Post: #1 Title: أغنية سودانية تحقق انتشار خرافي ونشطاءيقولون أنها تحتوي كلمات واشارات جنسية فاضحة Author: زهير عثمان حمد Date: 10-30-2016, 04:04 PM Parent: #0
الداقوي باتت من أشهر أغاني الفنانة السودانية فهيمة عبد الله وحققت ملايين المشاهدات على مواقع الإنترنت بالإضافة لتحميلها على أجهزة الهواتف، وأشاد العديد من رواد التواصل الإجتماعي بجمال وعذوبة الأغنية ويتساءل الكثير منهم عن معني كلمة الداقوي، ,أتت إجابات الرواد عن كلمة الداقوي وقالوا أنها تعني صغير الصيد (غزال أو أرنب). إلا أن بعض رواد التواصل إنتقدوا أغنية الداقوي لفهيمة عبد الله بحسب رصد ريم منصور محررة المنوعات بموقع النيلين وقالوا أن كلمات الأغنية بها تلميحات جنسية خصوصاُ عبارة (نخت الكي محل الوجعة يا الداقوي) وأضافوا أن حركة أيادي وأصابع فهيمة في الدقيقة (1:55)في الفيديو المرفق كشفت التورية في الشعر للفعل المقصود. ريم منصور محررة المنوعات بموقع النيلين شاهدت الفيديو المرفق وكتبت نص الأغنية “الرجاء إذا كان هنالك خطأ تصحيح الأبيات عبر التعليقات” . عاد لمتين مباري الصية يا الداقوي، أرجع ليا حليل الفرة بالعصرية يا الداقوي متين نتلاقى جهة الليا يا الداقوي تمرح بالواطة المروية غنى الشوق تعزف ليا يا الداقوي الليل،، أرح بالخلاء دا نأخد نجعة يا الداقوي ننم ونقوقي ساعة الرجعة يا الداقوي نطرب في الدماس والهجعة، نخت الكي محل الوجعة يا الداقوي ،أرجع لي تعال السدرة ضوق خدرنا يا الداقوي مع النسام يهاتف زيرنا يا الداقوي يميل فوقي ويغرد طيرنا ما يهمك كلام الغيرنا يا الداقوي ارح نمرح نشق بالتيهة يا الداقوي شتيلة الريد تعال نرويها يا الداقوي هادي الدنيا شين فيها نقضي أيامنا ريدة وجيهة يا الداقوي وعاد لمتين مباري الصية يا الداقوي، أرجع ليا عاد لمتين مباري الفية يا الداقوي، أرجع ليا
Post: #2 Title: Re: أغنية سودانية تحقق انتشار خرافي ونشطاءيق� Author: مني عمسيب Date: 10-30-2016, 04:23 PM Parent: #1
زوزو صديقي النقي ..سلامآ سلاما .
الداقوي احتمال التانية بـ ( غ ) يعني الداغوي موش ؟
Post: #3 Title: Re: أغنية سودانية تحقق انتشار خرافي ونشطاءيق� Author: زهير عثمان حمد Date: 10-30-2016, 04:24 PM Parent: #2
تحياتي مني أمكن عشان البوست ما يمشي الخوار
Post: #4 Title: Re: أغنية سودانية تحقق انتشار خرافي ونشطاءيق� Author: جمال ود القوز Date: 10-30-2016, 08:00 PM Parent: #3
Quote:
وأضافوا أن حركة أيادي وأصابع فهيمة في الدقيقة (1:55)في الفيديو المرفق كشفت التورية في الشعر للفعل المقصود.
والفعل المقصود ده ياتو .. يا أبو الزهره .. هسه اشارة يدينها ديل ما مكان خت الكية للايرقان .. بيكون في نفس المكان الاشارت ليهو فهيمة ده ..
الناس ديل مالهم بقوا حمتانين كده ....
اغنية شعبية لحنها جميل وبالطمبور بقت أحلى .. وصوت فهيمة الحزين زادها جمالا .. مافي داعي لي حكاية ايحاءات جنسية دي .. لاني والله ماشفتها ..
Post: #5 Title: Re: أغنية سودانية تحقق انتشار خرافي ونشطاءيق� Author: مني عمسيب Date: 10-31-2016, 12:01 PM Parent: #4
ود القوز حبيبنا الحقاني ..
موش كدا بلاي يا قوزنا ؟ اغنية شعبية لحنها جميل وبالطمبور بقت أحلى .. وصوت فهيمة الحزين زادها جمالا .. مافي داعي لي حكاية ايحاءات جنسية دي .. لاني والله ماشفتها .. ليه يا ربي نحن بقينا كدا ؟ واين ذهب تعافي النفوس مننا ؟ غايتو وصلنا مرحلة اصعب من العملات الصعبة عندنا هههههه .
ود القوز والله مشتاقوون .
Post: #6 Title: Re: أغنية سودانية تحقق انتشار خرافي ونشطاءيق� Author: جمال ود القوز Date: 10-31-2016, 12:06 PM Parent: #5
تسلمي أختي العزيزة .. بنت عمسيب .. الله يصلح حالنا جميعاً ..
Post: #7 Title: Re: أغنية سودانية تحقق انتشار خرافي ونشطاءيق� Author: سيف اليزل سعد عمر Date: 10-31-2016, 02:53 PM Parent: #6
سلام يا زهير ومنى وجمال
أيواااا أنا يا دااب كده فهمت الحاصل شنو...
في منتصف يوليو كان عندي بوست لو تذّكر عن أجمل وأفضل الفنانات.
فهيمة دي، ولدهشتي، أخدت المركز الثالث والسبب الإغنية دي بالذات. قُدر ما حاولت أطلعها من التصنيف غلبنى.
قلبي أكلنى علي التلمحيات المذكورة في الإغنية لكن ده خيار المستمعين والذي يشبه خيار المتابعين للبوست ده... نلفت نظر المتابعين لقصيدة تشبه إغنية الداقوي دي بعنوان حنين للشاعرة رهام
Post: #8 Title: Re: أغنية سودانية تحقق انتشار خرافي ونشطاءيق� Author: Mustafa Mahmoud Date: 10-31-2016, 03:04 PM Parent: #7
Post: #9 Title: Re: أغنية سودانية تحقق انتشار خرافي ونشطاءيق� Author: عمر أبوعاقلة Date: 10-31-2016, 04:13 PM Parent: #1
أبو الزوز وصحبه الميامين
الناس بقت متحسسسة ساي يا قولكم الأغنية جميلة .. اللحن رهيف .. والسلكاية (الطنبور) لها أثر عجيب في النفس والباقي كملتو فهيمة بي صوتها الحنين
كسرة: اليد مفتوحة الأصابع ياخ .. في الحالة دي الكي هو حق اليرقان
كسرة ثانية: الداقوي .. في معجم البطانة هو صغير الأرنب (المصدر عمنا قوقل)
مودتي
Post: #10 Title: Re: أغنية سودانية تحقق انتشار خرافي ونشطاءيق� Author: عبدالله ود البوش Date: 10-31-2016, 06:09 PM
المثقفين ديل لذيذين خلاص الحاجة ظاهرة قدامن يلفوا ويدوروا ويجوها بالقلبة اسع امانة تعرس ليكم في السنة الشينة دي الغناء دا كلوووو عشان شنو ؟ موش عشان الحب والذي يؤدي للعرس ؟ وطيب البت دي بت بالغ
Post: #11 Title: Re: أغنية سودانية تحقق انتشار خرافي ونشطاءيق� Author: عبدالله ود البوش Date: 10-31-2016, 06:43 PM Parent: #10
سلام يا ابوالزوز
Post: #12 Title: Re: أغنية سودانية تحقق انتشار خرافي ونشطاءيق� Author: مني عمسيب Date: 11-02-2016, 09:19 AM Parent: #11
التحية للجميع ..ويا النمشي ود البوش !
اسع امانة تعرس ليكم في السنة الشينة دي الغناء دا كلوووو عشان شنو ؟ موش عشان الحب والذي يؤدي للعرس ؟ وطيب اسه في ذمة ريدك دي علاقة كلامك دا بالموضوع دا شنو ؟ نحن جينا هنا عشان نحجز الاغنية من سوء الفهم هههههههه من الناس الفهموها غلط ولو هم بفهوا كلامك دا ما كان قالوا عن الاغنية الجميلة دي كدا !!!!!
ولكم وافر الشكر ,,
Post: #13 Title: Re: أغنية سودانية تحقق انتشار خرافي ونشطاءيق� Author: جمال ود القوز Date: 11-04-2016, 04:01 PM Parent: #12
يا ود البوش ما صعبتها علينا يأخ .. ههههههه ... قالوا يهدوها من شراب المريسة تشد العرقي ..
لكن السواق ده زول فنان خالص خالص .. وآخر انسجام مع الداقوي .. ده بيذكرني بي لواري بلدنا ( في ذاك الشمال القصي ) لمن تجي شاقه الحلة .. عايزه تنزل زول او مواصله في طريقها ..كل سواق وعنده بوري معروف .. من يدق بوريهو ومن بره البلد بيقولوا ليك ده باص فلان جاء من الخرطوم .. ولو عايز ينزل زول في الحلة اللوري بيدق بوري بطريقة معينة .. عشان الناس تعرف .. أها انت بتكون وقتئذ متلزّم وممتشق بسطونتك عشان تعرض مع أنغام البواري .. وطبعاً اللواري بجن داخلات ورا بعض ففاصل الرقص بيكون متواصل بينه فواصل .. تاخد فيها نفسك وتنجم شويه ولو اللوري داير ينزل زول في الحلة البوري بيكون شغال على طول .. وجموع العارضين ملتفه حوله والسواق مابيقدر يوقف ضرب البوري .. والا لاعترضت جموع العارضين وبشده .. وخصمت من أسهم معجبيه .. ههههه .. أها كان فاتتك حفلة العرضة الفي الهواء الطلق دي .. دي وماقدرت تمرق الشارع بتقوم تعرض جوه حوشكم .. وطبعاً الناس المسطحين فوق ضهر اللوري بيكونوا متابعين عرضتكـ دي .. زمن يأخ ..... هسه السياحي عنده بوري لكن والله ولا سمح زي حق النيسان داكـ .. بعدين زيادة في روعة الصورة دي .. الناس المسطحين بيكونوا مكندكين تراب ونخرينهم ملانات فرناغة .. ههههه ..
Post: #14 Title: Re: أغنية سودانية تحقق انتشار خرافي ونشطاءيق� Author: جمال ود القوز Date: 11-04-2016, 04:31 PM Parent: #13
إنه بوست جدير بالاحتفاء يا زهير والله .. رغم الإيحاءات الجنسية وكده .. أو كما قال ود البوش .. وتييب .. ههههههه
Post: #15 Title: Re: أغنية سودانية تحقق انتشار خرافي ونشطاءيق� Author: جمال ود القوز Date: 11-04-2016, 04:38 PM Parent: #14
. يا أبو الزهره ..
..