شايف بعض الناس فرحانة شديد بانتصار دونالد ترامب ، واثر ذلك على امسودان مستقبلا..!!
الحكاية دي ذكرتني حكوة في ثقافة البقارة ، تجري هكذا: كان في واحدة فقرانة ومسكينة ، اسمها ام سعدان ، وكان كل امنيتها في الدنيا تسير مع الضعينة.. والمسار محتاج تور (نظام وسيلة نقل وكده)..! اها قام واحد غنيان (عندو بقر كتيرة كده) وعندو تور كلالي ، لكن مشكلة التور ده عندو دبره فوق ضهرو (نظام جرح) والتور اتهلك واصبح اقرب للجيفة ، لا تقدر تضبحو وتاكل لحمو ولا تقدر تستفيد منو ، فقام قدمو هدية لأم سعدان تلك..! اها ام سعدان ، ما صدقت ، تمت الليل كلو تجوعر في ناس الفريق: انا لقيت لي تور وامباكر ح اسير مع الضعينة..انا لقيت لي تور وامباكر ح اسير مع الضعينة.. تهاتي وتهاتي.. ولمن الصباح اصبح..لقت التور فطيس (بسبب الجرح الكبير)..!!
و يا فرحة ما تمت..!!
يبدو ان سيف دارفور ح تكون المرة دي سيف جنوب كردفان ، ودقي يا مزيكا..!! انتو صحي كده عيال جنوب كردفان المشوا يمسحوا الجوخ لترامب ديل منو بالضبط؟.. عموما جنوب كردفان لا يحكم مصيرها شوية نفرين تلاتة..! والإ.. خازوق أبيي ح يتجدد من تاني..! واصلا ما ح نحنس الناس بتحنايس باركوها وتعالوا نبقى سودانيين وشنو كده ما عارف..! اللعب المرة دي مكشوف للغاية..!! العيال المشوا قابلوا ترامب باسم جنوب كردفان لو فاكرين انفسهم يتامي مستعدين يدوا راسهم لترامب عشان يتعلم فيهو الحلاقة ، فناس جنوب كردفان ليس يتامي ومافي واحد وشو شبرين ح يتعلم فيهم الحلاقة (بالله ترجموا لمستر ترامب..!!)..!
كبر (واحد من ناس جنوب كردفان)..
Post: #2 Title: Re: الفرحة بترامب زي فرحة ام سعدان بي تورها ال Author: Ahmed Yassin Date: 11-11-2016, 09:54 PM Parent: #1
وهذا هداي منهم يصف حاله قبيلته من بعد بؤس أصاب مكانه وتغيرت أحوالهم يبدوا ان جموع المهنئين ظنوا ان احوالهم ستتغير بعد بؤس اصابهم كحال ذلك (الهداي) ده الجــامــــوس أبوحــــــراب يوم جــاء خاطــــــرنا طـــــاب جم الورل مــــن طعـــــن السرداب وجم كجي أبو عميرة مــن شكشاك الـــ....كلا .....ب وجـــــم الجداد مــن زد الرقــاب ده الجامــــــــوس أبـو حــراب
Post: #3 Title: Re: الفرحة بترامب زي فرحة ام سعدان بي تورها ال Author: Elmoiz Abunura Date: 11-12-2016, 06:14 AM Parent: #2
سلامات عزيزى كبر
كتبت فى صفحتى فى الفيس بوك
هوامش على حوارى مع د. عوض محمد احمد عن اللقاء بين د. وليد فارس, عضو القوات اللبنانية السابق و مستشار ترمب الحالى ونشطاء من منطقة جبال النوبة قبل الانتخابات الاميركية الاخيرة صدقنى ده وعد انتخابى من وليد فارس فى لقاءات له قبل الانتخابات مع مجموعات اثنيه افريقيه وعربيه وللاسف. صوت البعض ضد مصلحتهم الحقيقيه . اميركا غير عضو فى المحكمه الجنائيه فكيف تدعم مخاكمه البشير هنا؟ اعرف وليد فارس عضو القوات اللبنايه السابق, ومستشار ترمب الحالى. ترمب غير مهتم بدولتى السودان الكبير, بل بمعظم افريقيا ماعدا مناطق نشاط الحركات الارهابيه والجهاديه فى شمال افريقيا, وبعض دول الساحل والصومال. ومهتم لاسباب اقتصاديه بجنوب افريقيا سيستمر التعاون الامنى مع السودان ولن ترفع العقوبات. جنا كثير من يزعمون انهم نشطاء على قضايا مناطقهم المشروعه فى السودان بالرهان على اليمين الاميركى الفاشى, والعنصرى والمعادى فى الاساس للاقليات فى شعبه فمابالك بالسود, والملونين فى خارج اميركا. المنطقه الوحيده واضحه المعالم فى سياسه ترمب تجاه الشرق الاوسط بلاد الشام. واتوقع ان تكون سياسته كالأتى: # دعم مطلق لاسرائيل بما يعنى انتهاء القبول بدولتي اسرائيل و فلسطين # الاولويه هى محاربه الارهاب الاسلامى وستكون سوريا الساحه الاساسيه لذلك بما فيها من تعاون مع الاسد, روسيا, الاكراد لتحقيق هزيمه الحركات الجهاديه والارهابيه. # دعم لميشيل عون فى لبنان برغم تعاون عون مع حزب الله. تمديد الاتفاق المعلن وغير المعلن بين حزب الله واسرائيل فى عدم الدخول فى حرب جديده داخل لبنان و شمال اسرائيل بالنسبه للعراق وايران, هناك ضبابيه برغم وعده الانتخابى بالتراجع عن الاتفاق النووى مع ايران. ستغلب البرجماتيه فى التعامل مع ايران لانها شريك اساسى فى الحرب ضد الارهاب السنى فى المنطقه وصاحبه النفوذ الاكبر فى العراق, والنفوذ الواسع فى سوريا ولبنان اود ان اشير ايضا ومن داخل اميركا التى اعيش فيها منذ كارثة انقلاب الانقاذ الى الأتى: فشل اللوبى السودانى حتى فى قضيه دارفور العادله وانهارت منظمته القويه " انقذوا دارفور" عندما كانت دارفور فى لسان اطفال المدارس فى اميركا بسبب مهرجين ومنتفعين من القضيه. نجح لوبى جنوب السودان بقياده الامبراطور الاثيوبى,, وفرانسيس دينق, بندقستر, واخرين وتواطؤ الحركه الاسلاميه الحاكمه, والحركه الشعبيه, وسير احزاب المعارضه كذيل للحركه الشعبيه فى انفصال/ استقلال الحنوب فماذا كانت النتيحه؟ دوله فاشله تسودها حرب اثنيه طاحنه وفساد مستشرى حتى النخاع. قاد لاطلاق مبادرات قويه بوضعها تحت الوصايه الدوليه لكن لا توجد دوله ترغب فى القيام بهذا الدور. توجد علاقه امنيه قويه بين السودان واميركا منذ فترة بوش الابن واستمرت فى فتره اوباما وربما كان التعاون الامنى السودانى الاميركى اقوى من تعاون اميركا والسعوديه مثلا. . اوقف الكيزان بشكل انتهازى علاقتهم بايران, حماس, وباعوا اخوان مصر ليظلوا فى السلطه ويصلحوا علاقتهم مع دول الخليح, وتعاونوا كمرتزقه مع الاتحاد الاوربى فى ايقاف الهحره لذلك لن تكترث اداره ترمب بنظامهم القمعى فى السودان وفى نفس الوقت لن ترفع العقوبات كذك بصراحه لايوجد لوبى سودانى قوى ومؤثر داخل اميركا بكل اسف. مجهودات فرديه و مناطقيه...يمكن!!! مستقبل مظلم يواجهنا كسودانيين اللهم الا اذا اعادت قوى الداحل حساباتها ونظمنت صفوفها وخلقت وسائل وادوات ناجعه لمنازله النظام بدعم من السودانيين فى المنافى والمهاجر.قديما قال اهلنا ماحك جلدك غير ظفرك المعز ابونوره
Post: #4 Title: Re: الفرحة بترامب زي فرحة ام سعدان بي تورها ال Author: munswor almophtah Date: 11-13-2016, 00:49 AM Parent: #3
ترامب لا يفعل شئ من ما قاله ولا يستطع فأميركا يحكمها نظام صارم وأخلاق مهنيه عاليه والآن أميركا فى أضعف أحوالها فلن يستطع ترامب أن يوفى بما قال وهى منقسمه وأظنه سيواجه قانونيا ببعض أفعاله ومن يظن أن الحل بيده فالحل عند الديان!!
شكرا كبرا وشكرا يا معز
Post: #5 Title: Re: الفرحة بترامب زي فرحة ام سعدان بي تورها ال Author: Kostawi Date: 11-13-2016, 01:01 AM Parent: #4