فرانكلي يخاطبنا نحن في دول المهجر وبالرغم من وجوده معنا في بلد الكفر والشرك والتي وفرت له المستحيل من العيش الكريم الذي افتقده في بلده المنكوب !!!
وجاء بهذا الطلب منا :! أخي وأختي في المهجر والإغتراب لا تكن أنانياً وتتمنى أن يهدم السوداني البيت على رأسه ورؤوس أولاده بينما تنعم أنت وأولادك بالصحة والتعليم والرفاهية والمسكن المقلم مع الطقس برداً وحراً لا تستغل سوداني الداخل ليحققوا لك رغباتك في دك السودان كما دت سوريا وليبيا وجنوب السودان والعراق والصومال كيف الحل؟ الحل في تغليب لغة الحوار والإحتجاج السلمي المطلبي البسيط لإصلاح الحال لا رفع السقف لإقتلاع النظام بالقوة وهو أمر مجرب أكثر من 27 سنة وبدعم قوى خارجية تفتك اليوم بسوريا والعراق الحوار الوطني آلية جد ناجعة أن نفذ مخرجاته لماذا لايذهب فرانكلي الي بلده ويشارك اهله المعاناة وضنك العيش هو واطفاله ويشارك في حوار المفسدين اعداء الشعب والوطن ؟ !!!!
يالها من قوة عين !
Post: #3 Title: Re: صورة لفرانكلي .. انتوا رأيكم شنو ؟ Author: سيف اليزل سعد عمر Date: 11-05-2016, 01:54 PM Parent: #2
اليوم السودانيين مهاجرين ونازحين زيهم وزي السوريين واحد... يعني الوقاحة وقوة العين دي من زول خارج وطنه .
وما تنسي توقيعه !!!!!!!!!!! احبك يا سودان شفت ليك زول كوز وموقع بحبك يا سودان بكون لاجئ ؟!
Post: #8 Title: Re: صورة لفرانكلي .. انتوا رأيكم شنو ؟ Author: سيف اليزل سعد عمر Date: 11-05-2016, 02:16 PM Parent: #6
منسوبي الإنقاذ عايزين يقتلوا وينهبوا ويسرقوا بإسم الامن السلام. لكنهم ما يخدعون الا أنفسهم وما يشعرون... عايزين يقولوا للمواطن نحنا حنزيدك ليك الاسعار... وندمر ليك الصحة ونقطع عنك الموية والكهربة... ونعوم ليك الدولار وانت استحمل..لانه الوضع ده احسن ليك من وضع السوريين والمصريين....
من الجهة الثانية ينهبون اموال المواطن ويستخدمونها لشراء السلاح الذي يقتلون به المواطن....
لا أدرى ماذا أقول .. هذه الصورة المؤلمة .. قد أججت النيران التى فى قلبى .. وبعمل مقارنة بسيطة عندما كنا فى السودان الحبيب .. وهذه الصورة .. لم أخل أن .. هذه تكون فى يوم ما فى السودان .. .. أذكر قد قمت بفتح بوست تحت اسم ..
"مأتم فى سرادق سوداننا القديم " .. و هذا مقطع من الكلمات .. التى كتبتها قبل عدة سنوات .. اقتباس " نعم نحن الآن أمام قضية عامة .. نحن الآن أمام قضية إجرامية.. واضحة المعالم .. يجب إلقاء الضوء عليها وعدم التعتيم عليها .. ونعم أخرى ، هذه مشكة الجيل الذى نعيش فيه .. بل وستكون أصلاً لمشاكل الأجيال القادمة .. مشكلة خطيرة لهدم وطن بكامله وأكمله وكماله .. ألا وهى ، مشكلة التعصب الدينى .. والذى ينضوى تحتها ما شاهدناه هنا .. من تهجم على دور العبادة ونهب الممتلكات والتدمير الشامل .. والتعدى على الأرواح البريئة .. هذا ناهيك عما سيجابهه هؤلاء الأطفال الأبرياء من عقد نفسية ستصاحبهم طوال حياتهم .. أطفال الملجأ .. الذين أصبحوا بلا ملجأ .. بالمناسبة .. سبق لى أن قمت بزيارة هذه الكنيسة التاريخية عدة مرات فى سبعينيات القرن المنصرم .. حيث كنت اصطحبت أبنائى الى هناك .. أيام لقاءآت نهضات تعليمية للأطفال ..
حرام عليكم أيها المعتدون .. أنتم بإسم الدين تنهبون أموال الغير .. تدمرون ممتلكات الغير .. تحرقون كتب الغير .. يا عالم .. البناء صعب جداً .. أما الهدم فسهل جداً .. ولاسيما الهدم الذى يتواطأ معه الجهاز الحكومى ..
يا عالم أفيقوا من غفلتكم .. هل تعتقدون بأن الله عز وجل راض عن فعلتكم هذه .. تشريد وتدمير وحرق .. الى متى يستمر هذا الظلم ..!! ولكن هناك عدالة عالية .. سامية .. هى عدالة السماء .. هى المنصف الوحيد .. والملجأ الوحيد " انتهى الإقتباس .. ولكن قد مرت السنون .. والحال على حاله .. بل أصبحنا .. من سيئ الى أسوأ .. ولكن .. يجب أن نرفع أيادينا الى الله ليرفع هذا الكرب .. ونطلب منه بالحاح .. أن يعطى حق المساكين والغلابة .. يا رب .. والى لقاء آخر .. الرب يبارك حياتكم .. أخوكم وعمكم العجوز .. ارنست +++
Post: #10 Title: Re: صورة لفرانكلي .. انتوا رأيكم شنو ؟ Author: موسى العجب Date: 11-05-2016, 02:59 PM Parent: #9
يا سلام عليك يا بت عمسيب جبتي محل جرحنا النازف ودمنا المهدور قربه من غير وكاي
عايز الناس تسكت على الالم عشان المجرمين فى موتنا لهم في الاستمرار المر أمل شفتي كيف تفكير الاجرام القاسي نموت نحنا وأظل الانقاذ واقفه على الجماجم لا حياء ولا خجل وبرضو يخاطب الناس يا لسذاجه التفكير الضحل
Post: #11 Title: Re: صورة لفرانكلي .. انتوا رأيكم شنو ؟ Author: منتصر صلاح Date: 11-05-2016, 03:29 PM Parent: #10
لاجئ وكوز .. معادلة مستحيلة وفرانكلي نموزج حي ( ضميرو ميت كالبقية ) . والـ بقولو ما تتحركو خلوكم كدة ساكتين واحمدو ربكم والا حتكونو زي السوريين والعراقيين والليبيين .. اقسم باننا اتعس من شعوب كل تلك الدول والـ عايز يتاكد يشوف ميناء جدة او مطار جدة ( باب شريف شارع الوكالات ) وقبلها مطار الخرطوم .... ( دة طبعا للـ ما عايز يشوف وينكر مجازر النظام في الداخل )
بت عمسيب تحاياي وضيوفك
Post: #12 Title: Re: صورة لفرانكلي .. انتوا رأيكم شنو ؟ Author: Mustafa Mahmoud Date: 11-05-2016, 03:44 PM Parent: #11
ولكن تبيّن أنهم ما أتوا لرأي ولا لحوار ولا لنقاش بل أتوا لأجندات أخرى
1-التجاهل 2- التجاهل 3- التجاهل
يجب فضح جميع الكيزان وبعض المندسين الجبناء.
أنه لمخجل جدا أن يدعي البعض الوطنية وهم يقفون مواقف المتفرجين
ومعا لكشف عصابة مافيا الانقاذ وجميع المأجورين
ولا نامت أعين الجبناء والعار للذين ينشرون أكاذيب الكيزان في هذا المنبر
لا أدرى ماذا أقول .. هذه الصورة المؤلمة .. .. هذه الصورة المؤلمة من صناعة هولاء النازيين الاسلامويين الذين فعلوا بأسم الدين ما اردوا من بشائع من غير حياء ولاخوف من الله حتي اوصولنا هذه المرحلة من بؤس . لعنة الله عليهم في الدارين . ونسأل الله ان يرينا فيهم قدرته عاجلآ غير اجلآ .
أستغرب جدا لمؤيدي النظام الذين يحذِّرون من خروج الشباب في مظاهرات حتى لا يتعرضوا للقتل ومواجهة الرصاص؟؟ لماذا أساسا تقوم السلطة بالرد على تظاهرات سلمية بالرصاص؟؟ هل هذه سلطة محترمة تستحق من هؤلاء المؤيدين أن يؤيدوها؟؟
أعجبتني قصيدة الشاعرة وئام كمال:
Post: #21 Title: Re: صور وفيديوهات للكوز اللاجئ ( فرانكلي ) انت� Author: Deng Date: 11-06-2016, 02:20 PM Parent: #20
منى عمسيب.
الكوز فرانكلي رجل كذاب وملفقاتي كبير.
أدعوا جميع أعضاء المنبر مقاطعة بوستاته وعدم التداخل معه، وأي زول عاوز يرد على أكذيبه فمن الممكن أن يفتح بوست لذلك.
شكرا لك وأن تتبعين وتفضحين الكيزان واذنابهم بالمنبر.
طبعآ فرانكلي حسب بساطة طرحه في البوستات بفتكر السودان فقط الخرطوم وامدرمان وبحري !!!!
يعني فرانكلي من بروز جمهورية العاصمة المثلثة..النوع القائل الجنوبيين اجانب عدو الفدرالية المستعرب صديق الانقاذ الجاهل طيب مش احسن ينصح الكيزان المنبتين في المركز ديل يقول ليهم فعلو اتفاقية نيفاشا ودستور2005ورجعو الاقاليم بتنتهي كل الحركات المسلحة في الهامش ويرجع السودان ..بس ناس المركز المزمن ديل تاني ما عايزنهم يعملو لينا وجع وش ومافي زول ينتخيهم عبر محكمة دستورية فاعلة عشان كده مكنكشين في سلطة دون هدف او رؤية او اتجاه اصلا كانو خدم لي الاخوان المسلمين المصريين ذى الكانو قبلهم من القوميين يعني ما عنده اي نفيلة او علاقة بالهويات السودانية السبعة بما في ذلك ديموقراطية ست منستر ..وهسة السيسي خاتيهم بي بسيرهم تحت جذمتو وفرانكلي يولول ساكت ما قادر يزحهم من مصر وما داير يرجع الجنوبيين وطيعا لانه محدود الذكاء الوسلية التعلمية التحت دي بتحل مشكلة السودان
وبعد الوسيلة التعلمية دي يا بت عمسيب..كان بطبط تاني كليمني اردمو ليك بي بندول اكسترا
جبتي محل جرحنا النازف ودمنا المهدور قربه من غير وكاي بعد الشر من الجروح يجرحوا هم الما بشبهوا البشر عدمي النخوة والانسانية . بس تعالوا كل فترة يا ود العجب وادهو علي راسو . انا في انتطاركم .
مشكور علي الكلام الموضوعي . لاجئ وكوز .. معادلة مستحيلة وفرانكلي نموزج حي ( ضميرو ميت كالبقية ) . والـ بقولو ما تتحركو خلوكم كدة ساكتين واحمدو ربكم والا حتكونو زي السوريين والعراقيين والليبيين .. اقسم باننا اتعس من شعوب كل تلك الدول والـ عايز يتاكد يشوف ميناء جدة او مطار جدة ( باب شريف شارع الوكالات ) وقبلها مطار الخرطوم .... ( دة طبعا للـ ما عايز يشوف وينكر مجازر النظام في الداخل ) لاجئ وكوز واضيف ( قوة العين ) ! الشئ البحيرني يا منتصر امثال فرانكلي العايش في دولة في منتهي الايجابية مع شعبها ومن كل النواحي لو كانت معيشية ولاحريات ولا حقوق ومتطلبات آخري . وفي نفس الوقت هو مؤمن بعكس الواقع الهو عايشو البتمثل في بلدو الهرب منها ! ومازال مؤمن بالحياة السلبية وبستميت بالدفاع عنها ومازال !!!!! حقيقة فرنكلي رجل يفترض يعرض نفسه لي دكتور امراض نفسية احتمال الحياة العايشه هناا عملت ليهو ( شوك ) في حياته ! لانه البعمل فيهو دا عمل انسان ما سوي !!!
