ما صاح تحذفوا المداخلات ....

03:02 PM November, 15 2016

سودانيز اون لاين
Frankly-ارض الله ومعمورته
مكتبتى
رابط مختصر

وتخلوا التعليق عليها

يا فرانكلى أت عامل الدوشة دى كلها فى شنو ؟
أت أكتر واحد بيمسح المداخلات فى المنبر دا..
وتسيب الكلام البيعجبك بس..
وبعد داك بكل قوة عين تفتح بوست عن الرأى والرأى الاخر..
أت قايل الناس البتقرا دى ريالتها سايله ؟

ولكن تبيّن أنهم ما أتوا لرأي ولا لحوار ولا لنقاش بل أتوا لأجندات أخرى

1-التجاهل
2- التجاهل
3- التجاهل

يجب فضح جميع الكيزان وبعض المندسين الجبناء.

أنه لمخجل جدا أن يدعي البعض الوطنية وهم يقفون مواقف المتفرجين

ومعا لكشف عصابة مافيا الانقاذ وجميع المأجورين

ولا نامت أعين الجبناء والعار للذين ينشرون أكاذيب الكيزان في
هذا المنبر


د مصطفي محمود يونيو 2006

كلامك صحيح يا فرانكي،
على من يقوم بحذف مداخلة أن يراعي سياق المداخلات التي تليها اذا ارتبطت بها.
سوف يأتي آخرون لاحقا للقراءاة ويجب ان لا يكون السياق مبتورا
بتر السياق فتنة.
شكرا استاذ فرانك على هذا التنبيه الحصيف

السلام عليكم كمال وسأكتفي في مداخلتي هذه ببعض آيات من الذكر الحكيم ورغم ذلك لا أأمن عليها من حذفك
قال تعالى:
"وَيْلٌ لِّلْمُطَفِّفِينَ. الَّذِينَ إِذَا اكْتَالُواْ عَلَى النَّاسِ يَسْتَوْفُونَ. وَإِذَا كَالُوهُمْ أَو وَّزَنُوهُمْ يُخْسِرُونَ. أَلا يَظُنُّ أُوْلَئِكَ أَنَّهُم مَّبْعُوثُونَ. لِيَوْمٍ عَظِيمٍ. يَوْمَ يَقُومُ النَّاسُ لِرَبِّ الْعَالَمِينَ"

(يا فرانكلى أت عامل الدوشة دى كلها فى شنو ؟
أت أكتر واحد بيمسح المداخلات فى المنبر دا..
وتسيب الكلام البيعجبك بس..
وبعد داك بكل قوة عين تفتح بوست عن الرأى والرأى الاخر..
أت قايل الناس البتقرا دى ريالتها سايله ؟)
----------------------------------------------------------------------------------------------------------------------------------------------------------------------------------------------------
فعلا اختنا Nour Tawir...الزول دا اكتر واحد بيمسح مداخلات الآخرين ولى تجربة معه.... ينهى عن امر ويأتى بمثله ...عيب والله....دا نفاق عديل لا يقبله الله ولا الرسول
قال تعالى:( أتأمرون الناس بالبر وتنسون أنفسكم وأنتم تتلون الكتاب أفلا تعقلون)
لا تنه عن خلقٍ وتأتي مثله ... عارٌ عليك إذا فعلت عظيم

كل المداخلات أوف بوينت، ما عدا مداخلة المستنير!
أها يا كيشا (جمع كيشة) لو فرانك جا وحذف مداخلاتكم؛ لازم يحذف معاها مداخلتي دي ويترك مداخلتي الفوق،
وقع ليكم يا كيشا؟

ا أبوبكر يا أخي أنت ما تنفع ظلامي والله

كيف نظرتك ثاقبة كدا وظلامي


بخصوص الحذف أنا ح أخلي البوست دا حائط مبكى وأي واحد زعلان من فرانكلي يدخل ينفس شوية واديه منديل كمان يطلع الفي جواه كله من أنفه

تحياتي وتقديري


ويا شباب بدون فرز البيت بيتكم مع أنكم كلكم ما فهمتوا الحاصل شنو ودفعكم الحنق والغيظ الشديد وأنا ما بهب دا كله لكن مداخلة الظلامي أبوبكر تستحق الفردية

جزاك الله خير أخي فرانكلي وأخي أبابكر عباس ودمتم ذخراً لهذا المنبر والوطن

Quote: جزاك الله خير أخي فرانكلي وأخي أبابكر عباس ودمتم ذخراً لهذا المنبر والوطن

نعم نعم يا اخي منتصر جزائهم من عند الله خيراً

الأخ فرانكلي بالتأكيد متسق جداً مع ما يطرحه من أفكار تصب في صميم مصلحة الوطن والمواطن

لذلك كاذب من يستطيع ان يثبت عليه انه يوماً نهى عن خلق واتى بمثله

ونهديه هذه الابيات لانه رجل حقاني جداً ويحافظ على حقوق الناس من حوله

لا تنه عن خلقٍ وتأتي مثله
.................................. عارٌ عليك إذا فعلت عظيم
ابدأ بنفسك وانهها عن غيها
................................. فإذا انتهت عنه فأنت حكيم
فهناك يقبل ما وعظت ويقتدى
................................... بالعلم منك وينفع التعليم




أتمنى ان تفهم في (سياقها)

ود المدير وجلجل تعالو ... خشو
وشوفو لو فرانكلي استككم ..
دي دعوة للمصالحة الاستيكية ..
ولا استيكة بعد اليوم ....
عاالم بطاالــــــــــــــــة

ما تقول لي يا فرانك، مداخلات الناس ديل القاعد تحذفها من نوع المداخلات دي؟!
طيب انت قاعد تاخد فيهم الأجر

بخصوص النور والظلام
أنا غير متحسس من وصفي بالظلامي
أنت تعتقد أن النور يأتي من السماء
وأنا متأكد من ارضية مبعثه
لا عليك يا رجل قد نلتقي يوما في نص المسافة بيننا ونشرب لينا شاي جنب نجمة في الفضاء الذي تطلق عليه انت لفظ السماء

تصدق يا أبوبكر أنا ذاتي مندهش من التطور النوعي في مداخلات المتأستكين

النماذج الفوق دي دليل على عصف ذهني مقدر حتى جاءت بالصورة أعلاه

الأجر تلاقيط

وأنا قاعد أنظف المنبر من عُجر وبُجر المداخلات مفروض بكري يدفع لي وأن شغال بمكنستي اليوم كله

ههههههههههههههههههههههههههههههههههههههههه


معقولة بس

اتمنى ان تفهم في سياقها البين قوسين دي كلها ما شفتها

لكن يا بكور لقيتك شفت


قرقرقرقرقرقرقر يااا مصاريني

يا عملات بشاشا

لو المداخلات دي الفوق دي جابوها بعد عصف؛ ضروري جدا بكري يدفع ليك

تقول ليهم:
ما صاح تحذفوا المداخلات ....
وتتم ليهم الجملة تحت

واحد فيهم عندو استعداد يقرأ ما في!!
وبعد دا زعلانين!!
واحد منهم زعيم كبير مشى فتح ليهو بوست:
هل تجوز أستكة كلام الله؟
!!
المنتدى دا يا فرانك، كوميدي ولّ جاد؟
ولّ بكور دا من طبعو نعسان

أها يا أبو بكر فرانكلي فهم مداخلتك الفوق إلا التانية بتاعة المداخلات دي ما فهما

قال ليك فيها عصف ذهني

فرانكلي أمسح مداخلتك انت لأنو ما فيها عصف ذهني

يا بك هسع انت خليت اللات والعزى وشاكلت الزنادقة والصابئة في المنبر وبقيت محامي شيلوك ،المنشار قلت عايز بكري يدفع ليك عشان العجر والبجر تبعر واقف قول آمين
أما بخصوص العصف الذهني طير أبابيل يخليك كعصف مأكول قول آمين تاني

يا أبوبكر قراية شنو؟

أنا لو كتبت في عنوان البوست "يسقط البشير" ح يدخلوا البوست مغمضين وح تكون أفضل مداخلاتهم موضوعية من شاكلة "الدولار بقى بكم؟"

هههههههههه

والله بكل امانة يا بكور
انا آمنت انك بيطري شاطر

والله شاطر لمن شاذ

يا اخوانا كمال فرانكلي يردح من 2002 ومداخلاته تجاوزت 30000 دولار ،
هي اقصد 30000 مداخلة ...

معقول ولا صورة واحدة ما عنده ؟؟؟
احيانا بجيني احساس انه فرانكلي ودينا خالد ديل روح واحدة في جسدين ...

من جهة أخرى يا فرانكلي فقد اسهمت انت وبدرجة كبيرة في تخريب المنبر باستخدامك لخاصية مسح مداخلاتك مخالفيك الرأي بسبب وبدونه ...
من هنا اناشد الاخ بكري ابو بكر بالغاء هذه الخاصية حتى يعود للمنبر ألقه القديم بتباين الآراء داخل البوست الواحد ...

يمين فرانكلى اليومين ديل ميسو عديل ــ والـلاّ هو ميسى ؟؟ الشقى ده؟؟ ـــ لاعب داغت يحاور الجمهور زاتو فى فنجان ..
الزوول جاء عاكس ليكم الكورة جنب القون وجيتوا كلكم داقين هيد فى شباككم .. !!مية مرة بتجيبوا الآية بتاعة لا تقربوا الصلاة مبتورة، ومليون واحد يقول لي ــ وأنتم سكارى ــ هسه يقول ليكم ماتمسحوا المداخلات ويقوم يخليكم تنطاقشوا بالشفقة ــ مو عاد لقيتوا ليكم فرصة ــ ويقوم هو يزلقها ليكم بالراحة بـ ـــ وتخلوا الردود ـــ فتصبح الجملة لا تمسحوا المداخلة وتخلوا الرد عليها فى البوست .. عشان مثلاً ما يجى واحد دايش زى حالاتى كده يلقى الرد بس، ويبقى ليهو زى كلام الطير فى الباقير .. ويكون كأنما سيد البوست بيكلم فى شبح ..

عليك أمان الله المستنير بس هو اللقط اللعبة ، لأنه زوول محايد وريلاكس وما ظنته بيجى داخل المنبر ده بغبينة (إلاّ علىّ أنا ــ عارفه وعارف السبب) ..

اللعبة العملها فرانكلى تشبه لعبة حريفة عملها لاعب التحرير البحراوى زمان ، النجم الفريد ود الشعبية يوسف المفك فى مباراة ضد الهلال، حين جات كورة معكوسة قدام زغبير وكان هو والمفك .. قام المفك نط فوق كأنما عايز يدى الكورة هيد ــ head ــ فكان رد زغبير أنه نطّ فى إتجاه الـ هيد ليمسك الكورة .. فقام المفك نطّ وعمل فيها حيضرب الكورة هيد ولكنه خدع زغبير ونزّل الكورة بصدره ودخلها قوون بالراحة وسط دهشة الجمهور .. الكورة دى أنا ما حضرتها لكين اللقطة دى حكاها لى الحاج حمد ده .زمان.. هههه
فاللعب بديناميكا الجمهور دائماً بتطلع حلوة وملعوبة ..
زى واحدة فى أحد برامج منو كده got talent .. البرامج المالية التلفزيونات دى .. جات واحدة من المتسابقين ــ black girl ــ طلعت المسرح وقامت تحى فى الجمهور والناس تجاوبوا معاها .. فقامت قالت ليهم are you all alright؟؟ فالجمهور والحكام كلهم وبكل سرور ردوا بصوت واحد YEEEESSS .. فقالت ليهم NO, you are all all left ..
اللقطة دى أنا ما حضرتها لكين حكاها لى الولد العفريت .. ههههه ..

الفكرة دي يا منير ما جديدة ، أعنى فكرة العنوان يكون باتجاه والغرض من البوست يكون بالاتجاه المعاكس ...
رائد هذه المدرسة في سودانيز هو ملاسي ...
فقبل كدة كتب بوست بعنوان (انقابو ما غلطان) ... وهو قاصد عضو المنبر حافظ انقابو ...
واول مداخلة كانت (ولكن غلطان بكري ابو بكر) على ما اعتقد ...
معظم البورداب كانوا بعتقدوا انه انقابو غلطان ولكن ملاسي جاء بعنوان مضلل وكتر كلكات البوست كالعادة ...

فااااا
ااااا
صديقك فرانكلي لم يأت بجديد

هههه يا منير لقيتك بتاع كورة كمان

يا أخي أنا زول غلبان شديد وبمشي تحت الضل وما بقول كش

هسع بمداخلتك دي ح يتقصدوني ويعملوا لي شنكل

المرة الفاتت قلت لي ح اجيب ليك الهوا لكن المرة دي بتجيبوا لنفسك وشيل شيلتك هسع يلبسوك دبورة عقيد أمن ولا اتنين كوز وغواصة

لكن بالجد في ناس في المنبر دا الغبن أو إن قلت الغباء (غبيانين) بخليهم ما يشوفوا ذاته

لو باب البوست دا من زجاج شفاف كان كل واحد من المغمضين ديل كسره لي عشرين مرة

بالمناسبة أرجوزات المنبر كيسهم فاضي

شكراً محمد مجيدو

ما في عاقل وصاحب راي يحذف مداخلات فقط لأنها تمثل الرأي الأخر

لكن كل عاقل ينظف بيته وباب بيته من القاذورات والشوائب والأوساخ والضيوف الثاقل والغير مرغوب فيهم والدواب والهوام والحشرات ويستخدم في سبيل ذلك المكانس بصورها المتعددة والأقفال والسياط والعصي والبف باف

إذاً استخدام المكنسة هو بالتأكيد عمل حضاري ولا يمكن أن يكون مكان استهجان إلا لمن أدمن العيش في مرتع الأوساخ والزبالة

لابد من المحافظة على البوستات في بيئة صحية وحفظها للأجيال القادمة في محركات البحث بمداخلاتها الموضوعية والجادة وتنقيتها من كل المداخلات الأرجوزية والهزلية والأرجوزات.

هذه مسؤولية فردية ومجتمعية يجب على كل منا القيام بها في احسن وجه

حكمة البوست

إن كنستم فاحسنوا الصنعة!!!

لا تتركوا أثر ولا تدفعوا بالأوساخ تحت البسط والأثاث!!!!

يعني يا فرانك، نفهم انو كل ما يكتبه الصديق منتصر ببوستاتك عبارة عن أوساخ؟
الزول دا ممكن تكون كنستا ليهو زي خرتمية مداخلة من أبات سطر ديل
ما في أي حل وسط في الموضوع دا؟
الرجل مغترب ومرات قاعد يسافر أمريكا

يا بكور ليس كل من طقطق بالكيبورد كاتب فطفل السنتين يمكنه أن يطقطق سطراً


والعيب ما في السطر لأن مثلاً كتابات كمال عباس المملة (ودي ما شخصنة لكن وصف لنوع الكتابة) ذوات الثلاث صفحات ممكن اختصارها في سطر

في بتاعت طفل السنتين كلامك صاح
وممكن يكتب سطر أحسن كتير من حق منّة.

بخصوص كمال عباس؛
لا تعليق

السيد فرانكلي كتب(والعيب ما في السطر لأن مثلاً كتابات كمال عباس المملة (ودي ما شخصنة لكن وصف لنوع الكتابة) ذوات الثلاث صفحات ممكن اختصارها في سطر)
يازول أنت لاتملك القدرة علي إي كتابة منتجة ( سواء أن كانت مسهبة أو مكثفة) لاتملك منهج ولاعمق فكري ــ لاشي سوي الهتافيات والقص واللصق غير المبدع والتمسح بالطغاة والتخذيل عنهم ! والوقوف في الخندق المعادي للديموقراطية والضيق بالرأي الآخر. لاتملك ماتقدمه في موائد الحوار الفكر والتلاقح الثقافي ولا قدرة علي التحليل والمقاربة والآستخلاص وصولا لنتائج منطقية ـ فالعقل الدوغمائي المنغلق لاينتج معرفة ولايثري ـ أمدد أقدامك علي قدرة لحافك الفكري ـ دع التطاول والمحاولات العبثية للنيل ممن لاتملك التأهيل لأن تصبح تلميذا في حضرتهم ـ ........

في هذا البوست اتلم ال ..
مستنير مع نقيضه (وكل لا يعرف غيره)
ولا ينقصه الا غياب الدكتور بتاع 2006.
المهم
الجملة التكتيكية التي انتهجها فرانكي في البوست عميقة كعادته .. ولكنها غياظة لأنها لاتمنح الجمهور حتى فرحة اللعب غير النظيف..
استبعد أن يكون الزميل السلفي الانقاذي الاسلامي الظلامي المنفتح فرانكلي منتفع من توجهاته في المنبر من قبل النظام
ومايحرني حقا هو بعد نظره الفكري وقصر نظره تجاه الحق والحقيقة فيما يفعله نظام الافساد في البلاد.

المصطنير يبحث عن الشعبية والتفرد الشوفوني أنا مختلف حتى في جحر ضب خرب شيلوك (لك ذاك الذي تعرف) ولبك الياسمين و( علي دفع الله)