توّب بنقالِي ...

11:44 AM November, 18 2016

سودانيز اون لاين
معاوية المدير-بكندا محافظة البرتا
مكتبتى
رابط مختصر

البِنيّة حننتني. والله صحي.
منذ ان أطلق شيخ علي عثمان محمد طه عبارته المشئوّمة (لا بُدّ من إعادة صياغة
المجتمع السوداني)، المجتمع السوداني ما قال أحّي يا العافية. علي عثمان والبشير
عمر ود الباوقة عبد ليهم، يملأ ليهم الأباريق ولو دعت الحاجة بيشطِفُون زاتو. لا
دخل لعمر ود الباوقة بالموضوع، بس أنا أدرجتوا هنا عشان مكجِنُو.

إحتياجات أُماتنا في الزمن الماضي كانت بسيطة جداً، يعني بالكتير الوآحدة ممكن يكون
عندها 3 تيبان ؤ بس، توب زرآق، ؤ توب سلطة، ؤ توب بنقالي، وإذا دعت الحاجة ؤ مات
لها زول عزيز عليها بتشتريلآ توب دمورية أو وزن عشرة لزوم الحداد. توب البنقالي كان
نوعاً ما توب فاخر والمجتمع كان جداً مُحافظ لا مُحتاج إعادة صياغة لا مُنحل ؤ مليان
صياعة. لعنة الله تغشاك يا علي عثمان، العنوه لعنه الله.
بعد دآك ظهر توب رآقي إسمو رسالة لندن شطفليك البنقالي زي الترتيب ليتراجع توب
السلطة ويصبح توب جارات، إلي ان وصلنا مرحلة إعادة الصياغة وأكلونا البيتزا والهوت
دوق ؤ نسينا توب إسمو الإرسال قطع، وأصبحت كل يوم ظاهرة موضة جديدة مع إعادة
الصياغة التي طالت كل شئ بسبب تجييش الألة الإعلآمية التي قضت علي تحرمني مِنّك
واللخدر واليابس، وإنعطف بنا مشروع إعادة الصياغة إلي موضات من واقع معاناة شعبنا
الذي أعادوا صياغتو لا إيدوا لا كراعوا وظهر توب إسمو دقة الترابي ثم تلآه وآحد إسمو
جرية نافع وهكذا.
طالما عجلة إعادة الصياغة مدردقة فنتوقع إعادة صياغة الأتي في الليام القليلة القادمة،
جكسا في خط 6 حا تبقى بنقا في خط مافي، دردقني في النجيلة حا تبقى شطفني في
النجيلة، رسالة لندن حا تبقى رسالة بنقلآديش، غنوة نظرة يا السمحة ام عجن حا تبقى
شطفة يا السمحة ام عجن، نغمة عجالي والتمن غالي حا تبقى بنقالي والتمن غالي،
الجماعة بدل ما كانوا خالطين حا يبقوا شاطفين، الركشة حا نسميها شطفة، شارع
عبيد ختف حا يبقى شارع عبيد شطف، رقصة الرئيس حا تبقى شطفة الرئيس.
ثم المجتمع زاتو بعد ما كانت حكايتو مستحمية حا يبقى حكايتو مشطفة مع آلة إعادة
الصياغة البتعجن في طينتو ؤ تشكّل فيها زي ما عاوزة كل يوم. المستشفيات بقت
متروكة لمصطفى البنقالي يشطف في ناس سهير والأطباء خلف القضبان وبعضهم
في غيابة جُب الأمن فهنيئاً لك يا علي عثمان ها أنت قد نجحت في إعادة صياغة
المجتمع السوداني.
المجتمع السوداني كان عايش علي فطرة جميلة، كان رؤوف رحيم مُتحاب مُترابط
مُتكاتف، إعملوا علي إزآلة حُكام السوء حتي تعود للمجتمع عافيته.

ود المدير...

هذا ما تسعى له الحكومة وأربابها.
مسدار البنغالي الشطف سهير ( حمانا الله )مسدار البنغالي الشطف سهير ( حمانا الله )
﴿ إِنَّ الَّذِينَ يُحِبُّونَ أَنْ تَشِيعَ الْفَاحِشَةُ فِي الَّذِينَ آَمَنُوا لَهُمْ عَذَابٌ أَلِيمٌ ﴾

تصدق يا ود المدير ان كلمة اتشطف و شطف و مشتقاتها دي كنت ناسيها تماما
و لي زي مية سنة ما سمعتها و ها هي قد بعثت من جديد.
زمان باقي لي كنا بنتشطف بس عشان نسكت الناس الحوالينا و عشان ما يقولوا ليك
امشي استحمى. و الشطيف ايضا كان بديلا سريعا للحمام لما الواحد يكون مستعجل
و هو أصلا البيت بكون فيهو "حميم" واحد و عدد سكانه يتجاوز العشرة فما في طريقة
انو الجميع يستحموا متى ما عنّ لهم ذلك. ثم انه قد جاءنا زمان الموية فيهو ضعفت جدا
و اصبح صعودها للدش امر فوق طاقتها و عشان تستحمى لازم تملالك جردل و تعتلو
لغاية الحمام البكون في اخر الحوش و شغلانة، و طبعا في ناس في القرى و البوادي عشان يستحموا لازم
ينشلوا الموية من البير و حكاية قد تستغرق اكثر من ساعة لما توصل الموية للحمام. و ما تنسى الشتا كمان
ده براهو كان حكاية.

تشطيفة و معاها تنشيفة
لأ دى كتيرة خلاس
الغريبة طلع قميض باللونين اللخدر و اللحمر
بس المرّة دى سموهو قمييص سهير

Quote: تصدق يا ود المدير ان كلمة اتشطف و شطف و مشتقاتها دي كنت ناسيها تماما و لي زي مية سنة ما سمعتها و ها هي قد بعثت من جديد. زمان باقي لي كنا بنتشطف بس عشان نسكت الناس الحوالينا و عشان ما يقولوا ليك امشي استحمى. و الشطيف ايضا كان بديلا سريعا للحمام لما الواحد يكون مستعجل و هو أصلا البيت بكون فيهو "حميم" واحد و عدد سكانه يتجاوز العشرة فما في طريقة انو الجميع يستحموا متى ما عنّ لهم ذلك. ثم انه قد جاءنا زمان الموية فيهو ضعفت جدا و اصبح صعودها للدش امر فوق طاقتها و عشان تستحمى لازم تملالك جردل و تعتلو لغاية الحمام البكون في اخر الحوش و شغلانة، و طبعا في ناس في القرى و البوادي عشان يستحموا لازم ينشلوا الموية من البير و حكاية قد تستغرق اكثر من ساعة لما توصل الموية للحمام. و ما تنسى الشتا كمان ده براهو كان حكاية.

سيف يا قريبي، نعم بُعثت من جديد مع الغزو الأجنبي بقيادة مصطفى البنقالي. يعني هسّع لو ما مصطفى
دا كانت الكلمة دي إندثرت مع إعادة الصياغة. التشطيفة للجيل المُساغ حاجة كِدا زي الوضوء يقوم فيها
المتشطف بغسل الأطراف والوجه، ثُمّ يشتِت ؤ ممكن يكون مشتِت للقاء الخطيبة التي تكون هي قد
تشطفت الأُخرى. غسيل أطراف لكن دواخل سليمة، قبل إعادة الصياغة التي صارت وبال علي مجتمعنا،
وأفسدت كل شئ حتي صحافتنا وإعلآمنا وأصبحنا في هذا التيه.
يا دكنور أكتر حاجة كانت بتفسد علي الناس بهجة العيد البرُوّد حيثُ لم تكُن هنالك مُعاناة والفقير بيكون
عارف يوم العيد قبل الغني لأنوا بتكون كل حاجياته وحاجيات أولآده مقضية، ويتساوى الفقير والغني
في التشطيف للعيد خاسةً لآمن يقع في زمن الصقط، لكن في باحة الصلآة يتلآقوا بنفوس ناصعة
البياض زي جلآليبهُم، مجتمع كان مُصاغ علي أجمل ما يكون يدير ويحكم نفسة علي أجمل وأسمى
القيم والأعراف، إلي أن وقع تحت سيطرة عديمي الأخلآق والقِيم من جنس علي عثمان والبشير
ونافع ومن نهج نهجهم وسار علي سُنتهم سيئة الذِكر. إعادة الصياغة كانت تعني إفساد المجتمع
بإفساد المؤسسات التعليمية، وإفساد أجهزة الإعلآم وإفقار المواطن وجعل كل همه لُقمة العيش
ولو كانت ملوثة، ثم إستجلآب ناس مصطفى كي يصبحوا قدوة للصحفية سهير، تفتخر بهم وتقول
لأبناء بلدها يا سجمانين يا ما فيكم فايدة مصطفى البنقلآديشي شطفني.
نسوّي شنو عآد، إعادة صياغة. والله صحي...

Quote: البِنيّة حننتني. والله صحي. منذ ان أطلق شيخ علي عثمان محمد طه عبارته المشئوّمة (لا بُدّ من إعادة صياغةالمجتمع السوداني)، ا لمجتمع السوداني ما قال أحّي يا العافية. علي عثمان والبشيرعمر ود الباوقة عبد ليهم، يملأ ليهم الأباريق ولو دعت الحاجة بيشطِفُون زاتو. لا

يا ود المدير بدل اللت والعجن الكتير دا وتلعن لينا خوينا على عثمان إستثمر الحدث وطلع ليك توب سميه ( شطفة سهير) وخلاص.

Quote: يا ود المدير بدل اللت والعجن الكتير دا وتلعن لينا خوينا على عثمان إستثمر الحدث وطلع ليك توب سميه ( شطفة سهير) وخلاص.

والله يا حماد برضو فكرة، ؤ كمان متسقة مع إعادة الصياغة، ؤ من ناحية تانية
برضو ممكن نعيد صياغة مسرحية خطوبة سهير ؤ نسميها تشطيفة سهير.
إعادة الصياغة دي مبالغة، يأخي مُش الراجل قال، المراة ليست ناقصة عقل ودين
كمايقول القرآن، ؤ قبلوا في وآحد قال، ربنا قال العارف عِزو مستريح !، هسّع
عليك الله شيخ علي دا قصّر معاكم ؟...