Post: #1
Title: التصويت ده Popular votes ولا Electoral votes
Author: يحي قباني
Date: 11-21-2016, 11:26 PM
10:26 PM November, 22 2016 سودانيز اون لاين
يحي قباني-فى الدنيا العجيبة
مكتبتى
رابط مختصر لحد الآن ما في زول عارف بكري قاصد شنو ...
هل الزول حر يقفل و يفتح في بوسته ... و لا القصة عااامة ...
النتيجة واضحة ...
المتضرر حيقول لا ...
و بعض المتضررين حيقولوا نعم ... عشان حتة الحريات ...
و الما متضرر ما فارقة معاهو ... و حيقول نعم برضه عشان حتة الحريات ...
و بصراحة الحرية ما هي انك تفتح بابك لمجهول يدخل يسوي الدايرو من اساءات و غيره ...
فيا هندسة ... اعتقد انك ما تجمع و تطرح نعم من لا ...
حقو تشوف حتكسب منو و حتخسر منو بالخطوة دي ...
عشان كده ركز في حكاية ال Electoral votes دي ...
ما معقول صوت عليش الريدة يكون بي صوت .. و صوت المستنير يكون بي صوت ...
كاليفورنيا ما زي ساوث داكوتا يا حبيب ... :)
|
Post: #2
Title: Re: التصويت ده Popular votes ولا Electoral votes
Author: زهير عثمان حمد
Date: 11-21-2016, 11:50 PM
Parent: #1
أخي ود قباني وصديق الصدوق ود مدثر
تحياتي
تعرف يا كندي القصة ما قصة أحجام وأوزان القصة هنا مؤامرة كبيرة السبب فيها الحرية المطلقة في الاسافير
أن متعايش مع كم هائل من الضغوط والبلاوي ربك كريم بس وعمر الشقي بقي
المهم يا جاك القصة هي أنك تكتب البوست تلقي تحت تعليق في غاية الاستخفاف يا بالفكرة أو شخصك أو ما تؤمن به
غير جارح الكلام ومن لئام يحبون الصيد في الماء العكر ولا يملكون الشجاعة في مقارعة الحجة بالحجة المهم
في الامر هنالك طريقتان الاولي هي الان سائدة في موقع بكري والثانية وهي مكلفة تحتاج لادمن لتنقيح الغث من السمين
وهذا الادمن يحتاج لمال لقاء وقته علي الاقل
ما عارف لكين أري حرمان المنبر من هذه الميزة قد يجعله كمنبر حواري في العصور القديمة
أمكن ما أكون وصلت كلامي بطريقة كويس لكين بتكون فهمت أنت
بعدين أنا ما طلبت صداقتك في الفيس بوك مالك رافع القزاز مني معليش من حملة الجوازات الافريقية
لك كل الود
أنا كتبت كويس ولا في خرمجة ما تزعل الليله دي ما قبل عيد الشكر
سلام
|
Post: #3
Title: Re: التصويت ده Popular votes ولا Electoral votes
Author: اميرة السيد
Date: 11-22-2016, 00:55 AM
Parent: #2
ود قباني
سلام...وكيف عاملين مع الاسنو ...snow لان الاخبار بتقول
ان اكثر بلد فيها جليد في العالم كندا..
وبالنسبة لنسب الاصوات في لا ..ونعم...انا ايدت فكرة محمد الشيخ
في بوست الباشمهندس بان يكون للبنات اصوات مضاعفة يعني الصوت
الواحد للبنت يعادل سبعة اصوات...لانهن اكثر فئة معرضة للاساءات
والشتائم في نافذة الفيس بوك...
وبعدين الحرية المطلقة في التعبير بتجي بنتائج عكسية...لان حرية المرء
تنتهي عند بداية حرية الاخرين كما قال احد الفلاسفة..
اما فكرة زهير في تعيين اداري من قبل الباشمهندس لفلترة تعليقات الفيس
بوك يمكن يكون حل مقبول....لو كان الاداري حازم في استبعاد اي الفاظ
محرجة او مشينة او بذيئة...واذا كان الاداري بيحتاج لمرتب شهري مقابل
وقته فاظن الباشمهندس يمكن يرتب ليه خمسة الف دولار شهريا وهو جزء
بسيط من دخل الباشمهندس اليومي من اعلانات الموقع..واحد الاعضاء قال
ان دخله اليومي ١٥ الف دولار...
اما اذا الكلام ده ما صحيح فممكن الاعضاء يتبرعوا بمرتب الاداري..يعني
اذا كل عضو اتبرع بخمسة دولارات شهريا كفاية...وانا مستعدة اتبرع
ب١٠٠ دولار شهريا...
معليش ود قباني ..سرقنا البوست...وبالمناسبة الاحتجاجات بدات في امريكا
وتطالب بالغاء نظام الكليات الانتخابية وذلك نسبة لان
الاصوات الشعبية لهيلاري كلينتون في تصاعد مستمر
حتى الان...والفرق بينها وبين ترامب وصل اكثر من مليون
صوت.
والله يديك الصحة والعافية
|
Post: #4
Title: Re: التصويت ده Popular votes ولا Electoral votes
Author: يحي قباني
Date: 11-22-2016, 01:30 AM
Parent: #2
Quote: أخي ود قباني وصديق الصدوق ود مدثر
تحياتي
تعرف يا كندي القصة ما قصة أحجام وأوزان القصة هنا مؤامرة كبيرة السبب فيها الحرية المطلقة في الاسافير
أن متعايش مع كم هائل من الضغوط والبلاوي ربك كريم بس وعمر الشقي بقي
المهم يا جاك القصة هي أنك تكتب البوست تلقي تحت تعليق في غاية الاستخفاف يا بالفكرة أو شخصك أو ما تؤمن به
غير جارح الكلام ومن لئام يحبون الصيد في الماء العكر ولا يملكون الشجاعة في مقارعة الحجة بالحجة المهم
في الامر هنالك طريقتان الاولي هي الان سائدة في موقع بكري والثانية وهي مكلفة تحتاج لادمن لتنقيح الغث من السمين
وهذا الادمن يحتاج لمال لقاء وقته علي الاقل
ما عارف لكين أري حرمان المنبر من هذه الميزة قد يجعله كمنبر حواري في العصور القديمة
أمكن ما أكون وصلت كلامي بطريقة كويس لكين بتكون فهمت أنت
بعدين أنا ما طلبت صداقتك في الفيس بوك مالك رافع القزاز مني معليش من حملة الجوازات الافريقية
لك كل الود
أنا كتبت كويس ولا في خرمجة ما تزعل الليله دي ما قبل عيد الشكر
سلام
|
أبو الزهراء يا رجل يا دكشنري ...
انا و الله ما قاصد احجام ووزن بمعناها التقريري ...
انا قصدت المتضررين اكترهم نشط في كتابته ... موجبة كانت ام سالبة ...
فما ممكن زول نشط و بكتب بشكل منتظم و متضرر من الفيس بوك يكون صوته زي صوت زول ليهو ستة شهور ما جاء الا الليلة عشان يكتب نعم ...
و لا شنو ؟
________________________________________________________
تخريمة : صاحبك ود مجدوب عجز يا وجيه ما بقى ود مجدوب زولك الزمان ...هههههه
|
Post: #5
Title: Re: التصويت ده Popular votes ولا Electoral votes
Author: يحي قباني
Date: 11-22-2016, 01:52 AM
Parent: #4
Quote: فاظن الباشمهندس يمكن يرتب ليه خمسة الف دولار شهريا وهو جزء
بسيط من دخل الباشمهندس اليومي من اعلانات الموقع..واحد الاعضاء قال
ان دخله اليومي ١٥ الف دولار |
ده بكون شيوعي القال ليك كده ...
اصحابي و انا عارفهم ... حاسدين بس ...ههههه
ان شاء الله بكري يجي يقرا كلامك ده و يفتح ليك الفيس بوك و يجيك هو زاتو بي تحت بوستاتك ...
|
Post: #6
Title: Re: التصويت ده Popular votes ولا Electoral votes
Author: اميرة السيد
Date: 11-22-2016, 03:20 AM
Parent: #5
مالك داير تخوفنا يا ود قباني...
اوع اكون قلت حاجة تزعل صاحب الحوش الكبير
صاحب الاسفير الذهبي....
نحن بننادي بالغاء نافذة الفيس بوك ...وانت عاوز تجيب الباشمهندس
نفسه يكتب في الفيس بوك...معقولة زعله حيصل للدرجة دي..(يا ود قباني
انا نسيت ارسم الوجه الضاحك ) والله لا جاب الزعل...يعني اذا قلت الحقيقة
الكاملة السمعتها كان حيحصل شنو!!!السمعته ان الدخل اليومي للباشمهندس
لا يقل عن ٢٥ الف دولار يوميا باي حال من الاحوال...بس قلت اقول المعقول..
والله يديه الصحة والعافية..
والله يديك الصحة والعافية
|
Post: #7
Title: Re: التصويت ده Popular votes ولا Electoral votes
Author: يحي قباني
Date: 11-22-2016, 03:29 AM
Parent: #6
Quote: السمعته ان الدخل اليومي للباشمهندس
لا يقل عن ٢٥ الف دولار يوميا باي حال من الاحوال...بس قلت اقول المعقول..
|
فيكي الخير ...
كدي تأكدي ... ما 30 الف ؟ ههه
|
Post: #8
Title: Re: التصويت ده Popular votes ولا Electoral votes
Author: محمد البشرى الخضر
Date: 11-22-2016, 05:32 AM
Parent: #7
يا هندسة شنو حركات مذكرة كرام المواطنين دي :)
one man one vote
هم اسياد الشي زاتها قايمين على قصة الإلكتورال و التمييز الفيها خاصة بعد تفوق الخاسر في الببلك
لا للتمييز الفني لا للتمييز الجندري و نعم للنافذة
كان عجبك ههه
|
Post: #10
Title: Re: التصويت ده Popular votes ولا Electoral votes
Author: يحي قباني
Date: 11-22-2016, 05:56 AM
Parent: #8
Quote: يا هندسة شنو حركات مذكرة كرام المواطنين دي :)
one man one vote
هم اسياد الشي زاتها قايمين على قصة الإلكتورال و التمييز الفيها خاصة بعد تفوق الخاسر في الببلك
لا للتمييز الفني لا للتمييز الجندري و نعم للنافذة
كان عجبك ههه |
كدي عجبي ده خلّو ...
رآيك شنو في كلام بت السيد عن قريشات بكري
ما تعرف لينا القال ليها الكلام منو ؟
مش انت كنت الآلفة حق المنبر ده ؟ ههه
|
Post: #11
Title: Re: التصويت ده Popular votes ولا Electoral votes
Author: محمد البشرى الخضر
Date: 11-22-2016, 06:16 AM
Parent: #10
يازول دي قروش كتيرة خلاص إن بقى الكلام جد - اللهم لا حسد :)
قصة الألفوية ما تدرعها فيني يا هندسة انا صرفتها ليك أول
إن كان بالغت ممكن تقول مراقب وذاكرة ارشيفية لكن تعال شوف انت
دا شنو البتكتب دا وفايدته شنو ولزومو شنو
ودا كان كدا قلب مالو, وديل كانوا بي جاي الوداهم هناك شنو
واسي جاي تقارن وتوزن و تعبّر دا بي سبعة ودا بي تلاتة ودا واحد زاتو كتير عليه
و الحالة مكتبة ما عندك 
|
Post: #9
Title: Re: التصويت ده Popular votes ولا Electoral votes
Author: Hani Arabi Mohamed
Date: 11-22-2016, 05:45 AM
Parent: #4
اتوقع أن تضر زاوية الفيس في حال عودتها بالموقع أشد الضرر ،،،
وما هي قيمة الموقع بدون العضوية ؟
وقبل قيمة الموضع .... أين قيمة البشر ؟
ولمن تحدث عن الحرية أرد ... الحرية تأتي منضبطة حتى في أشد الديمقراطيات التزاماً بها تجد ان التصويت والتعبير عن الرأي مربوط بحق المواطنة مع تطبيق شروط الأهلية
وحق المواطنة هنا في المنبر هو العضوية ....
|
Post: #12
Title: Re: التصويت ده Popular votes ولا Electoral votes
Author: الصديق أحمد
Date: 11-22-2016, 11:59 AM
Parent: #4
فما ممكن زول نشط و بكتب بشكل منتظم و متضرر من الفيس بوك يكون صوته زي صوت زول ليهو ستة شهور ما جاء الا الليلة عشان يكتب نعم ...
|
|