Post: #1
Title: أسوأ خلف لخير سلف !!
Author: ست البنات
Date: 11-09-2016, 01:58 PM
Parent: #0
12:58 PM November, 09 2016 سودانيز اون لاين
ست البنات-
مكتبتى
رابط مختصر هكذا توجه الناخبون الامريكان لممثلهم الشبيه لهم في العنصرية ست والمملوء بمفاهيم الراسمالية والبرجوازية التي تنظر للفقراء والاقليات من عل !!
لا يتوقع منهم غير ذلك !
انه لمن سخرية القدر ان يخرج رجل مثل اوباما من البيت الابيض ليدخله احمق مثل ترمب !
ما أكبر وجعة السودانيين بامريكا , فقد صار البشير خلفهم وترمب امامهم !
يبدو انه موسم الحكام الذين ينضحون هبالة ليكتمل مثلث الهبالة , ( البشير , السيسي , ودونالد ) !
أي صباحات كئيبة تنتظر عوالم المهمشين في الأرض.
وأي ساسة خرقاء مرتجلة موعود بها العالم لتدمي قلوبهم !
ما أكبره من حزن عم العالم اليوم , فما أكثر اختلاف اليوم
وهكذا ظهرت امريكا على حقيقتها !
فقد خرج الناخبون الأمريكان لياتوا لنا بممثلهم بل شبيههم في العنصرية والبرجوازية .
فقد جاءوا للعالم بألم جديد اسمه ترامب , أهم صفاته الهبالة والعنجهية والتسرع والاستبداد !
ترامب الذي اشتكت من تحرشه نساء عديدات ورشحته نساء عديدات !
انه لمن سخرية القدر ان يخرج رجل مثل اوباما من البيت الأبيض ليدخله المسخ ترامب !
ما أكبرها من وجعة حلت بالسودانيين المقيمين بأمريكا ! فترامب أمامهم والبشير خلفهم !
يبدو انه موسم الحكام البلهاء ( البشير , السيسي , ترامب) بهم يكتمل مثلث الهبالة والرعونة !
ما أبشع صباحات العالم القادمات والدولة مقررة المصائر يحكمها معتوه !
لا أرى وصفا اوقع من ( ديك العدة).
لكم الله أيها المهمشون في الأرض !
ست البنات.
|
Post: #2
Title: Re: أسوأ خلف لخير سلف !!
Author: مني عمسيب
Date: 11-09-2016, 02:08 PM
الحبيبة ست البنوت سلام .. وشوق في شوق ..
لا أرى وصفا اوقع من ( ديك العدة).
تصدقي واقول ليك كلام ؟
عندي احساس دا كلو بخليه وببقي
احسن زول . غايتو دا احساسي تجاه
هذا الديك ههههههه .
ومشتاقوون .
|
Post: #3
Title: Re: أسوأ خلف لخير سلف !!
Author: ست البنات
Date: 11-09-2016, 02:47 PM
Parent: #2
نوارة المنبر منى عمسيب,والله هنا برضو مشتاقون.غايتو يا منى البتجي من السماء بيحملوها ناس قريعتي راحت !!لكن ما تاملي ! ساكت يا منى العنوان باين من الخطب النارية !كلهم لما يجو هبل ويستمروا هبل !والمثال المحكر عندنا ماب يغبانا !غايتو عليهو العوض !ست البنات.
|
Post: #4
Title: Re: أسوأ خلف لخير سلف !!
Author: Dr. Ahmed Amin
Date: 11-09-2016, 02:52 PM
Parent: #3
تحياتي ست البنات ..
ما ينطبق على السودان ومصر بالتأكيد لا ينطبق على أمريكا
فامريكا دولة مؤسسات وقانون .. ولا يستطيع الرئيس الا التحرك في مساحة ضيقة جداً
ولا يستطيع أن يعمل منفرداً ...
وأبوباما نفسه ماذا جنى العالم منه ؟
ترك العالم أقل أمنا وأكثر فوضى هو والمنظراتية هيلاري ..
عندي إحساس بأن كل (الجعجعة) الإنتخابية لدونالد ترامب ستتوقف الآن ..
ودعونا نأمل بان الاوضاع قد تنصلح ...
|
Post: #5
Title: Re: أسوأ خلف لخير سلف !!
Author: اخلاص عبدالرحمن المشرف
Date: 11-09-2016, 03:26 PM
Parent: #4
كيفك يا ستو
صدقيني الحكم شئ والدعاية الانتخابية شئ تاني
خوف الناس
بالعقل كده سور المكسيك العظيم ده يبنو كيف ؟
|
Post: #6
Title: Re: أسوأ خلف لخير سلف !!
Author: Dr. Ahmed Amin
Date: 11-09-2016, 04:19 PM
Parent: #5
لا واللذيد في الأمر يا إخلاص انه عايز المكسيك هي التي تبني الجدار ..
هاهاهاهاهاهاها .. غايتو زول تحفة
|
Post: #7
Title: Re: أسوأ خلف لخير سلف !!
Author: اخلاص عبدالرحمن المشرف
Date: 11-09-2016, 04:26 PM
Parent: #6
زمان ونحن صغار جبنا لينا ارانب نربيها ، شكلها كان جميل و جبنا ازيار واسعه عملناها بيت ليهم
بعد شهر كانت حفرت لاخر بيت في الحلة ، زولك ده زينا
من دلوقت كلامو بدأ يتغير
|
Post: #8
Title: Re: أسوأ خلف لخير سلف !!
Author: ست البنات
Date: 11-09-2016, 06:30 PM
Parent: #7
تحياتي د. احمد امين ,
فعلا هنالك اختلاف بين مصر والسودان وبين امريكا والتي بالرغم مما نظن من وعي قد تمخضت ترامب !
وبالرغم من هذا الاختلاف فان ثمة قاسم مشترك من حيث الشخصيات الحاكمة فيها !
ولا اظن أن خطب ترامب تلك كانت للعرض فقط بل تحوي برنامجه القادم والذي حتما سيطبقه طبعا ,
ان لم يكن كله على الاقل بعضه .
مشكور أخي د. احمد لمرورك من هنا .....
ست البنات.
|
Post: #9
Title: Re: أسوأ خلف لخير سلف !!
Author: ست البنات
Date: 11-09-2016, 06:35 PM
Parent: #8
العزيزة بت المشرف تحية ,
السور دا فكرة جهنمية من ترامب كمشروع استثماري لشركاته يستفتح به تعويض منصرفات حملته الانتخابية !
ست البنات.
|
Post: #10
Title: Re: أسوأ خلف لخير سلف !!
Author: عبدالعزيز الفاضلابى
Date: 11-09-2016, 09:07 PM
Parent: #9
ازبك ياستهن لى حدهن
| Quote: بالعقل كده سور المكسيك العظيم ده يبنو كيف ؟ |
بسيطة ,,البشير يأجِّر كماين الجريف لترمب ويبقى زيتنا فى دقيقنا.
ازيك يابت المشرف
|
Post: #11
Title: Re: أسوأ خلف لخير سلف !!
Author: amin siddig
Date: 11-10-2016, 00:30 AM
Parent: #10
ما هي الفائدة التي جناها السودانيين أو السودانيين الأمريكان خلال 8 سنوات من حكم أوباما ؟
|
Post: #12
Title: Re: أسوأ خلف لخير سلف !!
Author: ست البنات
Date: 11-10-2016, 10:53 AM
Parent: #11
ما هي الفائدة التي جناها السودانيون من حكامهم الكيزان ؟؟ سؤال مقابل !
أوباما كان رئيس لشعب اخر ومحكوم بمؤسسات يتم اتخاذ القرارات بمقتضاها بصورة ديمقراطية ,
ولا اظن أن أوباما كان ممكن يقوم بتفصيل سياسة خاصة بالسودان ! خاصة وان السودان يحكمه ابالسة ينتهجون سياسة الحربائية واللف ويتعاملون بأساليب عفا الدهر عليها في سياستهم الخارجية . فاصبح التواصل معهم شاق وعصي !
ليس دفاعا عن أوباما بل دلو من بعض الحقيقة.
ست البنات.
|
|