com/"

فى حاجة غريبة يا دكتور ياسر فى البيان ده
الصورة المائية للورقة المكتوب عليها البيان
مكتوب فيها جهاز المخابرات الوطنى
يعنى البيان طالع من ناس الجهاز

تسلم يا حبيبنا جلالدونا

يعني الجماعة بقت عليهم نكتة الكمساري المصري الذي كان يقول للركاب في الأتوبيس : "حد نازل المطار السري؟؟".. أم أنهم قصدوا أن يكتبوا الخطاب في ورقة رسمية من أوراق الجهاز؟؟

جاء في بالي أيضا أن الخطاب لعبة من لعبات جهاز الأمن.. ولكن إذا كانت المسألة منحولة فما هو السبب يا ترى؟؟

ياسر

بس باها ذاتا .. محطة المطار السرّى دى
__
احتمال كبير تمهيد لى انقلاب القصر
ضباط و طنيين احرار
اى حاجة فيها وطنيين و وطنى اليومين ديل طوالى تلصّقا فى الجماعة ديل

كلامك معقول يا جلالدونا..

أنا كنت متحير في سبب نبرة كلام ابراهيم السنوسي التي في ندوة المؤتمر الشعبي دي:




نبرة زي دي داير يقول بيها نحن عندنا ناسنا وعندنا سلاح.. كان صح كان تهويش ساكت وتخويف..

ياسر

فعلاً برضو لاحظت حكاية العلامة المائية.

الملاحظة التانية، مكتوب هنا (نداء رقم 2) ........ وين النداء رقم (1) وفيهو شنو؟

العلامة المائية ربما تكون رسالة :

"نحن مخترقنكم ونكتب في ورقكم الرسمي"

ــــــــــ

أنا برضو ما مر علي النداء الأول..

الجيش تمت ادلجته بالكامل
فلا رجاء منه يا ياسر

نعم يا جلالدونا ، الجيش تمت أدلجة ضباطه، هذه حقيقة. ولكن مع طوفان الانتفاضة لن يكون لهم خيار غير ما يمليه الشعب السوداني، وبعد داك الحساب ولد، فالناس قد تعلموا من التجارب الفاشلة.