Post: #2 Title: Re: أبناء مدارس بحري في الشارع الآن Author: هيثم التوم Date: 11-24-2016, 07:33 AM
طلاب وطالبات مدارس ببحري في الشارع رفضا للنظام الهالك يا قشير
الصور وصلت نحتاج لرفعها يا احباب
Post: #3 Title: Re: أبناء مدارس بحري في الشارع الآن Author: هيثم التوم Date: 11-24-2016, 07:40 AM Parent: #2
مدرسة الصبابي بنات الثانوية الان في الشارع
Post: #4 Title: Re: أبناء مدارس بحري في الشارع الآن Author: هيثم التوم Date: 11-24-2016, 07:44 AM Parent: #3
شمبات الفتية تدفع بشبابها الي الشارع شاهرين الهتاف ضد الطغيان
ما اعتي غبنك يا بلد واعدل قضيتك واعظما لا ترجع السيف الجفير والدنيا دايري مصادمة
Post: #5 Title: Re: أبناء مدارس بحري في الشارع الآن Author: ناصر حسين محمد Date: 11-24-2016, 08:13 AM Parent: #4
أجمل خبر ياهيثم التوم
حياك الله
ياهو ده الحراك الشعبي العفوي الغير مخطط البعبر عن ارادة الشعب في التغيير
اتمنى ان يخيب املي وتكون الثورة الكاسحة
Post: #6 Title: Re: أبناء مدارس بحري في الشارع الآن Author: هيثم التوم Date: 11-24-2016, 08:27 AM Parent: #5
شكرا الحبيب ناصر حسين
اوشكت
اللهم تممها على خير
الهتاف يغلي بشارع المعونة الآن
الله اكبر على الطاغية
Post: #7 Title: Re: أبناء مدارس بحري في الشارع الآن Author: ناصر حسين محمد Date: 11-24-2016, 08:32 AM Parent: #6
Post: #8 Title: Re: أبناء مدارس بحري في الشارع الآن Author: ناصر حسين محمد Date: 11-24-2016, 08:32 AM Parent: #6
Post: #10 Title: Re: أبناء مدارس بحري في الشارع الآن Author: ابراهيم تون Date: 11-24-2016, 08:35 AM Parent: #8
كضااااااااااااب نعم معي الحق ضد الضغيان لكن بصدق وليس معي ثورة الكيبورت
Post: #9 Title: Re: أبناء مدارس بحري في الشارع الآن Author: ناصر حسين محمد Date: 11-24-2016, 08:32 AM Parent: #6
Post: #11 Title: Re: أبناء مدارس بحري في الشارع الآن Author: ناصر حسين محمد Date: 11-24-2016, 08:38 AM Parent: #9
Quote: كضااااااااااااب نعم معي الحق ضد الضغيان لكن بصدق وليس معي ثورة الكيبورت
ابراهيم تونا
يازول انت عطشان ولا شنو ..!!
شوف ليك زير اقع فيهو
دي مظاهرات تعبر عن ارادة الشعب عفوية بلا تخطيط وحقيقة ماثلة امانا
ده يوم وطني
Post: #12 Title: Re: أبناء مدارس بحري في الشارع الآن Author: ناصر حسين محمد Date: 11-24-2016, 08:40 AM Parent: #11
Post: #13 Title: Re: أبناء مدارس بحري في الشارع الآن Author: ناصر حسين محمد Date: 11-24-2016, 08:41 AM Parent: #12
Post: #14 Title: Re: أبناء مدارس بحري في الشارع الآن Author: هيثم التوم Date: 11-24-2016, 08:44 AM Parent: #13
Quote: كضااااااااااااب
.زي كضبكم
يا الما بتخجلوا
يمهل ولا يهمل
Post: #15 Title: Re: أبناء مدارس بحري في الشارع الآن Author: فرح الطاهر ابو روضة Date: 11-24-2016, 08:48 AM Parent: #14
الثورة انطلقت
Post: #16 Title: Re: أبناء مدارس بحري في الشارع الآن Author: درديري كباشي Date: 11-24-2016, 08:50 AM Parent: #15
ما أحلاهم شالوا معانا الهم بالجملة
مشكور يا هيثم
Post: #17 Title: Re: أبناء مدارس بحري في الشارع الآن Author: ابراهيم تون Date: 11-24-2016, 08:51 AM Parent: #14
انا كضاب جدا عليك الله ثورة يقودها هولاء الطلبة والله حرام اين انتم من هذا وتدعون الوطنية من خلف اجهزة الكمبيوتر انزلو معاهم الشارع الخوف في شنو والقاعد اصور ده ما بخجل بنات وصبيان في الشارع بنادو بتغير النظام انزل معاهم الشارع اهتتف ارجل منو ده لو كان حقيقة اصلا يا مناضلين الكيبورت
Post: #18 Title: Re: أبناء مدارس بحري في الشارع الآن Author: Haytham Ghaly Date: 11-24-2016, 08:53 AM Parent: #17
بالله إبراهيم تون دا اصلو من ضمن النوعية دي
والله صحي ياما تحت السواهي دواهي
فليبقى عالياً وعاش كفاح طلابنا
امل المستقبل الخالي من عاهات الكيزان
تحياتي هيثم
Post: #20 Title: Re: أبناء مدارس بحري في الشارع الآن Author: ابراهيم تون Date: 11-24-2016, 09:02 AM Parent: #18
اخي هيثم جلي يعني البقول الحقيقة ابقي من ضمن النوعية دي انا بسالك سؤال الثورة المضت حصل فيها شنو غيرت بي شنو الشباب الاستشهد وقتل بدم بارد حقو وين من ده كلو الامهات الفقدن اولادهم انت عارف حاصل ليهم شنو حاسين بي شنو ديل انا بعتبرهم اطفال وتدفعو بهم ضد نظام لا يعرف الرحمة عشان نفقد تاني اولاد لا يفهمون ما معني الثورة ده ما حرام انا بتكلم عن نضال الكيبورت والبدفعو هولاء الاطفال الي الجحيم واجو اقولو ليك ثورة ثورة مين ياعم .
Post: #19 Title: Re: أبناء مدارس بحري في الشارع الآن Author: ناصر حسين محمد Date: 11-24-2016, 08:54 AM Parent: #17
Quote:
عليك الله ثورة يقودها هولاء الطلبة والله حرام اين
يازول انت لسه عطشان
قلنا ليك اقع ليك في زير
انا شخصيا من اشد المنتقدين للمظاهرات الاخيرة لانها مخططة
لكن ديل
روح الامة وروح الشعب
وصوت الشعب
عليك الله شوف الثبات ده ناس شاقة الشارع (سيدا) لا بتلفتو لا بشوفو وراهم في شنو ماشين دغري جموع واعية
ديل ياسيدي هم نسمات ابريل
ولو رجعو اسه بيوتهم كفاية لانهم زرعو امل كبير في جوانا
يازول الثانوية روح الشعب
Post: #21 Title: Re: أبناء مدارس بحري في الشارع الآن Author: هيثم التوم Date: 11-24-2016, 09:06 AM Parent: #19
شكرا الجميل ابو روضة
Quote: الثورة انطلقت
اقتربنا باذن الله وضاقت عليهم شديييييييييييييييييييد
Post: #23 Title: Re: أبناء مدارس بحري في الشارع الآن Author: هيثم التوم Date: 11-24-2016, 09:08 AM Parent: #21
درديري الحبيب
جليين في السكة نمد
Quote: ما أحلاهم شالوا معانا الهم بالجملة
سيعود الينا وطننا المسلوب حلوا جميلا قريبا بحول الله
Post: #22 Title: Re: أبناء مدارس بحري في الشارع الآن Author: Saifelyazal Elmaki Date: 11-24-2016, 09:07 AM Parent: #19
يا خوانا كلام ابراهيم ما تفهموا غلط ابراهيم المزعلو الطلبة في الشارع والناس بتصور فيهم
Post: #24 Title: Re: أبناء مدارس بحري في الشارع الآن Author: هيثم التوم Date: 11-24-2016, 09:11 AM Parent: #22
شكرا هيثم
Quote: بالله إبراهيم تون دا اصلو من ضمن النوعية دي
والله صحي ياما تحت السواهي دواهي
بالله الزول ده المزعلو شنو للدرجة ؟؟؟
هو الكوز والامنجي الا يقول انا كوز ؟
فان فعل فعلهم فهو منهم وان لم يكن منهم..
الوطن يتم استرداده حاليا من الطغاة حرا نبيلا
Post: #25 Title: Re: أبناء مدارس بحري في الشارع الآن Author: ناصر حسين محمد Date: 11-24-2016, 09:11 AM Parent: #22
فوق
Post: #26 Title: Re: أبناء مدارس بحري في الشارع الآن Author: ابراهيم تون Date: 11-24-2016, 09:12 AM Parent: #19
يازول انت لسه عطشان
قلنا ليك اقع ليك في زير ناصر حسين جدا انا عطشان وعطشان جدا جدا وبستني بي عطشي ده لحدي ما القي لي زير باااااارد واروي منو تب واجي القول ليك ثورة فااااااااااااشلة عارف ليه لانو انتو يا مناضلين الكيبورت بتاعين نفخ ساي . ولو رجعو اسه بيوتهم كفاية لانهم زرعو امل كبير في جوانا اريتو ارجعو تامين لامين يارب وما نفقد واحد منهم عشان المواجع كتيرة وفقدنا اكتر ما عاوزين نفقد تاني
Post: #27 Title: Re: أبناء مدارس بحري في الشارع الآن Author: Haytham Ghaly Date: 11-24-2016, 09:40 AM Parent: #26
Quote: اخي هيثم جلي يعني البقول الحقيقة ابقي من ضمن النوعية دي انا بسالك سؤال الثورة المضت حصل فيها شنو غيرت بي شنو الشباب الاستشهد وقتل بدم بارد حقو وين من ده كلو الامهات الفقدن اولادهم انت عارف حاصل ليهم شنو حاسين بي شنو ديل انا بعتبرهم اطفال وتدفعو بهم ضد نظام لا يعرف الرحمة عشان نفقد تاني اولاد لا يفهمون ما معني الثورة ده ما حرام انا بتكلم عن نضال الكيبورت والبدفعو هولاء الاطفال الي الجحيم واجو اقولو ليك ثورة ثورة مين ياعم .
يا إبراهيم مافي واحد شال الكيبورد بتاعو ومشى طقطقو ليهم في سبورة الفصل
وقالهم يللا اطلعو
الطلاب شعروا بضيق الحال والطلوع اصبح عفوي وبدون تخطيط
فما ممكن أصلا تطلب منهم يقيفو من هذا الدعم الإعلامي والمعنوي عشان خاطر
ما تقولوا عليهم مناضلين كيبورد ولا هم السبب في طلوع المدارس للشارع
غايتو ما عارف الناس دي عايزة شنو
يعني انتو عايزين الناس يسكتو نهااائي لا الناس الجوة تتظاهر ولا الناس البرة تدعم وللا شنو
أي نعم في سبتمبر 2013 ماتو خيرة الشباب وخلفوا اسر مكلومة وحزينة
لكن هل دا سبب يخلي الناس تستكين وتلبد وتخلي المجرمين طلقاء
وللا دافع يخلي الناس يطلعوا كل يوم عشان يبردو حشا الامات الفقدن ابنائهن
ويقتص الشعب السوداني من القتلة والحرامية
كل مافي الموضوع انو الأدوار مكملة لبعضها يا إبراهيم
تحياتي
Post: #29 Title: Re: أبناء مدارس بحري في الشارع الآن Author: Haytham Ghaly Date: 11-24-2016, 09:49 AM Parent: #27
الفيديو دا ارسله احد الأصدقاء في قروب واتساب على انه تصوير لمظاهرات طلاب بحري اليوم
والعهدة على المرسل.. ما يجي ود البشرى يقبقبنا ويطلعو لينا من سنة اسكت
Post: #28 Title: Re: أبناء مدارس بحري في الشارع الآن Author: Yasir Elsharif Date: 11-24-2016, 09:49 AM Parent: #26
سلام للجميع وشكرا لوضع الصور
مع أني لا أحرض أحدا على التظاهر إلا أنني أرى أنه لا أحد يحق له أن يثبط الناس من الخروج. نسأل الله أن يحفظ هؤلاء الشباب من الرصاص والقناصة
وننصح النظام المنهار أن مواجهة المظاهرات بالعنف لن يزيد الأمر على الحكومة إلا سوءا على سوء..
Post: #30 Title: Re: أبناء مدارس بحري في الشارع الآن Author: عبدالحفيظ ابوسن Date: 11-24-2016, 09:57 AM Parent: #28
والذي لا إله إلا هو اندفع الدمع إلي عيوني فغالبته الله يحفظكم يا وليداتي أكل منا المرض وتقدم العمر
Post: #31 Title: Re: أبناء مدارس بحري في الشارع الآن Author: Mustafa Mahmoud Date: 11-24-2016, 10:13 AM Parent: #30
نعم والف نعم للتظاهر و العصيان من اجل اسقاط مافيا الكيزان نعم والف نعم للتظاهر و العصيان من اجل اسقاط مافيا الكيزان نعم والف نعم للتظاهر و العصيان من اجل اسقاط مافيا الكيزان اسقاط النظام بكافة السبل و الوسائل المتاحة هو خط الشرفاء
Post: #32 Title: Re: أبناء مدارس بحري في الشارع الآن Author: Mustafa Mahmoud Date: 11-24-2016, 10:35 AM Parent: #31
أسرة عمر البشير تستولي على (230) مليون دولار من أموال الدواء ! كشف مصدر موثوق لـ (حريات) عن تورط أسرة عمر البشير ، وبعض أقربائه ، في الاستيلاء على مبلغ (230) مليون دولار من بنك السودان المركزي من الأموال المخصصة لدعم شراء الأدوية. وقال المصدر تعليقاً على حديث عوض الحسن النور ، وزير العدل أمام المجلس الوطني أمس ، أن الوزير لم يقل الحقيقة كاملة ، وأنه حاكم المُسهلين والوسطاء ولم يحاكم الفاسدين الحقيقيين. وكان وزير العدل قال أمام جلسة المجلس الوطني أمس ، أن موظفين في بنك السودان المركزي متورطون في اختلاس أموال مخصصة لدعم شراء الأدوية ، وأنه تم القبض على (9) منهم بينهم مدير بنك سابق . واتهم أشخاصاً – لم يسمهم – بالاستيلاء على (230) مليون دولار من أموال الدواء . وقال المصدر : ( إن الأشخاص الذين قصدهم الوزير في حديثه أمام المجلس ، ولم يسمهم ، هم عبد الله البشير شقيق المشير عمر البشير وبعض أنسبائه وأقاربه مستغلين الحصانة التي يوفرها لهم عمر البشير) . وأضاف بأن حديث السيد وزير العدل عن تسوية تمت بموافقة القيادة السياسية مع المتهمين لإرجاع الأموال كان يقصد بها الأوامر الشفهية التي أصدرها عمر البشير لوزير المالية ومدير البنك المركزي بإغلاق الملف وتقديم موظفين ببنك السودان كقرابين وكباش فداء لأسرة (الرئيس) . وكشف المصدر عن تورط بعض كبار الموظفين بالمسجل التجاري والمجلس القومي للأدوية والسموم في تسهيل عملية استيلاء أسرة عمر البشير على الأموال المخصصة للأدوية ، لم يشر إليهم الوزير في مرافعته أمام المجلس . وقال المصدر إنه تم استرجاع حوالي (4) مليون دولار من موظفين كبار ببنك السودان لذر الرماد في العيون بعد افتضاح عملية الفساد وسط المتنفذين من الإسلاميين ، وإنه لا صحة لما قاله الوزير بشان تسويات ستتم مع آخرين حيث أن التعليمات تقضي بنهاية القضية بعد انتهاء مراسم جلسة المجلس التي تمت تحت إشراف وإخراج وإدارة إبراهيم أحمد عمر رئيس المجلس . وتشير (حريات) إلى أن فساد الانقاذ لا يرتبط بعمر البشير وأشقائه وحسب ، وإنما بأهم المؤسسات ( الاسلامية ) كذلك ، مثل إدارات الاوقاف والحج والزكاة !! مما يؤكد أن الادعاءات الإسلامية اُستغلت كغطاء للفساد والافساد !!! وغض النظر عن الادعاءات فإن الفساد في الإنقاذ مؤسسي وشامل يرتبط بكونها سلطة أقلية ، تحكم عبر مصادرة الديمقراطية وحقوق الانسان ، وتحطم بالتالي النظم والآليات والمؤسسات الكفيلة بمكافحة الفساد ، كحرية التعبير ، واستقلال القضاء ، وحيدة أجهزة الدولة ، ورقابة البرلمان المنتخب انتخاباً حراً ونزيهاً . كما يرتبط بأيدولوجيتها التي ترى في الدولة غنيمة ، علاقتها بها وبمقدراتها بل وبمواطنيها علاقة ( امتلاك) وليست علاقة خدمة . وبكونها ترى في نفسها بدءاً جديداً للتاريخ ، فتستهين بالتجربة الانسانية وحكمتها المتراكمة ، بما في ذلك الأسس التي طورتها لمكافحة الفساد . وحين تنعدم الديمقراطية ، لفترة طويلة ، كما الحال في ظل الإنقاذ ، يسود أناس بعقلية العصابات ، ويتحول الفساد إلى منظومة شاملة تعيد صياغة الأفراد على صورتها ، فتحول حتى الأبرار الى فجار ، وأما أدعياء (الملائكية) فإنهم يتحولون الى ما هو أسوأ من الشياطين!!منقول
Post: #33 Title: Re: أبناء مدارس بحري في الشارع الآن Author: هيثم التوم Date: 11-24-2016, 10:47 AM Parent: #32
شكرا لكم كلكم نضالكم ودعمكم اللا متناهي من اجل الخلاص ما نقوم به جميعا هو اضعف الايمان
ليعلم بخبرهم القاصي والداني لن نتوقف عن ابراز الحقيقة والنصر للشعب حتما
قريبا سيفتح الوطن ابوابه لابنائه حضنا عزيزا ودفئا فياضا بالدموع سينصرنا الله علي الظلم لا محالة
Post: #34 Title: Re: أبناء مدارس بحري في الشارع الآن Author: Mustafa Mahmoud Date: 11-24-2016, 10:59 AM Parent: #33
اسقاط نظام مافيا الكيزان فرض عين علي كل سوداني نداء هام جدا لكل الا عضاء و خاصة الاعضاء في داخل الوطن ايها الشباب الثائر ايها الشرفاء في كل مدينة وكل حي في الوطن المغلوب علي امرة يا جميع ابناء وبنات و شيوخ الوطن يا اباؤنا و امهاتنا و اخواتنا و اخواننا حي علي الجهاد حي علي النضال لاسقاط مافيا الكيزان و كنسها الي مزبلة التاريخ لقد دقت ساعة العمل و التنظيم لاسقاط النظام لقد دقت ساعة العمل و التنظيم لاسقاط النظام لقد دقت ساعة العمل و التنظيم لاسقاط النظام نحن لا نملك عصا سحرية لنقول للثورة قومي فتقوم نحن نعمل بحطة واضجة من مراحل متعدده و نسعي للنجاح مهما طالت مدة المحاولة لاسقاط النظام نحن في مرحلة الحشد و التعبئة و تكوين اللجان في الداخل لقيادة النضال و لا اذيع سرا ان عملية الحشد و تكوين اللجان في الداخل تسير ببطء شديد و عليه نطلب من جميع الاعضاء الاشتراك في الحشد و التعبئه و الاعلان عن القروب في كل مكان و زمان و ضم الثوار للقروب و فوق كل هذا تكوين لجان الثورة في اماكن السكن الرجاء الاستمرار في تكوين لجان الثورة في اماكن السكن تحت راية تحالف قوس قزح لاسقاط النظام تكوين اللجان يؤكد استمرارية الثورة بعد كسر حاجز الخوف في اكتوبر ارجو من اعضاء الداخل تكوين اللجان في اماكن السكن ارجو من كل جماعة تكون لجنة ثورة الاتصال بنا بعد تشكيل اللجان في الاحياء السكنية سوف نقوم المجموعة السرية من غرفة القيادة بالربط بين اللجان و تنسيق ميعاد الخروج للشارع اذا لم تتكون اللجان باعداد كافية في معظم الوطن لن نقدر تحديد الميعاد لاننا نعمل لنجح هذة المرة اكرر ارجو من الجميع تكوين اللجان و رفع المعلومة لنا لادراجها في غرفة العمليات لادارة الثورة القادمة لاسقاط النظام لقد دقت ساعة العمل و التنظيم لاسقاط النظام لقد دقت ساعة العمل و التنظيم لاسقاط النظام لقد دقت ساعة العمل و التنظيم لاسقاط النظام ثورة ثورة حتي النصر وعاش السودان الحر الابي والله الموفق https://www.facebook.com/groups/165502206870196/؟ref=bookmarkshttps://www.facebook.com/groups/165502206870196/؟ref=bookmarkshttps://www.facebook.com/groups/165502206870196/؟ref=bookmarkshttps://www.facebook.com/groups/165502206870196/؟ref=bookmarks تحالف شباب قوس قزح لاسقاط النظام ( سودان) 18,049 Members
Post: #35 Title: Re: أبناء مدارس بحري في الشارع الآن Author: محمد أبوالعزائم أبوالريش Date: 11-24-2016, 11:15 AM Parent: #34
Quote: انا بتكلم عن نضال الكيبورت والبدفعو هولاء الاطفال الي الجحيم واجو اقولو ليك ثورة ثورة مين ياعم .
أرسوا ليكم على بر الكيبورد مؤثر والاّ ما مؤثّر
واحد يقول الكيبورد طلع الوليدات للشارع.
التاني يقول بتتونسوا في السايبر والشارع ما جايب خبركم.
نناضل نحن واللا ما نناضل؟
Post: #36 Title: Re: أبناء مدارس بحري في الشارع الآن Author: Mustafa Mahmoud Date: 11-24-2016, 11:43 AM Parent: #35
Post: #37 Title: Re: أبناء مدارس بحري في الشارع الآن Author: هيثم التوم Date: 11-24-2016, 01:11 PM Parent: #36
الثورة انطلقت
امبدات
الديم
الاهلية
بحري
بورتسودان
جنوب كردفان
انها الانتفاضة
انه الخلاص
Post: #38 Title: Re: أبناء مدارس بحري في الشارع الآن Author: محمد حيدر المشرف Date: 11-24-2016, 01:39 PM
لا أستطيع رؤية الصور .. بيد أن الدموع التي طفرت من عيون ود ابوسن اخذتني للبعيد .. لذلك الوطن الذي عشقنا بيده .. يترقرق في حلقى الهتاف /الغناء: ياااا وطن عز الطريق .. ياااا مصابيح الطريق
مصابيح الطريق .. أولادنا السمر .. وشبابك يا وطن .. شبابك تشابك .. شديد الزحام .. أراهم وراهم غبار الحياة.
Post: #39 Title: Re: أبناء مدارس بحري في الشارع الآن Author: هيثم التوم Date: 11-24-2016, 02:11 PM Parent: #38
انه مخاض الثوووووووورة بكل عنفوااااااااااانها
انزلوا الي الشوارع عيشوا المخاااااااااض
اكتبوا تاريخ الخلاص
Post: #40 Title: Re: أبناء مدارس بحري في الشارع الآن Author: MOHAMMED ELSHEIKH Date: 11-25-2016, 01:12 PM Parent: #39
ؤواقول للمخزلين الزول البصور دا ود اختى وهو في قيادة المظاهرة والتحريض عليها. وانا والكثيرين من خلف الكي بورد المجنن الجداد سنقف معهم .
Post: #41 Title: Re: أبناء مدارس بحري في الشارع الآن Author: هيثم التوم Date: 11-25-2016, 06:25 PM Parent: #40
التعبئة مستمررررة
الجامعات المدارس البيوت #السودان_عصيان_مدني_27_نوفمبر
Post: #42 Title: Re: أبناء مدارس بحري في الشارع الآن Author: هيثم التوم Date: 11-25-2016, 06:57 PM Parent: #41
شكرا كبير الحوش علي الدعم المتواصل للوطن وشكرا جميلا علي رفع البوست عاليا غدا سيكون وطننا حوشنا الكبير خاليا من الكيزان بحول الله
