Post: #1
Title: وقاحة،،،،،
Author: عثمان عووضة
Date: 11-08-2016, 10:58 AM
09:58 AM November, 08 2016 سودانيز اون لاين
عثمان عووضة- السودان
مكتبتى
رابط مختصر وزير المالية:
-لو رجعناكم سنة ٨٩ حتمشوا المقابر.
-ما تم في تحرير سعر الصرف ليس تعويما.
|
Post: #2
Title: Re: وقاحة،،،،،
Author: محمد البشرى الخضر
Date: 11-08-2016, 11:33 AM
Parent: #1
سلامات يا حاج ان شا الله بخير وعافية و لقيت الكابينة :)
اظرف تعليق على هبالة وزير المالية بتاعة ح تمشوا المقابر واحد مريخابي : قال احنا غايتو بنمشي المطار
|
Post: #3
Title: Re: وقاحة،،،،،
Author: حمد عبد الغفار عمر
Date: 11-08-2016, 11:38 AM
Parent: #2
وينك يا باشا
زمان يا عثمان الكيزان كانوا بيظهروا الولاء والتقرب بحكايات
في سبيل الله قمنا وهي لله واللبس العسكري والذهاب في رحلة لملكال تحت مسمى الجهاد الخ
دي أصبحت عاضة ما بتجيب تمن
هسة دا انقلب بقى بتم بالإساءة للشعب
بقدر ما تستفز الشعب انت ياكا ود السرور
ما ياهو الناس هسه بتمشي المقابر بوتيرة أسرع مما كانت عليه في 89 وبأسباب بعد قدر الله، جميعها مسئولية الدولة
|
Post: #4
Title: Re: وقاحة،،،،،
Author: مني عمسيب
Date: 11-08-2016, 11:43 AM
Parent: #2
حبيبنا عوووضة لعلك طيبة ود امي نا ؟ وود البشري سلام .
دي انا ما بسميها وقاحة يا ود عوضة .
وقاحة،،،،،
دي بسميها قلة عقل تصدق كل ما اقرأ
ليهم تصريح ولا سلوك بشبهم بذكروني
فرعون وقلة عقله !!!
ود البشري ليك صوت عتاب ! ليه الصورة
المنزلة فرانكلي بهدد بيها الناس ما عملت ليها
فحص موش دا تخصصك ؟ اقصد حقت البوليس
المنفوشين ديك !!
|
Post: #5
Title: Re: وقاحة،،،،،
Author: محمد البشرى الخضر
Date: 11-08-2016, 11:58 AM
Parent: #4
هلا يا منى و الله لا جاب العتاب و اللوم
الصورة حيرتني و قوقلتها و كتبت تعليقي عليها في البوست دا Re: أمانتاً تخزّق نظركُم يا ناس بِشّة هسّع دا Re: أمانتاً تخزّق نظركُم يا ناس بِشّة هسّع دا
ما كتبت عنها في بوست فرانكلي لظروف الإستيكة وكدا
بعدين انا تخصّصي هندسة ميكانيك بالمناسبة 
تنفيس الهنابيك دي هواية ساي ما أكتر
|
Post: #6
Title: Re: وقاحة،،،،،
Author: مني عمسيب
Date: 11-08-2016, 12:03 PM
Parent: #5
الرفيق ود اليشري ..
عذرك مقبول ولكن :
ما كتبت عنها في بوست فرانكلي لظروف الإستيكة
في بوستات تاني تعليقآ علي الارهابي فرانكلي والصورة
اتوقعتك تجينا بالبينة .. عمومآ لك الشكر .. والصورة فعلآ
قديمة وكانت في احدي المنتديات جابها الارهابي الكابي الجرسة
هههههههههه فرانكلي !
ولك الشكر يا صديق .
|
Post: #7
Title: Re: وقاحة،،،،،
Author: معاوية المدير
Date: 11-08-2016, 12:08 PM
Parent: #5
عووضة يا عمّك،
مشتاقين.
يأخي التصريحات الزي دي بقت تتعمل لإستفزاز
الشعب السوداني والجاي أكتر، ؤ برضو كمان
نحن نقول الصابرات روابح.
الجماعة ديّل وصلوا مرحلة من الترف حتي
أصبحوا يتسلوا بالشعب...
|
Post: #8
Title: Re: وقاحة،،،،،
Author: الصادق عبدالله الحسن
Date: 11-08-2016, 12:25 PM
Parent: #7
=
(يسرقون رغيفك، ثم يعطونك منه كسرة تنتشلها من برميل زبالتهم
ثم يأمرونك أن تشكرهم على فظاظتهم وهبالتهم
يا لوقاحتهم ونتانتهم).
وتحية لكم أستاذ عووضة ولزواركم
...
..
.
|
Post: #9
Title: Re: وقاحة،،،،،
Author: حسن ادم محمد العالم
Date: 11-08-2016, 12:28 PM
Parent: #7
سلام
الاسلاميين رفدوا المكتبة السودانية بمصطلحات
تعبر عن حالة البؤس التي يعشونها والمدرسة التي تربوا فيها
|
Post: #10
Title: Re: وقاحة،،،،،
Author: HAIDER ALZAIN
Date: 11-08-2016, 12:42 PM
Parent: #9
يستاهلوا يتواقـح عليهم القعدوا معاهو عشان ينورهم ديل
قال احزاب الحوار وتحالف القوى الوطنية قال !
قمة الوقاحة و" قلة الادب " منه كمان وقت قال ليهم دي مسئوليتي وبتحملها كاملة وقت تجوا انتو للحكومة ألغوا تلك الإجراءات ..
سلامات عمنا عووضة وان شاء الله طيب ..
|
Post: #11
Title: Re: وقاحة،،،،،
Author: ادريس خليفة علم الهدي
Date: 11-08-2016, 12:42 PM
Parent: #9
وكأني بهم أمنوا مكر الله !!!
|
Post: #12
Title: Re: وقاحة،،،،،
Author: ادم شحوتاي
Date: 11-08-2016, 01:06 PM
Parent: #11
زي الوزير دا ومن على شاكلته من اهل الأنقاذ
ي ربي هم غواصات في بطن الإنقاذ
عشان يستفزوا الشعب بالصورة
دي ولا الشعب فعلا مقبور وميت
فعلاً ويستحق هذا التهكم والوقاحة دي؟
|
Post: #13
Title: Re: وقاحة،،،،،
Author: muntasir
Date: 11-08-2016, 01:10 PM
Parent: #12
يا عثمان لا تسمى وقاحة ولولا وجود بت عمسيب في البوست كان وريتك البسو فيه الأرازل وهي تشمل المعانا هنا في المنبر اسمو شنو
|
Post: #14
Title: Re: وقاحة،،،،،
Author: عبدالحفيظ ابوسن
Date: 11-08-2016, 01:17 PM
Parent: #13
انا غايتو قبلان ارجع 1989
قالوا الفار وقع من الراكوبة جمب الكديس . الكديس خت يدو في راس الفار وقال ليهو
قول بسسسسسسمممم الله
الفار رد ليهو
ارفع يدك وخلي الشيطان ياكلني زاتو
ديل يا عثمان والعياذو بي الله بعلمو الزول قلت الادب والجسارة
|
Post: #15
Title: Re: وقاحة،،،،،
Author: nour tawir
Date: 11-08-2016, 02:12 PM
Parent: #14
من الاخر كدا..
احنا كلامنا كتر..
27 سنة كلام باللسان والايد والبندقية..
وكلو ما قلعهم..
المرة دى..
عصيان مدنى من أركان السودان الاربعة..
لحدى الساعة 12 ظ..
الانقاذ تلحق أمات طه...
|
Post: #16
Title: Re: وقاحة،،،،،
Author: محمد على طه الملك
Date: 11-08-2016, 04:07 PM
Parent: #15
مشتاقين يا أستاذ ..
ديل بنطبق عليهم من شب على شيء ..
تقرأ مع مداخلة منتصر.
|
Post: #17
Title: Re: وقاحة،،،،،
Author: عثمان عووضة
Date: 11-08-2016, 05:14 PM
Parent: #16
تحياتي يا جماعة دون فرز ويشهد الله كلكم غالين
بس معليش والله من شدة القهر ما قادر اعمل اي حاجة وكنت
مطلق المنبر ذاتو لكين كلام الزول دا وجعني شديد والله وزاد الوجع وجعين
شنو الما اتقال وشنو الما انكتب وشنو الما عملوهو فينا ؟؟؟؟
ياخي ...الحمد لله ... الحمد لله
|
Post: #18
Title: Re: وقاحة،،،،،
Author: علي دفع الله
Date: 11-08-2016, 05:41 PM
Parent: #17
تبرى انت من القهر يا استاذ ...
الوقاحة مصطلح محترم ..
|
Post: #19
Title: Re: وقاحة،،،،،
Author: جلالدونا
Date: 11-08-2016, 06:01 PM
Parent: #18
ود عووضة ازيك يااخ
سمحة الوقاحة الجابتك لينا
و بعدين نحنا نستاهل اى حاجة
تبّا لنا
|
Post: #20
Title: Re: وقاحة،،،،،
Author: عبدالعزيز الفاضلابى
Date: 11-08-2016, 10:05 PM
Parent: #19
Quote: يسرقون رغيفك، ثم يعطونك منه كسرة تنتشلها من برميل زبالتهم
غسان كنفانى |
هو بالله غسان كنفانى بعرف الكِسْرة؟
كان لاجئ فى السودان؟
|
|