أعوذ بالله من معارضة المعارضة ..

09:51 AM November, 19 2016

سودانيز اون لاين
اسماعيل عبد الله محمد-
مكتبتى
رابط مختصر

تحضرني نصيحة احد جهابذة العمل المعارض في السودان قال فيها ما معناه :
أن تعارض النظام ليس بالضرورة ان تكون منضوياً تحت لواء حزب من الاحزاب , عارض من موقعك الانت فيهو , اذا كنت صحفي استخدم قلمك وان كنت طالباً عبّر عن رفضك للنظام من داخل مدرستك و مجتمعك ... الخ ..

مع الاسف الشديد هنالك بعض الذين لا يعجبهم العجب كتبوا كلاماً هلامياً وباهتاً في حق المناضلين الشرفاء الذين يقبعون تحت انفاق سجون الظالم ..

منهم من وصف نضال هؤلاء الشرفاء بـــــــــــــــــ( السحسحة)
واخر شكرهم و وخرب شكره لهم بكلمة (ولكن)..
و ثالث تملكته الغيرة فطرح نفسه ناصحاً وموجهاً لهم , انه لامر غريب ان ينصح هؤلاء الاصفياء ويعلمهم معاني النضال وهم داخل السجون من هو حُر طلق لم يخدش جلده سوط عسكري احتياطي مركزي..

والله يا جماعة الناس ديل افضل مننا ..
ما لكم كيف تحكمون ..

اما تقولو كلمة تضامن واحدة معهم او تكفوا السنتكم عنهم ..

Quote: والله يا جماعة الناس ديل افضل مننا .. ما لكم كيف تحكمون ..

وكفى ..

معارضة المعارضة تصب في مصلحة النظام

من لديه أشكال للتحرك أفضل من من تحركوا.. فليتقدم ويمارسها

وسوف نؤيده

الوقت وقت عمل

الباقر موسى

النصيحة لي الله يا سمعة ..
أول مرة تكتب ليك كلام فيهو فايدة ..

ــــــــــــــــــــــــــــــــــــــــ

نبصم معاك بالعشرة ..
ده طرح غريب وعجيب يثير الغثيان ..
الماقادر يساعد الناس ديل أحسن ليهو ينقطهم بي سكاته ..
مافي داعي للمواعظ الجوفاء التي ترتكز على أرضية هلامية ..
ومشاعر حنق لا يمكن قراءتها إلا من باب الغيرة والمكايدات السياسية ..
أنا للآن ما قدرت أعرف الما عاجب منسوبي الأحزاب الأخرى شنو !! ..
وهم أصلا دايرين يقولوا شنو وحيعملوا شنو !! ..
كلو كلام ما مقنع ..
ناس المؤتمر السوداني هم من يقارع النظام حالياً ..
ولا أحد سواهم ..
عشان بعدين لمن يجي وقت الحصاد مافي زول يجي يتسلبط ..
فمن كدّ وزرع هو من سيحصد ..
ولا عزاء للآخرين ..
حكاية نحن شغالين بي تحت تحت دي ..
كلام ما بملا بطن ..
حزب ضحى بالصف الأول كله ..
ولم يتفاجأ ولم يتراجع ..
بل دفع بالصف الثاني ..
الكان مجهز نفسه لخطوة الاعتقالات ..
بعد ده كله يجي واحد يقول ليك كاني ماني ..

ده كلام ده بالله ..

الاخوة :
الباقر عثمان
معتصم الطاهر
جمال ود القوز

لكم التحية و السلام ..

يجب ان لا نبخس تضحيات ذلك الشخص الذي يقبل بصدره مكشوفاً امام آلة النظام الباطشة ..

من السهل ان ندعوا الناس الى النزول الى الشارع لكن من الصعب اتخاذ قرار النزول خاصةً للقياديين منّا..

هنالك عُرف ساد بطريقة سالبة وهو ان الناس لا يطالبون رؤساء الاحزاب ان ينزلوا الى الشارع لكأنما وظيفة النزول الى الشارع و التظاهر هذه مخصصة للبؤساء منا.

انا لا انتمي الى حزب المؤتمر السوداني لكني كمواطن ارى فيه نفسي عندما ارى رئيسه يعتقل و صف قيادته الاول كذلك , حينها ينتابني شعور قوي بان هؤلاء الناس جزء مني و يستشعرون معاناتي لانهم في سبيل الوقوف معي كمواطن بسيط دخلوا السجون و لم يبالوا ..

Quote: انا للآن ما قدرت أعرف الما عاجب منسوبي الأحزاب الأخرى شنو !! .. وهم أصلا دايرين يقولوا شنو وحيعملوا شنو !! .. كلو كلام ما مقنع .. ناس المؤتمر السوداني هم من يقارع النظام حالياً .. ولا أحد سواهم .. عشان بعدين لمن يجي وقت الحصاد مافي زول يجي يتسلبط .. فمن كدّ وزرع هو من سيحصد .. ولا عزاء للآخرين .. حكاية نحن شغالين بي تحت تحت دي .. كلام ما بملا بطن .. حزب ضحى بالصف الأول كله .. ولم يتفاجأ ولم يتراجع .. بل دفع بالصف الثاني .. الكان مجهز نفسه لخطوة الاعتقالات ..

الصمت للبعض افضل من انتقاد الىخرين

وحزب المؤتمر يعمل

والاخرون - الذين تحسبهم معك - ينتقدون ..

الشارع مفتوح ..

ناس المؤتمر السوداني هم من يقارع النظام حالياً .. ولا أحد سواهم .. عشان بعدين لمن يجي وقت الحصاد مافي زول يجي يتسلبط .. فمن كدّ وزرع هو من سيحصد .. ولا عزاء للآخرين ..
السلام على الجميع
أذكر في هبة سبتمبر كدت أكتب خاطرة قريبة من كدا لمن لاحظت إنو أي حزب بيحاول يسوق لمعتقلينو - ويمكن الرجوع لبوستات المنبر العام في الوكت داك-
قصة السلبطة دي هي المأخره قيام الثورة فالقوى السياسية السودانية في ظني ما عندها قناعة ببرنامج ديمقراطي من أجل الوطن بقدر ما هي عند البعض حسابات مجد شخصي - أعلم أن هذا التعميم مُخل جداً-
القيادات الآن تفرز نفسها والمؤتمر السوداني أثبت إنحيازو للجماهير وتقدم الصفوف ويجب على المؤمنين بالتغيير الديمقراطي والباحثين عن وطن يعبر عن الجميع دعم هذا الخيار والوقوف خلفهم وفي توازي معهم وبالتأكيد الفجر القادم سيعبر عن الجميع.

سلامات سمعة
بالتأكيد المعارضة ليست فوق مستوى النقد
الاشكال ان معارضي المعارضة تركوا مقارعة النظام وكرسوا جل وقتهم للهجوم على المعارضة دون ان يطرحوا تصورهم الخاص بهم

ياسمعة
سلامات

الهدف واحد
زي ما انت بتقدر المعارضة ومابتدور ليها الشين
معارضي المعارضة جلهم مابدورو الشين للمعارضة

يبقى الفرق في معيار الشين ده شنو

انت بتشوف النبذي والضرب على المعارضة ياهو الشين
ومعارضي المعارضة بشوفو المرمطة والعنت البتلاقيهو المعارضة ياهو الشين ويمكن تلافيهو بدلا عن المعارك التي تضر المعارضة ولا تاثر في النظام



يعني كلنا دايرين السمح للمعارضة
بس انت (بتحنن للفرح)
ومعارضي المعارضة بطعنو (حقن) مؤلمة

Quote: من لديه أشكال للتحرك أفضل من من تحركوا.. فليتقدم ويمارسها

فياعزيزي الباقر

دي المشكلة في تقدم
المعارضة فارضة نفسها وهي الممثلة فعليا لانها تستحوذ على الاعلام واهتمام الوسطاء واهتمام النظام

فالشغلانة ما تتقدم ساي

قبل يتقدمو الناس البتقصدهم ديل كلم المعارضة تتراجع وتفض ايديها من الشغلانة

الآخ الفاضل اسماعيل عبدالله..
تحية وأحترام...

معارضتنا لا تخلو من الاخطاء..
والاخطاء المريعة ايضا..
خاصة الذين تسببوا فى هذه الازمة التى يعيشها السودان اليوم حينما كانوا فى السلطة...
ثم سلموا سلطة ديمقراطية للعسكر..
ثم أخطاء حاملى السلاح..
ولكن...
كل هذا لا يمنع أن يكون النقد للمعارضة بناء..
تستفيد من اخطائها وتعدل ما أعوج منها..
ولكن المعارضة ابتليت بأناس اسوأ من الموالين للانقاذ..
وهم تخصصهم ضرب المعارضين دون فرز..
وبلا بصيرة..
لذلك ترى فى بعض الاحيان..
أناس كانوا فى قمة المعارضة..
وضحكوا بحياتهم وبكل ما يملكون من أجل السودان..
ومن خلال المعارضة...
فجأة..
تسمع ان هذا الشخص قد ترك المعارضة وانضم للحكومة..
كيف ذلك ؟
هذا لآن المعارض المذكور قد تعرض لضغوط فوق طاقته أو طاقتها..
حتى عجز عن الاستمرار .
ولا اقول ان هناك مبررا للانضمام لهكذا حكومة..
ولكننا بشر..
وصعاليك المعارضة..
اسوأ من أمن البشير...

Quote: اخر شكرهم و وخرب شكره لهم بكلمة (ولكن)..

لا يمكنني نقل ما كتبه هنا ولكن ..
هو موجود في الصفحة الاولى على المنبر ويمكن قراءته بسهولة بالغة بدلا عن البصم الجاهز على صحة ما أورده اسماعيل ..

( ولكن) التي كتبتها لم تخصم (تخرب بلغة اسماعيل) شكر حزب المؤتمر السوداني .. هي متعلقة بطرح الاستاذ فضيلي.. والكتابة كلها (المقال لو جازت التسمية) رد على مقالته (شكرا لحزب المؤتمر السوداني).

ليس فيما كتبته انا اي كلام باهت في حق المناضلين الشرفاء كما قرر اسماعيل وهو ظالم. ولست من معارضي المعارضة .. ولم اكن في يوم من هؤلاء .. واكثر من ذلك .. سيماء معارضة المعارضة بادية اكثر عند من يتهمون المعارضة الآن بالبؤس ولا يخرجون منها الا حزب المؤتمر السوداني لو تدبر الناس هذا المعني.