ضنب الككو ..البنغالى طلع شافع..وبلاغات ب الكوم

05:59 PM November, 18 2016 سودانيز اون لاين
معاوية عبيد الصائم-
مكتبتى
رابط مختصر باكر فى لقاء مع سهير .فى جريدة الوطن ..ما يختص ب الشطيف ...فعلى المعنيين تسليم اى ككو ..بحوزتهم
سارع ب التسليم الاقفاص محدودة

يا النبي نوووح

ياخ دي عايزة يفضوا ليها وزارة العدل براها

يا حبيبي القصة باظت والناس زهجت وجاطت

يعني يا معاوية اذا كانت سهير دي وضحت من البداية وقالت
الولد ده شافع صغير الجوطة دي كلها ما كانت قامت ضدها
وكان ممكن كمان تزيد وتقول شوفو الشافع الصغير ده بيعرف
ثقافة الاعتذار....لان القران نفسه وفي اية صريحة وواضحة
سمح للنساء اظهار زينتهن امام الاطفال...ما متذكرة الاية
لكن فقهاء المنبر ممكن يحيبوا الاية..
يا سهير لكن ما بالغتي...مش كان من الاول تورينا الحقيقة
بدل البهدلة دي كلها وتخلي بت الماحي تكتب الكلام الفارغ داك
كله في حقك...
والله يديك الصحة والعافية

معاوية كيفك ود الصائم ابوي

وهل يجيز مكتب العمل استقدام الأجانب القصّر للعمل في السودان ؟

الموضوع وصل نهايتو
الصحافية ادوها علي رأسها
ورئيس التحرير اخطأ

Quote: يا حبيبي القصة باظت والناس زهجت وجاطت

ولاد العم سلام,,
ابليس وفرعون بتونسوا فى النار
فرعون قال لابليس مافى زول دخلنا النار غيرك.
ابليس قال ليهو: ياراجل انت لما قلت انا ربكم الاعلى انا زاتى اتخلعت وقلت ود المصرية جااااطا.

وهل يجيز مكتب العمل استقدام الأجانب القصّر للعمل في السودان ؟
هذا هو السؤال. لا أعتقد ذلك بل لا يستطيع أن يخرج من بلده_ حتى وإن كانت بنغلادش_
لإ إذا كان في رفقة أسرة.
عجبي يا سودان.

سلام يا الفاضلابي
افرحك ربي

والله يا إخلاص السودان بقى بلد العجائب.
بقى علينا المثل " الناس في شنو والحسانية في الشنو "
وكأن الامر مدبر.

عاد يا فطوم في زول مسك القلم وكتبها ،ما براااها القالت
صراع نخبة مترفة وود الصائم تري بدينا النتىجة النهائية

ما لا يجب ان يختلف عليه شخصان هو أن سهير عبد الرحيم زولة

كتابة (بتشديد التاء) ..

ومبدعة ..

ومحترفة ..

وجرئية ..

قدرها أنها انثى والمجتمع يحاسبها على ذلك

سهير قريبة من كتابات منال (معيار) التي اقامت الدنيا في سودانيز اونلاين ولم تقعدها

وأول من قام عليها الاخوات والزميلات هنا ..

البنغال ناس خوافين جداً وممكن يكون يتصرف كدا بداعي الحفاظ على وظيفته

هسي ما عادي الواحدة ممكن تمشي للبصير ويعصر ليها كرعيها

يعني جات على سهير :)

البشاري كيفك
الكتابين كتار بس شترتها
والله ابليس وفرعون في النار متعجبين

Quote: البشاري كيفك الكتابين كتار بس شترتها والله ابليس وفرعون في النار متعجبين

حبابك يا اخلاص

والكتابين الكتار ديل ما قدروا يحركوا الناس ليه؟!!

الحروف والكلمات جامدة والمبدع الحقيقي هو من يجعل القارئ يتفاعل مع ما يكتب

انسي ليها دي (بافتراض انها شترتها حسب قولك)

تابعيها بتلاقي كتاباتها انيقة وتلامس الاحاسيس والقضايا الحية باسلوبها الخاص .. طبعا

ملاسي عامل عموده الباير دا عمل من الحبه قبه :)

ملاسي شاطر ،. ما تتخندق يا البشاري 😄

اسع النتيجة 2 صفر لصالح البشير ..تصدق

تحياتي أخي البشاري
أسمح لي بأن أختلف معك. سهير عبد الرحيم
صحفية مثيرة للجدل وليست كاتبة مبدعة،
فالمبدع هو من يأتي بعمل جديد ومفيد يسهم في حل
مشكلة موجودة ، ويكون الحل نفسة مقبول اجتماعياً ( زي شغل البحث العلمي)
وفي ظل الوضع الذي يعيشة البلد حاليا ، اعتقد أن سهير عبدالرحيم
تُغرد خارج السِرب بموضوعات هايفة تمثل تجارب شخصية كان
الاجدر أن تحتفظ بها لنفسها أو تطرحها في مجال جلساتها الخاصة،
خاصة إذا كانت هذة التجارب تخالف ما تعارف عليه مجتمعها.
موتي : خلوص، البشاري، صاحب البوست.

فاطمة الحاج

سلام ... رأيك وعلي احترامه

ولكن لا زلت عند رأي فانها فعلا زولة كتابة جدا

كدا ادي نفسك فرصة لمتابعة ما تكتب

تحياتي

يامواطن.
باعتبارك شيوعيا او كنت شيوعي ماهو رأيك فيماتعرضت له الصحفية سهير عبد الرحيم بسبب ما كتبته سواء كان عامل النظافة المذكور قاصرا او بالغا؟!.
اما الأستاذ إخلاص عبد الرحمن المشرف فإن ما تكتبه هنا مثير للتعجب لمخالفته الصريحة ما كتبته في بوست آخر!. أين ضاعت قضية المرأة في حزب الشيوعيين؟ أخشى ان يأتي على الشيوعيين يصير أصحاب الموقف المناصر لحرية النساء اندر من سن الدجاج، وهذا اليوم قادم للأسف الشديد. ان الشيوعيين يتراجعون ويسلمون أسلحتهم سلاحا وراء سلاح وينمسخون الى شيء هلامي.

اخوي محمد عثمان
انا ما شيوعية


وبعدين انا ذاتي ما امرأة ، والله هجومك للمرة التانية بخلي كانو عاوز ترسخ شئ
سودانيز ونلاين مجتمع افتراضي وما في داعي للعنف

السيدة اخلاص عبد الرحمن المشرف.
انت لست حقانية وغير صادقة ومضطربة في مواقفك.قلتها لك من قبل وأجدد ذكرها هنا.. انت اما ان تكوني شيوعية او كنت شيوعية ولكنك تتنصلين من ذلك. ولست الوحيدة في هذا التنصل وتقمص شخصية نصير الحزب غير المنظم لخداع القراء.

اي حزب عارف عضويته
وبس

السيدة اخلاص عبد الرحمن المشرف،

انت كاذبة في تنكرك لهويتك الجندرية. فانت امرأة تحاول الآن ان توهم القراء بغير ذلك ولا أدري ما السبب. على كل حال إذا أردت الانخراط في القضايا العامة يتوجب عليك الافصاح عن هويتك بكافة
ابعادها وإلا فلاوزن ولاقيمة لماتقولينه من وراء حجاب.

والله القضية هنا واضحة كاتبة هوجمت ، كتبت حاجة اعتبرت لدي البعض خطأ

بالنسبة لي ده كل الموضوع أجندة تانية سودانيز ونلاين ما محلها

إلا ما اتعس حال الشيوعيين السودانيين اليوم.. صاروا مسوخا مشوهة لاتهش ولاتنش ولاتملم القدرة على الوقوف امام علصفة الراي العام الرجعي المعادي لحرية المراة. خاسرة قضية الشيوعيين خاسرة. ومصير الشيوعيين ان يتقهقروا اكثر اكثر ويتنكروا لهويتهم حتى يفقدوا ملامحهم كلية. وان كلامي لايقع الواطة.
عثمان محمد صالح،
عضو سابق بالحزب الشيوعي السوداني. ويعرفني شيوعون كثر احدهم السكرتير العام الحالي الخطيب سليه يخبرك عن اجندتي الخفية. خاسرة قضية الحزب الشيوعي.

حزب شيوعي بلا ملامح. انتهى . لا تعرفو حي لاتعرفو ميت. شيوعيون بلا ملامح. حزب يغادره النوار ويمكث فيه العوار.

هذا الحزب - اعني الشيوعي - الذي كان شنة ورنة في اذن الزمان القديم ضهره اليوم مكسور التي مابقوم. وسوف يظل متمددا على سرير الإعاقة الدائمة حتى يجيء يومه.

Quote: حزب شيوعي بلا ملامح. انتهى . لا تعرفو حي لاتعرفو ميت. شيوعيون بلا ملامح. حزب يغادره النوار ويمكث فيه العوار.

خلآس يا السمحة نُوارة فريقنا
إنت العسل يا لنشفتِ ريقنا...

عثمان محمد صالح
ياخي دور الألفة الداخل فيه دة ما سمح
براك انت البتعرف القيم اليسارية ومتابع المهرجلين اليساريين
أي يساري يقول بغير رأيك تبتزاهو بعلمانيتو ويساريتو
هو قالوا الانتماء لأي تيار معناها تجميد ملكة التفكير والاختيار الحر !

أحمد عمر عمر.

الناس ديل خرجوا من جنة اليسارية والعلمانية وسقطها. تبقى لهم اسم الشيوعية تتشبث به القيادة لشيء في نفس يعقوب وسوف سوف يخلعونه اذا استنفد غرضه. وهذا موضوع لن اشرحه الآن.

بسقوط المثال الاشتراكي تبددت جهود احيال من الشيوعيين
والشيوعيات. فخرجت من الحزب اعداد غفيرة وبركت البقية الباقية في الحزب في تبروقة الصلاة يرفعون أكف الضراعة في مشهد تراجيكوميدي.

مساء الخير
واضح انو موضوع سهير دا لن يعدي على خير
فكل دفوعات تقدمها تزبد المقال تعقيدا
والمصيبة مصائب

شافع دي دايرين ليها وصف قانوني
عمره كمٌ؟
يقل عن 18؟
كيف تم استقدامه...وكيف تم توظيفه بالمستشفى؟
نريد صورة من عقد العمل وصورة من جواز سفره
وما هى افادة مكتب العمل بالسودان عن استقدام عامل اجنبي قاصر تحت السن القانونية للعمل؟

وكيف قبل ضمير الكاتبة واخلاقها باستغلال طفل؟
الم تشعر بتانيب الضمير وهى تستغل طفولة المسكين وتسمح له بهذا العمل المهين بغسل اقدامها وحذائها؟

بدات اشعر ان القصة برمتها تاليف سئ الاخراج من الكاتبة..وكل ماتحاول سدها توسع خرمها

الحل هو تحقيق شامل...المستشفى معروف بالاسم والمكان..والعامل معرف بالاسم..

أخي عثمان محمد صالح سلام
أني في أشد الدهشة من هجومك العنيف على الدكتور اخلاص
المشرف بدون سبب ظاهر، لدرجة أنك أخرجت البوست عن موضوعه.
إذا كانت الدكتورة شيوعية أو غير شيوعية فهذا لا يمكن أن يكون موضوع
خلاف مع أحد. لقد وصفتها بصفات لا أعتقد أنك كنت منصف فيها . ومن كلامك
ذكرت أنك قد قلتها من قبل فهل تترصد الدكتورة حتى تكرر ما قلت؟
أخي عثمان عمر العنف ما يِوصل إلى نتائج في أي خلاف في الرأي.
والسلام

والله يا عثمان ما عندك اي حق او منطق في هجومك على د.اخلاص
فكل ما قالته منطقي جدا جدا...
وبعدين يا ريت النظرية الشيوعية دي يطبقوها في اقتصاد السودان ...ما كنا
شفنا الحرامية واللصوص البسرقوا في المال العام نهارا جهارا...
وثم في شيوعيين بيعرفوا الدين احسن من اي من مدعي التدين وتجار الدين
فكن منصفا...
والله يديك الصحة والعافية

Quote: عثمان محمد صالح، عضو سابق بالحزب الشيوعي السوداني. ويعرفني شيوعون كثر احدهم السكرتير العام الحالي الخطيب سليه يخبرك عن اجندتي الخفية. خاسرة قضية الحزب الشيوعي.

خلآس يا عُسمُوشوّف،
عاين لي جاي، إنت تقوم تشوفلك كرسي النوع المُتأرجح أو بالعدم النوع
المُرجحِن ؤ تتفرغ لكتابة مذكراتك. رايك شنو ؟.

يا معاوية عبيد سلآم يغشاك والوِليدات
إنشغلنا ما سلمنا عليك، ؤ بلّغ سلآمي
للوالد وعموم الأهل...

شافع سهير ده يا ربي عمره كم سنة ؟ ..
يا مواطن ماتضيع نفسك ساي ..
دي مفرمة شغالة ..
الخوف تقبض ضنب الككو انت ده ..
بعدين بلاغات شنو كمان ..
يمين من اول جلسة القاضي يقول ليها ده ما شافع ..
سهير قضيتها مستحمية عديل مش متشطفة ..
اخير ليها تبلع من سكات ..
أو تشوف درب مخارجة تاني ..

ـــــــــــــــــــــــــــــــ

أول مرة اعرف انه السودان يستقدم الاطفال ( الشفع ) كعمالة ..!!

شافع ؟؟؟
شافع دي بتوديك وحكومتك للمساءلة من الامم المتحدة!
اخير ليك اشطفي كلامك !

الشافع يا جمال ود القوز حدده الاسلام في انه
هو الذي لم يكشف على عورات النساء او لا يعرف
السمحة من غير السمحة ...ولكن شوف شفع الزمن
ده...اذا سالت اي شافع عمره ان شاء الله سبع او ثماني
سنوات منو السمحة في ديل عشه ولا فاطمة..بيقول ليك
والله فاطمة دي زي القمرة وتمشي زي الغزال..واحتمال
يقول فيها شعر غزل...ويا حليل زمن براءة الاطفال...
والله يديك الصحة والعافية..

Quote: لايعرف السمحة من غير السمحة

عريس بعد العقد سأل المأذون حسابك كم يا شيخنا ؟ الماذون قال ليهو في العادة ما قاعد اخد قروش على شغلي لكن لو حابي تتبرع للفقراء عندنا صندوق
العريس قال ليهو يعني ادفع كم ؟ قال ليهو ادفع على قدر جمال زوجتك
قام دفع ١٠٠ جنيه
المأذون زعل مشى للعروس رفع الخمار وعاين ليها ومشى للعريس ورجع ليهو ٦٠ جنيه...

المدعو معاوية المدير،

اجهلك تمام الجهل ولكن انفعالك بحديثي عما أصاب الحزب الشيوعي الممتحن يدل على انك اما شيوعي متنكر او شيوعي سابق تفرغت لكتابة مذكراتك متبوئا مقعدا هزازا كالذي اقترحته. بالتوفيق والسداد!.

Quote: اجهلك تمام الجهل ولكن انفعالك بحديثي عما أصاب الحزب الشيوعي الممتحن يدل على انك اما شيوعي متنكر او شيوعي سابق تفرغت لكتابة مذكراتك متبوئا مقعدا هزازا كالذي اقترحته. بالتوفيق والسداد!.

عثمان محمد صالح.
لا هذا ولا ذآك، بل مطاردتك للأخت إخلاص في عدة بوستات ليس لرأي ورأي مخالف بل قِلة
ادب مِنّك، فانبريت للدفاع عن قريبتي بالواضح كدا عندك طرح بتاع وِلآد ناس أهلاً وسهلاً
عندك قلة أدب بنوقفك من بناتنا...

اوسكااااااار

المدعو معاوية المدير،

لاتحاول ان توحي باني قد اسئت الادب في خطابي الذي وجهته للسيدة اخلاص عبد الرحمن المشرف التي لا علم لي كانت قريبتك ام لا ولايعنيني هذا الامر في شيء . اكرر بعدم تجاوزي لحدود الادب في حديثي. والبينة على من ادعى.

السيدتان الكريمتان أميرة السيد وفاطمة الحاج،
لكما التحية وبعد،

لا اظن انكما تدافعان عن اختكما الكريمة اخلاص عبد الرحمن المشرف لوجه الله تعالى او لانها امرأة ولو كان ذلك هو الدافع لكانت أولى به السيدة سهير عبد الرحيم التي تعرضت لحملة بربرية شارك فيها السوقة والمتعلمون. ولعل مشاركتكما هنا هي للتغطية على مسايرتكما لجوقة راجمي السيدة سهير عبد الرحيم. أما السيدة اخلاص عبد الرحمن المشرف فهي بالفعل مضطربة الراي فيما يتصل بموضوع الحملة على السيدة سهير عبد الرحيم وفاقدة للبوصلة السياسية وهي أدنى اليوم إلى فكرة المصالحة مع النظام القائم في السودان منه إلى رأي الشيوعيين في اقتلاعه بالانتفاضة وهي كاذبة في تنكرها لهويتها الجندرية كأنثى. والراجح انها قد فعلت ذلك لتخلص نفسها من حرج السعادة المحيرة التي شعرت لها وهي تكتب ان الصحفية قد تلقت هي ورئيس تحرير الصحيفة ضربات على النافوخ بسبب المقال الذي اثار الغضبة الهمجية. فلم تجد سبيلا إلا بتضليل القراء بأنها ليست امرأة وكأن النكران يعفيها من المسؤلية. عجيب!.

الكاتب عثمان صالح

في موضوع اخلاص المشرف

انا فهمت انك عايز تختصر لعنتك للشيوعيين في شخصية اخلاص؟؟؟
صححنى

Quote: المدعو معاوية المدير، لاتحاول ان توحي باني قد اسئت الادب في خطابي الذي وجهته للسيدة اخلاص عبد الرحمن المشرف التي لا علم لي كانت قريبتك ام لا ولايعنيني هذا الامر في شيء . اكرر بعدم تجاوزي لحدود الادب في حديثي. والبينة على من ادعى.

يا عثمان محمد صالح،
سيّبك من دا كُلّو، أها أنا بس مزاج مِني سااااكت كِدا إنت قليل أدب،
بعدين إندمس في بطن الوآطة دي ؤ بطّل تعمل فيها فاهم يا أقرع
إنت. أقطع وشّك بلآ فقر معاك...

المدعو معاوية المدير،

كنت واثقا من عجزك عن إقامة الحجة على اساءتي الأدب في مخاطبتك السيدة اخلاص عبد الرحمن المشرف. فاساءة الادب ليست من شيمي. أما محاولتك لعب دور ود القبيلة التقليدي فبائسة بحق.

الاخ عثمان
ممكن تسمح لى اقول إنّو جانبك التوفيق
فى مداخلاتك المؤدرسة للاخت اخلاص
و حتى لو كانت مواقفا تجاه خطوبة سهير مجهجهه _ وده على حسب قولك _
ما اظن التناصح بتم الجافة دى
تحياتى ليكم الاتنين

سلامات ياجلالدونا،

توجيهك لي بتغيير طريقتي الجافة والمباشرة في المناصحة على العين والراس.
الله يخليك ويحفظك ويحفظ اهلك واصحابك..

شكرا عثمان
ابداً لم تكن توجيهاً
انما هى مجرد ملاحظة معنية فى المقام الاول بالاحساس ليس إلّا
شاكر و مقدّر تجاوبك معاها و دام الود بيناتكم و الجميع
يخليك و يخلينا و يحقظنا كلنا

Quote: المدعو معاوية المدير، كنت واثقا من عجزك عن إقامة الحجة على اساءتي الأدب في مخاطبتك السيدة اخلاص عبد الرحمن المشرف. فاساءة الادب ليست من شيمي. أما محاولتك لعب دور ود القبيلة التقليدي فبائسة بحق.

يا زول حِجة شنو كمان، عايز تعمل معاي خُد ؤ هات ؟.
اولاً ما مخاطبتي أنا لإخلاص مخاطبتك إنت . طالبك شكر علي التصحيح، مُش ؟.
إساءة الأدب ظاهرة في مخاطبتك لي بـ المدعو معاوية المدير، دا طبعاً بعد إساءتك
للأدب في مطاردتك لإخلاص، وقبل كل هذا وذآك مزاجي قال لي أقولك إنت قليل
أدب. يا سيدي أنا منسوب مباشرةً لأبوي، بطّل قلّة الأدب. عُمر دوّر ود القبيلة
ما يبقى تقليدي إلا في مخيلة مريض زيّك مُدعي للسمو والتطوّر...

الأعزاء معاوية وعثمان

سلامي و تحياتي وتقديري ،،،

يعني ضنب الككو مسكناهو نحن معاكم إنتو الاتنين !! ههههه

دخلنا نشوف من كتب ماذا عن بت عبدالرحيم ومقالها
اللي جاب ليها الهوا .. لقينا روحنا تهنا معاكم في معركة
جانبية بينكما وسببها الدكتورة اخلاص ..
وتحول مجرى البوست تماما ، وفقدنا نحن البوصلة .؟!

عليكم الله باركوها ، وختوا الكورة الواطة ..
وعود لينا يا ليل الفرح ..

مودتي لكما ولجميع المتداخلين .


( ليمو )

المدعو معاوية المدير،

ليس في استعمال مفردة المدعو اي اساءة للادب بل هي صيغة متعارف عليها للمخاطبة وتعني المسمى. استخدمها عند توجيه الحديث للاغراب.

بنغالي ظريف جاني في المكتب داير
يسافر من جده للدمام
قلت ليهو انت جنسيتك شنو ...
عاين وضحك ...
قال نحن اهل مصطفي الشطف سهير ..

السيد الكريم عثمان محمد صالح سلام
واضح أنك وصلت درجة من التسلط على المتداخلين في هذا البوست تبيح لك تحديد نياتهم التي يكتبون بها.
بل أكثر من ذلك فأنت تتوقع أن موقفي مجرد مسايرة للغير.
و زيادة على كل ذلك وبما أني أسير كالعمياء في جوقة الراجمين – كما تعتقد-
فيجب علي أن أرى ما تراه أنت في السيدة سهير عبدالرحيم ؛ فبئس الرأي هذا.
أما ما كتبته أنا في هذا البوست فلم يكن هجوما على الصحفية المذكورة أو مقالها المثير للجدل،
وإنما كان اختلاف في الري مع الاخ البشاري عندما وصف الصحفية المذكورة بأنها مبدعة
وأنا رأيتها غير ذلك وما زلت، بالإضافة إلي تساؤلي عن السن القانوني لعامل يعمل في السودان.
الرجاء تذكيري بهجومي على السيدة سهير.
*أحب تذكيرك بسؤالي الذي لم تجب عليه : هل تترصد الدكتورة إخلاص المشرف في تعليقاتها؟