Post: #2
Title: Re: انت يا الشطفوك
Author: عبدالحفيظ ابوسن
Date: 11-18-2016, 11:05 AM
Parent: #1
وجبنا الزيت كمان
شايله زيتا وماشه بيتا
|
Post: #3
Title: Re: انت يا الشطفوك
Author: عبدالحفيظ ابوسن
Date: 11-18-2016, 11:07 AM
Parent: #2
التروس دي لو ما زيتوها بتعضي
|
Post: #4
Title: Re: انت يا الشطفوك
Author: أحمد محمد عمر
Date: 11-18-2016, 11:08 AM
Parent: #1
البتبلبل بتشطف
رغم إني بعاين لمسألة الشطيف دي ببراءة بس ما بقدر اطالب الناس بنفس براءتي
من حقهم تماماً يتشككوا في النية
لكن أرى إنه على الكاتبة تقبل وجهة نظر المجتمع ومواجهة موجة الاعتراض العارمة (دي جات صدفة ساي)
لأنها اختارت توجه سخطها للمجتمع بطريقة مستفزة ومخالفة لأعرافه
|
Post: #5
Title: Re: انت يا الشطفوك
Author: عبدالحفيظ ابوسن
Date: 11-18-2016, 11:12 AM
Parent: #4
اوووو معلم ياخ
اجدع لينا مفك نجمة والزردية
تعرف يا صاحب
انا والله ما شغلتي في شطيفها ولا كيها
انا شغلتي فينا
الحكومة تعصر فينا لامن جبنا الزيت ونحن مبارين الفارغة
لو كانت الظروف غير الواحد كان ممكن بشوت في قون سهير شهر
|
Post: #6
Title: Re: انت يا الشطفوك
Author: عبدالحفيظ ابوسن
Date: 11-18-2016, 11:15 AM
Parent: #5
مبطلين شغلتنا وساكين لينا لي انثي ارتضت ان تفضح نفسها ..
السودانية لا تدخل الحمام المقابل الرجال خليك من تباري راجل لي حمامات النسوان..
|
Post: #7
Title: Re: انت يا الشطفوك
Author: أحمد محمد عمر
Date: 11-18-2016, 11:18 AM
Parent: #5
دي موجة وسائل التواصل الاجتماعي
يتكتب التعليق وفي ثواني يكون حام الكرة الأرضية من اقصاها لأقصاها
أصبح تكوين الرأي العام أسهل من أي وقت تاني
رغم إني ما من أنصار نظرية المؤامرة لكن أكاد أجزم إنه تسجيلات ناس ندى راسطة فكاها جهاز الأمن عشان يشغل الناس من قضية فساد مكتب الوالي وغسان المسجون الطلع ما مسجون في النهاية
بقى المحك في منو البستفيد أكتر من وسائل التواصل ؟
|
Post: #8
Title: Re: انت يا الشطفوك
Author: أحمد محمد عمر
Date: 11-18-2016, 11:23 AM
Parent: #7
الاشكالية كلها في البعد الجنسي في المقال
الكاتبة حاولت تلفت الأنظار كم مرة بمقالات مصادمة لأعراف المجتمع
لكن ما كان فيها حمام وتشطف
نعم الناس جاطوا فيها في موضوع اللبنانيات والراجل اب عراقي وغيرها .. لك كانت جوطة هادية ومنطقية ومبررة
بس المرة دي كان في بعد جنسي ودي البخلي الناس كلها تشب في الحلق .. ضاحكين أكتر من كونهم ساخطين
|
Post: #9
Title: Re: انت يا الشطفوك
Author: عبدالحفيظ ابوسن
Date: 11-18-2016, 12:03 PM
Parent: #8
|
Post: #10
Title: Re: انت يا الشطفوك
Author: مني عمسيب
Date: 11-18-2016, 12:04 PM
Parent: #8
سلام يا الكلس ود ابو سن ..
وحتي انت يا ود ابوسن !
يا احمد عمر حقيقة دا كلام غريب منك !!!
من حقهم تماماً يتشككوا في النية
ممكن اعرف ليه من حقهم يشككوا ؟ اولآ من ليهو
حق عشان يتدخل ولايشك في كبيرة وناضجة !!!
ثم ثانيآ علي سذاجتها كتبت كلام فارغ وعلي الملأ
هل لو قصدها الفهموهو بعض المشككين كانت بتكتب
كلام زي دا ؟
عمومآ ونصيحة للجميع احذروا الخوض في العروض .
وكما تدينوا تدانوا .
|
Post: #11
Title: Re: انت يا الشطفوك
Author: أحمد محمد عمر
Date: 11-18-2016, 12:09 PM
Parent: #10
لأنه كلامها ما منطقي يا منى
مافي مرة بتخلي راجل يسوقها الحمام ويشطفها
ولو حصل الكلام دة والناس ما صفت النية ما ملامين
مع العلم بي إنه موقفي واضح إنها كتبت الكلام دة ومافي بالها أي بعد جنسي
|
Post: #12
Title: Re: انت يا الشطفوك
Author: عبدالحفيظ ابوسن
Date: 11-18-2016, 04:06 PM
Parent: #11
اتفق معاك احمد
الامر إلهاء
|
Post: #13
Title: Re: انت يا الشطفوك
Author: جلالدونا
Date: 11-18-2016, 04:13 PM
Parent: #12
الحق يقال يا ود اب سن
شطّفوها بى غادى
و شفطوا جييوبنا بى جاى
سهير و ملاسى خبرة جد فى صرف انظار الناس
و شغلهم بالفارغة و مقدودة
|
Post: #14
Title: Re: انت يا الشطفوك
Author: يحي قباني
Date: 11-18-2016, 05:04 PM
Parent: #13
دي العولمة يا صديقي ...
الكلام في الممنوع بقى عادي ...
الاختشا زمنو انتهى ...
و الاختشو ماتو ...
|
Post: #15
Title: Re: انت يا الشطفوك
Author: عبدالحفيظ ابوسن
Date: 11-18-2016, 05:28 PM
Parent: #14
حبابك بت عمسيب
حبابك يا خيه
لعلك قرأتي البوست بشكل مختلف
غض النظر عن انحطاط حديثها وفجوره
إلا اني اعتقد الامر مقصود به الالهاء
إلهاء عن الغلاء الفاحش
|
Post: #16
Title: Re: انت يا الشطفوك
Author: ASHRAF TAHA
Date: 11-18-2016, 05:37 PM
Parent: #15
ممكن في ناس تخلي مشاكل بلد وتقيف في حاجات زي دي
ما اظنيت !!
|
Post: #17
Title: Re: انت يا الشطفوك
Author: Hani Arabi Mohamed
Date: 11-18-2016, 05:51 PM
Parent: #16
بدخل من وقت للتاني من امس للنت بقرا واتفرج ... وكتبت مداخلة في حتة ما وتاني استغفرت ربي وسكت ...
وبحسبها بجاي وبجاي :
- المهية خلصت ليها 5 أيام ... والشهر باقي فيه لسع ايام وايام ...
في دواء كان بـ 100 وبقى ب 300 ، وفي فحص بـ 80 ما عارف حالقاه بكم ، وكنت مفكر اسافر لارض الله الواسعة اشوف باقي علاج وشغل لكن التذاكر زادت 350%
استغفر الله ...
الناس تامنها صبر ؟ صبر كيف مثلاً .... !
يا البيوت دي ساترة اسرار وياما ناس ساكنة في قصور بنتها قبل خمسين عام او ورثتها ممن سبقوها وما لاقين جواها رغيف عيش وخايفين يبيعوها ويفقدو الستر الساترهم في الدنيا دي
لسع فينا حيل لشمارات وونسة ؟
|
Post: #18
Title: Re: انت يا الشطفوك
Author: احمد الشيخ
Date: 11-18-2016, 05:57 PM
Parent: #17
المهم شطيف الجنيه
|
Post: #19
Title: Re: انت يا الشطفوك
Author: Osman M Salih
Date: 11-18-2016, 07:13 PM
Parent: #1
سلام ياعبد الحفيظ،
عنوان بوستك صادم ولايليق بيساري الهوى. فيم اثارت حفيظتك السيدة سهير عبد الرحيم؟ ولماذا تصف حديثها بالفجور والانحطاط؟.
|
Post: #20
Title: Re: انت يا الشطفوك
Author: اخلاص عبدالرحمن المشرف
Date: 11-19-2016, 00:54 AM
Parent: #19
حفيظ كيفك
لقمة العيش خلت مواضيع زي دي ما عندها قيمة
الموضوع ميديا
المشكلة في ناسك الصدقو ، هم المقصودين .
مرة واحد بنغالي عرض علي العمل معاهم 😄😄😄
|
Post: #21
Title: Re: انت يا الشطفوك
Author: عبدالحفيظ ابوسن
Date: 11-19-2016, 06:02 AM
Parent: #20
تحياتي عثمان
وحبابك
انا انحاز لقيم الانسانية والجمال بيد اني سوداني
الابتذال في وصف النشاط الجنسي بلغة مباشرة حسية لا تراعي قيم المجتمع ارفضها . اضف ان لا قيمة جمالية او فنية في ذلك . فالجنس نشاط حياتي تمارسه ادني الاحياء حتي اعلاها . ككل النشاطات . ومداغبة الغرائز الجنسية له ادبا ممنوعا يقرأه الناس متوارين
لها ما تشاء من سلوك ان ارتضت ذلك في حدود حريتها الشخصية وسلوكها الشخصي وليس نشره .
هي كتابة مبتذلة في تقديري
عن العنوان
فالتشطيف المقصود في انت ليس هي
بل هو الشعب السوداني
العقلية
ميزانية رب الاسرة البسيط
دعمتها ب
انت ما بتعرف صليحك من عدوك
ودعمتها ب الزيت
ترك كل اهتمامه وحياته وهرول نحو كتابة مقصود بها الالهاء
عفوا
سأعود للرد الراتب
|
Post: #22
Title: Re: انت يا الشطفوك
Author: عبدالحفيظ ابوسن
Date: 11-19-2016, 06:27 AM
Parent: #21
هو جنس شطيف يا جلال
كيس اللبن من 150 لي 200 ج
اللبن اليوماتي
بتي قالت يزيدو مصاريف المدرسة
ليه
الحاجات زادت
طفلة دي
لازالت تطالب
ولازلت ارفض
لينا كم يوم هي تناضل وانا اتعنت
تعنت عجز مش ديكتاتورية
|
Post: #23
Title: Re: انت يا الشطفوك
Author: عبدالحفيظ ابوسن
Date: 11-19-2016, 06:45 AM
Parent: #22
صحي يا قباني
هذا زمانك يا مهازل
مهازل رسمية واعلامية
|
Post: #24
Title: Re: انت يا الشطفوك
Author: عبدالحفيظ ابوسن
Date: 11-19-2016, 07:13 AM
Parent: #23
مرحب اشرف
ممكن تصرفك
تشد انتباهك لأمر آخر
تستوعب كل طاقاتك في امر انصرافي
تروح ليك الدرب
|
Post: #25
Title: Re: انت يا الشطفوك
Author: أحمد محمد عمر
Date: 11-19-2016, 07:53 AM
Parent: #24
عارف يا ابو سن
في يوم من عام 2007 بتذكر تفاصيلو كويس جداً
ولدي الكبير ماشي على السنة ومصاريف البامبرز والعيادات والالتهابات الشغالة فيه طول العام مع الفلس والماهية أف خلتني زي المجنون .. بكون ماشي في الشارع واحسب فيها
صحيت الصباح على همسات الحلة الأشبه بالكواريك
بت فلان رجعت حامل
وفلان دة رجع الحلة بعد رحلة اغتراب طويلة وبنى قصر واشترى مزارع وأملاك وعربات وبقى زول استقرار خلاص .. جاهو واحد اتقدم لي بتو وقام رفضه رفض شنيع وطردو من البيت .. البت شردت معاهو وما رجعت إلا بعد حملت منه بالحرام .. وفي مجتمعات الجزيرة الناس ما بترحم الحالات الزي دي
عرفت من ناس الحلة إنه خلى كل املاكه وقفل بيته وساق اولاده الخرطوم يندس في مكان لحدي ما يسافر خارج السودان بلا عودة .. وفعلاً ديك كانت آخر مرة نشوفه في الحلة
مشيت الشغل ودخلت مكتب مديري وصاحبي في نفس الوقت وانا مليان هموم وجيبي ما فيه التكتح وبديت احكي ليه عن الفلس ومنظري الجيعان في البيت وتفكيري في ترك الوظيفة إن شاء الله افرش لي ليمون في السوق .. لقيتو ساكت ووشه محمر .. اتخلعت قلت ليه مالك؟ .. ضحك ضحكة مرارة كدة وقال لي ياخي همومك بسيطة خلاص .. يا ريت كل المشاكل بتتحل بالقروش .. اختي أمس بالليل وديناها التجاني الماحي
مديري اخوانه مغتربين ومهاجرين وأوضاعهم المادية مية المية عندهم أختهم الكبيرة الوحيدة عندها أمراض عصبية ونفسية مخلياهم جارين بيها من دولة لي دولة للعلاج بدون فائدة
طبعاً اتكهمت شديد وبقيت بس مدنقر في التربيزة ما قادر أقول أي حاجة
رجعت العصر لقيت واحد من حينا واقف مع ملتي ملياردير من الحي الجمبنا .. عندو مشكلة خصوبة ربنا ما أداهو ولد .. من أوائل الناس العرفو درب الصين وتجارتو انتعشت لدرجة بنى كمية من القصور وبقى بغير عربيته بالاسبوع
جارنا كان بتكلم معاهو بي حسد وغل شديد بقول ليه آآي ما خلاص بقيت من ناس القروش وقالوا بقيت تبني في الخرطوم تاني تصاحب ناس العمارات والمنشية بقروشك دي فاتحة ما تجيبك الحلة
الملياردير كان ساكت بستمع وانا واقف داير الحاسد دة يسكت عشان استأذن منهم وامشي بيتنا أشوف موضوع الفلس حقي .. بعد سكت الملياردير قال عبارة واحدة بس وركب عربيته مشى .. قال ليه (شيل قروشي دي كلها واديني شافع يقول لي بابا)
يااااخي حسينا بي ألم ما طبيعي كلو كلو .. حتى الحاسد لسانو اتعقد
وقتها اتذكرت عبارة مديري (ياريت كل المشاكل بتتحل بالقروش)
ومشيت البيت لقيت أمي مجهزة فتة السخينة بالدكوة البناكل فيها من بداية الاسبوع وشلت ولدي في كرعي وقعدت زوجتي وأمي واختي وضربنا السخينة بالشطة كأحلى ما يكون البروست ونضحك ونتبادل النكات والقفشات حول سخينتنا اليومية ومرتاحييييييين بال عندنا مشكلة واحدة بس وبتتحل بالقروش .. الليلة مافي قروش بكرة بتجي
|
Post: #26
Title: Re: انت يا الشطفوك
Author: درديري كباشي
Date: 11-19-2016, 08:02 AM
Parent: #24
سلام يا ابسن وصحبه
السودان أصبح بلد العجائب والمتناقضات و والمتباينات بصورة تحير
قبل يومين صديق مرسل لي على الواتساب تسجيل جماعة في قرية من القرى يمكن يكون مر عليكم
جاءهم إمام في رمضان صلاة التراويح قرأ لهم سورة النور
بعد ما وصل لآية الزاني والزانية
قطعوا صلاتهم ودقوه دق العيش
في شباب يحاوروهم ليه ضربنتوا الأمام
قالوا يازول ها زول يجيب لنا سيرة الزنا في صلاة ونحن معانا نسوان أعراض يسمعن في الكلام دا .. كيف ما ندقوا .
عايز أقول
أن الكلام المبذول في الصحف يجب أن يكون محكم يراعي الأخلاق وقيم المجتمع بل حتى فهم الناس ..
يعني ما كان في شي يلزمها بالتفاصيل الدقيقة حتى لو كانت حصلت فعلا لكن هو سوء تقدير منها..
كان ممكن تقول الولد مصطفى أعتذر بأدب وجاب فوطة مسح الجزمة وواصل في عمله وانتهت الحكاية ..
لكن هي شافت هذا ما كفاية ولا يعطيه أفضلية ممكن أي عامل سوداني يعملها .
حاولت تمط الموضوع وتضخمه لتعطيه يعدا دراميا فوقعت فيما هو أفدح .. على حساب كرامتها وشرفها .
|
Post: #27
Title: Re: انت يا الشطفوك
Author: عبدالحفيظ ابوسن
Date: 11-19-2016, 09:21 AM
Parent: #26
صحي يا عربي
قدر الحيل الفينا ساكين بيهو معايشنا
الحكومة اعلنت بي هنا
والسوق ولع
بتاع الترحيل جاني يوم الاحد مباشرة بعد اعلان الزيادة بالخميس طالب الزيادة
ناقشتو
الجالون زاد سبعة جنية داير تدفعني ليها براي
قال لي
مش البنزين بس
وقنب يعدد لي حتي قلت ليته صمت
الزيت كنت بكب بي كم وهسة بي كم
الاسبير
سلك الابنص
سلك الكلتش
اجرة الميكانيكي
ال
ال
ال
ف وافقت
|
Post: #28
Title: Re: انت يا الشطفوك
Author: عبدالحفيظ ابوسن
Date: 11-19-2016, 11:34 AM
Parent: #27
شطفو شطيف يا احمد الشيخ
اسكت بس
والطيران برة طار راح
|
Post: #29
Title: Re: انت يا الشطفوك
Author: عادل البراري
Date: 11-19-2016, 11:51 AM
Parent: #28
أبو سن تحياتي
ما خليت فرقه
في وطني يدخل الحمام لخمس
احم إحم وهذا. من زمن عاد وثمود
وتبول في ومن قلة فيه المياه الجوفية والسطحية والغازية
توضأ
تستحم
تشطف
مع انه ثقافة التشطف والتنشف انقرضت منذ العهد المايوي البغيض
فلا ندخل الحمام إلا عبر بوابة ليس بها محرم
|
Post: #30
Title: Re: انت يا الشطفوك
Author: عبدالحفيظ ابوسن
Date: 11-19-2016, 01:10 PM
Parent: #29
مصداقا لي كلامك يا بت المشرف
قاعد اعمل استفتاء شخصي لكل حدث يشغل الميديا .. ف بقوم اسأل الناس البعرفهم والزباين البجوني في السوق . وهم من مختلف الفئات تعليما وثقافة واهتمام
بطلع بي نتيجة واحدة كل مرة
ما يهم المواطن ليس هو ما يهم الميديا
إلا رفع الدعم
تصدقي !!
لذا كتبت ذات مرة بوست جمهورية سودانيزاونلاين
المواطن لا ينفعل مع قضايا القيم الانسانية الراقية .. بنفعل مع قضايا اكلو و شرابو ..
قلتي لي
عضينا عراريقنا بي سنوننا وقلنا يا فكيك هههه
|
Post: #31
Title: Re: انت يا الشطفوك
Author: عبدالحفيظ ابوسن
Date: 11-20-2016, 05:27 AM
Parent: #30
ل حين ميسرة
|
Post: #32
Title: Re: انت يا الشطفوك
Author: عبدالحفيظ ابوسن
Date: 11-20-2016, 09:14 AM
Parent: #31
المُعلِم
تعرف يا احمد مرات قاعدة تحك معاي حكات عجيبة . مرة صحيت ولازمني سؤ الطالع من الصباح .. انكسرت الماسورة الرئيسية جوة البيت . صحتني المدام .. حشرت في الماسورة عود بعد بربحتو وانعدمت الموية . الكهربا باقي فيها متر .. الغاز خلص وآنذاك الغاز سوق اسود . مشيت السوق .. ضربت كراعي شرطت الاصبع الكبير
قنبت اضحك
آي والله ضحكت ضحك عامر وصادق
قلت آخدها من قصير
اشتريت طماطم الله كريم وكانت طالعة ورخيسة .. ورجلة وبصل وزيت سمسم ورغيف
قطعت براي الرجلة والطماطم والبصل والليمون والدكوة . وباقي الرغيف الناشف وعملتها فتة
أكلنا أكل والعيال ما ظنيتو اكلو قدر دة قبل كدة
ف شنو
بتتسهل تصدق
مجربها
تتسهل بمقدار ما يسمح لك بالمرور من خلال الزنقة بس
|
|