يا جماعة كدى تعالوا نعترف بى دولة وسط السودان

03:48 AM October, 31 2016

سودانيز اون لاين
أيمن نواى على-USA
مكتبتى
رابط مختصر

ختوا الرحمن فى قلبكم بدل الحروبات فى الفاغة والمليان ........ تعالوا نعترف بى دولة وسط السودان من دارفور الى النيل الازرق ...... بى كدى نكون ارتحنا من الحرب ولا رايكم شنو ؟

اصلو شمال بالسودان ما فيهو حرب .......ونتمنى أن شاء الله ما يصلو الحرب ...... المناطق الفيها حرب مفروض تكون دولة قائمة بى ذاتها ....... عشان الحجة تنتهى بين المركز والهامش والناس تعيش فى سبات ونبات.

ناس الجزيرة ممكن نعمل ليهم مشورة شعبية ...... يمكن أن ينضموا لى شمال السودان او وسط السودان ...... نعطيهم حق الخيار الكامل ...... وبذلك تكون مشكلة السودان اتحلت.

اما الخرطوم بالعاصمة هى معروف سلفا تتبع اداريا للشمال و هذا ليس فيه جدال ....... ويمكن أن تكون بالعاصمة المثلثة منطقة تكامل سودانى وتعبيرا عن الوفاء السودان القديم قبل التقسيم ........ حتى تكون هناك اشواق ونقطة الالتقاء بالاشقاء السودانيين مع بعضهم البعض واعادة الذكريات الجميله.

اما السودان الشمال النوبى هى ممالك قديمة انفصلت من بعضها البعض ...... بى تكاملها مع بعضها البعض يتيح لهم اعادة الاندماج فى ثقافة واحدة ......اما ما تبقى من الشمال نعترف بها دولة شمال السودان ...... وبذلك يكون لنا ثلاث دول ..... دولة شمال السودان وعاصمتها عطبرة......ودول وسط السودان وعاصمتها الابيض..... ودولة جنوب السودان عاصمتها جوبا........ الاعتراف بالدولة الوليدة وسط السودان ....قد يقف تقسيم بالسودان الى ثلاث دول .... اذا قسمنا السودان بى ارادتنا.......اما التقسيم من الخارج قد يكون الى خمس دول ومجبورين بان نقبل ......لذلك بى يدى ولا بيد عمر.

الاعتراف بالمشكلة هو مفتاح الحل ....... والنقاش المستفيض يقود الى اختصار الزمن ثم الخروج بى قرار صائب مريح على الجميع ....... كل الطرق الان تؤدى الى انفصال السودان الى دويلات صغيرة بدل ضياع الزمن فى اللت والعجن واخيرا نصل الى نفس النتيجة حقو نكسب الزمن ......دا من رائ انا ......انتو رايكم شنو ؟

السكوت الجماعى.....يعنى علامة الرضاء ...... السكوت فى منبر النقاش يعنى موافقة الجميع ....... ومن هنا نشكر الجميع لى تايد الاقتراح الذى صادف هوى الجميع ...... ونؤكد لكم سوف يلقى هذا الاقتراح نجاح منقطع النظير ......حتى من اعداء السودان الذين يتربصون به لى تقسيمه الى خمس دول ...... وبى هذا المشروع يعتبر ضربة استباقيه الاعداء ........ وعاش السودان حرا ابيا الى ثلاث دول.

من عجائب ما لاقيته من زمنى ....... اعتراف ضمنى من الحكومة بى دولة وسط السودان ....... اصحى يا بريش ...... الحكومة تسمح بى مرور الاغاثة داخليا عبر السودان....... اصلو كل الاغاثة سوف تاتى من خارج السودان ......تمرر بى عدة دول ثم تصل السودان ...... الحكومة لا اعتراض لها ..... الى هنا نحنا كويسين ...... انتبهوا لكن تاتى الاغاثة من الخارج حتى الحبشة مكان تكريم الريس مافيش مشكلة للعلاقة بين السودان والحبشة سمن على عسل....... لكن الاعتراض أن تمر الاغاثة عبر دولة وسط السودان الدولة الوليدة مكان اعتراض حكومة السودان.

يا ايمن
سلام
الجنوب انفصل هل نعم المواطن الجنوبي بالسلام ؟؟؟
نحن السودانيين دا قدرنا والله لو فصلنا اي مدينة وجعلناها دولة مستقلة لاندلعت الحروب بين سكانها
في من يحكم . لو نحن بنتوحد كانت توحدت حركات دارفور لان الشيء الذي يجمعهم اكبر ومع ذلك
كل خمسين شخص عملو حركة براهم . عشان ناسس كبقية دول العالم المتحضرة منذ الان مفترض
نزرع في الاجيال القادمة مصالح الوطن اولي من مصالحة الفرد واحترام الدستور ولا كبير فوق
القانون وووووو وينقرض الجيل الحالي احتمال يعم السلام ويعيش الناس في وئام .

سلام يا الباهى
كتلوك ولا جوك جوك ..... السودان مهدد بالانقسام ...... كما تفضلت حتى حركات دارفور ما يوحدهم اكبر من ما يفرقهم ولكنهم يؤثرون الفرقة والشتات والتشظئ على التوحد ..... تسموا روح الفردانية على الجماعة....... والقبلية على الحزبية..... والحزبية على الوطن...... مؤشر دالة الخراب فى تصاعد ..... انجو سعد قد هلك سعيد ........هذه هى حال البلد الكل يشاهد الدمار والخراب فى كل بقعة من لم يقتل بالحرب يقتل بالمرض ومن ينجو من الحرب والمرض يحاصره غلاء المعيشة.......انه عزف جنائزي مصاحب لى غرق سفينة تايتنك السودانيه المبحرة لأرض للاحلام الانقاذية