Post: #1
Title: عجوز يثبت حيويته امام حسناء ويتزوجها (فيديو)
Author: عمر التاج
Date: 11-24-2016, 07:12 PM
06:12 PM November, 24 2016 سودانيز اون لاين
عمر التاج-KHT
مكتبتى
رابط مختصر 
العريس من نيجيريا 64 سنة
والعروس من جزر القمر 30 عاما.
تعرض العريس باتهامات بالعجز والشيخوخة ولكنه اثبت قدرته على زواج هذه الحسناء بطريقة جدية ..
شاهد الفيديو ..
|
Post: #2
Title: Re: عجوز يثبت حيويته امام حسناء ويتزوجها (فيد�
Author: عمر التاج
Date: 11-24-2016, 07:21 PM
Parent: #1
القصة لها أكثر من عام
والعروس قد تكون مع طفلها الثالث الان
ولكن قصة الجري والحيوية اعجبتني فقلت اشارك فيها عجائز سودانيز اونلاين ؟
والقصة عربون عودة قريبة واهديها كذلك لزميل المنبر الأخ/ابو حسين الذي علمت أنه في عزلة أجبارية
ولاخرين احترمهم في عزلتهم الاجبارية وأسال الله ان يفك اسرهم
|
Post: #4
Title: Re: عجوز يثبت حيويته امام حسناء ويتزوجها (فيد�
Author: محمد البشرى الخضر
Date: 11-24-2016, 07:29 PM
Parent: #2
يا ود التاج سلامات
الكلام دا فيه مغالطة منطقية ذكرتني قصة المنطق الإقريطي الدائري الضرب بيه الحبشي مثل قبل كدا - ذكرني احكي ليك مرة تانية
المهم, يقول الفيديو انو عمّك دا جرى ماراثون 10 كيلو لإثبات رجولته و شبابه لزوجتة بعد 24 ساعة من الزفاف
أولا الجري ما بثبت الرجولة
وثانيا ودا الأهم قصة بعد 24 ساعة من الزفاف دي, إن كان الدخلة تمت بدون مشاكل معناها اولريدي اثبت نظريته ولا حاجة له للجري
إن كان فيّص فإن جرى لا باكر و لف الكرة الأرضية كلها لن يتبت شيئا مادام فشل في المحك
ولاّ الراي شنو؟
|
Post: #7
Title: Re: عجوز يثبت حيويته امام حسناء ويتزوجها (فيد�
Author: عمر التاج
Date: 11-24-2016, 07:47 PM
Parent: #4
اهلين بالحبيب محمد البشرى ..
ولنبدأ بقصة الحبشي
Quote:
يا ود التاج سلامات
الكلام دا فيه مغالطة منطقية ذكرتني قصة المنطق الإقريطي الدائري الضرب بيه الحبشي مثل قبل كدا - ذكرني احكي ليك مرة تانية
|
كدي بالاول احكيها ..
ثم
Quote:
الفيديو انو عمّك دا جرى ماراثون 10 كيلو لإثبات رجولته و شبابه لزوجتة بعد 24 ساعة من الزفاف
أولا الجري ما بثبت الرجولة
وثانيا ودا الأهم قصة بعد 24 ساعة من الزفاف دي, إن كان الدخلة تمت بدون مشاكل معناها اولريدي اثبت نظريته ولا حاجة له للجري
إن كان فيّص فإن جرى لا باكر و لف الكرة الأرضية كلها لن يتبت شيئا مادام فشل في المحك
ولاّ الراي شنو؟
|
الجري صحي مابثبت رجولة لان العداءات الاثيوبيات ذوات النوثة العالية بجرن 50 كيلو عادي
ولكن عشرة كيلو اعتقد كافية لاثبات اللياقة الزوجية
وبعدين الراجل خبره واستطاع تجاوز 10 كيلو ما اظن تكون غلبته بضع ملمترات ..
ولا القصد شنو؟
|
Post: #3
Title: Re: عجوز يثبت حيويته امام حسناء ويتزوجها (فيد�
Author: جمال ود القوز
Date: 11-24-2016, 07:23 PM
Parent: #1
القزازة دي فيها شنو ؟ ..
|
Post: #8
Title: Re: عجوز يثبت حيويته امام حسناء ويتزوجها (فيد�
Author: عمر التاج
Date: 11-24-2016, 07:58 PM
Parent: #3
تحايا وسلامات يا صاحبي ود القوز
Quote:
القزازة دي فيها شنو ؟
|
القزازة ريحتها ماغريبة علي ، إلا اكيد ماخمرة (بضم الخاء)
بس العرفتو انو القزازة عاملة ماتش مع الرقبة التي بجوارها
وقديما غنى مبدعنا الراحل وردي ( القزازة رقيبة عصير ) أو كلام من هذا القبيل
على العموم يمكن رؤية هذه الرقيبة بوضوح في الصورة التالية ..
|
Post: #5
Title: Re: عجوز يثبت حيويته امام حسناء ويتزوجها (فيد�
Author: عمر أبوعاقلة
Date: 11-24-2016, 07:31 PM
Parent: #1
سلام يا ود الاحيمر (سميي)
انا طبعاً جيت جاري قلت أشوف الاثبات كان كيف .. لكن برضو فكرة الجري ما بطالة ياخ 
أها بالنسبة لسؤال الأخ جمال دا أنا جاوبته قبيل في خيط مجاور وانت اتصرف معاه
مودتي
|
Post: #6
Title: Re: عجوز يثبت حيويته امام حسناء ويتزوجها (فيد�
Author: يحي قباني
Date: 11-24-2016, 07:44 PM
Parent: #5
Quote: عجوز يثبت
العريس من نيجيريا 64 سنة
تعرض العريس باتهامات بالعجز والشيخوخة
|
بالله 64 بقت عجوز ؟
ذكرتني صاحبي هسي عمره 64 و هو اكبر مني بي 8 سنوات لكن أولاد بلية واحدة ...
لما وصل 45 مشينا نزور زول صاحبنا جاته ذبحة و راقد مستشفي
و صاحبنا العيان كمان اكبر شوية كان عمره 50
صاحبي و احنا قاعدين بره العناية المركزة قال لي بي صوت منخفض عشان الازعاج ...:
تتذكر زمان لما يقولوا ليك واحد عمره 50 جاته ذبحة ...
نقول ما زول عجوز ...
حسي لما تسمع خبر زي ده .. جعباتك تصفق ...
_______________________________
عمر التاج ... ياخ بالغت في قصة 64 و عجوز دي ...
|
Post: #9
Title: Re: عجوز يثبت حيويته امام حسناء ويتزوجها (فيد�
Author: shaheen shaheen
Date: 11-24-2016, 08:25 PM
Parent: #6
" ادامز مستعد للتضحية , فماذا عنك انت ؟ "
ملاريا افريقيا المُزمنة .. رجال السلطة والثروة الباحثين عن تعويض ايام الحرمان .
اى مُناسبة زواج يتكرم فيه رئيس اى دولة افريقية بالحضور , اعلم تماماً ان (1) اما العريس فاسد (2) او العروس فاسدة (3) او المعازيم فاسدين .
ذكرنى هذا بالشمولى المحترم الزعيم الصينى (ماو) عندما انتشرت شائعة مرضه, فقام بالسباحة لمسافة طويلة امام العدسات .
كان من الاسهل على النيجيرى والصينى تقديم ونشر تحاليلهم الطيبة لمن يهمهم ا مر سلامتهما الجسدية دون حاجة لكل هذا التعب .
لكنها الشمولية يا اعزك الله , والتى تتحدى قانون الحياة والزمن امام العدسات .
|
Post: #10
Title: Re: عجوز يثبت حيويته امام حسناء ويتزوجها (فيد�
Author: عمر التاج
Date: 11-24-2016, 08:41 PM
Parent: #5
ود ابوعاقلة يا صديق .. عميق سلامي وودي ..
Quote:
انا طبعاً جيت جاري قلت أشوف الاثبات كان كيف .. لكن برضو فكرة الجري ما بطالة ياخ
أها بالنسبة لسؤال الأخ جمال دا أنا جاوبته قبيل في خيط مجاور وانت اتصرف معاه
مودتي
|
الاثبات فعلا جاذب لكل النساء المهتمات بالصحة والجمال ،
ففي زمن الركب العاضة والروماتيزم والدواء الغالي ..
يكفي ان تجري امام حسناوات القرن العشرين بخفة ومهارة حتى تجري وراءك لتخطفك سيدا عريسا ..
ردك لسؤال الاخ جمال لم يصلني لذا لن يهدأ لي بحث حتى اجده بين جنبات المنبر
دم طيبا ودودا سريع العدو امام ست الحسان
|
Post: #11
Title: Re: عجوز يثبت حيويته امام حسناء ويتزوجها (فيد�
Author: حامد عبدالله
Date: 11-24-2016, 09:03 PM
Parent: #10
سلام
Quote: " ادامز مستعد للتضحية , فماذا عنك انت ؟ "
ملاريا افريقيا المُزمنة .. رجال السلطة والثروة الباحثين عن تعويض ايام الحرمان .
اى مُناسبة زواج يتكرم فيه رئيس اى دولة افريقية بالحضور , اعلم تماماً ان (1) اما العريس فاسد (2) او العروس فاسدة (3) او المعازيم فاسدين .
ذكرنى هذا بالشمولى المحترم الزعيم الصينى (ماو) عندما انتشرت شائعة مرضه, فقام بالسباحة لمسافة طويلة امام العدسات .
كان من الاسهل على النيجيرى والصينى تقديم ونشر تحاليلهم الطيبة لمن يهمهم ا مر سلامتهما الجسدية دون حاجة لكل هذا التعب .
لكنها الشمولية يا اعزك الله , والتى تتحدى قانون الحياة والزمن امام العدسات . |
العشرة كيلو جري دي اكيد وراها قورو ضكر ادوما شباب ورياضة البنية كان داخلة علي طمع ياهو الضحك شرطها حكام افريقيا روحهم طويلة بقبرا وبجيب التالتة بخمسة كيلو
ودوورد
|
Post: #12
Title: Re: عجوز يثبت حيويته امام حسناء ويتزوجها (فيد�
Author: Ahmed Yassin
Date: 11-24-2016, 09:13 PM
Parent: #11
انا هسي قايلوا سادومبا
المهم قطع المسافة في كم ؟ دا السؤال
ياود التاج حمد الله على السلامة و ليك اشتياق
|
Post: #13
Title: Re: عجوز يثبت حيويته امام حسناء ويتزوجها (فيد�
Author: عمر التاج
Date: 11-24-2016, 10:04 PM
Parent: #12
الصديق يحي قباني لعلك طيب
Quote:
بالله 64 بقت عجوز ؟
ذكرتني صاحبي هسي عمره 64 و هو اكبر مني بي 8 سنوات لكن أولاد بلية واحدة ...
لما وصل 45 مشينا نزور زول صاحبنا جاته ذبحة و راقد مستشفي
و صاحبنا العيان كمان اكبر شوية كان عمره 50
صاحبي و احنا قاعدين بره العناية المركزة قال لي بي صوت منخفض عشان الازعاج ...:
تتذكر زمان لما يقولوا ليك واحد عمره 50 جاته ذبحة ...
نقول ما زول عجوز ...
حسي لما تسمع خبر زي ده .. جعباتك تصفق ...
|
زي ما انت عارف يا قباني الاعمار ..
خشم بيوت
يعني الستين دي عند جماعة كده بتكون يادوب بداية مرحلة الطيش
فمثلا مثلا ..
عندنا في الحلة واحدة كدة راجلها مات قبل عشرين سنة وخلاها داخلة في الاربعينات
قبل يومين شايفها ب(تحت) في النبق في جرتق ود خالتي زي المهرة ، لا وكمان بتعزل في العرسان. 
عشان كدة مافي كبر، ومافي خوف، ( رغم ان اعمار هذه الأمة مابين ال60 و 70)
لكن الشباب شباب الروح والقلب
وماعليك سوى جري 10 كيلوات متتابعات، وتجدد قصة حبك الاولاني، حتى تعيد شبابك وتتأكد من صقل جاذبيتك المعهوده.
|
Post: #14
Title: Re: عجوز يثبت حيويته امام حسناء ويتزوجها (فيد�
Author: عمر التاج
Date: 11-25-2016, 09:45 AM
Parent: #13
صباحاتك حب وسعادة كاتبي الرهيب الحبيب شاهين
وتحية اجلال ومرح ..
Quote:
" ادامز مستعد للتضحية , فماذا عنك انت ؟ "
ملاريا افريقيا المُزمنة .. رجال السلطة والثروة الباحثين عن تعويض ايام الحرمان .
اى مُناسبة زواج يتكرم فيه رئيس اى دولة افريقية بالحضور , اعلم تماماً ان (1) اما العريس فاسد (2) او العروس فاسدة (3) او المعازيم فاسدين .
ذكرنى هذا بالشمولى المحترم الزعيم الصينى (ماو) عندما انتشرت شائعة مرضه, فقام بالسباحة لمسافة طويلة امام العدسات .
كان من الاسهل على النيجيرى والصينى تقديم ونشر تحاليلهم الطيبة لمن يهمهم ا مر سلامتهما الجسدية دون حاجة لكل هذا التعب .
لكنها الشمولية يا اعزك الله , والتى تتحدى قانون الحياة والزمن امام العدسات .
|
مقدمة مداخلتك اشتبهت لدي مع مقدمات ثورة السود في ج افريقيا
رائعة كخطابات مانديلا وغامضة كعادة شعوب افريقيا التي انهكها عدم الفكر والمرض ..
ولكنها بدايات كفاح كارب ضد ظلم الطبقة المرغوبة باختلاف مجالي الجندر والعنصرية
لدينا في وطننا الحبيب ايضا مضمار للجري والسباق ،
كر وفر ومارثون مع الثورة ضد الشمولية وفي النهاية كلها أهداف تنشيطية لصحة الجسد والبلد
وفي الختام كل يختار الطريق الأفضل والأصعب للوصول لقلب محبوبته
الاف التحايا والتسليمات.
|
Post: #15
Title: Re: عجوز يثبت حيويته امام حسناء ويتزوجها (فيد�
Author: عمر التاج
Date: 11-25-2016, 11:54 AM
Parent: #14
تحياتي اخ حامد عبد الله ومرحبا بك
Quote:
العشرة كيلو جري دي اكيد وراها قورو ضكر ادوما شباب ورياضة البنية كان داخلة علي طمع ياهو الضحك شرطها حكام افريقيا روحهم طويلة بقبرا وبجيب التالتة بخمسة كيلو
|
لا شك انه الطمع يا عزيزي حامد
الطمع من الجانبين الذي تعززه الشمولية كما سماها شاهين
وانا اصفها بالشمولية الاجتماعية المعززة بالسياسة والمناصب
سيد قورو ده طالما هو سياسي مخضرم وضيوفه من امثال الرئيس ووزرائه فـ
ما مستبعد يكون اتناول منشطات رياضية او مفاعلات ماقبل الزواج ساعدته على قطع الكيلوات العشرة
بس المهم الجري عند المحك كما المح ود البشرى
والمشكلة يكون جاري كده تاني عشرة سنوات يجيب فوقها كل حسناوات افريقيا.
|
Post: #16
Title: Re: عجوز يثبت حيويته امام حسناء ويتزوجها (فيد�
Author: عمر التاج
Date: 11-25-2016, 01:13 PM
Parent: #15
مرااحب الصديق الحبيب احمد ود يس
لعلك طيب
Quote:
انا هسي قايلوا سادومبا
المهم قطع المسافة في كم ؟ دا السؤال
ياود التاج حمد الله على السلامة و ليك اشتياق
|
والله يا وديس ال10 كيلو ماساهلات في الزمن ده
مع الاكل الكلو هرمونات ده .. لو قلنا اي عريس يجري المسافة دي وبعدين يعقدوا ليه الماوذونين حايعدموا الشغلة
وبعدين الموضوع ده ايضا عنده علاقة بالركب
يعني اسه القصة دي عملا حاكم ولاية في نيجيريا .. لكن عندنا الحاكم العام مابقدر يعملا
|
Post: #17
Title: Re: عجوز يثبت حيويته امام حسناء ويتزوجها (فيد�
Author: حامد بدري
Date: 11-25-2016, 02:18 PM
Parent: #16
مساكم حليب بالجنزبيل
ناس الصناعية جينا جارييين قايلنو حيفك الجربوكسي يقوم يفك البيرق كااااااااااااك
|
Post: #18
Title: Re: عجوز يثبت حيويته امام حسناء ويتزوجها (فيد�
Author: عمر التاج
Date: 11-25-2016, 03:27 PM
Parent: #17
سلامات بطعم الجنزبيل والقدو قدو ايها الصديق حامد بدري
وكاك تكعيب على مداخلتك الذكية الطريفة
Quote:
مساكم حليب بالجنزبيل
ناس الصناعية جينا جارييين قايلنو حيفك الجربوكسي يقوم يفك البيرق كااااااااااااك
|
قلت لي فك البيرق .. ههههه
طبعا بلغة المياكنيكية اذا اتهبشت مكينة العربية خلاص العروس بتقنع منها ..
عشان كده الراجل طلع سياسي وفضل الجري ، على الاقل لو ماقدر يواصل ممكن بقع في حفرة وييشرب جنزبيل او مديدة حلبة ههههه
|
Post: #19
Title: Re: عجوز يثبت حيويته امام حسناء ويتزوجها (فيد�
Author: الشيخ محمد ودالكباشي
Date: 11-25-2016, 03:59 PM
Parent: #1
زكرتنا عندنا جدنا تزوج وعمره 85 سنة الزوجة الثانية
|
Post: #20
Title: Re: عجوز يثبت حيويته امام حسناء ويتزوجها (فيد�
Author: عمر التاج
Date: 11-25-2016, 04:26 PM
Parent: #19
الشيخ سلامات ..
Quote:
زكرتنا عندنا جدنا تزوج وعمره 85 سنة الزوجة الثانية
|
لكن باقيلك بعد ال85 بقدر يجري؟
أنا غايتو بتذكر جدا لي كان فوق التمانينات ولمن يلقانا نتسابق يجري معانا ويسبقنا ..
قال زمان كان بشرب كباية شب حقت سمن مع شاي الصباح
وكان بسك الارنب في الخلا لامن يقبضو جري
بس العرس التاني غلبو ، لانه ماكان سياسي
|
Post: #21
Title: Re: عجوز يثبت حيويته امام حسناء ويتزوجها (فيد�
Author: عثمان عبد الوهاب العامري
Date: 11-26-2016, 07:43 AM
Parent: #1
أحييك أدم هو ذا أثبات الذات الروحي ...
........................................................... العامري
|
Post: #22
Title: Re: عجوز يثبت حيويته امام حسناء ويتزوجها (فيد�
Author: عمر التاج
Date: 11-26-2016, 09:21 AM
Parent: #21
تحية صباحية ياعامري ..
Quote:
أحييك أدم هو ذا أثبات الذات الروحي ..
|
والتحية لادمز ايقونة النشاط الروحي والحيوية الجسدية ..
فقد جرى كما لم يجر مكنا القديم
|
Post: #23
Title: Re: عجوز يثبت حيويته امام حسناء ويتزوجها (فيد�
Author: بابكر قدور
Date: 11-26-2016, 11:09 AM
Parent: #22
عمر التاج
ليك وللمتداخلين التحيات
والله العظيم النيجريين دي عندهم عرق خطير جدا جدا جدا
عريسكم دا بكون أخد قرمة من العرق وجرى الـ 10 كيلو
وتاني يوم أخد قرمة ودخل على عروستو .. وياخد قرمة تاني
يجيكم من كانو للخرطوم كداري .... ماتقول لي العرق إسمو
شنو .... دا سر .... هههههه ....
|
Post: #24
Title: Re: عجوز يثبت حيويته امام حسناء ويتزوجها (فيد�
Author: عمر التاج
Date: 11-26-2016, 11:49 AM
Parent: #23
هلا بيك خبيرنا بابكر قدور..
Quote:
والله العظيم النيجريين دي عندهم عرق خطير جدا جدا جدا
عريسكم دا بكون أخد قرمة من العرق وجرى الـ 10 كيلو
وتاني يوم أخد قرمة ودخل على عروستو .. وياخد قرمة تاني
يجيكم من كانو للخرطوم كداري .... ماتقول لي العرق إسمو
شنو .... دا سر
|
عرق الجري ده مايكون ياهو الضاقو الريس بتاعنا عندهم
ايام المؤتمر أياه الكملو ريسنا في المطار ..
غايتو الاسم ما بهمنا كتير الا الجماعة أياهم أكان لقوا منه حبة سفوفة الضحك شرطنا.
|
Post: #25
Title: Re: عجوز يثبت حيويته امام حسناء ويتزوجها (فيد�
Author: عمر التاج
Date: 11-26-2016, 05:00 PM
Parent: #24
سمي عمر ابوعاقلة
مداخلتك لاخينا ود القوز حد مافتشتها ما لقيتها
اقلبني أكلني ( القزازة فيها شنو؟)
اخونا ود القوز ، آوول إنت بأه .
|
Post: #26
Title: Re: عجوز يثبت حيويته امام حسناء ويتزوجها (فيد�
Author: محمد قسم الله محمد
Date: 11-26-2016, 10:51 PM
Parent: #23
ماتقول لي العرق إسمو شنو .... دا سر .... هههههه ....
................................................................................................
قدور أخوي إتّ بكلامك الفوق ده قاصد عرق البسموهو النيجيريين ققج وللا قاصد شيتاً تاني؟!!
باقي الققج بخلي العفش داخل البص على مسئولية صاحبه (زي الديدبان) ..
ويقولون والعهدة على المجربين إنو يبطل مفعوله فقط با ستخدام الموس وفصد ال........... (لا مؤاخذه)
تقول لي قام جاري..
عمك ده أونطجي والله أعلم..
تحيات لك ولصاحب البوست.
|
Post: #27
Title: Re: عجوز يثبت حيويته امام حسناء ويتزوجها (فيد�
Author: عمر التاج
Date: 11-28-2016, 07:26 PM
Parent: #26
اهلا بك يا محمد ومرحبتين حبابك
ققج ده يا كافي البلى ما عنده مضاد تب بيبطل مفعوله
طيب ده لو استخدمو حايكون جري كيف ، غايتو إلا يكون قطروه بي ترلة حادة
|
Post: #28
Title: Re: عجوز يثبت حيويته امام حسناء ويتزوجها (فيد�
Author: عمر التاج
Date: 11-30-2016, 01:33 PM
Parent: #27
أثبت هذا العجوز أن الجري هو الذي يقنع السلطة وليس مجرد الاعتصام
|
|