سؤال حول حجاب الخطيب؟؟

03:55 PM November, 06 2016 سودانيز اون لاين
أبوبكر عباس-الإمارات
مكتبتى
رابط مختصر

03:55 PM November, 06 2016
سودانيز اون لاين
أبوبكر عباس-الإمارات
مكتبتى
رابط مختصر

باللوال نزل لينا لو سمحت كركتير الخطيب بمطرقته ومنجله، الجكس المحجب، محمد أحمد.

تانيا جاوب على السؤال التالي:
ما هو رأي عمر دفع الله في لبس الحجاب للمرأة ولماذا؟

التعديل: تعديل العنوان بسحب اسم عمر دفع الله

يا جماعة، عمر ما شاف البوست دا؟ ولّ ما دايرو معاي؟

طيب بجاوب أنا دا.
عمر دفع الله وكثير من الشيوعيين زيهم وزي الخطيب، كلهم يؤمنون بأنو الدين الاسلامي مصدرو السماء !!
طيب شنو المشكلة يا مستنير، لو عمر دفع الله والخطيب مؤمنين بالدين دا؟
المشكلة وين؟

الخطيب في معرض اجاباتو عن الحجاب قال للصحفية:
هو ذاتو الحجاب ما فرض، ومسألة خلاف،
لأنو ما نزل في القرآن
؟؟!!
من متابعتي الدائمة للفنان عمر دفع الله؛
لا أعتقد ان له فهم متقدم عن الخطيب
حتى بالامارة
لاحظ لعلامة الصلاة عند عمر!!
عمر دفع الله وكثيرين هنا ممن يختلفون مع الكيزان يرون أن نصوص القرآن خط أحمر

Quote: عمر دفع الله وكثيرين هنا ممن يختلفون مع الكيزان يرون أن نصوص القرآن خط أحمر

طيب و المشكلة وين يا مستنير؟
ما علاقة الكيزان بالقرآن, أو بصورة أوضح ما العلاقة بين معارضة الكيزان و القرآن

المقصود هنا يالكيزان يا بشرى، الإسلاميين أو قل الإسلام
من مدّة بديت أفكر في انو تفكيرك أنت والمارتنيون (مارتن لوثر كنج الكبير) كما يقول هاشم، هو الأنفع للمرحلة
المناداة بدولة مدنية دون التركيز على الدين وإثارة مشاعر المديريون
وترك الزمن يقلل سطوة الدين على الحياة العامة

غرضي من البوست هو الدفاع عن الأستاذ م مختار الخطيب، وأقول لإستهجان عمر دفع الله:
الخطيب محاصر بهذه الثقافة حصار قوي وأنت كذلك
لا بد من التحايل

سلامات يا ابابكر الصديق،

لست طرفا ولكن بدا لي ان ثمة لبس في عنوان الخيط ومتنه. يعوز العنوان تدقيق ليكون من شاكلة : سؤال للاخ عمر دفع الله عن مفهوم الحجاب عند محمد مختار الخطيب. اما فيمايتصل بمتن الخيط فهل للنقاش المقترح محور واحد هو مفهوم الحجاب عند الاستاذ محمد مختار الخطيب، ام مصدر الدين الاسلامي، ام كلا الامرين؟.

تحياتي اخي ابوبكر الصديق
بعض البوستات اجد فيها غموض
بمعنى ما هو المقصود وماهو المطلوب

عموما انت ذكرت هذه العبارة
(( وترك الزمن يقلل سطوة الدين على الحياة العامة ))

الدين الاسلامي بصفة خاصة
متى ما قلت سطوته علي الحياة العامة هذا يعنى عدم فاعليته او عدم تفاعل الناس حينئذ
فالاسلام دين ودولة اي عبادات ومعاملات ومن هنا لا يوجد فاصل
انت تستشعر دينك في كل مجال هذا طبعا المطلوب
قد يكون ليس الموجود والمعمول به
لكن وقع الدين هو تفاعل تام يبدو في كل مجالات الحياة والزمن لا علاقة له بتقليل ذلك

د. أبوبكر سلامات ..قلت في أحدي تعليقاتك :- غرضي من البوست الدفاع عن سيد الخطيب .أرجو تصويب الأسم .... سيد الخطيب ده كوز

سلام يا عثمان صالح،
يا أخي، كيف ماك معني؟
ملاحظتك صحيحة حول العنوان.
أرجو أن تعلق هلى كلام الخطيب وأن تضع نفسك في مكانه وأنت تحاكمه
رجل زي الخطيب دا في قمة حزب يساري في بلد مسلم تقليدي، علينا مساعدته بدل وضع الشباك في ظريقه كما يفعل عمر وآخرون.

يا علي الكرار سلام،
الكضب خيبة
بعض بوستاتي تشبه طريقة البنائيين الأحرار، لكنها ليس كذلك
عندك هذف نبيل وداير تصلو
تفتش تفتش
لحدي ما تلقى ليك جحر
المهم في الموضوع انو أنا رجل نبيل وأحسب أن أهدافي نبيلة

الأيام دي في ظل الهجمة على الحزب الشيوعي من أولادو؛
بفكر حادي أنضم له

Quote: رجل زي الخطيب دا في قمة حزب يساري في بلد مسلم تقليدي،

هو تحدي ومهمة عسيرة مافي شك
ولكن
ليس مطلوب من الخطيب او غيره من حملة الوعي المفترض
ليس مطلوب منهم
التحايل
او
التنازل
او
الالتفاق
او
المسايرة

مطلوب منهم تقديم "الوعي" وبكل شجاعة وبكل شفافية وبكل وضوح وبكل ثبات

الأيام دي في ظل الهجمة على الحزب الشيوعي من أولادو؛
بفكر حادي أنضم له


يا زول
غير.... بدل
الحزب رايح شمار في مرقه
من زمن المرحوم نقد حضر ولم يجدهم

تحياتي

يا عباس سلام
شكرا على التصويب
يا أخي، كل خميس عبد الخالق عابد يخلف وعدو معاي عشان جاينك البيت للتعزية
رسل لي تلفونك في الخاص
لو ما بتخاف؛ نزلو هنا

ازيك يا ب ك
شيوعيين السودان مسلمين
الترابي قال يغير للبس باكستان بس اظن في حديث عن السروال
خلي الجماعة يحاربوا البنطلون
التوب جميل ويمكن لحد ما لا يساعد في الحركة لذا لو العمل مكتبي ما عندنا مشكلة
الشئ الديني بجوك ناس الشغيل الشطار ربنا يطول عمرهم
المهم لا يشف ولا يعيق ويكون مريح

كدي باللوال جيبوا لينا كلام الخطيب عشان ما نحكم على غائب
زي ما قال سيدنا اشعب.

بالرغم من انو ب ك ممكن تكون كما لمح لها الملك، لكن أنا باخدها كاسم دلع زيها وزي بكّة
وبعتبرها عربون صداقة ازال سحابة الصيف السابقة، وعقبال نعمات تجي تدلعني
المهم، سعيد بيك في البوست سعادة لو وزعت على أهل نوافذ سودانيز المتوحدين ديل؛ لقبلوا شاشات كمبيوتراتم مثنى وثلاث

يا سيف، صعبة تكتب في قوقل:
الخطيب + حشمة + حجاب + شيوعي؟
ما ياكا أحرف زول في نكيت فديوهات نقد الدين
ولّ بس داير تتعبنا بنزيل الكلام الطويل؟!

Quote: أهل نوافذ سودانيز المتوحدين

ههههههه ياخي إتا لذيذ ..
ؤ زي ما قالو يموت الزمار ..... التانية ديك خليتا لصاحبك منتصر ..
(متوحدين ) دي إذا اعتبرت التاء صايلنت تبقى الكلمة مشت مع روح البوست ؤ قميصك الجديد ..
كان قريتها حسب معناها المصطلحي برضو بمشيها باعتبار أن حميمية الصداقة أحيانا لا تمنع ( البونية ) بعيدا عن الأسنان .

بعدين ما تجي تسألني أنا ما شيوعي ..
ومفهومي عن الحجاب هو البعملو الفقرا.

مشيت قوقلتو يا ابو بكر و ما لقيت لي حاجة ملفتة او over
قال نحن لسنا ضد الحجاب. ممكن جدا تكون بتعتقد انو اللباس
يدخل في نطاق الحريات الشخصية او انه محكوم بمحددات ثقافية و اجتماعية
و بالتالي فليس من حق احد ان يقبل او يرفض نوع معين من اللباس. و ليس لحزب
سياسي يحترم نفسه ان يشغل و لو ثانية من وقته في الكلام عن لبس النساء.
اما بقية العبارة فوددت لو انه استعمل الضمير الشخصي فقال انه هو يريد
الزِّي ان يكون محتشما .. الخ.
و دي ذاتها ما فيها حاجة. ياخ هنا في أمريكا حيث الحرية الشخصية رب يعبد
مرات يقولوا ليك فلانة بتلبس slutty و هم ممتعضين. اي حاجة عندها حدود ياخ.

هي فعلآ دلع بكه.
تسلم يا زول واحسن الاصدقاء تعرفهم ب (صعوبة )
اللهم احعل اعدائي حكماء واصدقائي (حنينين )