انا زول سعية ساكت واطلب من السياسيين الاجابة على هذا السؤال وفذلكته والا لماذا لم يتم خلعهم من الحكم رغم انه اسوأ حكم مر على البلاد وأذل الشعب
Post: #2 Title: Re: هل الكيزان وحدهم هم الذين يصنعون الثورات � Author: درديري كباشي Date: 11-06-2016, 08:43 AM Parent: #1
سلام يا ود البوش
لا أعتقد
لو كان الأمر كذلك لماذا لم يشعلوا الثورة ضد سيسي مصر وهو قلع منهم السلطة من قبل سنتين . ونعلم أن حركة الأخوان منبعها وفكرها الرئيسي من مصر
لكن لا أحد ينكر قدرتهم على أمتطاء قطار الثورة متى ما أنطلق .. ظلوا خاضعين لمبارك وقبل السادات وقبلهم عبد الناصر أول ما اشتعلت ثورة يناير رغم أنهم في بدايتها كانوا رافضين لها ومعارضين لها لكن بعد ما نجحت تولوا زمامها
Post: #3 Title: Re: هل الكيزان وحدهم هم الذين يصنعون الثورات � Author: عبدالله ود البوش Date: 11-06-2016, 08:55 AM Parent: #2
لو كان الأمر كذلك لماذا لم يشعلوا الثورة ضد سيسي مصر وهو قلع منهم السلطة من قبل سنتين -------------------------------------------- ابو الدر يا جميل سلام واحترام يا اخوي مصر طايرة في السماء داك انا بهمني سودانا الواحد دا ولبعدين كيزان السودان ديل نبت شيطاني صنع خصيصا للسودان بتكلم عن كيزانا برانا مالي ومال كوزن الدنيا . . التحية مرفق طيها وايضا كذلك الاشواق
Post: #4 Title: Re: هل الكيزان وحدهم هم الذين يصنعون الثورات � Author: مني عمسيب Date: 11-06-2016, 09:06 AM Parent: #3
صباح الخير عليك النشمي ولضيفك الكريم ود كباشي .
اي ثورة جاءوا بها وهو انقلاب وما زال محروس بالكلاب ؟ هل الكيزان وحدهم هم الذين يصنعون الثورات ويغيرون الانظمة في السودان
نسمع منك .
Post: #5 Title: Re: هل الكيزان وحدهم هم الذين يصنعون الثورات � Author: عبدالله ود البوش Date: 11-06-2016, 09:12 AM Parent: #4
نسمع منك ------------- منى عمسيب يا ثورية تحية واحترام . . انا المحتاج للاجابة كما ذكرت في صدر البوست وما زلت أسأل . . اي ثورة جاءوا بها وهو انقلاب وما زال محروس بالكلاب ؟ ------------------ المهم تغيير ... يعني عرفوا يغيروا النظام بالطريقة التي يرونها . . وهل غيرهم لايعرف ول الحكاية شنو ؟ تحية خاصة مرفق طيها
Post: #6 Title: Re: هل الكيزان وحدهم هم الذين يصنعون الثورات � Author: محمد البشرى الخضر Date: 11-06-2016, 09:21 AM Parent: #5
ازيك يا ود البوش و مشتاقين والله أمر الملك زيّو وزي العرس و الجنى و الموت أمر مقدّر, و الناس ديل مهما بغوا و تجبّروا و طوّلوا فلكل أجل كتاب الثورات الشعبية و الإنقلابات و حتى الغزو كلّها اسباب لتحقيق القدر المكتوب لا ندري متى يحين أجله الناس تعمل ولا تيأس و الأمر بيد الله, قد يكون بعد ساعة شهر سنة أو حتى لم يقدّر لنا أن نحضره ودي لحكمة المهم عدم اليأس و اضعف الإيمان رفع الأيدي بالدعاء وعدم تحويل الدولار بالبنوك :)
Post: #8 Title: Re: هل الكيزان وحدهم هم الذين يصنعون الثورات � Author: عبدالله ود البوش Date: 11-06-2016, 09:43 AM Parent: #6
ود البشرى يا حبيب سلام واشواق كتيرة . . يا اخوي كلام الله ما عندنا فيهو كلام .... ويس ذاتا الحيران ساعدوها بالجكة و هل نربع يدينا وننتظر السماء تمطر ثورة ؟ . . وكلامك ريحتو ملاح كيزان ملاح كيزان . . تحية وشوق
Post: #7 Title: Re: هل الكيزان وحدهم هم الذين يصنعون الثورات � Author: مني عمسيب Date: 11-06-2016, 09:28 AM Parent: #5
حبابك ود البوش ..
المهم تغيير ... يعني عرفوا يغيروا النظام بالطريقة التي يرونها . . وهل غيرهم لايعرف ول الحكاية شنو ؟ التغيير بالانقلاب والسلاح دا ما اسمه ثورة اسمه اغتصاب حكم ويجب ان يحاكم عليه بالاعدام . والثورة هي الهبة الشعبية البتكون ضد الانقلابين امثال هولاء الخونة الاسلاميين . بعدين لو عندهم مقدرة ثورة ماكان جوا بالدبابات والسلاح الي يوم الليلة يعني عنوان حكمهم ( الانقلاب المحروس بالكلاب ) ..
نسمع منك .
Post: #11 Title: Re: هل الكيزان وحدهم هم الذين يصنعون الثورات � Author: عبدالله ود البوش Date: 11-06-2016, 09:54 AM Parent: #7
نسمع منك ------------ هههههه يعني دا توقيع ؟ كنت قايلو رخية اضان . . عايني لي جاي يا منى انا شاركت في انتفاضة ابريل 1985 ضمن المواطنين لكن لاحظت بان الكيزان هم المحركين للثورة ويقال ثورة اكتوبر نفسها في ريحة كيزان . . فهل استكان الشعب الان ولايوجد من يحركه رغم ان الثورات التي اطاحت بالحكومات الديكتاورية عبود - النميري لم تكن اكثر سوأ من حكم هذه الطغمة الظالمة المستبدة . . دا محور سؤالي
Post: #9 Title: Re: هل الكيزان وحدهم هم الذين يصنعون الثورات � Author: عمر أبوعاقلة Date: 11-06-2016, 09:43 AM Parent: #1
ود البوش يا قريبي حبابك وحباب جيتك
انت عارف الناس ديل أول ما جوا أيّاً كانت وسيلة جيتهم (سمها ما شئت) اشتغلوا في مفاصل البلد اللي ممكن تقود للتغيير اشتغلوا بي حرفنة منقطعة النظير بدأً من القيادات الحزبية رموز البلد الرأسمالية الوطنية مكتسبات الشعب الموروثات الفكرية والعقائدية وحتى ثقافة البلد والناس والتركيبة المجتمعية وإن شئت حتى نفسية المواطن نفسه شغل مدروس لهدم كل ما يمكن أن يكون قاعدة ثابتة للناس وهذا ما أطال عمر النظام ولكن .. الملك لا يدوم وإن نامت أعينهم فعين الله لا تنام وهو الكفيل بعباده المهم زي ما قال ود البشرى الناس ما تيأس وما تحول الدولار بالبنك وفي النهاية الناس تلقى مرادها بحول الله
ما أطول عليك .. فتك بعافية
Post: #10 Title: Re: هل الكيزان وحدهم هم الذين يصنعون الثورات � Author: مني عمسيب Date: 11-06-2016, 09:53 AM Parent: #9
التحية للجميع :
المهم زي ما قال ود البشرى الناس ما تيأس وما تحول الدولار بالبنك وفي النهاية الناس تلقى مرادها بحول الله عدم التحويل دي كانت سياستنا في اوربا لانهم كلهم معارضين ودي اسه المشكلة الحاتقصم باذن الله ظهر حكومة الفساد لانه باعلان البنك تعويم الجنيه مقابل الدولار انتهي عشم الحكومة في خيرآ من ناس برا وافتكر الموضوع فقط عامل زمن ولكن بنحانب ونشرك التغيير يكون باقل الخسائر ودا الخلانا مجهتدين لحشد العصيان الكامل شامل وابدآ ابدآ ما حا نيأس عن نفسي لو يأس العالم بأسره لم يصيبني يأس يومآ ما متوكلة علي الله ومؤمنة بارادة الشعوب ومتأكدة لكل بداية نهاية .
ودمتم اخوتي ودان وطننا وشعبنا اللاشك فيه .
Post: #12 Title: Re: هل الكيزان وحدهم هم الذين يصنعون الثورات � Author: مني عمسيب Date: 11-06-2016, 10:06 AM Parent: #10
ود البوش الليلة مستفرد بي يا جدعان هههههههه .
طيب ردآ علي : دا محور سؤالي الثورات الذكرتها كانت الحركة الاسلامية هي رقم ثلاتة من حيث التكوين الحزبي يعني الاحزاب التقليدية نسبتها بدون شك اعلي منهم من ناحية عدد ومازالت الاحزاب التقليدية بالرغم من تصدعها هي اعلي من الحزب الحاكم لكن المؤسف خبث الكيزان واحتضانهم لهولاء الديناصورات من الاحزاب التقليدية هي المازالت مضعفة للتغيير لانهم لم يشاركوا بطريقة فعالة في التغيير ! نقطة اخيرة الكيزان ما عندهم مقدرة الثورة والا ما كان جوا بانقلاب اما قعادهم لي اسه دا عشان السلاح يعني رئيس مجرم حرب ماذا تتوقع من القاعدة الاسلامية المحيطة بيهو ؟ الموضوع بقي بالنسبة ليهم موضوع بقاء يعني يا يقتلوا يا يقتلوا لاخيار اخر عشان كدا حا يقتلونا كلنا عشان يبقوا هم .
خلاس مادايرة اسمع منك هههههههه .
Post: #15 Title: Re: هل الكيزان وحدهم هم الذين يصنعون الثورات � Author: عبدالله ود البوش Date: 11-06-2016, 10:27 AM Parent: #12
Post: #13 Title: Re: هل الكيزان وحدهم هم الذين يصنعون الثورات � Author: محمد البشرى الخضر Date: 11-06-2016, 10:08 AM Parent: #10
ههههههههه هسّي الله يسألك كلامي انا الريحتو كيزان وانا بقول ليك ادعو عليهن وما تحوّل الدولار بالبنك ولاّ كلامك انت العملهم صنعوا ثورات ابريل و اكتوبر ياخي هم زاتهم ما قالوها دي
Post: #16 Title: Re: هل الكيزان وحدهم هم الذين يصنعون الثورات � Author: عبدالله ود البوش Date: 11-06-2016, 10:39 AM Parent: #13
هههههههههه كلامك ريحتو ملاح كيزان لانو دا الكلام الغشونا بيهو ذاتو . . عاين لي جاي يا ود البشرى انا في الدين دا غايتو ما بطال لكن اصلي ما حصل دعيت علي حكومة ول علي زول وطبيعة الدنيا والاشياء هي العمل والنتائج بناءا على ذلك مع الايمان التام بالقضاء والقدر . . عدم وجود احزاب وتنظيمات تقود الثورات الشعبية في الوقت الحالي هو الخلاني أسأل السؤال المذكور اعلاهو الا يوجد غيرهم من يقود الثورات ؟ وحتى الان لم اجد الاجابة المقنعة وعليه باقي البوست دا حقو اخلط بيهو منى عمسيب دي ونغني بالليل دا ماشي وين يا الكنار ؟
Post: #14 Title: Re: هل الكيزان وحدهم هم الذين يصنعون الثورات � Author: عبدالله ود البوش Date: 11-06-2016, 10:25 AM Parent: #9
عمر يا ابن عمي يا جميل كلامك منطقي ومرتب ومنسق وفعلا الكيزان العملهوها في البلاد والعباد النجار في الخشب ما عملا ومعنى كلامك نحتاج لجهد كبير حتى يتم التغيير وهذا هو محور سؤالي .... من الذي يقود الشعب للتغير . . هذا مع وافر التحية والاشواق
Post: #17 Title: Re: هل الكيزان وحدهم هم الذين يصنعون الثورات � Author: ود الباوقة Date: 11-08-2016, 11:00 AM Parent: #14
يا شيخ العرب
ما قلت الا الحق
نحن من نصنع المظاهرات ونحن من نخمدها
واي كركبة نحن جاهزين
لك الود
Post: #18 Title: Re: هل الكيزان وحدهم هم الذين يصنعون الثورات � Author: مني عمسيب Date: 11-08-2016, 11:13 AM Parent: #17
التحية لك يا النشمي يا الكلس ..
اها دا الدايرو لينا والجانا من كلمة ( ثورة ) !!
كتب المهرج الارهابي السغيرووون ود الباوقة وهو يفتخر بتهديد ( فرعونهم ) قليل العقل بتهديد الشعب الاعزل !!! يا شيخ العرب ما قلت الا الحق نحن من نصنع المظاهرات ونحن من نخمدها واي كركبة نحن جاهزين عمومآ يا ود البوش دايرن رد حاسم علي هذا السغيرون .
ولك الشكر والتقدير ,,,
Post: #22 Title: Re: هل الكيزان وحدهم هم الذين يصنعون الثورات � Author: عبدالله ود البوش Date: 11-08-2016, 04:49 PM Parent: #18
اها دا الدايرو لينا والجانا من كلمة ( ثورة ) !! ------------------------------------------- عشان مافي زول جاوب سؤالي اجابة مقنعة والذي قصدت منه بان ما عاناهو الشعب السوداني الان لم يعانيه في كل الحقب السابقة ورغم ذلك اقام ثورتين عظيمتين في وجه حكومتين ديكاتوريتين لم تكونا اكثر بطشا وتنيكلا بالشعب السوداني من حكومة الانقاذ --------------------------------------- وهو يفتخر بتهديد ( فرعونهم ) قليل العقل بتهديد الشعب الاعزل !!! ------------------------------------------------- كثرة التهديدات في هذه الفترة يعني الخوف اصابهم من كل جانب وتهديدهم مردود عليهم وسوف يدفعون ثمنه وهذه المرة الشعب لن يرحمهم عشان كدا هم عارفين ان الامر ليس انتزاع سلطة بل اصبح الامر مسألة حياة او موت بالنسبة لهم
Post: #20 Title: Re: هل الكيزان وحدهم هم الذين يصنعون الثورات � Author: عبدالله ود البوش Date: 11-08-2016, 04:35 PM Parent: #17
ود الباوقة يا داعم القتلة المجرمين والمستميت بالدفاع عنهم سوف تدفع الثمن غالبا حينما تحصل الكركبة عشان كدا احسن حاجة تعملها في الفترة دي تمسك كيبوردك عليك وتشوف ليك حتة تندس فيها انبهلت نيران الثورة في كل مكان والدقة دي ثورة مختلفة فيها غبينة شديدة ليس مثل الثورات السابقة فالشعب كله مغبون ومقهور ووصل مرحلة لم يصلها من قبل في كل الحكومات الديكتاتورية السابقة
Post: #21 Title: Re: هل الكيزان وحدهم هم الذين يصنعون الثورات � Author: ود الباوقة Date: 11-08-2016, 04:41 PM Parent: #20
ود الباوقة يا داعم القتلة المجرمين والمستميت بالدفاع عنهم سوف تدفع الثمن غالبا حينما تحصل الكركبة عشان كدا احسن حاجة تعملها في الفترة دي تمسك كيبوردك عليك وتشوف ليك حتة تندس فيها انبهلت نيران الثورة في كل مكان والدقة دي ثورة مختلفة فيها غبينة شديدة ليس مثل الثورات السابقة فالشعب كله مغبون ومقهور ووصل مرحلة لم يصلها من قبل في كل الحكومات الديكتاتورية السابقة
Post: #19 Title: Re: هل الكيزان وحدهم هم الذين يصنعون الثورات � Author: عبدالله محمد أحمد Date: 11-08-2016, 01:00 PM Parent: #1
ود البوش تحياتي الاخوان عمرهم ما صنعوا ثورة و لا شاركوا في ثورة. في ابريل كنا في التجمع النقابي لم نرهم في دار الاطباء و لا الصيادلة و لادار المهندس او نادي اساتذة جامعة الخرطوم. اعرف شخص واحد منهم كان مشارك في انتفاضة ابريل و هو الراحل محمد طه محمد احمد صاحب جريدة الوفاق. و قد لقب ساعتها بالمغضوب عليه من الرئيسين (النميري و الترابي). اما اكتوبر يكفي ان راس الرمح فيها كان الراحل الشفيع احمد الشيخ و فاروق ابو عيسى صاحب فكرة المتاريس، امد الله في عمره حتى يشهد كنس الكيزان الى مزبلة التاريخ.
Post: #23 Title: Re: هل الكيزان وحدهم هم الذين يصنعون الثورات � Author: عبدالله ود البوش Date: 11-08-2016, 04:53 PM
كلامك كويس الاخ عبدالله محمد احمد ولكن المحيرني وخلاني أسأل لماذا استكان هذا الشعب رغم الطنك والغبن الجواه وهو اكثر مما دعاهو لقيام الثورات السابقة . . تحياتي
Post: #26 Title: Re: هل الكيزان وحدهم هم الذين يصنعون الثورات � Author: وضاح عبدالرحمن جابر Date: 11-08-2016, 05:39 PM Parent: #23
سؤلك وجيه يا ود البوش ويحمل في داخله الكتير من صحة الافتراض
الكيزان بختلفوا من الأحزاب التانية لانهم ما حزب بالمعنى المعروف هم تنظيم ما حزب .. والحزب واجهه صغيره للتنظيم ... عشان كده بتلقاهم موزعين الأدوار توزيع دقيق شي عسكرى وشي سياسية وشي للاقتصاد وشي للامن ولا يوجد شي لله
الالتزام التنظيمي يختلف عن الانتماء الحزبي لذا هم والشيوعييين كانو الأكثر تاثير على التجمعات والنقابات والاعمال التي تدار من تحت الأرض وتفوقوا على الشيوعييين وازاحوهم من واجهه المشهد - مع عوامل أخرى مساعده - فخلت لهم الساحة
وبقية الأحزاب دراويش لاقوا مداح
لذا نعم ... اعتقد انهم الأكثر تاثيرا في اطلاق الثورات ولذات السبب هم الان .. وهم حكام الأكثر قدرة على اخماد الثورات ... وعاومل أخرى مساعده مكتسبة من تجربة الحكم الطويل
لذا ...
ثوره تقودها أحزاب اخري غير الكيزان .. لا اعتقد ان لها وجود الان في الساحة السودانية
توجد ثوره يقودها الشعب بعفوية ونتيجة فقط للازمه الاقتصادية الخانقة التي تعيشها الحكومه - متى ما استمرت على هذا النحو او ..
ثوره يحركها الكيزان انفسهم لإزالة البشير والمؤتمر الوطني .. واعاده بث الروح في تنظيمهم بعيدا عن السلطة وإعادة تسويقه مره أخرى كحزب وطني مقاوم للعسكر
تحياتي
Post: #27 Title: Re: هل الكيزان وحدهم هم الذين يصنعون الثورات � Author: عبدالله ود البوش Date: 11-08-2016, 06:07 PM Parent: #26
زمان عندنا زول عيان ملينا اللوري ومشينا معاهو للدكتور وقبل نصل البندر الغلات وقف تكل اي زول يختار دكتور بعرفو حسب تعاملو السابق معاهو وحسم الامر شيخ الحلة قال نمشي دكتور الجيلي اها لمن دخل على الدكتور وماسكو شيخ الحلة الدكتور قاليهو افتح خشمك شيخ الحلة عاين لناس اللوري الواقفين في الباب وقال بطول حسو دا الكلام يعني طوالي عرف محل مرضو . . اها يا وضاح دا الكلام ..... ولسان حالي كيونس شلبي في مدرسة المشاغبين اقول تاني اقول الكلمة الي التها قبل شوية الت ايه . . لابد من دراسة الحالة الكيزانية ان اردنا ان نقوم بثورة تقتلعهم انهم ليسو لقمة سهلة الابتلاع ان لم نكن نملك فكرا وقوة اكبر منهم فانهم لن يهدونا ثورة تطيح بهم .
تحياتي يا وضاح فقد عبرت عني تماما
Post: #28 Title: Re: هل الكيزان وحدهم هم الذين يصنعون الثورات � Author: عبدالله ود البوش Date: 11-08-2016, 06:13 PM Parent: #27
ابو الزفت بوستين تلاتة ابقى محلل سياسي واقنع من السعية برا وجع النوايط ما شفنا منها حاجة اتاريهو السياسة دي لذيذة خلاص الذ من الشعيرية ذاتا
Post: #29 Title: Re: هل الكيزان وحدهم هم الذين يصنعون الثورات � Author: عبدالعزيز الفاضلابى Date: 11-08-2016, 06:14 PM Parent: #23
Quote: هل الكيزان وحدهم هم الذين يصنعون الثورات
سلام ياصديق اذكر عقب انتفاضة ابريل كان احدهم واظنه حسين خوجلى قد كتب فى صحيفة الوان ما ملخصه: ان الانتفاضة لم تنجح الا بعد ان انضمت اليها اقوى فصائل المعارضة. ويقصد الجبهة القومية الاسلامية ,, وهذا المقال يؤكد كلام الحبيب درديرى فى انهم يمتطون قطار الثورة مُسطِّحين بدون تذاكر ,, والشاهد ان صاحب مقال الالوان يشير الى انهم لم يمتطوا قطار الانتفاضة الا بعد ان تأكدوا انه قد غادر محطة الخرطوم بمقاعد ممتلئة فشرَّكوا له فى بحرى ليركبوا (ملح) كما استولوا على السلطة (ملح). فحولوا حياتنا الى علقم . اما لماذا لم يستطع غيرهم الثورة عليهم فذلك لايعود لقوتهم انما يعود لضعف غيرهم وهى فرصتهم ليستغلوا ضعف خصمهم ما امكنهم ,, ولانغفل النقطة التى اشار اليهاابوحتحوت ونتفق معه فى ان الملك بيد الله ويؤتى الملك لمن يشاء ويعز من يشاء ويذل من يشاء ,, ومع ذلك امر بازالة المنكر ومناهضة الباطل ولنا فى قصة سيدنا ابى بكرٍ الصديق رضى الله عنه رخصة فى تقويم الحاكم إن اخطأ تقويماً يصل حد العزل ان هو طغى ولا تعارض مع قدر الله إن ثار المظلوم على الظالم. وليس معنى ان الملك يمنح بقدر الله أن نسلِّم للحاكم الظالم والفاسد المفسد بأنه اعطى صكاَ الهياَ ولايضره مافعل. ابداَ هذا التفويض الإلهى أخذه بحقه وواجبه ,, فان خالف اسقط حقه ,, فمثلاً الميراث حق فرضه الله للوارث فإن قتل الوارث مورِّثه اسقط حقه فى الميراث ,, والامثلة على ذلك كثيرة ,,, وتسلم ياصديق. *** نعود للمعارضة فالمعارضة كما قلنا ,, واقصد على مستوى القيادة: هى التى نريد ان نحاسبها ونقوِّمها قبل ان نحاسب الحكومة هى التى نريد ان نحملها على تحمُّل مسؤليتها بخطاب قومى وبرنامج متكامل يجعل الشعب يلتف حولها ,, ليس بلضرورة ان تملك الكثير من المال ,, فقط يجب ان يكون لهم رؤيا مشتركة تكون بديلاً ناجحاً يحفظ وحدة البلاد ويجنبها الفوضى والاقتتال فى مرحلة مابعد زوال هذا النظام. يجب ان تكون لها حكومة منفى متفق عليها تمنع الخلاف والاقتتال حول السلطة حين يأتون لتولى أمر الحكم ,, يجب ان يعرف كل فصيل موقعه ومسؤليته من الآن وان يحدث هذا فسيكون الفصيل الاقوى فى السلطة وتحدث الغيرة من الفصائل الاقل ميكانيكية فتخرج عن الصف لانها لم تلتزم ابتداءاً بالتراضى والتوافق ,, ونعود للمربع الاول. المعارضة هى السنون التى نأكل بها فإن تلفت تكون التغذية عن طريق مايقدِّمه لك النظام ولامفر من أكله على مرارته. كفانا مكابرة واصرار على ان المعارضة بخير فالذى لايعترف بعيوبه لايراها ومن لايرى عيوبه لايصلحها لأنه غير مقتنع بوجودها . ارجو أن اكون قداجبت على سؤالك...
Post: #30 Title: Re: هل الكيزان وحدهم هم الذين يصنعون الثورات � Author: عبدالله ود البوش Date: 11-08-2016, 06:54 PM Parent: #29
كلامك يا الفاضلابي الخاص بالمعارضة فيهو اجابة لشق مهم من سؤالي والذي لم تكن بالطبع اجابته بلا او نعم بل فذلكة تاريخية ومعطيات وعمل ونتائج واحد زائد واحد يساوي اتنين لابد من جلد الذات والمراجعة والتمحيص ثم الدخول بقوة لاقتلاع السلطة من ناس مكززين فيها بسنونهم وفي حسابتهم ليس تغيير نظام وحسب بل مسألة حياة او موت لو حصل تغيير فالدماء ستسيل وتملأ الشوارع المظاهرات الشعبية المتفرقة من المواطنين العزل لستخمد بالرصاص حسب مقولتهم الشهيرة SHOOT TO KILL وعليه لابد من معارضة فاعلة تاركة تقود الشعب لتغيير النظام
. . تحياتي يا صديقي ثم مشتاقين جدا
Post: #31 Title: Re: هل الكيزان وحدهم هم الذين يصنعون الثورات � Author: عبدالله ود البوش Date: 11-08-2016, 08:02 PM Parent: #30
Post: #32 Title: Re: هل الكيزان وحدهم هم الذين يصنعون الثورات � Author: عبدالله محمد أحمد Date: 11-09-2016, 05:44 AM Parent: #23
كلامك كويس الاخ عبدالله محمد احمد ولكن المحيرني وخلاني أسأل لماذا استكان هذا الشعب رغم الطنك والغبن الجواه وهو اكثر مما دعاهو لقيام الثورات السابقة . ود البوش تحياتي مجددا الشعب السوداني شعب متدين جدا قبل الانقاذ و لا يجادل كثيرا في الامور الدينية. لعبت الانقاذ على هذا الوتر الحساس، اذ ربطت جميع اعمالها و فعائلها باسم الدين، الامر الذي شوش على الكثير من السودانيين في الاختيار الصحيح. اضف الى ذلك ان الكيزان لم يجعل الله الرحمة في قلوبهم، فاستخدموا كل ادوات البطش و القتل و السحل في سبيل بقائهم في الحكم. و مع ذلك انا اومن ان دولة الظلم تحمل عناصر فنائها داخلها و لن تدوم. ولك كل الشكر و التقدير و صراحة موضوع بقاء الانقاذ كل هذه المدة رغم هذا الكم الهائل من الفساد يستحق المزيد من البحث.
Post: #33 Title: Re: هل الكيزان وحدهم هم الذين يصنعون الثورات � Author: عبدالله ود البوش Date: 11-09-2016, 06:33 AM Parent: #32
صراحة موضوع بقاء الانقاذ كل هذه المدة رغم هذا الكم الهائل من الفساد يستحق المزيد من البحث. -------------------------------------------------------------------------------------------------- هذه خلاصة البوست يا عبدالله فقد اختصرتها في هذا السطر . . حتى لو فريق كرة عائز تلعب معاهو عشان تنتصر لابد من دراسة حالته خليك من تنظيم زي الملاعين ديل . . نعم نحن مؤمنين بالاقدار والقضاء والقدر لكن لابد من ربط كل شئ بمسبباته يعني لا ننتظر السماء تمطر ثورة شكرا جزيلا عبدالله محمد احمد تحياتي
Post: #34 Title: Re: هل الكيزان وحدهم هم الذين يصنعون الثورات � Author: محمد مجيدو Date: 11-09-2016, 08:26 AM Parent: #1
ثوره يحركها الكيزان انفسهم لإزالة البشير والمؤتمر الوطني .. واعاده بث الروح في تنظيمهم بعيدا عن السلطة وإعادة تسويقه مره أخرى كحزب وطني مقاوم للعسكر
======== ود البوش . وضيوفك .. سلام ..
من الملاحظ ان اغلب فترات الحكومات السابقة كانت الحركة الاسلامية تقف في موقف المعارضة وكانت لها القدرة في تنظيم كوادرها وتفعيلها في خدمة هدفهم المنشود وهو الاستيلاء على السلطة حتى ولو بعد حين ( ولو بالقوة ).. ولا شك ان مشاركتهم في ثورة 64 و85 مع الاحزاب الاخرى كانت لها الاثر الكبير في انجاح تلك الثورات .. كما انهم حاولو الانقلاب على نميري سنة 1976 عندما قدموا من ليبيا بقوة عسكرية كبيرة بمساعدة معمر القذافي ( ما سمي بالمرتزقة ) الا انهم فشلو ... وبسبب ضعف الحكومة الديمقراطية الثالثة ( الصادق المهدي ) سنة 1989 استولوا على السلطة بكل بساطة .. ولو وجدوا اي مقاومة تذكر آنذاك لشاهدنا ارواح تزهق بالجملة ... ولا ننسى محاولة د. جبريل ابراهيم ( وهو من الحركة الاسلامية ) يوم السبت الاحمر من سنة 2008 غزو امدرمان للاستيلاء على السلطة .. الا انه لم يحسن التدبير وفشل ... الخلاصة .... ان الحركة الاسلامية او ما يسمى بالكيزان ... هم عناصر دموية ... لا تتوانى في سبيل تحقيق مصالحهم الذاتية ان تزهق ارواح بريئة .. وهذا بالنسبة لهم حق مشروع . انا اتفق مع الاخ وضاح ... بان الخلاص يكون منهم وفيهم .... ( اللهم اضرب الظالمين بالظالمين واخرجنا من بينهم سالمين غانمين ) والافضل ان يكون بانقلاب عسكري بارد يجنبنا اراقة الدماء بين ابناء الوطن .. واتمنى ان يكون ذلك قريبا ان شاء الله ..... الناس نجضت .... عاالم بطااالـــــــــــــــة
Post: #35 Title: Re: هل الكيزان وحدهم هم الذين يصنعون الثورات � Author: ابراهيم تون Date: 11-09-2016, 09:14 AM Parent: #34
ودالبووش الاسد النتر انا بديك النجيطة وغير الكلام ده تاني مافي نعم الكيزان وحدهم هم اللذين يصنعون الثورات هم اللذين يحركون الشارع العام والمدارس والمؤسسات وكل قطاعات الشعب السوداني جميع المظاهرات التي حصلت في ايام الانتفاضةوغير الانتفاضة كانت من الحركة الاسلامية لانهم كانو مجندين داخل المدارس والجامعات و المؤسسات وجميع القطاعات كانو طلاب حركة اسلامية طلاب مدارس الابتدائية والمتوسطة والثانوي كانو هم من يخرجو الي الشوارع بتحريك من الحركة الاسلامية حتي الجامعات وايضا عمال السكة حديد و النقل المكنيكي كان الدور المحرك لتحريك الشارع العام. هم عبارة تنظيم خفي وقوي يحركون جميع هذه المؤسسات . عندما تمكنو من الحكم قامو بتجيد طلاب المدارس من الابتدائية وحتي الثانوي عن طريق طلائع الجهاد وقيام المعسكرات وخدعهوهم باسم الدين والجهاد تمكنو من المدرسين تحت التنظيم وازكر انو كان في كل مدرسة مكتب خاص تابع لهم لاستقطاب الطلاب والانخراط في هذا التنظيم وياتي الطالب الي الجامعة مستوي ومنظم . قامو بتغير المناهج وتغير السلم الدراسي حتي اصبح طالب الثانوي يفتقد الي العلم والمعرفة الكاملة بشؤن الوطن عندما كان طالب الثانوي يحرك الشارع العام ومؤهل بعد الانتهاء من المرحلة الدراسية ان يعمل في ارقي المؤسسات وانظر الي طلبة الثانوي الان فرق شاسع من الامس . قامو بتحطيم النقل المكنيكي والسكة الحديد وهو المحرك الرئسي للشارع العام و اي مؤسسة مؤثرة في قيام الشعب تمكنو منها عشان كده بقولو ليك تمكنا . اما الجيش والشرطة فحدث ولا حرج ادخلو طلابهم المنظمين من المدارس الي هذه المؤسسات وتمرحلو فيها الي ان وصلو اعلي الرتب العسكرية لذالك تجد جميع المرافق العسكرية من قائد اول الي قائد عاشر منظم اسلامي ويتبع الي قرارات الحركة الاسلامية من المركز لذالك لا تجد انقلاب عسكري لانهم متمكنون في هذة المؤسسات اما الامن فهو القوة الضاربة لهم وجميع ضباطها وافرادها حركة اسلامية واهم من ده كلو كرهو الشعب السوداني في جميع الاحزاب واصبحت مكروها عند الشعب السوداني اسال اي واحد اقول ليك انا اطلع عشان منو والبجي احكم منو جميع الاحزاب الشايفنها دي فاشلة اخير لينا كده . عشان كده هم بقولو تمكنا (الزارعنا غير الله اللجي اقلعنا ) دي زراعة من امها
Post: #36 Title: Re: هل الكيزان وحدهم هم الذين يصنعون الثورات � Author: حمزه بابكر الكوبي Date: 11-09-2016, 04:23 PM Parent: #35
هههههههه ود البوش يا صديق كيفنك غايتو كتلتني بالضحك بكلمة كوزن دي ويعلم الله لي مدة طويلة من المنبر ده والليلة جيت قلت انشوف شنو في الدنيا بعد فوز ترامب لقيت بوستيك ده فتح نفس الزول للمنبر من جديد
غايتو احييك لانك جبت الرايحة وكلامك فعلا هو الشي الحاصل
