Post: #1
Title: حضرنا ولم نجدكم أحدث مقالات سهير عبدالرحيم
Author: زهير عثمان حمد
Date: 11-21-2016, 04:30 PM
03:30 PM November, 21 2016 سودانيز اون لاين
زهير عثمان حمد-السودان الخرطوم
مكتبتى
رابط مختصر
الصديق العزيز عبد العظيم صالح رئيس تحرير الغراء "آخر لحظة" رجل حبوب ومرح وذكي وسريع البديهة، استمتع جداً بقفشاته وملاحظاته ، تعرّفت عليه عن قُرب خلال رحلة الى مدينة بورتسودان ، كان وبمجرد أن نزور منطقة أو نطوف بمَعلم سياحي سرعان ما يلقي إليّ بكلمة تارة انفجر بالضحك وأخرى أتعجّب في التقاطه للملاحظات الدقيقة والتي يعبر من خلالها الآخرون دون توقف.
صالح يجيد التعبير عن الكلام الكثير جداً بكلمة واحدة فقط، يوم أمس سألني عبر رسالة واتس بعبارة واحدة (سهير الحملة ضدك مَاشّة كيف)...؟!
ضحكت جداً لفراسته وضحكت أكثر لتلخيصه للأمر كله بعبارة ذكية؛ فأجبته والله يا أخوي اليومين دي مشغولة مع أبوي العيان، لكن بتكون مَاشّة كويس..
لكن يا عبد العظيم المُزعلني الحاصل في أسعار الأدوية وبيانات الإضراب للكثير من الصيادلة وما في زول شغّال بيهم الشغلة.. ولا الناس جايبة ليهم خبر.
شيء مؤسف مطالعة رسائلهم والتي يشرحون فيها أن يا اخوانا ألحقونا.. الدواء ده ما حا تقدروا تشتروهو.. يا ناس الاموكلان حا يصل 158ج والبنعمل فيهو ده عشان ما تموتوا..
يا أهلنا والله نحنا ما بنعاين لي نفسنا نحنا بنعاين ليكم والبنطالب بيهو ده حقكم.. يا ناس نحنا حاسين بيكم إنتو حسوا بينا.
وفي الاتجاه الاخر اطباء وطبيبات مثل الورد وقفوا من اجل صحة المواطن بعضهم معتقل والبعض قضى نحبه والاخر ينتظر ...
، بعضهم مهدد بالفصل والتنكيل واخرون لا يعلمون اي مستقبل ينتظرهم بعد ان شالوا وش القباحة مع الحكومة والشعب قاعد يتفرج عليهم واتحاد الاطباء يصمت دهرا وينطق كفرا....
أين المواطنون من الاطباء المعتقلين من اجلهم .....اين المواطنون من نداءات الاستغاثة من الصيادلة والأطباء والمخابز وشركات الطيران.. أين المواطنون من تحرير سعر الدواء.. أين المواطنون من الرغيفة التي تخطو بخطى واثقة نحو الجنيه.. أين المواطنون من رطل اللبن وطلب الفول وحقنة الانسولين..
أصبح حال الأطباء المضربين والصيادلة مثل حال المرحوم نقد طيّب الله ثراه تختصره عبارة حضرنا ولم نجدكم.
خارج السور:
يحكى أنّ أحدهم طلب من ( العقاد) أن ينزل بلغته العالية حتى يفهمه الناس فرد العقاد: ماذا عليّ إذا لم تفهم الحمير.
*نقلا عن التيار
|
Post: #2
Title: Re: حضرنا ولم نجدكم أحدث مقالات سهير عبدالرحي
Author: عبدالحفيظ ابوسن
Date: 11-21-2016, 04:33 PM
Parent: #1
ههههه ازيك يا صحبي
اصرت تطبظها في النهاية
|
Post: #3
Title: Re: حضرنا ولم نجدكم أحدث مقالات سهير عبدالرحي
Author: kamal omer
Date: 11-21-2016, 04:39 PM
Parent: #2
زهير و حفيظ سلامات
غايتو المقال ظاهروا تحريض و باطنو ( حمدوا في بطنوا )
و الجملة الأخيرة يا حفيظ شكلها كده رد على سؤال عبد العظبم الأوردتو في أول المقال ,
|
Post: #4
Title: Re: حضرنا ولم نجدكم أحدث مقالات سهير عبدالرحي
Author: زهير عثمان حمد
Date: 11-21-2016, 04:44 PM
Parent: #3
أخي ود أبوسن
والاستاذ كمال
تحياتي
المهم هنالك أكشن
ولي عودة
|
Post: #5
Title: Re: حضرنا ولم نجدكم أحدث مقالات سهير عبدالرحي
Author: kamal omer
Date: 11-21-2016, 05:01 PM
Parent: #4
يا زهير البخلي دي كراع و ديك رجل شنو ياخ ههههههأبوسن أخوك و أنا أستاذ!برضو أخوك ياخ ههه
|
|