يا عمر دفع الله .. ياخي مافي مستوى أحسن من أدبخانات و.......؟

10:04 AM October, 31 2016

سودانيز اون لاين
محمد جلال عبدالله-فوق الأرض وتحت السماء
مكتبتى
رابط مختصر

السلام عليكم ورحمة الله وبركاته

http://up.top4top.net/

الواحد يغيب من المنبر ويجي يلقاك لا زلت في ضلالك القديم!

ياخي تكلمت وتكلم الكثير غيري من وجوب مراعاة الآداب العامة

التي يحث عليها الدين الحنيف وتراعيها الفطرة السليمة والعرف المتبع

دي أعراف يجمع عليها جميع الناس مسلمين وغيرهم .. إسلامي أو علماني ..

ما أعتقد في زول بيخالف في وجوب مراعاتها

واحترام مشاعر المشاهدين وظروفهم في ناس بيفتحو المنبر في بيوتهم ووسط أطفالهم وعائلاتهم

في ناس بفتحوا المنبر في أماكن عملهم وبحضور زملائهم من جنسيات مختلفة

فما ممكن أجي ألاقي زول قاعد في مقعد حمام ومتعري وواحد واقف ماسك ليهو الابريق!!

غايتو تاني معناتو الواحد لمن يجي يفتح منبر بكري ده .. يقوم يستعيذ بالله من الشيطان الرجيم

ويلتفت يمينا ويسارا ويعاين قدامه وخلفه ولو راكب مواصلات يعاين فوق للمشمعين

ولو في المكتب يضغط الماوس بي يدو الشمال ويقول: بسم الله اللهم إني أعوذ بك من الخبث ومن الخبائث

ويكون مغطي الشاشة ما أمكن وللا عامل ليها تصغير لحدي ما يتأكد إنو مافي صور (خليعة)

ومن ثم يتصفح المنبر عادي!!

ولما يطلع من المنبر يقول: الحمد لله الذي أذهب عني الأذى وعافاني!

بعدين ياخي كلمناك كم مرة إنو اسمك يحتوي على لفظ الجلالة ولذلك لا يصح الإساءة إليه

أو إظهاره في مواطن العفانة والنجاسات ..

هسي انت خاتي اسم الله تحت مرحاض البشير وتحت جزمته!!!

غايتو أنا بقترح عليك إن كنت لا بد فاعلا

تشيل اسم الجلالة من التوقيع وتغيره إلى (عمر دفعوه) أو (عمر دفعوا له)

Quote: بعدين ياخي كلمناك كم مرة إنو اسمك يحتوي على لفظ الجلالة ولذلك لا يصح الإساءة إليه أو إظهاره في مواطن العفانة والنجاسات .. هسي انت خاتي اسم الله تحت مرحاض البشير وتحت جزمته!!!

بالله هو دا سبب الدائرة الحمراء في ( الرسم)


هههههههههههههههههههه

والله حيرتونا

تشيل اسم الجلالة من التوقيع وتغيره إلى (عمر دفعوه) أو (عمر دفعوا له)

لما يطلع من المنبر يقول: الحمد لله الذي أذهب عني الأذى وعافاني!

طبعا الزول صاحب المخ الوسخ لن يرى في هذا الرسم سوى " الأدب خانة" !

وافتكر أن هدف الكركنير أصاب في مقتل.

أعتقد انو مشكلة الكركتير دا القاتلة يا محمد جلال، انو نظافة الآخر داخل الحمام مربوطة في كل الثقافات بمرض أو عجز ، والذي يقوم بهذه النظافة يعتبر شخص نبيل!!

لو رسم السنوسي يمسح في حذاء الجنرال لكان الكركتير فعلا أصاب في مقتل.

بعد

لا يا مستنير .. شيل الإبريق في الثقافة السودانية عندو دلالة مختلفة و تناسب فكرة الكاريكاتير تماما

ايوه يا ود البشرى
المستنير ما نقش الفكرة،
الفكرة كلها في (شيل الإبريق).

من عنصريات السودان الإعتقاد السائد أن
اسم الزغاوة جاء من زاغ، وأن جد الزغاوة (زاغ بإبريق النبي (ص))
فتأملوا

ننتظر رأي خبراء تانين

البوست ده كان فيه كلمة اخير منّها الكاركتير .. مشت وين
أحىىىىىى انا من عدل دى
مالكم عايزين تعقدونا .. شلنا الابريق لامن فترنا .. نخدم فى جدونا و اعمامنا و ابونا الله يرحمهم اجمعين
عموما كاركتير بقليل من التعديل بيكون خدم غرضو بى صورة اكبر

يمكن تماهياً مع مخرجات الحوار

ايوه يا جلدونا .. شلنا الابريق لابائنا واعمامنا واخوانا الكبار والضيوف.... بس لغسيل الايدي .. ما غسيل الكمونية

كاريكاتير مستهجن و غير موفق

كتب الأجنبي الشاويش دينق:

Quote: طبعا الزول صاحب المخ الوسخ لن يرى في هذا الرسم سوى " الأدب خانة" !

وطبعا القرمبع العايش في الأدبخانات وقاعد يقتات منها
ما حيشوف في الوساخة غير إنها حاجة كويس :) :)

كتب أبوبكر عباس

Quote: أعتقد انو مشكلة الكركتير دا القاتلة يا محمد جلال، انو نظافة الآخر داخل الحمام مربوطة في كل الثقافات بمرض أو عجز ، والذي يقوم بهذه النظافة يعتبر شخص نبيل!!

صحيح ... وبتظل حاجة مستورة وفي إطار الخصوصية
مافي زول قاعد يتصور صورة على سبيل الذكرى مثل وهو شايل الابريق وواقف قدام الحمام عشان يغسل لمريض أو عاجز

كتب محمد البشرى

Quote: لا يا مستنير .. شيل الإبريق في الثقافة السودانية عندو دلالة مختلفة و تناسب فكرة الكاريكاتير تماما

ثم أردف الصادق إسماعيل

Quote: ايوه يا ود البشرى المستنير ما نقش الفكرة، الفكرة كلها في (شيل الإبريق). من عنصريات السودان الإعتقاد السائد أن اسم الزغاوة جاء من زاغ، وأن جد الزغاوة (زاغ بإبريق النبي (ص)) فتأملوا

معلومة جديدة والله أول مرة أسمعها
لكن هل قصد عمر دفع الله ذلك؟

كتب جلالدونا

Quote: مالكم عايزين تعقدونا .. شلنا الابريق لامن فترنا .. نخدم فى جدونا و اعمامنا و ابونا الله يرحمهم اجمعين

مافي تعقيد ولا حاجة
عمل جميل ونبيل ولا غبار عليه
لكنه يبقى في إطاره العائلي والخصوصي
لكن تخيل كدي واحد رفع صورة في الفيسبوك مثلا وهو بغسل لوالده أو لزول عاجز!!
وهو حيلتقط صورة زي دي من الأساس؟
دي الفكرة!

كتب أيمن محمود

Quote: لما يطلع من المنبر يقول: الحمد لله الذي أذهب عني الأذى وعافاني!

يعني كلامي ده شايفو أبشع من الكاريكاتير مثلا؟
إذا كان الكاريكاتير مجازي فكلامي أيضا مجازي

Haytham Ghaly
هشام كمال عبادي
أحمد محمد عمر
Ashraf El Bagir

شكرا على المرور والتفاعل

أنت ياكوز لأنك أدبخانة، علشان كده ماشفت إلا الأدبخانة.

في أمر شيل الإبريق ... (طواقي و غيرها )في أمر شيل الإبريق ... (طواقي و غيرها )

يا أحمد عمر
المعنى الذي اراده بشرى والصادق انتفى بوجود الحمام

لو شايل ليهو الابريق وعمر جالس فوق تبروقة فوق جماجم
كان كسير التلج وقع لينا

الزول البتسمح ليهو يدخل عليك في الحمام غير

الإبريق يعملو بيه شنو وسط الجماجم ؟

هذا ليس فناً
بغض النظر عن ما يُقصد بهذا العمل
حقيقةً شي مُخجل ومُقزز
الكراكتير فن راقي
وليس بهذه التفاهة


وسامحونا على الصراحة

Quote: أنت ياكوز لأنك أدبخانة، علشان كده ماشفت إلا الأدبخانة.

وانت يا طرطور لأنك صرصور
وعايش ومتغذي من الأدبخانات وما فيها .. عشان كده شايف الموضوع عادي

الحبيب محمد جلال
عساك طيب وان شالله غيابك يكون في ميزان حسناتك بإذن الله .

انت ما كلموك
ما انا واخوي ود ابو إمتلكنا بوابة حوش بكرى دي بوضع اليد
اي والله شلناه ذندية عدييييييل والعندو كلام يكون مع بكرى ما معانا يالحبيب
وبيني وبينك الموضوع صعب تب غايتو يا تشيلوا بكرى من ادارة المنبر بتاعوا
يا تعملوا ليكم منبر براكم يا تستغفروا وتقولوا ( الله يولي من يصلح ) .

يا عيب الشوم عليك يا ابوحميد
خلاس نسيت المحبة البينا !
يشهد الله في غيابك اضنانا الالم وفقدنا للمنبر مذاق .

كان اقلها تسلم علينا وتسألنا من احوالنا
وانت زاتك الدّخلك بالباب شنو !
ما كان تتلب بالحيطة زي ما بيعمل ودالباوقة مرات ويعمل فيها رايح من باب الحوش .

يا حبيبنا ابوحميد
يا هو الحال في حالو والمنبر زي ما خليتو
ناس تشتم في الجلابة وناس تشتم في الغرّابة وناس تشتم في الفلاتة وناس تشتم في الحكومة وناس تشتم في المعارضة
والناس ياهُن الناس زاتن مافي زول جديد
ناس ودالصايم وودالباوقة وودالبشرى وود ام زقدا وود ام ( ...... )

ياخي لو جاي وروحك محرقاك ما تفشها في الحبايب وصدقنى
يا بوحميد انا عشان خاطر عيونك مثّلت فيها ضرير مع اني
شايف هناك امام الحرم المكي حايم في خلاوي اهلنا الصوفية
وكمان قالوا السعودية زاتا عايزا تعمل صيانة للقباب ومش كدا قالوا
منعت شيوخ السلفيين من التعرض لشيوخ الصوفية .
وانا عارف يا الحبيب انك بقول في سرك :
( الله ياجزي ايران الكانت السبب في دا كلو) .

اسمح لي يا ابوحميد ان اختم قولي ببيت المتنبئ :

ومن نَكَدِ الدّنْيا على الحُرّ أنْ يَرَى عَدُوّاً لَهُ ما من صَداقَتِهِ بُدُّ

أذُمّ إلى هذا الزّمانِ أُهَيْلَهُ فأعْلَمُهُمْ فَدْمٌ وأحزَمُهمْ وَغْدُ
وأكرَمُهُمْ كَلْبٌ وأبصرُهُمْ عمٍ وأسهَدُهُمْ فَهدٌ وأشجَعُهم قِرْدُ
ومن نَكَدِ الدّنْيا على الحُرّ أنْ يَرَى عَدُوّاً لَهُ ما من صَداقَتِهِ بُدُّ


دمت يا ابوحميد وما يغشاك شر ...... يا دينق اختشي !

حمل الإبرىق يماثل في حالتنا هذه = مسح الجوخ وحرق البخور والتطبيل !
وحمل الإبريق لحاكم طاغية في المرحاض ـ يؤكد مدي تذلل وتردي حامل الإبريق وحارق البخور!
إنه يتبع ولي نعمته ويتمسح به حتي في المرحاض !
* فرق شاسع بين حمل الإبريق لإعانة عاجز ومريض وبين حمله تملقا وتذللا لطاغية يهيمن علي
السلطة والثروة !

Quote: الحبيب محمد جلال عساك طيب وان شالله غيابك يكون في ميزان حسناتك بإذن الله . انت ما كلموك ما انا واخوي ود ابو إمتلكنا بوابة حوش بكرى دي بوضع اليد اي والله شلناه ذندية عدييييييل والعندو كلام يكون مع بكرى ما معانا يالحبيب وبيني وبينك الموضوع صعب تب غايتو يا تشيلوا بكرى من ادارة المنبر بتاعوا يا تعملوا ليكم منبر براكم يا تستغفروا وتقولوا ( الله يولي من يصلح ) . يا عيب الشوم عليك يا ابوحميد خلاس نسيت المحبة البينا ! يشهد الله في غيابك اضنانا الالم وفقدنا للمنبر مذاق . كان اقلها تسلم علينا وتسألنا من احوالنا وانت زاتك الدّخلك بالباب شنو ! ما كان تتلب بالحيطة زي ما بيعمل ودالباوقة مرات ويعمل فيها رايح من باب الحوش . يا حبيبنا ابوحميد يا هو الحال في حالو والمنبر زي ما خليتو ناس تشتم في الجلابة وناس تشتم في الغرّابة وناس تشتم في الفلاتة وناس تشتم في الحكومة وناس تشتم في المعارضة والناس ياهُن الناس زاتن مافي زول جديد ناس ودالصايم وودالباوقة وودالبشرى وود ام زقدا وود ام ( ...... ) ياخي لو جاي وروحك محرقاك ما تفشها في الحبايب وصدقنى يا بوحميد انا عشان خاطر عيونك مثّلت فيها ضرير مع اني شايف هناك امام الحرم المكي حايم في خلاوي اهلنا الصوفية وكمان قالوا السعودية زاتا عايزا تعمل صيانة للقباب ومش كدا قالوا منعت شيوخ السلفيين من التعرض لشيوخ الصوفية . وانا عارف يا الحبيب انك بقول في سرك : ( الله ياجزي ايران الكانت السبب في دا كلو) . اسمح لي يا ابوحميد ان اختم قولي ببيت المتنبئ : ومن نَكَدِ الدّنْيا على الحُرّ أنْ يَرَى عَدُوّاً لَهُ ما من صَداقَتِهِ بُدُّ أذُمّ إلى هذا الزّمانِ أُهَيْلَهُ فأعْلَمُهُمْ فَدْمٌ وأحزَمُهمْ وَغْدُ وأكرَمُهُمْ كَلْبٌ وأبصرُهُمْ عمٍ وأسهَدُهُمْ فَهدٌ وأشجَعُهم قِرْدُ ومن نَكَدِ الدّنْيا على الحُرّ أنْ يَرَى عَدُوّاً لَهُ ما من صَداقَتِهِ بُدُّ دمت يا ابوحميد وما يغشاك شر ...... يا دينق اختشي !

إنت زعلت يا فنان؟؟
لا والله ما روحي محرقاني ولا شي .. بس بالجد الكاريكاتير (قرفني) واعذرني على الكلمة
ما سلمت ما قصدي عدم السلام لكن لو كنت جيت في بوست كنت انت فاتحو كنت بسلم!
إن شاء الله بس الكـلـب والقرد ديل ما أكون فيهم أنا :)

أذُمّ إلى هذا الزّمانِ أُهَيْلَهُ فأعْلَمُهُمْ فَدْمٌ وأحزَمُهمْ وَغْدُ
وأكرَمُهُمْ كَلْبٌ وأبصرُهُمْ عمٍ وأسهَدُهُمْ فَهدٌ وأشجَعُهم قِرْدُ
ومن نَكَدِ الدّنْيا على الحُرّ أنْ يَرَى عَدُوّاً لَهُ ما من صَداقَتِهِ بُدُّ

الحبيب ابوحميد
الله يسامحك
برضو تاني فهمتنى غلط
وانا كنت قايلك بتفهما طايرا

يا ابوحميد انا اوردت اشعار المتنبئ
بمناسبة المصالحة - القسرية - بين اهلنا المتصوفة والجماعة السلفية
بوساطة سعودية وقد اوردتها على سبيل المشاغلة والممازحة
اما اذا اوردتها مع غيرك - مثلا مع عماد حسين - ستكون من باب الشماتة _ .... شفت معزتك عندنا كيف !

ﺃﺧﻮﻙ ﻳﺎ ابوحميد ﺃﺧﻮﻙ ﻭﻛﺖ ﺍﻟﺨﻴﻮﻝ ﺑﺪﺑﻜﻦ
ﺃﺧﻮﻙ ﻳﺎ ابوحميد ﺃﺧﻮﻙ ﻭﻛﺖ ﺍﻟﺮﻣﺎﺡ ﻳﺘﺸﺒﻜﻦ
ﺃﺧﻮﻙ ﺟﺒﻞ ﺍﻟﺜﺒﺎﺕ ﻭﻛﺖ ﺍﻟﻘﻮﺍﺳﻲ ﺑﺤﺒﻜﻦ................... دمت بخير ولا تنسى كلماتك الى دينق ستكون في ميزان ذنوبك ....اللهم فأشهد ...

الكاريكاتير بيوصل الفكرة تماماً .. لحامل الابريــق..
لكن مع وجود المتغوط في حمام افرنجي حديث بسايفون يبقى الابريـق كان يكون كلينيكز ..:)
الابريق بيشيلوهو ناس الادبخانات والمُستراح - الدلع حمامات بلدية- حيث تحتك حُفرة وفوق منك السماء وحواليك الجنادب وابو الجعرانات وحامل الابريـق رافع ضُروة الباب كان خيشة او ملاية ومادي يدو بالابريـق ويتكشم :) :)

عموماً الاحلى من الكاريكاتير قصة سماح السلفية بتعمير القباب دي وإخراج طائفة الصوفيـة من زمرة الفرق الهالكة

ايران السوتو ما شوية
واحد سعودي معلق قال اصبحنا في زمن انفض من حولنا الأقوياء وضعفت تالفاتنا مع دول المركز واصبحنا نتحالف مع الضعفاء وندفع لهم لشراء أصواتهم..
هذا زمن عجيب !

اتنين من اصحابنا لونهم اخدر شديد مشو القاهرة فسحة
وهناك حبو يتصوروا في استديو صورة تذكارية
الصورة طلعت داكنة وباهتة وما عجبتهم فقالوا للمصور ياخي عيد الصورة دي لانها باهتة
فالمصري عاين ليهم وقال ليهم : انتو كدا ... أعمل ليكو إيه؟
هههه
فالمستوى دا مستوى البشير والسنوسي ... ود دفع الله يعمل لكو ايه

ود جلال يا سلفتوتي يا تقدمي ...
امانة في رقبتك هسي وسخ الكيزان دا اجمل بيئة تعبر عنو غير المراحيض في .
------
ومع ذلك وجهة نظرك تحترم بس ما تعصر على ود دفع الله يعني يجيب ليهم لوكيشن محترم من وين ..من دقنو وافتلو ...

ما حلو الكاركتير ده ..

الكوز اللعين محمد جلال يرى في الرسم الكاركتيري "أدبخانة" ولكن ه لا يرى حمامات الدم والقتل الذي تقوم به حكومته المجرمة.
هذا هي معايير وأخلاق الكيزان الحقيقية.